Fantasy Vengeance ~ Revenge is sweet [ᏚᎩᏚᎢᎬᎷ]

[Salty~Otaku]

Schedule​

UPDATE#​	DATE​
Update 111​	4th March 11:30 PM​
Update 112​	8th March 11:30 PM​
Update 113​	13th March 11:30 PM​
Update 114​	17th March 11:30 PM​
Update 115​	21st March 11:30 PM​

 

[nayak4118]

UPDATE 112 ~
(TWIN'S SACRIFICE)​

****
Knight's Quarters
Vareth ~ Fourth Stage

[Quest: ???]

[Time Limit: 13 Days Left]

[Quest Failure Penalty: (Death)]

*Hiss*

*Sigh*

Aarav uske room ke bathroom mein shower le raha tha. Lekin uske dimagh mein aage ki plannings aur current puri situation chal rahi thi. Aarav ne uska shower complete kiya aur bathroom se baahir aa gaya.

*Click*

“Corpse”

Aarav (Stunned): Huh?

Aarav shower le kar ek towel lapaite bathroom se baahir aya to usko bathroom ke baahir Yoo-Jung uske haath mein Aarav ke kapde pakade khadi dikhayi di. Usko daikh kar ek pal ke liye Aarav bhi chaunk gaya.

Aarav: [Mujhe laga yahan servant khada ho ga!?]

Aarav ne Yoo-Jung ki taraf daikhte huwe saval kiya kyu uske kapade 2 dinon se servant he le kar aa raha tha.

Yoo-Jung: [Mujhe laga ke ye badhiya opportunity hai thode dungeon points earn karne ke liye! Waise bhi hamare Spectators'ab bore ho rahe ho gye...]

Yoo-Jung ki baat sun kar Aarav unke upar udd rahi choti choti aankhon ko daikhne laga. Kyu ke yahan par carnival ka control nahi tha to andar ka content daikhne ke liye unhe ye aankhen camera ki tarah yahan Use karni par rahi thi.

Aarav (Nod): Subha se tum aur baaki sab palace se baahir the Information collect karne ke liye! Ab tak kya information mili hai?

Aarav ne Yoo-Jung ke haatho se uske kapdon ko pakadte huwe saval kiya. Un sab ko ab Vareth aye huwe 2 din ho chuke the aur 2 dinon se wo Knight's Quarters mein he ruke huwe the.

Unke liye yahan khaane se le kar sone tak sab kuch tha. Lekin unhen palace ke savalon ke jawab dene ke liye he yahan koi nahi tha. Aarav ke kehne par Yoo-Jung aur baaki sab palace ke baahir se khaas information collect karne gye the.

Yoo-Jung: Hum ne yahan ke logo se alag alag baat ki hai aur unse saval kiye hai! Eira ki kahi huwi sab baate sach thi. Ye last survival kingdom hai aur yahan ke logo ke liye priestess sab se zyada respectable aur important person hai...!

Aarav: Hmm ~

Aarav uske kapade le kar aage huwa to Yoo-Jung dusri taraf chehara kar ke khadi ho gayi aur Aarav peeche se kapdon ko pehanane laga.

Yoo-Jung: Yahan ki sab badi problem Demons he hai! Last 2 saal ke andar 3 baar demons ne Kingdom par attack kiya hai aur baar hazaron ya laakhon humans unke attack par marte aye hai.

Aarav: Aur Demons ko sirf Priestess he rok sakti hai to ultimately Priestess ka role yahan sab se important ho ga he...!

Yoo-Jung (Nod): Exactly, Lekin asli dikkat yanhi se to shuru hoti hai! Priestess ki ability ko Use karne ke liye Priestess ko uski permanent energy ko Use karna hota hai. Lekin Priestess ki Age ke saath ab uski energy bhi kam ho rahi hai aur Demons ke attack zyada damage kar rahe hai.

Aarav: Priestess ko aise mein uski next successor ko jaldi chun lena chahiye hai! Lekin uske baad bhi ab tak successor chunna nahi gaya hai... Ya ye keh lo ke successor chunna ja he nahi saka hai?

Aarav uske sab kapade pehan ka seedha khada ho gaya. Yoo-Jung uske paas aa gayi aur uski shirt ke button lagane lagi.

Yoo-Jung (Nod): Yes... Eyes of Petrification ko inherit karne ke liye successor ke andar enough energy honi chahiye hai! Lekin priestess ki lineage mein jab bhi twins hote hai to unka energy level hamesha he low hota hai aur iske kaaran unke liye Eyes of Petrification ko inherit karna possible nahi hota...!

Yoo-Jung ki baat sun kar Aarav ko ab Eira ki kahi huwi sab baato ka matlab samajh aa raha tha. Uski aankhon mein wo mayusi Aarav ne Altar par he mehsoos kar li thi.

Yoo-Jung: Priestess uski life mein sirf ek baar he birth de sakti hai! Har birth ke time par Priestess ki bhi energy low hoti hai to ek aur bacche ki koshish bhi nahi ho sakti thi kyu ke koshish karne par priestess khud bhi petrified ho sakti hai.

Aarav: Lekin kya ye pehli baar hai ke Velar lineage mein twins huwi hai?

Yoo-Jung: Nahi, Velar lineage mein aur bhi twins huwi thi! Lekin unke energy level ke kaaran unke liye bhi Eyes of Petrification inherit karna possible nahi tha... Lekin uska ek samadhan tha.

Aarav (Sigh): Huh... Ek twin ko sacrifice karna?

Yoo-Jung: *Nod*

Aarav ke saval par Yoo-Jung ne nod kar ke javab de diya. Aarav ko ye andaza 2 din pehle he ho chuka tha. Eira ki wo bechani aur successor ke baare mein sab kuch batana Aarav ko hint de chuka tha.

Aarav: Lekin ab tak dono zinda hai?

Yoo-Jung (Nod): Yes... Kyu ke jab priestess se ek twin ko sacrifice karne ke liye kaha gaya to wo kisi ek ko chun he nahi saki! Ek baar nahi baar baar koshish ki gayi lekin priestess khud ko taiyar kar he nahi saki to nirnay liya gaya ke twins ke adult hone par ye nirnay liya jaye gye kisko sacrifice karna hai kis ko next priestess banana hai.

Aarav ke saamne ab puri situation aa gayi thi. Eira aur Priestess ke ye baat na batane ke obvious reasons the. Aarav ne unhen uske liye blame nahi kiya.

Aarav: Lekin shayad yahan ke logo ne already unka mind bana liya hai?

Yoo-Jung: Yes... Eira ki birth Sola se 2 minute ke baad huwi thi! Logo ne energy split hone ke liye Eira ko he blame kiya ke uska janam he kyu hone diya gaya... Most factions yahan par currently Sola ko he support kar rahi hai aur logon ke liye Eira ek manhoos bacche ki tarah ban gayi hai.

Aarav ko ye idea gate guard ke behavior ko daikh kar he ho gaya tha. Lekin sirf guard he nahi unke carriage ko teleporter tak sab gusse ki nazar se he daikh rahe the jaise Eira ke zinda lautne par unhen gussa aa raha ho.

Yoo-Jung: Ab time ho raha hai! Kaise lag rahe ho tum?

Yoo-Jung ne udhar lagi clock ki taraf daikhte huwe kaha. Unhen aj palace bulaya gaya tha twins ke summoning altar ko active karne ki celebration ke liye aur Aarav uske liye he taiyar ho raha tha aur baaki sab bhi lagbhag taiyar he the.

Aarav udhar mirror mein khud ko daikhne laga jo abhi kisi royal family ka he member lag raha tha.

​

Aarav (Sigh): Ab tak quest ku details reveal nahi huwi! Ab shayad hamay yahan ke important logo ke saath zyada time spend karna ho ga. Shayad uske baad he quest ki details reveal ho gi...!

Yoo-Jung (Nod): Probably...! Ab mujhe bhi change karna ho ga party ke liye. Goodbye.

Aarav: [Dungeon Points ke liye to ye opportunity bhi achi hai... Help chahiye hai kya?]

Yoo-Jung: Bye ~

Yoo-Jung ne bye kaha aur Aarav ki baat ko bilkul he ignore karte huwe kamre se nikal gayi. Usko aise jaate daikh Aarav zor se hansne laga.




****
The Priestess’s Palace
Vareth ~ Fourth Stage

“Udhar wo Eira he khadi hai na?”

“Kidhar?... Haan... Usko aise baahir daikhe to kitne varsh he beet gye hai”

“Huh... Abhi bhi kyu he ayi hai? Acche bhale mood ka satyanash kar diya hai”

“Usko to ana he tha! Usne bhi ek altar active jo kar liya hai”

“Mujhe to pura vishwas tha ke ab ki baar ye nahi bache gi! Lekin pata nahi kaise bach kar waapis aa gay-... Sir Aldric idhar he daikh rahe hai”

Palace ke grand hall mein har taraf he roshani he roshani chhayi huwi thi. Ek taraf baithe huwe court musicians ke flute ki madhur dhun udhar ek alag he mahool bana rahi thi aur hall mein khade sab ke sab log nobles ya important log he the.

Lekin un sab ke beech mein kuch nobles ne jab ek corner mein khadi huwi Eira ko daikha to unhone ek dusre se uske baare mein baat karni shuru kar di. Unki baato mein Eira ke liye unka krodh saaf dikhayi de raha tha.

​

Eira ko unki sab baate sunayi de rahi thi. Lekin ye sab wo pehli baar nahi sun rahi thi. Uske liye to ab ye normal baate ho gayi thi. Lekin uske saath mein khada huwa Aldric un baato ko aise he ignore nahi kar raha tha aur sab ki taraf ghoorte huwe daikh raha tha.

Eira: Sir Aldric, Ap ko ye sab karne ki zaroorat nahi hai! Yahan nahi to kanhi aur wo ye baate dobara se karne he wali hai to aise main ap kyu unki hate list mein add hona chah rahe ho?

Aldric: Unki hate list mein to shayad main shuruaat se he add ho gaya tha! Ab to main top par aa kar ap ko second number par laana chah raha hu.

Eira: *Giggle*

Aldric ki baat sun kar Eira hansne lagi aur ye daikh kar udhar baaki sab ki jalne lagi. Lekin Eira ko unki bilkul bhi chinta nahi thi.

Eira: Umm, Ab tak main dobara mere summoned humans se nahi mili! Mujhe laga tha ke wo Maa se milne ke baad aa jaye gye. Lekin ab tak unki kisi bhi tarah ki khabar tak nahi di gayi mujhe?

Aldric: Uske liye maafi chahunga! Lekin ab tak ap ke summoned humans ko priestess observe kar rahi hai... Unhone ne aj ki raat tak unhe palace ya palace ke kisi bhi insaan se milne se roka gaya tha aur unhe knight's quarters mein rehne ke liye kaha gaya tha.

Eira: They haven’t come out?

Aldric: Unhe udhar kaid nahi kiya gaya! Corpse aur uski team cities mein tour karte huwe information gather kar rahi hai palace ke baare mein par unhe daikh kar lagta nahi hai ke wo ye sab chupke se karne ki koshish bhi kar rahe hai.

Ye baat to Eira ko bhi pata lag gayi thi ke Aarav ya uski team darne walo mein se nahi thi. Lekin uske baad bhi Eira ke chehre par ek udaasi chayi huwi thi.

*Click*

*Thump*

Eira aur Aldric ki baat chal he rahi thi ke hall ka wo bada darwaza khula aur Aarav uski team ke saath hall ke andar aa gaya. Outsiders ko udhar daikhte he sab ke nazre unki taraf aa gayi. Unke liye ye bilkul he naye chehre the aur unko daikh kar lag nahi raha tha ke unhe naye chehre daikh kar khushi ho rahi thi.

​

Yoo-Jung ne hall mein enter karte he hall ko uski aankhon se scan karna shuru kar diya tha. Lekin wanhi baaki sab unki taraf itni zyada attention aur aankhon ko mehsoos kar ke nervous ho rahe the.

Kunle (Sigh): Huh, People here really know how to make guests feel welcome...!

Kunle ne ek baar udhar khade huwe sab logo ki taraf daikhte huwe kaha aur confidence ke saath khade hone ki koshish karne laga.

Aarav: Lagta hai entry kuch zyada he casual ho gayi *Smug* Logo ne halke mein he lena shuru kar diya?

[Alpha Presence Activated]

​

“Huh?”

“What the fu—?”

“Ye kya ho raha hai?”

Aarav ke Alpha presence ko active karte he udhar khade har vyakti ka shareer kaanp gaya. Aarav ne unhe harm na karne ke liye presence ko control mein rakha tha. Lekin Aarav ke level par utni si presence bhi udhar khade logo ko Aarav se na ulajhne ke liye dhamkane ko kaafi thi.

Unki taraf uthi huwi nazre khud se he neeche jhuk gayi aur sab unki taraf chehra karne se bhi khud ko rok rahe the. Aarav ne uski team ki taraf daikha aur unhe apne saath le kar seedhe Eira ki taraf chal diya.

Aarav (Bow): Good Evening, Lady Eira...!

Aarav ne khud aage badh kar Eira ko sab se pehle respectfully greet kiya to ye daikh kar udhar sab ke hosh udd gye. Unki nazron ko jhuka dene wala vyakti Eira ko respectfully greet kar raha tha.

Eira (Hesitating): G-Good Evening, Main tum sab ka he intezar kar rahi thi! Umeed karti hu ke hamari taraf se kisi tarah ki shikayat ka mauka nahi diya ho ga hum ne?

Aarav (Nod): Bilkul bhi nahi...!

Aldric (Smile): Mujhe shuruaat mein ye laga nahi tha! Lekin mujhe tum dheere dheere pasand ane lage ho.

Aarav ko Aldric ki baat ka matlab samajh aa gaya tha. Aldric ko bhi samajh aa rahi thi ke Aarav kya karna chah raha hai. Aarav ne usku presence se sab se pehle sab ko uski power ka ek trailer dikhaya aur uske baad Eira ko greet kiya.

Ye karne se Aarav ke saath sab Noble Eira ke liye bhi ab kuch galat nahi keh sakte the.

“Lady Sola...!”

Ek awaaz ke saath he sab ki attention unse hat kar upar sidhiyon par khadi huwi Eira ki twin sister Sola par chale gayi. Ek red dress mein sar par crown ke saath Sola sidhiyon se neeche utarne lagi aur sab guests ke andar ek josh janam lene laga.

​

Kunle (Sigh): [Wohi Isekai anime ka plot! Ek caring sister aur dusri bitch sister?]

Yoo-Jung: [Never judge a book by its cover]

Sola ke udhar ate he sab nobles uske aas-paas he makkhiyon ki tarah mandrane lage.

“Lady Sola, Summoning Altar se ap ne kya summon kiya hai?”

“Haan, Hum kab se ye daikhna chah rahe the”

Un sab ki ek he request thi. Lekin sirf wo he nahi yahan Aarav aur uski team bhi ye daikhna chahti thi ke usko kya mila hai. Summoning Altar se sirf human he summon nahi hote the balki aur bhi tarah ke artifact aur Abilities bhi summon hoti thi.

Sola: Aisa kuch khaas to summon nahi kiya! Ek normal si healing ability mili hai.

“Healing Ability... Ye he to ek pure Priestess ki ability ho sakti hai...!”

Aarav: Hain?

Udhar sab nobles Aarav ko simp lag rahe the. Unhe Sola ki har harkat mein he pure priestess dikhayi de rahi thi. Unhe daikh kar Aarav ko second-hand embarrassment feel ho rahi thi.

*Slash*

“Lady Sola, Ap ab ability dikha sakti hai”

Kunle: What the fuck?

Sola ke aage he khade ek vyakti ne uske haath mein cut laga diya aur khoon behne laga. Ye daikh kar Sola bhi ghabra gayi aur uski ability ko Use karne lagi.

“Wow”

Sola ne uske haath ek saath jode aur uske haatho ke beech se energy nikalte huwe ek blue phoenix ka roop lene lagi aur daikhte he daikhte wo ek complete phoenix ban gaya aur udte huwe ghayal noble ke paas chala gaya aur uske haath ke upar udne laga.

​

Noble ka haath heal hone laga aur ye daikh kar udhar sab khush ho gye.

*Applause*

Tinkerbell: [Huh... Ye to normal healing thi na? Ye to main bhi kar sakti hu]

Aarav (Sarcastically): [Lekin tum lady sola nahi ho na]

Un sab nobles ne Eira se pucha tak nahi ke usne kya summon kiya hai? Lekin ye unke liye achha he tha kyu ke unke puchne ke baad Aarav agar unhe dikhane par ata ke Eira ne kya summon kiya hai to wo ye bardasht nahi kar sakne wale the.

“Lady Priestess aa gayi...!”

Un sab ke baad Lady Priestess bhi udhar aa gayi aur sab log uske paas chale gye. Aarav ne Eira ko daikhna chaha to usko uske peeche Eira dikhayi he nahi di. Aarav ne Aldric ki taraf daikha to usne Aarav ko daikh balcony ki taraf ishara kar diya.

Aarav (Nod): Thank You...!

Aarav ka bhi udhar kuch kaam nahi tha. Usko Eira ke paas reh kar kisi tarah quest ki details pata karni thi to wo udhar se akele balcony ki taraf chala gaya.

“Andar tumhare liye party ho rahi hai aur tum yahan akele khadi ho!?”

Aarav ko balcony mein ate he uske saamne he Eira khadi huwi dikh gayi. Eira udhar khadi kingdom ka raat ka khubsurat drishya daikh rahi thi. Lekin uski muskurahat ke peeche chhupi udaasi ko Aarav kab se mehsoos kar raha tha.

Eira: Ye sab mere liye kanha ho raha hai?... Ye to ap ko mehsoos ho gaya main andar nahi hu. Aur kisi ko to shayad pata bhi nahi ho ga... Ye log ye khushiyan kabhi mere liye thi he nahi.

Aarav: Jealous ho rahi ho kya?

Aarav ne balcony mein he Eira ke paas khade hote huwe kaha to uska saval sun kar Eira muskurane lagi.

Eira (Smile): Jealousy nahi ho rahi kahu gi to ye ek jhoot ho ga! Lekin ab mujhe un logo ki attention se farak padta he nahi hai. Unki ye khushiyan ek dhong se zyada kuch bhi nahi hai. Sola agar unki priestess na ban saki to unhone usko he kal ko bura bhala kehna shuru kar dena hai.

Aarav: Lekin kya Sola unki priestess bane gi?

“Eira ko sacrifice karne ki keemat par to bilkul bhi nahi...!”

Aarav ne abhi saval kiya he tha ke uske peeche se usko ek awaaz sunayi di. Aarav ne sar ghoomate huwe peeche daikha to uske peeche Sola khadi huwi thi.

Ek pal ka bhi samay barbad kiye bina Sola aa kar Eira ke gale lag gayi. Eira ne bhi usko hug kar liya aur un dono ke chehre par ek mayusi si chha gayi.

Sola: I'm sorry... Main ne bohat koshish ki par altar se mujhe aisa kuch bhi nahi mila jo hamara fate badal sake... I'm sorry...!

Aarav ko Eira ka to pata he tha ke wo summoning altar se unki kismat badalne ke liye kuch lena chah rahi thi. Lekin Sola bhi ye he karne ki koshish kar rahi thi usko ye nahi pata tha.

Tinkerbell: [Ye sach bol rahi hai...!]

Tinkerbell ne Sola ki baat ki pushti kar di ke uske shabd aur emotions dono he sache hai. Aarav bhi uski heartbeat ko dhayan se sun raha tha aur usko bhi santushti ho gayi thi.

Aarav (Chuckle): [Ye gayi Kunle tumhari good sister aur bitch sister wali anime theory kachre ke dher ke andar...!]

Kunle: [What?]

Kunle ko andar baithe samajh he nahi aayi ke Aarav kya keh raha hai?

Aarav (Grin): [Ye tum khud baad mein daikh lena]

Eira (Sigh): Isiliye tum 3 dinon se kamre se baahir nahi aa rahi thi?

Sola: *Nod*

Eira: Ssss... Logo ko main kaise kahu ke tum meri badi behan ho? Ab tak tumhari bacchon wali harkate to band huwi nahi hai... Altar se to mujhe bhi kuch useful nahi mila to ab kya main bhi khud ko band kar leti?

Aarav: *Cough* *Cough*

Eira ne Sola ko dantate huwe kaha to udhar khada Aarav khanste huwe uske udhar hone ka ishara dene laga. Eira ko usko ehsaas huwa to wo sar pakad kar khadi ho gayi. Kyu ke uska summon Aarav he tha aur wo usko useless keh rahi thi.

Eira (Flustered): Sorry, Sorry, Sorry... Meri baat ka wo matlab nahi tha jo ap samajh rahe ho! Main keh rahi thi ke ap mere kisi kaam ke nah... Nahi nahi, Ye main kya bol rahi hu? Ap mujhe galat na samjhe ap ko explai-

Aarav (Sigh): Nevermind... Future mein tumhe khud ehsaas ho jaye ga ke main kitna useful hu aur kitna useless hu...!

Sola: Umm *Laugh* Hahahahaha ~

Aarav ki baat sun kar Eira ko embarrassment hone lagi uski kahi baat par. Lekin ye sab kuch daikh kar Sola hansna shuru ho gayi. Usko aise hanste daikh kar Eira ki bhi embarrassment kuch kam ho gayi aur wo bhi muskurane lagi.

Sola (Breathing): Fuuuu ~ Hahaha Fuuuu ~ Haan to tum ho meri behan ke summoned human? Main ne upar se daikha jo tum ne andar sab ke saath kiya...!

Aarav: Main ne kya kiya?

Sola: Ab zyada ban'nne ki zaroorat nahi hai! Main ne acche se daikha tumhari aankhe blue color ki ho gayi thi aur shine kar rahi thi aur tumhare paas ka to pura Aura he badal gaya tha... Sach kahu to mujhe wo daikh kar bohat khushi huwi...!

Aarav (Smile): My pleasure... Lekin tum bhi jaise dikhayi deti ho waisi ho nahi! Andar tumhe daikh kar laga tha ke tum thodi akdu hone wali ho

Eira (Smile): Sola jaise ap soch rahe ho waisi nahi hai! Sola ko sab ke saamne aise behave karna padta hai unko chhup rakhne ke liye. Sola ye sab na kare to king aur sab nobles Maa ko nirnay lene ke liye force karna shuru kar de gye.

Eira ki baat bilkul sahi thi. Aarav ne andar noble ke mindset ka namuna daikh liya tha. Un sab ko aise handle karna Sola ke liye bhi easy nahi tha.

“Lady Sola? Lady Sola?”

Unki baat aage badh sakti ke usse pehle he andar sab ne Sola ko dhoondna shuru kar diya.

Sola (Annoyed): Ughhh, Ye 5 minute ke liye bhi kisi ko akele nahi chhod sakte kya? *Sigh*

Sola abhi aur unse baat karna chahati thi. Lekin ab usko andar bhi sab ko sambhalna tha to wo paun maarte huwe andar jaane lagi.

Sola: Aur haan... Mujhse itni casually kisi aur ke saamne baat na kar lena! Logo ne tumhe unka dushman bana lena hai.

Aarav (Nonchalant): Ab ye to unki buri kismat ho gi main kya kar sakta hu?

Sola (Smile): Sir Rodrick sahi keh rahe the! Bilkul pagal ho tum...!

Aarav (Nod): Yes...!

Sola (Chuckle): Bye ~

Ye keh kar Sola udhar se andar hall mein chali gayi aur ab udhar Eira aur Aarav he akele khade huwe the.

Eira: Sola ki baato mind mat karna! Wo aisi he hai.

Aarav: I know... Aisa ek piece meri duniya mein bhi hai mere paas!

Eira (Smile): Good!

Aarav: Waise tumhari combat skills bhi buri nahi hai! Sir Aldric ya Sir Rodrick ne training di hai kya?

Eira ke chehre per aayi huwi muskurahat ek pal ke andar gayab ho gayi. Uske chehre par dobara ek baar udaasi chha gayi.

Eira: Aise to Sir Aldric, Sira Rodrick, Maa aur Sola he the jo mujhse baat karte hai! *Sigh* Lekin ek aur shakhs tha. Jo mujhe logo ki bheed mein se bhi bacha kar le ata tha... Sir Roman!

Aarav: Roman?

Eira kehte huwe uski gehri soch mein doob gayi aur khamosh ho gayi. Aarav ne 2 din mein ye naam ab tak nahi suna tha. Lekin Eira ke expressions se lag raha tha ke ye vyakti uske bohat kareeb tha.

Eira: Ye baat aj se 13 saal pehle ki hai! Jab main aur Sola hum dono sab se chupke palace baahir chale gayi thi... Hum to sirf ghoomne ke liye gye the par Sola udhar gir kar ghayal ho gayi thi. Ye jab logo ne daikha t-

Aarav aage imagine kar sakta tha. Yahan ke log Sola se obsesed the. Ab aise mein usko kharonch bhi aa jaye aur wo bhi Eira ki presence mein to sab ke liye Eira he galat honi thi aur wo usko saza dene ke liye kuch bhi kar sakte the.

Eira: Hazaron shayad lakhon log mere paas jhund sa bana kar khade the! Ek bachi ko uske janam lene par bhi kaus rahe the aur marne ke liye keh rahe the... Aur shayad main mar bhi jati, Agar uss din mujhe Sir Roman ne bachaya nahi hota...!

​

Eira ke chehre par ek dard bhari muskan aa gayi.

Eira: Logo ke liye chahe koi bhi hero ho! Lekin main ne tab pehli baar apna hero daikha tha... Ek raid se waapis aa rahe the wo platoon leader Sir Roman Dimitri... Logo ke bheed ko cheedte huwe wo udhar aa gye aur mujhe rescue kar diya.

​

Aarav: Hmm ~

Eira: Lekin ye ek baar he nahi tha! Sir Roman ne har baar mujhe rescue kiya aur har mushkil samay mein mere aage ek dhaal ban kar khade rahe.

Aarav: Hmm ~

Eira: Unko daikh kar he main ne bhi ek hunter aur knight ban'nne ka socha tha! Jab main ne bohat zyada zid ki to unhone mujhe basic training di aur main ne jab Ice Qi ko achieve kiya to unh-

*GRRAAAK!*

*thmp*

[Flash Steps]

*Woooosh*

Eira abhi uski baat kar he rahi thi ke Aarav ne uski kamar mein haath daal liya aur usko mazbooti se pakad kar flash steps se balcony ke dusri taraf le gaya.

*GRRAAAK!*

*Ka-booooom*

Aarav ke Eira ke saath side par hote he ek bada sa bird udhar aa gaya aur udhar balcony se ja laga aur peeche ho gaya. Ye daikh kar Eira bhi chaunk gayi.

Eira: Kagasura? Lekin ye yanha kaise?

​

Tinkerbell: [Master, Ye ek demon bird hai]

Aarav: *Nod*

Aarav ke saamne udd raha wo bird ek demonic bird tha. Aarav uske jeevan mein pehli baar ek moving Demon ko daikh raha tha. Lekin uski dark energy tab bhi Aarav ko bohat familiar lag rahi thi.

“Eira”

*Ka-booooom*

Aarav abhi Kagasura ko kuch kar sakta usse pehle he uska shareer patthar ka ban'nna shuru ho gaya aur wo neeche gir gaya. Aarav ko bhi pata lag gaya tha ke udhar kon aya hai. Usne peeche daikha to uske peeche sach mein Priestess khadi huwi uski blindfold dobara pehan rahi thi.

Eira: Maa!

Eira udhar se bhaagte huwe Priestess ke paas chale gayi. Priestess usko pakad kar uske shareer ko check karne lagi ke kanhi wo ghayal to nahi huwi na.

Eira: Maa, Main bilkul theek hu! Corpse ne samay par mujhe pakad kar Kagasura ka attack dodge kar liya tha.

Priestess (Relief): Haah... Corpse, Main tumhari abhari rahungi! Lekin abhi hamare paas tumhe properly reward dene ka samay nahi hai to tumhe intezar karna ho ga.

Aarav (Nonchalant): Sure!

Aarav ko to unki taraf se reward ki umeed bhi nahi thi. Lekin usko mil raha tha to usne refuse bhi nahi kiya. Aarav ki team aur Aldric bhi utne mein udhar aa gye.

Rodrick: Lady Priestess, South City se abhi report ayi hai! Demons ki ek badi army South City ki taraf aa rahi hai.

Priestess (Nod): South city ke portal ko activate kar do! Main abhi udhar ja rahi hu. Sab hunters ko bhi Demon Army ke baare mein bata do aur wo kitna time buy kar sake unhe karne ke liye keh do.

Priestess ne uske orders de diye aur holy guards ke saath portal ki taraf chal di. Lekin Aarav abhi bhi peeche khada baahir kuch daikh he raha tha.

Kunle: Corpse, Hum kya karne wale hai?

Aarav: Yoo-Jung aur main hum dono kanhi ja rahe hai! Baaki sab Priestess ke saath jaye aur Priestess ko assist kare.

Rodrick: I'm sorry... Lekin hum hamare guests ko khatre mein nahi daal sakte! Hamare liye hamare guests ko protect karna priority hai.

Aarav udhar se nikalne laga to Rodrick beech mein aa gaya aur usne usko rok diya. Aarav aage hota ke usse pehle he Yoo-Jung khud aa gayi.

Yoo-Jung: Lekin ap ko kta sach mein lagta hai ke hamay protection ki zaroorat hai? Rodrick. Hum yahan protection ke liye nahi protect karne ke liye aye hai...!

Yoo-Jung ne Rodrick ki aankhon mein daikhte huwe kaha. Yoo-Jung ne kisi tarah ki ability ko activate nahi kiya tha. Lekin phir bhi Yoo-Jung ki wo nazar he Rodrick ko warn karne ke liye kaafi thi.

Rodrick ke saamne garden mein Yoo-Jung ke uski sword ko unsheath hone se rokne ke drishya chalne lage. Rodrick khud he unke raaste se hat gaya aur usne unhe jaane diya.

Ye daikh kar udhar khade sab nobles bhi hairan reh gaye. Unhe bhi pata tha ke Rodrick ko uski priestess ke personal knight ki position aise he nahi mili thi.

Lekin agar wo bhi Yoo-Jung ke kehne par raaste se hat raha tha to King khud bhi unke raaste mein ane ki koshish tak nahi kar sakta tha.

Eira: Corpse, Main bhi aa sakti hu kya?

Eira ne Aarav ko rokte huwe kaha. Uska saval sun kar udhar sab hairan ho gye. Nobles uski baat se khush nahi the. Lekin Aarav ke saamne unmein se koi kuch bhi nahi bol raha tha.

Aarav: Then you have to pull your own weight! Agar tum keep up kar sakti ho to, Sure...!

Eira (Nod): I will...!

Aarav: Then Fine...!

Aarav ne usko saath ane ki permission di to wo bhi unke saath jaane lagi. Aldric usko akele nahi jaane de sakta tha to wo bhi unke saath he chal diya.



****
South City
Vareth ~ Fourth Stage

“Hold the line!” South city walls ki taraf aa rahe sab demons ke saamne ek knight commander khada huwa sab ko ladne ke josh dila raha tha “We cannot let them breach the city!”

*Slash*

Unchi awaaz mein chillate huwe usne sab se kaha aur saamne se aa rahe Demons ko usne kaatna shuru kar diya. Lekin uska kaata ek pal ke andar dobara regenerate hone laga.

Lekin uska vaar bekar hote daikh bhi wo ruka nahi aur usne dobara usko kaat diya. Uske jaise he baaki sab ke kaate huwe demons bhi khud se he regenerate hone lage aur wo tab bhi lage rahe unke kaatne, jalane unka pura shareer tabah kar dene ke baad bhi wo jaise havaon se waapis aa rahe the.

Lekin uske baad bhi wo hunters ruk nahi rahe the aur lagatar lad rahe the. Swords ki chhankar teero ki barsat aur mages ke mantron ki awaaze lagatar aa rahi thi aur koi bhi haar nahi maan raha tha.

“S-Sir... Aur bhi high ranked demons aa rahe hai”

Ek hunter ne Knight ko zor se chillate huwe bata diya. Knight ne saamne daikha to unke saamne se aur bhi high ranked Demons aa rahe the. Ab tak ke Demons ke paas mostly sirf regenerative prowess he thi aur wo lad nahi sakte the.

Lekin ab saamne se aa rahe Demons lad bhi sakte the aur bohat strong bhi the. Unse ladna hunters ke liye seedhi maut thi. Lekin wo phir bhi peeche nahi hat rahe the. Unke mann mein ek he baat thi ke unhe city ko defend karna hai.

“L-Lady Priestess”

Ek hunter ne kaanpti huwi awaaz mein lekin unchi awaaz mein kaha to sab ka dhayan unke peeche ki taraf chala gaya. Unhe city walls ke upar he unki last hope Priestess khadi dikh gayi.

“Get the men ready! Hold the line!”

Knight captain ne sab se ek saath kaha aur un sab ne unke aage aa rahe Demons ko kaatna shuru kar diya. Unhone lagbhag unke aage ke sab low ranked demons ko kaat diya aur sab ek saath city ki taraf bhaagne lage.

Unke ye karne se Demons ki city ki taraf ane ki gati kam kar di aur Priestess ke liye time buy kar liya.

Priestess (Breath): Fuuuu ~ Sir Rodrick...!

Priestess ne Rodrick se kaha to wo uske peeche aa gaya aur usko back se cover karne laga. Priestess ne aage khadi ho kar uski mithril blindfold ko pakad liya aur upar utha kar utaar di aur Priestess uski aankhen kholne lagi.

​

Priestess ki aankhe kholte he uski aankho ke andar se energy kisi lehar ki tarah bahar behne lagi aur udhar sab hunters ye drishya baar baar daikhne ke baad bhi thar thar kanpane lage.

Priestess ne uske saamne Demons ki taraf daikha to bhaag kar aa rahe Demons ki gati khud he kam se kam hone lagi. Unke shareer sukhe pedon ki tarah udhar he khade hone lage.

*Crack*

Sab se pehle ek demon patthar ki murti ban gaya aur uske baad dusra aur phir teesra aur daikhte he daikhte udhar Demon ki puri Army he patthar ki murtiya ban'nna shuru ho gayi.

Udhar city walls par khade hunters bilkul khamoshi se bina ek bhi shabd kahe sab he sab kuch daikh rahe the. Last demon bhi petrified hote he hunters ki ek khushi bhari awaaz udhar goonjana shuru ho gayi.

“YEAH!!!”

“PRIESTESS NE HAMAY BACHA LIYA”

*Thud*

*Gasping*

Janha sab he khushi se chilla rahe the wanhi par priestess uski mithril blindfold dobara se pehan kar udhar khadi gehri saanse lene lagi. Lekin sab ko Priestess uski weakness nahi dikha sakti thi to wo Rodrick ke peeche chhup kar khud ko sambhal rahi thi.

​

Ye ability kaam ki to bohat thi. Lekin har Use par uska bohat Mana aur life force bhi Use hoti thi to ye spam ki tarah Use nahi kar sakte the. Priestess ye kisi ko bata bhi nahi sakti thi warna successor ko aur bhi jaldi chunane ko Priestess ko sab ne he force karna tha aur Priestess ko karna he padna tha.

Rodrick (Stunned): Huh?

Priestess: Sir Rodrick... Kya huwa?

Rodrick ki chaunkane wali awaaz sun kar Priestess bhi alert ho gayi. Rodrick uske kaan par lage huwe artifact se sab cities se contact mein tha.

Rodrick: N-North City... Ek aur demon army north city ki taraf badh rahi hai...!

Priestess: What? Hamay ab nort- Aghhhh ~

Priestess aage badhne lagi to ability use karne ke kaaran uski weak body ne udhar he kaanpna shuru kar diya. Rodrick usko support dene laga aur khadi rehne mein madad karne laga.

Rodrick: Lady Priestess... Ap ki halat abhi north city ko defend karne wali nahi hai...!

Priestess (Frustrated): Lekin agar main he kuch nahi karungi to mere Priestess hone ka kya faiyda?

Priestess ne chidhte huwe kaha. Lekin Rodrick to uske upar dhayan he nahi de raha tha. Uske artifact mein ek aur report usko north city ki taraf se aa gayi thi.

Priestess: Rodrick...?

Rodrick: N-North City... North city par Lady Eira aur Corpse aur uski Luna already pohanch gayi hai...!

Priestess: Hein?


****
North City
Vareth ~ Fourth Stage

*Gggg*

*Scream*

Ek demon bhaagte huwe aya aur uske saamne he ek hunter ko pakad kar udhar he gir gaya aur usko cheedne faadne laga. Uski cheekhe udhar baaki sab hunters ke dil ki dhadkanon ko badhane lagi.

“Hold the line!”

North city ke knight commander ne uske paas ke sab hunters se kaha aur khud bhi Demons se ladne laga. Lekin usko bhi pata tha ke Priestess ke ane tak aur bhi hazaron hunters aur shayad uski bhi death hone wali thi.

Knight: Lady Priestess aye ya na aye! Lekin hum haar nahi maane gye... Hamay sab ko protect karna ho ga. Uske badle chahe hamay pran he kyu na tyagane par jaye.

*Woooosh*

Knight ne uski sword ko dobara uthaya aur ek baar dobara Demons se ladne ki taiyar ho gaya. Lekin ab wo bhi uski limits par tha.

*Twing*

*Swooosh*

*Shunk!*

Knight ladne ke liye aage badhne he laga tha ke uske peeche se ek arrow aya uske saamne ke demon ka sar phaadte huwe nikal gaya. Arrow ki destructive power daikh kar Knight ki bhi rooh kaanp gayi.

Knight ne ghoomte huwe peeche daikha to uske peeche he Aarav aur Eira khade the aur unke saath he Yoo-Jung uske bow ko uthaye khadi huwi thi aur next 3 arrows already load kar liye the.

Yoo-Jung: Fuuuu ~ Finally, Dobara se mere main weapon ko Use kar ke acha feel ho raha hai *Nod*

Yoo-Jung ne muskurate huwe kaha. Uske liye ye ek long period tha sword se fight karte huwe. Lekin ab dobara Bow&Arrow Use kar ke usko dobara maza aa raha tha.

Aldric: Wait, Sword tumhari Main weapon nahi thi kya?

Yoo-Jung: Nope ~

Ye sun kar Aldric ko ab bura lag raha tha. Usne uski puri life he sword training ki thi. Lekin Yoo-Jung ki speciality sword thi bhi nahi aur wo almost usse haar raha tha.

Aldric (Sigh): Huh... Lady Priestess ke ane tak ab hamay Demons ko rokna chahiye hai! Ab shuru karte hai.

Aarav: Wait...!

Aldric uski sword uthate huwe aage badhne laga to Aarav ne usko rok diya. Ye daikh kar Aldric bhi hairan huwa ke Aarav usko kyu rok raha hai. Lekin ye bhi sach tha ke Demons ko sab se pehle Sense kar ke unhe yahan laane wala bhi Aarav he tha.

Aldric ko itna to vishwas tha ke Aarav unke bure ke liye usko nahi rok raha tha. Lekin phir bhi uske mann mein bohat se saval the ke Aarav kaise demons ko sense kar raha tha aur wo kya chah raha tha?

Aarav: Don't worry... Main sirf mera ek doubt he dur karna chah raha hu! Ye saval mujhe bhi bohat samay se sata raha hai.

[Inventory]

[Equipped (S) The Demon Slayer Sword]

Aarav ne aage badhte huwe uski inventory ko khol liya aur uske andar se uski Demon Slayer sword ko baahir nikal liya.

​

[Flash Steps]

*Slash*

Ek moment ke andar he Aarav flash steps se uski instant movement ka Use kar ke aage badh gaya aur uske saamne aa rahe Demon ko beech se kaat kar aage nikal gaya. Uske peeche ka Demon 2 tukaron mein cut kar gir gaya.

​

Aldric: Huh? Ye aur bhi fast move kar sakta hai?

Aarav ne ek low ranked demon ko he kaata tha to uske kaatne se zyada uski speed Aldric ko zyada impresive lagi thi. Lekin uski speed zyada samay ke liye Aldric ke liye utni important nahi rahi jab usne 2 tukaron mein kaate huwe Demon ki taraf daikha.

Uske saamne Aarav ka kaata gaya Demon ab tak regenerate nahi ho raha tha. Uska shareer neeche gir gaya tha aur ab hil bhi nahi raha tha. Aldric ne uski life mein pehli baar ek demon ko marte huwe daikha tha.

Uske liye he nahi udhar sab muh khole Aarav ko he daikh rahe the. Aarav ne unke saamne kuch bilkul he unbelievable kar ke dikha diya tha. Unhe unki aankhon par vishwas nahi ho raha tha.

Aldric (Stunned): Y-Ye kaise ho sakta hai?

Eira (Stunned): Unbelievable...!

*Thump*

“Lady Priestess?”

Unke peeche Priestess aur Rodrick bhi udhar aa gye the aur unhone bhi Aarav ke kaam ko daikh liya tha. Lekin unki nazar mein demon ke marne se zyada hairani Aarav ki sword ko daikh kar tha.

Rodrick (Stunned): That sword…
Priestess (Nod): Yes, It’s the Hero’s sword… the Demon Slayer…!
.
.
.
.
.
.
.
.
[Aj ke liye itna he. Ye update 6.5K words ka tha aur main ne thodi speed badhayi hai plot ki aur ye update important hai to sab ye update dhayan se padhna target hamara ab bhi wohi hai 130 Likes ke liye. Ab milte hai agle update par aur tab tak ke liye, Sayonara!!!]

Super bro
तलवार उसे प्राइजन मे मिली थी क्या

 

[Gaurav1969]

Aarav uske sab kapade pehan ka seedha khada ho gaya. Yoo-Jung uske paas aa gayi aur uski shirt ke button lagane lagi.

Yoo-Jung (Nod): Probably...! Ab mujhe bhi change karna ho ga party ke liye. Goodbye.

Aarav: [Dungeon Points ke liye to ye opportunity bhi achi hai... Help chahiye hai kya?]

Yoo-Jung: Bye ~

These moments between Yoo-Jung and Aarav are so captivating. I wonder when Yoo-Jung's sister words will came true. IYKYK. I will be waiting for that .
by the way wahan pe sukha pad gya hai kya Salty~Otaku Extras kab de rahe ho

Tinkerbell: [Huh... Ye to normal healing thi na? Ye to main bhi kar sakti hu]

Aarav (Sarcastically): [Lekin tum lady sola nahi ho na]

At first sight i too feel like kunle , but as Yoo-Jung said Sola too is like a sweet sibling to Eira. Infact she is a kid infront of her.
Vareth ke Nobles are like Nobles of 1700s just licking asses of seniours and their hopes. I can't imagine how they were about to kill a kid for their filthy lives .But as someone had said people praises you when you are for them. Wese Aarav ke paas to Soul core hai to kya wo in twins ki bhi help karega is ability ko devour karne mein ,tab kisko milegi ye petrifiaction skill probably Eira.

Aarav: I know... Aisa ek piece meri duniya mein bhi hai mere paas!

Whom he was talking about Tanu or Aakansha? Eira ke sath ka convo bahut relatable tha.

Eira: Kagasura? Lekin ye yanha kaise?

System se sidha pauranik katha .i heard kaagasura long ago while watching Krishna cartoon series. Wese ye mixup achha laga .

Priestess (Nod): Yes, It’s the Hero’s sword… the Demon Slayer…!

And here he comes, the sword Aarav has earned while passing through prison has its own value and aura. The Hero's sword.
after this fight Aarav might be the point of attention . Wese ye quest ka abhi tak kuch clear nahi hua hai ,abhi tak Aarav and team andhere raaste pe chal rahi hai ek roshni ki kiran ke talash mein pata nahi kyon in COD walo ne ek candle tak nahi diya .
Update was too good bro as always .
Kuch flaws hai ek baar re edit karna mat bhoolna .
Dusra ki kuch anime photos childish view dete hai jaise aarav ki first image jab wo ready hua ,ye mera pov hai so keep avoiding that , Sound effects too are somewhere confusing like shower sound *Hiss* .
else every bit was top notch on its own.
Waiting for next update

 

[supersonic12345]

ultimate update.... yoo jung n aarav ki chemistry... love that part .... on the name of dungeon points ... lok

 

[111ramjain]

Nice update bro