Sabh log jo writers ke peeche pad jate ho updates ke liye aur Jo ulte seedhe comments likhna chalu Kar dete ho....aap ko baat achi lage ya buri lekin such to yehi hai ke writers aur unke family ki rozi roti in forums pe story likhne se nahin chalti hai.
Unki ek family aur kuch personal life bhi hoti hai aur uske liye une job/business bhi karna padta hai Jo ki unki priority hoti hai.
Spare time woh kuch time nikalke hamare liye story likhte hain aur updates dete hain. Agar kabhi woh apni personal aur professional life me jyada busy ho jate hain aur updates dene me jyada samay lag jata hai to kuch readers ulte seedhe comments likhne lagjate hain. Isme writer Ka kuch nahin jata hai. Agar unko narazgi ho gai to kya Hoga? Woh shayad story aadhe me chod denge. Unki kya padi hai ungrateful readers ke liye apne personal aur professional life me se time spare karne ki?
Thoda writers ke taraf se bhi Socho aur unko encourage karo. Khali demand Karna aur ulti seedhi baaten karne se kuch Nahin hota....Woh tumare naukar Nahin Hain. Ye baat apne dimag me gusa do aur hamesha Yaad Rakho.
Agar meri baaten buri lag gayi Hain to koi baat nahin. Lekin aise logon ke vajah se Kam se Kam 50-60 percent original writers (Jo apna content likhte hain in forums pe) Woh frustration me yahan likhna chod dete hain. To un logon ki stupid comments ko just ignore Karna hi sahi hai. Ya just report Kar dena chahiye. Aur ek baat Yaad Rakho....about 80 percent log jo in forums par stories post karte hain woh just dusron ki stories dusre forums se copy paste karte hain. Usme koi creativity ya dimag Ka istamal Nahin hota hai, just mouse ko click Karna padta hai. Original stories likhne ke liye apna dimag istamal Karna padta hai jiske liye unka mind tension free hona chahiye Jo ke faltu comments se nahin ho sakte hain.