Nice and superb update....UPDATE- 102
naukari chhodne ke baad sarita ne apne aapko padhaai mein jhonk diyaa. Usne apne aapko puri tarah se sabhi se kaat liya tha. Wo pahli baar se kahin jyada mehnat kar rahi thi. Ab tak abhishek bhi jail se chhutkar ghar aa chukaa thaa.
samay bitne ke sath hi sarita ki prelims, main aur interview ho gaya tha jo achha gaya tha.
Lagbhag 11 Mahine baad
Sarita apne ghar mein laptop par apni najarein gadaye baithi thi. Aaj Uskka Civil Services ke exam ka result aane wala tha. Uska man andar hi andar ghabra raha tha. Wo Manisha se iske bare mein kai baar baat kar chuki thi. lekin Sarita ki bechaini badhti ja rahi thi.
Tabhi uske mobile ki screen par ek naam show huwa. Jo Nishchal ka tha. Usne phone uthaya to nishchal ne kaha.
Nishchal- ghabrao mat, Mujhe poora wishwash hai ki hamara sapna jaroor poora hoga.
Sarita- Aur agar nahi huwa to please mujhe maaf kar dena.
Nishchal- Fir se tumhara rona shuru ho gaya. Is baar nahi huwa to agli baar fir se try karna. Agli baar nahi huwa to uske Agli baar fir try karna aur vishwas karo Tumhare aim ke liye main bhi apni naukari chhod dunga.
Sarita- Haan fir to dono road par baithkar katora lekar bheekh mangenge. Hai na??
Nishchal- (hanste huwe) Sahi kaha. Isase better to koi job ho hi nahi sakti. IAS ki salary se jyada kamai hogi mahine mein. Sath mein tumhare sath kaam karne mein maza bhi bahut aayega.
Sarita uski baat sunkar hans di to Nishchal ne kaha.
Nishchal- Ab thik hai. tum aise hi hamesha hansti muskurati hui hi achhi lagti ho.
Sarita- Aap aa rahe hain na mujhse milne ke liye.
Nishchal- Abhi clear nahi bata sakta.
Sarita- (gusse mein) 1.5 sal se jyada ho chuka hai aapse mile huwe. apka to kuchh bhi clear nahi rahta.
Nishchal- Promiss yaad hai ya bhool gayi.
Sarita- Hmmmm. Yaad hai tabhi to kuchh bolti nahi hoon aapse.
Nishchal- Achha Ab khush ho jao.
Sarita- Wo kisliye??
Nishchal- Kyon ki main aa raha hoon tumse milne. Result chahe jo bhi ho exam ka tum udas mat hona.
Sarita- (khush hokar) Kyaa?? Sach mein aap aa rahe hain mujhse milne.
Nishchal- haan meri jaan main aa raha hoon.. mujhe lagta hai ki ab tum thik ho to main phone rakh raha hoon.
Sarita- Hmmm. Main intezaar kar rahi hoon aapka.
Itna kahkar Sarita ne phone rakh diya aur kisi soch mein gum ho gayi.
Sarita- (man mein) Agar aaj ye exam clear na huwa to main Sir ko kya munh dikhaungi. Mujhse jyada to unhone iske liye tapasya ki hai. Subah jagne se lekar der raat tak wah mere sath hi rahe hain. Notes banane se lekar interview ki taiyar karwane mein wo hamesha mere sath hi rahe hain.
Agar kisi topic par ulajhkar main pareshan ho jati thi to wo kitni aasani se us topic ko solve karke mujhe samjhate the. Mujhse jyada to unhone mehnat ki hai is exam ki. Hey bhagwan Sir ki mehnat ko bekar mat hone dena. Is bich wo mere guru. Mere margdarshak aur ek achhe aur sachhe dost ke roop mein the.
Wo to bhala ho phone aur video calling ka. Jiski wajah se main kam se kam unka chehra to dekh pa rahi thi. nahi to unhone promiss karke mujhe fansa hi diya tha. Pichhle 3 Mahine se unka transfer Pratapgadh (Allahabad ke bagal wala zila) mein huwa hai. chahe to wo mujhse aakar mil sakte hain 40 kilomiter door hi to rahte hain.
Lekin nahi apne aage to kisi ki sun-ni hi nahi hai. kahte hain ki agar main unse mil lungi to fir kai din to unke bare mein hi sochungi. Fir meri padhai disturb hogi. Isase achha jab exam clear kar lena to fir main poora ka poora tumhara.
Had hai yaar aisa bhi koi karta hai kya?? Preperation se pahle hi ye wada le liya tha ki jab tak result nahi aa jata tab tak ham log nahi milenge. Warna isase meri padhai mein effect padega. Aaj agar maine ye exam clear kar liya to ham dono ki mehnat safal ho jayegi.
Sarita yahi sab soch rahi thi ki tabhi Manisha aur Abhishek uske paas aaye. Manisha ne use jhakjhorte huwe kaha.
Manisha- DidiYA kis soch mein gum ho. boss ka phone aaya tha. Result aa gaya hai. jaldi se check karo..
Sarita ne Manisha ko dekha aur ghabrate huwe kaha.
Sarita- Nahi. Mujhse ye nahi hoga. Mujhe bahut dar lag raha hai tum hi check karo na.
Manisha- Hato main karti hoon.
Manisha result check karne lagi. Tabhi Sarita ka phone bajne laga. Lekin Sarita itni ghabrayi hui thi ki usne call nahi uthaya. Sarita ka phone band hone ke baad Manisha ka phone bajne laga. Manisha ne phone uthana chaha to Sarita ne kaha.
Sarita- phone baad mein utha lena. Pahle result check karo.
Manisha- Check to kar rahi hoon didiya, lekin sarver hi jam hai.
Abhi Manisha ne itna hi kaha tha ki Raani ji kamre aayi aur kaha.
Raani ji- Dekho. Savita bitiya ka phone aa raha hai. Result aa gaya kya??
Manisha- Hmmmm.
Manisha result dekh rahi thi. screen par dekhne ke baad Manisha ne Sarita ki taraf dekhte huwe kaha.
Manisha- Didiya is baar tumhara…….
Manisha ne ye shabdd udase swar mein kahe the jise sunkar Sarita ko laga ki uska selection nahi huwa hai to uski aankho mein aanshu aa gaye. Ye dekhkar Manisha ne kaha.
Manisha- Are pagal tum ro kyon rahi ho?? Tumhari all India mein 22nd rank aayi hai.
Sarita- (jor se chillate huwe) Sachhi.
Manisha ne use gale lagate huwe kaha.
Manisha- Muchhiiii.
Raani ji ne Khushi se Sarita ka matha chum liya. Aanand ji ne bhi Sarita ko gale lag aliya. Sarita khushi se jhoomte huwe Abhishek ke gale lag gayi aur boli.
Sarita- Main paas ho gayi bhaiya. maine jo chaha tha wo kar dikhaya.
Abhishek- Haan. Sarita . Main bahut khush hoon tumhare liye. Mujhe pahle se hi pataa tha ki tum jarur apne goal ko pa logi.
Sarita ke paas hone ki khabar poore mohalle mein jangal mein aag ki tarah fail gayi. Sarita ko badhayi dene walon ka jamwada lag gaya. Rishtedaro ke bhi lagatar phone aa rahe the. Sabhi Sarita aur uske gharwalo ko badhayi de rahe the.
News channel wale bhi interview lene ke liye aa gaye. Is bich Sarita poori tarah busy thi. use bilkul bhi samay nahi mil raha tha ki wo Nishchal se baat kar paye. Wah sabke bich mein ghiri hui thi. use tanik bhi achha nahi lag raha tha ki wO yahan par aur baithe, uska man Nishchal mein hi laga huwa tha.
Sarita ne pahle hi prayash mein IAS ki pariksha paas ki thi to uski charcha hona lajimi bhi thi. Aaj poore mohalle mein sabki juban par Sarita ka aur uske mummy papa ka hi naam tha. Apni bahan ki kamyabi se Abhishek bhi bahut khush tha.
Jab Sarita thoda free hui to kamre ki taraf jane lagi. Lekin Tabhi Raani ji use lekar Paas wale mandir mein chali gayi. uske naam se pooja ki aur thodi dan dakshina kar aayi. Sham hote hote Sarita bilkul thak chuki thi. Mandir se lautkar aane ke baad Sarita ne Manisha se kaha.
Sarita- Ab ek ghante tak mujhe koi bhi disturb na kar paye. Is baat ka dhyan rakhna.
Manisha- Thik hai didiya. Tum jao aur aaram kar lo thoda.
Wah apne kamre mein gayi to uski najar table mein rakhe phone par gayi. Usne apna phone dekha to usmein 75 miss call pade huwe the.
Sarita ne call check ki to usme Jawed, Mohit, Ranjana, Janhavi, Vikas, Amit aur Kaushal ke bahut sare miss calls the. Sath mein kuchh rishtedaro ke bhi phone the. Unhi mein 3 Miss call nishchal ki bhi thi.
Sarita ne turant Nishchal ko phone kiya to Nishhal ne phone nahi uthaya. Sarita ne apne man mein socha.
Sarita- Haan mujhe pata hai ki aap mujhse gussa hain, warna aap ek baar mein hi meri call utha lete, par main kya karun. Abhi to jakar sabse fursat mili hai.
Sarita ne Sorry ka massage likhkar use bhej diya. uske baad Sarita ne bari bari apne purane collegue se baat ki. Sabhi Sarita ki is achievement se bahut khush the. Sabhi ne Sarita ko badhayi di.
Sabse baat karne ke baad Sarita aaram karne lagi. Lagbhag 1 ghante baad Sarita ko Manisha ne uthaya aur kaha.
Manisha- Didiya chat par jao.
Manisha ne Sarita ki baat sunkar deewar par lagi ghadi ki taraf dekha aur kaha.
Sarita- Are abhi kyon jaun. Abhi to raat ke 8.30 hi baje hain.
Manisha- Haan pata hai mujhe. Ab jyada amma mat bano meri aur chaat par jao.
Manisha ke kahne par jab Sarita chaat par gayi to use waha par kisi ki parchhayi dikhi. Jise dekhkar Sarita ne kaha.
Sarita- kaun hai waha par??
Sarita ki baat sunkar jab wo parchhayi uski taraf ghumi to chand ki halki halki Roshni mein use Nishchal ka chehra najar aaya to wo daukar Nishchal ke sine se lag gayi. dono kuchh der aise hi khade rahe tabhi Nishchal ko Sarita ke sisakne ki aawaz sunayi padi. Nishchal ne kaha.
Nishchal- Kya huwa tumhe. Tum ro kyon rahi ho.
Sarita- I Am sorry. Main aapki call nahi uthaa payi. Aap mujhse gussa to nahi hain na.
Nishchal ne uske sir par hanth ferte huwe kaha.
Nishchal- Tumne aisa soch bhi kaise liya ki main apni lady don se kabhi gussa sakta hoon.
Itna kahkar Nishchal ne use apne se alag kiya aur uska chehra apne dono hatho mein liya aur uske mathe ko chum liya. Sarita sihar gayi.
Sarita ko ummeed nahi thi ki Nishchal usase aise milenga. Nishchal ne Sarita ka hath pakda aur use chat ke ek kinare par le gaya aur bagal mein ek swich onn kar diya.
JIisase waha par rang birangi dher sari lights jal gayi thi. Wahi par ek chhote se table par bahut hi pyara sa chhota sa cack rakha tha. Sarita uski taraf dekhne lagi to usne kaha.
Nishchal- Chalo tumhari khushi selebrate karte hain.
Sarita- (Khushi se) Ye Sab aapne kiya.
Nishchal- Nahi. Ye sab chhote miya aur tumhare bhaai ka kamal hai. unka kahna tha ki jab itne din baad ham dono mil rahe hain to kuchh special hona chahiye.
Sarita- (muskurate huwe) Aap sab na bilkul pagal hain.
Nishchal- hhhhmmmm. Aur tum ham sab paglon ki jaan.
Sarita Nishchal ki baat sunkar uske sine se lag gayi. Kuchh der baad Nishchal ne uska hath pakadkar use apne se alag kiya aur use table ke paas le aaya aur bola.
Nishchal- Chalo ab cack kato.
Sarita- cack main nahi aap kitenge, kyonki meri safalta ke pichhe aapka hath hai. mujhse jyada mehnat to aapne ki hain mujhe exam clear karwane ke liye. Ye sab aapke karan hi possible huwa hai.
Nishchal- Main to bas ek jariya tha Sarita mehnat to tumhari apni thi.. Acchha Ab jaldi se cack cut karo. Tumhare liye mere paas bahut bada surprise hain.
Sarita- Kya surprise hai.
Nishchal- Wo to cack katne ke baad hi pata chalega.
Sarita- Chaliye sath mein cack kat-te hain.
Nishchal aur Sarita ne sath mein cack kata. Fir dono ne ek doosre ko cack khilaya. Fir dono wahi chat ki deewar se take lagakar baith gaye. Un dono ke bich bas aasman mein chamakta chand tha aur dono ke bich khamoshi thi. dono ek doosre ki aankho mein khoye huwe the.
Sarita ne is khamoshi ko todte huwe kaha.
Sarita- Kya surprise tha ab bataiye??
Nishchal- Pahle apni aankhe band karo.
Sarita- Par aankhein kyon.
Nishchal- Tum sawal bahut karti ho. apni aankhein to band karo.
Sarita ne apni aankhein band kar li. Nishchal ne apna mobile nikala, mobile mein kuchh kiya aur Sarita se kaha.
Nishchal- Ab apni aankhein kholo.
Sarita ne apni aankhein kholi to uske samne mobile ki screen par kuchh dikh raha tha. Nishchal ne kaha.
Nishchal- Ab ise padho.
Sarita ne jab use padha to uski Khushi ka thikana nahi raha. Wo Khushi ke mare jor se cheekhne wali thi par Nishchal ne turant uske munh par apna hath rakh diya aur kaha.
Nishchal- Are maine chillane ke liye thode hi kaha tha. padhne ke liye kaha tha.
Sarita ne apne munh se Nishchal ka hath hataya aur uske gale lag gayi. Sarita ki aankho mein Khushi ke aanshu the. Nishchal ne usase pochha.
Nishchal- to kaisa laga mera surprise.
Sarita- ye meri zindagi ka sabse bada surprise hai. lekin aapne mujhe bataya kyon nahi ki aapne bhi ye exam diya tha.
Nishchal- main kaise batata tumhe. Main to shyor bhi nahi tha ki main paas bhi ho paunga, lekin luckly 320 rank aa hi gayi.
Sarita- Lekin aapne kabhi bataya nahi ki aap ka bhi aim IAS ban-na hai.
Nishchal- Ye mera aim nahi tha, lekin tumhari madad karte karte dimag mein khyal aaya ki main bhi ye exam de hi deta hoon. Aur dekho mere luck ne mera sath diya aur main bhi paas ho gaya.
Sarita- Aaj main sach mein bahut khush hoon aur is Khushi ki wajah aap hain.
Nishchal ne uska hath apne hath mein lete huwe kaha.
Nishchal- main chahta hoon ki ta-umar main tumhein aise hi khush dekhun.
Nishchal ki baat sunkar Sarita sharma gayi aur Nishchal ki baho mein simat gayi.
Dono kuchh der aise hi khade rahe tabhi Sarita ka phone bajne laga. Phone Manisha ka tha. Sarita ne phone uthaya to Manisha ne kaha.
Manisha- Didiya Niche aao.
Sarita- Hmmmmmmm. Per Sir bhi to hain sath mein.
Manisha- Pahle tum aao. Main baad mein boss ka intezam karti hoon.
Sarita ne bechargi se Nishchl ki taraf dekha. Wah uski or badha aur uske mathe ko chumte huwe bola.
Nishchal- Tum jao Ab ek hafte baad milte hain.
Sarita ne apni apni bhauhein uthate huwe ishare se poochha.
Sarita- Ek hafte baad kyon??
Nishchal- Ufffff. Tum sawal bahut karti ho.
Sarita- Abhi se hi pareshan ho gaye. Aap to sari zindagi sath rahne ki baat karte hain.
Nishchal- (shararat se) Agar ab tum chup nahi hui na to main tumhare hontho ko kiss kar lunga.
Sarita ne Nishchal ki baat sunkar jhat se apne hontho par apna hath rakh diya. Nishchal uski is harkat par muskura diya. Sarita turant niche chali gayi.
Sarita ke aane ke baad jis tarah Se Manisha Nishchal ko lekar chat par chupke se gayi thi usi tarah Nishchal ko chupke se waha se bahar le aayi. Nishchal apne ghar chala gaya.
Nishchal ne apne ghar mein Sarita aur apne rishte ke bare mein bata diya. Naina ji aur Mahendra ji ko Sarita pahale se pasand thi. kahi na kahi unke man mein bhi yahi khayal chal raha tha, Sarita aur Manisha ko Unhone Savi ki shadi mein hi achhe se parakh liya tha. Isliye unhe is Rishte ke bare mein koi aapatti nahi hui.
Naina ji aur Mahendra ji ne Iske bare mein Raghav aur Savita se bhi baat ki. Dono ko pahle hi Nishchal aur Sarita ke bare mein pata tha to unhe bahut Khushi hui aur unhone is rishte par apni muhar laga di.
Iske Aage ki Kahaani Agle Bhag mein..
Romance Tumhaare Liye- Ek Prem Kahaani (Completed)
- Thread starterMahi Maurya
- Start date
- 346,819
- 28,119
- 56,347
- 304
- 28,119
- 56,347
- 304
UPDATE- 103
Hafte bhar baad Nishchal Apne mummy papa, Savita aur Raghav ke sath Sarita ke yaha pahucha. Jalpan ke baad Savita Sarita ke paas chali gayi. Naina ji aur Mahendra ji ne Nishchal ke Rishte ki baat ki aur Nishchal ke liye Sarita ka hath manga to Raani ji aur Aanand ji ek doosre ko dekhne lage. Paas mein baithi Manisha ne kaha.
Manisha- Mummy papa. Aap chaukiye mat. Aap ko yaad hain Mummy. Jab aap di ko job chhodne ke liye kah rahi thi to maine kaha tha ki ek ladka hai jo di ko bahut pyaar karta hai. Wo Boss hi hain. aur didiya ki taraf se bhi haan hai.
Manisha ki baat sunkar Raani ji waha se uthkar jane lagi to usne kaha.
Manisha- Ab aap kahan ja rahi hain.
Raani ji- (muskurate huwe) tum buddhu ho kya. Meri beti ka Rishta tay hua hai to kya aise hi sukhe muh sab baithe rahenge. Main mithayi lene ja rahi hoon. Ab to ham dono ki dosti rishtedari mein jo badal gayi hai.
Raani ji jakar Mithayi lekar aayi. Sab ne ek doosre ka munh mitha karwaya. Thodi der mein Savita bhi bahar aa gayi. Manisha Sarita ko ye khushkhabri sunane ke liye daud padi. Manisha Nishchal ko bhi jabran apne sath mein le gayi. Savita ne Sarita se yaha aane ka karan nahi bataya tha. Sarita kamre mein idhar udhar chakkar kaat rahi thi.
Tabhi Manisha ne darwaza khola. Sarita ne jab darwaze ki taraf dekha to wo chauk gayi, kyonki samne nishchal khada tha Manisha ke sath. Sarita ne Manisha ko dant-te huwe kaha.
Sarita- Manisha tumhe bilkul bhi tameez nahi hai kya?? Aise inhe yahan par leti aayi ho. Sab kya soch rahe honge??
Manisha- Tumhare alawa koi kuchh nahi soch raha hai. sab bat karne mein busy hain.
Sarita- Thik hai to tum bhi yaha mere sath baitho. Mujhe akela mat chhodo.
Manisha- main yahan kabab mein haddi kyon banu?? Mujhe pata hai ki tum khali upar upar se kah rahi ho ki ruk jao. Andar andar hi mujhe gali de rahi hogi.
Manisha ki baat sunkar Sarita ne Nishchal ki taraf dekha aur kaha.
Sarita- Dekha aapne yah kitni badmash hai??
Nishchal- Are use badmash mat bolo. Usne hi to apni setting karwayi hai.
Abhi Sarita kuchh aur bolti tab tak Manisha ne Nishchal ko kamre mein thel kar darwaza band kar liya aur waha se bhag gayi.
Sarita ne daudkar darwaze ke paas jana chaha uske pahle hi nishchal ne uske hath ko pakadkar apni taraf kheech liya aur uske hontho par apni ungli rakhte huwe kaha.
Nishchal- Tumhari problem kya hai?? ham pahli baar to mil nahi rahe hain na?? fir itna kyon pareshan ho rahi ho tum??
Sarita ekdam chup hokar apni badi badi aankho se use dekhne lagi. Nishchal ne kaha.
Nishchal- Achha bolo. Ab nahi bolta main tumhe kuchh bhi.
Sarita ne dhire se kaha.
Sarita- mummy papa ke samne aise achha nahi lagta. Wo log kya soch rahe honge hamare bare mein.
Nishchal- Kuchh bhi nahi soch rahe honge wo. Hamara Rishta tay ho gaya hai. main to tumhe bas ye batane aaya hoon ki kuchh hi mahino baad main tumhe yaha se lekar jaunga.
Nishchal ki baat sunkar Sarita ke chehre par Aashcharya aur Khushi ke mile jule bhav the. Sarita ne Sharam se apni aankhe jhuka li. Nishchal abhi aur bhi kuchh kahna chahta tha, lekin tabhi Manisha ne darwaza knowk karte huwe kaha.
Manisha- Bas kariye ab. Milne ka samay samapt hota hai ab.
Manisha ki aawaz sukar dono ek doosre se door ho gaye. Nishchal ne Sarita ki taraf dekhte huwe Manisha se kaha.
Nishchal- Chhote miya tum na bahut kharab ho. tum hamesha galat time par entry kyon marti ho??
Manisha- hmmm pata hai mujhe. Bas kuchh hi mahine ki baat hai uske baad koi bhi rokne wala nahi hoga aap dono ko. Fir jitna marji utna pyaar…….
Manisha iske aage kuchh aur bolti ki Sarita ne use aankhe dikhate huwe kaha.
Sarita- Bas ab iske aage aur nahi.
Manisha- Thik hai. tum yahi baitho main ja rahi hoon.
Manisha ne Nishchal ka hath pakda aur use lekar jane lagi. Sarita Nishchal ko aur Nishchal Sarita ko dekhte rahe.
Nishchal waha par aakar baith gaya. Raghav aur Manisha bhi aankho hi aankho mein bate karne lage. Manisha ko samay nahi mil pa raha tha ki wo Raghav se ekant mein kuchh baat kare.
Udhar Naina ji Raani ji se baat karte huwe kaha.
Naina ji- ham log chahte hain ki Training mein jane se pahle hi dono ki shadi ho jaye.
Raani ji- Lekin itni jaldi kaise.
Naina ji- Isme jaldi kaha hain Samadhan ji. Poore 2 mahine hain aapke paas. Uske baad main aakar apni bachhi ko yaha se le jaungi.
Naina ji ki baat sunkar Raani ji ne Aanand ji ki taraf dekha to unhone sahmati mein Sir hilakar Apni Manjuri de di to Raani ji ne kaha.
Raani Ji- Ab main kya bolu. Aapki hi beti hai. aapka jab man ho tab aakar le jaiye use.
Naina ji- Achha. Ek baat aur. Bachcho ki Safalata ki Khushi mein hamne ghar mein pooja rakhi hai. hamein Achha lagega agar aap log bhi us pooja mein shamil ho.
Raani ji- Pahle to ham dono dost the to sochna nahi padta tha lekin ab beti ke sasural mein thodi hi aa jayenge.
Naina Ji- Wo Bhi to Sarita ka hi ghar hai na aur Abhi Sasural ban-ne mein 2 Mahine ka samay hai.
Naina ji ki baat sunkar sab hansne lage. Raani ji ne kaha.
Raani ji- Thik hai ham waha aayenge, lekin ham jeth ji ke yahan par rukenge.
Naina ji- Jaise aapko thik lage.
Uske baad kuchh der baithne ke baad Nishchal Sapariwar sabse vida lekar ghar wapas chala gaya. Aaj Sarita ke ghar walon ko bahut Khushi ho rahi thi ki Sarita ko uski pasand ka ladka mil gaya hai. Sath hi Is baat ki bhi Khushi thi ki Sarita itne bade ghar ki bahu banegi.
Aaise hi samay bit-ta gaya. Nishchal aur Sarita phone par baat karte the. Kabhi kabhi Savita ka bhi phone aa jata Sarita ko. Raghav aur Manisha bhi ghanto phone par lage rahte the. Isi tarah ek hafte gujar gaya.
Aaj Sab pooja mein shamil hone ke liye Kanpur pahuch gaye the. Savita aur Anant bhi Aaye huwe the. Buwa ji bhi waha par maujud thi. Sarita & Family jab waha par pahuchi to buwa ji ne khud aage badhkar unka Swagat kiya to Manisha ko bahut ashcharya huwa aur wo unhe bahut gaur se dekhne lagi.
Sarita ne pile rang ka chudidar pahna huwa tha to Manisha ne neele rang ka. Dono us shoot mein bahut pyaari lag rahi thi.
Nishchal ne gahre pile rang ka kurta aur safed paayjama pahna huwa tha to Raghav ne kreem color ka kurta paayjama pahna huwa tha. dono kurte payjame mein bahut handsome lag rahe the.
Sarita aur Manisha ne sabhi ke pair chuuwe. Manisha ne Savita se poochha.
Manisha- Aap kaisi hai didi.
Savi- Main bahut achhi hoon.
Manisha- Aap kaise hain jeeja ji. Aap to mujhe ekdam bhool hi gaye hain.
Anant- Main bhi thik hoon Sali Sahiba. Wo kya hai na Tumhari didi ke alava aur kisi ko yaad karna ka samay hi nahi milta. Din bhar inki hi sewa mein din gujar jata hai.
Manisha- Kyaa baat hai Jeeja ji. Kash mujhe bhi aisa hi pyaar karne wala pati mile.
Anant- Milega Milega. Tumhari bhi manokamna jaroor poori hogi Sali ji.
Savi- Kya aap bhi. Kyon pareshan kar rahe hain Manisha ko.
Anant- Lo ji. Maine kahan pareshan kiya ise. Dekh lo Sali ji. Aise hi meri aawaz dabayi ja rahi hai Shadi ke baad. Tum khud socho. Aise mein main kise yaad karunga. Mujhe ghar mein bhi to rahna hai.
Manisha- Achha Bas Bas ab aap dono ladne mat lag jaiyega.
Itna kahkar Manisha Raghav ke paas chali gayi aur usase baat karne lagi, Kuchh der baad Buwa ji ko koi kaam pada to Buwa ji ne bahut pyaar se Raghav ko bulaya.
Buwa ji- Raghav Beta. Jara idhar aana. Kuchh kaam hai.
Raghav- Ji buwa dadi ji. Aa raha hoon.
Manisha ne jab ye suna to Uske Aashcharya ki sima na rahi. uski aankhein badi ho gayi. Wo man hi man boli.
Manisha- Is medona ke haav-bhaav kaise badal gaye??
Samay ke sath Pooja ki vidhi bhi sampann hone lagi. Sarita aur Nishchal chori chori ek doosre ko dekh rahe the. Yahi haal Raghav ka bhi tha.
Pooja Bahut achhe se sampann ho gayi. Sab hall mein ekattha baithe huwe the ki tabhi Manisha apni jagah se khadi ho gayi aur boli.
Manisha- Mujhe aap sabhi logo se permission chahiye.
Savi- Kis baat ki tarmission??
Manisha- Mujhe kuchh kahna hai uski parmission.
Anant- Boliye boliye Sali Sahiba. Waise bhi aapko koi chuup kara de aisa kisi mein bhi sahas kaha??
Sabhi Anant ki baat sunkar hansne lage. Manisha ne Raghav se kaha.
Manisha- Raghav please yaha par aao.
Manisha ke aise bulane par Raghav ne man hi man kaha.
Raghav- Pata nahi is ladki ke dimag mein kya chal raha hai. pata nahi kya karne wali hai sabke samne ye. Hey bhagwan bacha lena mujhe.
Raghav man hi man aisa sochte huwe jakar Manisha ke samne khada ho gaya. Manisha ne ek baar sabki taraf apni najar uthakar dekha uske baad Manisha ghutne par baith gayi aur uski taraf ek gulab ka laal phool badhate huwe kaha.
Manisha- Raghav I Love You. Main tumse bahut pyaar karti hoon. Kya tum mujhe apni better half banaoge??
Manisha ka aisa kahna tha ki Raghav samet hall mein jitne bhi log baithe huwe the SAbhi chaunk gaye. Raani ji ne Manisha se kaha.
Raani ji- Manisha Ye kya behudgi hai. aise har samay Mazak karna achhi baat nahi hai.
Manisha- Mummy. Kya aapko lagta hai ki is samay main Mazak kar rahi hoon. Main sach bol rahi hoon. Main Raghav se bahut pyaar karti hoon.
Raani Ji- Lekin ye sab kaise. Kab Samajh mein nahi aa raha hai??
Savi- Aunty ji. Kya aapko ye achha nahi laga ki Manisha Raghav se pyaar karti hai.
Raani ji- Nahi beti aisi baat nahi hai, lekin Manisha ne kabhi bhi nahi bataya is bare mein. Shayad apni bahan ko bhi nahi bataya hai. isliye ham sab chaunk gaye iski ye baat sunkar.
Raani ji ki baat sunkar Savita apni jagah se uthi aur jakar Manisha ke paas khadi ho gayi aur boli.
Savi- Tumne kabhi kisi ko bataya kyon nahi.
Manisha- Ye mujhe batana nahi tha didi. Sabko dikhana tha.
Raghav ki halat is samay bahut kharab thi. usne to sapne mein bhi nahi socha tha ki Manisha Aise sabke samne usase apne pyaar ka izhaar karegi. Use bahut sharam aa rahi thi aur wo sharam se gada ja raha tha. Manisha ki baat sunkar Savita ne kaha.
Savi- Tumne bahut hi achha kiya Manisha. Tumhari pasand lakho mein ek hai. bahut achhi jodi bani hai tumhari aur Raghav ki. Jo kaam tumhein karna chahiye tha wo kaam mera bhaai kar raha hai. dekho kitna sharma raha hai wo ladkiyon ki tarah.
Savita ki baat sunkar Raghav ne sabki taraf dekha to Sabhi ko apni taraf hi dekhta paya. Raghav ne apne man mein socha.
Raghav- Achha fansaya hai tumne mujhe aaj. Iska badla main apne tarike se lunga. Chhodunga nahi tumhe main.
Raghav ko kisi soch mein dooba dekhkar Manisha ne kaha.
Manisha- Boliye na Raghav ji. Kuchh to jawab dijiye.
Lekin Raghav sharma raha tha. use kuchh na bolta dekh kar Savita ne kaha.
Savi- Ladka to sharma raha hai isliye kuchh nahi bol raha hai, lekin ladke walon ki taraf se haa hai. Kya aisa nahi ho sakta ki dono bahnon ki ek hi mandap mein shadi ho jaye. Mujhe ek sath do-do bhabhiya mil jayengi.
Savita ki baat sunkar Sarita sharma gayi, lekin Manisha ne tapak se jawab diya.
Manisha- Nahi didi. Main didiya ki shadi ko khoob achhe se enjoy karna chahti hoon. Maine to ye isliye kaha hai ki didiya ka to ho gaya, ab koi mere upar bhi dhyan de.
Raani ji- (narazgi ke sath) Manisha. Tumhe bilkul bhi sharam nahi aati aisi batein karte huwe.
Savi- Aunty ji. Jisne ki sharam uske phoote karam. Aur waise bhi Manisha ne koi galat kaam to kiya nahi hai, balki himmat dikhate huwe sabke samne apne pyaar ko sweekar kiya hai.
Nishchal Sarita ke paas hi baitha tha. Usne dhire se Sarita ke kan mein kaha.
Nishchal- Kuchh sikho apni chhoti bahan se.
Nishchal ki baat sunkar Sarita ne ghoorkar Nishchal ki taraf dekha to usne apni gardan jhuka li aur muskurane laga.
Raghav waise hi khamosh khada huwa tha ki tabhi Buwa ji ne kaha.
Buwa ji- Are haan bol do Raghav bitwa. Nahi to ye ladki tumhare hi pichhe padi rahegi. Haan nahi to batao jara.
Manisha- (dhire se) Jaise aapke pichhe padi thi.
Savi- Ab to buwa dadi ji ne bhi bol diya hai Raghav. Ab to haam kar hi do.
Buwa Ji- Ab jaldi se haan kah do Warna itne din tak jo meri sewa ki hai wo sab bekar ho jayega. Haan nahi to bataao jara.
Ab Raghav ke paas koi chara nahi tha to usne bhi muskurate huwe apni mundi haan mein hila di aur bola.
Raghav- I Love you too.
Raghav ki baat sunkar Manisha bahut khush hui aur usne Khushi se Raghav ko gale laga liya. SAbhi ghar wale bahut khus huwe. Naina ji ne kaha.
Naina ji- Lo ji Ab to Raghav ne bhi apni hami de di hai. Bahut Khushi ki baat hai ye. Rukiye main sabka munh mita karti hoon.
Itna kahkar unhone ek mulajim ko mitayi lane ke liye bol diya aur Raani ji ki taraf dekhte huwe kaha.
Naina ji- Aapki dono betiyon ka ab hamare paas rahne ka samay aa raha hai Raani ji.
Raani ji- Lekin Abhi 2 sal tak main Manisha ki shadi nahi karungi. Ek sath dono betiya mere ghar se vida ho jayengi to mera aangan suna ho jayega.
Naina ji- Hmmmmm. Main samajh sakti hoon. Mujhe koi jaldi nahi hai.
Tab tak Mulajim mithayi lekar aa gaya. Sabhi ne ek ek piece mithayi lekar apna munh meetha kiya.
Iske Aage ki Kahaani Agle Bhag mein..
Hafte bhar baad Nishchal Apne mummy papa, Savita aur Raghav ke sath Sarita ke yaha pahucha. Jalpan ke baad Savita Sarita ke paas chali gayi. Naina ji aur Mahendra ji ne Nishchal ke Rishte ki baat ki aur Nishchal ke liye Sarita ka hath manga to Raani ji aur Aanand ji ek doosre ko dekhne lage. Paas mein baithi Manisha ne kaha.
Manisha- Mummy papa. Aap chaukiye mat. Aap ko yaad hain Mummy. Jab aap di ko job chhodne ke liye kah rahi thi to maine kaha tha ki ek ladka hai jo di ko bahut pyaar karta hai. Wo Boss hi hain. aur didiya ki taraf se bhi haan hai.
Manisha ki baat sunkar Raani ji waha se uthkar jane lagi to usne kaha.
Manisha- Ab aap kahan ja rahi hain.
Raani ji- (muskurate huwe) tum buddhu ho kya. Meri beti ka Rishta tay hua hai to kya aise hi sukhe muh sab baithe rahenge. Main mithayi lene ja rahi hoon. Ab to ham dono ki dosti rishtedari mein jo badal gayi hai.
Raani ji jakar Mithayi lekar aayi. Sab ne ek doosre ka munh mitha karwaya. Thodi der mein Savita bhi bahar aa gayi. Manisha Sarita ko ye khushkhabri sunane ke liye daud padi. Manisha Nishchal ko bhi jabran apne sath mein le gayi. Savita ne Sarita se yaha aane ka karan nahi bataya tha. Sarita kamre mein idhar udhar chakkar kaat rahi thi.
Tabhi Manisha ne darwaza khola. Sarita ne jab darwaze ki taraf dekha to wo chauk gayi, kyonki samne nishchal khada tha Manisha ke sath. Sarita ne Manisha ko dant-te huwe kaha.
Sarita- Manisha tumhe bilkul bhi tameez nahi hai kya?? Aise inhe yahan par leti aayi ho. Sab kya soch rahe honge??
Manisha- Tumhare alawa koi kuchh nahi soch raha hai. sab bat karne mein busy hain.
Sarita- Thik hai to tum bhi yaha mere sath baitho. Mujhe akela mat chhodo.
Manisha- main yahan kabab mein haddi kyon banu?? Mujhe pata hai ki tum khali upar upar se kah rahi ho ki ruk jao. Andar andar hi mujhe gali de rahi hogi.
Manisha ki baat sunkar Sarita ne Nishchal ki taraf dekha aur kaha.
Sarita- Dekha aapne yah kitni badmash hai??
Nishchal- Are use badmash mat bolo. Usne hi to apni setting karwayi hai.
Abhi Sarita kuchh aur bolti tab tak Manisha ne Nishchal ko kamre mein thel kar darwaza band kar liya aur waha se bhag gayi.
Sarita ne daudkar darwaze ke paas jana chaha uske pahle hi nishchal ne uske hath ko pakadkar apni taraf kheech liya aur uske hontho par apni ungli rakhte huwe kaha.
Nishchal- Tumhari problem kya hai?? ham pahli baar to mil nahi rahe hain na?? fir itna kyon pareshan ho rahi ho tum??
Sarita ekdam chup hokar apni badi badi aankho se use dekhne lagi. Nishchal ne kaha.
Nishchal- Achha bolo. Ab nahi bolta main tumhe kuchh bhi.
Sarita ne dhire se kaha.
Sarita- mummy papa ke samne aise achha nahi lagta. Wo log kya soch rahe honge hamare bare mein.
Nishchal- Kuchh bhi nahi soch rahe honge wo. Hamara Rishta tay ho gaya hai. main to tumhe bas ye batane aaya hoon ki kuchh hi mahino baad main tumhe yaha se lekar jaunga.
Nishchal ki baat sunkar Sarita ke chehre par Aashcharya aur Khushi ke mile jule bhav the. Sarita ne Sharam se apni aankhe jhuka li. Nishchal abhi aur bhi kuchh kahna chahta tha, lekin tabhi Manisha ne darwaza knowk karte huwe kaha.
Manisha- Bas kariye ab. Milne ka samay samapt hota hai ab.
Manisha ki aawaz sukar dono ek doosre se door ho gaye. Nishchal ne Sarita ki taraf dekhte huwe Manisha se kaha.
Nishchal- Chhote miya tum na bahut kharab ho. tum hamesha galat time par entry kyon marti ho??
Manisha- hmmm pata hai mujhe. Bas kuchh hi mahine ki baat hai uske baad koi bhi rokne wala nahi hoga aap dono ko. Fir jitna marji utna pyaar…….
Manisha iske aage kuchh aur bolti ki Sarita ne use aankhe dikhate huwe kaha.
Sarita- Bas ab iske aage aur nahi.
Manisha- Thik hai. tum yahi baitho main ja rahi hoon.
Manisha ne Nishchal ka hath pakda aur use lekar jane lagi. Sarita Nishchal ko aur Nishchal Sarita ko dekhte rahe.
Nishchal waha par aakar baith gaya. Raghav aur Manisha bhi aankho hi aankho mein bate karne lage. Manisha ko samay nahi mil pa raha tha ki wo Raghav se ekant mein kuchh baat kare.
Udhar Naina ji Raani ji se baat karte huwe kaha.
Naina ji- ham log chahte hain ki Training mein jane se pahle hi dono ki shadi ho jaye.
Raani ji- Lekin itni jaldi kaise.
Naina ji- Isme jaldi kaha hain Samadhan ji. Poore 2 mahine hain aapke paas. Uske baad main aakar apni bachhi ko yaha se le jaungi.
Naina ji ki baat sunkar Raani ji ne Aanand ji ki taraf dekha to unhone sahmati mein Sir hilakar Apni Manjuri de di to Raani ji ne kaha.
Raani Ji- Ab main kya bolu. Aapki hi beti hai. aapka jab man ho tab aakar le jaiye use.
Naina ji- Achha. Ek baat aur. Bachcho ki Safalata ki Khushi mein hamne ghar mein pooja rakhi hai. hamein Achha lagega agar aap log bhi us pooja mein shamil ho.
Raani ji- Pahle to ham dono dost the to sochna nahi padta tha lekin ab beti ke sasural mein thodi hi aa jayenge.
Naina Ji- Wo Bhi to Sarita ka hi ghar hai na aur Abhi Sasural ban-ne mein 2 Mahine ka samay hai.
Naina ji ki baat sunkar sab hansne lage. Raani ji ne kaha.
Raani ji- Thik hai ham waha aayenge, lekin ham jeth ji ke yahan par rukenge.
Naina ji- Jaise aapko thik lage.
Uske baad kuchh der baithne ke baad Nishchal Sapariwar sabse vida lekar ghar wapas chala gaya. Aaj Sarita ke ghar walon ko bahut Khushi ho rahi thi ki Sarita ko uski pasand ka ladka mil gaya hai. Sath hi Is baat ki bhi Khushi thi ki Sarita itne bade ghar ki bahu banegi.
Aaise hi samay bit-ta gaya. Nishchal aur Sarita phone par baat karte the. Kabhi kabhi Savita ka bhi phone aa jata Sarita ko. Raghav aur Manisha bhi ghanto phone par lage rahte the. Isi tarah ek hafte gujar gaya.
Aaj Sab pooja mein shamil hone ke liye Kanpur pahuch gaye the. Savita aur Anant bhi Aaye huwe the. Buwa ji bhi waha par maujud thi. Sarita & Family jab waha par pahuchi to buwa ji ne khud aage badhkar unka Swagat kiya to Manisha ko bahut ashcharya huwa aur wo unhe bahut gaur se dekhne lagi.
Sarita ne pile rang ka chudidar pahna huwa tha to Manisha ne neele rang ka. Dono us shoot mein bahut pyaari lag rahi thi.
Nishchal ne gahre pile rang ka kurta aur safed paayjama pahna huwa tha to Raghav ne kreem color ka kurta paayjama pahna huwa tha. dono kurte payjame mein bahut handsome lag rahe the.
Sarita aur Manisha ne sabhi ke pair chuuwe. Manisha ne Savita se poochha.
Manisha- Aap kaisi hai didi.
Savi- Main bahut achhi hoon.
Manisha- Aap kaise hain jeeja ji. Aap to mujhe ekdam bhool hi gaye hain.
Anant- Main bhi thik hoon Sali Sahiba. Wo kya hai na Tumhari didi ke alava aur kisi ko yaad karna ka samay hi nahi milta. Din bhar inki hi sewa mein din gujar jata hai.
Manisha- Kyaa baat hai Jeeja ji. Kash mujhe bhi aisa hi pyaar karne wala pati mile.
Anant- Milega Milega. Tumhari bhi manokamna jaroor poori hogi Sali ji.
Savi- Kya aap bhi. Kyon pareshan kar rahe hain Manisha ko.
Anant- Lo ji. Maine kahan pareshan kiya ise. Dekh lo Sali ji. Aise hi meri aawaz dabayi ja rahi hai Shadi ke baad. Tum khud socho. Aise mein main kise yaad karunga. Mujhe ghar mein bhi to rahna hai.
Manisha- Achha Bas Bas ab aap dono ladne mat lag jaiyega.
Itna kahkar Manisha Raghav ke paas chali gayi aur usase baat karne lagi, Kuchh der baad Buwa ji ko koi kaam pada to Buwa ji ne bahut pyaar se Raghav ko bulaya.
Buwa ji- Raghav Beta. Jara idhar aana. Kuchh kaam hai.
Raghav- Ji buwa dadi ji. Aa raha hoon.
Manisha ne jab ye suna to Uske Aashcharya ki sima na rahi. uski aankhein badi ho gayi. Wo man hi man boli.
Manisha- Is medona ke haav-bhaav kaise badal gaye??
Samay ke sath Pooja ki vidhi bhi sampann hone lagi. Sarita aur Nishchal chori chori ek doosre ko dekh rahe the. Yahi haal Raghav ka bhi tha.
Pooja Bahut achhe se sampann ho gayi. Sab hall mein ekattha baithe huwe the ki tabhi Manisha apni jagah se khadi ho gayi aur boli.
Manisha- Mujhe aap sabhi logo se permission chahiye.
Savi- Kis baat ki tarmission??
Manisha- Mujhe kuchh kahna hai uski parmission.
Anant- Boliye boliye Sali Sahiba. Waise bhi aapko koi chuup kara de aisa kisi mein bhi sahas kaha??
Sabhi Anant ki baat sunkar hansne lage. Manisha ne Raghav se kaha.
Manisha- Raghav please yaha par aao.
Manisha ke aise bulane par Raghav ne man hi man kaha.
Raghav- Pata nahi is ladki ke dimag mein kya chal raha hai. pata nahi kya karne wali hai sabke samne ye. Hey bhagwan bacha lena mujhe.
Raghav man hi man aisa sochte huwe jakar Manisha ke samne khada ho gaya. Manisha ne ek baar sabki taraf apni najar uthakar dekha uske baad Manisha ghutne par baith gayi aur uski taraf ek gulab ka laal phool badhate huwe kaha.
Manisha- Raghav I Love You. Main tumse bahut pyaar karti hoon. Kya tum mujhe apni better half banaoge??
Manisha ka aisa kahna tha ki Raghav samet hall mein jitne bhi log baithe huwe the SAbhi chaunk gaye. Raani ji ne Manisha se kaha.
Raani ji- Manisha Ye kya behudgi hai. aise har samay Mazak karna achhi baat nahi hai.
Manisha- Mummy. Kya aapko lagta hai ki is samay main Mazak kar rahi hoon. Main sach bol rahi hoon. Main Raghav se bahut pyaar karti hoon.
Raani Ji- Lekin ye sab kaise. Kab Samajh mein nahi aa raha hai??
Savi- Aunty ji. Kya aapko ye achha nahi laga ki Manisha Raghav se pyaar karti hai.
Raani ji- Nahi beti aisi baat nahi hai, lekin Manisha ne kabhi bhi nahi bataya is bare mein. Shayad apni bahan ko bhi nahi bataya hai. isliye ham sab chaunk gaye iski ye baat sunkar.
Raani ji ki baat sunkar Savita apni jagah se uthi aur jakar Manisha ke paas khadi ho gayi aur boli.
Savi- Tumne kabhi kisi ko bataya kyon nahi.
Manisha- Ye mujhe batana nahi tha didi. Sabko dikhana tha.
Raghav ki halat is samay bahut kharab thi. usne to sapne mein bhi nahi socha tha ki Manisha Aise sabke samne usase apne pyaar ka izhaar karegi. Use bahut sharam aa rahi thi aur wo sharam se gada ja raha tha. Manisha ki baat sunkar Savita ne kaha.
Savi- Tumne bahut hi achha kiya Manisha. Tumhari pasand lakho mein ek hai. bahut achhi jodi bani hai tumhari aur Raghav ki. Jo kaam tumhein karna chahiye tha wo kaam mera bhaai kar raha hai. dekho kitna sharma raha hai wo ladkiyon ki tarah.
Savita ki baat sunkar Raghav ne sabki taraf dekha to Sabhi ko apni taraf hi dekhta paya. Raghav ne apne man mein socha.
Raghav- Achha fansaya hai tumne mujhe aaj. Iska badla main apne tarike se lunga. Chhodunga nahi tumhe main.
Raghav ko kisi soch mein dooba dekhkar Manisha ne kaha.
Manisha- Boliye na Raghav ji. Kuchh to jawab dijiye.
Lekin Raghav sharma raha tha. use kuchh na bolta dekh kar Savita ne kaha.
Savi- Ladka to sharma raha hai isliye kuchh nahi bol raha hai, lekin ladke walon ki taraf se haa hai. Kya aisa nahi ho sakta ki dono bahnon ki ek hi mandap mein shadi ho jaye. Mujhe ek sath do-do bhabhiya mil jayengi.
Savita ki baat sunkar Sarita sharma gayi, lekin Manisha ne tapak se jawab diya.
Manisha- Nahi didi. Main didiya ki shadi ko khoob achhe se enjoy karna chahti hoon. Maine to ye isliye kaha hai ki didiya ka to ho gaya, ab koi mere upar bhi dhyan de.
Raani ji- (narazgi ke sath) Manisha. Tumhe bilkul bhi sharam nahi aati aisi batein karte huwe.
Savi- Aunty ji. Jisne ki sharam uske phoote karam. Aur waise bhi Manisha ne koi galat kaam to kiya nahi hai, balki himmat dikhate huwe sabke samne apne pyaar ko sweekar kiya hai.
Nishchal Sarita ke paas hi baitha tha. Usne dhire se Sarita ke kan mein kaha.
Nishchal- Kuchh sikho apni chhoti bahan se.
Nishchal ki baat sunkar Sarita ne ghoorkar Nishchal ki taraf dekha to usne apni gardan jhuka li aur muskurane laga.
Raghav waise hi khamosh khada huwa tha ki tabhi Buwa ji ne kaha.
Buwa ji- Are haan bol do Raghav bitwa. Nahi to ye ladki tumhare hi pichhe padi rahegi. Haan nahi to batao jara.
Manisha- (dhire se) Jaise aapke pichhe padi thi.
Savi- Ab to buwa dadi ji ne bhi bol diya hai Raghav. Ab to haam kar hi do.
Buwa Ji- Ab jaldi se haan kah do Warna itne din tak jo meri sewa ki hai wo sab bekar ho jayega. Haan nahi to bataao jara.
Ab Raghav ke paas koi chara nahi tha to usne bhi muskurate huwe apni mundi haan mein hila di aur bola.
Raghav- I Love you too.
Raghav ki baat sunkar Manisha bahut khush hui aur usne Khushi se Raghav ko gale laga liya. SAbhi ghar wale bahut khus huwe. Naina ji ne kaha.
Naina ji- Lo ji Ab to Raghav ne bhi apni hami de di hai. Bahut Khushi ki baat hai ye. Rukiye main sabka munh mita karti hoon.
Itna kahkar unhone ek mulajim ko mitayi lane ke liye bol diya aur Raani ji ki taraf dekhte huwe kaha.
Naina ji- Aapki dono betiyon ka ab hamare paas rahne ka samay aa raha hai Raani ji.
Raani ji- Lekin Abhi 2 sal tak main Manisha ki shadi nahi karungi. Ek sath dono betiya mere ghar se vida ho jayengi to mera aangan suna ho jayega.
Naina ji- Hmmmmm. Main samajh sakti hoon. Mujhe koi jaldi nahi hai.
Tab tak Mulajim mithayi lekar aa gaya. Sabhi ne ek ek piece mithayi lekar apna munh meetha kiya.
Iske Aage ki Kahaani Agle Bhag mein..
- 28,119
- 56,347
- 304
कहानी का अगला भाग लिख दिए हैं दोस्तों और पाठकों।
पढ़िए, आनंद लीजिए और अपने विचार भी व्यक्त कीजिए।।
पढ़िए, आनंद लीजिए और अपने विचार भी व्यक्त कीजिए।।
Nice update....
Kya baat hai superb.manisha wala seen to osm hai.good se bhi uper ki writing hai mahi g.
Last edited:
DARK WOLFKING
Supreme
- 15,579
- 32,039
- 259
majedar update ..sarita aur nischal ki shadi fix ho gayi aur do saheliyo ka pariwar ek ho gaya ..
manisha to har baar ki tarah dono ko kamre me band karke chali gayi
..
pooja ke din manisha ne sabke upar bomb fod diya ,sabke saamne raghav ko i love you bolkar
..
aur ab raghav ladkiyo ki tarah sharma raha hai ..
par ye buwa ji itni achchi kaise bann gayi ye samajh nahi aaya
..
manisha to har baar ki tarah dono ko kamre me band karke chali gayi
..pooja ke din manisha ne sabke upar bomb fod diya ,sabke saamne raghav ko i love you bolkar
..aur ab raghav ladkiyo ki tarah sharma raha hai ..
par ye buwa ji itni achchi kaise bann gayi ye samajh nahi aaya
..To Manisha :
Bechare Raghav ki bolti band kar di. Abhi ye haal hai to fir shaadi ke baad to Raghav sirf isharon me hi baat karega
Fantastic update Mahi jii
Bechare Raghav ki bolti band kar di. Abhi ye haal hai to fir shaadi ke baad to Raghav sirf isharon me hi baat karega
Fantastic update Mahi jii
parkas
Well-Known Member
- 27,127
- 60,393
- 303
