Fantasy The Super Boy

[The Rock Aditya]

Update 48
Posted friends​

 

[Romio1980]

Jabardast update bro

 

[ashish_1982_in]

Update 48
Mukharji Pariwar ka sadyantra​

Jab ananya aur Mukesh Mumbai me sthit apne helipad par land kiya to unhone dekha ki unko waha recieve karne ke liye Sanjeet mukharji aaya huya hai jab Mukesh ne waha par Sanjeet ko dekha to uske chehre par ek banavati muskan aa gayi lekin Ananya ke chehre par usko dekh kar koi bhav hi nahi aaya wo bas apne chehre par udasita ke bhav se use dekh rahi thi idhar jab Sanjeet ne mukesh ko dekha to uske chehre par ek muskan aa gayi lekin jaise hi uski najar ananya par padi to wo ananya ke sundarta me kho gaya aur uske chehra puri tarah se ananya ke prati hawas se bhar gayi wo ananya ko hawas bhari najro se dekhne laga.

Jab ananya ne dekha ki Sanjeet usko hawas bhari najro se dekh raha hai to use bahut gusa aaya aur guse se uski muthi band ho gayi lekin fir wo khud ko sambhalte huye uspar se apna dhyan hata kar aage badh gayi idhar Sanjeet Mukesh ke pass gaya aur usse apna hath milaye huye bola.

Sanjeet- Hallo Mr. Mukesh apka mumbai se swagat hai oops maine to apna parichay apko diya hi nahi mai hu Sanjeet mukharji mukharji pariwar ka waris.

Sanjeet ke bat sun kar Mukesh usse apna hath milaye huye bolta hai.

Mekesh- Are Sanjeet jee apko apna parichay dene ko jarurat nahi hai kyuki apko yaha kon nahi janta hai.

Mukesh ke bat sun kar Sanjeet ke chehre par ghamand aa gaya fir wo mukesh ko ignore karte huye ananya ke pass pahucha aur anaya se hath milane ke liye apna hath aage kiya jise dekh kar ananya ke bhave sikud gayi is liye wo use ignore kar ke aage badh gaya jab Sanjeet ne dekha ki ananya usko ignore kar ke aage badh gayi hai to usko bahut beijjati mahsus huya aur usko ananya par bahut gusa aaya lekin wo kisi tarah se apna gusa control kar ke ananya ko dekhne laga aur man hi man socha.

Sanjeet- (man me ) Tumne mujhe ignore kar ke achha nahi kiya ab to mai kisi bhi tarah se tumhe apne bistar par la kar hi rahunga fir mai dekhunga ki tumhe apne sundarta par kitna ghamand hai.

idhar jab Mukesh ne dekha ki ananya Sanjeet ko ignore kar ke aage badh gayi hai aur iske karan Sanjeet ko gusa aa raha hai to wo bat ko badalte huye Sanjeet se bola.

Mukesh- Waise Mr. Sanjeet aap yaha kya kar rahe hai.

Mukesh ke bat sun kar Sanjeet ananya par se apna dhyan hatata hai aur muskurate huye mukesh se bolta hai.

Sanjeet- Mujhe yaha par mere dad jee ne bheja hai aur mai yaha aap dono ko recieve karne ke liye aaya hu darasal mere dada jee chahte hai ki aap dono ka yaha jitne samay tak rukna hai utna samay aap hamare mehman ban kar hamare villa me ruke.

Sanjeet ke bat sun kar Mukesh usko kuchh jabab deta usse pahle hi ananya bol padi.

Ananya- Apke is upkar ke liye sukriya lekin hamara yaha par apna hotal hai aur ham usi hotal me rukenge.

Ananya ke muh se ye shabd sun kar Sanjeet hairan ho gaya aur usko bahut tez gusa aane laga kyuki aaj tak koi bhi aisa byakti nahi tha jo usko na kah sake lekin Ananya bar bar usko beijati kar rahi thi.

Sanjeet- (apne aap se) control Sanjeet control agar tum gusa karoge to bat banane se pahle hi bigad jayegi.

Fir wo apne guse ko control Kiya aur khud ko normal karte huye ananya se bola.

Sanjeet- Agar aap hamare sath hamare me billa me nahi chalna chahti hai to koi bat nahi lekin aap aaj ka dinner to hamare sath kar hi sakte hai.

Sanjeet ke bat sun kar is bar Mukesh usse bola.

Mukesh- Sorry mr. Sanjeet ham aaj bahut thake huye hai is liye aaj ham apke sath dinner nahi karenge lekin mai apse wada karta hu ki kal ke dinner ham dono apke sath hi karenge.

Mukesh bat ko sun kar Sanjeet ko bura to laga lekin fir wo kal ke dinner ke bare me sun kar khus ho gaya aur apne man me bola.

Sanjeet- (apne man me) chalo koi bat nahi mai tumhe pane ke liye aur tumhara ghamand todne ke liye ek din aur ruk jaunga lekin mai tumse wada karta huya ananya ki kal ke din ko tum kabhi bhi nahi bhul paogi.

Sanjeet- Thik hai fir aap dono apne hotal ke liye nikaliye mai bhi apne ghar ja raha hu mujhe kuchh important kam hai.

Mukesh- Thik hai.

Mukesh ke bat sun kar Sanjeet waha se nikal jata hai Sanjeet ko waha se jane ke bad ananya rahat ke sans leti hai tabhi use mukesh ke guse se bhare huye awaj use sunayi deta hai.

Mukesh- Akhir tumhe ho kya gaya hai ananya tum Sanjeet se is tarah se bat kyu kar rahi thi tum janti ho na ki dad tumse kya bole the.

Ananya- Ha mai janti hu ki dad mujhse kya bole the lekin aap Sanjeet ke bare me nahi jante wo kitna ghatiya adami hai aur aap nhi jante hai ki wo abhi mujhe kish ghatiya najar se dekh raha tha mera to man kar raha tha ki mai use jan se mar du lekin mai dad ke chalte hi use chhod diya aur ha kal dinner ke liye apko Jana hoga to aap akele hi jaiyega mai nahi jane wali samjhe.

Itna bol kar ananya waha par lagi huyi ek car me ja kar baith gayi aur uske driver ko hotal chalne ke liye bol di ananya ke bat sun kar us car ke driver ne apna gardan ha me hilaya aur car start kar ke waha se chal diya idhar Mukesh bas ananya ko jate huye dekhte raha gaya.

Car thodi der bad Suryavanshi prime deluxe hotal ke pass ruka he hotal suryavanshi pariwar ka hi tha aur is hotal me 2 deluxe room hamesha suryavanshi pariwar ke liye book rahta tha is liye ananya car se nikali aur sidha hotal ke andar deluxe room me chali gayi aur ja kar sidha bed par gir gayi kuchh der tak waise hi bed par pade rahne ke bad wo khud se boli.

Ananya- Pata nahi mai jab se Mumbai me land huyi hu mera dil bechain hai mujhe aisa lag raha hai jaise yaha mera koi apna mera intezar kar raha hai pata nahi aaj mere sath aisa kyu ho raha hai.

Ananya ko ye sab sochte sochte kab nind aa gayi use pata hi nahi chala.

Idhar Patna me Mrityunjay ko apne ghar aaj pure ek saptah ho gaye the aur in ek saptaho me bahut kuchh badal chuka tha jish din mrityunjay aghori baba ke pass se apne ghar lauta tha usi din usne sari sachai apne chacha yani ki Surendra kushwaha ko bata diya tha aur sath me usne basant chauhan ke sare kale karnamon ke sabut ikkatha karne ke liye bola tha.

Surendra kushwaha Mrityunjay ke bole anusar in ek saptaho me basant chauhan ke sare kale chithe media aur police ke samne khol diye the jisme child kidnaping drugs organs supply murder aur aise hi na jane kitne aise dhandhe the jo basant chauhan apne business ke aad me karta tha aur in sab kale dhandhe ke sare sabut Surendra kushwaha ke hath lag gaya tha aur isme Surendra kushwaha ka sath basant chauhan ke ghar me kam karne wala ek naukar ne diya tha ye naukar bhi Surendra kushwaha ke hi adami tha.

Un sare sabuton me Vinod kushwaha ke murder ka bhi sabut Surendra kushwaha ke hath lag gaya tha jiske karan Surendra kushwaha bahut guse me tha wo to usi waqt basant chauhan ko marne jane wala tha ye dekh kar mrityunjay unko bahut samjhane ki kosish kar raha tha lekin wo man hi nahi rahe the.

Surendra- Bas bahut sun liya maine mrityunjay tumhari bat ab mai tumhari koi bhi bat nahi sununga jisne mere jan se bhi pyar bhai ko mara aur tumhe Marne ki kosish ki hai use jinda dekh kar mera khun khaul raha hai chhodo mujhe jane do aaj ya to wo basant chauhan rahega ya mai rahunga.

Surendra ko is tarah se guse se jata huya dekh kar mrityunjay unko pakad leta hai aur samjhate huye bolta hai.

Mrityunjay- Rukiye aap meri bat maniye Rukiye Chacha aap ye kya karne ja rahe hai aap usko mar kar khud fasi par chadh jana chahte hai apko kya lagta hai ki jisne mere dad ko mara aur mujhe marne ki kosish ki hai use jinda dekh kar mujhe achha lag raha hai nahi balki mera gusa un sab par apse bhi jyada aa raha hai hame unko itni asan maut nahi dena hai ham unhe tadpa tadpa kar marenge lekin usse pahle aap sare sabut media aur police ko de dijiye.

Mrityunjay ke bat sun kar Surendra kuchh sant hote hai aur fir mrityunjay se bolte hai.

Surendra- Agar ham sabut police aur media ko de denge to use police pakad kar le jayega aur wo kuchh din jail me rah kar fir paiso ke dam par bahar aa jayega nahi mai aisa nahi hone dunga mai ab use ek pal bhi jinda nahi dekh sakta.

Mrityunjay- Nhi chacha aap ye galat soch rahe hai apko kya lagta hai ki aap sare sabut media walo aur police ko de denge to wo asani se use giraftar kar lenge nahi balki basant chauhan ek aisa adami hai jo kabhi bhi police ke hath nahi aayega jante hai agar uske kale karname bahar aa jate hai to wo sabse pahle under ground ho jayega aur bad me wo is desh se bahar bhag jayega aur mai yahi chahta hu ki wo under ground ho jaye isse hoga ye ki police aur media ko ye lagega ki wo darkar bhag gaya hai aur ham isi bat ka fayda uthayenge aur use mar denge.

Surendra- Lekin ye ham karenge kaise kyuki agar wo underground ho gaya to use koi bhi nahi dhundh sakta hai.

Mrityunjay- Ha aap sahi bol rahe hai lekin ham use jarur dhundh lenge aur iske liye apko basant chauhan ke sabse khas adami ko kharidna hoga chahe wo jitne bhi paise me bike aap use kharid lijiye jab aap use kharid lenge fir basant chauhan chahe jaha bhi chhipe ham use asani se dhundh lenge.

Surendra- Thik hai ham aise hi karenge.

Itna bol kar Surendra waha se chala jata hai fir karib do ghante bad Surendra kushwaha ek khandar me ek admi ke sath khada tha wo adami koi aur nahi balki basant chauhan ke khas adami tha.

Surendra- Dekh lo raka ye tumhare fayde ki bat hai tum basant chauhan ke sath rah kar kabhi bhi itna paisa nahi kama sakte mai tumhe pure 100 crore de raha hu bas tumhe basant chahan ke bare me sari jankari mujhe deni hogi aur sath me uska location bhi mujhse share karna hoga bolo kya kahte ho milaoge mujhse hath.

Surendra ke bat sun kar wo adami kuchh der tak sochte raha fir wo Surendra se bola.

Adami- Apka ofer koi bura nahi hai mai itne paiso ke liye to apne bap ko bhi mar du to ye basant chauhan ki kya bat hai lekin agar mujhe basant chauhan se gadari karuna hau to mai akela nahi karunga mere kuchh sathi bhi hai agar aap hame 50 crore aur de de to ham apka sara kam kar dunga agar aap use marne ke liye bolenge to ham use mar denge to bataiye aap kya kahte hai.

Surendra- Thik hai chalo maine tumhe aur 50 crore diya lekin mujhe basant chauhan ko itni asan maut nahi dena hai bas tum mujhe hamesa uski location share karte rahna aur ham aaj se basant chauhan ke guard ke liye bhi tum apna hi adami rakhna mai.

Adami- Thik hai aap mujhe paise transfer kar dijiye apka Kam ho jayega.

Surendra kushwaha apne sath laye huye bag ko us adami ko dete huye bola.

Surendra- Isme pure 50 crore hai tum ise abhi rakho baki ke paise mai tumhe kam hone ke bad dunga.

Adami- Thik hai.

Itna bol kar wo adami Surendra ke hath se wo bag le leta hai aur waha se chala jata hai us adami ko waha se jane ke bad Surendra ek unknown no se media aur police ko basant chauhan ke sare kale karnamon ke sabut bhej deta hai aur use public karne ke liye bol deta hai iske bad wo waha se apne ghar aa jata hai.

Idhar jaise hi wo sare sabut police aur media ko milti hai to dono jagah hadkamp mach jati hai media wale apne TRP ke liye is jaldi se jaldi publish karna chahte the to wahi police is chhan bin me lag gayi ki is sabut ko unke pass bheja kisne hai is liye sare police Wale sare kam chhod kar us adami ko dhundhe lage ho unke pass ye report bheja tha wo log Aisa is liye kar rahe the ki wo log jante the ki basant chauhan bahut kamina adami hai agar wo sab uske uper hath dalte to unke family Wale ko nukshan pahucha sakta tha aur dusri bat ye thi ki basant chauhan ka police ke bahut andar tak conection the is liye wo log use giraftar nahi karna chahte the.

Wahi Media walo ko jab wo sabut mila tha unka khusi ka koi thikana hi nahi Raha kyuki unko baithe bithaye hi ek masaledar news hath lag gayi thi jisse unka TRP minuto me asman chhu leta is wo log deri na karte huye us sabut ko news par chalana suru kar diya jiske karan pura Patna shahar me hadkamp mach gaya kyuki Surendra kushwaha ne jo media aur polish ko sabut diya tha usse bahut kuchh samne aane wala tha is sabut se sirf basant chauhan hi nahi balki bahut sare officer aur mantri bhi kanun ke ghere me aane wale the is liye sare neta aur officer jinka name is sabut me tha wo sab dare huye the kuchh to underground bhi ho gaye the.

Wahi public ne jab dekha ki basant chauhan neta aur kuchh officer ka name ladkiyo ke dhandha kidnaping organ supply aur drugs jaise gair kanuni dhandho me samil hai to sab ke gusa fut pada aur sare log police prasasan hay hay basant chauhan aur uske sathiyo ke saja do jaise nare lagate huye raste par utar gaye jiske karan ye bat itna phail gaya ki ye bat delhi ke ministery tak chali gayi aur waha ek urgent meating baithaya gaya aur us meating me ye faisla liya gaya ki jish jish ka name is sabut me shamil hai un sab ko giraftar kiya jaye aur un sab par CBI ki Enquiry baithaya jaye.

Idhar jab basant chauhan ko pata chala ki unke kale karname ka bhanda fut gaya hai aur unke khilaf sare sabut public ho gaya hai to wo uska gusa satve asaman par chadh gaya aur wo apne ghar me rakhe huye saman ki tod fod karne laga aur jor se chilate huye bola.

Basant- Kisne akhir kisne mere khilaf sabut ikkatha kar ke media walo ko diya hai ye kam jisne bhi kiya hai mai use aur uske pure khandan ko is dharti se mita dunga mai usko aisi maut dunga ki wo dobara janam lene ke name se ghabrayega.

Idhar jaise hi basant chauhan guse apne ghar ke saman todne laga aur jor se chilane laga tabhi andar se uski awaj sun kar uski biwi bahar aayi aur basant ko guse me dekh kar boli.

Rupma- (Basant ke wife)- Are aap itne guse me kyu ho AAP pahle sant ho jaiye aur mujhe bataiye ki akhir aisi kya bat ho gayi jo aap itne guse me ho.

Rupma ke bat sun kar basant chauhan guse se bole.

Basant- Kisi ne mere sare gair kanuni dhandho ka sabut police aur media ko de diya hai.

Basant chauhan ke bat sun kar rupma hairan ho gayi aur wo usi hairani me boli.

Rupma- Kya lekin ye huya kab aur ye sab kiya kisne.

Basant- Wahi to nahi pata ki ye sab akhir kiya kisne hai agar mujhe pata chal jata ki ye sab kisne kiya hai to mai use uske pure family ke sath jala kar mar deta.

Rupma-Aap itna gair jimewar kaise ho sakte hai koi apke nak ke niche sara khel khel gaya aur apko pata bhi nahi chala aap jante hai na ki ye bat samne aane se ab hamare sath kya kya hoga.

Basant- Ha mai janta hu isi liye mai pareshan hu mujhe samajh me nahi aa raha hai ki mai kya karu.

Rupma- Abhi ham kuchh dino ke liye underground ho jate hai jab ye mamla kuchh sant hoga to ham bahar aayenge aur yaha se videsh chale jayenge lekin jane se pahle ye sab hamare khilaf jisne bhi kiya hai use dardnak maut de kar jayenge.

Basant- Ha tum sahi bol rahi ho hame underground hone me hi samajhdari hai lekin mujhe ye samajh me nahi aa raha hai ki ye sab akhir hamare sath kiya kisne hai.

Basant chauhan ke bat sun kar rupma kuchh sochne lagti hai fir kuchh sochte huye achanak se use kuchh samajh me aata hai aur bolti hai.

Rupma- Mujhe thoda thoda samajh me aa raha hai ki ye sab hamare sath kon kar sakta hai.

Basant- Tum kiske bare me bat kar rahi ho.

Rupma- Mai Surendra kushwaha aur Mrityunjay kushwaha ke bat kar rahi hu.

Rupma ke bat sun kar basant chauhan pahle to hairan ho jata hai fir wo jor jor se hasne lagta hai fir wo haste huye rupma se bolta hai.

Basant- aur ye tumhe kyu lagta hai ki ye sab un dono chacha bhatijo ne mil kar kiya hai jabki tumhe pata hai ki maine pahle hi mrityunjay ko mar diya tha.

Basant ke bat sun kar rupma kuchh der ke liye chup ho gayi fir wo kuchh sochte huye boli.

Rupma- Achha Aap mujhe ye batao ki is shahar me apka Aisa kon sa dushman hai jo apse takrane ka dam rakhta ho.

Rupma ke bat sun kar basant chauhan kuchh sochte huye bole.

Basant- Kushwaha family ko chhod kar aur kon ho sakta hai jo mujhse dushmani kar sake lekin iska matlab ye nahu hai ki ye sab un logo ne hi kiya hai.

Rupma- Nhi tum galat soch rahe ho kyuki mere hisab se ye sab unke siva koi aur nahi kar sakta mujhe lagta hai ki unhe kisi tarah se ye pata chal gaya hai vinod kushwaha ke murder aur mrityunjay ke gayab hone ke pichhe hamara hi hath hai is liye ho na ho in sab me Surendra ka hi hath hai.

Basant- Agar in sab me us Surendra ka hath hai to mai use bhi uske bhai aur bhatije ke pass bhej dunga.

Rupma- Nhi abhi uski jarurat nahi hai abhi hame khud ko bachane ke bare me sochna chahiye ham usse bad me nipat lenge.

Rupma ke bat sun kar basant chauhan apna gardan ha me hilata hai tabhi use kuchh dhyan aata hai aur wo rupma se bolta hai.

Basant- Mujhe ek bat samajh me nahi aa rahi hai ki jab Surendra kushwaha ko ye pata chal gaya hai ki maine hi uske bhai aur bhatije ko gayab karwaya hai to mujh par sidha hamla karne ke bajay hamare khilaf sabut ikkatha kar ke media aur police ko kyu diya.

Rupma- Yahi bat to mujhe bhi samajh me nahi aa rahi hai khair chhodo ye sab bat ko aur hame yaha se nikalna chahiye nahi to yaha par kabhi bhi police aa kar hame giraftar kar sakte hai.

Basant- Ham to underground ho jayenge lekin Poonam ka kya wo to abhi bhi bahar hi hai.

Rupma- Apko Poonam ki chinta karne ki jarurat nahi hai kyuki wo mumbai me abhi jiske sath aur jaha hai waha police ko pahuchna namumkin hai is liye uski chinta chhod kar hame apne bare me sochna chahiye aur ha yaha se ham apne khas adami ke sath hi nikalenge nahu to kahi aisa na ho ki hamara koi adami unse mila ho aur ham pakde jaye.

Basant- Thik hai chalo chalte hai.

Iske bad dono apna ek khas adami aur uske khas admiyo ke sath aaye bodygaurdo ke sath basant aur rupma waha se nikal kar ek farmhouse me aa jate hai ye farmhouse duniya ke najro se chhupaya huya tha is farmhouse ko basant chauhan ne kaimur ke pahado me jangalo ke bicho bich banaya tha jaha tak kisi bhi police wale ya aam admi ka pahuchna namumkin tha aur agar koi yaha tak pahuch bhi jata to wo is farmhouse ke rakshako dwara mara jata.

Basant chauhan ne is farmhouse ke 100 khunkhar logo ki ek army bana rakhi thi jo martial arts me expert the un 100 logo me jyadatar log martial arts ke 6th aur 7th rank par the is liye basant chauhan ko yaha par koi tensan nahi tha aur is farmhouse ko basant Chauhan ne aise hi kisi khas mauke ke liye banwaya tha taki wo aram se yaha chhup sake aur usko bhanak tak kisi ko na lage aur agar kisi ko pata nhi chal jaye to wo uska bal bhi na ukhad sake halaki wo khud ek half grandmaster yodha tha is liye use kisi ka dar nahi tha lekin fir bhi wo apne safety ke liye yaha ek army khada kar rakha tha.

Idhar jaise hi basant aur rupma chauhan apne farmhouse par pahuche waise hi Surendra kushwaha ke pass ek location aa gaya jise dekh kar Surendra kushwaha khus ho gaya aur Mrityunjay se bola.

Surendra- Mrityunjay ab hame chalna chahiye ab waqt aa gaya hai apna badla lene ki kyuki shikar hamare jal me phas chuka hai.

Mrityunjay- Apne bahut achha kiya chacha jee chaliye ab ham chalte hai shikar ka shikar karne.

Iske bad dono apne kuchh pharose mand admiyo ke sath waha se use location ke taraf nikal jate hai jo location abhi abhi Surendra ke mobile par aaya tha ye location bihar me sthit kaimur pahadi ka tha wo log abhi adhe raste hi aaye the ki tabhi Surendra ke mobile par ek massage aaya jise padh kar Surendra ke chehre par pareshani dikhne lagi jise dekh kar mrityunjay unke hath se mobile liya aur us massage ko padhne laga ye massage basant chauhan ke khas adami ka tha jisne massage me likha tha ki.

Massage- Aap agar is jagah par aana chahte hai aur basant chauhan ko thikane lagana chahte hai to ye bahut muskil hai kyuki is jagah par basant chauhan ke bahut sare admi maujud hai jo automatic gun se les hai aur hath me wo sare ke sare martial arts yodha hai jo martial arts ke 6th aur 7th level par hai is liye apko jo bhi karna hi aap soch samajh kar kijiyega.

Massage ko padhne ke bad mrityunjay ke chehre par bhi pareshani aa jati hai fir wo kuchh der tak sochne ke bad Surendra se bola.

Mrityunjay- Uncle aap ek sant jagah dekh kar gadi khada kijiyega kyuki mai waha par dhyan lagana chahta hu aur apna level badhana chahta hu.

Mrityunjay ke bat sun kar Surendra hairan ho jate hai aur usi hairani me mrityunjay se bolte hai.

Surendra- Tum ye kya bol rahe ho tum jante ho na ki aise jaldi baji me tumhe level par karna bhari bhi pad sakta hai.

Mrityunjay- Ha uncle mai ye janta hu lekin mujhe ye karna hi hoga kyuki mai ab basant chauhan ko jinda nahi chhod sakta agar wo jinda raha to aur na jane kitne family ko tabah karega aur agar mujhe usse takrana hai to mujhe apne level ko kisi bhi tarah se grandmaster level par le kar jana hi hoga tabhi mai usse aur uske admiyo se mukabla kar sakta hu aur waise bhi mai half grandmaster level ke charam par hu is liye mujhe level par karne me jyada muskil nahi hogi.

Mrityunjay ke bat sun kar Surendra sant ho jate hai aur mrityunjay se bolte hai.

Surendra- karib 20 kilometer ke bad ek jangal aane wala hai ham usi jan888gal me ek surakshit jagah dekh kar rukenge tum wahi par apna level badhane ki kosish karna aur waha par tumhe prakritik energy bhi jyada matran me milegi jisse tumhe level badhane me kafi madat milegi.

Iske bad dono me se koi kuchh nahi bolta hai fir karib 45 minut gadi drive karne ke bad wo log ek aisi jagah pahuchte hai jaha ek pahadi tha aur us pahadi ke charo taraf jangal maujud tha mrityunjay is jagah ko dekh kar Surendra se bolta hai.

Mrityunjay- Uncle mere dhyan karne ke liye ye achhi jagah hai yaha se mujhe bahut hi shudh prakritik energy mahsus ho rahi hai is liye aap yahi par gadi ko rokiye.

Mrityunjay ke bat sun kar Surendra wahi gadi rok deta hai fir sab wahi utar kar us pahad ke taraf badh Gaye karib 10 minut chalne ke bad wo sab us pahad ke pass pahuch gaye fir mrityunjay ek achhi jagah dekh kar dhyan karne ke liye baith gaya use dhyan karta huya dekh kar Surendra apne admiyo se bolta hai.

Surendra- Tum sab is jagah ka nigrani karo aur ha kisi bhi tarah se tum sab mrityunjay ko disturb nahi karna.

Itna bol kar wo bhi waha se kuchh dur ja kar dhyan karne lagte hai Surendra kushwaha bhi ek level 9th ka yodha the wo bas ek kadam dur se half grandmaster level se is liye wo bhi waha baith kar dhyan karne lage aur apne agle level me jane ki kosish karne laga.

Idhar mrityunjay apne dhyan me baith kar apna level badhane ki kosish kar raha tha aise hi kosish karte karte karib 10 ghante bit gaye lekin mrityunjay in 10 ghanto me bhi apna level aage nahi badha paya aisa lag raha tha ki koi chij hai jo uske level ko aage badhne me badha pahucha rahi hai is liye mrityunjay kisi bhi tarah se us badha ko todna chahta tha aise hi dhyan lagate lagate 2 ghante aur bit gaye lekin mrityunjay apne level ko aage badhane me nakam raha wo mayush ho kar dhyan se bahar aane hi wala tha ki tabhi uske pith par bana huya trishul chamakne laga aur usme se energy nikal kar mrityunjay ke sharir me jane lagi.

Jaise wo energy Mrityunjay ke sharir me gaya to mrityunjay ko ye ehsas ho gaya koi ek shaktishali energy uske sharir me pravesh kiya hai aur ye energy uske level ko badha sakta hai ye mahsus hote hi mrityunjay us energy ko apne shaktiyo ke raste par bahane laga us energy ko apne sharir ke shaktiyo me bahate huye us energy ko apne shakti chakra me le gaya jaise hi wo energy Mrityunjay ke shakti chakra me gaya to jo chij Mrityunjay ko aage ke level me badhne me badha ban rahi thi wo badha Tut gayi aur mrityunjay ke sharir me badh ki tarah shaktiyan badhne lagi dekhte hi dekhte Mrityunjay dharti se 2 feet uper hawa me uth gaya aur aas pash ke sari sudh prakritik energy uske sharir me jane laga aise hi karib aadhe ghante tak prakritik energy ko sokhne ke bad mrityunjay apna aankh khol diya iske aankho me ek ajib si chamak thi aur uske hoto par ek muskan tha.

Mrityunjay- Akhir kar mai grandmaster level par pahuch hi gaya lekin mujhe samajh me nahi aa raha hai ki wo anjani energy kya thi jo mere level badhane me meri sahayta ki aur wo aaya kaha se tha usne na sirf meri level badhane me madat ki balki meri level ko bhi paka kar diya wo energy jaha se bhi aaya ho mai uska pata jarur lagaunga abhi to filhal mujhe basant chauhan ke pass jana hai.

Khud se itna bolne ke bad mrityunjay ke chehre par ek rahasyamai muskan aa gaya aur wo jor se chilate huye bola.

Mrityunjay- Ab mujhse tumhe kon bachayega basant chauhan tum apne suraksha me chahe jitna bhi adami laga lo lekin tumhara ant aaj jarur hoga bas tum mera intezar Karo mai jald hi tumhare karmo ki saja dene tumhare pass aa raha hu.

Idhar Surendra ji abhi dhyan me baitha tha uski ankhe achanak se Mrityunjay ke awaj ke karan khul gayi aur wo mrityunjay ko itna khus dekh kar puchha.

Surendra- Kya tum kamyab ho gaye.

Mrityunjay- Jee uncle mai kamyab ho gaya mai grandmaster level me pahuch gaya ab mai Aram se basant chauhan aur uske admiyo ko sambhal sakta hu.

Mrityunjay ke bat sun kar Surendra bahut khus ho jata hai aur wo usi khusi ke sath mrityunjay se bolta hai.

Surendra- Bahut achha mujhe tumse yahi umid thi tum hamare khandan ke sabse honhar ladka ho ab mujhe pura yakin ho gaya hai basant chauhan aur uske admiyo ko tum Aram se sambhal sakte ho.

Mrityunjay- Thik hai uncle ab hame chalna chahiye mai ab aur deri nahi karna chahta hu mai use jald se jald apne hatho se marna chahta hu.

Surendra- Thik hai chalo chalte hai.

Itna bol kar Surendra kushwaha apne admiyo ko waha se chalne ke liye ishara karta hai aur fir sab waha se gadi me baith kar kaimur pahadi ke liye nikal jate hai karib 6 ghanta gadi drive karne ke bad wo log kaimur pahadi ke jagal ke sharhad par pahuch jate hai yaha par pahuchte pahuchte un logo ko rat ho gayi thi.

Kaimur pahadi ke jangal ke sarhad par pahuchne ke bad Surendra apna gadi wahi rokta hai aur fir sabse bolta hai.

Surendra- Hame gadi ko yahi chhodna hoga aur yaha se paidal hi aage Jana hoga aur ha sab savdhan rahna kyuki ye kaimur pahadi ka jangal hai aur isi jangal me basant chauhan chhupa huya hai aur wo apne suraksha ke liye is jangal me apne admiyo ko charo taraf laga rakha hoga lekin hame fikra karne ki jarurat nahi hai kyuki ham yaha rat me pahuche hai aur hamare pass night vission chasma bhi hai jisse ham unhe asani se dekh sakte hai aur unka sikar kar sakte hai.

Mrityunjay- Aapne night vission chasma yaha la kar achha kiya uncle ab ham is rate ka fayda utha kar un sab ko asani se mar sakte hai aur waise bhi basant chauhan ek chalak aur jalsaj insan hai wo jarur apne admiyo ko is jangal me nigrani par laga rakha hoga hame yaha se sawdhani se aage badhna hoga mai aage aage ja kar rasta clear karta hu aap sab mere pichhe pichhe mere backup ban kar aaiyega aagar mere najro se koi adami bach jayega to aap sab apne silencer lage huye gun se use wahi shoot kar dijiyega.

Mrityunjay ke bat sun kar Surendra ghabra jate hai aur wo ghabrate huye usse bolte hai.

Surendra- Nhi tum is tarah se risk le kar andar nahi jaa sakte tum mere khandan ke akhari chirag ho agar tumhe kuchh ho gaya to mai uper ja kar bhaiya aur bhabhi ko kya muh dikhaunga aur rahi bat rasta clear karna ka to mai apne kuchh admiyo ko aage bhej de raha hu wo log aage ja kar raste clear kar denge.

Surendra ke bat sun kar mrityunjay unko samjhate huye bola.

Mrityunjay- Uncle agar ham apne admiyo ko bhej kar raste me pahra de rahe basant ke admiyo ko thikane lagayenge to basant ko jarur pata chal jayega kyuki hamare admiyo ki shaktiyo lagbhag unhi logo ke barabar hai aur agar ye log un sab par hamla karenge to inhe un logo ke sath ladna padega aur ladai se jor shor uthegi usse sabko pata chal jayega aur sab satark ho jayenge is liye aap mujhe jane dijiye mai ab grandmaster level par pahuch gaya hu is liye mai aram se un sab ko nipta dunga aur kisi ko pata bhi nahi chalega aur waise bhi apko mere bare me chinta karne ki jarurat nahi hai kyuki mai ab grandmaster level par pahuch gaya hu aur un logo me itni takat nahi hai ki wo log ek grandmaster level ke yodha ke kuchh bhi bigad sake.

Mrityunjay ke bahut samjhane ke bad akhir kar Surendra use aage bhejne ke liye man gaya Surendra ko mante huye dekh kar mrityunjay ke chehre par ek khatarnak muskan aa gayi aur wo waha se apne tez raftar ke sath jangal ke andar chala gaya grandmaster level par pahuchne ke bad mrityunjay ki raftar itna tez ho gaya tha ki agar koi aam admi use dekhta to use sirf waha parchhai hi dikhayi deti.

Idhar basant chauhan jab yaha par aaya tha to usne apne 50 admiyo ko apne farmhouse ke charo taraf suraksha ke liye laga diya tha aur baki ke 50 admiyo ko jangal me nigrani rakhne ke liye bhej diya tha jab basant ne apne 50 logo ko jangal ke andar nigrani rakhne ke liye bheja to wo 50 log pure jangal me 2 jodi me phail gaye taki wo sab aram se nigrani kar sake.

Idhar mrityunjay aur uske sathi sab savdhani se aage badh rahe the tabhi mrityunjay ko kuchh dur aage kuchh halchal sunayi di jise sun kar wo Surendra se bola.

Mrityunjay- Ssshss aap sab savdhan ho jaiye kyuki hamse kuchh hi dur par hamare dushman maujud hai mai aage ja kar unse nipata hu aap sab bhi apne gun par silencer laga kar taiyar ho jaiye aur mujhe cover kijiye.

Surendra- Thik hai tum aage badho aur dushmano ke vinash ka khel suru karo lekin jo bhi karna savdhani se karna taki dusre logo ko pata na chale ki ham is jangal me aa gaye hai aur savdhan rahna aur khud ko safe rakhna.

Mrityunjay- Thik hai aap sab bhi savdhan rahiyega.

Itna bol kar mrityunjay savdhani se us taraf badh gaya jish taraf se use halchal mahsus huyi thi thodi der savdhani se chalne ke bad use do log dikhayi diye Jo ek ped ke sahar baithe huye the Mrityunjay ne jab unko dhyan se dekha to unke hatho me use automatic gun dikhayi diya jise dekh kar wo savdhan ho gaya wo savdhan apne liye balki apne admiyo ke liye huya tha kyuki grandmaster level par pahuchne ke bad goli uska koi nuksan nahi pahucha sakti thi lekin ye bat Surendra aur uske admiyo ke liye nahi kaha ja sakta tha kyuki un sab ka level abhi bahut niche tha.

Khair jaise hi mrityunjay un dono gundo ke hatho me automatic gun dekha to turant sabko pichhe rahne ka ishara kiya aur khud apne belt me lage nife pocket se ek khanjar nikala aur use majbuti se pakadte huye apne tez raftar me un gundo ke taraf badh gaya uska raftar aam grandmaster level ke yodhao se jyada tha kyuki jab use mar kar nadi me phek diya gaya tha tab usko tridev ke shakti ka kuchh ansh prapt gaya tha is liye uska gayi itna tez ho gaya tha ki wo jaha se bhi na raha tha waha sirf ek hawa ke nikalne ka awaj AA raha tha wo kuchh hi pal me un dono gundo ke samne pahuch gaya.

Jaise hi wo un dono gundo ke samne ja kar ruka waise hi dono hunda hadbada gaye aur do kadam pichhe hath gaye fir wo dono jaldi se apne gun utha kar mrityunjay ke uper tan diye lekin wo dono kuchh kar pate usse pahle hi mrityunjay ka khanjar bijli ki tarah chala aur un dono ke sar kat kar unke sharir se alag ho gaya khanjar chalane ki gati itni tez thi ki waha khanjar ke jagah sirf uski ek chamak hi dikhayi diya.

Jab mrityunjay ne un dono gundo ko khatam kar diya to wo Surendra aur uske sathiyo ko aage badhne ka ishara kiya Mrityunjay ke ishara pa kar sare log aage badh Gaye abhi wo log kuchh hi dur gaye the ki tabhi un sab ko ek awaj sunayi di.

Awaj- Tum sab jaha wo wahi ruk jao agar tum log ek kadam bhi aage badhaya to goliyon se bhun diye jaoge.

Idhar space storage ki duniya me hame pure 100 din bit gaye the in 100 dino me mai sunya vinashak taknik jo ki rank 5 ke medium level taknik thi uska 2 Charan Sikh liya tha aur unpe maharath bhi hasil kar liya tha aur fir socha ki is taknik ka istemal kar ke dekha jaye ki ye kitni shaktishali hai ye soch kar maine sunya vinashak taknik se ek hamla taiyar karne laga jaise jaise mai is hamle ko taiyar kar raha tha waise waise mere sharir se shaktiyan nikal kar us hamle me ja rahi thi jab wo hamla puri tarah se taiyar ho gaya to mujhe mere sharir me kamjori mahsus hone lagi kyuki is hamle ne mere sharir ke sare shaktiyon ko sokh liya tha.

Mai ye soch kar hairan ho raha tha ki akhir ye hamla hai kitna takatwar jo ise taiyar karne me meri sari shakti khatam ho gayi agar is hamle ko taiyar karne me meri sari shakti khatam ho gayi to ye hamla akhir kitna jyada takatwar hoga.

Ye sochne ke bad mai is hamle ko parakhne ke liye aur jyada utawala hone laga lekin mujhe samajh me nahi aa raha tha ki mai is hamle ko istemal kaha karu tabhi meri najar apne samne ek bada sa pathar par gaya jo lagbhag 15 meters bada tha us pathar ko dekh kar mai khud se hi bola.

Mai- Ha ye pathar mere hamle ko check karne ke liye achha rahega jish hisab se mera ye hamla takatwar hai us hisab se ye pathar ek hi bar me dhul me mil jana chahiye.

Itna bolne ke bad mai apne hamle ko us pathar par kar diya thodi der bad mera hamla us pathar se takra gaya lekin waha par koi visphot nhi huya aur na hi koi awaj huyi lekin waha par jo huya use dekh kar mai hairan ho gaya aur apne badi badi aankho se waha par ghat rahi ghatna ko dekhne laga.

Darasal huya ye ki jaise hi mera hamla jakar is pathar se takraya waise hi mere hamle ne waha par ek black hole ka nirman kar diya aur black hole waha 10 kilometre ke andar ke sare vastuyo ko nast kar diya aur un nast huye vastuyo ko energy me badal kar apne andar khichne laga aur sabse hairani ki bat ye thi ki wo energy us black hole ke madhyam se mere sharir me aa rahi thi fir dhire dhire mere sharir ke kamjori dur hoti gayi karib wo black hole 5 minut tak waha rahi aur us panch minut me hi waha par bhayankar tabahi macha diya idhar mai bhi in 5 minut me apne khoye huye share shakti ko prapt kar liya tha ab mujhe aisa lag raha tha ki mere sharir me pahle se bhi jyada shakti hai.

Mai sunya vinashak taknik ke ek aur karname ko dekh kar pahle to chauk gaya tha fir mai khushi jhum utha mai is taknik ko paa kar bahut khus tha kyuki ye taknik hamla karne ke sath sath mere shaktiyon ko bhi badha sakta tha.

Mai is taknik ke shakti ko dekh kar hairan ho gaya tha aur sath me bahut khus bhi tha sunya vinashak taknik ke kul 5 charan the agar mai pure 5 charno ko Sikh kar un par maharath hasil kar lunga to mai iske ek hamle se 100 kilometer ke andar ke sare vastuyo ko nast kar sakta hu aur uske energy se apne shaktiyo ko bhi badha sakta hu aur is taknik ko sikhane ke bad mujhe ek bat pata chali ki mai apne man ke mutabik is taknik ke mamle ko control kar sakta hu mai agar chahu ye hamla sirf 100 metre ke andar hi to iska prabhav 100 meter ke andar hi rahega.

Is taknik ke 2 Charan sikhne aur us par maharath hasil karne me mujhe pure 100 din lag gaye the ye dekh kar mai hairan tha ki agar mujhe is taknik ke 2 Charan sikhne me itna din lag gaya to aage ke 3 charano ko sikhne aur us par maharath hasil karne me kitne din lagenge khair mai in sab bato ko apne dimag se bahar nikala aur Shanaya ke pass jane laga jab mai kuchh der bad Shanaya ke pass pahucha to dekha ki Shanaya waha par nahi hai ye dekh kar mai hairan ho gaya.

Mai- (khud se) Shanaya kaha chali gayi kahi wo yaha se bahar to nahi nikal gayi nahi use pata tha ki mai bhi yahi par dhyan laga Raha hu to wo mujhe bataye Bina bahar nahi ja sakti to akhir wo gayi kaha (fir kuchh sochte huye) mai uska abha ko dhundhta hu usse mujhe pata chal jayega ki wo is space storage ki duniya me hai ya bahar chali gayi hai.

Itna sochne ke bad mai apne andruni shakti se Shanaya ke abha ko is space storage ki duniya me dhundhne laga thodi der tak uske abha ko dhundhane ke bad mere chehre par ek muskan aa gayi kyuki Shanaya abhi yahi par thi bas wo is jagah ko ghum kar dekh rahi thi aur abhi jo jish jagah par thi wo haweli thi.

Ye dekh kar mai sidha waha se gayab ho kar haweli ke pass chala gaya jab mai waha pahucha to dekha ki wo haweli ke sundarta me khoyi huyi hai mai use is tarah se haweli ko dekhta huya dekh kar uske pass gaya aur muskurate huye usse bola.

Mai- Bahut sundar hai na.

Mere awaj ko sun kar wo hosh me aati hai aur mujhe dekh kar muskurate huye bolti hai.

Shanaya- Tum kab aaye.

Mai- abh just aaya hu waise mai puchh raha tha ki kya tumhe ye haweli kaisi lagi.

Meri bat ko sun kar Shanaya us haweli ko dekhte huye boli.

Shanaya- Ye bahut sundar hai kash ki mai yahi par rah pati.

Mai- To isme problem kya hai ye haweli tumhari hi hai jab tumhe man kare tum yaha aa kar rah sakti ho waise tumhari traning ka kya huya kya tum safal rahi.

Shanaya- Ha mai asnkhya teer taknik ko achhi tarah se sikh liya hai aur uspe maharath bhi hasil kar liya aur rahi level badhne ki bat to tum khud hi pata laga lo.

Shanaya ke bat sun kar mai uski level ka kach kiya to mai hairan ho gaya kyuki wo 100 dino ke andar hi half grandmaster level ke advance level se sudo grandmaster level ke low level par pahuch gayi thi jise dekh kar mai khus ho gaya aur usi khusi ke sath usse bola.

Mai- Congratulations Shanaya tumne sirf 100 din me hi half grandmaster rank se sidha sudo grandmaster rank ke low level me pahuch gayi tumne sidha 2 rank par kar liya hai.

Meri bat ko sun kar Shanaya muskurate huye mujhse boli.

Shanaya- Ye sab tumhare chalte hi huya hai tum agar mujhe is jagah par nahi late aur spritual stone nahi dete to mai kabhi bhi is rank tak nahi pahuch pati tank you mujhe yaha lane ke liye aur spritual stone Dene ke liye.

Mai- Are isme thank you ki kya bat huyi tum meri wife ho agar mai ye sab tumhare liye nahi karunga to bhala aur kiske liye karunga agar tum Aaj ke bad mujhse kabhi thank you bologi to mai tumse kabhi bat nahi karunga samjhi.

Meri bat ko sun kar Shanaya ke chehre par ek muskan aa gayi aur wo muskurate huye mujhse boli.

Shanaya- Thik hai mai tumhe ab kabhi bhi thank you nahi bolungi ab khus waise hame yaha aaye huye pure 100 din bit gaye hai to ab hame bahar chalna chahiye.

Mai- Ha ha kyu nahi chal ab ham bahar chalte hai.

Meri bat ko sun kar Shanaya mere hath ko pakad leti hai aur fir ring me apna aatmik energy ko dalti hai jiske karan ham dono waha se gayab ho kar sidha Shanaya ke room me nikalte hai jish waqt ham space storage ki duniya se bahar nikale us waqt bahar ke duniya me subah ho gayi thi fir ham dono bari bari se washroom me ja kar fresh huya iske bad ham dinning hole me nasta karne ke liye chala gaya jab ham dono waha pahuche to dekha ki mom and dad wahi par baith kar nasta kar rahe the fir ham dono dinning table par baithte huye dono ko wish Kiya iske bad nasta karne laga.

Jab se mera mom ke sath achha banane laga tha tab se puspa mom Ghar me khana banane ke liye ek servent rakh liya tha nasta karte huye puspa mom mujhse boli.

Puspa- Pratik tum kal Shanaya se wada kiya tha ki tum Aaj use shoping par le jaoge to kab ja rahe ho tum dono shoping ke liye.

Puspa mom ke bat sun kar mai muskurate huye unse bola.

Mai- Mujhe yad hai mom ki maine sirf Shanaya ko hi shoping par le Jane ka wada nahi kiya tha balki apko aur dad ko bhi le Jane ka wada kiya tha is liye aap dono ko bhi hamare sath chalna hoga.

Ajay- Are beta ham dono budhe log tum dono ke sath ja kar kya karenge bekar me hi ham kabab me hadi banenge tum dono jao aur enjoy Karo.

Puspa- Ha beta tumhare dad thik bol rahe hai tum dono jao aur jakar shoping karo ham budho ko kyu pareshan kar rahe ho.

Shanaya- Nhi mom aur dad aap dono ko bhi hamare sath chalna hoga aur aap dono hamare sath nahi chalenge to ham bhi nahi jayenge.

Ajay- Ye kya bat huyi Shanaya tum aur damad jee jao hame kyu pareshan kar rahi ho.

Shanaya- Nhi Dad aap dono ko bhi hamare sath chalna hoga aur waise bhi mai soch rahi thi ki aaj ham sab bahar hi lunch karenge kyuki ham sab ek sath bahar kabhi bhi lunch nhi kiya hai is liye aap dono ko hamare sath chalna hi hoga.

Puspa- Thik hai agar tum dono ka yahi jid hai ham chalne ke liye taiyar hai.

Mai- to mom aur dad aap dono jaldi se ja kar ready ho jaiye ham aadh ghanta bad nikalenge.

Itna bolne ke bad mai aur Shanaya apne room me ready hone chala gaya idhar ham dono ke jane ke bad ajay puspa se bole.

Ajay- Ye bache bhi na ye dono kabhi nhi sudharenge inko samajhna chahiye ki ham dono un dono pati patni ke bich kabab me hadi nhi banana chahte hai lekin unhe samajh me hi nhi aa raha hai.

Pushpa- Ab chhodiye bhi inmen un bacho ki kya galti hai wo to bas hame khush rakhna chahte hai agar ham unke sath chalte hai to ham aur unke karib aa jaynge aur waise bhi maine ab tak pratik ke sath bahut galat kiya hai ab mai use ek maa ki pyar dena chahti hu taki wo pichhe ki sari bate bhul jaye aur iske liye hame uski bat manani padegi.

Itna bolne ke bad wo bhi apne room me taiyar hone chali gayi usko waha se jane ke bad ajay bhi taiyar hone chale gaye karib adha ghanta me sare log taiyar ho kar apne room se bahar aaye shoping par jane ke liye apne ghar se nikal gaye.

Idhar sanjeet mukharji ananya ke pass se beijjati ho kar guse se apne ghar chala gaya jab wo apne ghar ne enter kiya to sailendra mukharji ke najar ke najar Sanjeet par padi to wo samajh gaye ki Sanjeet kisi bat ko le kar guse me hai aur Sanjeet jab guse me hota hai to jarur kuchh na kuchh gadbad karta hai is liye wo jaldi se Sanjeet ke pass gaya aur usse bola.

Sailendra- Kya bat hai Sanjeet tum itne guse me kyu ho kuchh huya hai kya (fir kuchh sochte huye) tum to Satishchandra ke ladki se Milne gaye the na kya huya wo mili nahi kya tumhe.

Ananya ke bare me sun kar Sanjeet ko aur gusa aata hai aur wo guse se pass me rakhe huye flower pot ko utha kar niche patak deta hai aur sailendra se guse me bolta hai.

Sanjeet- Name mat kijiye us ladki ke dad Mera man to kar raha hai ki mai use bich bajar me nanga kar ke Maru.

Sanjeet ke bat sun kar sailendra hairan ho jate hai fir wo guse se Sanjeet se bolte hai.

Sailendra- Tum ye kya bol rahe ho wo ladki tumhari biwi aur is ghar ke Bahu banane wali hai is liye tum uski todi to ijjat karo waise usne aisa kya kar diya ki tum us par itna bhadke huye ho.

Sailendra ke bat sun kar Sanjeet guse se usse bolta hai.

Sanjeet- Bhadku nahi to aur kya karu dad aap nahi jante ki us ladki ne mere sath kya Kiya hai aaj tak kisi bhi ladki ke itna aukat nahi tha ki wo Sanjeet mukharji ko kuchh bol sake ya beijjati kar sake lekin us ladki ne meri sareyam beijjati ki hai aur agar wo sirf meri beijjati karti to mai thoda bardast bhi kar leta lekin usne pura mukharji pariwar ki beijjati ki hai aur mai ye bardast nahi kar sakta mujhe use sabak sikhana hi hoga.

Sanjeet ke bat sun kar sailendra aur hairan aur pareshan ho jata hai fir wo khud ko sambhalte huye usse bolta hai.

Sailendra- Mujhe saf saf batao ki akhir waha par huya kya tha.

Sailendra ke bat sun kar Sanjeet use sari bat bata deta hai jise sun kar wo pareshan ho jata hai.

Sailendra- Tumhari bat sun kar to Aisa lag raha hai ki wo bahut gamandi hai aur wo tumhe thoda bhi pasand nahi karti hai aur na hi wo tumse sadi karna chahti hai agar tumhara sadi uske sath nahi huya to hame Suryavanshi pariwar ka support nahi milega aur agar suryawanshi pariwar ka support hame nahi mila to ham Rathore ko chhu bhi nahi sakte hai nhi aisa nahi hona chahiye tumhe kuchh bhi kar ke usse manana hi hoga.

Sailendra ke bat sun kar Sanjeet kuchh sochne lagta hai fir wo kuchh sochte huye sailendra se bolta hai.

Sanjeet- Dad mujhe kisi bhi tarah se usse kal akele me milna hi hoga agar mai usse akele me Milne me kamyab ho gaya to mai kisi bhi tarah se use apna bana kar hi rahunga aur agar wo ek bar mere bistar me aa gayi to fir wo khud mujhse Sadi karne ke liye bolegi bas aap kisi bhi tarah se usse Milne ka jugad bana dijiye.

Sanjeet ke bat sun kar sailendra kuchh sochte huye bolta hai.

Sailendra- Thik hai mai Satishchandra se bat karta hu wo jarur apni ladki ko tumse Milne ke liye mana lega bas tum kal usse Milne ki taiyari karo aur ha tum kal jo bhi karna wo kisi ko pata nahi chalna chahiye khas kar ke Satishchandra aur Mukesh ko samjhe.

Sanjeet- Aap chinta mat kijiye dad kisi kuchh bhi pata nahi chalega aur agar chal bhi gaya to koi hamara kya bigad lega lekin dad mukesh ke waha rahte huye mai ananya se akele me kaise mil paunga aur apna plan aage kaise badhaunga.

Sailendra- Tum Mukesh ko chinta mat karo usko mai sambhal lunga.

Itna bol kar sailendra apna mobile nikalta hai aur Satishchandra ko call laga deta hai.

Idhar Satish Chandra apne living room me baithe huye the ki tabhi unka mobile ring karne laga jab unhone dekha ki unke mobile par sailendra mukharji ka call AA Raha hai to wo jaldi se call receive Kiya aur bola.

Satishchandra- Hallo Ha sailendra jee boliye aaj apko meri yad kaise aa gayi.

Sailendra- Kya kare satishchandra jee kuchh kam hi Aisa aa gaya ki mujhe apko yad karna pad Gaya.

Satishchandra- Woh... To bataiye Mr. mukharji mai apki kaisi madat kar sakta hu.

Sailendra- wo bat aisi hai ki ham ek business deal karne wale hai to mai soch raha hu ki ye business deal mai apke sath karu aap kya bolte hai.

Sailendra ke bat sun kar Satish Chandra bahut khus ho gaye aur wo khusi ke sath bole.

Satish Chandra- Ye to bahut khusi ki bat hai mai taiyar hu apke sath business karne ke liye aap bataiye ki mujhe kab apne sath deal signature karne aa hoga.

Sailendra- Aana to apko Aaj hi padega kyuki wo hamara main client hai wo Aaj hi aa raha hai.

Sailendra ke bat sun kar satishchandra tension me aa jate hai kyuki wo Aaj kisi bhi halat me Mumbai nhi Jaa sakte the tabhi unko yad aaya ki unka beta aur beti abhi Mumbai me hi hai to wo kuchh sochte huye sailendra se bole.

Satish Chandra- Sailendra jee mai to Aaj Mumbai nhi aa sakta hu lekin Mera beta wahi par hai to kya wo mere jagah deal signature kar sakta hai.

Satish Chandra ke bat sun kar sailendra ke chehre par ek kutil muskan aa gaya aur wo muskurate huye satishchandra se bola.

Sailendra- are isme bhi kuchh puchhne ki jarurat hai apka beta ye deal signature kar sakta hai waise bhi aage chal kar apka business wahi to sambhalne wala hai.

Satishchandra- Agar aisi bat hai to mai use abhi apke pass bhejta hu wo abhi apke pass ja kar deal signature kar lega.

Sailendra- Jee jarur aap use yaha bhej dijiye baki ka mai sambhal lunga waise satishchandra jee mujhe apse ek aur bat karni thi.

Satishchandra- ha boliye na sailendra jee kya bat karni thi.

Sailendra- Apne apni beti aur mere bete ke Sadi ke bare me kya socha hai.

Satishchandra- mai to is sadi ke liye taiyar hu lekin sayad is sadi ke liye Ananya taiyar nhi hai aur mai apni beti ke ikchha ke khilaf ja kar uski Sadi nhi kar sakta lekin aap chinta mat kijiye abhi use kuchh waqt aur dijiye sayad kuchh waqt bad wo taiyar ho jaye.

Sailendra- Ha apki bat to sahi hai waise mai kya bolta hu ki Ananya bhi Mumbai aayi huyi hai to kyu na aap use ek bar mere bete se Milne ke liye boliye sayad jab wo mere bete se milo to wo Sadi ke liye taiyar ho jaye.

Satishchandra- aap thik bol rahe hai agar hame in dono ke Sadi karwani hai to un dono ko ek dusre ko samjhna jaruri hai mai Ananya se bat kar ke use apke bete se Milne ke liye bolta hu thik hai mai anaya se bat kar ke apko batata hu.

Itna bol kar satish chandra Ananya ke pass call kar dete hai.

Very nice update bhai