Update 52:- (Broken Sword)
Abhi Raat ka time ho chuka tha, AK aur Riya abhi Courtyard mein hi baithe they ki tabhi waha pe asmaan mein se Rudy Land hua bina koi shor kiye aur sidha aake wahi rakhi Chair pe baith gaya.
Riya "Rudy, kaha they ab tak tum?"
Rudy "Damm it, wo Heavenly Sword Sect ke Bastard mujhe pakadne ke kosis kar rahe they. Unhone kabhi Mirror mein apni Sakal nahi dekhi aur wo mujhe apne Father ko pakdne chale they. Mere jaise Awesome Being wo aise asaani se nahi pakad sakte."
Rudy ne ye baat pride ke sath boli aur fir AK ki taraf dekh ke bolne laga.
Rudy "Kid, aaj ki performance buri nahi thi. Maine expect nahi kiya tha ki tumme itne guts honge. Tumne sachme apne Father yaani mera naam roshan kiya hai."
AK "Fuck off, Stupid Dog."
AK "Waise tumne Riya ko mujhe rokne ki liye kaha tha ab batao konse Treasure ki baat kar rahe they tum."
Rudy "mujhe bhi nahi pata ki Treasure kya hai, main bhi bas ye feel kar sakta hu ki Treasure kis Jagah hai. Ye Treasure just Whirling Sun City ke bahar jo Wasteland hai usme hai aur meri feeling bilkul bhi galat nahi hai. Aur ye Treasure main sense kar paa raha hu to matlab koi Extraordinary Treasure hi hoga."
AK "To hum wait kiska kar rahe hai, chalo abhi chalte hai."
AK kaafi utawla tha, usne apni Past Life mein bhut kuch dekha tha lekin is life ki baat alag thi aur abhi wo ek dum Poor tha isliye usey saare Treasure ikhte karne they.
Rudy "itni jaldi kya hai? Apne Father ko ek Cup Tea do, main abhi thaka hua hu."
Jaise hi Rudy ne ye Bola tabhi AK ne uska kaan pakad liya aur usey ghaseet ke bahar le jaane laga.
AK "Fuck you Dog, koi tumhe ungli pakdaye to Hath mat pakda karo. Aur main tumhe thodi Respect kya dene laga tum to khud ko Master hi samjhne lage. Aur mujhe ye batao ki konsa Dog Tea pita hai."
AK ko Rudy ke baare mein sab pata tha. Rudy aisa Dog tha jisey tum thoda sa bhi Spoil nahi kar sakte. Tum usey 1 inch doge aur wo pura 1 Mile maang lega. Aisa Evil-minded Dog tha Rudy. Iske baad wo teeno hi us taraf nikal jis taraf Treasure tha aur Rudy puri Raste AK ko gaaliya bakta raha tha.
Whirling Sun City ke North Side mein kaafi bada Wasteland tha jo ki Desolate aur inhabitant tha. Ye kaafi khaali Area tha Normal Days pe koi bhi yaha nahi aata tha. Ye sunsaan ilaka 20 Miles ki Radius mein Faila hua tha. Is jagah kaafi Old Building thi lekin sabhi kaafi Old aur barbaad ho rakhi thi.
AK "Rudy sahi hai, main is Area mein Defense Mechanism Sense kar sakta hu aur aise Wasteland mein Defense Mechanism ka kya kaam agar tumhe Treasure na chuppana ho to."
Rudy "Tum kis tarah ke Monster ho jo yaha khade hoke Défense Mechanism ko Sense kar sakte ho, even maine bhi abhi tak Treasure Sense kiya hai Defense Mechanism ko Sense karna baaki hai."
Rudy ne surprise look ke sath kaha. Rudy ka nazariya ek baar fir badal gaya tha AK ko dekh ke. Kyuki Defense Mechanism kaafi pechide hote hai. Defense Mechanism ko koi aise hi Set nahi kar sakta. Agar koi Normal sa Defense Mechanism bhi hai to bhi Heavenly Core Warrior ki Strength lagti hai usey Set karne mein aur Defense Mechanism ko Study karna to bhut hi jyada Hard hai isliye bhut kam log hi Defense Mechanism ki Knowledge rakhte hai. Aur AK abhi sirf Mortal Core Realm mein tha iska matlab uski Divine Sense itni Strong nahi thi aur aise mein ek Defense Mechanism ko Sense kar lena bilkul bhi Normal nahi tha.
Riya "AK bhut Amazing hai, wo kuch bhi kar sakta hai. Agar ek Defense Mechanism sense kar li to kya ho gaya."
Tabhi Rudy aur AK usey muh banake dekhne lage kyuki usne baat hi aisi boli thi.
Rudy "Love-struck Fool"
Rudy ne jyada kuch nahi bola kyuki usey pata jab Women ko love ho jaata hai to wo saare Reason bhool jaati hai.
Iske baad teeno us Wasteland ke aur ander ki taraf jaane lag gaye. Aur kuch Dur chalke wo ek Ruin Building ke saamne ruk gaye jo kisi Temple ki tarah dikh rahi thi. Us Building ki wall mein kaafi Holes they aur waha jo lakdi ke pillar they wo kaale padne lage they, maano pata nahi kab se sad rahe ho. Aur Building ke ander se kaafi badbu aa rahi thi jiski wajah se teeno ko hi unke muh pe hath rakhna pad raha tha.
Rudy "Treasure issi Building ke ander hai main sense kar sakta hu."
Jaise hi wo teeno us Temple ke ander gaye to ander ki scenery bhi bahar jaisi thi aur ander bhi utni hi dhool mitti thi. Unke kadmo ki aahat se hi Chhat ki dhool niche gir rahi thi. Tabhi AK aur Rudy ka Vision ek sath ek Tutey huye darwaje pe gaya.
Rudy "Hahaha, Treasure is broken door ke piche hai lekin is Door pe Defense Mechanism lage huye hai."
AK ne aone Divine Sense aur Soul Derivation Art ko ek Sath us door pe choda aur thodi der baad apna muh khola.
AK "Ye Defense Mechanism ek Divine Core Warrior ne Set kiya hai."
Riya "Ye mat kehna ki ye Treasure ek Divine Core warrior ne rakha hai."
Riya kaafi Surprised thi lekin Rudy aur AK nahi they kyuki unhone isse kaafi bade bade Treasure dekhe they to ye unki nazro mein kuch nahi tha.
Rudy "Impossible, ye Treasure agar Divine Core warrior ne chhoda hota to iske ander se aisi feeling nahi aati."
Rudy ne isliye kaha kyuki halanki Divine Core Realm Strong hai lekin Heaven ke under sabse Strong Realm nahi hai. Aur jo ander Treasure tha usme se Divine Core Realm ki nahi balki Upper Realms ki Feeling aa rahi thi.
AK "lagta hai yaha kuch Fishy hai. Chalo is Defense Mechanism ko khol ke ander dekhte hai kya hai."
Itna bolke AK us Defense Mechanism ke saamne aa gaya aur usey Gaur se dekhne laga. Agar Divine Core Realm se AK ki Strength Compare kare to wo abhi kisi Ant ke barabar tha lekin yaha baat Defense Mechanism ki thi. AK ko bas Is Mechanism mein ek Weak Spot dhundhna tha aur fir wo easily ye solve kar sakta tha.
Us Mechanism ke saamne khade AK ki aankhe Golden Color mein chamkane lagi aur usey Defense Mechanism ke patterns dikhne lage. Agar koi Ordinary warrior ye Pattern dekh le to wo waise hi dar jaaye Kyuki itne confusing jo they. Halanki AK ko normal being nahi tha. Ek hi Look mein usey Mechanism ka weak Spot mil gaya kyuki ye ek Normal si Mechanism thi iske baad AK ki body se uska Soul Force nikalne laga aur uske Hath kaafi tezi se chalne lage aur apne Soul Force ko Control karke ajeeb se Pattern banane laga jo sidha jaake Weak Spot se takra rahe they.
Rudy "Damm, isko sach mein Defense Mechanism pata hai lekin itni jyada nahi, main is Mechanism ko ek baar mein tod sakta tha."
Dheere-2 AK ke expression bhi serious ho e lage they kyuki Ek Counter Defense Mechanism banana bilkul bhi asaan kaam nahi tha, aur uski energy kam hone lagi thi. Agar wo Soul Derivation Art aur The Dragon Transformation Skill Cultivate na kar raha hota to ab tak wo niche let chuka hota.
Thodi hi der mein AK ke aage ek aur Defense Mechanism form ho gaya kisi Snake ke jaisa ye AK ne hi banaya tha. AK ne apni ungli se ishaar kiya aur wo Snake like Counter Defense Mechanism sidha Weak point se jaa takraya.
Bang
Isi Sound ke sath wo Mechanism tut gaya aur iska Force itna tha ki iske piche ka Door bhi iske Force se ud gaya.
Phew~
AK ne gehri saans li kyuki uski Current Strength ke sath ek Defense Mechanism todna mushkil tha wo to ye kismat se Normal thi nahi to pata nahi kya Hota.
Rudy "Tum sach mein Monster ho."
AK ne kuch nahi bola aur jo Raasta khula tha us taraf badh gaya aur uske piche ye dono bhi us Room mein chale gaye.
Riya "AK, waha dekho ek Skeleton hai."
Waha Room ke ek kone mein ek Skeleton pada hua tha ya baitha hua tha. AK ko dekh ke hi pata lag gaya ki ye Divine Core Warrior ka Skelton hai. AK aur Riya Skeleton ke taraf chale gaye lekin Rudy ko usme kuch interest nahi tha kyuki wo to kuch aur dhundh raha tha.
AK us Skeleton ke Paas gaya aur waha pada Storage Bag utha liya aur usme apni Divine Sense daali dekhne ke liye ki usme kya hai. Fir AK ne us Bag mein se ek Pill nikali jo Mortal Restoration Pill jaisi hi thi Lekin alag thi.
AK "Earth Restoration Pill with 100% effectiveness. Hahaha aisi Ten pills hai Bag mein, What a Fortune!"
AK Surprise isliye hua tha kyuki 1 Earth Restoration Pill 10000 Mortal Restoration Pills ke barabar thi aur upper se ye 100% Effectiveness wali thi to inki Value aur badh gayi thi. Heavenly Core Realm tak log Mortal Restoration Pills hi use karte hai lekin Jaise hi Divine Core Realm mein pahuchte hai to unke liye Mortal Restoration Pills ek dum Useless ho jaati hai aur tab use hoti hai Earth Restoration Pill. Abhi AK ko kuch Time ke liye Pills ki kami nahi hone wali thi.
AK ne wo sabhi Pills apni Storage Ring mein Store kar li aur us Bag mein hath Daal ke dusra Item bahar nikala. Jo ki ek 2 Meter Long Golden Axe tha jisse thoda sa Golden Aura Release ho raha tha. Wo Axe kaafi Sharp tha aur uska Weight Thousand Pound se jyada tha lekin AK ke liye wo kisi flower ki tarah halka tha. AK ne us Axe ko ghumaya to usse ek buzzing Sound nikalne laga.
AK "Powerful Axe. Ye ek High Ranked Combat Weapon hai aur iske Power unimaginable hai. Agar main ye Weapon use karu to main aram se kisi Normal Heavenly Core Warrior se lad sakta hu."
Tabhi AK ne dhyan se dekha to Us Axe pe kuch likha hua tha aur wo kuch is Tarah se tha. "AXE Of Thunder" naam se hi koi bhi bata sakta tha ki ye Axe powerful hai aur AK isko aram se use kar sakta tha jab tak wo khudka Natal Weapon na Form kar le.
Us Divine Core Warrior ke paas jyada kuch nahi tha uske Bag mein 2 Skill Books aur thi ek thi "Skill of Storm" jo ki ek Earth level ki thi lekin fir bhi usey apni Storage Ring mein aise hi fek diya. Aur dusri Skill thi "Clap Of Thunder" jo ki thodi Different Combat Skill thi ye Skill Sirf Axe of Thunder ke sath use ho sakti thi aur iska matlab ye bhi tha ki agar us Axe ko AK is Skill ke sath use karta hai to us AXE ki Power aur badh jaayegi.
Abhi AK khud ko mili cheezo se khus tha ki Rudy ke jor se hasne ki awaz ne uska dhyan us traf khich liya. Riya aur AK ne dekha to Rudy ne waha khodke ek jang laga Metal ka tukda nikal rakha tha jisey dekh ke wo excited huye jaa raha tha. Usne us Jang lage metal ke tukde ko Apne panjo ke niche daba rakha tha.
AK ne aankhe choti ki aur us jang lage metal ke tukde ko Dekha jo 1 foot lamba tha aur wo kisi Sword ka tuta hua hissa lag raha tha. Hairan karne wali baat ye thi ki AK jo ki ek Greatest Saint tha wo bhi us us Broken Rusty Sword mein se kuch mehsoos nahi kar paa raha tha. AK usme se koi Sword Energy koi Law sense nahi kar paa raha tha. AK ko pata tha ki agar uske saamne koi Saint level ki Broken Sword ho to wo usey ek minute mein sense kar sakta tha. Aur wo isse kuch mehsoos nahi kar paa rha tha iske do Matlab they ek to ye Piece normal tha aur dusra ye Saint Level se bhi upper ka tha.
AK "Rudy, Ye kya hai."
Rudy "Dikh nahi raha ki ek Normal Broken Sword ka tukda hai, tum is Room mein jo mile wo rakh lo mujhe to bas yahi chahiye. Aur main tumhe pehle hi warning de deta hu ki tum isey mere paas se chinne ki kosis mat karna."
Jitna Rudy aise behave karta waise hi AK aur jyada Curious hone lagta.
AK "ek baar hath mein leke dekhne do na."
Rudy "Fuck off, mere sath ye khel mat khelo."
Iske baad ye dono aise hi arguement karte rahe lekin Rudy ne kisi ko us Broken Sword ke paas nahi aane diya aur kuch der baad usne us Sword ko Nigal liya, ya ye kahu ki Apne Pet mein Store kar liya.
TO BE CONTINUED...
...
...
