Update-524( Plans!)
524
Ab master turant he sogaye they wahaan pathar par he main bhi ab thakk raha tha so main rounds rukk-2 k he laga raha tha uppar se bhenchod niche jaanwar, birds and insects ki sound bahot jyaada thi jo bhayanak irritate kar rahi thi mujhe . Ab finally kareeb 5 hours ki nind k baad master ek baar uthe then karwat badal k fir soney waale they ki unhe yaad aaya woh kahaan hain tab woh uthke baithe and mujhe dekha..
EMO-Everything alright??
Main-Yeah..
Emo-Aajaao.. I'll take your place.. Kaafi derr so liya main..
Main-Thanks.. Sab sahi hai kuch ghantey pehle maine apne piche kaafi durr kuch ajeeb se awaajein suni thi jaanwaron ki nahi thi i think wohlog wahaan rukkein hain or agar main sahi hun toh humse bahot durr hain wohlog..
Emo-Ok.. Dont worry aaraam se sojaao..
And finally main niche leta ab niche pathar par mujhe nahi laga tha main so paaunga lekin bhenchod mujhe literally 2 minutes baad he nind aagayi thi, Bhalle he jagah ne dikkat di lekin nind bahot he badhiya aai kyunki sareer k liye much needed thi ye main kai dafa utha bhi lekin firse sogaya main..
Finally master ne mujhe jagaaya maine aankhein kholi he thi ki master ne mujhe chup rehne kaa ishaara kiya..
Emo-Ssshhhh.. Aarahe hain wohlog..
Ye suntey he main jhat se khadda hua or master mujhe ek pathar k piche legaye..
EMO-Woh dekho.. Udhar..
Maine udhar dekha toh master sahi they saamne 5 bandey they as expected naked unmein se 2 k pass Bow and arrows thi and 2 k pass bhaale (spears) they lakdi k obviously and ek khaali hath tha and wohlog humaari tarar he aarahe they...
Main-Ok.. Ok.. Here is the plan.. Humlog yahin rahenge kyunki ye best chance hai apne liye, hum in sabko uppar aane denge uske baad he attack karenge piche se humein spears waalon ko pehle dekhna hai kyunki itani close range mein Bow waale kuch nahi kar paaenge..Bullet ek he chalaaunga main baaki sab dekhlena..
Emo-Ok.. Agar yelog humare he raaste se uppar aatey hain toh yahin rukkenge humlog..
Ab wohlog ek dusare k sath cheddkhaani kartey hue humaari taraf badh rahe they.. Humaara plan set tha bus execute bhi waise he karna tha.. Wohlog finally cliff k pass pohanchey or idhar humlog hue ready lekin wohlog uppar nahi aaye ulta wohlog ne cliff k chaaron taraf dekha or humaare saamne ki taraf chal paddey yaani jiss direction mein humein jaana tha wohlog uske left mein chal paddey jiska reason humein pata chala tab jab unhone jameen par se ek sukha nariyal uthaaya, master Emo kaa plan successful hua tha kyunki raatko unhone last nariyal kaa paani peeke usse yahaan se ussi taraf fainka tha jisase unhe laga ki humlog ussi taraf gaye they jo humaare liye bahot achi baat thi..
Emo-it worked..
Main-It did..
Emo-Isase ye toh prove hogaya ki beshak ye bahot jyaada smart hain lekin basic logic missing hai inka.. Woh genes developed nahi hain inmein..
Main-Yes.
Emo-Jo humaare liye achi baat hai.
Main-100%..
Emo-Thoda or so jaao tum..Abhi time hai..
Main - Nahi abhi chal padtey hain aaj raatko jaldi rest lelenge..
Emo-Woh saamme dekh rahe ho??
Main-Kya cliffs??
Emo-Yes..3 cliffs najar aarahi hain yahaan se same direction mein..
Main-3rd toh bahot durr hai. 60-70Kms hogi.. Jo bade waali hai wahi naa??
Emo-Yeah.. So aaj raat wahin rukktey hain.. Kyunki ye cliffs safest places hain..
Main-Lekin woh bahot unchi hai uske Uppar no way humlog jaa paaenge.. Uske Uppar Niche jaaenge tabtak humlog 10-20 Km orr travel karenge..
Emo-Puri unchaai par nahi jaana hai.. Jahaan takk safe lagega wahan takk jaaenge.. Then dekho ye yahaan se aage takk left takk ki ye range mountain range hai or yahaan se woh last cliff dikh rahi hai mujhe iska matlab most probably uske baad maximum 10-20 km par sea he hoga...Kyunki aage koi cliff najar nahi aarahi hai..
Main-Possible hai for sure..
So humaara plan set tha humlog ko aaj uss cliff takk pohanchana tha or agar aaj wahaan pohanchey toh fir aage humein hopefully sea najar he aajaaega.. Waise toh humein more then 200Kms jaana tha meri calculation k hissab se but meri calculation mein mistake ho shakti hai kyunki mujhe nahi maalum tha helicopter kitani speed se andar aaya tha Island k toh hopefully kam distance bhi ho shakta hai..Yaani agar master sahi hain toh kal dopehar takk humlog Sea k pass ho shaktey they or dopehar ko he humein pohanchana tha kyunki humlog Sea mein raatko swim nahi karne waale they jiska sabse bada reason tha Weather humlog literally freeze ho jaaenge uske andar bahot thand hoti hai raatko yahaan and samundar mein toh or bhayanak hogi issliye plan tha Dhoop Dhoop mein suruwaat kar lein swim ki taaki raatko thodi he derr rehna paddey andar..
So ye tha plan, plan simple or do able tha bus yelog humse durr rahein jo abtak reh he rahe they lekin mujhe nahi lagta wohlog jyaada derr rahenge kyunki maine unke sathiyon ko maara tha or master ne mujhe bataaya raatko jo unki sound main sunn raha tha woh inke maatam (grief) manaaney ki sound thi kissi k marrne par yaani wohlog gussa they bahot jyaada gussa.. Or i am sure inhe caahe kuch nahi aata ho lekin badla lena toh jarur aata hoga..
Continued..
