AB TAK AAPNE PADHA KI VIKRAM APNI SPEAR KI TAAKAT KO PAA LETA HAI PAR WO POWER THODI UNSTABLE HO JAATI HAI WAHIN NISHKALIKA AUR MADDOX KE JEEVEN KA BHI ANT HO JAATA HAI
AB AAGE:-
CHAPTER-2
( CURSE OF THE HOLY SPIRIT )
UPDATE-80
PLANET- EARTH
PLACE- COLLEGE CANTEEN
BHAI,MERA TOH KAL KA HANGOVER ABHI TAK NAHI UTRA.....
ANJALI- hang over????kal tune drink liya tha????
RONIT- drink leta toh tere saamne thodi na kuch kehta....
ANJALI- KYA?????
wo toh ganimat hai ki RONIT ne apni baat dheere se kahi thi jis wajah se ANJALI ko kuch bhi theek se sunayi nahi diya warna aaj ladke ki lag jaani thi.....
RONIT- arre yaar,mai sharab ke hangover ke baare me nahi balki kal jo humne GLUTO me jhande gaade uske hangover ke baare me baat kar raha hun..
mere dimag me ab bhi wahi sab chal raha hai....
subah ka waqt hai.GLUTO ka samay chakra hamare planet ke mukable tez chalta hai.....
GLUTO ke adventure ko khatm karke hum kal raat hi wapas aaye the...par jab hum wapas EARTH pahunche toh 1 week nikal chuka tha...
aur wapas aate hi jab maine ye baat apne doston ko batayi toh sabhi shocked ho gaye par ye baat sabhi ko pehle se hi pata thi ki humare GLUTO jaate hi hamari jagah hamare CLONES ne le li thi.....
Maine sabko gaayab karke unke kamro tak pahuncha diya tha......
aur aaj hum teeno ready hokar college me mile par kyunki ab final exams nazdik the isiliye classes lagne band ho gaye the isiliye hum teeno ne canteen me dera daala......
ANJALI- maza toh tujhe aur SHAILA ko aaya......hum toh baakiyon ki hi tarah bas audience bankar baithe hue the.....
RONIT- arre yaar mai ladun ya tu lade,baat toh ek hi hai naa.....
ANJALI- haan wo bhi hai....waise aaj AVNI aur SHANAYA dono nahi aaye.....
MAI- SHANAYA final paper ke preps karne se pehle ek baar apne ghar DHAWALGARH gayi hui hai....
ANJALI- aur AVNI????
MAI- pata nahi......
ye bolkar mai dusri taraf dekhne laga aur wahin RONIT aur ANJALI ek dusre ki taraf....
ANJALI ne mere haath ke upar apna haath rakh diya.....
ANJALI- tu hame keh sakta tha na ki AVNI ko naa le jaaya jaaye......
MAI- usse bura lagta......
RONIT- wo toh ab bhi lag raha hai....
MAI- fark hai.....
ANJALI- mai baat karun usse....
MAI- jasbaat koi sabak nahi...
jo SAMJHANA pade...
manzil hai,jisse paane ke
liye chalna padega...
chaahe jitna door JAANA pade...
ye bolte waqt mai kuch udaas sa tha jisse mere dono frnz bhaamp gaye....
RONIT- bhai waise ek baat bata,AVNI us princess se,kya naam tha uska?????
ANJALI- ALESENDRA.
RONIT- haan,ALESENDRA se kya baatein kar rahi thi...i mean un dono ki first mulakat thi par aisa lag nahi raha tha...
ANJALI- arre mujhe toh dono ek si lag rahi thi....i mean,dono hi alag hain,par jab dono saath khadi thi thi mujhe aisa lag raha tha maano dono jud si gayi hain....
dono ko dekhkar ek si feeling aa rahi thi.....
RONIT aur ANJALI ki baat sunkar mai muskura diya....ab unhe kya batata ki hum do bhaiyon ke dimag,usse paida hone waali soch toh kaafi alag alag hain par DIL ke maamle me hamari choice ek si hai.....
jis tarah ke chehre ki khubsurti se usse pyar hua tha,ussi chehre sa ek chehra, jiski saadgi se mera bhi dil machal gaya tha...
aur in sab se upar,ALESENDRA aur AVANTIKA dono me do aur cheez thi jo ek si thi...
ek toh un dono ke naam ka pehla akshar aur dusra unke dil ki sacchayi......
RONIT- abbe kahan kho gaya....bolega kuch...!!!
RONIT ki awaaz se mai apni soch se baahar aaya...
MAI- kya bolun...tera sawal hi bakwaas hai...
ab girls talk ke beech bhi apne kaan ghusaun kya.....????
ANJALI- bilkul sahi kaha..aur tujhe kyun jaanana hai ki wo dono kya baat kar rahi thi???
RONIT- arre mai toh bas aise hi....
MAI- abbe ye sab baaton ko chhod kar apne incomplete syllabus ke upar dhyan de.....exams paas hi hain......
chalo mere ghar...kuch padahyi bhi kar lete hain....
RONIT- abbe tujhe padhne ki kya zaroorat hai???aisa kya hai jo tujhe nahi pata...
MAI- beta tujhe toh hai..aur mujhe pata hai ki agar tu apne ghar gaya toh sidhe so jaayega isiliye mere ghar chalo tum dono...
hum teeno uthe aur parking ki taraf nikla pade....
YE TEENO TOH GHAR JAA RAHE HAIN AUR ABHI FILHAL EXAMS TAK INKI LIFES NORMAL YA YE KAHUN BORING HI REHNE WAALI HAI ISILIYE FILHAL KE LIYE CHALIYE KAL ME WAPAS CHALTE HAIN AUR DEKHTE HAIN KI NISHKALIKA aur MADDOX KE MARNE KE BAAD KYA HUA......
A SMALL FLASHBACK FROM YESTERDAY
LORD OF ANGELS ko humara naman....
ye kehkar LORD CRUSEDAR ne mere aage jhuk kar haath jod diye..
aur theek unke baad yahi cheez unke saath khade KING SOLOMONaur unki patni ASHLEY ne bhi kiya..
par jaise hi ALESENDRA mere aage jhukne ko hui,maine usse rok diya....
MAI-aapko mere aage jhukne ki zaroorat nahi hai ALESENDRA...aapne meri jaan bachayi thi...
aur uske upar,naa chahte hue bhi hum dono ek bohot hi mazboot rishte me bhi bandhe hue hain jisme aapka kirdar haath jodne ka nahi balki mere sir par apne haath rakh aashirwaad dene ka hai.....
ALESENDRA- aap ka kathan satya hai VIKRAM..... par us rishte se bhi upar aapki pehchaan hai jiske aage pure bramhaand ka natmastak hona anivarya hai....
MAI- us pehchaan ke aage aap pehle hi jhuk chukin hai...is waqt mai aapke saamne LORD OF ANGELS ki haisiyat se nahi balki ek mitr ke haisiyat se khada hun.....
meri baat sunkar ALESENDRA ke chehre par ek muskaan naach gayi....aur aisi hi muskaan wahan khade har ek vyakti ke chehre par thi siwaaye AVANTIKA ke..
usse toh samajh hi nahi aa raha tha ki mai ALESENDRA se kis rishte ki baat kar raha hun par is waqt wo apne hi gum me itni zyada doobi hui thi ki usne is baat pe zyada dhyan nahi diya...
MAI- DEFENDER...........
mujhe aage kuch kehna hi nahi pada,DEFENDER jaanta tha ki mai kya puchna chahta hun isiliye usne bas apna naam sunte hi bolne shuru kar diya.....
DEFENDER- GRAH SETU ka kaam kuch hi dino me pura ho jaayega.....
KING SOLOMON- LORD OF ANGELS......
MAI- VIKRAM....aur agar ye naam bhi bada lag raha hai toh aap mujhe putra keh sakte hain...
meri baat sunkar KING SOLOMON khush ho gaye....
KING SOLOMON- putra,hamara aapse ek nivedan hai...hum chahte hain ki is GRAH SETU ka sabse pehla upyog aap karen...
DEFENDER- haan LORD,aapke aashirwaad aur kripa ke bina ye SETU banane ka karya kabhi sambhav hi nahi ho paata.....kripya is nivedan ko maan kar hamare grahon me apne charan rakh hume paavan karen.....
MAI- maine pehle hi kaha hai aapse ki maine naahi aap pe koi kripa ki hai naahi ye mera koi aashirwaad hai...
ye aapki khud hi ki mehnat aur balidan ka natija hai ki aapko aapki purani shaktiyan wapas mili hain....
aur KING SOLOMON.....aapko mujhse koi bhi nivedan karne ki awashyakta nahi hai...aapne mujhe putra kaha hai toh ye mera farz banta hai ki mai aapki har iccha puri karun....
Aur Aapki jo iccha hai wo mere liye soubhagya ki baat hogi kintu abhi mai ye nahi kar paaunga.....aapko kuch waqt tak intazar karna hoga???
DEFENDER- aapke charan hamare grahon me punah padenge,yahi humare liye soubhagya ki baat hai...hum intazar karenge.....
iske baad maine KING SOLOMON LORD CRUSEDAR aur baaki ke logon ko mere paanchon doston se milwaaya.....
LORD CRUSEDAR KING SOLOMON aur unki family sabhi se milkar bohot khush hue,khaas karke RONIT aur SHAILA se..
abhi abhi unka parakram jo dekha tha un sab ne.....
abhi LORD CRUSEDAR mujhse kuch kehne hi waale the ki itne me MOKALSAR mere paas aaya...
MOKALSAR- VIKRAM,bahar yahan ki saari praja khadi hui hai aur wo sab tumhe ek aur baar dekhna chahte hain....
MAI- mujhe bhi ek ghoshna karni hai...chalo......
fir mai wahan ke sabhi logon ko lekar kheme ke baahar aaya jahan is waqt GLUTO ki puri praja khadi thi...jahan tak nazar jaayen wahan tak log hi log khade the....
mere baahar aate hi wo sabhi apne ghutno par baith gaye...
MAI- khade ho jaayiye........
maine ye sab dheere se bola tha par meri awaaz un praja ki bheed me khade aakhri vyakti ke kaano me bhi barabar hi sunayi de rahi thi...
MAI- abse yahan par koi bhi yudh spradha kabhi aayojit nahi hogi...aur naahi yahan ka shaashak kabhi kisi chunouti ke bal par badlega.....
SHAILA ,saamne aao.....
SHAILA mere paas aakar khadi ho gayi....
MAI- aaj se is grah ki nayi SHAASHAK nayi RANI SHAILA hogi....
jahan meri baat sunkar puri praja khush ho gayi,wahin SHAILA mooh faade meri taraf dekhne lagi....
MAI- kya hua??itni hairan kyun ho..???
SHAILA- mai kaise???
MAI- tumne apni zindagi me bohot taklife jhelin hai isiliye tum apni praja ki saari pareshani ko naa sirf samjhogi balki unhe kushalta purvak door bhi karogi....
SHAILA- par mujhe koi bhi rajnitik faisle ya masle sambhalna nahi aata....
maine SHAILA ki baat sunkar KING SOLOMON aur LORD CRUSEDAR ki taraf dekha...
LORD CRUSEDAR- uski chinta mat karo putri..wo hum tumhe sikhayenge.....
KING SOLOMON- bilkul......aur mujhe bhi is baat ka yakin hai ki tum ek bohot achi SHAASHAK banogi....
iske baad SHAILA ne kuch nahi kaha...kuch hi der me uski tajposhi bhi ho gayi.....
MAI-kisi bhi manushya ki saralta hi uska sabse mehenga abhushan hota hai SHAILA....
bhale hi tumhe apne mastishk ko ek RAANI ki tarah doudana pade,kathor karna pade par apne hriday ko hamesha komal hi banaye rakhna....
SHAILA ne kuch nahi kaha bas mujhse gale lag gayi....abhi bhi uske aanhkon se baarish hi ho rahi thi par ye baarish khushi ki thi...
mai usse alag hua aur maine MOKLASAR aur AKSHAANT ko awaaz di...dono hi mere paas aa gaye...
LORD CRUSEDAR ab bhi mere paas hi khade the...
MAI- LORD CRUSEDAR,aap kuch kehna chahte hain???
LORD CRUSEDAR- aap se kya chupa hua hai...???
MAI- hmm...AKSHAANT,MOKALSAR....aaj se tum dono ko WARRIORS WORLD ke logon ko yudh kala me parangat banana hai....kya tum dono iske liye taiyar ho???
AKSHAANT- tumne keh diya,samjho ho gaya......
MAI- LORD CRUSEDAR,MOKALSAR aur AKSHAANT bhi SHAILA ke hi barabar ke YODHHA hain..isiliye aap nishchint rahiye...
ye sab sambhal lenge...
LORD CRUSEDAR kuch keh nahi paaye...wo bohot zyada khush dikh rahe the...
tabhi meri nazar ALESENDRA par gayi jo AVNATIKA se baat kar rahi thi aur baat karne ke baad wo mere paas aane lagi..
mai bhi uski taraf chal diya....
ALESENDRA- ek baat puchun VIKRAM???
MAI- V.J....mere dost mujhe V.J bulate hain...
par ALESENDRA ne kuch kaha nahi bas meri aankhon me dekhne lagi....
MAI- kya hua??aise kya dekh rahi ho...???
ALESENDRA- dekh rahi hun ki tumhari aur AVANTIKA ke chehre ke bhaav kitne milte julte hain..
MAI- matlab???
ALESENDRA- matlab tum dono ke hi chehre par muskurahat dikh rahi hai par aankhen dard se dhakin hui hai.....
aisa toh tabhi ho sakta hai jab do logon ki khushi aur gum,ek dusre se jude hue ho...
ALESENDRA ki baat sunkar is baar mai uski aankhon me dekhne laga...
MAI-uski aankhon me wahi dard hai ALESENDRA jo ASMODEUS ki asliyat jaanane ke baad tumne mehsoos kiya tha..
bas fark sirf itna hai ki ASMODEUS ki asliyat jaante waqt tumhe uske paapon ka bhi gyan ho gaya tha isiliye tumhare man me ek saath aneko vicharon ne janm liye jiski wajah se tum saamanya hi rahi par AVANTIKA ke maamle me aisa kuch nahi hai...
meri baat sunkar ALESENDRA shocked ho gayi...
uski ye haalat kuch der tak rahi par fir dheere dheere uski soch ne meri soch ko samarthan diya....
usne ek baar palat kar AVANTIKA ko dekha jo filhal SHAILA ke saath khadi hokar baat kar rahi thi.....
ALESENDRA ko uski haalat par taras aa gaya...
ALESENDRA- tumhe toh sab kuch pata rehta hai..fir tum uski ye bechaini khatm kyun nahi kar dete.....
MAI- tumhare sawal me hi tumhara jawab chupa hua hai....
ALESENDRA ko meri baat ka matlab samajh me nahi aaya...
MAI- zyada mat socho..jab sahin waqt aayega,toh sabse pehle tumhe hi pata chalega...
iske baad ALESENDRA aur mere beech kuch aur der tak baatein hui.is dauran ek baar jaise hi meri nazar AVANTIKA par gayi,toh AVANTIKA hadbada gayi kyunki wo meri hi taraf dekh rahi thi..
usne turant apni nazaren ghuma li.....
aankhon me aansu nahi hain
aankhen fir bhi NUM hi hain..
hamari koi galti nahi
fir bhi kusurwaar HUM hi hain..
khair,maine bhi nazaren AVNI se hatali aur ALESENDRA ko lekar LORD CRUSEDAR aur KING SOLOMON ke pass pahuncha....
MAI- humare jaane ka waqt ho chuka hai..ab aap sab hume ijazat den....
LORD CRUSEDAR aur unke saath aaye sabhi ne firse mere aage haath jod diye....
KING SOLOMON- GRAH SETU se pehli yaatra aap hi ko karna hai....hume aapka intezar rahega.......
MAI- intazar toh mujhe bhi rahega....aapki sampatti jo aapko punah loutani hai KING SOLOMON.....
meri baat sunkar sab chownke...kisiko bhi meri baat ka matlab samajh nahi aaya...
MAI- FOUNTAIN OF LIGHT........
meri baat sunkar ek baar fir sab chownke par agle hi pal sabke chehre khil gaye....
ALESENDRA- arre haan..ye mai kaise bhul gayi...usse toh bas tum hi dhund sakte ho....
MAI- jaanta hun....
iske baad mai ek baar fir sabse mila...SHAILA ko ek aur baar RAANI banane ki badhayi di...mai abhi bhi yahan hun ye jaanane ki wajah se praja ab bhi bahar hi khadi thi.....
mai ek baar bahar gaya.mujhe dekhte hi wo sab firse mere ohde ka naam lekar chillane lage...
maine apna haath upar kar sabko shaant kiya..
waise toh mai muskura raha tha par meri aankhon me bechaini thi....
aur wo isiliye kyunki us bheed me ek chehra nadarad tha....
BHUVIKA...... jo is waqt ek banzar si jagah par baithi ro rahi thi.....
NISHKALIKA aur MADDOX kyunki kaali shaktiyon ke prateek the isiliye unke marte hi unka sharir dhuen me badal kar gaayab ho chuka tha aur unki saari kaali shaktiyan apni manzil par pahunch chuki thi...
wahin is waqt BHUVIKA ke chere par kayi bhaav aa jaa rahe the par jo hua usse dekhte hue ye saari cheezen toh swabhavik thi..
mujhe bechaini BHUVIKA ke DIL ki wajah se ho rahi thi....
jitne bhi bhaav is waqt uske chehre par aa jaa rahe the,wo toh uske dimag ke upaj the par is waqt uska DIL ek dum kora tha....
matlab bhaav shunya...naa koi dard,naa koi aur bhaav...aisa lag raha hai jaise uske DIL ki saari bhaavna khatm ho gayi hai....
aur ye koi choti moti baat nahi thi...aisa kuch hote hue mai pehli baar dekh raha tha....
par mai is baare me kuch kar nahi sakta tha.....aur naahi BHUVIKA ko samjha sakta tha kyunki BHUVIKA ke liye NISHKALIKA ki sacchayi se zyada uska prem priya tha...
agar NISHKALIKA aur is BRAMHAND ke beech me se BHUVIKA ko kuch chunana hota,toh bhi BHUVIKA apni behen ko hi chunti...aise vicharon ke swami ko samjhaya nahi jaa sakta...
maine ek lambi saans chodi aur BHUVIKA naam ke vichar ko apne dimag se jaane diya.....
AVANTIKA RONIT aur ANJALI mere paas aa gaye the...maine ek baar fir sabse anumati li aur hum teeno gayab ho gaye.....
PLANET- MONSLICKEL
PLACE- ASMODEUS PALACE...
BEELZEBUB- aisa kab tak chalega FATHER.????VIKRAM ek ke baad ek nayi shaktiyan paate chala jaa raha hai aur hum kuch bhi nahi kar rahe hain.....
naa aap usse rok rahe hain naa mujhe rokne de rahe hain....
ASMODEUS- HAHAHAHAHAHAHA............
BEELZEBUB ki baat sunkar ASMODEUS hasne laga....wahin BEELZEBUB apne pitah ko yun achanak haste dekh soch me pad gaya...
ASMODEUS- do baatein..pehli ki VIKRAM ko HUM nahi sirf MAI rok sakta hun....usse rokna tumhare bas ki baat nahi hai..
aur iska ek chota sa udaharan tum us dhaabe me dekh hi chuke ho....
BEELZEBEUB ASMODEUS ki baat sunkar sharmsaar ho gaya......
ASMODEUS- aur dusri baat...USSE nahi UNHE......mat bhulo ki VIKRAM mera BHAI hai.....rishte aur ohde me wo tumse kayi gun aage hai....
jab bhi uska naam lo,izzat se lo.....
aur jahan tak uske shaktiyon ko paane aur usse rokne ki baat hai toh tum ye nahi dekh paa rahe ho ki usse wo shaktiyan kis keemat par mili hain..
jabki wo saari shaktiyan toh ussi ki thi..mai chahkar bhi unhe haasil nahi kar sakta tha toh usse rokne ka kya faayda....
par ab wo waqt door nahi jab ASMODEUS aur VIKRAM aamne saamne honge......
BEELZEBUB- kya???sach..!!!!!kya mai...
ASMODEUS- thik hai....par usse pehle kuch aur hona baaki hai!!!!!
BEELZEBUB- kya???
ASMODEUS ne kuch kaha nahi bas BEELZEBUB ko saamne dekhne ka ishara kiya...
aur jaise hi BEELZUBUB ne saamne dekha wo shocked ho gaya kyunki uske saamne koi baitha hua tha....
SHOCKED sirf BEELZEBUB nahi hua tha,us shaksh ki bhi aankhen hairat se badi ho gayi thi....
ab achanak jagah badlegi toh shock toh lagega hi naa.....
fir jab us shaksh ki nazar saamne gayi toh usse fir se shock laga...
uske saamne do log the jo gardan se pair tak kaale libas me baithe usse hi ghur rahe the..
ASMODEUS- tumhara swagat hai BHUVIKA....
AAJ KE LIYE ITNA HI...
AAPKA APNA V..J....
