Wafaon ke Mausam
- Thread starterRomeo 22
- Start date
- 6,147
- Tags
- romantic story
arey baap rey ab tho kayamat ayegi mamta par aur us ladke par
shuruwat ek dum faad hai bhai
for the new thread
shuruwat ek dum faad hai bhai
for the new thread
Arjun Singh 72
Well-Known Member
- 8,137
- 15,030
- 143
- 9,734
- 5,415
- 189
Update 2:
Saamne ek driver ke uniform me aadmi khada tha, disha use sawaliyaa nazaro se dekhati rahi.
“baby jee, wo sahab ne saaman bhijwaya hai..aur ye paise..”
“ jao yaha se….aur ye sab lekar jao…get outttttttt…nikal jao yaha se…” dishaa ne chillate huye driver ko daant diya aur wo sakpakaate huye jaldi se wapas chala gaya..haath me pakadaa hua bada sa bag aur do shoppers bhi wapas lete gaya .
Ladaki room me wapas aayi aur bistar pe girakar fir se jor jor se rone lagi.
Sham ho chuki thi aur kitchen me sabji kaat rahi Mamta baar baar baahar jhaank rahi thi..9 baj gaye the aur usaka man bechain ho raha tha..
“Mamta,beta Deepak nahi aaya na abhi ?” Mamta ki maa ne puchhaa
“nahi mummi ,abhi nahi aaya” mamata khud bhi to use hi lekar paresan thi !
“phone kiya tumane use?
“haan, phone band hai usaka.”
“aaj to usaka admission bhi hona tha na,kya hua..pata nahi kaha rah gaya ?”
Mamtaa ne kuchh nahi kaha..Mmata ke papa jab wo kaafi chhoti thi tabhi un dono ko chhodkar videsh gaye the aur fir wahi doosari shaadi kar li thi Is duniya me Mamata sabse jyada nafrat apane baap se karati thi jinaki shakal bhi use yaad nahi thi.. kul milakar teen kamre ka ye do manjilaa ghar aur gaaon me thodi si jameen yahi thi unake paas….jameen se unhe koi matlab nahi thi aur usake papa ke bhai aur unake bête aksar gaaon se aate aur unhe ye ghar bhi khali karane ke liye kahate the. Unake kahane ke mutaabik Mmamta ke papa ne ghar aur jameen unake naam kar diya tha. Is bhari poori duniya me koi aisa nahi tha jo uanke liye lade. Usaki paristhityon ne use majboot bana diya tha . Mamtaa ki mummy ne badi mehnat karake Mamta ko padhaya likhaya aur jab Mamta khud samjhdaar huyi to usane apni Mummy ko ab naukari karane se mana kar diyaa..Mamta ne 12th pass kiya aur fir Open school se B.A ke liye form daal diya tha…usane kayi jagah nuakri ki thi kuchh mahino tak..aur is saal se hi wo college me adhoc base pe clerk ka kaam karane lagi thi . Un dono ke liye thik thaak paise mil jaate the ! Deepak usaki Mummy ki saheli ka beta tha jo shahar me padhai karane aaya tha..pichhle saal admission nahi ho paya tha ! wo M.com me admission lene ke liye aaj college gaya tha aur usi college me Mamtaa naukari karati thi !
Deepak ke papa gaaon me kisaan the aur ek chhoti bahan thi ussaki..mummy ki tabiyat thik nahi rahati thi ..Deepak aage padhane ke saath saath kuchh kaam bhi karana chahataa thaa kyuki ghar ki paristhitiyan use pata tha aur isiliye wo Dilli aaya tha. Pichhle saal kahi admission nahi ho paya tha to ek saal se wo ek chhoti si firm me salesman ki naukari karata tha..is baar entrance se admission huye the aur Deepak ka naam pahali hi list me aa gaya tha .
Mamta apni Mummy ke saath niceh rahti thi jabki Deepak upar bane kamare me rahata tha ! Deepak ka aana suru suru me Mamata ko achchaa nahi laga tha lekin Mummy ke bahut kahane pe wo taiyar ho gayi thi is baat ke liye ki wo unake saath rahe. Lekin dheere dheere Mamta ko samajh aa gaya tha ki Deepak aur mardo se ekdam alag tha. Kam bolata tha , najren jhuka kar hi us se baat karata aur bina bulaaye kabhi andar nahi aata..usake kamre me jaane ke liye seedhi bahar se bani thi . suru suru me mamata ya usaki mummy Deepak ka khana usake room me hi pahucha dete the lekin fir mummy ke kahane ar wo un logo ke saath hi khana khaane laga..kuchh din aur beete to Mamta lunch bhi pack karke Mummy ke haath Deepak ko dene lagi !
Mummy ne mana kiya tha lekin fir bhi Deepak ghar ke bahut se chhote bade kaam kar deta tha aur mahine ke 5000 rupaye bhi unhe jabardasti de deta tha . unaki chhoti si duniya me Deepak aane ke baad ek mehman se ek member ban gaya tha !
Mamta socho ke bhawar me doobi aate me paani daale jaa rahi thi aur hosh tab aaya jab Mummy ne usaka kandha jor se hilaaya..
“ye kya halwaa banayegi aate ka ? ”
- 9,734
- 5,415
- 189
arey baap rey ab tho kayamat ayegi mamta par aur us ladke par
shuruwat ek dum faad hai bhai
bhai
next update de diya hai..story me bahut se turn aayenge..saath bane rahe 