Romance Uff! Ye Mohabbat ! (completed)

[Harry killer]

Update 3​

sanjana ka para chadh gaya tha wo table par apne hath ka mukka maarte huye boli

Sanjana- ab bhale hi main college se rusticate ho jau par ise nahi chhodungi mai

Jispar rahul use samjhate huye bola

Rahul- sanjana tum mat chinta karo mai dekhta hu isko, college me hum kuch nahi kar sakte, principal ko pata chala to kand hoga par koi tension nahi hai, college ke baahar to dekh sakta hu isko, hostel me to milega hi ye..

Jyoti- o bhai maramari mat kariyo tu

Rahul- kyu kya hua?

Sanjana- sahi bol rahi hai wo, usse jyada teri chinta hai hame, usdin usne tujhe machis ki tili ke jaise baju me kar diya tha to mara mari wale pange to lena hi mat, kya bola thaw o us din?

Waise dekha jaye to Rahul ko sanjana aur jyoti ki baat pasand nahi aayi thi par logically dono sahi bol rahi thi, AK ka koi bharosa nahi tha kya pata Rahul use maarne jaye aur wo Rahul ke hi hath pair tod ke wapis bhej de isiliye Rahul ne is waqt apni bhavnao par kabu kiya aur bola

Rahul- masti me bola thaw o ki use kabu karna hai to dimag ka use karo karke

Sanjana- correct!! Ab use laat mukke se nahi to dimag se harana chahiye, socho.. socho kaise maja chakhaya jaye use.. ?

Rahul- hame aisa kuch karna chahiye jisse hum kisi kin ajar me na aaye par wo jitni speed se famous hua hai utni hi speed se badnaam hona chahiye..

Rahul ki baat sabko jachi aur wo teeno soche lage, jyoti, Rahul aur sanjana teeno apna sar khujate baithe the par kisi ke paas koi idea nahi aa raha tha.. aur ye baat wo teeno jaante the ke AK ko maja chakhake ke liye unhe koi tagda idea chahiye kyuki wo bhi koi mamuli khiladi nahi tha aur ye baat usne pehli hi mulakat ke saaf kar di thi..

Jab kafi der tak kisi ko kuch nahi sujha to Rahul thoda frustrate hote huye bola

Rahul- sala dimag ka dahi kar diya ye AK ne, koi idea nahi aa raha hai, mast jake char peg lagane padenge ab tab shayad koi idea aaye

Par Rahul ki baat sunkar sanjana ko idea mil gaya tha, wo pat se boli

Sanjana-yess!! kya solid idea aaya hai

Par Rahul aur jyoti ko kuch samajh nahi aaya

Jyoti- kya idea hai hame bhi to bata..

Tab sanjana apne aap se khush hote huye boli

Sanjana- tum logo ko pata hai hathi ko shant kaise rakha jata hai… ?

Jyoti- ab hathi kaha se aa gaya beech me tu idea bata na behan

Tab sanjana ekdum kutil muskan ke sath boli

Sanjana- yahi to idea hai.. maine kahi padha tha ke hathi ko shant rakhne ke liye use daru pilayi jati hai fir hathi ke aaju baju bhale ki kitni hi gardi ho wo apni hi dhundh me rehta hai..

Sanjana kya kehna chah rahi thi ye Rahul samajh gaya tha

Rahul- matlab tera bolna hai ke AK ko daru pilayi jaye aur fir maja dekhi jaye

Sanjana- correct..!

Jyoti- wo sab to theek hai par billi ke gale me ghanti kaun bandhega.. matlab AK ko daru kaun pilayega ?

Sanjana- ye Rahul kaunse din kaam aayega..

Jyoti- par AK iske sath daru pine kyu jayega

Sanjana- arey pura plan to sun

Fir sanjana ne sabko plan samjhaya jo Rahul aur jyoti ko bhi sahi laga

Rahul- maan gaye SMP jitni tu dikhne me achi hai usse bhi badhiya dimag chalta hai tera, ab to wo AK gaya kaam se, kal kis muh se college aayega dekhenge, uskko bhi samajh aa jayega ki usne kisse panga liya hai..

Teeno ekdusre ko taali deke khush ho rahe the wahi AK in sab se be khabar apni hi duniya me mast tha..

Raat ke AK hostel me apne teen char dosto ke sath baate karte huye baitha tha tabhi waha Rahul aaya to use dekh ke AK hasa aur bola

AK- kya Rahul seth idhar kaise kya aa gaye aaj, meko maarne ke liye ladke wagaire leke aaya hai kya

Rahul bhi jhuthi muskan ke sath bola

Rahul- nahi aisa kuch nahi hai, aur shayad teko jhuth lage par asal me mai tujhse mafi mangne aaya hu

AK ne has ke shubham ki taraf dekha to wo pehle hi sawaliya najro Ak ki taraf dekh raha tha, Rahul ne fir se kaha

Rahul- arey sach me, mai akela hi aaya hu. Sorry yaar wo maine usdin ragging ki, tune jawab diya, hisab barabar ho gaya, ulta principal ne vaat lagayi wo alag

AK- oh! To principal ke kehne pe aaya hai tu mafi mangne

Rahul- nahi bilkul nahi, mai khud aaya hu aur jyoti aur sanjana ne bhi mafi mangi hai tumse..

AK- gajab! Par najane kyu mujhe yakin nahi ho raha hai

Rahul- par mai sach keh raha hu, hum aur kuch saal isi college me rehne wale hai to faltu ke jhagdo se kya matlab, tumpar mera jor nahi hai par hamari side se ye topic close hai aur tumse bhi request hai ke jo hua bhul jao, mai dosti ka hath badhane aaya hu

Itna bolke Rahul ne shake hand ke liye hath aage badhaya, AK ne ek baar apne dosto ko dekha jo na me ishara kar rahe the par AK ne muskura kar Rahul ne hath mila liya

AK- dosti ke liye to apun hamesha ready rehta hai, college me ye bate hoti hi hai, jyada tension nahi leta mai, aajse dosti shuru

Rahul bhi jhutha khush hote huye bola

Rahul- ye huyi na baatchalo to fir aaj apni dosti celebrate karte hai

Rahul ki baat sunkar AK ke alawa baki sab chinta me pad gaye aur Rahul ne apni bag me se daru ka ek pura khamba baahar nikala aura ankh maarte huye bola

Rahul- meko pata that u acha aadmi hai maaf kar dega isiliye mai tayari ke sath aaya hu..

AK- waise to iski jarurat nahi thi par daru ko na bolne pe paap lagta hai aur mai wo risk nahi le sakta

Rahul man hi man khush ho raha tha, uska plan success ho raha tha, jab sabke do do peg ho gaye tab Rahul ne agli chal kheli

Rahul- AK tere paas badhiya dimag hai bhai, kya paitra badla us din, hum principal ke samne sar patakte rahe par usne ek baat nahi suni hamari

AK- jane de na kyu gade murde ukhad raha hai, daru enjoy kar na

Rahul- dimag to tera gajab hai par pine me nahi hara sakta tu mujhe, lagata hai challenge?

AK- Rahul dekh faltu pange mat le..

Par Rahul kaha manne wala tha aur akhir AK bola

AK- chal dekhte hai tere me kitna dum hai, par teri layi daru bakwas hai ruk ek minute

Itna bol ke AK uth k eek room me gaya aur jab wapis aaya touske hath me ek Bacardi ka khamba tha

AK- ye apna brand hai apne ko harne me koi dikkat nahi hai par dekhe tere me kitna dum hai, waise bata hu is competition me aajtak nahi hara mai

Ab Rahul bhi full competition ke mood me tha

Rahul- hara to mai bhi nahi bol kya bet lagayega

AK- agar mai hara to akkhe college ke samne ghutne tek ke teri aur sanjana ki mafi mangunga aur tu hara to college end hone tak tu mere samne nahi baithega aur mujhe sir bulayega

Rahul man hi man khush ho raha tha, wo to waise bhi AK ko badnaam karne aaya tha aur ye khud hi sare college ke samne mafi mangne ko ready tha matlab uske liye ye baat thi ke muh kholaaur daru ki barish ho gayi

Waise Rahul bhi pine me ustad tha ek khamba to easily khatam kar deta thaw o wo haske bola

Rahul- paltega to nahi baadme

AK- apan palatne walo me se nahi hai, apni boli banduk ki goli jo bol diya so bol diya

Rahul man hi man AK ko mafi mangte huye imagine karne laga kyuki khamba to usne pehle bhi kayi baar khali kiya tha usne ek aur patta feka

Rahul- par isne aur maja aana chahiye, peg direct pineka, na pani na soda, direct shots

Ab AK thoda tension me aa gaya aur thoda darr uske chehre pe dikhne laga aur ye Rahul ke dhyan me aa gaya

Rahul- kya hua AK , jaban ladkhadane lagi kya? Ladhayi ke pehle hi haar manega kya?

AK- na ab piche nahi hatunga aur mafi mangne se mai chota thodi hone wala hu

Koi shikari apne jaal me fase shikar ko jaise dekhta hai waise is waqt Rahul AK ki taraf dekh raha tha……..

Kanhi kabhi ulta bi pad jata jai. Jo log ghar ki nikali hui Daru pite hai unko desi pani jaisi lagti .

Ghar ki daru to dimag guma kar rakh seti hai

 

[Harry killer]

Update 4​

Koi shikari apne jaal me fase shikar ko jaise dekhta hai waise is waqt Rahul AK ki taraf dekh raha tha wahi AK ke sabhi dost use samjha rahe the ke wo is shart ke chakker me na pade par AK kuch sunne ko tayar hi nahi tha

Rahul ne glass rakhe aur apni bag me se ek naya khamba nikala aur pehla peg banaya.. Wahi AK ne bhi apne Bacardi vodka ka peg banaya, Rahul ne glass uthaya aur bola

Rahul- dosti ke naam, Cheers

Aur ek jhatke me peg gatak liya, idhar AK ne bhi wahi kiya aur ek hi jhatkeme apne hath ka glass khali kar diya

Rahul- good! Ab aayega maja

Dono raparap peg bana rahe the aur pi rahe the.. dekhte dekhte aath peg khatam ho gaye… ab Rahul ko mushkil hone lagi thi wahi AK aaram se Bacardi vodka ko khatam kar raha tha par ab AK thoda thoda jhulne laga tha aur bolte huye bhi use mushkil ho rahi thi aur Rahul ne yahi apni aadhi ladayi jeet li thi…

------

Agli subah Rahul ki aankhe logo ki hasne ki awaj se khuli uske kano me logo ki hasne ki awaje aa rahi thi lekin uska sar bahut bhari lag raha tha, daru ka hangover itna bhayankar tha ke use aankhe kholne me bhi mushkil ho rahi thi, overconfidence me raat ko usne kuch jyada hi pi li thi aur wo waise hi pada hua tha,

Dheere dheere logo ki awaje badhne lagi aur fir Rahul ko apne chehre par kuch thanda thanda mehsus hua usne jaise taise apni aankhe kholi to usne jo dekha usse wo shocked ho gaya, ek kutta uska muh chaat raha tha.. usne jaise taise kutte ko bhagaya aur uthne ki koshish ki par uska sar ghum raha thaw o wapis se niche gir gaya aur waise hi pada raha

Kuch samay baad ek balti bhar paani Rahul ke upar gira jisse use thoda hosh aaya aur usne aankhe kholi aur jab aankhe khuli to usne dekha ke wo hostel ke baju ki kachra peti me pada tha aurcollege ke sare ladke ladkiya uski or dekh ke has rahe the aur kuch to mobile me uska video bana rahe the aur sanjana ke hath me paani ki bucket thi

Sanjana- abey paagal aadmim ab uthega ke municipality ke kachre ki gaadi me jayega ? idiot fool

Sanjana ko subah subah kisi ne whatscrap pe rahul ke kachra peti me pade hone ka video bheja tha

Sanjana subah subah uthne ke baad kafi khush thi kyuki use lag raha tha ke uska kaam ho gaya hai aur Rahul ne ladayi jeet li hogi kyuki usne raat ko AK ke sath daru pite huye use ek selfi bhi bheji thi par usne jaise hi wo video dekha uski khush ek pal ne gayab ho gayi

Jyoti aur sanjana ne jaise taise Rahul ko uthaya aur wahi paas me lag eek nal ke niche bithaya jisne baad Rahul ab hosh me tha, wo hostel ke uske classmate ke room me jake kapde badal aaya aur wo teeno waha se sanjana ki gadi pe baith ke nikal gaye aur ek hotel me jake baithe..

Sanjana ka para satve aasman ke bhi upar tha aur wo Rahul ke upar bhadki

Sanjana- gajab, jyoti tere ko akkal hai kya thodi, aise hi muh uthake khal hath chali aayi yu

Jyoti ko kuch samajh hi nahi aaya ki ye mahamaya uspar gussa kyu hai par sanjana ka mood dekh ke usne chup rehna hi behtar samjha (dehshat ) aur sanjana gusse me bol rahi thi

Sanjana- sath me ek aarti ka thal lana chahiye tha tune, apne dost ne itna mahan kaam kiya hai aarti to utari jani chahiye uski..

Aur ab sanjana ne apna morcha Rahul ki taraf badhaya

Sanjana- shabash Rahul seth shabash, mauj kardi tune to waah.. arey tereko ko sharam hai thodi, bas badi badi baate aur pichwade pe khate laate kal kya bol raha tha tu ? daru me teko koi nahi hara sakta, fir kya hua ab? Aapka karnama to akkhe college me mashoor ho gaya hai ab..

Rahul chup chap gardan jhukaye sab sun raha tha, aur option bhi kyat ha bechare ke paas AK ne sari masti ho utar di thi par wo kuch bol hi nahi raha hai ye dekh ke sanjana aur bhi bhadak gayi

Sanjana- abey mai kya bol rahu hu samajh me aa raha hai kya ya abhi bhi masti nahi utri ? kal to bada bol raha tha aaj kya hua ? us AK ko sabak sikhane wala that u to dekh usne teri kya halat kar di, use daru me load karna tha par idiot usne tera hi game kar diya, apne ko jitni pachti hai utni hi pine ki samajh nahi hai kya tujhme..

Sanjana gusse me idhar udhar ghumkar bol rahi thi aur kafi samay tak koi kuch nahi bola fir jyoti dheere se boli

Jyoti- ab kya kare?

Sanjana- ab kar bhi kya sakte hai ab tak ko Rahul ka video pure college me viral ho gaya hoya

Ab ye sunke Rahul ekdum shock

Rahul- Kya…!! Mera video

Fir jyoti ne apne phone Rahul ke samne kiya aur Rahul ne dekha ki woe k kachre ki peti me pada hua tha aur ek kutta uska muh chaat raha tha, wo video dekh ke Rahul gusse se tantanane laga

Rahul- mai us AK ki jaan le lunga

Fir sanjana use baithate huye boli

Sanjana- o hero, us AK ko baadme dekhna pehle ye soch ki galti se bhi ye video tere gharwalo ke paas chala gaya to kya hoga

Rahul- abey yaar, mere baap me ye video dekh liya to maar maar ke ghar se nikalega be, mai chhodunga nahi us harami ko complaint hi karta hu uski..

Sanjana- pagal hai kya be.. aur kya complaint karega ? usne tujhe hostel me bulake daru pilayi aur kachre me feka.. abey agar aisa kiya to use to kuch nahi hoga ulta apan log hi fasenge usne apne ko apne hi jaal me fasaya hai

Jyoti- ha principal ne pehle hi warning di hai aur tu gaya tha uske hostel me ye uske room mate bata denge aur AK ko kuch nahi hoga hum rusticate ho jayenge

Rahul- jhaak mari aur us AK se bhida mai us harami ka to kuch nahi bigda ulta akkhe college me meri badnami ho gayi alag, ab to BC kasam hai mujhe daruko hath nahi lagaunga

Fir sanjana kuch soch ke boli

Sanjana- ab yahi acha hai k eek haft eke liye college se gayab hua jaye nahi to college wale jina mushkil kar denge…

Ab us raat hua kya wo suno..

Daru ko shart chal rahi thi aur 15 peg ke baad Rahul apni khurchi par se gir gaya, shubham use uthane ki koshish kar raha tha par Rahul hil bhi nahi raha tha aur use dekh ke AK hasa aur bola

AK- bhai log ye kachra apne ko apne room me chahiye hi nahi, dost ban ke pith me khanjar bhokne aaya tha madarjaat ab to isko iski jagah dikhani hi padegi

Shubham- iski aisi halat karni chahiye ke dobara apne se bhidne ki soche bhi na, bol AK kya kara jaye iska

Aur yaha kamal ki baat ye thi ke itni pine ke baad bhi AK hosh me tha, wo shanti se bola

AK- maarke koi fayda nahi hai char din me bhul jayega, aisa karte hai ki iske ego ko thes pahuchate hai jo ye jindagi bhar nahi bhulega

Shubham- O bhai kuch samjhe aisa bol

AK- simple hai isko bahar karne kachre ked abbe me fek dete hai

Shubham- video banau kya?

AK- na uski jarurat nahi hai, iske dost bhi to hai hostel me wo bana lenge aur use bhi bhej denge jo parde ke piche se operate kar rahi hai

Shubham- matlab?

AK- matlab ye to pyada hai re asal khiladi to koi aur hai

Shubham- kaun

AK- kaun kya ye bhoot ki dost chudail

AK ki baat pe sab hasne lage fir unhone Rahul ko utha ke kachre me feka aur wapis aane ke baad shubham AK se bola

Shubham- AK maan gaye teko, kya stamina hai BC itna pi ke bhi hosh me

AK- usme kya hai aise do khambe apun aaram se pi sakta hai mera chhod ye to tub hi pi lega

Shubham- na bhai, mai itni daru nahi pi sakta

AK- arey sach me tu try to kar ek baar fir boliyo

AK ke bolne me shubham ne botal uthayi aur muh ko lagayi to use 440 volt ka jhatka laga

Shubham- kya harami aadmi haibe tu AK, bsdk ye to pani hai

AK- ab vodka pani jaisi dikhti hai isme meri galti thodi hai

Shubham- aur us Rahul ko lag raha tha kit u vodka pi raha hai par tu pani pi raha tha aur nautanki to aisi kar raha tha jaise sach me talli ho

AK- abe jab usne daru nikali tabhi mai samajh gaya tha ye kuch to gadbad hai iska sorry aur dosti bas dhoka hai aur jab usne shart ki baat ki tab to confirm ho gaya ki ye trap hai aur maine ander jake botal me pani bhar laya aur use dhyan me na aaye isiliye ghabrane ki acting kar raha tha

Shubham- gajab! Maan gaye tere dimag ko….

Jabardast planning

 

[Sauravb]

Adirshi bhai great going..

 

[Adirshi]

nice update

bahut bahut shukriya bhai

 

[Adirshi]

o teri itna bada suspence

itna bada bhi nahi tha par koi pehchana hi nahi

 

[Adirshi]

ए के " एक हटेली लव स्टोरी " वाला अविनाश है । ये तो पता ही नहीं था । अच्छा सस्पेंस बनाया आपने भाई !

एक्चुअली " एक हटेली लव स्टोरी " का प्रमुख नायक अनिकेत था और नायिका कोमल । हम लास्ट तक यही सोचते रहे कि दोनों की लवस्टोरी कुछ हटकर थी पर बाद में पता चला कि असल नायक तो अविनाश था । उसके मोहब्बत करने का तरीका अनूठा था । मन ही मन कोमल को चाहता रहा । किसी को एहसास तक नहीं होने दिया कि कोमल के लिए उसके दिल में बेइंतहा प्यार है । यहां तक कि कोमल को भी पता नहीं चला । उसके जिगरी दोस्त अनिकेत तक को भनक नहीं लगने दिया ।

अनिकेत और कोमल के शादी के बाद ही हम जान पाए कि वो कोमल से कितना मोहब्बत करता था । अकेला बैठा कोमल की यादों को संजोए शराब पीते हुए कहानी का समापन हो गया था ।
वो स्टोरी और अविनाश का किरदार मुझे बहुत पसंद आया था ।

एक बार फिर से अविनाश को देखकर बहुत अच्छा लगा । कोमल तो उसके लाइफ से हमेशा के लिए चली गई पर इस बार उसके साथ ऐसा कुछ नहीं होना चाहिए । उसके भी लाइफ में कोई हसीना दस्तक दे और उसके बगिया को महका दे ।

और ऐसा होता दिख रहा है । संजना के रूप में उसकी " कोमल " वापस आ गई है । थोड़ी टेढ़ी खीर है , थोड़ा मगरूर भी है लेकिन इसके साथ साथ अक्लमंद और साहसी भी है वो ।

अपने फादर के पुलिस इन्स्पेक्टर होने का फायदा तो उठाई लेकिन मुझे विश्वास है उसे अपनी गलती का भी अहसास होगा । उसके मन में भी प्रेम के अंकुर जरूर फुटेंगे ।

वैसे राहुल महाशय का अच्छा खासा पोपट हुआ । चेहरे पर कुत्ते ने पेशाब तक कर दी । लेकिन यह लड़का भी कोई बुरा नहीं है । बस थोड़ी बहुत संगति का असर है और संगति भी तो संजना की है तो उसका असर उस पर तो पड़ना ही था ।

Outstanding and Amazing Update Adirshi bhai.

bahut bahut shukriya bhai is behtarin review ke liye and yes kabhi na kabhi to sanjana ko galti ka ehsas hoga hi

 

[Adirshi]

chalo kalejo ko thandak mili.. Kam se Kam kaskar ek thappad to para us chuje ke gaal par .
sabbas sanjana.. good work yaar...
ye jyoti air rahul ki baatien mat suniyo,, bas apni marzi karo
Sach mein maja aa gaya yaar..
bada tees maar kha ban raha tha.. gaya na hawalat
well . shaandar update, shaandar lekhni,, shaandar shabdon ka chayan.. sath hi dilkash kirdaaro ki bhumika bhi..
Let's see what happens next
Brilliant update with awesome writing skills

bas tumko acha lage isiliye thappad padwaya hai Avi chahta to thappad padta hi nahi
bahut bahut shukriya

 

[Adirshi]

Oo... to ye wo avinash hai...
par is suspense se parda hatne se nafar Kam na hone wali... sanjana hella aur nischal ko leke hi aayegi is story pe..

Avi OP

 

[Adirshi]

Amazing

bahut bahut shukriya bhai

 

[Adirshi]

Awesome Updateee


Toh Sanjana ne yeh ganda khel khela. Apne baap ke pyaar aur power ka najayaz faiyda uthaya. Aur uske baap ne bhi beti ke moh mein uski baat pe vishwas kiya. Yeh bhi nhi dekha ke usne sach bola hai yaa jhoot bola hai.

Ab aise logo ko kya hi bolee. Yeh log sirf ek taraf ka sunn ke hi faisla karte hai. Bhale hi saamne wali ki jindagi hi barbaad kyo naa hojaaye.

Toh AK ka pura naam nikla Avinash Kanitkar. Pichli story mein side hero thaa toh yaha pe main lead. Pichle mein pyaar adjura raha tha toh yaha pe pura hogaa.

AK ne Sangram Singh ko counter reply naa deke galat kiya. Woh police wala hai toh kyaa kuch bhi karega. Bina kisi ke jurm ke aur investigation ke uspe haath uthayega. AK ko Sangram ke muh pe jawaab dena chahiye thaa.


Dekhte hai ab AK kyaa karta hai uss Sanjana kaa. Bahot charbi chadi hai usme. Ek thappad maar ke saari charbi utar deni chahiye. Itna ghamand kisliye. AK ne aakhir aisa kyaa kardiya jo uske khilaf police complain woh bhi jhooti.

Sanjana ko saza dilwao.

kabhi kabhi shant rehna bhi sahi hota hai bhai garam dimag se kaam thodi hote hai aur saja to milegi barabar milegi
bahut bahut shukriya bhai