Fantasy Vengeance ~ Revenge is sweet [ᏚᎩᏚᎢᎬᎷ]

[A users]

 

[Gaurav1969]

Waiting bro

 

[Salty~Otaku]

Update thoda late night aye ga! Sab ko sone ke liye kahu ga, Sirf A users ke sivaye baaki sab soo jaye

 

[Gaurav1969]

Ok bro take your time
I will read it early in the morning

 

[A users]

.

 

[A users]

Update thoda late night aye ga! Sab ko sone ke liye kahu ga, Sirf A users ke sivaye baaki sab soo jaye

 

[RAJIV SHAW]

Waiting Bhai

 

[Agrawal ji]

??

 

[Salty~Otaku]

??

Editing!!!

 

[Salty~Otaku]

UPDATE 94 ~
(BAD LIAR)​

****
Flora's House
Spain ~ 12:47 AM


*Click*


Aarav Vanshika ke kamre ke darwaze ko kholte huwe andar aa gaya, Usne Vanshika ko banhon me uthaya huwa tha, Vanshika Aarav ke kandhe per sar rakh ker apne laal chehre ko Aarav se chupa rahi thi.


Aarav Vanshika ko aise he uthaye huwe he uske bed ke paas le gaya aur usko bed per laita diya, Vanshika ne Aarav ke usko bed per baithate he chehre ko chadar se chupa liya.


Aarav: Main baahir baitha huwa hu! Agar kuch bhi ho ya chahiye ho to bata dena.


Aarav ne Vanshika se kaha aur wo baahir jaane he laga tha ke Vanshika ne usko rok diya, Aarav ne peeche uski taraf daikha to Vanshika ne chadar se haath ko nikal ker uski shirt ko pakda huwa tha.


Vanshika(Blushes): A-Abhi kuch der ke liye yanhi per ruk sakte ho kya?


Vanshika ne kehte he uski shirt ko chhod diya, Aarav ne uski chehre ki taraf daikha to usko bhi andaza ho gaya ke abhi usne ye kitni himmat jutane ke baad kaha hai.


Aarav ne aas-paas daikha to udhar baithne ke liye chair ya aur kuch bhi nahi tha, Usne ek pal ke liye socha aur shoes utarte huwe wo bhi bed per chadh gaya, Usko bed per ate daikh Vanshika ki aankhe bhi hairani se khul gayi.


Vanshika: Y-Ye kya ker rahe ho?


Aarav: Neeche floor per baithane ka soch rahi thi kya?


Aarav ki baat sun ker Vanshika ko ehsaas huwa ke udhar baithne ke liye sac me kuch bhi nahi tha, Aarav uske saath he bed per lait gaya aur Vanshika aur Aarav dono bed per seedhe lait ker ceiling ko daikhne lage.


Un dono ke beech ek awkward silence ho gayi thi, Vanshika hil bhi nahi rahi thi aur ye Aarav bhi mehsoos ho raha tha ke wo abhi comfortable position me nahi hai.


Aarav ne apna haath Vanshika ke sar ke neeche rakha aur usko khud ke saath laga liya, Vanshika ki aankhe aur bhi zyada khul gayi aur uska haath Aarav ki chhati per aa gaya tha.


Lekin Vanshika ne kuch bhi kaha nahi aur na he usne khud ko alag karne ki kisi bhi tarha ki koshish ki, Usne bhi sar Aarav ke kandhe per rakh diya aur comfortable ho gayi.


Aarav: Vanshika, Kya tum sach me uss sab ke liye mujhe blame karti ho aur...mujhse nafrat bhi karti ho?


Aarav ko bhi pata tha ke ye bilkul bhi sach nahi tha, Lekin Vanshika ne aisa kyu kaha tha ye wo uske muh se he sun'nna chahata tha, Vanshika bhi uska saval sun ker thodi hairan huwi ke usko kaise pata laga, Lekin phir usko Aarav ki hearing power yaad aa gayi.


Vanshika(Sigh): Huh, Nahi... Aisa bilkul bhi nahi hai! Lekin ye jhoot main dusro ko nahi khud ko kehti thi, Guess I'm a bad liar...!


Vanshika Aarav ki chhati per apne haath ki taraf daikhte huwe boli, Usko laga tha ke wo Aarav se nafrat karti hai, Lekin khud ko aise Aarav ke kareeb daikh ker usko bhi ab pata lag gaya tha ke wo jhoot ke sivaye aur kuch bhi nahi tha.


Vanshika: Main ek kamzor insaan thi! Dad, Didi bhayia meri best friend aur tumhe sab ko ek saath kho diya tha main ne, Mom ko bhi main bacha nahi saki thi...Lekin ab tum aur bhayia zinda ho to main bohat khush hu, Lekin mere andar ab kisi ko bhi dobara khone ki himmat nahi hai.


Vanshika ko sab kuch Barbie aur Saanvi se pata lagta rehta tha, Usko Vansh ke baare me bhi pata lag gaya tha, Lekin usko di kisi bhi saza ke liye Vanshika Aarav per gussa nahi thi.


Lekin ab usko dar tha ke Aarav aur Aakash usko dobara chhod sakte the aur wo kuch bhi nahi ker sakti thi, Uss dard se bachne ke liye wo khud ko dusro se alag karne lagi thi aur usne kisi ke saath bhi khud ko kabhi emotionally attach na karne ka nirnay le liya tha.


Lekin Aarav ke saamne ane per uske sabhi irade toot gaye the, Uske saamne ane per Vanshika uske dard ko bhulane lagi thi aur ye usko aur bhi dara raha tha.

Aarav: Lekin ab main aa gaya hu na? Main ye vada karta hu ke tumhe kabhi kisi bhi takleef se dobara guzarne nahi du ga.


Aarav ki baat ko sun ker bhi Vanshika kuch nahi boli aur waise he laiti rahi, Aarav ne bhi usko pressure nahi kiya aur bina kuch bhi aur kahe usko daikhne laga.


Aarav: Huh?


Aarav Vanshika ke chehre ki taraf daikh he raha tha ke uski nazar Vanshika ke kandhe per gayi, Uske kandhe per ghav ka ek bada nishan bana huwa tha.


Aarav: Ye ghav?


Aarav uske ghav ko chhune he laga tha ki Vanshika ne uske haath ko jhatak diya aur Aarav se alag ho gayi, Vanshika ki saanse tez ho gayi thi aur usko panic attack ane laga tha.



Vanshika ki aankhe aansuon se bhari huwi thi, Lekin wo roo nahi rahi thi, Aarav bhi uth ker uske paas ho gaya aur usko relax karne ki koshish karne laga


Aarav: Vanshika, Look at me! You're fine, I'm here with you.


Aarav ne usko relax karne ki koshish to ki lekin Vanshika abhi bhi kaanp rahi thi aur uske liye saans lena mushkil se mushkil ho rahi thi, Aarav ne usko pakad liya aur uski aankhon me daikhne laga.


Aarav(Exhale): Vanshika, It's okay to cry when there's too much on your mind! Even the clouds need to rain when they get heavy...Just take a deep breath, and let it all go...!


Aarav ki baat sun ker Vanshika ki aankhon me ruke huwe aansu khud he baahir girne lage, Aarav ke chehre per ek muskurahat thi aur wo Vanshika ko daikh raha tha.


Ek pal me he Aarav usko 12 saal peeche le gaya tha, Vanshika aur Aarav ki sab se pehli mulakat ab Vanshika ki aankhon ke saamne thi aur uske chehre per bhi rote huwe ek muskan aa gayi.


Aarav ne usko khud ke saath laga liya aur usko khul ker rone diya, Lekin ab ki baar Vanshika dar se nahi khushi se aansu baha rahi thi.

“It's okay to cry when there's too much on your mind, The clouds rain too when things get heavy.”​

****
Café La Brisa
Spain ~ 1:23 AM


*Sigh*


Lily kursi per baithi laptop per cafe ke new banner ko design ker rahi thi, Uske paas he Flora baithi huwi sab hisaab ker rahi thi.


*Ding*


Flora ko ek phone per ek message aya to wo usko check karne lagi, Usko padhte huwe Flora ke chehre per muskan aa gayi.


Lily: Kya huwa? Aise muskura kyu rahi ho?


Flora(Smile): Aarav ka message hai! Lagta hai aj hamay overtime kaam karna ho ga aur raat yanhi rehna ho ga...Vanshika aur uske beech baat ho rahi hai, Lagta hai ab Vanshika move on ker sakti hai.


Lily(Sigh): Unki life to ap ne ab set ker di hai! Lekin ap ka kya?


Flora: Kya matlab?


Flora ki muskurahat uske chehre se ek pal me gayab ho gayi, Lily uski taraf daikh rahi thi aur uski nazron me Flora taraf dikhayi de raha tha.


Lily: Ap bhayia se kyu nahi mil leti? Ap ko ab aur yanha rehne ki zaroorat nahi hai.


Lily ko uski Maa ke liye bohat zyada bura lagta tha, Flora ko 16 saal ho gye the uske bete Mateo huwe aur uska kaaran bhi Lily khud ko maanti thi.


Lily: Ap ko bhi pata hai ke main kya keh rahi hu...! Ap ko ab ye gunah aur saath le ker chalne ki zaroorat nahi hai, Ap Bhayia ke paas ja sakti ho, Ap bhi jaanti ho ke wo mujhe family kabhi nahi maane gye...aur na he main unki family hu.


Lily ki baat sun ker Flora ka bhi dil bhaari ho gaya, Lily uske aur uske husband ki beti nahi thi, Uska husband to Lily ke hone se pehle he cancer ke kaaran mar gaya tha.


Lily uski aur Vansh ki beti thi, Flora ne sirf Mateo ko padhane ke liye aur usko kabil insan banane ke liye he Vansh ko uske saath kuch bhi karne diya tha.


Kyu ke uske paas aur koi kaam nahi tha aur na he qualification thi aur Vansh ne usko dhamkaya tha ke wo usko barbad ker sakta hai.


Lekin usne ye kabhi bhi nahi socha tha ke Flora pregnant ho jaye gi, Adarsh ne usko bohat paise de ker bacha abort karne ke liye kaha tha, Lekin Flora ye ker nahi saki aur usne Lily ko duniya me ane diya.


Lekin Mateo ko sab kuch pata laga to usne Flora ko bura bhala keh ker uske saath sab rishte khatam ker diye, Aakash ne Flora ke kehne per Mateo ko khamoshi se ek job de di aur Flora Lily ke saath Spain aa gayi thi.


Usne Aakash ko ye baat kisi ko bhi batane se mana kiya tha, Aakash ne he Flora ka adress Lydia ko diya tha aur Vanshika ko uske paas bhejne ke liye kaha tha.


Lily(Tearful): Ap ko nahi lagta ke ab ap ko bhi khush hona chahiye? Kyu ap abhi bhi yanhi ho? Ap Bhayia se milne ke liye kitna tadap rahi ho ye mujhe ache se pata hai.



Lily ki aankhon me bhi aansu chhalak pade aur wo sisakne bhi lagi, Usko roti daikh ker Flora ne usko gale se laga liya aur usko chup karwane lagi.


Flora: Haan, Main Mateo se milna to bohat chahati hu! Lekin sirf tab he jab wo bhi mujhse milna chahe...Uski bhi ab ek life hai aur wo usme khush hai, Ek Maa apne bache ke liye apni tadap ko bhi bardasht ker sakti hai.


Lily(Sobbing): Lekin ap ko ye karne ki kya zaroorat thi? Ap abortion karwa leti na.


Flora: Kyu karwa leti? Galti mujhse huwi thi na to saza tumhe kyu deti?


Lily: Huh?


Flora: Lily mere liye wo sab galti thi! Lekin tumhe duniya me laane ka faisala galti kabhi nahi ho gi, Agar tum kabhi bhi bojh hoti to main tumhe galti maan ker kab ki chali gayi hoti...Lekin tum sirf meri he beti ho aur mujhe kuch bhi nahi sun'nna hai...!


Lily(Sigh): Huh, I feel like I can never win these arguments with you...!


Lily ki baat sun ker Flora hans di aur usne pyaar se Lily ke sar ko choom liya aur usko laad karne lagi.



****
Flora's House
Spain ~ 1:36 AM


*Smile*


Aarav bed per peeche lag ker baitha huwa tha aur Vanshika uski gaud me sar rakh ker laiti huwi thi, Aarav uske baalo me ungaliyan faira raha tha.


Vanshika: Ye ghav bhi Neel ne he mujhe diya tha...!


Vanshika ne uske kandhe ka ghav Aarav ko dikhate huwe kaha, Aarav ne uske ghav ki taraf daikha to wo rassiyon se baandhne ka nishan tha aur aisa nishan sirf kuch he ghante baandhne se nahi aa sakte the.


Aarav ne Vanshika ki gardan per daikha to udhar bhi usko kisi cheez ke bandhe hone ke nishaan dikhayi diye.


Vanshika: Ye nishan bhi Neel ne he diye hai! *Gulp* Neel mujhe kutte k-k-ka p-patta pehna ker rakhta tha aur mujhe apne sab kutton ke beech he baandh ker bhi rakhta tha.


Vanshika ki sirf utni baat he sun ker Aarav ki aankhe gusse se laal ho gayi, Lekin wo khud ko calm karne ki koshish karne laga


Vanshika(Trembling): Neel ke uss ghar me sirf wo aur uske kuch personal servants he hote the! Uske ghar me main kapde bhi nahi pehan sakti thi aur wo sabhi servants ke saamne mujhe kutton ki tarha chalne ke liye kehta tha.


Vanshika ke muh se shabd nikalne bhi ab mushkil ho rahe the, Usne ab tak ye sabhi kuch kisi ko bhi nahi bataya tha aur ab bhi uske liye ye aasan nahi tha.


Vanshika: Lighter se meri skin ko jalana aur whip se mujhe puri raat he maarna to uske liye roz ki baat thi! Uske baad mujhe saaf ker ke puri raat mere saath havas ko pura karna, Sonia ke sivaye uski puri family ko sab kuch pata tha, Lekin kisi ne mere liye kabhi kuch nahi kiya...Lekin unka to kya mere khud ke bhai ne sab kuch pata hote huwe bhi aankhen fer li.


[Player is overflowing with hatred! Player's emotions are now unstable]


Aarav ke emotions ab bilkul unstable ho rahe the, Lekin ab uske paas karne ke liye kuch bhi nahi tha, Neel ab zinda nahi tha aur na he uska koi aur mujrim zinda tha.


Tinkerbell: [Master...Ap ke emotions ko ab stable ker rahi hu! Ap ko calm hona ho ga]


Aarav: *Nod*


*Exhale*


Aarav: Vanshika...!


Vanshika: Hmm?


Aarav: Main tumhe sorry nahi kahu ga! Kyu ke main tab kuch bhi nahi ker sakta tha, Lekin ab ye promise karta hu ke main aur Aakash ab kisi bhi mushkil me tumhe tanha nahi rehne de gye.


Vanshika: Huh?


Aarav: Vanshika...!


Vanshika: Haan?


Aarav: Aj bohat kuch ho gaya hai! Shayad, Ab tumhe rest karni chahiye hai.


Vanshika: Leki-


Aarav: Have a nice dream...!

[Ability (Mnemosyne's Gaze) Activated]


[You're editing target's memories]​

Vanshika(Sleepy): Lekin Aaravvvvvvv muj- Huh? K-


Vanshika kuch keh sakti ke usse pehle he uski aankhen bhaari hone lagi aur daikhte he daikhte uski aankhen band ho gayi aur Vanshika ek gehri neend me chale gayi.


Tinkerbell: [Master, Ap kya Vanshika ki un sabhi traumatic memories ko erase karne wale ho?]


Aarav: [Nahi, Main kuch bhi erase nahi ker raha! Main sirf uski traumatic memories per dusri memories aur gehra ker raha hu]


Tinkerbell: [Hmm, Ab Vanshika ke saath kya ho ga?]


Aarav(Smile): [Ab Vanshika ek sapna daikh rahi hai! Ek sapna jiski usko abhi zaroorat bhi thi]




****


“Huh?”


Vanshika ki aankhe khulte he uske chehre ke rang udd gye, Vanshika ek baar dobara Neel ke kamre me bandhi huwi thi, Usko ye sapna har raat ata tha, Lekin har baar he Vanshika ki halat kharab ho jati thi.


Vanshika bhaag to ayi thi, Lekin wo ab tak Neel se azad nahi ho saki thi, Vanshika ab bhi sapne me kuch bhi nahi ker sakti thi aur sirf Neel ke torture ko bardasht he karti thi.


*Click*


Vanshika ko door handle ki awaaz ayi to usko pata lag gaya ke Neel dobara andar ane wala hai, Vanshika ne dar ke maare aankhon ko band ker liya, Uska shareer buri tarha se kaanp raha tha.


“Vanshika”


Vanshika ko ek awaaz sunayi di, Lekin ye awaaz Neel ki nahi thi, Vanshika ko abhi bhi ye awaaz ache se yaad thi, Vanshika ne aankhe khol to uski aankhon me aansu chhalak pade.


Vanshika(Tearful): Bhayia...!


Vanshika ke saamne darwaze per Aakash khada huwa tha, Usko daikh ker Vanshika apne aansu rok nahi saki, Neel ke ghar har pal darwaze per usko Aakash ka intezar rehta tha.


Usko pata tha ke Aakash uske liye zaroor aye ga, Lekin intezar ke baad bhi Aakash kabhi nahi aya tha, Lekin ab Aakash uske saamne khada huwa tha aur uske saath he Aarav khada huwa tha.


Un dono ke beech me neeche Neel baitha huwa tha, Uske gale me ek kutte ka patta tha aur uski chain Aakash ke haatho me thi, Aarav aage aya aur usne Vanshika ki sab rassiyon ko khol diya.


Vanshika: Aarav?


Aarav: *Nod*


Aarav ne Vanshika ka haath pakadte huwe usko uthaya aur Vanshika kuch keh bhi nahi saki aur sirf uske saath chalte huwe aage badhati rahi, Aarav usko Aakash aur Neel ke paas le gaya.


Neel neeche gira huwa tha, Vanshika uski halat daikh ker hairaan ho gayi aur Aakash ki taraf daikhne lagi, Aakash ne ek hunter uski taraf ker diya, Vanshika uske haath ko daikhne lagi.


Aakash ne hunter Vanshika ko pakda diya aur Aarav aur Aakash ne Neel ko pakad ker utha diya, Vanshika ko bhi samajh aa gayi ke wo kya chahte hai, Uske saamne uske jeevan ka sab se bada dard khada huwa tha.


Vanshika ke haath kaanp rahe the, Lekin Aakash aur Aarav ki taraf daikhte huwe usne ek gehri saans li aur hunter peeche karte huwe Neel ki chhati per maar diya.


*Whip*


*Crack*


Neel(Scream): Aghhhh *Crying*


Neel ki cheekhe sun ker Vanshika bhi rone lagi, Lekin ye uske dard ko daikh ker dard ke nahi finally usko saza dene ki khushi ke aansu the.


*Whip*


*Crack*


*Whip*


Vanshika ek ke baad ek Hunter ko Neel ke shareer per barsa rahi thi, Usko khud ki phulti saanson ki bhi parwah nahi thi wo sirf usko khatam ker dena chahti thi, Uske har vaar ke saath uske mann se kuch na kuch bojh halka ho raha tha.


*Panting*


“Huh...Huh....Huh”


*Whip*


*Crack*


*Sobbing*


****
Sayani Mansion
France ~ 9:28 AM



“Bhayia”


Barbie Hannah ke haath ko pakad ker usko apne saath le ker Aakash ke paas ja raha tha, Lekin Hannah uske paas jana nahi chahati thi.


Hannah: Ap ye kyu ker rahe ho? Ap ko bhi pata hai ke mujhe wo insaan pasand nahi hai, Aur ap bata bhi nahi rahe ke mujhe kyu le ker ja rahe ho?


Hannah ne Barbie ki pakad se kalai nikalte huwe kaha uski zid daikh ker Barbie usko khade ho ker daikhne laga, Lekin Hannah ab uski zid ki pakki thi.


Barbie(Sigh): Huh, Main chahta tha ke tum Master se he sab kuch suno! Lekin abhi ke liye ye bata sakta hu ke master tumhe aj puri sachai batane wale hai.


Hannah: Sachai?


Barbie(Nod): Haan, Lekin ab aur kuch bhi nahi bataunga! Agar sab ko pata karna hai to chupchap mere saath chalo.


Hannah: Aakash hosh me hai?


Barbie: *Nod*


Hannah udhar he khadi kuch der sochti rahi, Lekin Barbie ki tone se lag nahi raha tha ke ye koi sadharan baat thi, Hannah ne bhi nod kiya aur uske saath khamoshi se chalne lagi.


*Click*


Barbie usko Aakash ke kamre ke andar le gaya, Hannah ne saamne daikha to uske saamne sach me Aakash bilkul concious baitha huwa tha, Unko daikhte he Aakash ne unhe baithne ke liye kaha to dono uske saamne he baith gye.


Lekin Hannah abhi bhi Aakash ki taraf nahi daikh rahi thi, Aakash ne kuch pal ke liye usko daikha aur phir usne Saanvi ko ishara ker diya, Saanvi kuch lene ke liye chale gayi.


Hannah: Bhayia keh rahe the ke ap ko kuch sachai batani hai? Aisa kya hai?


Aakash(Nod): Haan, Lekin usko sirf sachai nahi kahu ga! Kyu ke tumhe wo sab kuch pata hona chahiye tha, Lekin mere kehne per Barbie aur Elise ne tum se sab kuch he chupaya th-


Hannah: Please... Elise ka naam lene ki to ap koshish bhi nahi karna...!


Barbie: Hannah, Yanha hum ladne ke liye nahi aye hai! Master kuch keh rahe hai sab kuch aaram se suno.


Barbie ke kehne per Hannah seedhe ho ker muh bana ker baith gayi, Lekin uska mood abhi bhi acha nahi huwa tha.


Aakash: Thank You...Hannah, Ab tak tum mujhe blame karti ayi ho! Lekin sach to ye hai ke mujhse zyada tum khud ko Barbie aur Elise ke liye blame karti ho.


Hannah: Kya yanha mujhe baate sunane ke liye laya gaya hai? Kya hum seedhe kaam ki baat per aa sakte hai?


Aakash: Ab tak tumhe lag raha tha ke Barbie aur Elise sirf tumhare liye he clan se nikle the! Haan, Ye sach bhi hai, Lekin sirf tum he uski wajha nahi thi.


Hannah: What?


Hannah ne hairani se Barbie ki taraf daikha to usne haan me nod ker diya, Hannah ko ab kuch bhi samajh nahi aa raha tha, Uska dhayan uski yaadon me chala gaya


****


Inner Qi 2 tarha se Achieve hoti thi, 1 Direct Blood line me janam le ker, Jo seedhe Clan me janam lete hai wo janam se he Initiate Level Inner Qi ke saath bare hote the.


Kyu ke unho ne bachpan se saans lene ki tarha he Qi use ki hoti hai iss liye un ka control Qi per sab se zyada mazboot hota hai.


Dusra raasta ye tha ke agar Clan se baahir koi Inner Qi Achieve karna chahta hai to usse ek Sage level Inner Qi master ki madad chahiye hoti thi.


Sage Level User ko 6 Maheene har Din uss ke saath Cultivate karna parta phir ek user 6 Maheene me Initiate level inner Qi achieve ker sakta tha.


Lekin Inner Qi sab ke liye nahi hoti thi, Qi sab ke liye suitable nahi hoti thi, Baahir ka insaan bhi choosen ho to wo sirf tab he Qi achieve ker sakta tha aur ye risky bhi bohat hota tha.


Lekin kayi baar Bloodline me bhi aise he bacho ka janam hota tha jo unke parents se Qi virasat me nahi le pate, Qi clans me unhe cursed child kaha jata tha aur unke janam ke saath he unhe maar diya jata tha.


Hannah bhi ek cursed child thi, Lekin uske Qi ko na possess karne ki baat ko uske parents ne clan se chupa liya tha, Usme unka saath diya tha Hannah ke 2 cousins ne, Barbie aur Ellis.


Unhone hamesha Hannah ke liye cover kiya tha aur usko protect kiya tha, Lekin samay ke saath baat ko chhupana aur bhi mushkil ho raha tha


Hannah ke parents aur Barbies ke parents ki ek accident me death ke baad aakhir clan ko bhi pata lag he gaya.


Unhone Hannah ko udhar he sab ke saamne beheaded karne ka order de diya tha, Lekin Barbie jo clan ke leader ke liye candidate tha aur Ellisne beech me aa ker usko protect karna chaha, Lekin clan ne unko bhi mujrim keh diya aur saza dene ka faisala ker liya.


Unke bachne ka ab aur koi bhi raasta nahi tha, Hannah ne un dono ko Clan ke orders ke against khade hone se ab rukne ko kaha, Lekin dono he uski baat sun he nahi rahe the.


Ab unko lagne laga tha ke sab kuch he khatam hone ko hai, Lekin tabhi Clan me ek badi family ka Ladka aya, Usko clan se slave's chahiye the, Usne Barbie ko daikhte he usko chhun liya.


Lekin Barbie ne usko sirf ek shart per khud khareedne diya ke agar wo uske saath he Ellis aur Hannah ko bhi khareedta hai to wo puri zindgi uska servant ban ker rahe ga.


Clan Leader khush to nahi tha, Lekin usko bhi Aakash Sayani ke naam ka matlab ache se pata tha, Aakash ne ek lambhi behas aur offers ke baad un teeno ko he khareed liya tha.


Barbie ka kaam Aakash ko protect karna tha aur Ellis ka kaam Adarsh ko protect karna tha, Hannah ko Vansh aur Vanshika ko protect karna tha.


Lekin Hannah ko abhi training chahiye thi kyu ke uske paas Qi nahi thi, Hannah ko un dono ke liye bura to lagta tha, Lekin ab wo khush bhi thi ke wo teeno he saath the.


Lekin ye khushi kuch saalo me khatam ho gayi, Usko news mili ke Sayani's per ek bada attack huwa hai aur Adarsh Sayani ko protect karte huwe Ellis bhi uske saath he mar gayi thi.


Barbie uske baad se he gayab ho gaya tha, Lekin usko ab Barbie ke liye dar lagne laga tha, Lekin Barbie ke usko dobara milne ke baad bhi wo Aakash ke liye kaam karne se rukne ke liye taiyar nahi tha aur Hannah ke andar Aakash ke liye nafrat janam lene lagi.


****


Hannah(Trembling): Y-Ye ap kya keh rahe ho?


Aakash(Nod): Sach keh raha hu! Kya tum ne kabhi socha ke tumhare aur Barbie ke parents sach me accident me mare the ya wo kuch aur tha?


Hannah: Huh?


Aakash: Barbie Clan ke leader ke liye ek promising candidate tha! Ye bhi sach tha ke Clan ke members usko he Leader bhi banana chahate the...Lekin tab dusra candidate uss time ke Clan Leader ka beta tha.


Hannah ne yaad karne ki koshish ki to usko bhi ye baat yaad aa rahi thi.


Aakash: Barbie ke badhati popularity ko daikh ker Clan Leader ko dar lagne laga tha! Usne Barbie ko raaste se hatane ka nirnay liya aur tum logo ke ghar ko raat me aag laga di, Lekin ye unki badkismati thi ke tum teeno he tab raat ke samay ghar se baahir the.


Hannah ko wo raat ache se yaad thi, Usko tab ghoomne ka mann tha Barbie aur Ellis usko akele baahir ane nahi de rahe the to wo teeno ek saath baahir gye huwe the.


Aakash: Uske baad clan ke logo ko bhi ab Leader per shak hone laga tha! Aur clan ke he ek purane member se mujhe sab kuch pata laga tha, Uske baad he main ne tum teeno ko bachane ka nirnay liya, Kyu ke agar tumhari sachai baahir na bhi ayi hoti to Leader ek na ek din tum teeno ko raaste se hatane he wala tha.


Hannah udhar he uska sar pakad ker baith gayi, Usko vishwas nahi ho raha tha, Lekin Aakash ki kahi har baat sense bana rahi thi.


Hannah(Shocked): Lekin ye sabhi baate mujhse kyu chupayi gayi?


Aakash: Kyu ke tum Emotional teenager aur ek zidi ladki thi! Agar tumhe sab kuch bataya gaya hota to tum Darkness clan ke Leader ke saamne khadi ho ker sab kuch puch leti aur uske baad tumhe bachana mere liye aur bhi mushkil ho jata.


Aakash ki baat galat nahi thi, Hannah ka abhi bhi mann Leader ka muh nochane ko ker raha tha, Lekin abhi bhi Barbie usko ye karne nahi dene wala tha.


Saanvi: Aakash...!


Saanvi ne ek file la ker Aakash ko pakada di, Usko daikh ker Barbie bhi hairan ho gaya.


Barbie: Master?


Aakash(Nod): Haan, Ye hamare beech huwa blood contract hai! Iske according tum logo ko mujhe aur meri family ko bhi protect karna tha...Lekin agar bachana namumkin hota aur chance na hote huwe tumhare bachne ka chance hota to tum sab khud ko bacha ker bhaag sakte the aur uske liye tumhe blame nahi kiya jata.


Hannah: Huh?...Lekin Ellis?


Aakash(Nod): Haan, Ellis ke paas contract ke according tab bhaagne ki choice bhi thi! Lekin usne end tak Sayani family ko serve karne ko chunna aur uske liye main uska aur tumhara abhari hu...Aur iske saath he main Barbie ko aur tumhe ab contract se azad ker raha hu.
.
.
.
.
.
.
.
.
[Aj ke liye itna he, Ye update 4.9K words ka tha, Target hamara wohi hai 120 Likes ke liye, Umeed karta hu ke ap ko ye update bhi pasand aya ho ga, Milte hai ab agle update per aur tab tak ke liye, Sayonara!!!]