Ding waitingUpdate 10:30 ke baad aye ga
Fantasy Vengeance ~ Revenge is sweet [ᏚᎩᏚᎢᎬᎷ]
- Thread starterSalty~Otaku
- Start date
- 1,414,766
drx prince
Active Member
- 1,564
- 1,547
- 143
Ok Bhai Padhe kal ab to sone ja rhe hainUpdate 10:30 ke baad aye ga
- 1,856
- 19,829
- 144
10:30 se 12:30 ke beech update kabhi bhi aa sakta hai! Agar wait ker sako to theek hai, Agar nahi to main subha padhne ke liye kahu ga, Update 12:30 se pehle aa jaye ga. 
sorbobhuk
Well-Known Member
- 2,365
- 5,724
- 158
Waiting10:30 se 12:30 ke beech update kabhi bhi aa sakta hai! Agar wait ker sako to theek hai, Agar nahi to main subha padhne ke liye kahu ga, Update 12:30 se pehle aa jaye ga.
Waiting bhai10:30 se 12:30 ke beech update kabhi bhi aa sakta hai! Agar wait ker sako to theek hai, Agar nahi to main subha padhne ke liye kahu ga, Update 12:30 se pehle aa jaye ga.
- 1,856
- 19,829
- 144
- 1,856
- 19,829
- 144
UPDATE 61 ~
(BE THE MONSTER)
(BE THE MONSTER)
*Hoot! Hoot!*
Raat ka ghana andhera chaaro taraf faila huwa tha, Kohara saamne ka kuch bhi daikhna mushkil ker raha tha, Andere me pedon ki parchhai drishya ko aur bhi zada khofnaak bana rahi thi.
*Huff! Huff!*
Jangal ke beech me un khofnaak pedon ke beech me Vansh bhaag raha tha, Uska pura chehra pasine se bheeg gaya tha aur chamak raha tha, uski saanse phul chuki thi, Lekin Vansh ruk nahi raha tha.
Uske chehre per dar ke bhav chaye huwe thi, Bhaagte huwe wo baar baar peeche daikhta aur dobara aage bhaagne lagta uske kadam ladkhadane lage the, Lekin wo ruk he nahi raha tha.
Vansh ke sharir per jagha jagha ghav bane huwe the, Un me se khoon ris raha tha aur har kadam ke saath uske ghav khul rahe the, Thandi havaye Vansh ko chhure ki tarha kaat rahi thi.
*Splash*
Vansh bhaagte huwe ek nadi ke paas aa gaya, Vansh seedhe nadi ke andar chala gaya, Nadi ka pura paani kaale rang ka tha, Jaise ye paani ki nahi khoon ki nadi ho.
*Thud*
Vansh: Aghhh!
Paani me bhaagte huwe Vansh ka paon neeche paani me kisi cheeze se takraya aur wo seedhe paani me gir gaya.
*Gurggle*
Vansh ne khud ko paani se baahir nikal liya aur waise he giray huwe he aage badhne laga, Uska sharir buri tarha se dard karne lag chuka tha.
*Gush*
Vansh ko peeche se he kisi ke paani me utarne ki awaaz sunayi di, Vansh ka sharir wanhi tham gaya, Uski aankhe khoof se bhar gayi aur un me ansoo ane shuru ho gye.
*Chock*
Vansh ke muh me gaya huwa paani uske liye saans lena bhi mushkil karne laga, Dar se kanpate huwe Vansh peeche ki taraf daikhne ke liye ghoomane laga, Vansh sirf ek prarthana ker raha tha ke uske peeche koi bhi na ho.
“Huh!!!”
Vansh ki sabhi umeede toot gayi, Uska dar sahi sabit ho gaya, Uske saamne ek dark figure khara huwa tha, Kaale andhere me wo 2 laal aankhe Vansh ki aatma tak ko hila ker rakh de rahi thi.
Vansh(S-s-sob): K-Kyu ker rahe ho mere saath ye sab? Kya bigada hai main ne tumhara? *Sniff* P-Please ye sab kuch khatam ker do na, *Shout* Kyu ker rahe ho tum ye sab?
Vansh chilate huwe utha aur apne haatho se uss dark figure ko pakadne ki koshish karne laga, Lekin jaise he wo uske kareeb pohancha Vansh ka haath cut ker neeche gir gaya.
Vansh(Scream): Aghhhh! Mera haath!! Ughhh!!!!
Vansh chilate huwe neeche gir gaya, Uske kate huwe haath se khoon ki dhar nikalte huwe kaale paani me milne lagi, Neeche paani me giray huwe Vansh dard se chilate huwe tadapne laga.
*Glare*
Uske saamne ka dark figure usse dard se tadapte huwe daikhta raha, Uski sirf nazre he Vansh ke dard ko badhane ke liye kaafi thi.
*Slop-Slop*
Dark figure ne apne kadam Vansh ki taraf badhane shuru ker diye, Vansh ke kareeb ate he usne Vansh ke baalo se pakadte huwe usse utha liya, Vansh ke chehre se paani ki bunden neeche girne lagi.
Vansh(Whisper): Kon ho tum?
Vansh ki aankhe dard se band honi shuru ho gayi, Uski awaaz siskiyon me badalni shuru ho gayi, Uska sharir uska saath chhodna shuru ho chuka tha.
“I am the monster you created!”
Dark figure ne Vansh ki aankho me daikhte huwe kaha, Sirf kuch shabdon ne he Vansh ke sharir me ek sansani machani shuru ker di thi, Uska chehra rone wala ho gaya, Uski sabhi umeede khatam ho gayi.
Dark figure ne uske gale per apne claws rakh diye, Vansh bina kuch bhi harkat kiye usse bejan aankhon se daikhta raha, Uska gala claws se cheera jaane laga, Lekin wo sirf apne saath ye hote huwe daikh sakta tha aur kuch bhi nahi ker sakta tha.
*Splash*
Vansh ka gala apne claws se ukhadne ke baad dark figure ne usse wanhi paani me phaink diya, Vansh paani me gira huwa chaand ki taraf daikhta raha, Uski awaaz tak nahi nikal rahi thi.
Vansh ke daikhte huwe he dark figure uske saamne aa gaya, Uske haath me ek badi kulhadi pakri huwi thi, Usne apni kulhadi ko hava me uthaya aur seedhe vansh ki chhati per maar di.
*Chop*
“Vansh!.....Vansh!......Vansh!”
*Ahhhh*
Ek zordar cheekh ke saath Vansh uth ker baith gaya, Uska pura chehara pasine se bheega huwa tha, Uski aankhe dar se faili huwi thi, Uski saanse tez chal rahi thi, Uska seena zor se upar neeche ho raha tha.
Vansh ne apni chhati per haath rakh ker daikha to wahan koi ghav nahi tha, Uske saamne bhi koi dark figure nahi tha, Vansh ne dhayan se daikha to wo bistar per laita huwa tha.
Vansh ne apne bagal me daikha to usse bed ke side per Sonia khari usse daikhti huwi dikh gayi, Vansh ne uski kalayi zor se pakadi huwi thi, Sonia ke chehre per dard ke bhav dikh rahe the.
Vansh: Huh, Sorry!
Vansh ne Sonia ki kalayi chhod di, Kalayi Vansh ki pakad se chhutate he Sonia bhi peeche ho gayi, Uski puri body kaanp rahi thi, Uski nazro me dar aur bechani dono he jhalak rahi thi.
Sonia(Shivering): For God sake, Vansh! Ab ye sab bohat badh chuka hai, Please kisi ache psychiatrist se ek baar mil lo, Ab ye nightmares bohat bigadne lage hai, Mujhe sach me dar lagne laga hai ab!!!
Sonia ne apni kalayi ko araam se sehlate huwe kaha, Uski kalayi laal ho gayi thi aur usse bohat dard bhi ho rahi thi, Vansh ek Player tha aur usper ek S rank player, Uski pakad kisi ki bhi sadharan vyakti ki kalayi todne ke liye kaafi thi.
Vansh ki apni patni he usse dar se bhari huwi nazron se daikh rahi thi, Vansh usse kuch bhi javab nahi de saka, Sonia uske saath bed per baith gayi aur usne Vansh ke chehre ko pakad liya.
Sonia: Please Vansh! 10 saal ho chuke hai, Lekin ye nightmares khatam nahi ho rahe hai, Shuru me main ne ap ki baat maan ker ap ko force nahi kiya psychiatrist ke paas jaane ke liye, Lekin ab mujhe dar lagne laga hai, Ap ke liye.....Hamare liye!
Sonia ne Vansh ke chehre ko daikhte huwe vinati karte huwe kaha, Vansh ne side per daikha to uska mechanical hand udhar he side table per rakha huwa tha, Vansh ko 10 saal pehle ka wo din bilkul bhi yaad nahi tha.
Usse sirf ye yaad tha ke 10 saal pehle uske upar attack huwa tha, Usne tab apna haath kho diya tha, Vansh zinda to bach gaya tha, Lekin uske baad se ek nightmare usse satane laga.
Har raat uske sapne ke andar usse ek dark figure maar deta aur Vansh chekhte huwe uth jata, Usse kuch bhi samajh nahi aa rahi thi ke ye nightmare usse kyu aa rahe hai?
Sonia ne usse kayi baar psychiatrist se apointment le ker di, Lekin Vansh ne har baar usse taal diya, Usne un nightmares ke saath he jeena seekh liya.
Lekin kuch samay se nightmares aur bhi bhayanak hone lag chuke the, Vansh ke liye bhi ab unhe sambhalna mushkil hone laga tha, Vansh ne khud ko aur bhi kaam me vyast karna shuru ker diya tha.
Vansh ne Apex tower se nikalna bhi band ker diya tha, Uske liye tower sab se zada safe tha, Usse dar tha ke tower se nikalne per uska sapna sach ho sakta hai.
Sonia ko bhi ab uski chinta honi shuru ho gayi thi, Vansh ki Pride usse kisi ke saamne bhi khud ko kamzor dirshane ke liye taiyar nahi thi, Psychiatrist ke paas jana uske liye apni weakness sab ko batane ke jaisa tha.
Vansh(Sigh): Huh, Leave it! Tum bhi jaanti ho ke koi bhi psychiatrist ye night mares khatam nahi ker sakta, Un ka ek he saval ho ga, Ye sab kaise huwa? Kyu huwa? Ab main aur bekar savalon ka javab nahi dena chahta.
Vansh ne Sonia ke haath apne chehre se hatate huwe kaha aur bistar se baahir aa gaya, Sonia usse baithi daikhti rahi.
Sonia: Lekin Vans-
Vansh: Leave.....It!
Vansh ne Sonia ke bolte huwe beech me he unchi awaaz se kaha to Sonia bhi chup ker gayi, Vansh apna mechanical haath lagane laga, Usne peeche daikha to Sonia nazre jhukaye baithi huwi thi.
Vansh ko bhi ehsaas ho gaya ke wo kuch zada he sakhti se usse bol diya hai, Vansh uske paas baith gaya aur uska haath apne haath me tham liya.
Vansh: You know na ke mujhe nayi jagha per adjust karne me mushkil hoti hai? Ye sab sirf tower se nikalne ki wajha se ho raha hai, Lekin main apni itni sundar wife ko New Year per kaise akela chhod sakta tha? Main sirf tumhare liye aya hu, Agar main thoda chirchira ho jau to understand karne ki koshish karna, Please?
Vansh ne pyar se Sonia ki kalayi ko sehlate huwe kaha, Vansh sach me kayi saalo ke baad tower se baahir aya tha, Kal ka pura din usne aur Sonia ne saath bitaya tha.
Vansh usse New Year wish karne aya tha, Lekin Sonia ke apartment me shift hone se uska wo plan fail ho gaya, Lekin usne saal ka pehla din pura Sonia ke saath bitane ka plan bana liya tha aur bitaya bhi tha.
*Muah*
Vansh ne Sonia ka haath utha ker uski kalayi ko chum liya, Uski harkat daikh ker Sonia bhi muskura di, Vansh usse aise muskurate daikh ker khush ho gaya.
Vansh: Ab tum breakfast banao! Main abhi fresh ho ker ata hu, Aj tumhare haath ka bana kuch khaane ka mann hai.
Vansh ne Sonia se kaha aur uth ker chal diya, Ek dum se wo kuch soch ker beech me he ruk gaya.
Vansh: Kal main pucha bhool gaya! Lekin parso raat tumhara partner yahan kyu ruka tha?
Sonia: Uski tabiyat theek nahi thi! Main ne usse ghar chhodne ki offer ki, Lekin phir baarish shuru ho gayi to hum baarish ke thamne ka intezar ker rahe the.
Vansh khara Sonia ke chehre ko dhayan se daikhta raha, Sonia ne usse ek smile pass ker di, Jab Vansh ko vishwas ho gaya ke Sonia sach keh rahi hai to usne apni nazre hata li.
Vansh(Sigh): Huh, Okay!
Vansh ne usse kaha aur waapis ghoomte huwe bathroom ki taraf chala gaya, Sonia usse peeche se jaate huwe daikhti rahi.
*Click*
*Thud*
Vansh ke bathroom me ghuste he Sonia ke pairon ne javab de diya aur wo bed per gir ker lait gayi, Uski aankhe ansoo se bhar gayi, Apne muh per haath rakh ker Sonia apni siskariye dabane ki koshish ker rahi thi.
Sonia: I'm sorry, Vansh! I'm sorry! *Sniff* Pata nahi kya ho gaya tha mujhe? Pata nahi Kyu aise khud per se kabu kho diya main ne? *Sniff*
Apne chehre per haath rakhe Sonia khud ko kosti ja rahi thi, Kal se usne Vansh ke saamne khud ko bikharne se roka huwa tha, Lekin ab usse aur bardasht nahi ho raha tha.
Sonia ne bedsheet ki taraf daikha to usse New Year ki raat yaad aa gayi, Kaise wo Aarav ke aage taange filaye laiti huwi thi.
Sonia: Kya ho gaya tha mujhe? Kya mere andar itni havas thi kya? Aise kisi ke aage bhi main tange kaise fail.....chee!
Sonia ko khud per se ghin aa rahi thi, Usko uss raat kiye apne badchalan kaam per vishwas nahi ho raha tha, Sonia hamesha se ek professional insaan ki tarha rahi thi.
Usne aj tak apni personality kisi ke bhi saamne bigadne nahi di thi, Lekin sirf ek mard ke ehsaas per usne apni kitne saalo se banayi reputation dav per laga di thi.
Lekin Sonia ko uski pravah nahi thi, Usse ye baat takleef de rahi thi ke shadishuda aurat hote huwe wo kaise aisi harkat ker sakti hai?
Sonia ka haath khud he uske pait ke upar chala gaya, Jaise uske savalon ka javab uske saamne tha, Lekin wo use sveekar karne se inkar ker rahi thi.
Sonia: Kya meri ye chahat itni bari hai? Kya ye chahat sach me mujhe itna pagal ker rahi hai? *Sigh* I don't know anything anymore!
Sonia waise he apna sar pakad ker baith gayi, Uski samajh me ab kuch bhi nahi aa raha tha, Sab kuch puri planing se karne wali Sonia Desai ko pehli baar kuch bhi samajh nahi aa raha tha.
Sonia(Nod): Hmm, Ye sab kyu huwa ab ye soche ka samay nahi hai! Ye sab main ne bigada hai, Ab ye sab kuch mujhe khud he sudharna bhi ho ga.
Sonia khud se he nirnay liya aur khari ho gayi, Uske saamne ek seesha laga huwa tha, Seeshe me usse apne kaan per laga huwa wo cut dikh gaya, Ye Aarav ne uske kaan ki loh ko chumte huwe kaata tha.
Sonia: Aarav Singh! Akhir kya ho tum? Aur kyu kiya tum ne mere saath ye sab kuch?
****
Veer's House Gym
Mumbai ~ 11:18 AM
*Thud! Thud! Thud!*
Aarav zor se ek ke baad ek punch lagatar punching bag per maare ja raha tha, Uska pura sharir pasine bheeg chuka tha aur chamak raha tha, Uski saanse bhaari hone lagi thi.
*Drip*
Aarav ke knuckles per ghav ban gye the aur un me se khoon ki bunden nikal ker girne lagi thi, Lekin Aarav phir bhi ruk nahi raha tha.
*BOOM!!!*
Aarav ne taraf hote huwe ek zordar punch maara to punching bag phat gaya, Bag ke phatne per he Aarav ruka aur khara ho ker lambi lambi sanse bharne laga.
*Pop!*
Aarav ne water bottle uthayi aur baith ker paani peene laga, Uske paas he Malia bhi khari huwi thi, Malia ne black leggings aur black sports bra ke saath black shoes pehne huwe the.
Malia: Master kab tak ye sab karne wale hai? Un ki body abhi aisi halat me nahi hai ke wo itni intense training jhel sake, Hume unhe rokna ho ga!
Malia ne Aarav ki taraf chinta bhari nazron se daikh rahi thi, Malia ke kandhe per he uske saath Tinkerbell baithi huwi thi, Unki nazron me Aarav ke liye chinta aur uske liye taras bhara huwa tha.
Aarav subha 4 baje se gym me aya huwa excercise ker raha tha, Subha se usne ek shabd tak nahi kaha tha, Ye he halat uski kal bhi thi.
Tinkerbell: Hum abhi chah ker bhi master ko rok nahi sakte! Master abhi khud se he lad rahe hai, Unhe ye ladayi khud se ladni ho gi.
Malia: Lekin huwa kya tha? Master to kuch plan per kaam ker rahe the na? Phir unhe ye kya ho gaya hai?
Malia aur bhi confuse ho rahi thi, Usko ab sach me Aarav ki chinta aur bhi satane lagi thi, Tinkerbell ne kuch pal socha Malia ko batane me usse kuch bhi harm nahi dikh raha tha.
Tinkerbell: Huh, Tum ne bhi shayad ye feel kiya ho ga ke master ke andar kisi bhi tarha ke emotions nahi hai? Ek tarha se un ki body ek empty shell ki tarha thi, Master zinda tha lekin andar se wo bilkul mar he chuke the.
Tinkerbell ka saval sun ker Malia nervous ho gayi, Ye sach tha ke usne bhi aisa feel kiya tha ke Aarav ke andar emotions nahi hai, Uska andaza usse tab ho gaya tha jab usne Aarav ko Malhotra ko maarte daikha tha.
Ek psychopath killer bhi kisi ko bhi maarte huwe kuch halke emotions feel karte hai, Lazat, Pagalpan ya gussa aisa koi na koi emotion har koi feel karta hai kisi ko bhi maarte samay, Lekin Malhotra ko maarte huwe Aarav thoda bhi hichkichaya nahi aur usne usse maar diya tha.
Malia(Nod): Y....Yes!
Tinkerbell: Ye master ki unique ability ne kiya tha! Master jab bilkul he haar maan chuke the tab un ke emotions ko seal ker diya gaya, Emotions ke na hone se un ke sabhi negative thoughts bhi seal ho gye aur master bina kisi maksad ke aage badhte rahe.
Malia: Lekin aisa kya huwa tha ke master bhi haar maan lene wale the? Kya ye un ki behan ki maut se related hai?
Tinkerbell(Nod): Haan, Emotions seal hone ke baad master ki koi bhi apni chahat nahi bachi thi, Un ko sirf ye pata tha ke unhe badla lena hai, Lekin kyu lena hai? Ye unhe samajh nahi aa rahi thi.
Malia(Hesitating): Umm.....Agar master ke paas emotions nahi the, Phir unhone hume kyu bachaya?
Malia ne himmar ker ke saval pucha usko dar bhi lag raha tha, Shuruaat me to Aarav sirf uske liye contract master tha, Lekin ab uske saath samay beetane ke baad uska ek emotional bond bhi ban gaya tha Aarav ke saath.
Tinkerbell(Sigh): Huh, Tum bilkul sahi soch rahi ho! It's sucks, Lekin sach ye he hai ke master ke liye hum sirf servant's hai, Aise servant's jo unhe un ke revenge ke liye chahiye the, Un ke liye hum servant se badh ker aur kuch bhi nahi the.
Malia ko ye he baat dara rahi thi, Un ke liye ab Aarav master se badh ker ek apna ban gaya tha, Lekin Aarav ke liye wo sabhi sirf ek necessary tool ki tarha the.
Malia: Hmm, Lekin ye sab ka master ki ab ko halat se kya connection hai? Master ko to kuch feel nahi hona chahiye na? Phir un ke andar kyu mujhe dard dikh raha hai? Kyu unhe takleef ho rahi hai?
Malia ne Aarav ki taraf daikhte huwe kaha, Uske saamne he Aarav baitha huwa kisi gehri soch me dooba huwa tha, Ab tak us ne Aarav ko aise kabhi bhi nahi daikha tha.
Tinkerbell(Sigh): Huh, Kyu ke ab master ke sabhi emotions unsealed ho gye hai! New Year ki raat ko master ke emotions unhe lauta diye gye the, Kyu ke un ke paas jeene ke liye ab ek wajha hai, Vansh Sayani!
Malia(Smile): Lekin ye to achi baat hai na? Master ke emotions unhe waapis mil gye hai!
Malia ne khush hote huwe kaha, Lekin uski khushi Tinkerbell ko shaant daikh ker kam hone lagi.
Malia: Kya huwa? Aise kyu react ker rahi ho tum?
Tinkerbell: Emotions wapis milna hamare liye khushi ki baat hai! Lekin uske apne consequences bhi hai, Vansh ke saamne ane per Master ke emotions bina kuch bhi accept kiye unsealed ho gye, Jaise unhe ab aur sealed rakhna Unique Ability ke liye bhi possible nahi tha, Vansh ke liye Master ki nafrat Unique Ability bhi sambhal nahi saki.
Malia: *Gulp*
Tinkerbell: Master ne sab kuch plan kiya tha! Lekin phir bhi jab Vansh un ke saamne aya to un ka khud se control khatam hone laga, Lekin tab agar Master kuch harkat karte to beshak Vansh un per havi parne wala tha, Kyu ke master ke stats abhi bhi sealed hai, Sirf ye he reason tha ke Master Vansh ko bina kuch kahe wanha se nikal aye.
Aarav ke emotions lautne per wo Vansh ko wanhi khatam karna chahta tha, Lekin tab bhi usse ache se andaza tha ke abhi wo Vansh se kamzoor halat me hai.
Bina cheezo ko complicate kiye Aarav un dono ko akela chhod ker nikal aya, Agar wo kuch pal aur Vansh ke saamne rukta to uska khud per se kabu khatam hone wala tha.
Tinkerbell: Lekin ab shaant hone ke baad master ulajh chuke hai! Ab tak bina galat aur sahi ke baare me soche master sirf aage badh rahe the, Lekin ab un ke dil aur dimagh ke beech ek jang chhidi huwi hai.
Malia ko ab samajh aa rahi thi ke Aarav kyu aise behave ker raha tha, Bina kisi bhi cheez ka ehsaas kiye ab tak Aarav ka sirf ek maksad tha, Vansh ko khatam karne ka, Lekin ab wo sahi aur galat ke beech me phans ke reh gaya tha.
*Aghhh*
Aarav ki halki si karah ne dono ka dhayan apni taraf kheench liya, Unhone daikha to Aarav haath per bandage band ker usse daba raha tha.
Tinkerbell: Ye kya ker rahe ho?
Aarav khud apne ghav ko aur badha raha tha, Ye daikh ker dono chaunk gayi, Lekin Aarav ye pagalpan me nahi ker raha tha.
Aarav: Darne ki zaroorat nahi hai! Abhi bhi main apne hosh me hu. Huh, Ye main sirf apni body ko check ker raha hu, Seems like ke meri regenerative ability abhi bhi kaam ker rahi hai, Ye daikho ghav khud bhar rahe hai.
Aarav ne apne haath dikhate huwe kaha, Uske ghav sach me bhar rahe the, Pehle ki tarha tez to nahi lekin ghav bhar zaroor rahe the, Ab uske knuckles per sirf laal marks he bache the.
Aarav: Ab meri kuch strength waapis aa gayi hai! Lekin ye abhi bhi kafi nahi hai, Ye stats abhi shayad 10% bhi nahi ban rahe aur agar main forcefully use kiya to meri body saath nahi de sake gi.
Aarav ne apni muthi bheenchte huwe kaha to Tinkerbell ko bhi usko strength feel ho gayi, Ye strength Aarav ne subha se ab tak training ker ke waapis layi thi, Lekin ab wo aur strength forcefully use nahi ker sakta tha.
Tinkerbell: Ap ke stats ko sahi karna mere liye possible nahi hai! Sirf ek galti se ap ke andar bana black orb ap ki puri energy ko kheench le ga, Seal bohat mushkil se usse roke huwe hai.
Tinkerbell ne bohat mehnat ker ke Aarav ke system features activate kiye the, Kyu ke un ke liye physical strength ya kisi bhi prakar ki energy ki zaroorat nahi parti thi.
Aarav: Hum vision share ker sakte hai na? Let's do it! Mujhe mere nexus ke andar ka view dikhao, Abhi mere liye khud nexus me jana safe nahi hai.
Aarav abhi apne nexus me enter nahi ker sakta tha, Kyu ke uske liye usse Qi activate karne ki zaroorat thi, Aise me uski banayi seal weak per sakti thi.
Tinkerbell(Nod): Okay!
Tinkerbell ne apni Ability vision share ko activate ker diya, Ye Spirit ability thi, Vision share karne se Aarav Tinkerbell ki dikhayi picture ko imagine ker sakta tha aur uski nazron se daikh bhi sakta tha.
[System Feature (Holographic Training) Activated]
Holographic Training Activate hote he gym room me Aarav ke nexus ki holographic image ban gayi, Aarav ke saath ab usse Tinkerbell aur Malia bhi daikh sakti thi.
Malia(Stunned): Wow! Ye hota hai Nexus? Sach me andar se ye bohat khubsurat dikh raha hai.
Malia pehli baar kisi ka bhi nexus daikh rahi thi, Uski heraani Aarav samajh sakta tha, Aarav bhi dhayan se nexus ko daikhne laga, Uske neeche abhi bhi black orb bana huwa tha.
Aarav: Tum ne orb ko analyze kiya hai na? Kuch pata lage ke ye kya hai?
Tinkerbell: Yes, Bohat samajhne ke baad mujhe samajh aa gayi hai! Ye orb mother ki ability ka ek part hai, Same ability jis se mother energy kheenchti thi, Unhe devour karte huwe he unhone beech me ap ko rok diya tha, Lekin phir bhi ye ek part ap ke andar aa gaya hai.
Tinkerbell ke explain karne per ab Aarav ko samajh aa rahi thi ke ye kya hai, Aarav ne sirf bachne ke liye Devour activate ki thi, Lekin wo uski ability ka ek part uske paas se cheen layi thi.
Aarav: Make sense now ke ye aise energy kyu le raha hai! Ye ek broken ability hai, Ye mother spirit ki tarha kisi aur se energy ko nahi kheench rahi, Ye Ability meri energy he kheench rahi hai, Lekin aise he chalta raha to main kabhi apne Mana aur Qi ko use he nahi ker saku ga?
Black orb sach ke ek black hole ki tarha tha, Broken hone se wo Aarav ki energy he kheenchne me laga huwa tha, Lekin Aarav ko kuch bhi andaza nahi tha ke ye kitni energy kheenchne wala hai?
*Tuck*
*Tuck*
*Tuck*
Aarav: Koi yahan aa raha hai! Sab kuch normal ker do.
Aarav ke kehte he Tinkerbell ne hologram aur Vision share band ker di, Aarav abhi bhi apni hearing se kareeb ke footsteps sun sakta tha.
*Click*
Gym ke darwaze ka handle lock ghooma aur darwaza kholte huwe Meera andar aa gayi, Andar ate he Meera ek pal ke liye darwaze ke paas he ruk gayi, Meera wanhi khari ho ker muskura di aur phir dobara chalte huwe andar ki taraf aa gayi.
Meera(Smile): Good Morning!
Meera seedhe chalte huwe Aarav ki taraf aa gayi, Aarav har baar heraan ho ker reh jata tha, Meera blind thi lekin phir bhi wo seedhe Aarav ke paas aa jaya karti thi.
Aarav: Good Morning! Lekin Ap yahan kaise?
Meera: Ab kya he karti? Tum to yahan aa gye, Lekin udhar Tanu ko chinta ho rahi thi ke tum ne subha se kuch bhi nahi khaya aur yahan aa gye ho, Usne he mujhe yahan bheja hai *Chuckle* Ye keh ker ke agar tum bimar ho gye to Fluffy ko bura lage ga.
Aarav ne Meera ke side per daikha to usse udhar ek tray pakde huwe Sushmita khari dikh gayi, Tray me juice aur kuch fruits bhi rakhe huwe the, Sushmita ne ek servant uniform pehna huwa tha.
Aarav ke paas abhi usse punish karne ke liye samay nahi tha, Usne usse ghar me he ek servant bana diya tha, Sushmita ko ye sab acha nahi lag raha tha, Lekin wo phir bhi Aarav ke orders follow ker rahi thi.
Meera: Aur ap shayad Aarav ki gym trainer ho gi?
Meera ko jaise he apne paas kisi aur ke bhi khari huwi ka ehsaas huwa to usne puch liya, Aarav ne Malia ko as a Gym Trainer introduce karwaya tha, Kisi ne uske liye koi saval bhi nahi kiya aur Aarav per trust ker ke usse rakh liya.
Malia: Yes!
Meera: Good! Aarav! Kaisa laga ye gym tumhe?
Aarav: Acha hai! Kaafi bada hai aur sab excercise machine bhi achi hai.
Meera(Smile): Ye bhi acha ho gaya! Waise ye gym tumhare liye Tanu ne khud saaf karwayi hai, Ye gym Veer ne apne liye khud banvayi thi, Uske baad ye gym room band ker diya tha, Yahan Tanu aur Veer ki bohat yaadien hai, Lekin ab Tanu ne khud ye gym tumhare liye dobara kholi hai, Jaante ho iska kya matlab huwa?
Aarav: Kya?
Meera: Ye he ke Tanu ab tumhe ek bhai ke roop me accept karne lagi hai! Mujhe pata hai ke tum ye rishte nahi chahte, Lekin phir bhi tum dono ke liye main khush hu, Aise he ek dusre ka saath dete rehna.
“Bhayia”
Meera ke kehte he ek pal ke liye Aarav ke saamne Urvi ki chhavi aa gayi, Uski awaaz sunte he Aarav ke kadam ladkhada diye, Uski halat daikh ker sabhi thode ghabra gye.
Aarav khud bhi heraan ho gaya ke ye usse kya huwa? Aarav ne apne chehre ko chhua to uski aankhon se aansu nikal rahe the.
Meera(Worried): Kya huwa Aarav? Ye kaisi awaaz thi?
Meera ne apne haath hava me he idhar udhar karte huwe Aarav ko dhoondte huwe kaha, Usse Aarav mila to wo uske chehre ko mehsoos karne lagi.
Meera: Aarav!.....Kuch huwa hai kya?
Aarav ke chehre per nami mehsoos hote he Meera ki muskurahat madhyam ho gayi, Aarav ke paas bhi uska koi javab nahi tha.
Meera: Sushmita, Yahan trainer thak gayi ho gi! Unhe nashta karwane ke liye le ker chalo, Hum bhi aa rahe hai.
Malia ne Aarav ki taraf daikha to usne bhi usse jaane ke liye nod ker diya, Malia bhi Sushmita ke saath baahir chali gayi, Meera Aarav ko le ker wanhi ek jagha baith gayi.
Meera: Ab batao! Konsi baat tumhe sata rahi hai? Jhoot bilkul bhi nahi bolna!!
Meera ne Aarav ko ungli dikhate huwe kaha, Meera Aarav ko pure haq ke saath daant rahi thi, Lekin Aarav ko samajh nahi aa rahi thi ke wo usse kya bataye? Uske muh se khud he shabd nikal gye.
Aarav: Kya ap ne kabhi socha hai ke Veer kaise mara tha?
Aarav ka saval sun ker Meera chaunk gayi, Lekin sirf Meera he nahi Aarav khud bhi chaunk gaya tha ke usne ye saval kyu kiya hai?
Meera aur Aarav ke beech ek awkward silence create ho gayi, Dono me se koi bhi kuch bhi nahi keh raha tha.
Aarav: I'm so-
Meera: Kayi baar socha hai! Lekin ye me keh sakti hu ke mere bache ko kisi ne mara tha.
Aarav maafi mangane wala tha, Lekin uss se pehle he Meera ne javab de diya, Dono he ek baar dobara chup ker gye.
Aarav: Agar main ap ke saamne Veer ke katil la du to ap kya kare gi?
Aarav ne baate ka silsila aage badhne diya, Ab teer kaman se nikal chuka tha, Ab waapis nahi aya ja sakta tha.
Meera(Chuckle): i really didn't expected ke hum aisi baate kare gye! Huh.....Sach kahu to mujhe bhi nahi pata, Lekin unhe main utna dard du gi jitna unhone mere bache ko diya tha.
Meera ka javab Aarav ne bilkul bhi expect nahi kiya tha, Meera ek sweet lady thi sab ke saath hans ke rehne wali, Lekin aj Aarav ko uska ek aur naya roop dikh raha tha.
Aarav: Lekin phir ap me aur un me kya he difference reh jaye ga? Un ki tarha ap bhi ek monster ban jaye gi.
Meera: Lekin mujhe alag kyu ban'nna ho ga? Kabhi Kabhi duniya ko koi hero se bhi zyada ek monster ki zaroorat hoti ha, Ek warrior ki zaroorat hoti hai.
Aarav: Lekin kya ek monster ban'nna zarori hai?
Meera: Ek baat batao! How can you kill a monster without becoming one?
Meera ka saval sun ker Aarav ka sharir bhi kaanp gaya, Meera ke shabd sadharan the lekin un shabdon ke peeche ke ehsaas ek sard ehsaas de raha tha.
Meera: Ek monster ko sirf dusra monster he hara sakta hai! Ye he nature hai, We do terrible things for the people we love!!
Meera keh to apne liye rahi thi, Lekin kanhi na kanhi uski baato ne Aarav ke thoughts clear karne me madad ker di thi.
Meera: Kaafi heavy conversation ho gayi hai Shayad? Huh, Sushmita wait ker rahi ho gi, Hum bhi chalte hai.
Aarav: Ek aur saval puch sakta hu kya?
Aarav ne ekdum se bola to Meera bhi ruk gayi, Aarav ko samajh nahi aa rahi thi ke usse kya ho raha hai? Lekin aj Meera ke saath baat ker ke usse sakoon mil raha tha.
Aarav(Hesitating): Ungh....Ap ko kyu laga ke main Veer ki jagha le sakta hu?
Aarav ne hichkichate huwe puch he liya aur Meera ke javab ka intezar karne laga.
Meera: Sach kahu to tum kabhi bhi Veer ki jagha nahi le sakte! Tum kuch bhi ker lo lekin mere dil me kabhi Veer ki jagha nahi le sakte.
Aarav ne unhe shuruaat me he koi rishta nibhane ke liye mana ker diya tha, Lekin phir bhi Meera ka javab sun ker Aarav ke andar ek peeda ho rahi thi, Uski nazre khud he jhuk gayi.
*Huh?*
Meera ne apne haath ko Aarav ke sar per rakh ker usse sehlane lagi, Aarav dobara nazre utha ker usse daikhne laga, Uske saamne Meera muskura rahi thi.
Meera: Ek aur sach batau? Agar aj Veer hota to wo mere dil me kabhi bhi tumhari jagha nahi le sakta tha, Kyu ke tum mere dil me Veer ki jagha lene ke liye bilkul bhi nahi ho, Tum mere dil me apni ek jagha rakhte ho, Aarav!
Aarav kisi per vishwas nahi karna chahta tha, Lekin phir bhi wo apni nazre Meera ke chehre per se hata nahi pa raha tha, Uske haatho ka wo garm ehsaas usse acha lag raha tha.
[System Bazaar Quest Available]
[Quest Name: True to my words]
[Vansh Sayani Killed Your sister 10 Earth Years ago in front of your eyes, At that moment in rage you swear to torture Vansh sayani and his mother, You said that you are gonna make them pay for what they did to you.
It's time to be true to your words, But because the system removed you from his memories, Vansh Sayani doesn't even remember you, So killing him without him knowing why he's been killed will not be right, You have to make him remember you]
[These are the quest objects]
[Take away Vansh's power, reputation and his pride]
[Make his every loved one against him and make him alone]
[Make Sonia Sayani yours and use her as a pawn to suffer Vansh]
[Make Vansh remember what he did to you and torture him to point where he doesn't wanna live anymore and regret doing wrong to you]
[Killing Vansh Sayani before him remembering you will result in failure to quest]
[Quest Reward]
[Reward:- 30% Stats Unsealed]
[Failure penalty:- All stats Sealed permanently]
[No time limit]
.[Quest Name: True to my words]
[Vansh Sayani Killed Your sister 10 Earth Years ago in front of your eyes, At that moment in rage you swear to torture Vansh sayani and his mother, You said that you are gonna make them pay for what they did to you.
It's time to be true to your words, But because the system removed you from his memories, Vansh Sayani doesn't even remember you, So killing him without him knowing why he's been killed will not be right, You have to make him remember you]
[These are the quest objects]
[Take away Vansh's power, reputation and his pride]
[Make his every loved one against him and make him alone]
[Make Sonia Sayani yours and use her as a pawn to suffer Vansh]
[Make Vansh remember what he did to you and torture him to point where he doesn't wanna live anymore and regret doing wrong to you]
[Killing Vansh Sayani before him remembering you will result in failure to quest]
[Quest Reward]
[Reward:- 30% Stats Unsealed]
[Failure penalty:- All stats Sealed permanently]
[No time limit]
.
.
.
.
.
.
[Aj ke liye itna he, Ye update 6K words ka tha, Vendetta arc ki shuruaat light update se ho gi, Target ab ki baar 90 likes hai, Umeed karta hu ke ap ko update pasand aye ga, Milte hai agle update per tab tak ke liye, Sayonara!!!]
- 1,856
- 19,829
- 144
kafi fast update tha, scenes kafi tezi se aa ja rhe the. shyd quantity k chalte quality thori c compromise ho gai hai. it could have been divided into 2 parts. is se cheezein explain karni asaan ho sakti thin aur humare liye cheezon ko process karna. well nevermind.sonia k sath sex wala part kuch smj mein nai aya like achanak se ese sex ho geya itni jaldi manta hun vansh se revenge k liye ye arav ka first step tha par phir bhi sonia ka itni jaldi yun arav k niche ajana maza sa nai aya. esa lga k arav ko kuch effort hi nai karni pari sonia pehly se hi bhari pari thi k arav aye aur mujhy chod le. i'm very disappointed. main first arc k last update ko abhi bhi feel kar sakta hun aur usi k jesa kuch expect kiya tha us update ne rongtey khare kar diye har ek scene kisi movie ki tarah imagine karne pe majboor kar diya tha. lekin yahan main kahun ga k sonia k sath sex wala part abhi to mujhy unnecessary lga kuch behter ho sakta tha. 2-3k words sex pe zaya ho gaye
mujhy lga tha k shyd is update mein alpha apni team se miley ga lekin esa kuch nai hua. is pure arc mein hi team dungon mein hi busy rahi sandworms k sathhumari luna to lagta hai kafi powerful ho gai hai. daisuke se bhi zeyada powerful lag rhi hai
. aur vansh se bhi mila arav ko itni asani se wtf bro itna easy to nah karo kam se kam vansh k sath to nai qk ye wo villain hai jisey i think sabhi readers sab se zeyada nafrat karte hon ge main to karta hi hun.
aur benchoo ye spirit qi ki bhanak lag hi gai baki clans ko ab maza aye ga nah bhiru. ab lagta hai k next arc mein hume bohat kuch dekhne ko milne wala hai. agar fire clan k leader k sath fight hoti hai aur agar us mein alpha aur luna ka duo dekhne ko mil jaye to
tinkerbell's mother kya ab dark enery poses karti hai? tarun k baton se lagta hai k is spirt ki wajah se wo pehly bhi bohat kuch kho chuka shyd apni family. kya insane fight thi yaar. ye fight incomplete rahi thi to shyd future mein hume is fight ka result dekhne ko miley hope.
akansha ka bhi badla le liya geya hai aur us ki chachi ko arav ne slave bna liya hai. slave bhi pack mein add hoga ya phir is ka koi alag scene hai
tsubameafter so much time kya entry di hai. bisi kisi ko bolne hi nai diya apne samne. arav ki trainer ka title deserve karti hai
keep& keep posting
see you after the breakhope you'll come soon
Atlast Aarav has come face to face with his worst cheater enemy, Vansh Sayani, who murdered his beloved sister. In a way, Aarav has finally succeeded in getting some sort of revenge by getting intimate with Sonia, Vansh's wife - a superb masterstroke planned & executed well by the brilliant Aarav. Now let's wait and see how Aarav's going to extract his revenge from Vansh by pulling the rug from under his feet
, he he he. A fierce tug of war is imminent
indeed. Wow, what a superb climatic end to Ascension Arc, hats off to you, dear bro
for your brilliant masterstroke at the right moment, once again astonished by your sheer mastermind & it's application at the right time, right place & right situation
. Awaiting your upcoming amazing updates
dear bro with abated breath
Salty~Otaku .... awesome update...I am speechless....mere pass shabd nahi hai kya reply karu....you are such a great writter maza aa gaya...keep it up and thank you so much for such nice story.... weekend itana acche se khatam hoga Maine soch nahi tha...thanks once again with lots of love
Bahot jabardast update tha bhai. Kiya mast move tha bhai ekdamm lallantop. Ab shala vansh ko uraa denaa shale ne aur uski maa ne bahot bura kiya hain. Faar denaa shaalo ko. Abh nahi chhorna shaalo ko bhai . Next update ka intajaar rahegaa bhai
Ohh bhai shab kya turn aaya h story ab smjh aaya aarav kyu business and all mein padha use kyu ye sb Krna tha har chiz k piche vjh thi ab point aaya h samne
Awesome update
Superb bro, beautiful & excellent update,
Excellent update Bhai
Jabardast
Nice update
Feel for you bruhhhh....
As writer I can understand... How difficult editing with phone....
Coz in my story I come up with 3k words update that takes 20 minutes to copy aur paste change font... Men... Very... Difficult.... So hats off how you do itin short time... And comes up with 5-7k words....
Let's talk about last update....
That new year was not bad for aarav love to see this... where he was in front of vansh revealing his identity... Question is that did vansh know who aarav is... If he don't find out then... Things going to be worse for him...
One thing that was confusing right now for me... is that fighting scene... New character coming fighting without intro... N the old one... Ahhhh that was so much confusing... Honestly in my opinion I didn't like that part anyway.... Fufu...
So tasubmi... Knows where aarav comes from... I think she was... I think she also remember him... N he comes back also... It's just my fan theory... Coz taking stand for him in front of other guild leader makes me curious... That's good scene actually in this last update of arc...
Lastly convo btwn Micheal n Carolina... Ufff where Micheal said aarav is coming out of shadows now he was prepared... Who's gonna be his Target???.. That makes goosebumps for sure... If that sence we saw in movie aur enemie series...
Well well... Overall that end that arc... This was good arc lots of character add n disappeared also...I didn't remember their names like Mia who was from tower security I guess....
And what aarav choose is also an question markemotions or not...
Amy way... Enjoy your break with your valentine
Till then see yaa...
Sayonara
bro its Thursday, its time for another fantastico update as uh always do bro
Bhai great writing skill and bahat hi jyada interesting story... Kya hi bolu yaar I am speechless...
Apke story apne aap favourite list me aa gaya hai...
Next update ke liye wait hi nahi kar pa raha... Raha hi na ja raha
Koi kuchh bhi bole you are a best story writer so always wait for next update. Bhai i am your fan bhai jaldi se update deke sabka muh bandh kardo aur mere dil me next update ke liye jo
excitment ki aag hain use bujhaa jo bhai
Bro say something
Bro sabut de rhen Hain ki hm abhi Zinda hai
Waahhhh... Kal ayega... Ek romanchak update... Shayad purane dost phir se mile...
Ding waiting
Update 61 Posted Guys! 
- 1,856
- 19,829
- 144
