Romance Tumhaare Liye- Ek Prem Kahaani (Completed)

[Mahi Maurya]

For completed 50 pages on your story thread.....

बहुत बहुत धन्यवाद आप सभी पाठकों का।।

 

[Mahi Maurya]

UPDATE- 06


Abhishek ke ghar chhodkar jane ke baad Sabhi ka ro ro kar bura haal ho gaya tha. Raani ji rote huwe Aanand ji se boli.


Raani ji- Aapne use jane ke liye kyon bola. Dekhiye Aap ke kahne ke baad wo ghar chhodkar chala gaya. Mera beta. Aapne aisa kyon kiyaa.

Aanand ji- Jane do use. Jab jamane ki thokar khayega to Zindagi ki hakikat se rubaru hoga. Use bhi to pata chalna chahiye ki Zindagi itni aasan bhi nahin hai jitni wo samajh raha hai. Jab Aante dal ka bhav pata chalega to wo khud hi lautkar ghar aa jayega.

Sarita- Nahi papa. Bhaiyaa ab nahi aayenge. Unhe meri baat buri lag gayi hai. Maine to bas yahi kaha tha ki unhone jo kiya wo galat tha. Mujhe nahi pata tha ki meri ye baat unko itni buri lag jaegi ki wo ghar chhod kar chale jaenge.

Raani Jii- Tujhe bolna hi nahi chahiye tha kuchh. Agar tu chup rahti to wo shayad nahi jata.

Aanand ji- Isme Sarita ki koi galti nahi hai. Usne kuchh bhi galat nahi kaha. Achha ab tum dono shant ho jao. Wo kahi nahi jayega. Laut ke ghar hi aayega.


Aaj Sarita ne District me 6th position ke sath 95% Number lakar apne papa ka naam roshan kar diya tha, Sabhi bahut khush the. Uske itne number se paas hone ki khabar jangal me aag ki tarah fail gayi thi. Lekin kuchh hi pal me sari khushiya matam me badal gayi. Unki sari khushiya Abhishek apne shath le gaya tha.


Isi tarah raat ho gayi. Kisi ne thik se khana nahi khyaa aur apne apne bister par chale gaye. Kisi ki aankho mein neend nahi aa rahi thi. Jab bhi koi khatka hota. Raani ji ya Sarita turant jakar darwaza is ummeed mein kholti ki shayad Abhishek ghar aa gaya hoga, lekin wo ghar nahi aaya.


jab is baat ki khabar Sarita ke mama ko hui to wo bhi apni patni ke sath Aanand ji ke yahan aaye aur unhe dilasa dene lage. Wo dil asha dene ke alava aur kar bhi kya sakte the.


Isi tarah din gujarte rahe din mahino me badle aur mahine varsh me tabdeel ho gaye, lekin abhishek jo ghar chhodkar ek baar gaya to wo wapas nahi Lauta. Usne sarita ki baat ka bahut bura maan liya tha. Ek baar bhi uski baat ka matlab samajhne ki koshish bhi nahi ki thi abhishek ne.


Sarita ne kuchh bhi galat nahi kaha tha. Ek ladki jab jawan hoti hai to uske upar jism ke bhukhe giddhon ki najar hamesha rahti hai. Lekin sabse lada nahin ja sakta, kuchh ko avoid kar diya jata hai kuchh ko samjhaya jata hai. Tab jakar ladki safe hoti hai.


Baharhaal Abhishek bhale hi ek bigda huwa ladka tha. Lekin usne kabhi bhi kisi ki bahan beti ko buri najar se nahi dekha tha. Uski jo bhi shikayat ghar par aati thi wo kewal ladai jhagda ya maarpit ki hi aati thi.


Aanand ji ko baad mein pata chal gaya tha ki un dono ladko ne Sach mein Sarita aur Manisha ke bare me buri baat ki thi isliye Abhishek ne unhe mara. Aanand ko bahut afsos ho raha tha ki unhone gusse me aakar abhishek ko ghar se jane ke liye bol diya. aur abhishek ghar chhodkar chala bhi gaya. Wo sabke samne bhale hi apne aapko mazboot banana ki koshish karte the, lekin jab akele hote the to unhe apni ye bat sochkar aansu bahate the.


Ghar ke sabhi shadashyo ka bhi yahi haal tha. Abhishek ghar chhodkar kya gaya unki sari khushiya aur hansi apne sath le gaya. Usko gaye poore do sal ho chuke the. Aaj fir se Sarita ka Inter mediate ka result aaya. Jisme usne fir se 93% mark laye. Lekin ab uske liye inka koi mahatva nahi rah gaya tha.


Uski khushiyo me shamil hone wala bhai nahi tha ab. Sarita ke marks ke baare me sunkar aas paas ke log khush the, lekin Sarita ke chehre par koi Khushi nahi thi. Jise dekhkar Manisha Samajh Gai ki Sarita kisliye dukhi hai. Isliye usne Sarita ko samjhate huwe mahaul ko halka banate huwe kaha.


Manisha- ye kya didiya. Kab tak aise gumsum rahogi tum. Jo ho gaya use bhool jao. Bhaiya ko agar hamse pyaar hota to wo kabhi bhi ham sabko chhodkar nahi jate. Aur agar gusse mein chale bhi gaye the to aaj do saal ho gaye hain. Wo wapas jaroor lautkar aate. Wo ab hamse pyaar nahin karte didiya. Achha chhodo ye sab. tum itne acche nambero se paas hui ho. Chalo dukan par chalte hain mithai khane.

Sarita- mera man nahi hai kahin jane ka. Aaj bhaiya ki bahut yaad aa rahi hai. Mere hi karan bhaiyaa ko ghar chhodkar jana pada. Main achi bahan nahi hoon Manisha. Main achhi bahan nahi hoon. Agar us samay main chup rahti ho bhaiya hame chhodkar kabhi nahin jate. Ye sab mere hi karan huwa hai.

Manisha- nahi didiya. Aap bahut achhi ho. Main to aapse bahut pyaar karti hoon. Aap sabse achhi ho. Dekhna ekdin bhaiya ko apni galti ka ehsas hoga aur wo wapas jaroor laut kar ayenge.

Sarita- Kash aisa ho jaye Manisha. Wo din meri zindagi ka sabse bada din hoga. Us din mujhe zindagi ki sabse badi Khushi milegi.


Aanand ji aur Raani ji unki baate sun rahe the. Unhe bhi jitna dukh Abhishek ke jane ka tha. Usase jyada Khushi is baat ki bhi thi ki uski dono betiya apne bhai se ab bhi bahut pyaar karti hain. Wo dono unke paas aaye aur unhe samjhate huwe bole.


Aanand Ji- Dekho beti sarita. Jo bhi ho gaya use na tum badal sakti ho aur na hi main. Jo niyati ne likha tha. Wo to hona hi tha. Uske liye tum apne aapko dosh mat do. Uske liye agar koi doshi hai to wo main doshi hoon, kyonki maine hi use ghar se jane ke liye kaha tha. Ab abhishek to chala gaya hai beti. Ab tumhi dono hamari zindagi ho, tum dono ke sahare hi ham aage ki zindagi jiyenge. Isliya apne man ko udas mat karo. Aur jo ho gaya use bhoolkar Jeevan ke har kshetra me aage badho.

Raani ji- haan beti Tumhare papa thik kah rahe hain. Jo ho gaya use wapas nahi laya ja sakta, lekin jo samne hai use to hansi khusi jiya ja sakta hai na. to tum apne aapko doshi man-na band kar do beti. Jo karam kismet me hota hai usase adhik nahi milta.


Apne mummy papa ki baat sunkar dono unke gale gal gayi. Wo kahte hain na ki samay har Zakham ko bhar deta hai. Lekin yahan par Sarita ko abhishek ke jane par jo jakhm laga tha uski bharpai hona bahut mushkil thi.


Gujarte samay ke sath Sarita ne Abhishek ko dhoondhne ki bahut koshish ki, lekin wo apne ghar se jyada door ja nahi sakti thi, fir bhi jitna sambhav ho saka usne apne hath panv chalaye abhishek ko dhoondhne ke liye.


5 Varsh baad.


Aaj Sarita 23 Sal ki bharpoor jawan ladki ban gayi thi. Aanand ji ne ji tod mehnat karke Sarita ko M.Sc ki padhai karwai thi. Wo bhi math subject se. Sarita ne M.Sc. Bhi bahut Achhe marks me uttiran ki thi. Manisha bhi 20 varsh paar karke 21ve me pravesh kar chuki thi aur B.Sc. final me thi.


Aaj Aanand ji ka ghar Phoolo se sajaya gaya tha. Tarah Tarah ke pakwan banaye ja rahe the. Sabke chehre par Khushi jhalak rahi thi. Aanand Ji aur raani Ji daud daud kar har kaam kar rhe the. Halwai ko samjha rahe the ki kaise kaun sa pakwan banana hai. Kitne baje khana ban jana hai. Aanand ji ki bahane aur Sale sabhi samay par aa gaye the.


Iska Kaaran tha Aaj Sarita ki sagai ho rahi thi. Ladka Sarkari vibhag me 2400/- GP par TA ke pad par Jabalpur mein kaam karta tha. Badi masakkat ke baad ye Rishta jama tha. Ladke ke gharwalo ne moter cycle aur 2 lakh Rs. Nagad dene ki baat ki thi. Tab jakar Rishta final huwa tha.


Iske baare me jab Sarita ko pata chala to usne is rishte ke liye saf inkar kar diya. uska kahna tha ki main apne maa baap ko karz me dalkar unke dukh aur dard par apne khushiyo ka mahal nahi khada kar sakti. Jiske baad Aanand ji aur Sarita ke bich tikhi nock jhok hui (jhagde wali nahi Samjhane wali) bahut mushkil se Sarita is shadi ke liye taiyaar hui.


Aisa nahi tha ki Sarita aage nahi padhna chahti thi. Aur aage ki padhai karna uska sapna tha. Wo padh likh kar apne pairon par khada hona chahti thi. Lekin wo apni aarthik shtiti ko bhi bhali bhanti samajhti thi. Use pata tha ki uske bhaai ke chale jane ke baad uske papa bahut toot chuke hain, kyonki sachhai pata chalne par wo khud ko doshi maan rahe the.


Aanand ji bahut mehnat karke dono betiyon ko padha rahe the. Sarita ko ache sa abhash tha ki uske pichhe Manisha bhi padhai kar rahi hai aur Uske baad Manisha ki shadi bhi karni hai. Jiske liye paiso ki bahut jaroorat hai. Do betiyon ki shadi kuchh samay ke antaral par karna Uske papa ke liye bahut Mushkil thaa.


Waise bhi hamare samaj ki vidambna yahi hai ki ladki chahe jitni bhi sundar kyon na ho, gunvaan aur padhi likhi kyon na ho. bina dahez ke uski shadi hona bahut hi mushkil hai, inhi sab paristhitiyon ko dekhte huwe sarita ne Shadi ke liye haan kar diya tha. Yahi nahi. Usne 2-4 Sarkari naukari ke liye bhi form bhara tha.


Do bar wo uttiran bhi hui thi. Lekin uski kishmat me shayad naukari nahi thi. Isliye uska selection nahi ho paya tha. Sarita ek samajhdar aur sankari ladki thi. Usne apne papa ki condition ko dekhte huwe apne sapno ka gala ghot diya tha.


Kuchh hi der baad sagai ke liye ladke wale aane ko the. Lekin Sarita ko Aaj Abhishek ki bahut yaad aa rahi thi. Waise to use har koi yaad karta tha, lekin Sarita sabse jyada yaad karti thi use. Wo use yaad karte huwe gumsum biathi hui thi, uski aankho me aanshu aa gaye the. Manisha ne jab uski haalat dekhi to wo samajh gayi ki uski didiya Bhaiya ko yaad kar rahi hai. Isliye wo uske paas jakar baith gayi aur Sarita ke balo me hanth firate huwe boli.


Manisha- Kya huwa didiya. Tum ro kyon rahi ho. Aaj to Khushi ka din hai. Tumhari sagai hone wali hai.

Sarita- tujhe to pata hai ki main kyon ro rahi hoon. Mujhe bhaiya ki bahut yaad aa rahi hai. Kaash wo aaj hamare sath hote to bahut khush hote wo. Lekin mere karan wo ghar chhod kar chale gaye.

Manisha- Aap har baar apne aapko kyon dosh deti ho didiya. Wo aapki wajah se nahi gaye. Wo niyati ka fer tha didiya jo bhaiya ko hamse door le gaya. Bhaiya bhi ham logo ko bahut yaad karte honge.

Sarita- Agar bhaiya ham logo ko yaad karte to ab tak laut kar ghar jaroor aate. Kam se kam ek baar to aakar dekh lete ki unki bahano ka unke bina kya haal ho gaya hai. Unki bahane unse kitna pyaar karti hain.

Manisha- Aap aisa kyon sochti hain didiya. Bhaiya ko ek din apni galti ka ehsaas hoga aur wo jaroor laut kar aayenge. Chalo ab ye aanshu poch dalo. Aaj to Khushi ka din hai. Aap ko aankhon me aanshu ache nahi lagte didiya.


Fir dono bahane kuchh der baat karti rahi. Thodi hi der me ladke wale aa gaye. Apni kshamta ke anusar Aanand ji ne poori vyawastha ki thi. Kuchh hi der mein sagai ki rashm shuru ho gayi.


Iske Aage ki Kahaani Agle Bhag mein..​

 

[Mahi Maurya]

कहानी का अगला भाग लिख दिए हैं दोस्तों और पाठकों।।

पढ़िए, आनंद लीजिए और अपने महत्त्वपूर्ण विचार भी व्यक्त कीजिये।।​

 

[Lucky..]

UPDATE- 02


Subah sabse pahle Raani ji ki neend khuli, usne uthkar ghar ki saf safai shuri kar di. Thodi der baad aanand ji uthe. Aur unhone Abhishek, Sarita aur Manisha ko uthaya. Sabhi ne uthkar nahaya aur School jane ke liye taiyar hone lage. Raani ji ne sabhi ke liye tifin pack kiya aur Abhishek ko taiyaar hone me madad karne lagi. Sarita aur Manisha apne se taiyar hone lagi. Ye dekhkar aanand ne kaha.


Aanand ji- Is umar me bhi tum ise taiyar karwa rahi ho, jabki tumhe Sarita aur Manisha ko taiyaar karna chahiye. Tumhe nahi lagta ki tum apne bete ke chakkar me apni betiyon ke sath anyay kar rahi ho.

Raani ji- Are meri dono betiyan bahut samajhdar hain wo apna kham khud kar leti hain, lekin mera beta abhi nadan hai. Bina madad ke ye koi kaam thik se nahi kar paata hai isliye main iski madad kar rahi hoon.

Aanand Ji- Jab tun use khud se kuchh karne dogi tabhi to use kuchh aayega. Bachho se dular karna buri baat nahi hain Bhagyawan, lekin itna bhi dular nahi karna chahiye. Ki unki aadat bigad jaye.

Raani Ji- Aap subah subah fir se shuru ho gaye. Aapko to bas har samay mere bete ko kuchh bhi kahne ka mauka milna chahiye bas. Chalo ab jyada baat mat karo. Yaad hai ki nahi aapko ki hame Abhishek ke School bhi chalna hai principal se milne ke liye.

Aanand Ji- haan yaad hai mujhe aur mujhe pata hai ki principal ne kisliye bulaya hoga. Agar aaj iski koi complain mili to main iski tange tod dunga. Dekh lena tum.

Raani Ji- Thik hai pahle chalo to sahi baad me dekh lenge ki kya karna hai.


Uske baad Abhishek Apni dono bahano ke sath school chala gaya. Thodi der baad Raani ji aur Aanand ji bhi unke School chale gaye aur jakar principal Sir se mile.


Aanand Ji- Namaste Sir, main Abhishek ka papa Aanand. Abhishek ne bataya ki aapne hame bulaya hai.

Principal Sir- Achha to aap hain uske papa, dekhiye mr. Aanand. Ham aapke bachhe ko apne school me nahi padha payenge. Ham usko apne school se nikal rahe hain.

Aanand ji- Lekin baat kya hai sir ji. Usase koi galti hui hai kya.

Principal Sir- Galti nahi Anand ji. Gunaah huwa hai. Aapko pata hai kal ek mamooli bat par isne apni kaksha ke ek ladke ka sir phod diya. Ek to padhaii me bhi bahut kamjor hai. Teacher padhate hain to wo drawing banata rahta hai. Mujhe nahi lagta ki use padhane ka koi fayda hone wala hai. Aise bachhe ko main apane school me rakh kar aur bachho ke liye khatra nahi uthana chahta. Kya pata kal ko wo fir kisi aur ke sath aisa kare.

Aanand Ji- Lekin Sir ji Wo abhi bachh hai. Use itni samajh nahi hai Abhi. Aap Aakhiri baar use maaf kar dijie. Main use samjhaunga. Main aapko bharosha dilata hoon ki aapko dobara shikayak ka mauka nahi milega.

Principal Sir- Dekhie Anand ji. Aapka beta samjhane aur samajhne ki sari sima paar kar chuka hai. Mujhe nahi lagta ki use koi fark padne wala hai, fir bhi main aapko aakhiri mauka de raha hoon. Agar iske baad usne aisa kuchh kiya to main use apne school se nikal donga.

Aanand Ji- Ji bahut bahut dhanyawaad aapka sir. Main use samjhaunga. Aage se wo aisi shararat nahi karega.

Principal sir- Ji jaroor. Aisa ho jaye to bahut achha hai.


Uske baad Aanand Ji aur Raani Ji Principal Sir ke room se bahar aaye aur jakar apni auto me baith kar ghar aa gaye. Gahr aakar Aanand Joshi ne kaha.


Aanand Ji- Dekkh Liya Tumne Bhagyawan. Isiliye main tumhe hamesha samjhata rahta tha ki Use Achhe Sanskar do. Lekin tumne hamesha uska bachpana samajh kar najarandaz kar diya. dekho aaj kya kiya usne. Aaj kisi ek ka sir phoda hai usne. Kal kisi Aur ke sath aisa karega. Fir kya karenge ham.

Raani Ji- Mujhe kya pata tha ki wo aisa kuchh karega. Main to bas use dulaar karti thi. Sochti thi ki dhire dhire khud samajh jaega. Lekin mujhe nahi pata tha ki wo itna bigad jayega.

Aanand Ji- Aaj tum bich me mat aana. Aane do aaj use main Achhe se khabar leta hoon uski.


Itna kahkar Aanand Ji Auto lekar sawari ke liye chale jate hain. School ki chhutti hone ke baad Abhishek Apni dono bahano ke sath ghar aa gaya. Ghar aane ke baad Rani ne Abhishek, Sarita aur Manisha ko khana khilaya aur unhe sone ke liye bhej diya. Sham ko jab Abhishek So kar utha to Rani ne use apne paas baithaya aur pyaar se samjhaya.


Raani.Ji- Beta ye tumne kya kiya School ma. Yash ka Sir phod diya. ye bahut galat hai beta. Agar wo ulta tumhare sath bhi aisa karta to.

Abhishek- Lekin mummy usne meri drawing kharab kar di thi. Isliye maine use mara.

Rani- Lekin Itni Chhoti si baat ke liye tumhe use nahi Marna chahiye beta. Drawing to tum dobaara bana sakte ho, lekin jo tumne us ladke ka sir phoda hai. Isase to usko Dard huwa hoga. Agar use jyada chot lag jati to use hospital le jana padta. Jisase uske mummy papa bahut pareshan hote. Tumne uska sir phod diya hai. Wo school nahi aa payega. Jisase uski padhai ka bahut nuksan hoga. Ladai jhagda karna Achhi baat nahi hain. Agar koi tumhare sath aisa kare to tumhe achha lagega kya. Tumhare mummy papa agar pareshan honge to tumhe achha lagega kya.

Abhihsek- Nahi mujhe bilkul bhi achha nahi lagega.

Raani ji- to fir. Jaise tumko Achha nahi lagega. Waise hi tumne jis lagke ko mara hai usko bhi achha nahi lagega. Kya tum fir aisi saitani karogi. Kisi ko pareshan karogi. Ye galat baat hai. Koi tumhe kuchh kahe to tum koi jawab hi mat do. Kuchh din baad wo tumhe kuchh kahna hi band kar dega. Ek achhe bachhe bankar padhaai karo. Taaki teacher bhi tumse pyaar karein.

Abhishek- Nahi. Main ab kisi ko nahi marunga mummy. Sab ke sath ache se rahunga.

Raani Ji- Ye hui na ache bachho wali baat. Chalo ab jakar padhai karo. Tumhare principal sir kah rahe the ki tum padhai bilkul bhi nahi karte. Din bhar bas drawing hi karte rahte ho. Beta drawing karni achhi baat hai lekin iska ye matlab nahi hai ki tum padhaai karna hi band kar do. Agar padhai nahi karoge to tum fail ho jaoge. Agar tum fail ho jaoge to tumhare papa ko aur mujhe bilkul bhi achha nahin lagega. Agar tum fail ho gaye to papa tumhein marenge bhi.

Abhishek- Nahi mummy. Papa ko bolna ki wo mujhe na mare. Main khub man lagakar padhaai karunga. Aur ahhe number launga.

Raani- Thik hai beta Ager tumm Achhe se padhai karoge to papa tumhe nahi marenge. AB Jao padhai karo. Aur apni bahano ko bhi padhne ke liye bol do.


Raani ji ki baat sunkar abhishek apni kitab lekar padhane baith gaya aur sath me Sarita aur Manisha ko bhi apne sath padhne baitha liya. Lekin abhishek thahra moti buddhi ka ladka, use padhne me bilkul ruchi nahi rahti thi. 10 minute padhne ke baad usne apni penchil aur copy nikali aur drawing banane laga. Use drawing banate dekh Sarita ne kaha.


Sarita- bhaiya Aap padh kyon nahi rahe ho. Mummy ne padhne ke liye bola hai aur aap drawing bana rahe hain. Aise to aap fail ho jayenge.

Abhishek- Main kya karu Sarita. Mujhe padhna bilkul bhi acha nahi lagta. Padhai ke naam par mera sharir kampne lagta hai. Mujhe drawing karna bahut achha lagta hai.

Sarita- lekin bhaiya. Ye to galat hai. Mummy ko jhooth bolkar aap drawing kar rahe ho. Jabki teacher ne bataya hai ki mummy papa se jhooth nahi bolna chahiye.

Abhishek- Tu nahi samjhegi Sarita. Jo teacher ne bataya hai wo padhai ke liye nahi tha. Wo kisi doosre cheej ke liye bataya hoga.

Sarita- Haan bhaiya tum thik kah rahe ho. Achha aap drawing karo, lekin papa se bachkar karna drawing nahi to papa ne dekh liya to bahut maar padegi aapko.

Abhishek- main to papa se chhupakar hi drawing karta hoon, lekin tum papa ko mat bata dena iske bare me. Nahi to sach me papa mujhe marenge.


Uske baad Sarita aur Manisha apna homework karne lage aur abhishek tarah tarah ke drawing banane laga. Isi tarah ek hours tak tino apni kitab kapiyo me ghuse rahe. Padhai khatam ho jane ke baad tino ghar me hi khelne lage. Raat 8 baje tak Aanand ji Auto lekar ghar aa jate hain.


Raani ji unhe pine ke pine ke liye pani deti hai. Pani pine ke baad Aanand ji raani ji se puchhte hain.


Aanand ji- Abhishek kaha hai bhagyawaan. Dikhai nahi de raha hai.

Raani ji- wo tino bagal wale kamer me khel rahe hain. Ek baat aur kahni hai aapse. Abhishek ko mariyega mat. Main usko achhi tarah se samjha diya hai. Wo bol raha tha ki ab wo kisi ke sath maar-pit nahi karega. Is baar jane dijie use.

Aanand ji - Arei bhagyawan. Main uska dushman nahi hoon. Mujhe bhi apne bete ki fikar hai. Bas thoda sakhti karni padti hai ki kahi bacha hanth se na nikal jaye. Isliye main usase sakhti se pesh aata hoon. Ab agar tumne baat kar hi li hai to thik hai.


Uske baad sabhi milkar khana khate hain aur bachho ko sulakar Rani Ji kitchen samet kar sone ke liye apne kamre me chali jati hain..


Iske Aage ki Kahaani agle Bhag mein..​

Abhishek ko principal ne ek moka diya hai sudharne ka par lagta nahi ki abhishek sudhrega...

Rani ji apne bete ko pyaar se samjati hai par abhishek ko drawing ke shiva kuch aata hi nahi to kaha se padhay karega...

Awesome update

 

[Mahi Maurya]

Abhishek ko principal ne ek moka diya hai sudharne ka par lagta nahi ki abhishek sudhrega...

Rani ji apne bete ko pyaar se samjati hai par abhishek ko drawing ke shiva kuch aata hi nahi to kaha se padhay karega...

Awesome update

धन्यवाद आपका महोदय,
मौका तो उसे बहुत मिला लेकिन वो सुधरने वालों में से नहीं है। कुछ देर सुधरा रहता है कुछ देर बाद फिर से वैसा ही हो जाता है।। उसकी केवल चित्रकारी में ही रुचि है।।

साथ बने रहिए।।

 

[Lucky..]

कहानी का तीसरा भाग लिख दिए हैं दोस्तों और पाठकों।।

पढिये, आनंद लीजिए और अपने महत्त्वपूर्ण विचार भी व्यक्त कीजिए।।​

Is abhishek ka kuch nahi hone wala mar kha kha kar bhi vaisa ka vaisa hi rehne wala hai..

Awesome update

 

[Lucky..]

UPDATE- 04


Aanand ji ke jane ke baad Abhishek ne thodi der padhai ki, lekin fir se vahi DHAK KE TEEN PAAT wala hall ho gaya. Thodi der padhne ke baad abhishek phir se ghar se bahar nikal gaya. Abhishek ki shararate jari rahi aur padhai se uska nata toot-ta gaya. Jab Aanand ji ghar me hote the to Abhishek bas kitab khole baitha rahta tha, lekin jab wo bahar jate to Abhishek bhi bahar nikal jata.


Raani ji ne Aanand ji ko ye bhi bataya ki unke jane ke baad Abhishek bahar nikal jata hai to wo bahut pareshan huwe. Fir jab dobara Abhishek ka naam likhaya gaya to unhone khuchh sochte huwe Abhishek ka tution fir se lagwa diya ki shayad is Baar abhishek achhe se padhaai kar le, Lekin Tution me bhi Abhishek padhai par dhyan nahi deta tha.


Tution se bhi Abhishek ki shikayate aane lagi. to Abhishek ko fir se Aanand ji ne mara. Kuchh Mahine baad Tution teacher ne Abhishek ko tution se nikal diya. Roj ki maar aur padhai se algav ke karan abhishek frustrate hone laga. Iska nateeja ye Huwa ki ab wo din bhar ghar se gayab hi rahne laga.


Dhire dhire fir se board ki pariksha aa gayi aur abhishek is baar fir se fail ho gaya. Bas is baar bhi hindi aur drawing me hi usko number mile the. Baki sabhi subject me wah fail ho gaya. Aanand ji ko bahut jyada gussa aaya is baat par. Us din Aanand ji ne Abhishek ko bahut buri tarah maara. Is baar Sarita ne bich me aakar abhishek ko bachaya. Isi chakkar me ek danda Sarita ko bhi pad gaya.


Sarita Abhishek ko lekar apne kamre me chali gayi aur uske ghavo par marham lagaya. Abhishek chupchap aanshu bahata raha. Sarita ne bhi abhi kuchh bolna sahi nahi samjha. Use apne papa par bhi gussa aa raha tha, parantu Aanand ji ne jo bhi kiya wo gusse me kiya. Uska gussa karna bhi jayaj tha.


Thodi der baad jab unka gussa shant ho gaya to unhe is baat ka pachhatava hone laga ki unhe abhishek ko itni buri tareeke se nahi marna chahiye tha. wo Abhishek ke paas gaye aur uske sir par hanth firakar pyaar se kaha.


Aanand ji- Abhishek beta. Mujhe maaf kar de. Maine gusse me akhar tunjhe bahut mara. Itna to main samajh gaya hoon ki tujhse ab padhai likhai nahi ho paegi. Lekin teri drawing bahut badhiya hai to agar tu usi field me apna carrier bana le to thik rahega. Mujhe bhi tujh par bar bar hanth uthane mein takleef hoti hai.


Us raat aanand ji ko bhhi thik se neend nahi aayi aur ghar ke anya sadasya bhi abhishek ko lekar bahut dukhi the. Dhire dhire samay bitata raha aur aanand ji ne apne jaan pahchan walo se kisi banner aur hording wali company me apne bete ko rakhwane ke liye baat bhi kar li.


Ek do jagah baat bhi bani, lekin uski pahdai bich me aade aa jati. Kafi masakkat ke baad Abhishek ko ek Banner aur Hording banana wali company me kaam mil hi gaya, lekin padhe likhe na hone ke karan use paise jyada nahi milte the. Aanand ji itne me hi khush the ki kam se kam Abhishek ko kaam to mil gaya hai. Isi bahane ab wo busy rahega to ladai ghagda bhi nahi karega. Aur chaar paise bhi ghar me aayenge. Lekin Aanand ji ki ye Khushi bhi jyada din nahi chali.


Ab Sarita ne high school me admission karwa liya tha aur Manisha class 7 mein thi. Samay dhire dhire aage bahdta raha aur Samay ke sath Abhishek ki life me parivatnan aane laga. Uski sangat kuchh galat ladko se ho gayi aur wo unki sangat me bigdata chala gaya.


Ab wo Daru, Bidi, paan, tambaku aur gutkha jaisi nashili cheejo ka bhi sewan karne laga, lekin ab wo maar pit aur ladaai jhagda nahin karta tha, yaa yuun kahein ki use iske liye samay hi nahin milta thaa.


Jab Aanand ji ko is baat ka pata chala to unhone Abhishek ko bahut samjhaya. Itna to ab wo jaan gaye the ki maar pith kar abhishek ko samjhana bahut mushkil hai. Aur waise bhi ek kahawat hai ki Agar Beta baap ke kandhe ko paar kar jata hai to use marne me baap ko sankoch hota hai. Isliye wo abhishek ko pyaar se samjhate huwe bole.


Aanand ji- Ye sab kya hai Abhishek, pahle to tu padhaai bhi nahi karta tha, ladaai jhagda karta tha aur ab tu galat sangat me bhi pad gaya hai. Kyon ham logo ko jeete ji marna chahta hai. Aakhir hamne kya bigada hai tumhara. Yahi na ki tum hamare ghar me paida huwe. Kyon karta hai tu ye sab. Kya tumhe apne budhe hote maa baap par taras bhi nahi aata. Ya ham logo ki jaan lekar hi manega tu.

Abhishek- Maine kya kiya hai papa. Aap ne kaha kaam karne ke liye to main kar raha hoon. Baki dosto ke sath uthana baithna bhi band kar doon kya papa.

Aanand ji- Mujhe kabhi dosto ke sath uthne baithne me koi dikkat nahi hai, lekin wo tere dost nahi dushman hain jo tujhe galat raste par le ja rahe hain. Unka sath chhod de. Achhe ladkon ke sath apni jaan pahchan badhaa, Ab bhi wakt hai sudhar ja beta. Agar tujhe ye job nahi karni to tu chhod de use aur ghar me baith. Main abhi kamaa raha hoon. Main abhi bhi tum sabko paal sakta hoon, lekin tum unka sath chhod de abhishek.

Abhisha- Kya yaar papp. Pahle aapko meri padhai se dikkat thi aur ab mere dosto se bhi pareshani hai aapko. Aakhir aap chahte kya hain. Ab main khud bhi samajhdar ho gaya hoon. Apna achha bura khud samajh sakta hoon, aap har samay mujhe mat samjhaya kariye. Aur meri life me interfere mat kariye.


Itna kahkar Abhishek Ghar se bahar nikal gaya. Aanand ji thage se use bahar jate huwe dekhte rahe. Aaj pahali baar abhishek ne unse is lahje mein baat ki thi. Apne bete ki baat sunkar unka dil toot gaya tha aur unki aankho me aanshu aa gaye. Raani ji ne jab Aanand ji ko rote huwe dekha to wo ghabra gayi aur aanand ji ke paas aakar boli.


Raani jii- Kyaa huwa aap ki aankho me aanshu. Kisi ne kuchh kaha kya aapse.


Aanand ji Rani ji ki baat sunkar Uske kandhe par sir rakhkar fafak fafak kar rone lage. Apne papa ke rone ki aawaz sunkar Sarita aur Manisha bhi unke paas chali gayi aur apne Aanand ji se lipat kar khadi ho gayi. Thodi der baad jab Aanand ji normal huwe tab unhone kaha.


Aanand ji- Aaj main haar gaya Bhagyawan. Aaj main apne bete se haar gaya.

Raani jii- Aap aisa kyon kah rahe hain ji. Kya kah diya abhishek ne aisa jo aap aisi baat kar rahe hain.

Aanand ji- Wo bol raha hai Mujhe uske dosto se pareshani hai. Mujhe uski Khushi se pareshani hai. Wo bolta hai ki main uski life me dakhal na doon. Kya yahi din dekhne ke liye hamne use paal poss kar itna bada kiya tha. Main aaj apni hi santan se har gaya .

Sarita- Aap shant ho jaiye papa. Main baat karti hoon bhaiya se. wo aapse jaroor iske liye mafi mangenge. Unhe ye nahi kahna chahiye tha.


Raat ko 8 baje jab Abhishek bahar se ghar aata hai to Sarita usase baat karne ke liye Abhishek ke paas gayi aur boli.


Sarita- Ye sab kya hai bhaiya. Aap ko pata hai ki aapki is harkat ki wajah se paap ro rahe the. Kya ye Achha lagta hai ki ek baap apne bete ke karan rone lage.

Abhishek- lekin maine to aisa kuchh bhi nahi kaha tha jiske karan papa ko dukh pahucha ho.

Sarita- Aapne jo kuchh kaha hai. Usi baat ne papa ke dil ko chot pahuchayi hai. Aapko kya jarurat thi palatkar jawab dene ki. Chupchap sun nahi sakte the kya. Aur waise bhi papa ne koi galat baat to nahi boli thi. Kewal yahi kaha tha ki aapke dost ache nahi hain wo aapko bigad rahe hain. Mujhe bhi lagta hai ki papa sahi kah rahe hain. Aap ab pahle jaise nahi rahe bhaiya.

Abhishek- Dekh Sarita. Ab tu bhi mat shuru ho jana. Nahi to main abhi ghar se fir chala jaunga.

Sarita- Achha thik hai main nahi bolti kuchh. Waise bhi meri koi baat aap mante kahan hain. Lekin aapko papa se mafi mangni chahiye. Aapki wajah se papa aaj ro diye.

Abhishek- Thik hai meri maa. Main maafi mang loonga papa se. mujhe bhi lagta hai ki maine kuchh jyada hi over react kar diya. Mujhe aisa nahi karna chahiye tha.

Sarita- jab aap ko pata hai ki ki papa hamesha aapke bhale ke liye kahte hain to aap aise kyon bartav karte hain papa se.

Abhishek- Pata nahi Sarita, lekin us samay mujhe pata nahi kya ho jata hai. Mujhe aisa lagta hai ki papa mujhpar bandish laga rahe hain.

Sarita- Aap kitna galat sochte hain bhaiya. Jo aapko bandish najar aati hai. Wo papa ka pyaar hai aapke liye, lekin aap apne awara doston ke sath rahkar bigad gaye hain. Aapko papa ka pyaar dikhaai hi nahi de raha hai.

Abhishek- achha thik hai. Ab tu shuru mat ho ja. Main kah to raha hoon ki main mafi mang lunga papa se.

Sarita- thik hai bhaiya main chalti hoon. Papa se mafi jaroor mang lijiyega aap.


Itna kahkar Sarita bahar chali gayi. Thodi der baad khana ban gaya aur sabhi khane ke liye baith gaye. Khana khate huwe Abhishek ne kaha.


Abhishek- papa mujhe maaf kar dijie. Mujhe us tarah aapse baat nahi karni chahiye thi. Pata nahi us samay mujhe kya ho gaya tha jo maine aapse aisi bhasha me baat ki.

Aanand ji- beta main tera dushman nahi hoon. Main jo bhi kar raha hoon ya jo bhi tujhe kahta hoon. Tere bhale ke liye kahta hoon. Aakhir mujhe chinta hai teri.

Abhishek- Thik hai papa aage se main is baat ka dhyan rakhunga.


Lekin sabhi ko pata tha ki ye baat bas 2-4 din me hi abhishek bhool jayega. Sabhi khana khane ke baad apne apne bister par sone chale gaye.


Iske Aage ki Kahaani Agle Bhag mein.​

Ab to nashedi bhi ho gaya abhishek or sath me aawara dosto ki sangat me bhi pad gaya ab iska kuch nahi ho sakta.. bas ek chiz ho sakti hai...
" aage se dhyan rakhunga "..

Sandaar update

 

[Mahi Maurya]

Is abhishek ka kuch nahi hone wala mar kha kha kar bhi vaisa ka vaisa hi rehne wala hai..

Awesome update

धन्यवाद आपका महोदय,

इसी अभिषेक के कारण ही तो कहानी में सस्पेन्स बना हुआ है नहीं यो ये कहानी साधारण प्रेम कहानी होती।।

साथ बने रहिए।।

 

[Jaguaar]

UPDATE- 06


Abhishek ke ghar chhodkar jane ke baad Sabhi ka ro ro kar bura haal ho gaya tha. Raani ji rote huwe Aanand ji se boli.


Raani ji- Aapne use jane ke liye kyon bola. Dekhiye Aap ke kahne ke baad wo ghar chhodkar chala gaya. Mera beta. Aapne aisa kyon kiyaa.

Aanand ji- Jane do use. Jab jamane ki thokar khayega to Zindagi ki hakikat se rubaru hoga. Use bhi to pata chalna chahiye ki Zindagi itni aasan bhi nahin hai jitni wo samajh raha hai. Jab Aante dal ka bhav pata chalega to wo khud hi lautkar ghar aa jayega.

Sarita- Nahi papa. Bhaiyaa ab nahi aayenge. Unhe meri baat buri lag gayi hai. Maine to bas yahi kaha tha ki unhone jo kiya wo galat tha. Mujhe nahi pata tha ki meri ye baat unko itni buri lag jaegi ki wo ghar chhod kar chale jaenge.

Raani Jii- Tujhe bolna hi nahi chahiye tha kuchh. Agar tu chup rahti to wo shayad nahi jata.

Aanand ji- Isme Sarita ki koi galti nahi hai. Usne kuchh bhi galat nahi kaha. Achha ab tum dono shant ho jao. Wo kahi nahi jayega. Laut ke ghar hi aayega.


Aaj Sarita ne District me 6th position ke sath 95% Number lakar apne papa ka naam roshan kar diya tha, Sabhi bahut khush the. Uske itne number se paas hone ki khabar jangal me aag ki tarah fail gayi thi. Lekin kuchh hi pal me sari khushiya matam me badal gayi. Unki sari khushiya Abhishek apne shath le gaya tha.


Isi tarah raat ho gayi. Kisi ne thik se khana nahi khyaa aur apne apne bister par chale gaye. Kisi ki aankho mein neend nahi aa rahi thi. Jab bhi koi khatka hota. Raani ji ya Sarita turant jakar darwaza is ummeed mein kholti ki shayad Abhishek ghar aa gaya hoga, lekin wo ghar nahi aaya.


jab is baat ki khabar Sarita ke mama ko hui to wo bhi apni patni ke sath Aanand ji ke yahan aaye aur unhe dilasa dene lage. Wo dil asha dene ke alava aur kar bhi kya sakte the.


Isi tarah din gujarte rahe din mahino me badle aur mahine varsh me tabdeel ho gaye, lekin abhishek jo ghar chhodkar ek baar gaya to wo wapas nahi Lauta. Usne sarita ki baat ka bahut bura maan liya tha. Ek baar bhi uski baat ka matlab samajhne ki koshish bhi nahi ki thi abhishek ne.


Sarita ne kuchh bhi galat nahi kaha tha. Ek ladki jab jawan hoti hai to uske upar jism ke bhukhe giddhon ki najar hamesha rahti hai. Lekin sabse lada nahin ja sakta, kuchh ko avoid kar diya jata hai kuchh ko samjhaya jata hai. Tab jakar ladki safe hoti hai.


Baharhaal Abhishek bhale hi ek bigda huwa ladka tha. Lekin usne kabhi bhi kisi ki bahan beti ko buri najar se nahi dekha tha. Uski jo bhi shikayat ghar par aati thi wo kewal ladai jhagda ya maarpit ki hi aati thi.


Aanand ji ko baad mein pata chal gaya tha ki un dono ladko ne Sach mein Sarita aur Manisha ke bare me buri baat ki thi isliye Abhishek ne unhe mara. Aanand ko bahut afsos ho raha tha ki unhone gusse me aakar abhishek ko ghar se jane ke liye bol diya. aur abhishek ghar chhodkar chala bhi gaya. Wo sabke samne bhale hi apne aapko mazboot banana ki koshish karte the, lekin jab akele hote the to unhe apni ye bat sochkar aansu bahate the.


Ghar ke sabhi shadashyo ka bhi yahi haal tha. Abhishek ghar chhodkar kya gaya unki sari khushiya aur hansi apne sath le gaya. Usko gaye poore do sal ho chuke the. Aaj fir se Sarita ka Inter mediate ka result aaya. Jisme usne fir se 93% mark laye. Lekin ab uske liye inka koi mahatva nahi rah gaya tha.


Uski khushiyo me shamil hone wala bhai nahi tha ab. Sarita ke marks ke baare me sunkar aas paas ke log khush the, lekin Sarita ke chehre par koi Khushi nahi thi. Jise dekhkar Manisha Samajh Gai ki Sarita kisliye dukhi hai. Isliye usne Sarita ko samjhate huwe mahaul ko halka banate huwe kaha.


Manisha- ye kya didiya. Kab tak aise gumsum rahogi tum. Jo ho gaya use bhool jao. Bhaiya ko agar hamse pyaar hota to wo kabhi bhi ham sabko chhodkar nahi jate. Aur agar gusse mein chale bhi gaye the to aaj do saal ho gaye hain. Wo wapas jaroor lautkar aate. Wo ab hamse pyaar nahin karte didiya. Achha chhodo ye sab. tum itne acche nambero se paas hui ho. Chalo dukan par chalte hain mithai khane.

Sarita- mera man nahi hai kahin jane ka. Aaj bhaiya ki bahut yaad aa rahi hai. Mere hi karan bhaiyaa ko ghar chhodkar jana pada. Main achi bahan nahi hoon Manisha. Main achhi bahan nahi hoon. Agar us samay main chup rahti ho bhaiya hame chhodkar kabhi nahin jate. Ye sab mere hi karan huwa hai.

Manisha- nahi didiya. Aap bahut achhi ho. Main to aapse bahut pyaar karti hoon. Aap sabse achhi ho. Dekhna ekdin bhaiya ko apni galti ka ehsas hoga aur wo wapas jaroor laut kar ayenge.

Sarita- Kash aisa ho jaye Manisha. Wo din meri zindagi ka sabse bada din hoga. Us din mujhe zindagi ki sabse badi Khushi milegi.


Aanand ji aur Raani ji unki baate sun rahe the. Unhe bhi jitna dukh Abhishek ke jane ka tha. Usase jyada Khushi is baat ki bhi thi ki uski dono betiya apne bhai se ab bhi bahut pyaar karti hain. Wo dono unke paas aaye aur unhe samjhate huwe bole.


Aanand Ji- Dekho beti sarita. Jo bhi ho gaya use na tum badal sakti ho aur na hi main. Jo niyati ne likha tha. Wo to hona hi tha. Uske liye tum apne aapko dosh mat do. Uske liye agar koi doshi hai to wo main doshi hoon, kyonki maine hi use ghar se jane ke liye kaha tha. Ab abhishek to chala gaya hai beti. Ab tumhi dono hamari zindagi ho, tum dono ke sahare hi ham aage ki zindagi jiyenge. Isliya apne man ko udas mat karo. Aur jo ho gaya use bhoolkar Jeevan ke har kshetra me aage badho.

Raani ji- haan beti Tumhare papa thik kah rahe hain. Jo ho gaya use wapas nahi laya ja sakta, lekin jo samne hai use to hansi khusi jiya ja sakta hai na. to tum apne aapko doshi man-na band kar do beti. Jo karam kismet me hota hai usase adhik nahi milta.


Apne mummy papa ki baat sunkar dono unke gale gal gayi. Wo kahte hain na ki samay har Zakham ko bhar deta hai. Lekin yahan par Sarita ko abhishek ke jane par jo jakhm laga tha uski bharpai hona bahut mushkil thi.


Gujarte samay ke sath Sarita ne Abhishek ko dhoondhne ki bahut koshish ki, lekin wo apne ghar se jyada door ja nahi sakti thi, fir bhi jitna sambhav ho saka usne apne hath panv chalaye abhishek ko dhoondhne ke liye.


5 Varsh baad.


Aaj Sarita 23 Sal ki bharpoor jawan ladki ban gayi thi. Aanand ji ne ji tod mehnat karke Sarita ko M.Sc ki padhai karwai thi. Wo bhi math subject se. Sarita ne M.Sc. Bhi bahut Achhe marks me uttiran ki thi. Manisha bhi 20 varsh paar karke 21ve me pravesh kar chuki thi aur B.Sc. final me thi.


Aaj Aanand ji ka ghar Phoolo se sajaya gaya tha. Tarah Tarah ke pakwan banaye ja rahe the. Sabke chehre par Khushi jhalak rahi thi. Aanand Ji aur raani Ji daud daud kar har kaam kar rhe the. Halwai ko samjha rahe the ki kaise kaun sa pakwan banana hai. Kitne baje khana ban jana hai. Aanand ji ki bahane aur Sale sabhi samay par aa gaye the.


Iska Kaaran tha Aaj Sarita ki sagai ho rahi thi. Ladka Sarkari vibhag me 2400/- GP par TA ke pad par Jabalpur mein kaam karta tha. Badi masakkat ke baad ye Rishta jama tha. Ladke ke gharwalo ne moter cycle aur 2 lakh Rs. Nagad dene ki baat ki thi. Tab jakar Rishta final huwa tha.


Iske baare me jab Sarita ko pata chala to usne is rishte ke liye saf inkar kar diya. uska kahna tha ki main apne maa baap ko karz me dalkar unke dukh aur dard par apne khushiyo ka mahal nahi khada kar sakti. Jiske baad Aanand ji aur Sarita ke bich tikhi nock jhok hui (jhagde wali nahi Samjhane wali) bahut mushkil se Sarita is shadi ke liye taiyaar hui.


Aisa nahi tha ki Sarita aage nahi padhna chahti thi. Aur aage ki padhai karna uska sapna tha. Wo padh likh kar apne pairon par khada hona chahti thi. Lekin wo apni aarthik shtiti ko bhi bhali bhanti samajhti thi. Use pata tha ki uske bhaai ke chale jane ke baad uske papa bahut toot chuke hain, kyonki sachhai pata chalne par wo khud ko doshi maan rahe the.


Aanand ji bahut mehnat karke dono betiyon ko padha rahe the. Sarita ko ache sa abhash tha ki uske pichhe Manisha bhi padhai kar rahi hai aur Uske baad Manisha ki shadi bhi karni hai. Jiske liye paiso ki bahut jaroorat hai. Do betiyon ki shadi kuchh samay ke antaral par karna Uske papa ke liye bahut Mushkil thaa.


Waise bhi hamare samaj ki vidambna yahi hai ki ladki chahe jitni bhi sundar kyon na ho, gunvaan aur padhi likhi kyon na ho. bina dahez ke uski shadi hona bahut hi mushkil hai, inhi sab paristhitiyon ko dekhte huwe sarita ne Shadi ke liye haan kar diya tha. Yahi nahi. Usne 2-4 Sarkari naukari ke liye bhi form bhara tha.


Do bar wo uttiran bhi hui thi. Lekin uski kishmat me shayad naukari nahi thi. Isliye uska selection nahi ho paya tha. Sarita ek samajhdar aur sankari ladki thi. Usne apne papa ki condition ko dekhte huwe apne sapno ka gala ghot diya tha.


Kuchh hi der baad sagai ke liye ladke wale aane ko the. Lekin Sarita ko Aaj Abhishek ki bahut yaad aa rahi thi. Waise to use har koi yaad karta tha, lekin Sarita sabse jyada yaad karti thi use. Wo use yaad karte huwe gumsum biathi hui thi, uski aankho me aanshu aa gaye the. Manisha ne jab uski haalat dekhi to wo samajh gayi ki uski didiya Bhaiya ko yaad kar rahi hai. Isliye wo uske paas jakar baith gayi aur Sarita ke balo me hanth firate huwe boli.


Manisha- Kya huwa didiya. Tum ro kyon rahi ho. Aaj to Khushi ka din hai. Tumhari sagai hone wali hai.

Sarita- tujhe to pata hai ki main kyon ro rahi hoon. Mujhe bhaiya ki bahut yaad aa rahi hai. Kaash wo aaj hamare sath hote to bahut khush hote wo. Lekin mere karan wo ghar chhod kar chale gaye.

Manisha- Aap har baar apne aapko kyon dosh deti ho didiya. Wo aapki wajah se nahi gaye. Wo niyati ka fer tha didiya jo bhaiya ko hamse door le gaya. Bhaiya bhi ham logo ko bahut yaad karte honge.

Sarita- Agar bhaiya ham logo ko yaad karte to ab tak laut kar ghar jaroor aate. Kam se kam ek baar to aakar dekh lete ki unki bahano ka unke bina kya haal ho gaya hai. Unki bahane unse kitna pyaar karti hain.

Manisha- Aap aisa kyon sochti hain didiya. Bhaiya ko ek din apni galti ka ehsaas hoga aur wo jaroor laut kar aayenge. Chalo ab ye aanshu poch dalo. Aaj to Khushi ka din hai. Aap ko aankhon me aanshu ache nahi lagte didiya.


Fir dono bahane kuchh der baat karti rahi. Thodi hi der me ladke wale aa gaye. Apni kshamta ke anusar Aanand ji ne poori vyawastha ki thi. Kuchh hi der mein sagai ki rashm shuru ho gayi.


Iske Aage ki Kahaani Agle Bhag mein..​

Superbb Updatee

Toh ab parivaar wale pachta rahe hai. Par ab pachatane se kyaa hogaa.

Lekin isme galti toh Abhishek ki bhi hai. Usse baat ko samajna chahiye thaa par woh baat ko bina samjhe hi ulta kadam utha baithaa.

Idher Sarita ki sagai horahi hai ek sarkari vibhag mein kaam karne wale se. Lekin hai toh parivaar lalchi hi jo dahej mein motor cycle aur 2 lakh le raha hai.

Lekin Sarita ki shaadi toh Nischal naam ke ek gandi naali ke keede se hone wali hai naa toh phir yeh sagai kisse horahi hai.

 

[KEKIUS MAXIMUS]

romanchak update ..abhishek lautke aaya hi nahi dobara ..
aur aanand ji ko bhi sach ka pata chal gaya aur wo khudko doshi maanne lage ..
sarita ne achche number laaye par wo khush nahi hai kyunki uska bhai uske saath nahi hai ,
aur ye bada wala jhatka hai ki sarita ki shadi ho rahi hai wo bhi dahej dene ki baat par ..
aanand ji ne ye kyu nahi socha ki sarita ko aage padhake achchi naukri lag jayegi to usko kisike saamne haath nahi failana padega ,pati kitna bhi kamata ho wo sarita ko bas ghar ki naukar samjhega aur bachche paida karne ki machine ye maine isliye kaha kyunki ladka dahej le raha hai jabki usko itni sanskari ,padhi likhi khubsurat biwi mil rahi hai .
dahej ek baar do to baar baar maangte hai kuch log aur ladki ki jindagi narak bana dete hai ..
aur uska parinam ladki ke garib maa baap par bhi hota hai ..

sarita aaj mangani ke din bhi dukhi hai kyunki uska bhai nahi hai uske paas .

par kya sarita ki mangani kisi karanvash toot jayegi ,kya ladke wale kuch jyada demand karenge ya ladke ki kuch buri aadte saamne aa jayengi ..
kya yaha se sarita ko ek bekar si jindagi hi milegi us ghatiya ladke se shadi karke .