• Limted Time Offer!
  • If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Fantasy The Super Boy

Iron Man

Iron Man

Try and fail. But never give up trying
42,994
111,829
304
The Rock Aditya said:
Update 9​

Niraj ke waha se jane ke bad Payal Shanaya se boli.

Payal- Tum pagal ho kya tumhe kya jarurat thi use ha karne ki tum jante nhi ko kya ki wo kaisa ladka hai wo jarur party me kuchh na kuchh gadbad karega.


Shanaya-Wo kuchh bhi nhi karega kyuki waha par bahut sare log honge aur sabse badi bat waha par tum bhi to mere sath hogi hi.

Halaki Shanaya ye to bol rahi thi lekin use bhi kahi na kahi ye lag raha tha ki ye Niraj waha kuchh bakheda jarur khada karega.

Idhar maine jab suna ki Niraj ne Shanaya ko party me invite kiya hai to mai bhi thoda tension me aa gaya kyuki jitna maine niraj ke bare me suna tha usse ye to paka tha ki wo aaj ke party me kuchh na kuchh jarur karega halaki mujhe ab jyada tension nhi ho raha tha kyuki sonu ne waha jane ke liye niraj se permission le liye tha aur Niraj ne khud mujhe waha invite kiya tha abhi mai ye sab soch hi raha tha ki tabhi mere mobile par call aane laga jab mai apna mobile nikal kar dekha to ye call Vishal oberai ka aa raha tha.

Mai- Sonu mera ek call aa raha hai tum yahi baitho mai call attend kar ke aata hu.

Itna bol kar mai call receive Kiya aur waha se thodi dur jaa kar bat karne laga.

Mai- Ha vishal bhi boliye kuchh kam tha kya.

Vishal- (ghabraye huye awaj me) Pratik tum kaha ho abhi.

Mai jab vishal ko aise ghabraye huye dekha to usse puchha.

Mai- Kya bat hai Vishal bhai aap pareshan lag rahe hai mai to abhi collage me hu.

Vishal- Tum mere ghar abhi aa sakte ho kya bahut argent hai please.

Mai- Haa mai aa sakta hu lekin pahle aap mujhe ye bataiye ki waha kya huya hai jo aap itna ghabraye huye hai waha sab thik to hai na.

Vishal- Yaha kuchh thik nhi hai Pratik darasal bat ye hai ki mere pita jee ka kuchh din se tabiyat kharab hai isliye mai unko doctor se ilaz karwa raha tha yaha tak ki mai unko desh ke bade bade doctor ko bhi dikha diya lekin unki tabiyat me koi bhi badlav nhi hua lekin aaj achanak hi unki tabiyat bahut jyada kharab ho gayi hai isliye maine city hospital ke director Dr. Birendra khurana jo ki desh ke jane mane doctor hai unko bulaya lekin wo bhi hath khada kar diye unka kahna hai ki ab mere pita jee ke pass kuchh hi din bacha hai please ek bar aap aa kar mere pita jee ko dekh lete to sahi tha kya aap abhi aa sakte hai.

Mai- Thik hai mai aata hu aap apne ghar ka location mujhe send kijiye.

Itna bol kar mai call cut kar diya aur fir sonu ke pass aa gaya aur usko bola.

Mai- Yar sonu mujhe abhi ek argent kam se bahar jana hai isliye mai abhi jaa raha hu tumse mai party me hi milunga.

Sonu- thik hai tum jao mai party me tumhara intjar karunga.

Fir mai collage se bahar aa kar auto pakdta hu aur usko adress de deta hu jab wo auto wala wo adress dekhta hai to chauk jata hai fir wo mujhe uper se niche tak dekhta hai fir auto start kar ke chal deta hai fir wo raste me mujhse puchhta hai.

Auto wala- Sahab aap confirm ho ki aapko isi adress par jana hai.

Mai- Ha mujhe isi adress par jana hai kya koi problem hai.

Auto wala- Nhi sahab koi problem nhi hai wo kya hai na ki aap jaha ka adress mujhe diye hai wo ilaka rahiso ka ilaka hai aur waha par koi middle class adami nhi rahta is liye mai ye sab aapse puchha.

Mai- waha par mera ek friend rahta hai mai usi se milne jaa raha hu.

Mera bat sun kar auto wala fir kuchh nhi bola fir karib 1 hour bad mai oberai mension ke pass pahuch gaya waha jane ke mai mension ke gate par gaya to gaurd ne mujhse puchha.

Gaurd- Kisse milna hai apko.

Mai- Mujhe Vishal Oberai se milna hai aap ek bar unko inform kar dijiye ki pratik aaya hai.

Gaurd- Vishal sir abhi kisi se nhi milenge wo andar kisi kam me byast hai aap abhi jaiye bad me aaiyega.

Darasal jabse vishal ke pita jee ka tabiyat kharab huya tha tab se oberai mension me sirf family member ya fir doctor hi aa sakte the kyuki vishal ko shak tha ki uske pita jee ke tabiyat kharab hone me uske kisi dushman ka hath hoga idhar mai gaurd ko bahut samajhaya lekin gaurd mera bat sunane ke liye taiyar hi nhi tha abhi mai gaurd se bahas hi kar raha tha ki tabhi mera phone baja maine dekha ki phone vishal ka hi tha is liye mai call attend kiya to udhar se vishal ka awaj aaya.

Vishal- Aap abhi kaha pahuche hai pratik thoda jaldi aane ki kosish kijiye mere pita jee ka tabiyat lagatar bigadta jaa raha hai.

Mai- Mai to apke mansion ke gate par kabse khada hu lekin mujhe apka gaurd andar hi nahi aane de rahe hai.

Vishal- Aap wahi rukiye mai abhi aa raha hu.

Itna bol kar vishal call cut kar diya thodi der bad vishal waha par aaya aur mujse bola.

Vishal- Maaf karna apko itni der intejar karna pada.

Mai- Koi bat nhi.

Vishal- Chaliye ham andar chalte hai (Guard se) Suno ye mere khas mehman hai agar ye kabhi yaha aaye to tum log bina koi rok tok ke inhe andar aane dena samjhe.

Gaurd- Jee sahab samajh gaya ab aisi galti dobara nhi hoga.

Fir ma aur Vishal waha se mansion ke andar aa gaye mai jaise hi mansion ke andar aaya to mujhe ajib sa anubhuti huya mujhe aisa laga ki jarur is mansion me kuchh gadbad hai yaha vibes positive nhi lag raha tha aisa lag har tha ki yaha ke hawao me nagetive energy ho lekin ye energy bahut kam tha is liye mai confirm nhi ho pa raha tha.

Khair mai in sab chijo se apna dhyan hataya aur Vishal ke sath uske pita jee ke room me aa gaya waha par aur bhi log the jisme se kuchh doctor to kuchh nurse the mai jab room me enter kiya to sabka dhyan mere uper aa gaya mujhe is tarah se room aate dekh kar ek doctor bola.

Doctor- Vishal jee ye kon hai.

Vishal- Dr. Birendra jee ye ek ayurvedic dr. Hai aur ye yaha mere pita jee ko dekhne aaye hai.

Dr. Birendra- Aap ye kya bol rahe hai Vishal jee apko pata hai na ki apke pita jee ka condition kya hai unko agar ek bhi galat dava diya gaya to unka jan bhi jaa sakta hai.

Vishal- Ha mujhe sab pata hai.

Dr. Birendra- Agar apko ye bat pata hai to aap kaise kisi bhi adami ko apne pita jee ke ilaz ke liye la sakte hai aur ye to dekhne se dr. Bhi nhi lag raha hai paka ye koi bahurupiya hai jo apse paisa thagne ke liye aaya hai.

Vishal- Bas dr. Birendra aap pratik ke bare me ab ek aur shabd bhi nhi bolenge samjhe mana ki aap bahut bade dr. Hai aur ham apka ijat bhi karte hai lekin aap kisi ko bhi bina uske bare me jane aise hi kuchh nhi bol sakte samjhe.

Dr. Birendra- Lekin mai to apke pita jee ke bhalai ke liye hi bol raha tha wo kya hai na ki ham log itne dino se apke pita jee ko jivit rakhe huye hai agar koi dusra adami aa kar kuchh galat kar deta hai to hamare itne din ka mehnat bekar ho jayega is liye maine bola.

Vishal- Ham apke bat ko samajh rahe hai lekin ye bhi koi mamuli dr. Nhi hai aap ek bar inhe pita jee ko dekhne dijiye.

Dr. Birendra- Thik hai jab apka hi man hai to ab mai kya kar sakta hu.

Vishal- Pratik aap jakar mere pita jee ko dekh sakte hai.

Vishal ke bolne ke bad mai uske pita jee ke pass gaya aur unko dekhne laga wo apne bed par behosh the unka sharir dhire dhire sukhne laga tha aisa lag raha tha ki unke andar jivan hi nhi hai unka pura sharir kala pad gaya tha fir maine apne divya dristi active kar ke unko dekhne laga thodi der tak dekhne ke bad mai unke pass se hat gaya to vishal mere pass aaya aur mujhse bola.

Vishal- Kaisi condition hai pita jee ka kya wo thik ho sakte hai.

Mai- Pahle mujhe aap ye bataiye ki inka illaz yahi dr. Kar rahe the.

Vishal- Ha inhone hi mere pita jee ka illaz kiya hai ye city hospital ke director dr. Birendra khurana hai kya kuchh gadbad ho gaya hai.

Mai- abhi jyada to nhi huya lekin inka agar aise hi illaz chalta raha to kuchh der bad jarur ho jayega.

Mere bat ko sun kar dr. Birendra ko gusa aa gaya aur guse se mujhse bola.

Dr. Birendra- Tum kahna kya chahte ho ki hamara illaz bekar hai hamare illaz se inko kuchh ho jayega tum jante bhi ho ki mai kon hu.

Mai- Aap koi bhi ho lekin jab apka illaz hi bekar hai to mai use bekar hi bolunga na.

Dr. Birendra- Tum jante bhi ki mai city hospital ka director hu aur mai is desh ka jane mane dr. Bhi hu maine aaj tak na jane kitne marijo ka illaz kiya aur unko thik bhi kiya hai tumhari himat kaise huyi mere illaz ko bekar bolne ki.

Mai- Mai apko ye nhi bol raha ki aap bekar dr. Hai ya aapka illaz bekar hota hai aap bhale hi bahuto ka illaz kiya hoga aur unko thik bhi kiya hoga lekin yaha apka illaz bekar hai.

Dr. Birendra- Tum mere uper iljam laga rahe ho agar tum ise sabit kar ke nhi bataye to tumhare liye thik nhi hoga.

Abhi mere aur Dr. Birendra me bahas ho hi Raha tha ki tabhi us room ka darwaja khula aur ek ladki andar aayi aur aate hi Vishal ke pass gayi aur unse puchhi.

Ladki- Bhaiya ab kaisi hai papa ki tabiyat.

Vishal- Kuchh thik nhi hai Nidhi papa ke halat din par din kharab hote jaa rahe hai.

Nidhi vishal ke chhoti bahan hai jo yahi par hostal me rah kar padhayi kar rahi thi lekin jaise hi usko uske pita jee ke bare me pata chala wo turant hi bhagte huye yaha aa gayi.

Nidhi- To apne kisi bade dr. Ko kyu nhi dikhaya.

Vishal- maine bahut prayas kar liya bahut sare dr. Ko bhi dikhaya yaha tak ki dr. Birendra jo ki desh ke jane mane dr. Hai wo bhi papa ke illaz kar liye lekin unke bimari me thoda bhi sudhar nhi huya.

Nidhi apne bhai ke bat sun kar bahut dukhi ho gayi aur uske aankho se aansu aane lage tabhi uski najar dr. Birendra par gayi jo abhi bhi guse se mujhe ghure ja rahe the jab nidhi ne dr. Birendra ko waha dekha to wo unke pass gayi aur unse hath jodte huye boli.

Nidhi- Please dr. Birendra aap to desh ke itne bade dr. Hai please aap mere pita jee ko bacha lijiye.

Dr. Birendra mere taraf dekhte huye mere uper tanj kaste huye bole.

Dr. Birendra- Mai apke pita jee ko kaise bacha sakta hu mai to ek bekar dr. Hu meri illaz bekar hota hai.

Nidhi unki bat ko sun kar chauk jati hai aur fir chaukte huye bolti hai.

Nidhi- Ye aap kya bol rahe hai kisne apko bekar bola agar bekar hi hote to apka name pura desh me nhi hota aap ek mahan dr. Hai.

Dr. Birendra- Aisa apka lagta hai ki mai ek achha doctor hu lekin kuchh log hai jo mere illaz ko bekar bol rahe hai.

Nidhi- kon hai wo jisne apke illaz ko bekar bola hai apka illaz bekar nhi hai wo adami hi bekar hoga.

In logo ko aise bat karta dekh kar Vishal bich me bol pada.

Vishal- Aap log ye kaisi bate lekar baith gaye aap log ye bate chhodiye aur pratik aap bataiye kya aap mere pita jee ka illaz kar sakte hai.

Mai- Ha mai kar sakta hu.

Nidhi apne bhai ke bat sun kar mere taraf dekhti hai aur mujhe uper se niche tak dekhne ke bad bolti hai.

Nidhi- Bhaiya ye kon hai aur aap ise papa ke illaz karne ke liye kyu bol rahe hai.

Vishal- Nidhi ye hai pratik aur ye ek ayurvedic doctor hai.

Nidhi- Bhaiya apka dimag to kharab nhi ho gaya hai aap papa ka illaz ek ayurvedic doctor se karwayenge aur ye apko kaha se ek doctor dikh raha hai.

Vishal- Nidhi tum abhi inke bare me kuchh nhi janti is liye tum chup raho.

Dr. Birendra- Ha vishal jee thik bol rahe hai pratik ek achha doctor hai tabhi to ye mere illaz ko bekar bol raha hai.

Nidhi- Kya isne aapke illaz ko bekar bola.

Dr. Birendra- Aur sath me ye bhi bol raha tha ki agar mai apke pita jee ka illaz karte raha to wo jyada samay tak jinda nhi rah sakte.

Nidhi- Kya isne apke illaz ko bekar bola.

Dr. Birendra- Ha isi ne mere illaz ko bekar bola hai aur agar ye mujhe proof kar ke nhi bataya ki mera illaz bekar hai to mai ise yaha se sahi salamat jane nhi dunga.

Mai- Apko proof chahiye na thik hai mai apko proof deta hu aap mujhe sabse pahle ye bataiye ki inko huya kya hai.

Dr. Birendra- Tumko ye pata nhi hai ki inko huya kya hai to tum mere illaz ko bekar kaise bol sakte ho.

Mai- Mai apse jitna puchha aap sirf utna hi bataiye.

Dr. Birendra- ye to inko dekhne se hi lag raha hai ki inko koi khatarnak jahar diya gaya hai jiske karan inke sharir ka organ kam karna band kar diya hai.

Mai- Ha apne ye sahi bola ki inka organs damage ho gaya hai lekin ye galat hai ki inko poison diya gaya hai.

Waha par jitne bhi log the wo sab meri bat sun kar chauk gaye.

Vishal- Agar mere pita jee ko poison nhi diya gaya hai to inka organs damage kaise ho gaya aur inka sharir kaise kala ho gaya.

Mai- Apke pita jee ka organ damage hone ka karn ek rare bimari hai aur rahi bat inke sharir kala hone ka to inko abhi tak jo bhi injection diya ja raha tha usse inke sharir me toxic jama hote gaya aur wo toxic inke pure sarir me phail gaya hai jiske karan inka sharir kala ho gaya.

Dr. Birendra- To apke kahne ka matalab hai ki ham log jo injection inko de rahe the wo inke liye khatarnak tha aur wo inko nuksan pahucha raha tha.

Mai- Ha yehi bat hai agar ek aur injection inko lagta to inke sharir ka sare organs fail ho jate jinke karan inka mrityu bhi ho sakta tha.

Nidhi- Ye Kya nonsens bat tum kar rahe ho aisa kuchh bhi nhi hai mere papa ko poison hi diya gaya hai.

Mai- Agar mere uper apko vishwas nhi hai to aap inko ek aur injection lagwa kar dekh lo lekin agar inko kuchh bhi hota hai to uska responsibility mera nhi hoga.

Mere bat ko sun kar sab chup ho gaye fir vishal mere pass aa kar bole.

Vishal- Agar aisa hai to please aap mere pita jee ko thik kar dijiye.

Mai- Aap chinta mat kijiye mai apke pita jee ko thik kar dunga aap ek kam kijiye silver needle ka ek set mangwa lijiye.

Vishal ne mere bat ko sun kar ek naukar ko bulaya aur usko market se ek silver needle ka set lane ko bola wo naukar waha se turant chala gaya.

Nidhi- Dekho tum illaz to kar rahe ho lekin agar mere papa ko kuchh ho gaya to mai tumhe jinda nhi chhodungi yad rakhna.

Mai- Aap vishwas kijiye apke pita jee ko kuchh nhi hoga.

Fir thodi der bad naukar silver needle lekar waha aa gaya aur mujhe de diya fir mai Dr. Birendra ko bola.

Mai- Dr. Sahab please aap in machino ko inse alag kar sakte hai.

Dr. Birendra- Tum kahi pagal to nhi ho gaye agar ye machin inke sharir se alag huya to inko bachana muskil ho jayega.

Mai- Aap hata dijiye inko kuchh nhi hoga agar inhe kuchh hota hai to uska responsibility mera hoga.

Mere bat ko sun kar Dr. Birendra vishal jee ke taraf dekhne laga to vishal ne unko ha me gardan hila kar machine hatane ki anumati de diya fir dr. Birendra ne wo sare machin ko Jagmohan Oberai ke sharir se alag kar diya jiske karan unka heart beat dhire dhire kam hone laga ye dekh kar sare log ghabra gaye.

Jab sare machine waha se hata diye gaye to mai aage badhte huye Jagmohan oberai ke bed ke pass pahucha aur unke sharir ke unka sara kapda nikal diya fir silver needle ko unke acupuncture point par dalne laga jab maine silver needle ko unke body me dal diya to fir mai apne yogik shakti se unke sharir ke organ ko thik karna star kar diya aur sath me hu apne yogik shakti ko unke pure sharir me phailane laga kyuki jagmohan ke bimari nagetive energy ke chalte huye tha unke uper nagetive energy ka saya tha aur ye mujhe tab pata chala jab maine unke sharir ko apne divya dristi se dekha tha.

Jab maine unke sharir me yogik shakti ko dala to uske thodi der bad unke muh se ek kali urza nikla aur gayab ho gay iske bad unka organs thik hona suru ho gaya kuchh hi der me unke sharir ka damage organ puri tarah se thik ho gaya.

Iske bad mai unke sharir me phaile huye poison ko ek jagah ekktha kiya aur uske uper pressure de kar muh ke taraf laya jiske karan unke muh se kala khun nikalne laga ye dekh kar sare log chauk gaye ab to dr. Birendra ko bhi mere bato par vishwas hone laga tha.

Jab sara toxic Jagmohan oberai ke sharir se bahar nikal gaya to unke sharir ka colour bhi normal insan ke jaise ho gaya jab mera sara kam khatam ho gaya to mai jagmohan oberai ke sharir se sare silver needle ko bahar nikal liya aur waha se hath kar side me khada ho gaya aur jagmohan oberai ko dekhne laga.

Thodi der bad jagmohan oberai ki sanse tez chalne laga aisa lag raha tha ki unko sans lene me problem ho raha hai jise dekh kar sare log ghabra gaye lekin fir thodi der bad unki sans normal ho gayi aur wo hosh me aa gaye unko hosh me aaya dekh kar sare logo ke chehre par khusi aa gayi Vishal aur nidhi bhagte huye unke pass gaye to maine unse bola.

Mai- abhi wo kamjor hai is liye aap log unko abhi rest karne dijiye thodi der me wo behtar ho jayenge tab aap unse mil lijiyega.

Mere bolne ke bad wo log waha se hath kar mere pass aa gaye aur nidhi apne ghutno par baith kar dono hath jodte huye boli.

Nidhi- Maine aapko bahut galat samjha is liye apni nasamjh me apko bahut kuchh bol diya iske liye mujhe maf kar dijiyega apne aaj mere papa ko bacha kar hamare pariwar par ek ahsan kar diya aur ye ahsan hamara pariwar marte dam tak nhi bhulega.

Mai- Are ye aap kya kar rahi hai please aap is tarah se mere samne ghutno par mat baithiye aur maine aap logo par koi ahsan nhi kiya hai balki maine apna farz nibhaya hai.

Vishal- apne ek bar aur mere uper ahsan kar diya mai to apke ahsano ke tale daba jaa raha hu mai kaise apka ye ahsan chukaunga.

Mai- dekhiye maine bola na ki mai aap logo par koi ahsan nhi kiya hai ye to mera farz tha ki mai aap logo ki madat karu.

Nidhi- Ek bar aur se kya matlab hai bhaiya.

Vishal- Sayad tumko pata nhi hoga lekin tumhare bhatije ka bhi jan inhi se bachai thi usko bhi city hospital ke doctor jabab de diye the tab ye farista ban kar waha par aaye aur mere bete ki jan bacha li.

Ye sab waha khada ho kar dr. Birendra khurana bhi sun rahe the jab unhone suna ki vishal ke bete ki jan bhi maine hi bachai thi to wo samajh gaye ki mai koi mamuli insan nhi hu wo turant hi mere pass aaye aur mujhse hath jod kar bole.

Dr. Birendra- Prateek jee mujhe bhi maf kar dijiye maine na jane apko kya kya bol diya aap to ek chamatkari doctor hai.

Mai- Are are doctor sahab aap ye kya kar rahe hai aap mujhse bade hai aap mere samne is tarah hath mat jodiye please.

Dr. Birendra- Aap mahan hai doctor pratik apka vidya bhi mahan hai apne aaj wo kar dikhaya hai jo ham log na jane kitne samay se karna chah rahe the mai aaj hi apke uper ek article likhunga jisse apka mahanta pura desh jan sake.

Mai- Nhi nhi aap ye mat kijiyega mujhe lime light me aana pasand nhi hai mai low profile hi thik hu mujhe dusre logo ke najro me mahan banane ka koi saukh nhi hai.

Dr. Birendra- jab aap itna bol rahe hai to thik hai mai article nhi likhunga lekin meri apse ek request hai.

Mai- Aap Boliye mai kis tarah se apka madat kar sakta hu.

Dr. Birendra- Is desh me na jane kitne aise log hai jo laillaz bimari se grast hai aur unka ilaz apke shiva is duniya me koi nhi kar sakta is liye kya aap city hospital me as a doctor kam karna chahenge.

Mai- Nhi mere pass utna samay nhi hai ki mai city hospital me doctor ka kam kar saku kyuki mai abhi mumbai university se apna padhai kar raha hu.

Dr. Birendra- Aisa hai aap saptah me sirf ek din to as a guest doctor kam kar hi sakte hai isse apke padhai me bhi problem nhi hoga.

Mai- Thik hai mai soch kar apko bata dunga ek kam kijiye aap apna number mujhe de dijiye.

Iske bad ham dono ne apna number exchange kiye aur fir dr. Birendra vishal se bole.

Dr. Birendra- Vishal jee apke pita jee ab thik ho gaye hai to mujhe ab yaha se jane ka agya dijiye.

Vishal- Thik hai dr. Sahab aap jaa sakte hai mai sam me hospital aa kar apse milta hu.

Iske bad dr. Birendra aur uske sathi doctor aur nurse sab waha se chale jate hai unke jane ke bad us room me nidhi mai aur Vishal hu bache the jagmohan to aram se so rahe the.

Vishal- Jee apke pita jee ke bimari ke bare me mujhe apse kuchh bate karni thi.

Vishal- Ha boliye.

Mai- Apke ghar par Negetive energy ka saya hai jiske chalte us din apke ladke ka tabiyat kharab huya tha aur aaj apke pita jee ka ye halat huya hai.

Vishal- kya ye aap kya bol rahe hai aap padhe likhe ho kar ke aap in sab bato par vishwas karte hai.

Nidhi- Aaj ke modern jamane me ye aap kya andhvishwaso bali kat karne lage ham log in sab bato par vishwas nhi karte.

Mai- Aap log bhale hi in sab bato par vishwas nhi karte hai lekin ye hakikat hai achha aap dono ek bat bataiye kya aap log bhagwan par vishwas rakhte hai.

Vishal- Ha hamlog bhagwan ko mante hai.

Mai- Yadi is sansar me bhagwan ka astitva hai to saitan ka bhi astitva hai agar aap bhagwan mante hai to apko saitan bhi manana chahiye kyuki bhagwan aur saitan dono ek dusre ka purak hai agar is duniya me roshani ka astitva tabhi hai jabtak andhera hai agar andhera nhi rahega to roshni ka namo nishan hi nhi rahega.

Vishal- Mai apke bato ko samajh raha hu lekin mujhe abhi bhi vishwas nhi ho raha Hai.
Nidhi- Vishwas kaise hoga bhaiya bhut pret atma ye sab sirf kitabi bate hai ya fir ya sab filmo me hi hota hai in sab chijo ka asaliyat se koi bhi wasta nhi hai.
Mai- Lagta hai aap dono ko mai jab tak demo nhi dikhaunga tab tak aapko vishwas hi nhi hoga.
Click to expand...
Shaandar jabardast Romanchak Update 👌 👌 👌
Pratik ne Vishal ke pitaji ko bacha liya ab unke pariwar me Ho rahe lagtar ghatnao ke mil karan ka niwaran karne ja raha hai 😊 😊 😊
 
  • Like
Reactions: The Rock Aditya and Naik
You must log in or register to reply here.
Top