AB TAK AAPNE PADHA KI VIKRAM SHAILA KO GLUTO KI NAYI MAHARANI BANA DETA HAI WAHIN BHUVIKA APNE AAP KO ACHANAK ASMODEUS KE SAAMNE DEKHKAR SHOCKED HO JAATI HAI....
AB AAGE
CHAPTER-2
( CURSE OF THE SWEET POISON )
UPDATE- 81
PLANET-EARTH
PLACE- COLLEGE CAMPUS
HAASH........finally bukhar khatm hua.......
ANJALI- ....WHATTT...tujhe bukhar tha aur tune mujhe bataya tak nahi.....dekhun toh,kahin ab bhi fever toh nahi hai.....
ye bolkar ANJALI RONIT ke maathe par haath rakh kar check karne lagi wahin mai zor zor se hasne laga...
mujhe hasta dekh ANJALI sawal bhari aankhon se meri taraf dekhne lagi ki tabhi RONIT bhi meri tarah hasne laga....
ANJALI- tum dono ka dimag kharab ho gaya hai kya???yun bina wajah hase jaa rahe ho...
MAI-hamara dimag kharab nahi hua hai,tera dimag chalna aaj kal kuch kam ho gaya hai...
ANJALI- matlab??
MAI- matlab ye tera B.F body ke bukhar ki nahi exams ke bukhar ki baat kar raha hai..
ANJALI- oh,toh sidhe sidhe nahi bol sakta kya tu.....
MAI- lai,isne aaj tak koi baat sidhi sidhi boli hai jo aaj bolega....
aur tu saale,bol toh aise raha hai jaise saal bhar din raat mehnet ki thi tune exams ke liye,kyun???
RONIT- abbe tune jo pichle ek mahine se meri din raat laga rakhi hai naa,usme mera saal bhar ka kya,do saal ki padhayi ka kota bhi pura ho gaya hai...
RONIT ki baat sunkar ANJALI aur mai hasne lage.....
aise hi hasi mazak karte hue hum canteen pahunch gaye....
aaj humara first year ka final exam khatm hua hai...GLUTO se wapas aaye aaj hume ek mahine se upar ho chuka hai....
is ek mahine me maine RONIT se din raat padhayi karwayi hai...is douran baaki sab toh normal raha hai,bas ek chiz badli hai aur wo kya ho sakta hai, iske baare me toh aap sab jaante hi hain..
wo hai AVANTIKA ka mere prati rawaiya...waise toh wo sabke saamne haste muskurate rehti hai,mujhse bhi baatein karti hai,par jab bhi wo mere saamne aati hai aur mujhse baat karti hai toh uske rawaiye aur bolchaal me halki jhijhak rehti hai....
ye baat SHANAYA ne toh note nahi ki par mere doston ne is baat par hamesha gour kiya hai..
wo dono is baare me AVANTIKA se baat bhi karna chahte the par maine unhe rok diya...
dil ki baatein samjhayi nahi jaati balki khud samjhi jaati hain....
mai jaanta tha ki uska wajud meri haqiqat ko apnane se dar raha hai,par is jung ko usse khud hi jitna tha..apne dar ko usse khud hi harana tha....
khair,is baare me mai jab kuch kar nahi sakta tha soch kar kya faayda..
maine bhi AVANTIKA ki jhijhak ke upar usse kuch kaha nahi aur wo zyada uncomforable naa ho,isiliye mai uske saamne kam hi aata tha....
RONIT- chal bhai shuru ho jaa aur bata kya plan hai???
abhi hum baithe hi the ki RONIT bhai ne apna muh faad diya....
ANJALI- plan kaisa plan???
RONIT- ISLA ka aur kahan ka.humara agla adventure wahi hai naa.....
MAI- mere paas ek bad news hai aur ek good news..batao,pehle kya sunna chahoge....???
RONIT- ab ye kya baat hui??chal thik hai,pehle bad news sunaade phir good suna diyo....
kamsekam bad news sunke jo mood off hoga,usse thik karne ke liye kuch toh bacha hoga....
MAI- toh bad news ye hai ki ISLA mai jaa raha hun,tum dono nahi.......
DONO- what????
RONIT- kyun,hum kyun nahi jaayenge....???
MAI- tum dono abhi taiyar nahi ho...
ANJALI- matlab???itna kuch toh sikh gaye hain aur tune hi toh kaha tha ki humse behtar yodha shayad hi koi hoga!!!
MAI- wo bhi ek sach tha aur jo mai abhi keh raha hun wo bhi ek sach hai.....
kuch cheezen mai tumhe abhi nahi bata sakta par yakin maano,sahi waqt aane par tum dono ko sab pata chal jaayega.....
meri baat sunkar RONIT aur ANJALI dono udaas ho gaye....
MAI- arre yaar tum dono udaas mat ho...abhi good news baaki hai....
RONIT- saale,pura mood off karke bolta hai ki good news baaki hai....
MAI- acha matlab tum dono ko good news nahi sunani hai,right!!!!
ANJALI- ab zyada bhaav mat khaa,aur bata kya good news hai...
MAI- usse pehle ye batao ki agle hafte kya hai???
RONIT- yaar waise hi tune dimag kharab kar diya hai..ab ye kaun banega crorepati khelkar mood aur kharab mat kar.....
MAI-abbe mai kaunsa tujhe 4 options de raha hun...sidha sa sawal hai,uska jawab de....
ANJALI- hang on,hang on....mujhe pata hai tu kis din ke baare me baat kar raha hai...
ANJALI jo meri baat sunkar sochne lag gayi thi,uske dimag ki batti jali....
ANJALI- next tuesday UNCLE AUNTY ki marriage anniversary hai....
RONIT- oye teri ki...ye mai kaise bhul gaya...
MAI- kyunki tere dimag me bhussa bhara hua hai....
ANJALI- tu is good news ki baat kar raha tha....!!!!
MAI- nopes.....good news ye hai ki is baar hum sab MOM DAD ki anniversary celebrate karne SWITZERLAND jaa rahe hain......
DONO- WHAT?????
MAI- u heard me....
RONIT aur ANJALI ne mujhe dono side se hug kar liya....
RONIT- kya news sunayi hai tune bhai maza aa gaya....
ANJALI- haan yaar...ye mera switzerland ka first trip hoga....maza aa jayega....
RONIT- wo toh mera bhi first time hi hai....chal,ghar chalkar sabko ye plan batate hain....
ANJALI- haan fir hotel wagairah bhi toh book karni hogi naa....
MAI- ghar me sabko pata hai....aur maine hotel bhi book kar liya hai.....
ANJALI- kya???matlab ye sab preplanned tha jiske baare me sabko pata tha sivaaye hum dono ke....
MAI- haan..warna ye maharaj study me thik se concentrate nahi kar paate....
ANJALI- haan,ye toh hai....par ab toh hume bhi pata chal hi gaya hai naa.ab yahan se jaate hi mai shopping karne jaaungi....
SHOPPING...!!!!!!WOW..........yun achanak....anything special!!!!!!!
ANJALI ki baat saamne se aati hui SHANAYA ne sun li thi.uske saath AVANTIKA bhi thi jisne ek baar meri taraf dekha par fir apni nazar baakiyon ki taraf ghuma li....
ab ye mere liye normal ho gaya tha isiliye maine bhi zyada gour nahi kiya....
ANJALI- haan,special toh hai...next tuesday MINU aunty aur JAIRAJ uncle ki marriage anniversary hai.
RONIT/ANJALI-aur hum sab usse celebrate karne ke liye SWITZERLAND jaa rahe hain...
ye bolkar dono baccho ki tarah shor machane lage...
MAI- arre koi chocolate laakar do mere dono baccho ko.....
meri baat sunkar SHANAYA hasne lagi wahin AVANTIKA ke chehre par bhi halki si muskaan naach gayi.....
ANJALI- chupkar....ek toh humare bina hi sab planning kar leta hai aur ab jab hume pata chala hai toh kya hum khush bhi naa hon...
SHANAYA- oh toh ye sab V.J ka plan hai....
RONIT- aur nahi toh kya????aur pata hai,iske baare me humare ghar waalon ko bhi pehle se pata hai,bas hum dono ko hi abhi pata chala...
MAI- abbe bataya toh ki teri concentration kharab naa ho isiliye nahi chhupaa kar rakha tha...
SHANAYA- arre wo sab chhodo....the point is ki tum sab switzerland jaa rahe ho....yaar,tum sab kitne lucky ho.....
ANJALI- arre toh tum dono bhi lucky ban jaao naa.humare saath chalo....
ANJALI ki baat sunkar SHANAYA aur AVANTIKA shocked ho gaye...
SHANAYA- kuch bhi naa...tum sab lonavla nahi switzerland jaa rahe ho...aise hi chale jaayen kya hum bhi....
RONIT- aise hi matlab!!!toh kya tum dono ko le jaane ke liye hume pehle invitation card dena hoga....
SHANAYA- arre yaar itne short notice me tickets kahan se available honge..i mean,tum sab hi itne saare log ho toh FLIGHT toh full ho hi chuki hogi..
SHANAYA ki baat sunkar ANJALI aur RONIT hasne lage wahin AVANTIKA aur SHANAYA unhe sawaal bhari nazaron se dekhne lage....
SHANAYA- humne koi joke maara kya???
RONIT- joke hi toh maara hai..tujhe kisne kaha ki humme Switzerland jaane ke liye tickets ki zaroorat padegi???
SHANAYA- matlab???!!!!
ANJALI- matlab ye ki JAIRAJ uncle ke paas apna khudka plane hai aur hume jab bhi kabhi kisi foreign country me holiday ke liye jaana hota hai toh hum ussi me jaate hain...
ANJALI ki baat sunkar SHANAYA aur AVANTIKA ki aankhen badi ho gayi aur isse pehle ki wo apne bhaav vyakt karte
MAI- ab please haan,oh my GOD se shuru hone waali koi statement mat dena...
ab plane hai toh hai...not a big deal....tu bas itna bata ki saath chalegi ki nahi.....agar tere paas passport nahi bhi hai toh tention naa le,banwa denge...
SHANAYA- nahi passport toh hai....par ek baar ghar waalon se puch lete hain...
MAI- cool.aur agar koi problem ho toh RONIT aur ANJALI ko bata dena..ye tumhare ghar aakar tumhare mom dad ko mana lenge...
waise toh ab humare aur AVANTIKA ke ghar waalon ke beech sab kuch normal tha..bohot si social gatherings me humari mulakat bhi ho jaaya karti thi...
par fir bhi maine unke ghar me ghuske jo dabangayi dikhayi thi,uski wajah se mai kabhi unke ghar nahi jaata tha....
aur ye baat SHANAYA aur AVANTIKA bhi jaante the..dono ne mujhe kayi baar kaha bhi ki mere baare me jab bhi unke ghar me baat hoti hai toh unke ghar waale humesha mere liye positive reactions hi dete hain par fir bhi maine avoid hi kiya...
SHANAYA- thik hai...hum shaam tak batate hain.....
MAI- thik hai fir..aaj kaafi late ho gaya hai...ab ghar nikalna chahiye....
ye bolkar mai uth gaya.ANJALI aur RONIT ne AVANTIKA aur SHANAYA ko baari baari side hug kiya aur maine sirf SHANAYA ko...AVANTIKA ko maine bus bye kaha....
fir hum nikal gaye....
is pure douran bus bye bolte waqt hi maine AVANTIKA ki taraf dekha tha,baaki waqt maine uski taraf nazar bhi nahi ghumayi thi..
AVANTIKA ne kayi baar meri taraf dekha tha par is dauran usne ye realize kiya ki mai uski taraf nahi dekh raha hun...
uske upar maine switzerland jaane waali baat par sirf SHANAYA ko hi pucha,usse nahi jisse usse bura laga,par ab kar bhi kya sakte hain..
mujhe avoid karne ka faisla bhi toh ussika tha...ab har action ka koi na koi reaction toh hota hi hai....
khair,hamesha ki tarah RONIT aur ANJALi ek bike par aaye the aur mai apne....hum teno saath hi nikle.....fir ghar ke raaste par pahunch kar maine dono ko shaam ko aane ko kaha aur bike apne ghar ki taraf ghuma di....
ghar pahunchne par jaise hi maine bike ko stand kar palta toh mere dil me ek tees si uthi..
ye tees us dard ki thi jiska ghaav shayad zindagi bhar na bhare...
mujhse thodi hi door AASHI pool ke paas baithi upar aasman ki taraf dekh rahi thi..
darasal wo apni maa BHAAGWATI MAA ko yaad kar rahi thi...
BHAAGWATI MAA ke balidan ke baad maine unka ek clone bana diya tha....
BHAAGWATI MAA ke clone ne mere ghar par apne pati ki aatma ki shaanti ki puja karne ke liye KEDARNATH ki yaatra par jaane ki baat kaho aur mere naanaji se ijazat maangi.....
naanaji se ijazat lekar wo clone chali gayi aur fir kabhi naa louti....
bas ye khabar aayi ki BHAAGWATI MAA ka accident ho gaya hai aur us haadse me unki body tak puri tarike se damage ho gayi hai...
agar mai chahta toh ussi CLONE ko BHAAGWATI maa ki jagah zindagi bhar ke liye rakh sakta tha par ye ek paap hota...
jhoothi zindagi se acha jhoothi mout sahi...
mere mom dad ne AASHI ko godh le liya...AASHI choti zaroor thi par itni nahi ki apni maa ki mout ka matlab bhi naa jaan sake...
wo hamesha gumsum hi rehti thi....aur har waqt apni mom ko yaad karti rehti thi...hum sab hamesha koshish karte rehte usse khush rakhne ki par kehte hain naa,jispe beeteti hai wahi jaanta hai...
yahi saari baatein sochte hue mai uski taraf badh gaya.....
MAI- meri AASHI kya kar rahi hai yahn akele akele....
ye kehkar mai uski side me baith gaya..
AASHI- kuch nahi bhaiya....bas aise hi baithi hun....
mai uski aankhon me dekhne laga..itni si umar me apne dard ko chhupane ke liye jhoot bolne ka hunar sikh gayi ye bachi...
shayad apni maa ko khone ki wajah se AASHI waqt se pehle hi mature hone lagi thi...
MAI-mummy ki yaad aa rahi hai??????
mere mooh se mummy shabd sunte hi uski aankhon se aansu behne lage...
maine usse apni baahon me samet liya...
maine usse kuch der rone diya...aur jab kuch der rone ke baad uska dil kuch halka hua toh maine usse khud se alag kiya aur apne dono haathon se uske dono haathon ko thaam liya..
MAI- baccha,pata hai jab BHAAGWATI MAA yahan se gayi thi naa toh unhone mujhse kaha tha ki meri AASHI ka khayal rakhna...
agar tu aise royegi toh unhe lagega ki mai tera khayal nahi rakh raha hun...wo mujhse naaraz ho jaayengi....
meri baat sunkar ek baar firse AASHI ke aankhon se moti nikalne lage...
MAI- baccha,meri mom ab teri bhi mom hain..agar tu yunhi udaas rahegi toh unhe kitna bura lagega....
unhe lagega ki tu unhe apni mom nahi maanti....teri tarah wo bhi ron e lagengi...
lagengi kya,dekh,wo ro hi rahe hai...kya tu unhe rulana chahti hai???
meri baat sunkar AASHI ne jhat se mere peeche dekha jahan is waqt meri mom khadi humari baat sun rahi thi aur unke aankhon me aansu the....
AASHI jhat se mere godh se uthi aur jaakar mom ke pairon me chipak gayi.....
mom ne usse apni godh me utha liya....
AASHI- sorry mummy....ab mai nahi roungi....please aap bhi mat rona naa..
ye kehkar AASHI mom ke aansu pochne lagi...
MOM- promise karo ki fir kabhi nahi roge aap....
AASHI- promise....
MOM ne AASHI kaa maatha chum liya....
MOM- tujhe kaise pata chala ki mai tere peeche hun....????
MAI- lai,apni mom ko mehsoos nahi kar paaunga toh fir kisse karunga...
AASHI- aapki nahi meri mom...
AASHI ki baat sunkar hum dono has diye..
MOM- haan bacha,mai bas aapki mom hun...
MAI- thik hai fir.tu apni mom rakh,mai apna bag rakhkar aata hun...
ye kehkar maine k baar AASHI ke gaal kheenche aur ghar andar chala gaya...
fir kuch khaas nahi hua..shaam ko mere dono dost aaye,kuch der tak unhe pehle se plan ke baare me naa batane ki wajah se mom se naaraz hone ki acting ki fir kamine khud hi maan gaye...
fir hum teeno nikal gaye shopping karne....
Chaliye, jab tak ye teeno shopping kar rahe hain,hum zara ussi waqt me wapas chalte hain jab ASMODEUS aur BEELZEBUB ke saamne BHUVIKA prakat hui thi....
PLANET- MONSLICKEL
PLACE- ASMODEUS PALACE
BHUVIKA- kaun ho tum dono?????aur mai yahan kaise aa gayi.....
BHUVIKA apne aankhon me pehle se moujud beshumar dard ke bhaav ke saath hairat ke bhaav ko jodte hue idhar udhar dekhne lagi.....
Wahin uske saamne khade BEELZEBUB aur ASMODEUS ke man me do alag alag bhaav utpann ho rahe the....
BEELZEBUB ko apne andar ek ajeeb si kamzori mehsoos ho rahi thi wahin ASMODEUS ki man me ek vyakulta thi..
Wahin apne sawal ka jawab naa milne par BHUVIKA ne firse sawal kiya....
BHUVIKA-kya tum dono bhi un logon ke saathi ho jisne meri didi ki jaan li...agar aisa hai toh mujhe bhi maar do....waise bhi meri behen ke bina mera koi astitva nahi hai.....
Ye bolte bolte BHUVIKA ki aakhen ek aur baar aansuon se bhar gaye the.....
ASMODEUS- hum tumhare shubhchintak hain BHUVIKA.......dushman nahi....
ASMODEUS ki baat sunkar ek baar firse BHUVIKA ke aankhon ki putliyon me hairat naach gayi....
BHUVIKA- mai kaise maan lun...???
BHUVIKA ji baat sunkar ASMODEUS ke honthon par muskaan aa gayi.usme kuch kaha nahi bas apna haath aage kar diya.ASMODEUS ke haathon se ek neeli ray nikli aur agle hi pal ASMODEUS se thoda aage ek aakriti banane lagi aur jaise hi wo aakriti ne insaani roop liya,BHUVIKA aur BEELZEBUB ko ek jhatka laga.
Wo aakriti jisne abhi abhi insaani roop liya tha,wo aur koi nahi VIKRAM tha......
Par BEELZEBUB aur BHUVIKA ke shocked hone ki wajah alag alag thi......
Aur isse pehle ki dono me se koi react karta,
TANNNN.........
is awaaz se jaise BHUVIKA hosh me aayi aur jab usme apne saamne dekha toh paaya ki uske aage ek talwar giri hui hai....
Wahin BEELZEBUB ASMODEUS se kuch kehne hi jaa raha tha ki ASMODEUS ne usse man me hi chup rehne ka hukm diya....
ASMODEUS- lo,ye khada hai tumhara gunehgaar aur tumhare saamne padi hai talwar....iske saath jo karna chaho,kar lo....
BHUVIKA kuch der tak ek tak VIKRAM ko dekhti rahi,fir dheere dheere uski aankhon me VIKRAM ke liye nafrat aur aseem krodh ke bhaav utpann hona shuru ho gaye...
Usne apne saame padi talwar uthayi aur VIKRAM ke saamne pahunch gayi....
Aur SAAYENNN...
SAAYENNN.......
BHUVIKA lagatar talwar chalati rahi aur dekhte hi dekhte VIKRAM ka pura sharir katathe chala gaya....
Jis ladki ne aaj tak chiti bhi nahi maari thi,aaj usne bina ek pal gawayen kisi insaan ki jaan le li thi......
wahin jaise hi BHUVIKA ne VIKRAM par waar kiya, BEELZEBUB ke sharir me ho rahi kamzori gayab hone lagi...
VIKRAM ke sharir par waar karte waqt BHUVIKA ke ankhon se ansuon ki baad si nikal rahi thi par aakhri waar karte karte wo.aansu rook aye aur unki jagah shock ne le li....
Aur wo isiliye kyunki VIKRAM ki puri body kat chuki thi,par abhi tak uske sharir se ek bund bhi khoon kaa nahi nikla tha.....
Aur jaise hi BHUVIKA ne VIKRAM ki body ko chune ke liye haath aage badhaya,body dhuan banke hawa me gayab ho gayi.....
BHUVIKA kabhi us jagah ko dekhti jahan kuch der pehle VIKRAM ki kati hui body thi toh kabhi ASMODEUS ki taraf jo ussi ko muskurate hue dekh raha tha....
wahin in dono se alag BEELZEBUB apne FATHER ki yojna ko samajhne ki koshish kar raha tha..
kyunki ASMODEUS ke VIKRAM ko saamne prakat karte hi wo samajh gaya tha ki saamne kahda shaksh VIKRAM ka CLONE hai...
BHUVIKA- ye sab kya hai???aur wo jisse maine abhi maara tha wo kahan gaya??aur uske sharir se khoon kyun nahi nikla raha tha...
ASMODEUS- kyunki wo koi insaan nahi bas ek behrupiya tha....
ASMODEUS ki baat sunkar BHUVIKA ko ghussa aa gaya aur usne jo talwar haath me pakdi hui thi,usse ASMODEUS ke sir ko nishana banakar chala diya
par........
BHUVIKA ne ghumaya toh talwar hi tha par ASMODUS ke gale tak pahunchte pahunchte wo talwar gaayb ho chuki thi....
wahin BHUVIKA ki harkat ko dekhkar ASMODEUS aur BEELZEBUB hasne lage....
BHUVIKA- has lo....jab pata ho ki khud ke paas zyada taakat hai toh dikhane me bohot maza aata hai....
khaas kar mujh jaise ke aage jo shaktihin hai??
ASMODEUS- aur agar tumhe shaktishaali bana diya jaaye toh!!!!
agar tumhare andar aseem shakti bhar di jaaye toh!!!!
ASMODEUS ki baat sunkar BHUVIKA ke saath saath BEELZEBUB bhi chownk gaya...
BHUVIKA- fir mai us vyakti jiska behroopiya abhi yahan khada tha,uska haal bhi uske behroopiye jaisa kar dungi...
BHUVIKA ki baat sunkar ASMODEUS fir se hasne laga wahin BHUVIKA firse aankhon me sawaal liye ASMODEUS ki taraf dekhne lagi..
ASMODEUS- bewakuf ladki.....
kya tumhari aankhon me patti bandhi hui thi jab VIKRAM ne apna asli roop pure GLUTO ko dikhaya tha....
taakat se tum USSE ko kabhi nahi hara sakti....
BHUVIKA ASMODEUS ki baat sunkar bohot nirash ho gayi....
ASMODEUS- tum usse maar toh nahi sakti,par usse ek aisa ghaav zaroor de sakti ho,jo uske liye mout se bhi badtar hoga....
ASMODEUS ki baat sunkar BHUVIKA ki aankhon me ek khooni chamak aa gaya...
BHUVIKA- agar aisa ho sakta hai toh aisa karne ke liye aap mujhe jo karne ke liye kahenge,mai karne ko taiyar hun....
wahin BEELZEBUB jo shuru se apne FATHER aur BHUVIKA ke beech ki baat sun raha tha,wo bol utha..
BEELZEBUB- FATHER,kya mai aapse kuch puch sakta hun???
ASMODEUS- usse pehle ye jaanana nahi chahoge ki iske aate hi tumhare andar kamzori kaise aane lagi thi aur BHUVIKA ke VIKRAM ke behrupiye ko maarte hi wo kamzori gayab kaise ho gayi???....
ASMODEUS ki baat sunkar BHUVIKA fir shocked ho gayi....
aur yahi wo baat thi jiski wajah se ASMODEUS bhi vyakul ho gaya tha..
BELZEBUB- haan jaanana chahta hun...
ASMODEUS- kyunki is bramhaand ke 99 pratishat logon ke andar kahin na kahin halka sa hi sahi par
paap awashya hi chupa hua hota hai par BHUVIKA ke man me kuch waqt pehle tak lesh maatra paap ki bhaavna bhi nahi thi....
aur isiliye uske sharir se nikalti adrishya WHITE ENERGY ki tarange tumhare kaali shaktiyon ko nichod rahi thin jis wajah se tumhe kamzori mehsoos ho rahi thi...
par VIKRAM ke behroopiye ko maarte hi iska man badal gaya jis wajah se wo WHITE ENERGIES ki tarango ka asar kam ho gaya aur tumhari kamzori bhi jaati rahi....
aur ab tumhare sawaal par aayen toh tum yahi puchna chahte ho naa ki ye naazuk si BHUVIKA jiska man bhi komal sa hai,wo VIKRAM ko kaise chot pahuncha sakti hai???
BEELZEBUB- haan...
ASMODEUS- BHUVIKA,maine jo kaha hai,wo ho sakta hai par har chiz ki keemat hoti hai aur kyunki badla tumhara hai isiliye keemat bhi tumhe hi chukani hogi......
kya tum keemat ada karne ke liye taiyar ho......
BHUIVIKA ne kuch kaha nahi bas uski aankhon me confidence ka ek aisa sailab utha jisse dekhkar ASMODEUS ke chehre par ek vijayi muskaan naach gayi...
ASMODEUS- tumhe do kaam karne honge...
1ST- tumhare andar bohot zyada maatra me WHITE ENERGY hai,jisse ek jhatke me khatm karne ke liye tumhe BEELZEBUB ka KHOON pina padega....
ASMODEUS ki baat sunkar BEELZEBUB aur BHUVIKA ko ab tak ka sabse bada jhatka laga...
par BHUVIKA turanat sambhal bhi gayi....
BEELZEBUB- mera hi khun kyun???iska kaam liye toh kisi bhi DEVIL ka khoon istemaal kar sakte hain naa..
ASMODEUS- nahi kar sakte....BHUVIKA ke andar ki energy ko bas tumhara khoon hi sambhal sakta hai.....
jaanti ho ye kya hai BHUVIKA....??
is waqt ASMODEUS ke haathon ek upar do BLACK ENERGIES ke dhuen tair rahe the...
BHUVIKA ne naa me gardan hila diya...
ASMODEUS- ye tumhari behen NISHKALIKA aur uske saathi MADDOX ki KAALI SHAKTIYAN hain...
agar tumne apna pehla kaam kiya toh inaam swaroop tumhe ye dono shaktiyan milengi....
BHUVIKA- mai taiyar hun....mera dusra kaam kya hai.....???
ASMODEUS- TUMHE BEELZEBUB SE SHAADI KARNI HOGI.......
AAJ KE LIYE ITNA HI....
AAPKA APNA V..J.....
