u.sir.name
Hate girls, except the one reading this.
- 6,840
- 9,769
- 189
" Kabirrrrr...... "
Shan-shanati hawaon ke bech ek aawaj mere kano tak pahunchi.. Jaise koi apna pukaar raha ho..
Bina kuch soche maine us or puri takat se daur laga di..
Sayad main daudta hi jaata agar us jheel ki khai ne mera raasta na roka hota. Aawaj jheel ke us par se aa rahi thi.. Ek saya jheel ki or badha aa raha tha..
" Ruk jaaooooo... "
Main puri takat laga kar jor se chillaya ki sayad meri aawaj us tak pahunch jaye.. par koi faiyda nahi hua.. wo saya ab bhi aage ko badha hi ja raha tha..
Maine fir se puri jor se koshish ki meri awaj us tak pahunch sake.. par koi faiyda nahi.. wo saya ab Jheel ke muhane tak aa chuka tha.. Or tab bhi usne bina kisi sankoch ke aage kadam badha hi diye... Meri aankhon ke saamne hi wo saya hawaon ko chirta hua jheel me sama gaya..
Kuda wo tha jheel me par jane kyun aisa lag raha tha jaise main khud bhi us jheel ki gehraiyon me goote laga raha hun.. saans phoolne lagi meri bhi. Jaise main bhi doob raha tha..
Tabhi aankhon ke saamne dusra drishya prakat hone laga..
" Hari bhari ghaas ke beech main leta hua tha.. Chehra aasman ki or tha.. tabhi mere haathon par ek sparash ki anubhuti hui... Us chhuwan me kuchh alag hi baat thi.. Koi tha jo mere haathon me haath diye mere saath is aasman ko nihar raha tha.. maine apne haathon ko upar utha kar dekha Mere chhote Chhote haathon me ek komal sa haath fasa hua tha.. jo bade hi sneh ke saath mujhe kas ke pakde hue tha.. "" wo dekho Kabirrr.... "" Ek maasom si aawaj ne mera dhyan aasman me udte parinde ki or kendrit karne ko kaha..
Jab tak main us parinde ki or dekhne ki koshish karta mere saans phool chuke thi.. jaise ab aakhiri saans baki ho..
" Dhaaaarrrraaammmmmmm "
Main bistar se jameen par gir chuka tha.. saath hi meri neend khul chuki thi.. Kamar me lagi chot ne ehsaas dilaya ki Jo sapna hakikat sa lag raha wo bas ek sapna hi tha.. par dil me bechaini ab bhi thi.. jaise us waqt thi jab wo saya jheel ki or badh raha tha..
Maine aaknhe malte hue khud ko sambhala or ghadi ki or najar daudai.. 5 baj chuke the.. Sooraj ki pehli laalima khidki par dastak de chuki thi. Maine bhi bathroom ki or rukh kiya..
_____________________________________
_____________________________________
Shami Apartments, Meera Khan Road, Lahore, Pakistan.
28th July, 2019. 6:00 A.M.
Main kitchen me kahada us kholte hue pani ko ghoor raha tha.. or aaj ke apne us sapne ko yaad karne ki koshish kar raha tha.. jane kyun wo haathon me haath dale hue us naram ghaas par letne ka ehsaas pehchana sa lag raha tha.. jaise wo mera hi bachpan ho.. maine hi us pal ko jiya ho.. phir ye Kabir kon hai.. usne mujhe Kabir keh ke kyun pukara.. or wo haath kiska tha.. Agar koi mujhe jaanta hai to aaj tak usko dhoodne kyun nahi aaya.. In sabhi baaton me khoya hua maine jyun hi chai ki patti ko kholte pani me daala ki darwaje par hui dastak ne mera dhyaan dusri or aakarshit kiya..
" Kon hai ? "
" Are Rakib miya.. main hun.. Jawed Aaj ka akhbhar le lo.. "
Maine darwaja khol diya.. wo jaldi se bhitar aa gaya..
" Kya khabar hai akhbaar ki Jawed.. "
" Sir Altaf ko sayad aap par shak pad gaya hai.. Baat abhi to uper level tak nahi gayi hai.. Lekin sayad aap par ab najar rakhi jayegi.. behtar hoga aap kuch din kisi bhi halchal me na pado.. or yahan se nikal jao.. Baki logo ki saftey ke liye jarrori hai.. "
" Hmm.. Baat to tumhari thik hai.. lekin agar mera raaj khul chuka hi hai to apne saath Altaf ko lapete me le ke hi jayenge.. Lahore ke main ground work usi ke jimme hai to kam se kam Lahore se to kuchh samay ke liye inki sanghathan me naye logo ki bharti band hogi.. Jaisa main kehta hun karo.. "
for new story brother....Great start.....
