10 Ring ka Josh aur Darr ka Khel
RedZone Club – Raat ke 11:30 Baje
Arjun abhi bhi Karan ke saath us underground party hall mein khada tha, jahan bheed ka shor, loud music, aur ring ke beech chal rahi fight ka josh pura club hila raha tha. Yeh jagah ek purani warehouse ko convert karke banayi gayi thi—ceiling pe rusty pipes latak rahe the, walls pe neon graffiti bana hua tha, jisme “RedZone Rules” likha hua tha, aur ek bada sa LED board jisme “RedZone Club” likha tha, har 10 second mein blink kar raha tha. Club ke ek corner mein ek chhota sa bar tha, jahan se daaru aur cigarette ka dhuaan fail raha tha.
Karan ne Arjun ko ring ki taraf dekhte hue notice kiya aur bola, “Yeh toh bas ek chhota sa hissa hai in illegal fights ka, Arjun… pata nahi kitne underground fight clubs pure desh mein chal rahe hain.
Arjun, jo abhi bhi yeh sab samajhne ki koshish kar raha tha, ne Karan se poocha, “Acha, agar yeh chhota hai toh bada kaisa hoga, Karan?”
Arjun ne chaaron taraf dekha—lagbhag 500 log toh wahan honge! Aur ek cheez jo usne notice ki, woh yeh thi ki sab jawan the—zyadatar 18 ya usse thoda bade, jaise school ya college ke ladke-ladkiyan.
Sab alag-alag groups mein the, aur unke kapdon se pata chal raha tha—koi red hoodies mein, koi black leather jackets mein, koi neon green shirts mein—jaise sabki apni ek uniform ho. “Iska fayda yeh hai ki ek group ko doosre se alag pehchaan sakte ho… par yeh sab groups itne serious kyun lag rahe hain?” Arjun soch raha tha.
Karan, jo Arjun ke expressions ko bade dhyan se dekh raha tha, bola, “Meri baat yaad rakh, Arjun… yeh groups yahan jo kaam hota hai, usse bohot seriously lete hain. Har group apna naam banana chahta hai, taaki aage jaake yeh ek badi gang ban sake!”
“Gang” shabd sunte hi Arjun ka dil dhadak gaya—“Bhenchod, agar yahan Viper Gang ke log aa gaye, aur unhone mujhe dekh liya toh meri toh waat lag jayegi!” Usne darrte hue Karan se poocha, “Yahan Viper Gang toh nahi aayegi na?”
Karan hans pada aur bola, “Arre, tension mat le! Viper ek badi gang hai, woh yahan jaise chhote addo pe nahi aayegi. Yeh toh bas chhote-mote gangs ka khel hai, bhai.”
“Toh hum yahan kya karne aaye hain?” Arjun ne poocha. Karan jawab dene ki bajaye bheed ko cheerta hua aage chalne laga, aur Arjun bhi uske peeche-peeche chal pada. Hall ke beech mein ek bada sa ring tha, jahan do ladke lad rahe the. Ring ke chaaron taraf log chilla rahe the, betting ke liye paise utha-utha ke chillate hue—“Thunder Indra pe 500! Iron Siddh pe 1000!”
Karan ne Arjun ko ek taraf le jaake bola, “Maine tujhse kaha tha na, uniform humari pehchaan hoti hai… dekh, wahan kuch ladke hain jinhone koi uniform nahi pehni.” Arjun ne dhyan se dekha—haan, kuch log aise the jo bas casual kapdon mein the, kisi group ka hissa nahi lag rahe the.
Arjun ne phir poocha, “Par hum yahan aaye kyun hain, Karan?”
Karan ne ek mysterious smile di aur bola, “Kya tujhe laga humari gang mein bas tu aur main hi honge? Hum yahan gang members dhoondhne aaye hain, bhai! Woh dekh, ring mein jo lad rahe hain…”
Arjun ne ring ki taraf dekha—do fighters lad rahe the, dono uski hi umar ke lag rahe the. Ek ladke ne sleeveless shirt pehni thi—uski body toned thi, biceps pe ek chhota sa tattoo tha, jisme “Indrajeet” likha hua tha. Uska ring name tha Thunder Indra. Doosra ladka—Siddharth, jiska ring name Iron Siddh tha—woh Indrajeet muqable bada tha, jaise double size ka! Uska chehra ekdum gusse se bhara hua tha, jaise woh ring mein kisi ko jeene nahi dena chahta ho.
Dono ke beech fight shuru ho gayi. Thunder Indra ne pehle Iron Siddh ke pet mein ek zor ka mukka maara—par Iron Siddh ko kuch hua hi nahi! Ulta woh Thunder Indra ko dekh ke hasne laga, jaise uska mukka bacchon ka khel ho.
“Bhenchod, yeh Iron Siddh toh monster hai!” Arjun ne socha.
Tabhi ek ladka, Vicky, jo student lag raha tha, ring ke bahar khada chillane laga, “Kon jeetega—Thunder Indra ya Iron Siddh? Yeh last chance hai bet lagane ka, jaldi karo!”
Karan ne Arjun ki taraf dekha aur bola, “Chal, paise laga na chahe toh mere se le le, bet laga de!”
Arjun fight ko gaur se dekh raha tha—usne dono fighters ke moves dekhe aur samajh gaya ki kon jeetega. Par bet lagana uske liye theek nahi tha—fight mein kuch bhi ho sakta tha, aur agar woh Karan ke paise se bet laga ke haar gaya, toh Karan ka uspar ek aur ehsaan ho jayega. “Nahi bhai, main gamble nahi khelta,” Arjun ne socha.
Usne Karan se poocha, “Toh jo tu bol raha tha ki mere liye kaam hai jisse main paise kama sakta hoon… kya yeh wahi kaam hai?”
Karan hans pada, “Nahi re, yeh toh main bas maze ke liye bol raha tha… tujhse jaan-na chahta tha ki tu kon jeetega guess kar pata hai. Par yeh baat yaad rakh, abhi main tujhe test kar raha hoon—dekhna chahta hoon ki tu kitna kaam ka hai!”
Ring Mein – Thunder Indra vs. Iron Siddh
Ring mein Thunder Indra ke saare waar jaise bekaar ja rahe the. Iron Siddh ekdum solid tha—uske pet pe, chehre pe mukke pad rahe the, par woh bas has raha tha. Par Thunder Indra ne thodi doori banayi, ek boxing stance liya—par Arjun ko pata tha yeh koi simple boxing stance nahi tha.
“Yeh toh kisi trained fighter ka move hai… Thunder Indra kuch bada plan kar raha hai!”
Arjun ne Karan se kaha, “Waise toh main gamble nahi khelta, par agar mere pass paise hote toh main pakka Thunder Indra pe laga deta.”
Karan ne yeh sunte hi apni jeb se paise nikale, Vicky ko diye, aur bola, “Yeh saare paise Thunder Indra pe laga do!”
Arjun ghabra gaya, “Ruk, maine toh nahi kaha ki main bet laga raha hoon! Aur itne saare paise kyun laga raha hai, thoda kam laga na!”
Karan bola, “Arre, tu itna kyun soch raha hai? Maine toh apne liye paise lagaye hain, tere liye nahi!”
Ring mein fight ab zor pe thi. Iron Siddh ne thoda jhuk kar ek attacking stance liya, aur itni tezi se Thunder Indra ki taraf bhaga ki bheed mein se log chilla uthe, “Iron Siddh! Iron Siddh! Maar de saale ko!” Iron Siddh ki speed dekh ke lag raha tha ki Thunder Indra ke paas koi chance nahi hai.
Par jaise hi Iron Siddh Thunder Indra ke paas pahuncha, Thunder Indra ne ekdum tezi se apna ghutna uthaya aur Iron Siddh ke naak pe de maara! Iron Siddh ki naak se khoon ke chheente udd gaye, aur woh peeche jaake zameen pe gir pada. Bheed ekdum pagal ho gayi—“Thunder Indra! Thunder Indra!” Par Thunder Indra yahan nahi ruka—woh Iron Siddh ke paas gaya, usse uthaya, aur uske sar pe teesri baar apni kohni se zor se maara. Iron Siddh behosh hokar ring mein dher ho gaya.
Announcer Rahul chillaya, “Thunder Indra wins the match!”
Jo Thunder Indra ko support kar rahe the, woh khushi se uchalne lage, aur jinhone Iron Siddh pe paise lagaye the, unke chehre latak gaye. Thunder Indra apni jeet ke paise leke rest karne chala gaya, aur Iron Siddh ko kuch log utha ke le gaye.
Karan ne Arjun ki taraf dekha aur bola, “Lagta hai teri kismat achi hai, bhai… tune jo guess kiya, woh sahi tha!” Woh apne jeete hue paise ginne laga.
Phir Karan ne poocha, “Waise, tune kabhi apna koi stage name socha hai? Jaise koi alter ego type?”
Arjun ne kaha, “Nahi… par kyun?”
Karan bola, “Viper Gang se bachne ke liye tujhe ek naya naam toh rakhna padega na… same naam se toh hum pakde ja sakte hain!”
Arjun sochne laga, “Ek werewolf jaisa naam hona chahiye… kaisa rahega Lunar Claw? Haan, yeh toh perfect hai—moon se connection bhi hai, aur meri takat bhi dikhayega!” Usne Karan se kaha, “Kaisa rahega Lunar Claw?”
Karan ne ek badi si smile di, “Lunar Claw? Arre, yeh toh mast hai, bhai! Chal, pakka kar dete hain!” Woh apne phone pe kuch type karne laga.
Arjun ne poocha, “Ab kya kar raha hai, Karan?”
Karan ne phone ki taraf dekhte hue bola, “Sabr kar, Arjun… pata chal jayega!”
Tabhi ring mein announcer Rahul ki awaaz goonji, “Toh aaj humare beech aaye hain ek naye fighter… jinka naam hai… Lunar Claw!”
Arjun apna naam sunte hi dang reh gaya—usne Karan ki taraf confused hoke dekha.
“Yeh kya bakchodi hai, bhai?”
Karan ne ek chhoti si hasi ke saath kaha, “Maine tujhse kaha tha na, tujhe paise kamane hain… toh chal, ring mein jaa, apna jalwa dikha! Fikar mat kar, main apne saare paise tujhpe laga dunga!”
Arjun kuch bol pata isse pehle, bheed jo uske saamne khadi thi, woh side ho gayi—ring tak ka rasta ekdum clear ho gaya.
Karan ne Arjun ko dheere se push kiya, aur Arjun samajh gaya ki ab uske paas ring mein jaane ke siwa koi chara nahi hai.
Ring Mein – Arjun ka Pehla Muqabla
Arjun jaise hi ring mein gaya, usne notice kiya ki sab log use hi ghoor rahe the—jaise usse jaanch rahe ho. Club ke ek corner mein ek ladki khadi thi—usne ek tight red dress pehni thi, jo uske curves ko highlight kar rahi thi. Woh Arjun ko dekhte hue apne hothon pe halki si smile laayi, aur ek sip cocktail ka lete hue usne apni aankh maar di—jaise keh rahi ho, “Chal, dikha de, Lunar Claw… kitna dum hai tujhme!” Arjun ka dil ek pal ke liye dhadka (BPM 110), par usne apna focus ring pe wapas kiya.
Arjun mutant fights ka diwana tha—uska sapna tha ki ek din woh bhi mutant ban ke ring mein lade, par aaj woh bilkul ready nahi tha! “Bhenchod, Karan ne mujhe pehle kyun nahi bataya? Ab fight na karne ke liye wapas jaake Karan ko manana bekaar hai… ladna hi padega!”
Spectators ko dekhte hue Arjun ka dil doob gaya—woh usse impress nahi the. Aur kyun hote? Arjun ki body Thunder Indra ya Iron Siddh jaisi muscular toh thi nahi—woh ek normal school ladka hi lag raha tha.
[Your heart rate is increasing]
[90 BPM]
[95 BPM]
[100 BPM]
Arjun apne aap se bola, “Karan toh ek number ka bhenchod hai… mujhe pehle kyun nahi bataya? Mujhe khud pe control rakhna hoga—main apni powers yahan sabke saamne nahi dikhane de sakta! Par yeh saala Karan ab dikh kyun nahi raha?”
Tabhi announcer Rahul ki awaaz goonji, “Toh ab ring mein aa rahe hain doosre fighter… Blazing Balraj!”
Bheed ekdum pagal ho gayi—log chillane lage, “Blazing Balraj! Blazing Balraj! Maar daal saale ko!” Ek ganja, hatkata aadmi ring mein enter hua—uske six-pack abs the, usne sirf ek simple pant pehni thi, aur haathon mein gloves the. Arjun use dekh ke shock ho gaya—“Mujhe laga yahan sirf young students ladte hain… yeh toh middle-aged lag raha hai!”
Announcer Rahul ne Arjun ki baat sun li aur bola, “Yeh bas 19 saal ka ladka hai, koi middle-aged nahi!”
Announcer jaldi fight shuru karna chahta tha, toh usne mic pe bola, “Dono fighters tayyar hain… toh fight shuru hoti hai!”
Tabhi Arjun ke system mein ek message popup hua:
[New Quest Received]
[Apni pehli fight jeeto]
[Tumhare saamne jo opponent hai, uska khoon nikalna chahiye—jo bhi karna pade, karo!]
[Reward: 50 EXP]
Arjun ne system ka message padha—“Ladho aur jeeto… yeh toh clear hai!” Usne screen ke aar-paar dekha ki Blazing Balraj tezi se uski taraf bhag raha tha, aur usne apne right fist se Arjun pe attack kar diya. Arjun ke mutant senses ki wajah se usne attack dodge kar liya, par usne Blazing Balraj pe attack karne ki bajaye doori banayi aur wahan se bhag gaya.
“Pehle isse thakana hoga… tabhi isse hara sakta hoon!”
Bar ke Paas – Karan ka Plan
Fight ke baad Indrajeet (Thunder Indra) bar ke paas gaya, ek beer order ki, aur peene laga. Dher saare log uske aas-paas aa gaye—sab use apni team mein shamil karna chahte the. Indrajeet ne sabke offers sune aur ignore kar diya—“Mujhe kisi team ki zarurat nahi, bhai!”
Karan pehle wait kar raha tha ki sab log Indrajeet ke paas se hat jayein. Phir woh bar ke paas gaya, par usne Indrajeet se direct baat nahi ki—usne pehle ek cocktail order kiya aur bar counter se Arjun ki fight dekhne laga.
Arjun ne ab tak kaafi powerful attacks dodge kar liye the, aur usne khud bhi Blazing Balraj pe kuch attacks kiye—par unka Blazing Balraj pe koi asar nahi hua.
“Yeh saala toh deewar jaisa hai, bhenchod!” Arjun soch raha tha.
Karan ne apni chuppi todi aur Indrajeet se bola, “Kya tum bet lagana chahte ho is fight pe?”
Indrajeet ne kuch seconds socha—use laga Karan bas peene aaya hai. Par jab usne Karan ko gaur se dekha, toh notice kiya ki Karan aur ring mein lad raha ladka (Arjun) ek hi uniform mein the—black with golden stripes. Indrajeet ne Karan ke branded kapde aur accessories dekhe—“Yeh toh bada paisa wala lagta hai…”
Indrajeet bola, “Main toh yahan har match pe bet lagata hoon.”
Karan ne smile di aur bola, “Toh hum dono ka taste milta hai, bhai! Waise, tune jo pichla match jeeta, usse mujhe kaafi paise mile hain.” Usne apni jeb se ek dher saari notes ki gaddi nikali—Indrajeet ki aankhein badi ho gayi.
Karan ne kaha, “Kyun na hum ek deal karein? Maine dekha tune sabke gang join karne ke offers thukra diye… toh yeh shart lagate hain—agar tu haara, toh tu meri gang mein join karega, aur yeh paise aadhe-aadhe. Aur agar tu jeeta, toh yeh saare paise tere! Main apne saare paise Lunar Claw pe laga raha hoon.”
Indrajeet ke chehre pe ek badi si smile aa gayi—yeh uske liye win-win situation thi!
Usne fight pe dhyan diya—aur sochne laga…..Lunar Claw (Arjun) Blazing Balraj ke attacks toh dekh pa raha tha, par uske khud ke attacks bilkul trained fighter jaise nahi the. Blazing Balraj Arjun se weight mein double tha, aur Arjun ke attacks ka uspe koi asar nahi ho raha tha. “Agar Blazing Balraj ne ise pakad liya, toh yeh gaya… aur agar aise hi chalta raha, toh ring ka size chhota kar diya jayega—phir toh iske bachne ke chances hi nahi hain!”
Usne Karan ke haath pe tap kiya aur bola, “Free mein aayi hui money ko kaise mana kar sakta hoon? Deal pakki!” Indrajeet ko laga, “Karan ek paisa wala aadmi hai… agar main haar bhi gaya, toh shayad ek achi team mil jayegi.”
Karan ne socha, “Ab saara zimma Arjun pe hai… bas yeh jeet jaye!”
Ring Mein – Arjun ka Sankat
Arjun ab kaafi der se Blazing Balraj ko bhaag-bhaag ke chakma de raha tha. Uski stamina bar abhi bhi full thi—uske werewolf powers ki wajah se usse lag raha tha ki woh ghanton tak aise bhaag sakta hai, par thakega nahi. Blazing Balraj thoda thakne laga tha—uske chehre pe paseena aa raha tha, aur uski saansein bhari ho rahi thi.
Arjun soch raha tha, “Lagta hai mujhe ise aur bhaagana padega, taaki yeh aur thak jaye—” Par tabhi ek siren ki awaaz aayi, aur ring ka area ek step chhota ho gaya! Spectators bhi ek step aage aa gaye—Arjun ko yeh rule pata nahi tha. Uska dhyan ek pal ke liye bhatak gaya, aur Blazing Balraj ne iska fayda utha liya.
Blazing Balraj tezi se Arjun ki taraf bhaga aur ek zor ka punch maara. Arjun ne pehle ki tarah dodge karna chahta tha, par uske paas time nahi tha. Usne Thunder Indra ka move yaad kiya aur apna ghutna Blazing Balraj ke naak pe maarne ki sochi—par usme Thunder Indra jaisa experience nahi tha. Isse pehle ki Arjun ka ghutna connect hota, Blazing Balraj ka right punch seedha Arjun ki naak pe laga!
Arjun ko apni naak mein ek teekha sa dard hua—usne apni naak ki haddi tootne ki awaaz suni, aur uska chehra khoon se bhar gaya. Blazing Balraj ke attack ki wajah se Arjun thoda peeche hua—dard itna tha ki saans lene mein bhi takleef ho rahi thi. “Bhenchod, iske gloves mein hammer hai kya?”
[Apko ek gambhir chot lagi hai]
[-17 HP]
[83/100 HP]
[Apki naak ki haddi toot gayi hai]
[Energy points apko theek karne mein istemaal ho rahe hain]
[-10 Energy Points]
[88/100 Energy Points]
Arjun ne message padha, aur usse laga ki uski naak dheere-dheere heal ho rahi thi—saans lene mein aasani aa rahi thi, aur dard bhi kam ho gaya. “Waaaooo! Main kitni jaldi heal ho raha hoon… pain bhi jaise gayab ho gaya! Lagta hai main sach mein werewolf ban gaya hoon.
Arjun, yaani Lunar Claw, ring mein khada tha, abhi bhi Balraj—Blazing Balraj—ke punch ka shock uske dil-o-dimaag mein ghoom raha tha. Uska chehra khoon se latpat tha, par woh neeche nahi gira.
Yeh dekh ke Balraj bhi dang reh gaya—“Bhenchod, maine toh pura zor laga ke punch maara tha, yeh saala abhi bhi khada kaise hai?”
Bar counter ke paas, Indrajeet—Thunder Indra—ek beer ka glass haath mein liye fight ko gaur se dekh raha tha. Uske dimaag mein calculations chal rahe the—“Blazing Balraj ka weight Lunar Claw se double hai, aur yeh experienced bhi lagta hai. Uske gloves mein kuch gadbad toh hai hi… shayad metal plates daal rakhi hain.” Indrajeet ko poora yakeen tha ki yeh match Balraj hi jeetega. Lunar Claw bas dodge kar raha tha, aur ring ke rules ke hisaab se—time ke saath ring ka size chhota hota jayega—Arjun ke paas koi chance nahi tha. “Ek aur punch laga toh game khatam, bhai!”
Karan, jo Indrajeet ke paas khada tha, ne bola, “Kuch bhi ho sakta hai, bhai. Kya pata Lunar Claw ka ek punch Balraj ko lag jaye aur woh dher ho jaye!” Karan ke chehre pe ek fake si confidence thi, par andar se woh ghabra raha tha—“Agar Arjun haar gaya toh meri saari planning paani mein mil jayegi, bhenchod!”
Ring Mein
Arjun ring mein khada tha, ek taraf shock mein, ek taraf khushi mein. Uska stamina gazab ka tha—uski body ke healing powers ne uski tooti naak ko foran theek kar diya tha, Par uske dil mein ek darr bhi tha—“Agar aise hi chalta raha, main Balraj ke liye punching bag ban ke reh jaunga!”
Doosri taraf, Balraj bhi soch mein tha. Woh toh pehle hi hairaan tha ki uska jordaar punch Lunar Claw ko kuch khaas hila nahi paya, par ab usse ek baat clear ho rahi thi—“Yeh saala zyada dodge kar raha hai, attack toh karta hi nahi. Iska matlab iski fighting skills bakwaas hain… main isse aaram se hara doonga!”
Balraj ne yeh soch ke ek plan banaya. Woh tezi se Arjun ki taraf bhaga aur ek punch maara—par Arjun ne apna haath aage karke block kar diya. Balraj ka punch Arjun ke haath pe laga, par Arjun yeh nahi jaanta tha ki Balraj ka doosra punch—left hook—uske left gurde ke paas aane wala tha. BAM! Punch laga, aur Arjun ko itna dard hua ki uski aankhein band ho gayi.
“Lunar Claw, tujhe nahi pata match mein aankhein band nahi karte, saale!” Balraj ne mazaak udate hue kaha, uski awaaz mein ek ghamand tha.
[Apko ek gambhir chot lagi hai]
[-20 HP]
[63/100 HP]
[Apki left rib cage toot gayi hai]
[Energy points use kiye ja rahe hain usse heal karne ke liye]
[-15 Energy Points]
[73/100 Energy Points]
Arjun ka saara dhyan uske dard pe tha—uski rib cage mein jaise koi chaku ghusa ho. Par shukar tha uske healing factor ka—warna yeh chot usse hafte bhar ke liye hospital mein daal deti! Balraj ne dekha ki Arjun ka dhyan bhatka hua hai, aur usne ek aur punch ke liye haath uthaya.
Arjun ke dimaag mein ek hi baat chal rahi thi—“Mujhe kuch karna hoga, bhenchod! Aise toh meri energy khatam ho jayegi!” Usne socha, “Agar main apni heartbeat ko 120 se 150 BPM ke beech rakhoon, toh meri werewolf power boost ho jayegi… par main 200 BPM tak nahi ja sakta, warna main transform ho jaunga aur khud pe control kho doonga!”
[120 BPM]
[121 BPM]
[122 BPM]
Arjun ka plan acha tha, par uski heartbeat dheere-dheere hi badh rahi thi. “Aise toh Balraj mujhe maar hi daalega… aur agar meri energy zero ho gayi, toh phir kya hoga?” Tabhi uske dimaag mein ek idea aaya—“Kyun na main school ke jaisa sochoon? Ananya mujhe dekh rahi hai!”
Arjun ne apni aankhein band ki aur Ananya ka khayal laaya—woh uski class ki ladki thi, jiska ek muskurahat hi Arjun ka dil dhadka deta tha. Usne imagine kiya Ananya wahan bheed mein khadi hai, ek tight black top aur jeans mein, uske lambe baal hawa mein lahra rahe hain, aur woh Arjun ko dekhte hue ek seductive si smile de rahi hai, jaise keh rahi ho, “Arjun, dikha de tujhme kitna dum hai!”
[122 BPM]
[130 BPM]
[135 BPM]
[Apki taqat badh rahi hai]
Arjun ke andar ek alag si energy daud gayi—uski muscles tight ho gayi, aur usne Balraj ke agle punch ko tezi se dodge kiya.
Is baar usne peeche hatne ki bajaye aage badhne ka socha aur apni punch ko Balraj ke punch ke saath takra diya—THUD! Bheed mein se log chilla uthe, soch ke ki Arjun ki haddiyan toot gayi hongi.
Arjun ka haath dard se kaanp raha tha—uski mutthi mein jaise koi hammer laga ho—par uska healing factor usse wapas ladne ke liye ready kar raha tha.
Announcer Rahul: “Yeh pehli baar hai ki Lunar Claw ne Blazing Balraj ke waar ko dodge nahi kiya, balki khud attack kiya! Lagta hai Lunar Claw comeback karne wala hai!”
Rahul ki awaaz sunte hi bheed mein ek naya josh bhar gaya—log chilla rahe the, “Lunar Claw! Lunar Claw!” Club ke ek corner mein ek ladki khadi thi—ek tight red dress mein, uske curves sabka dhyan kheench rahe the. Woh Arjun ko dekhte hue apne lips pe ek naughty si smile laayi, aur ek glass se wine ka sip lene lagi, jaise woh Arjun ke josh se impress ho rahi ho.
Arjun ka dhyan bheed pe nahi tha—uski rib cage abhi bhi dard kar rahi thi, par uska healing factor kaam kar raha tha. Par ek baat usse clear thi—Balraj ko bhi chot lagi thi!
Balraj ke gloves ke andar metal plates thi—yeh illegal fights mein aam baat thi—par Arjun ke punch ne un plates ko hi tod diya!
Balraj ka haath dard se kaanp raha tha, aur woh soch mein pad gaya—“Bhenchod, is Lunar Claw ke punch mein itni power kaise aa gayi? Isne toh loha bhi tod diya… kya yeh saala pehle mere saath khel raha tha?”
Balraj ne Arjun ki aankhon mein dekha—unme ek darawni si chamak thi, jaise koi jungli janwar usse ghoor raha ho. Balraj ke dil mein ek thandi si darr ki lahar daud gayi.
Bahar aasmaan ekdum clear tha—adhi raat ho chuki thi, aur pura chand apni roshni faila raha tha. Arjun ko yeh nahi pata tha ki chandni uske werewolf powers ko aur trigger kar rahi thi.
Arjun: “Mujhe khud ko shaant karna hoga, warna yeh sab meri vajah se barbad ho jayega!”
Par fight ka adrenaline rush aur Ananya ka khayal uski heartbeat ko aur tez kar raha tha—
[170 BPM]
[180 BPM]
[190 BPM]
[200 BPM]
“Yeh mere saath kya ho raha hai?” Arjun ke hosh udd rahe the. Uska dimaag chilla raha tha—“Agar main is fight ko jaldi khatam nahi kiya, toh main ring ke beech mein werewolf ban jaunga… aur sabko pata chal jayega!”
Arjun ne Balraj ki taraf tezi se bhagna shuru kiya. Balraj, jo dard mein tha, Arjun ko aate dekha aur apne aap ko sambhalne ki koshish ki—par usse mauka nahi mila.
Arjun ne ek jordaar laat Balraj ke chehre pe maari—CRACK! Balraj ke muh se khoon ke chheente udd gaye, aur woh peeche ring ki jaali se ja takra ke neeche gir pada.
Bheed ekdum pagal ho gayi—“Lunar Claw! Maar daal saale ko!”
Balraj vardi mushkil se khada hua, usne apne muh se nikal rahe khoon ko haath se saaf kiya, aur Arjun ko itne gusse se dekha jaise ab woh usse kha jayega. Arjun ne bhi Balraj ke gusse ko dekha, ek fighting stance liya, aur phir se uski taraf bhaga—par is baar Balraj ready tha. Usne Arjun ko pakad liya—uski pakad itni majboot thi ki Arjun hil bhi nahi pa raha tha.
Arjun ki heartbeat [210BPM]ab uska dimaag kharab kar rahi thi—uske andar ka werewolf jaag raha tha. Usne apne daant Balraj ke right shoulder mein ghadsa diye—CHOMP! Balraj ke shoulder se khoon nikalne laga, aur dard ki wajah se uski pakad dheeli pad gayi.
Arjun ne iska fayda uthaya, Balraj se chhuta, aur ek jordaar punch uski naak pe maara—BAM! Balraj hawa mein udd gaya. Par Arjun yahan nahi ruka—woh itni tezi se aage badha ki usne udte hue Balraj ko ek spinning kick maari—WHAM! Balraj ring ki jaali se takra ke neeche gir pada, ab woh bilkul uthne ke kabil nahi tha.
Arjun ka dimaag garam ho chuka tha—woh Balraj ke upar baith gaya aur uske chehre pe dham-dham mukke maarne laga, jaise koi janwar apne shikaar ko kha jata hai.
Karan: “Arjun, ruk ja, bhenchod!”
Karan ring ke bahar se chillaya, par Arjun kahan sunne wala tha—uske andar ka werewolf poora control le chuka tha. Karan ring mein bhaga, aur Indrajeet (Thunder Indra) bhi uske saath andar ghus gaya. Karan ne Arjun ko dhakka deke Balraj ke upar se alag kiya—Indrajeet ne bhi help ki, warna Arjun shayad rukta hi nahi.
Jab Arjun khada hua, announcer Rahul ne bola, “Kya teri aankhein kaam nahi karti, Lunar Claw? Balraj toh kab ka knockout ho chuka hai!”
Indrajeet bhi dang tha—“Yeh ladka jo pehle bas bhaag raha tha, isme itni takat kahan se aa gayi? Yeh toh kisi janwar ki tarah Balraj ko maar raha tha!”
Arjun ab dheere-dheere hosh mein aa raha tha. Usne vardi mushkil se khud ko shaant kiya—uski saansein itni tez thi jaise woh marathon bhaag ke aaya ho. Uska dil abhi bhi dhadak raha tha, par woh control mein tha—abhi ke liye.
Announcer Rahul: “Toh jaise aapne dekha, Blazing Balraj knockout ho gaya hai! Apna pehla match jeet chuke hain… Lunnnaaaar Claaaaw!”
Bheed ekdum pagal ho gayi—log chilla rahe the, “Lunar Claw! Lunar Claw!” Arjun beedh ko aise chilate huye dekh raha tha. Toh isi beech uski nazar red dress wali ladki par ruk gayi. Woh ladki red dress mein abhi bhi wahan khadi thi, ab uski smile aur badi ho gayi thi.
Usne apna glass Arjun ki taraf uthaya, jaise cheers de rahi ho, aur uski aankhon mein ek alag si chamak thi—jaise woh Arjun ke is roop se aur bhi attract ho gayi ho.
Tabhi Arjun ke system mein notification aayi:
[Quest Reward: 50 EXP]
[Congratulations, you have reached Level 2!]
[A new skill has been unlocked]
[A stat point has been granted]
Arjun ke chehre pe ek halki si muskurahat aayi—“Level 2? Nayi skill? Yeh toh mast hai, bhai!” Par uski khushi zyada der nahi tik payi—uski body mein itni thakan thi ki uski aankhein band hone lagi, aur woh girne wala tha. Karan ne jaldi se usse pakad liya.
Karan: “Tune gazab ka kaam kiya, Lunar Claw! Chal, main tujhe ghar chhod deta hoon.”
Arjun, Karan ka sahara lete hue, ring se bahar chala. Bheed mein se kaafi log usse baat karna chahte the—kuch ladke usse haath milana chahte the, kuch ladkiyan usse aankh maar rahi thi—par kisi ki himmat nahi hui Karan aur Arjun ko rokne ki.
Wahan se nikalne se pehle, Karan ne ek baar Indrajeet ki taraf dekha aur bola, “Apni deal yaad hai na, Thunder Indra? Jab mujhe kaam hoga, main tujhe call karunga.”
Indrajeet: “Par tu mujhe contact kaise karega, bhai?”
Karan ne ek halki si smile di aur bola, “Apni jeb check kar, pata chal jayega.”
Indrajeet ne apni jeb mein haath dala—usme ek chhota sa burner phone tha, jisme bas ek number save tha—Karan ka.
Indrajeet ke chehre pe ek chhoti si hasi aayi, par tabhi usse yaad aaya—“Bhenchod, isne mujhe paise toh diye hi nahi!”
Hospital – Raat ke 1:00 Baje
Balraj—Blazing Balraj—jo Arjun ke haathon knockout ho chuka tha, usse stretcher pe daal ke ek underground hospital le jaya gaya. Yeh hospital bhi RedZone Club ke aas-paas hi tha, aur yahan doctors wahi young students the jo medical ki padhai karte the—ek tarah ka illegal setup, jahan fighters ka ilaaj hota tha bina kisi police ke chakkar ke.
Balraj ki aankhein ek ghante baad khuli. Uska chehra dard se bhar gaya—uske muh pe khoon ke daag abhi bhi the, aur uska right shoulder, jahan Arjun ne kaata tha, abhi bhi jalan kar raha tha. Ek young doctor—shayad 22-23 saal ka—uske paas aaya aur bola, “Balraj bhai, teri chhoti-chhoti chot toh jaldi theek ho jayengi, koi serious nahi hai. Par yeh shoulder pe kaatne ka nishaan… iske baare mein hume kuch nahi pata. Infection na ho, isliye dawai de di hai. Kal wapas aa ke dikha dena.”
Balraj bed se utha—uski body mein thakan thi, par woh chalne ke kabil tha. Usne apne shoulder ko chhua—dard abhi bhi tha. “Yeh kaatna… yeh koi normal chot nahi hai,” usne socha. Par uske dimaag mein ek aur baat thi—“Main yeh kaise bhulun ki main ek normal ladke se haar gaya? Jaisa usne mujhe kata woh koi jaanwar hi kar sakta hai… bhenchod, Lunar Claw koi insaan nahi hai!”
Milte hai abh agle update mai, aur dekhte hai Balraj apna badla le pata hai ja nahi.
thank you bro
keep supporting bro