- 1,704
- 17,277
- 144
Update 5K+ Words ka hai! Koshish to 11:30 se 12:00 tak dene ki hai, Lekin Late night hone ki bhi umeed haiSalty~Otaku BHAI aaj update aaega ki nahi ?
Agar aayega to timing bhi bato DO? LATE NIGHT TO NAHO AAYEGA BRO??
Fantasy Vengeance ~ Revenge is sweet [ᏚᎩᏚᎢᎬᎷ]
- Thread starterSalty~Otaku
- Start date
- 1,236,049
- 1,704
- 17,277
- 144
Personal kisi bhi tarha ki information dene ke liye main comfortable nahi hu...Sorry!
A users
🕸 SPIDEY 🕷
- 77
- 83
- 18
A users
🕸 SPIDEY 🕷
- 77
- 83
- 18
MAI CHALA SONE
---------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------
---------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------
Last edited:
- 1,704
- 17,277
- 144
- 1,704
- 17,277
- 144
Really?MAI CHALA SONE
---------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------
- 1,704
- 17,277
- 144
UPDATE 92 ~
(SPECIAL PERSON)
(SPECIAL PERSON)
Veer's House
Mumbai ~ 6:53 AM
*Knock-Knock*
Aarav uske bed per soo raha tha ke kamre ke darwaze ko bajane ki awaaz ko sun ker uski aankh khul gayi.
*Yawn*
*Knock-Knock*
Aarav ne side table per rakhi huwi clock ki taraf daikha to abhi subha ke 7 bajne ko the, Aarav ko samajh nahi ayi ke itni subha kon aa gaya hai.
*Mmmmm ~*
Aarav bistar se uthne ki koshish karne laga lekin uth nahi saka, Aarav ne apne neeche daikha to uske upar chadh ker Ishika laiti huwi thi, Un dono ne he kuch bhi nahi pehna huwa tha.
Aarav ko bhi ye scene daikh raat yaad aa gayi, Aarav aur Ishika dono har raat he uska treatment shuru ker dete the aur ye puri raat chalta tha.
Aarav: Ishika...!
Aarav ne Ishika ke sar per ungliyan fairate huwe usko uthaya, Ishika ne bhi mushkil se uski aankhon ko khola, Lekin usne upar Aarav ke chehre ko daikha to uske chehre per muskurahat aa gayi.
Ishika ne apne haatho se Aarav ke muh ko pakada aur upar hote huwe uske honton ko chum liya.
Ishika(Smile): Good Morni-
*Knock-Knock*
“Bhayia....Ye darwaza khul raha hai ya aag laga ker bhasma ker du?”
Kamre ke baahir se Tanu ki awaaz ko sun ker muskan ke saath Ishika ke chehre ke sab rang bhi udan chu ho gye, Aarav ke upar se uthate huwe Ishika uske kapdon ko uthane lagi.
Aarav(Grin): Khol raha hu...!
Aarav ki awaaz sun Ishika ki halat aur bhi bigad gayi, Aarav kab uth ker uska trouser pehan ker darwaze per gaya usko bhi pata nahi laga, Ishika uske saamne haath jodne lagi, Lekin Aarav ne uski taraf daikhte huwe darwaza khol diya.
*Click*
*Woooosh*
Ishika ek pal me pardon ke peeche chup gayi, Darwaza khulte he saamne gusse se aagbabula Tanu khadi huwi thi aur uski nazar Aarav per thi.
Tanu: Ye sab kya hai?
Aarav: Kya?
Tanu(Furious): Ughhh, Ye kaisa insaan hai? Kal raat ko he to ap ko bataya tha ke ap ko subha jaldi uthna hai morning excercise ke liye, Lekin ap ki to ye alas khatam hone ka naam he nahi le rahi hai.
Tanu gusse se kehte huwe andar bed per aa ker baith gayi, Usne tracksuit aur boots pehne huwe the aur excercise ke liye ready thi.
Tanu: Aur Ishika Di bhi ap ki tarha ki he ho gayi hai! 15 Minute tak unke darwaze per khadi rahi hu, Lekin wo to jaise ghode aur gadhe sab kuch bechane ke baad soo rahi ho.
Aarav(Smile): Aisa kya? Lekin din chadh gaya hai kya?
Aarav ne kehte huwe pardon ko khidki se hata diya, Uske peeche Ishika usko aankhe phaade daikhne lagi, Lekin usne jab Tanu ki taraf daikha to uske expression ke kuch bhi badalav nahi tha.
[System Feature (Holographic Training) Activated]
Aarav(Whisper): Tum 30 Seconds ke liye ab kisi ko dikhayi nahi de rahi ho! Ye he ek chance hai, Bhaago...!
Aarav ki baat sun Ishika bhi usko ghoorne lagi, Lekin uske paas samay nahi tha to wo bhi apne kamre ki taraf bhaag gayi, Usko aise bina kapdon ke bhaagte huwe daikh Aarav ko bhi hansi aa gayi.
Tanu: Ab ye hans kyu rahe ho?
Aarav: Hmm, Bas ye soch raha tha ke tu ne kitna weight gain ker liya hai ke tujhe ab ye morning exercise ki zaroorat per gayi hai?
Tanu: 6 Kg We- Oye...!
Tanu abhi kuch keh sakti ke uske pehle he Aarav uska track suit le ker bathroom tak pohanch gaya tha, Tanu usko sirf ghoorti he reh gayi.
Tanu: Ughhhh...! Ek baar baahir aye ap ko batati hu....Aur ab Eshu Di ko bhi utha ker rahu gi.
Tanu paun patakte huwe muh bana ker Ishika ke kamre ki taraf chali gayi.
****
Mumbai Airport ~ 8:04 AM
“Sonia”
Sonia ko airport se baahir ate huwe daikh ker Divya ne usko awaaz laga di, Sonia ne Divya ki awaaz sun ker uski taraf daikha aur hairan ho gayi, Usne Divya ko bataya nahi tha ke wo aa rahi hai.
Sonia: Huh?
Lekin Sonia ne Divya ke paas khade huwe dusre vyakti ko daikha to usko bhi samajh aa gayi, Divya ke saath Saanvi khadi huwi thi, Sonia ko daikhte he Divya uske paas aa gayi aur usne Sonia ko gale se laga liya.
Divya: I can’t believe he’s really gone! I’m so sorry, Sonia.
Ye khabar baahir aa gayi thi ke Vansh ab zinda nahi hai, Lekin Association ne usko ek accident bataya tha, Divya ko bhi ab tak Vansh ki sachai ka pata nahi tha, Divya ko bhi Vansh pasand nahi tha, Lekin usne bhi kabhi uski maut ka nahi socha tha.
Sonia: Thank You, Lekin mujhe abhi Vansh ke baare me baat nahi karni hai! Excuse me.
Sonia Divya se alag ho gayi, Divya ko laga ke Sonia abhi bhi shock me hai to usne bhi aur kuch nahi kaha, Sonia paas khadi huwi Saanvi ke paas chali gayi.
Sonia(Whisper): Divya yanha kaise?
Saanvi: Divya bhi tumhare paas New-York ana chahati thi! Lekin usko yanha sab kuch handle karne ka keh ker rok diya tha, Lekin usne tumhare ane ke baare me baar baar pucha to usko bhi saath le ker ana per gaya.
Sonia: *Nod*
Sonia bhi Divya ki feelings ko samajh sakti thi, Usne bhi usko ek smile de di, Divya bhi usko muskurate daikh khush ho gayi aur teeno Airport se nikal gayi, Divya Car ko le ayi aur sab usme baith gye.
Divya: Apartment le lu kya?
Sonia: Nahi...Singh Enterprise! Aarav ke saath kuch baat karni hai.
****
Veer's House
Mumbai ~ 8:17 AM
*Panting*
Aarav running karte huwe ghar waapis aa gaya, Lekin uske saath he running ker rahi Tanu aur Ishika dono ki he halat kharab ho gayi thi, Un dono ka pura shareer pasine se bheeg chuka tha aur unki saanse bhi phool rahi thi.
Aarav(Smile): Itne me he ho gaya kya!?
Aarav ki muskurahat ko daikh ker dono ka dil usko nochane ka ker raha tha, Aarav ne un dono ko he lagatar provoke kiya tha aur dono usko match karne ki koshish ker rahi thi, Lekin Aarav ke stamina ke saamne to unka stamina count bhi nahi hota tha.
Aarav: Ek aur baat! Kal ke liye abhi se, Best of luck...!
Aarav ki ye baat unke zakhmon per namak lagane ka kaam ker gayi thi, Dono ne he ek dusre ki taraf daikha aur phir sar ko hilate huwe dono andar chali gayi, Unhone Aarav ki taraf ek baar daikha bhi nahi.
Tinkerbell: [Ab unko rula ker he maano gye kya?]
Aarav: [Maybe]
Aarav bhi muskurate huwe ghar ke andar chala gaya, Aarav fresh hone ke liye uske kamre ki taraf chal diya.
“Aarav”
Aarav ko Meera ki awaaz ayi to wo bhi ruk gaya, Usne kuch dinon se Meera se theek se baat he nahi ki thi, Aarav se usne bhi ek tarha se sacchai ko chhupaya tha, Aarav ke liye ye badi baat nahi thi, Lekin usko ye phir bhi kuch had tak bura laga tha.
Meera: Hum baat ker sakte hai kya?
Aarav(Sigh): Huh, Sure...!
Aarav ki baat sun ker Meera bhi khush ho gayi aur uske saath udhar he ek sofa per baith gayi, Lekin ab dono he khamosh ho ker baithe huwe the, Aarav khud se baat ko shuru karna chahata nahi tha.
Meera: Gussa ho kya?
Aarav: Shayad...!
Aarav ne bina uski taraf daikhe he usko keh diya, Aarav ki baat sun ker Meera bhi kuch der ke liye khamosh ho gayi.
Meera: Aur hona banta bhi hai! Ab main ne galti bhi to aisi ki hai...Lekin main aur kuch ker bhi nahi sakti.
Aarav: Aur aisa kyu?
Meera(Sigh): Aarav, Ek baar tumhari Dadi se mulakat huwi thi! Lekin usko main ek achi mulakat nahi kahu gi, Tumhari Dadi ek request le ker ayi thi...Ke kabhi bhi tumhe tumhari Maa ka sach na bataya jaye...Aur main unki respect bhi karti thi to main ne bhi unko vachan de diya.
Aarav: Hmm...!
Meera(Smile): Lekin tumhe ek baat dobara mehsoos kiya to aisa lage ke Veer waapis laut aya ho!...Main sirf tumhe apne paas rakh ker Veer ko kuch aur samay ke liye mehsoos karna chahati thi *Sigh* Lekin ye kisko pata tha ke Veer ki talash me mujhe ek naya Beta mil jaye ga.
Meera keh ker khamosh ho gayi aur Aarav ke kuch kehne ka intezar karne lagi, Lekin Aarav abhi bhi kuch nahi bol raha tha aur chup ker ke baitha huwa tha.
Tinkerbell: [Master, you’re not really mad at her, are you? You’re just scared! Scared of being hurt again]
Tinkerbell Aarav ke emotions ko feel ker sakti thi, Usko Aarav ke andar ka dar bhi mehsoos ho raha tha, Aarav do baar Maa naam ke rishte se dhokha kha chuka tha aur ab wo teesri baar kisi aur ko dobara waise trust karne se dar raha tha.
Varsha aur Archana dono ke liye he Aarav unka beta tha, Lekin ant me un dono ne he usko sab se zyada dard diye the, Lekin ab Aarav ek baar dobara waisi he situation me khada huwa tha.
Meera(Smile): Darne ki baat nahi hai! Main yanha tumhe kisi bhi baat ke liye bhi force karne nahi ayi hu...Haan hamay ek dusre ko accept karne me samay lage ga, Lekin main sirf chahati hu ke tum mujhse nafrat mat karna.
Meera ne kehte huwe he Aarav ke sar per pyaar se haath rakh diya, Aarav abhi bhi kuch javab nahi de saka aur chup ker ke baitha raha.
Aarav: Kya main ek favour maang sakta hu ap se?
Meera: Huh?...*Smile* Sure...!
Aarav ki baat sun ker Meera bhi khush ho gayi ke Aarav ko uski help chahiye thi aur Meera bhi uske favour ko sun'ne ke liye taiyar ho gayi, Aarav ne usko apni request bata di aur usko sun ker Meera soch me per gayi.
Aarav: I know it’s a bit shameless to ask you for a favor without really answering your question first! Lekin main phir bhi ek baar ap ko apni ye request batana chahata tha, But....Even If you can’t help me, I promise I won’t think badly of you for it.
Aarav ki baat ko sun ker Meera muskurane lagi aur uth ker Aarav paas aa ker khadi ho gayi, Aarav usko daikhne laga, Meera uske chehre per haath fairate huwe usko feel karne lagi.
Meera(Smile): Mujhe tum bata dena tumhe jab bhi ye favour chahiye ho! Main uske liye taiyar rahu gi.
“Bhayia....!”
Aarav aur Meera ke beech abhi baat chal he rahi thi ke Tanu aur Ishika bhi wanha aa gayi, Unhone haath me ek tray pakadi huwi thi aur usme lemon soda rakha huwa tha.
Aarav: Ye kya hai?
Tanu: Morning Excercise ke baad main ne socha ke ab kuch refreshing pina bhi to chahiye hai na? Aur main ye Lemon soda bana layi hu.
Tanu ne ek glass Aarav ko pakadate huwe kaha, Usko aise sweet behave karte daikh Aarav ko daal me kuch kaala lagne laga.
Aarav: Really? Le-
*Ding*
Aarav kuch kehne he laga tha ke usko ek message aa gaya, Aarav phone utha ker usko daikhne laga to Message Sonia ka tha.
Aarav: Ishika, Ap ko office ana ho ga! Ap ko kuch zaroori details batani hai, Main to abhi nikal raha hu ap bhi kuch taiyar ho ker aa jana.
*Gulp*
Aarav ne Tanu ke haath se glass liya aur ek baar me he pura pee liya aur glass usko waapis pakadate huwe nikal gaya, Ishika aur Tanu usko hairani se daikhti he reh gayi.
Tanu: Unhe kuch feel kyu nahi huwa? Hum ne to sab theek kiya tha na?
Tanu ne Ishika ki taraf daikhte huwe usko pucha, Lekin Ishika ko bhi kuch bhi pata nahi tha, Usko bhi kuch samajh nahi aa rahi thi, Tanu ne glass me daikha to abhi bhi thoda soda usme baaki tha.
Tanu: Kanhi hum kuch bhool to nahi gye kya?
*Sip*
Tanu(Spit): Thu....Thu...! Itna to salty hai...! Unhen kuch feel kyu nahi huwa?
****
Singh Enterprises
Mumbai ~ 10:33 AM
*Tuck*
*Tuck*
*Tuck*
Sonia Divya aur Saanvi Singh Enterprise ke andar chal rahi thi, Lekin Saanvi ne uske chehre per mask pehan rakha tha.
Divya: Lekin hum yanha baad me bhi to aa sakte the na? Sonia, Abhi tumhe kaam se zyada rest ki zaroorat hai, Abhi Vansh ke funeral ko 2 din bhi nahi huwe hai, Log ab tumhe yanha daikhe gye to baate banaye gye.
Sonia: Logo ka kaam hai kehna! Ab unke liye main ek kamre me bandh ho ker to baith nahi sakti hu aur please Vansh ki aur baat na karna.
Sonia ki baat sun ker Divya bhi chup ho ker uske saath chalne lagi, Sonia udhar Aarav ke office ke taraf badhne lagi, Darwaze ke baahir he Rahul khada huwa tha.
Rahul ne Sonia aur Saanvi ko aage badhne de diya, Lekin usne Divya ke aage haath ker ke usko baahir he rok diya.
Rahul: Boss ne sirf ap dono ko andar ane dene ke liye kaha hai! Baaki log baahir ruk sakte hai.
Divya(Annoyed): What? Us-
Sonia: Fine...Divya tumhe yanhi per intezar karna ho ga! Lekin agar tumhe kanhi jana ho to tum ja sakti ho.
Sonia ne Divya se kaha aur andar office ke andar chali gayi, Uske peeche Divya usko daikhti he reh gayi, Sonia me ab bohat he zyada badalav aa gaya tha.
Lekin ab uske kaaran ko bhi Divya samajh sakti thi, Divya udhar he bench per baith gayi, Usne Rahul ki taraf daikha to Rahul bilkul seedha khada huwa tha.
Divya: Yanha new ho kya?
Rahul: *Nod*
Divya: Security team se ho kya?
Rahul: *Nod*
Divya: Aarav ke personal bodyguard ho kya?
Rahul: *Nod*
Divya: Lekin tumhare paas koi weapon to nahi ho ga! Kyu ke dikhayi to de nahi raha hai.
Divya ko av Rahul ko chidhane me maza ane laga tha, Usko bhi pata tha ke sabhi bodyguard ke paas weapon nahi hote the, Lekin wo sirf Rahul ko tang karna chah rahi thi.
Rahul bhi uski muskurahat ko daikh ker ye samajh gaya tha, Lekin Rahul ne phir bhi kuch kaha nahi aur apne haath ko uthate huwe suit ke upar se he Divya ko uske biceps dikhane laga.
Divya: *Gulp*
****
“Sorry”
Aarav ne Sonia ke saamne rakhe sofa per baithate huwe kaha, Uske saamne dusre sofa per Sonia aur Saanvi baithi huwi thi.
Sonia: Sorry Kyu? Kya Vansh ko maarne ke baad ab tumhe regret ho hai?
Aarav(Sigh): Huh...Vansh ko agar dobara bhi saza dene ka mauka mile ga to main wohi karu ga! Lekin main ne khud ke badle ke liye tumhara istemal kiya tha aur tum wo sab deserve nahi karti thi...Uske liye main tum se maafi chahata hu, Lekin agar tum Vansh ke liye Sorry sunane ayi ho to main ye nahi ker sakta...!
Vansh ko maarne per Aarav ko bilkul bhi gilani nahi thi, Vansh Urvi ko maar to nahi saka tha, Lekin usne he Aarav ki zindgi ko barbad kiya tha aur Archana bhi uske he kaaran duniya me nahi thi.
Sonia: Vansh...Mera Vansh to bohat pehle he mar gaya tha! Aur usko maarne wale tum nahi the*Smile* Mera Vansh to tab he mar gaya tha jab dusre Vansh ki sachai mere saamne ayi thi.
Sonia muskura rahi thi, Lekin Aarav uske dard ko mehsoos ker sakta tha, Sonia ko uske zindagi ka sab se khaas vyakti se dhokha mila tha, Usne Vansh ko jaise jana tha wo uski sachai thi he nahi aur ye kaisi feeling thi usko Aarav bhi bhali bhanti janta tha.
Sonia: Ye Vansh mere liye sirf ek criminal he tha! Usne sirf ek parivar ko he nahi aur na jaane kitne parivaron ko barbad kiya tha...Mere Vansh ki maut ka dukh to bohat hai, Lekin ye wala mera Vansh nahi tha aur na he usko main kabhi manu gi...Samay to lage ga, Lekin ye antar bhi samajh lu gi.
Aarav ab uske liye kuch bhi nahi ker sakta tha, Lekin usko nahi lagta tha ke usko kuch karne ki zaroorat bhi thi, Kyu ke Sonia ek samajhdar aurat thi aur usko bhi pata tha ke duniya kaise chalti hai.
Uski aankhon se Vansh ke pyaar ki patti ab utar gayi thi aur uske saath he uske pairon ki aakhri bairiyan bhi toot gayi thi.
Sonia: Aur main koi bachi nahi hu ke khud ke liye huwe faisalon ka doshi kisi aur ko banau gi! Tumhare saath physical hone ka faisala mera khud ka tha aur ye to ho ker he rehna tha, Agar tum nahi hote to aur koi hota, Lekin main khush hu ke wo tum t...
Aarav: Huh?
Sonia(Blushes): Yanha main uske baare me baat karne nahi ayi! Aj yanha per main hamare business relation ke future ke baare me baat karne ayi hu...Kya hum ab aage saath kaam karne wale hai ya yanhi per safar khatam ho ga?
Aarav bhi uski baat ko sun ker muskuraye bina nahi reh saka, Sonia uske saamne confidence ke saath baithi huwi thi, Aarav ko uski sachai daikhne ke liye heartbeat ko bhi sunane ki zaroorat nahi thi.
*Knock-Knock*
Aarav: Come In...!
Abhi unki baat ho he rahi thi ke darwaze per kisi ne knock kiya, Aarav ke kehte he darwaza khula aur baahir se Ishika andar aa gayi.
Lekin Sonia aur Saanvi ko daikh ker Ishika bhi ruk gayi aur Aarav ki taraf daikhne lagi ke usne usko kyu bulaya hai, Aarav ne bhi usko apne paas baithne ka ishara kiya to Ishika aage badh ker uske saath sofa per baith gayi.
Aarav ne ek file ko table se utha ker Ishika ke saamne rakh diya, Ishika ne Aarav ki taraf daikhte huwe file ko utha liya.
Ishika: Ye kya hai?
Aarav: Ye Falcon aur Singh Enterprises ke beech ki deal ke papers hai! Falcon aur hum ne ek contract sign kiya tha, but they didn’t hold up their part of the deal, So now they’re officially part of Singh Enterprises, There are still some legal matters to finalize, but Kunal will take care of that.
Ishika(Stunned): What?
Ishika ki aankhe hairani se khul gayi, Ishika Aarav ko daikhti rahi, Lekin usko Aarav ke chehre se lag nahi raha tha ke wo mazak ker raha ho.
Aarav: And guess what? You’re going to be the new CEO of Falcon! I’m handing over all my authority to Kunal...Aur Sonia...Haan hum abhi bhi saath business ker rahe hai aur mujhe umeed hai ke tum teeno sab projects aur Singh Enterprises ko nayi unchaiyon per le jao gye.
Ab ki baar Ishika ke saath Sonia bhi Aarav ko hairani se daikhti he reh gayi, Aarav sab kuch unhe saunp raha tha, Lekin Ishika ke dimagh se sab kuch ek pal ke liye gayab ho gaya.
Ishika(Tearful): T-Tum ye sab kyu ker rahe ho?...Kunal ke saath tum bhi to ho gye na?... Bolo na, Ho gye na?
Aarav: ... Obviously... Lekin main abhi ke liye kuch kaam kanhi ja raha hu! Aur meri absence me Kunal sab kuch achi tarha se handle ker sakta hai.
Ishika: Sirf kuch samay ke liye?
Aarav: *Smile*
Aarav ne kuch bhi kaha nahi muskurate huwe uth gaya, Ishika usko rokna to chahti thi, Lekin usko bhi pata tha ke Aarav uske roke rukne wala nahi hai.
Aarav: Saanvi, Hum dono kuch der akele me baat ker sakte hai kya?
Saanvi: *Nod*
Saanvi Nod karte huwe uth ker baahir chali gayi, Aarav ne ek baar peeche baithi Ishika ki taraf daikha to wo abhi bhi udhar baithi usko he daikh rahi thi, Aarav uski taraf he daikhte huwe Sonia ke paas chala gaya.
Sonia bhi usko udhar hairani se daikhne lagi, Aarav neeche ho ker uske paas ho gaya, Aarav ne uske paas hote huwe uske honton ko chum liya.
*Ba-dump-Ba-dump*
Ishika aur Sonia dono ke dil ki dhadkane ek saath tez ho gayi, Sonia ke gaal laal ho rahe the, Lekin Ishika Aarav ko daikh ker hairan thi.
Aarav(Smile): Main laut ker aoo ga! Sab ke liye...Tum sab mere liye special ho.
Aarav ye baat keh to udhar Sonia se raha tha, Lekin uske nishane per Ishika thi aur ye Aarav usko bata raha tha ke Aarav ki zindgi me wo khaas to thi, Lekin ab sirf wo akeli he khaas nahi thi.
****
Unique Hospital
Surat ~ 13 Days Ago...,
“Zyada samay se ap ka kya matlab?”
Aarav ne Ishika ki taraf daikhte huwe usse pucha, Ishika ne first option select kiya tha, Lekin Aarav uske faisle ke kaaran ke baare me puch raha tha.
Ishika(Blushes): Main ye treatment ya ye relation thoda lamba le ker jaana chahti hu...! *Nervous*
Aarav(Sigh): Main ap ko kisi bhi tarha ki false hope nahi du ga!...Main kisi bhi tarha ka relationship nahi chahata hu, Mere liye ye sirf ek treatment ki tarha ho ga....Lekin ap mere liye khaas ho tabhi ye cure ap ko bataya hai, Lekin sirf ap akele he mere liye khaas nahi ho...Ab ap dobara apne options ke baare me soch sakti ho.
Aarav ne puri baat Ishika ko clear ker ke bata di thi, Ishika bhi ek pal ke liye sochne lage, Lekin agle he pal uska aatmavishwas laut aya.
Ishika: Main bhi abhi kisi bhi naye rishte ke liye taiyar nahi hu...! Agar hamara aage koi rishta nahi banta...Tab bhi main ye he wala option select karti hu.
****
Pune Outskirts
Underground Base ~ 2:49 PM
“Done”
Zoe ne final device ko install karte huwe kaha, Akansha ne usko sidhiyon se utarne me help ki aur wo neeche aa gayi, Zoe ne Aarav ke orders per ek training room me kuch devices ko lagaya tha.
Mia un sabhi ko dhayan se daikh rahi thi ke wo kya hai, Usko kuch bhi khaas to nahi lag raha tha, Lekin Zoe un devices per kayi dinon se kaam ker rahi thi.
“Master”
Abhi Mia sab devices ko daikh he rahi thi ke usko Malia ki awaaz sunayi di, Malia ne udhar aa rahe Aarav ko daikhte huwe sab ko uske ane ka bataya tha, Uske udhar ate he sab seedhe ho ker khade ho gye aur uske paas se Rahul bhi aage aa ker udhar baakiyo ke saath khada ho gaya.
Aarav: Sab lag gye kya?
Zoe(Nod): Yes!
Aarav ne ek baar sab devices ko khud se check kiya aur baakiyo ke paas waapis aa gaya, Sab uski explanation ka intezar ker rahe the.
Aarav: Main jaanta hu ke tum sab ek baar maut ke kareeb se laut ker aye ho! Abhi tum sabhi ke mann me ek he baat hai ke hum aur strong kaise ban sakte hai?
Aarav ki baat sun ker sab ne ek saath haan me sar hila diya, Unke battle ke baad unhe ehsaas ho gaya tha ke Aarav ki madad ke bina un me se koi bhi zinda nahi hona tha aur uske saath chalne ke liye unhe aur bhi strong hona ho ga.
Aarav: Aur ye acha baat bhi hai! Lekin hum sirf Level Up aur new Abilities per he ab nirbhar nahi reh sakte, Ye tum logo ne bhi experience ker liya ho ga.
Aarav ne Tarun aur Akansha dono ki taraf daikhte huwe kaha, Ab tak dono A rank bhi nahi achieve ker sake the, Lekin un dono ne he S rankers ko hara diya tha.
Aarav: Ab se tum logo ko Gate me enter karna Allowed nahi hai! Abhi ke liye tum log yanhi training karne wale ho.
Tarun: Boss...Kaisi training? Aur kab tak hum gate enter nahi ker sake gye?
Aarav ne uski baat sun ker Zoe ko ishara ker diya, Zoe ne uska ishara daikh ker sab devices ko Level 1 per active ker diya.
Aarav: Akansha, Ek portal bana sakti ho kya? Yanha table se tumhe tumhari sword ko uthana hai.
Akansha: *Nod*
Aarav ki baat sun ker Akansha uske order follow karte huwe portal banane lagi, Lekin ye daikh ker wo bhi chaunk gayi ke portal ban he nahi raha tha, Uske haatho me abhi bhi sparks aa rahe the, Lekin Portal ban he nahi raha tha.
Aarav: Enough...Tarun! Ye stone table per rakh raha hu, Tumhe Mana ko khinchna ho ga.
Tarun: *Nod*
Aarav ne ek mana stone ko table per rakh diya, Tarun stone se Mana ko khinchana laga aur Mana baahir aya bhi, Lekin baahir ate he Mana udhar he hava ne nasht ho gaya.
Tarun ke kadam bhi ladkhada gye, Lekin Mia ne usko pakadte huwe usko girne se bacha liya.
Ye daikh ker Mia bhi hairan thi, Usne pichle kuch dinon me Akansha aur Tarun ko unki abilities ka istemal karte daikha tha, Lekin unhone kabhi bhi aise struggle karte nahi daikha tha.
Akansha: Aarav...Ye kya ho raha hai?
Aarav: Ye Mana disruption Device hai! Zoe ne mere kehne per banayi hai, Ye tumhari new training ke liye hai, Ye 4 device room ke andar tumhare liye mana ko Use karna aur bhi mushkil ker de ga aur ye Level 1 hai.
Tarun: Level 1?
Aarav(Nod): Haan...Device ke 10 Level hai aur har Level ke saath he difficulty aur bhi badhati rahe gi! Device ke 10th Level per bhi tum log agar abilities ko Use ker sake to tum dobara Gate me enter ker sakte ho.
Aarav ki baat sun ker Mia bhi bilkul chaunk gayi, Lekin Akansha aur Tarun bilkul alag dikh rahe the, Unki aankho me ek chamak dikhayi de rahi thi, Unhe Aarav ke methods per bilkul bhi shak nahi tha.
Aarav: Rahul tumhare liye Gravity room ko set kiya gaya hai! Uske 8 Level hai aur tum bhi Level 8 pohanchne tak Gate enter nahi ker sakte ho.
Rahul(Nod): Yes Master...!
Malia(Smile): Aur main?
Malia ki baat sun ker Aarav uske paas aa gaya aur uske kaan ke paas chehra le aya.
Aarav(Whisper): Tumhare liye training nahi hai! Abhi ke liye tumhe sirf recovery per he dhayan dete huwe tumhari tail energy ko dobara collect karna ho ga, Uske baad tum bhi real Malia ki abilities ke liye yanhi per training ker sakti ho.
Malia(Nod): Okay...!
Aarav: Zoe ko bhi uska kaam bata diya gaya hai! Ab sabhi log training shuru ker sakte ho.
Aarav ke kehte he sabhi unki apni training per lag gye aur Aarav bhi room se baahir aa gaya, Lekin uske saath he Mia bhi baahir nikal ayi.
Mia: Aarav...!
Uski awaaz sun ker Aarav bhi ruk gaya aur usko daikhne laga, Mia uske saamne chup ker ke khadi usko daikh rahi thi, Usko bhi yanha aye huwe 13 din hone ko the, Lekin ab tak uski training shuru nahi huwi thi.
Mia: Main bhi training join ker sakti hu kya?
Aarav: Kya tum ne 100 swords bana li hai?
Mia: Nahi...!
Mia 13 dinon se swords banane ki koshish ker rahi thi, Lekin ab tak E rank to kya koi normal sword bhi nahi ban saki thi, Mia ne kabhi blacksmith ko daikha bhi nahi tha aur Aarav ne usko swords banane ka kaam de diya tha.
Aarav: Aur kyu nahi ban saki?
Mia: Kyu ke main blacksmith nahi hu! Aur na he mere paas blacksmith ki koi skill hai.
Aarav: Blacksmith nahi ho to kya ho?
Mia: Main ek swordsman hu...!
Aarav: Aur tum ek swordsman kaise ho?
Mia(Annoyed): Kyu ke mere paas swords related skills hai...!
Aarav: Lekin tumhare paas swordsman ki skills kyu hai? Ek blacksmith ki kyu nahi hai?
Mia: I don't know! System ne he ye skills di thi.
Aarav: Aur yanhi to tum galat ho! System sirf tumhe tumhare liye suitable ability aur skills he deta hai, Lekin tumhe skill ya koi ability mil gayi to tum usko he sach maan ker usko he seekhne ki koshish karte ho aur kabhi uske kaaran ke baare me sochte bhi nahi ho.
Mia: What?
Aarav(Sigh): Huh, Mere paas sword skill nahi hai! Lekin Slash skill hai...Kyu ke main player ban'nne se pehle ek woodcutter bhi tha...Lekin tum ek swordsman kyu aur kaise ho?
Aarav ki baat sun ker Mia ke paas kehne ke liye kuch bhi nahi bacha tha, Usne bhi kabhi ye socha he nahi tha aur sirf swords skills ko seekhne ki he koshish karti rehti thi.
Aarav: Ab khud ko jaan lo! Uske baad he main tumhe aage ka raasta bata saku ga... Aur haan, Ab tumhe 101 swords banani ho gi aur kam se kam ek sword B rank ya above ki honi chahiye hai.
Aarav kehte huwe udhar se chal diya ab ki baar to Mia bhi usko rok nahi saki, Aarav uske saamne se chala gaya.
[You have bought a boost pack and gifted it to the player “Mia”]
[Price: 700 Bazaar points]
****
Café La Brisa
Spain ~ 10:04 AM
*Pitter-Patter*
*Sigh*
Ek ladki Road ke taraf cross karne ke liye khadi huwi thi, Usne haath me ek chhaata pakda huwa tha aur uske chhaate per baarish ki bunden per rahi thi.
*Signal*
Signal ke badalte he Ladki road per chalne lagi, Ladki ne apne kaanon per headphone lagaye huwe the, Uski nazare neeche thi aur wo bina kisi taraf bhi daikhe road ko cross karne lagi.
Ladki road cross karne ke baad aur aage chalne lagi aur ek cafe ke baahir pohnach ker ruk gayi, Ladki ek pal ke liye Cafe ke baahir ruk gayi aur usne ek gehra saans le ker chehre per ek muskurahat le ayi.
*Ding*
Ladki cafe ke andar chale gayi aur table ke paas se hote huwe staff room me chale gayi aur change ker ke baahir aa gayi.
Ladki(Smile): Good morning, Flora! Hey, Lily!...Looks like the rain is really coming down out there *giggle*
Ladki ne counter per ate huwe udhar khadi owner aur worker se kaha aur kaam per lag gayi.
Flora(Nod): Morning! Yeah, it picked up pretty fast.
Lily: It’s cozy in here, at least...!
Ladki(Nod): Yeah...!
Flora: Could you take the order from the guy at the corner table for me?
Ladki: Sure thing! I’ll be right back.
Ladki Flora ke kehne per udhar se nikal ker baahir aa gayi aur corner table per chale gayi, Udhar ek aadmi menu utha ker baitha huwa tha.
Ladki: Ready to order Sir?
*Click*
Ladki ne uska order lene ke liye pen or uski notepad ko nikal liya.
“Vanshika”
Ladki ka dhayan order sunane ke liye uski notepad per tha, Lekin order ki jagha per kuch aur sun ker uska shareer tham gaya aur uski nazare notepad se customer ke chehre per chali gayi.
Ladki(Stunned): A-Aarav?
.
.
.
.
.
.
.
.
[Aj ke liye itna he, Ye update 6K Words ka tha, Umeed karta hu ke ap ko ye update bhi pasand aya ho ga, Target hamara abhi bhi wohi hai 120 Likes ke liye, Milte hai ab agle update per aur tab tak ke liye, Sayonara!!!]
- 1,704
- 17,277
- 144
Good story Atleast it doesn’t have only sex . Nice
Aapki Life without sex chal sakti hai bhai... Yeh toh fir bhi story hai... Itne characters hai... Story mai harem hai toh hero hilata rahe... Baache kaise honge... Life aage kaise badhegi...
Good thing to know aapne Like Remove kar diya... Jo ki Writer ki mehnat ko represent karta hai... Sex scene Likhne ki koshish ki abhi bhi Salty~Otaku isme aache nahi hai... Jo aapko bhi padker pata chal raha hoga... Coz without it life will boredeff... Aap Control kar sakte ho sex... Bina sex ke life chal sakti hai... ??? Toh okay hai... Baaki fabulous Job meri taraf se toh... Jo league se hatake kaam kiya writer sahab ne...
1:5AM pe mene ye message bheja
then 1:6AM pe ye message aa gaya
TO SOCHA thoda WAIT AUR HI SAHI
SOCHA PICHLI BAAR KI TARAHA 20 -30min ME AA jaayega but AAYA 2:2AM [56min] PE
Aapun wait kiya wo kya hai baad me yaad ki kal DUSSERA hai [yani HOLIDAY]
NAHI BRO AUR AHI UPDATE READ KIYA
Zabardast
Tanu wapis aa gyi
Mind-blowing update bhai
Salty otaku bro i am your new reader 3 din se ye story padh raha hu ab 91st complete hua to socha reviews de du .
Bhai sach mein kya hi story hai characters bahut sare hai lekin lag hi nahi raha ki koi character skip ho raha hai .anime aur indian style ka gazab combination hai .
Aapki writings ki tareef ke liye shabd kam par jayenge.
Emotions aur relations ka bahut hi bada role hai aapki story mein .
Urvi aur aarav ka bond starting se jo dikhaya tha uske baad urvi ke death scene mein rona aa gya lag raha tha ki aarav puri tarah se toot jayega par aapne bahut acche se cover kar liya usko . Veronica ke liye bhi dil se bura laga aakir vo first mate thi aarav ki .last kuch updates mein itne sare raaz kya hi kahu is bare mein bahut hi umda lekhni hai aapki .ab aarav naye rishte ki shuruat kar raha hai usme vansh ki wife (naam bhul raha hu ) ka bhi role jaroor daaliyega . Ab aage dekhna hai ki main villain kon hai jisse earth ko khatra hai .
Aarav ke purane friend diasuke isabelle yoo jung tsubame bhi ab saath hai .
Yoo jung aur aarav ke mid kya bond ho skta hai ye to aap par hi hai .
last mein itna hi kahunga ki bahut hi gajab ki lekhni hai aapki bas updates dete rahiyega support hum karte rahenge aapko .
Keep writing keep growing
ek no mazedaar update ab ishika ka ghav bhar jayenge.
Bahut jabardast update tha bhai bahut jada maja aaya. Next update ka intajaar rahegaa bhai
Nice update
Okay
Very interesting story and nice update
Salty~Otaku BHAI aaj update aaega ki nahi ?
Agar aayega to timing bhi bato DO? LATE NIGHT TO NAHO AAYEGA BRO??
MAI CHALA SONE
---------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------
Update 92 has been posted Guys!!! 