Incest Meri Jung (Restart)

[Nadan Dill]

bhit awala maza aya giea mara khayal sa divya janti ha nisha(Zoya) ka bara ma

 

[Naik]

Update 106
----------------------

divya kuchh der tak khamosh hi rahi, aur fir usne bolna suru kiya.

divya- wo isliye kyun ki mere dimag me nisha di ko khojne ka ek naya tareeka aaya he. halanki plane bahi purana he. par use anjaam dene ka tareeka mera naya hai

jiya- mujhe kuchh bhi samajh me nahi aa raha he, ki tum kya bol rahi ho divya????

divya- are baba.... baat ekdum simple si hai. hame nisha di ka pata lagane ke liye IT orgnizations ka pichhle 2 saal ka data chahiye. halanki baaki sabhi log apni apni tarah se iski kosis kar rahe he. par mujhe lagta hai ki ye kaafi nahi he. hame sahi sahi jaankari ke liye kisi na kisi ek IT orgnization ke andar apni pakad banani hi hogi. agar hum kisi ek orgnization ke andar bhi apni pahunch banane me kaamyab ho gaye, to baaki orgnizations se bhi hum apne matlab ka data ashani se prapt kar sakte he. isi liye mene ab office na jane ka fiashla kiya hai

jiya- matlab?????

divya- matlab ye hai ki kal se mai alag alag IT orgnizations me job ke liye apply karne baali hun. i hope mai jald hi kisi na kisi orgnization me job prapt kar hi lungi. uske baad ka kaam hamare liye ashan hoga. par ek problam he

maa- kya?????

maa ki baat sunkar divya bahut jyada serious ho gai. aur kuchh der tak khamosh hi rahi. divya ka ye reaction dekh kar maa aur jiya bhi kaafi serious ho gai. unhe laga ki jaroor koi bahut badi problam hogi. maa aur jiya ko bhi serious dekhkar divya boli.

divya- wo wo wo problam ye he ki.... iske liye mujhe aap sab ki ijajat chahiye....

itna bolkar divya muskura di. jabki divya ki poori baat sunkar maa aur jiya bhi muskura uthi. aur fir maa divya ke gaal par pyaar se ek chapat lagate huye boli....

maa- achchha.... mere saath hi ye notanki... are mene bhala aaj tak tumhe kisi kaam ke liye mana kiya hai kya??????

maa ki baat sunkar divya muskurate huye boli

divya- nahi maa... aapne kabhi bhi mujhe kisi bhi kaam ke liye mana nahi kiya he, balki hamesha mera saath hi diya he. par mere hote huye aap ko ghar ke kaam karne pade ye mujhe achchha nahi lagta he. mujhe job karne se jyada aapke aur papa ji ke saath ghar par samay bitana jyada pashand he. aap dono ke saath rehane par mujhe apne mummy papa ki yaad hi nahi aati.

divya ki baat sunkar maa ne divya ko apne gale laga liya. aur uske maathe par pyaar se kiss karte huye boli

maa- are re re mera bachcha... jab sab kuchh theek ho jayega, to jesa tera dil kare wo karna. par abhi ke halat tujhe pata hi hai. abhi hame bahi karna hoga jo ki jaroori hai. bese tera plane to achchha he. meri taraf se tujhe ijajat hai.

divya- theek he maa... mai kal se hi apne kaam par lag jaati hun. aur aap dono apne kaam par lag jaiye.

divya ki baat sunkar kuchh der tak baha khamoshi rahi. aur fir achanak se jiya boli

jiya- par hum log suruaat kaha se kare?????

jiya ki baat sunkar divya kuchh der tak sochti rahi aur fir boli

divya- apne aur ajju ke riste ko sudhar kar

divya ki baat sunkar jiya hairan hote huye boli

jiya- matlab?????? aakhir tumhe yesha kyun lagta he ki mere aur ajju ke riste me koi problam hai????

divya- keval mujhe hi nahi lagta... balki jyadatar logo ko yahi lagta he.

jiya- par kyun??????

jiya ki baat sunkar divya thodi serious ho gai. aur fir boli

divya- dekho jiya sach kadwa hota hai... ho sakta he ki meri baat sunkar tumhe bura lag jaye. isliye is baat ko mere muh se sunne ke sthan par, tum khud hi iske baare me vichaar karo to behatar he.....

isse pehale jiya kuchh keh pati unhe ajju ki awaj sunai di...

ajju- haan ye sahi hai ki sach kai baar kadwa hota he. par koi apna jab sach bolta hai to wo achchhe ke liye hi hota hai. aur jo sach achchhe ke liye hota he uska kabhi bhi bura nahi mana jata. isliye mai bhi ab sach janna chahata hun. mai janna chahata hun ki mere apne aakhir mere baare me soachte kya hai.

ajju ki awaj sunkar jiya, divya aur maa ne lagbhag ek saath gate ki taraf dekha, to baha par ajju aur monu khade huye paya. jiya ajju ko baha dekh kar poochh hi bethi

jiya- aaapp.... aap kab aye?????

ajju- bus abhi abhi.... manju ne mujhe call kar ke tumhare baare me bata diya tha. monu mere saath hi tha. isliye hum dono chale aaye.

itna bolkar ajju aur monu dono hi room ke andar aa gaye. aaju ne jiya ke sir par haath rakh kar uska feaver check kiya. to use sab normal laga. sayad daba ka asar jiya par ho chuka tha. isliye wo bola

ajju- thanks god tum theek ho.....

ajju ki baat sunkar jiya muskura kar boli

jiya- mai to pehale hi keh rahi thi ki mai theek hun... par divya maan hi nahi rahi thi...

jiya ki baat khatam hote hi maa uth khadi hui, aur boli

maa- tum log beth kar baate karo, tab tak mai sabhi ke liye cofee lekar aati hu.

maa ki baat sunkar ajju bola

ajju- are maa rehane do.... hum dono just abhi abhi monu ke office me cofee pee kar aaye he. ab thodi der baad hi piyenge.

ajju ki baat sunkar maa fir se bahi unlogo ke saath beth gai. kuchh der baha khamoshi rahi. jise aakhir kaar ajju ne hi bhang kiya

ajju- to divya bhabhi ji... aap ne bataya nahi ki aakhir aapki mere aur jiya ke baare me kya raay hai. aur kyun hai.... kahi aapko jiya ki tarah mere bhi naraj hone ka dar to nahi lag raha....

ajju ki baat sunkar divya muskura kar boli....

divya- nahi devar ji..... tumse mujhe bilkul bhi dar nahi lag raha. tumhe mai bachpan se janti hun. hum saath pade he. achchhe dost bhi rahe hai. aur upar se ab hamare beech ye devar bhabhi ka rista bhi hai, to bhala tumse kuchh bhi kehane me mujhe kyun dar lagega. par haan jiya ke naraj hone ka thoda dar jaroor hai. kyun ki jiya kuchh jyada hi sencetive hai. wo har baat par bina soche samjhe turant react kar deti he.

divya ki baat sunkar jiya muskura kar boli

jiya- mujhse darne ki jarurat nahi he divya... mai tumhari kisi baat ka bura nahi manungi. mujh par yakeen karo....

jiya ki baat sunkar divya kuchh der khamosh rahi, aur fir wo ajju ki taraf dekhte huye boli

divya- mera manna hai ki pati patni ke risto ke bich kai baar achchhe aur bure dono prakar ki paristhitiya aati hai. ye un dono ki aapsi samajh par nirbhar karta hai ki wo unko kese handle karna chahate he. tum dono ki tarah sabke saamne apne riste ka majak banana chahate he, ya fir nisha di ki tarah khud se hi use suljhana chahate he.

ajju divya ki baat sunkar bola

ajju- aakir aapko yesha kyun lagta hai, ki hum dono apne riste ka majaak banba rahe he....

ajju ki baat sunkar ek baar fir divya kuchh der khamosh rahi, aur fir wo boli

divya- asal me pichhle 3 saal se jyada samay se tum dono yahi karte aaye ho.... mujhse sawal karne ke sthan par tum dono pichhle 3 saal ki apni harkato par najar daloge to tum dono ko khud hi jabab mil jayega. par agar fir bhi tum log mere muh se hi sunna chahate ho to suno... pichhle 3 saal me yese kai mouke aaye he, jab tum dono ke bich ki problam sabke saamne khul kar aai ho. tum dono chahate to use apne star par bhi suljha sakte the. par nahi suljhaya... balki use sabke saamne laakar apna tamasha hi banwaya hai. ajju ko roj raat ko sarab peeni hi peeni hai. ye baat sab jante he. kai baar saraab peete peete ajju ko ye bhi hosh nahi rehata ki raat jyada ho gai hai. ab ghar chalna chahiye. ghar par bhi koi uska wait kar raha hoga.

itna bolkar divya jiya ki taraf dekhte huye boli

divya- aur agar ajju ko ghar bapis aane me samay jyada ho jaye, to jiya turant vikash ko call, inhe call, ravi bhai sahab ko call... matlab ki poori duniya ko pata chal jata hai ki aaj fir ajju ghar nahi aaya he. mai ye nahi kehati ki jiya ne galat kiya. mai keval itna keh rahi hun ki is situation ko aur bhi jyada achchhi tarah se handle kiya ja sakta tha. agar jiya aur tum chahate to.... ajju agar ek din ghar nahi aaya to koi baat nahi.... agle din to aayega hi..... agle din bhi nahi aaya to uske agle din aayega.... tab uske saath beth kar baat karni chahiye thi. agar nahi sune to jhagda bhi karna chahiye tha. par jitna ho sake is baat ko apne aap tak hi seemit rakhna chahiye tha. hum sab tum dono ke apne hai. par pati patni ke beech ki kai saari bate yesi hoti he jo keval un dono tak hi rahe to achchha lagta hai. par tum dono ke case me yesha kuchh bhi nahi hai. agar pichhle 3 saal me tum dono ne yesi kisi problam ko khud se hi suljhaya hota, to aaj tum dono ka rista aur bhi jyada majboot hota.

divya ke khamosh hote hi jiya bol padi

jiya- sayad tum theek hi keh rahi ho???? hum dono yesi situations ko aur bhi jyada achchhi tarah se handle kar skte the. par nahi kar paye. sayad hum dono me hi bachpana he. aur kisi bade ne hame ye samjhaya hi nahi ki ye galat he. kyun ki mami ji to hum dono se naraj thi. jabki nisha di ja chuki thi, aur papa ko to jese matlab hi nahi tha, ki hum dono ke beech aakhir chal kya raha he???? wo to bus radha ke saath hi bussy the. to bhala kon samjhata hame

jiya ki baat sunkar maa boli

maa- bachche jab apne faishle khud karne lagte he, to maa baap ke samjhane ka asar bhi unpar nahi hota he jiya. agar mere samjhane par tum dono samajh jate, to na to tum us wakt nisha ke parati apne andar jalan ki bhavna laati. aur na hi ajju nisha se wo sab kehata.

maa ki baat sunkar ajju aur jiya ne apna chehara sharm se jhuka liya. kyun ki wo dono hi ye baat jante the, ki maa ne jo kuchh bhi kaha he wo sach he, isliye kuchh der tak baha par khamoshi chhai rahi. jise ek baar fir se divya ne hi bhang kiya. wo ajju ki taraf dekhte huye boli

divya- ajju ab baat karte he tumhari aur nisha di ki. chalo pehale tumhari hi baat karte he... hum sab log jante he ki tum nisha di se bahut jyada pyaar karte ho. itna jyada ki unke liye tum apni jaan tak de sakte ho. par kya apne pyaar ka ye tamasha banana jaroori hai????? ye paglo ki tarah saraab peekar kahi par bhi dale rehana..... aakhir kya he ye sab????? nahi ye tumhara pyaar nahi he. balki pagalpan hai.... pyaar kabhi bhi inshan ko is tarah barwad nahi karta hai. haan theek he tum dono ka jhagda hua tha. isliye nisha di tumse naraj hokar chali gai. to iska matlab ye to nahi ki tum unki yaad me baaki sab kuchh bhula do... nisha di ke jaane ke baad tumne aaj tak apna kon sa farz theek se nibhaya he???? koi bhi to nahi.... tum na to ek achchhe pati ban paye ho, aur na hi achchhe pita..... aur jab sarab peene se roko to apne hi ajeeb ajeeb tark dene suru kar dete ho, jinka koi matlab nahi nikalta he...

ye sab bolte bolte achanak divya ruk gai aur jiya ki taraf dekhti hui dobara boli

divya- yesha hi kuchh tumne tab bhi kiya tha na jab jiya ne nakli shadi ki thi???? tab bhi tumne apne pyaar ka majak hi banbaya tha. lekin nisha di ke kehane par ek hi baar me sarab se door nhi ho gaye the. to fir ab kyun nahi?????? tum kya sochte ho ki tumhe is halat me dekh kar nisha di khush hoti hongi????? kya unhe ye lagta hoga ki tum unse bahut pyaar karte ho????? are murkh ho tum jo yesha sochte ho.... ho sakta he us wakt jiya ko tumhara uske liye ye sab karna achchha laga ho. par nisha di yeshi bilkul bhi nahi he. aur ye baat tum sabse achchhi tarah se jante ho. nisha di ne jis cheej se tumhe door rehane ke liye kaha tha, tum usi ke nashe me doobe huye ho. tumne nisha di ke saath jo kuchh bi kiya ya unse jo kuchh bhi kaha, uske liye nisha di shayad tumhe maaf bhi kar deti. par pichhle 3 saalo me tumne jo kiya he, uske liye wo tumhe kabhi bhi maaf nahi kar sakti he. jis jiya ko khush rakhne ke liye wo hum sab se door ho gai. tumne usi ko sabse jyada dukh diya he. ye bhala apne pyaar ka tamasha banana nahi he to aur kya hai????

divya ki baat sunkar ajju aur jiya ko pichhle 3 saalo ki, apni har wo chhoti badi baat yaad rahi rahi thi, jise wo dono apas me milkar suljha sakte the. par nahi sujhaya. balki uska tamasha hi banaya he. un dono ko khamosh dekh kar ek baar fir divya boli

divya- bahi dushri taraf nisha di he. unhone har choti badi baat apne star se hi suljai he. chahe jiya ka unhe comments karna ya insult karna ho. ya fir mama ji ka unki insult karna. sidha sa tareeka apnaya unhone, "suna aur ignore kiya". baat bahi ke bahi khatam. kisi teesre ko kuchh kehane ka mouka hi nahi mila. ya fir baat tum dono ke bich ki ho. kabhi bhi tum dono ke beech ki baat kisi teesre ko tab tak pata nahi chali, jab tak ki nisha di yaha thi. tum dono ke beech ke jhagde baali baat bhi sayad kisi ko pata hi nahi chalti. wo to maa thi us wakt ghar par. aur tumne unke saamne hi ye sara tamasha kiya tha. isliye nisha di ke jaane ke baad baat khul kar sabke saamne aa gai. varna ye baat bhi kisi ko pata nahi chalti. tum us wakt unse baat karne ke mood me the hi nahi. problam ko bhi solve karna tha. to jo us wakt unhe theek laga bahi kiya. aur jab unhone faishla kar hi liya tha. to fir unke faishle ka hum sab ko samman karna chahiye tha. mai ye nahi keh rahi hun ki unhe talash karna band kar do. mai keval itna keh rahi hun ki, unhe sammaan purvak talash karo. na ki unke jaane ka duniya ke saamne tamasha banao.

itna bolkar divya kuchh der fir ruki, aur is baar wo maa ki tarf dekhte huye boli

divya- i am sorry maa.... aap hum sab se badi hai, isliye aap se kuchh kehane ka adhikar to mere pass nahi he. par fir bhi in sab halato me aap ki bhi kahi na kahi galti rahi he. ajju aapko maa kehata hi nahi he, balki dil se maanta bhi hai. jab ajju ne pehali baar sarab pee thi, agar aapne usi din ajju ke gaal par ek khinch ke lagaya hota, to shayad aaj ajju ki ye halat nahi hoti. aapne ajju se naraj hokar poore 3 saal usse baat nahi ki. par ek baar bhi use dant kar aapne ye nahi kaha, ki ye saarb ke nashe me tamasha kyun kar rahe ho. aapka itna hak to ajju par banta hi hai. bachche agar galti karte he to maa baap unhe dantte he. saja dete he. par unhe kabhi unke halato par yun hi nahi chhodte. i am sorry maa agar mai kuchh galat bol gai hu to. par mere man me jo tha wo mene bol diya. ho saketo mujhe apni bahu nahi balki ek beti samajh kar maaf kar dena.

divya jab khamosh hui to maa ko chhod kar baaki sabhi logo ki najre jhuki hui thi. sayad sab ko apni galti ka yehsash tha. maa ne divya ki taraf dekha aur muskura kar boli

maa- tujhe sorry bolne ki jaroorat nahi he divya. tune jo kaha sach hi kaha he. mujhse ye galti to hui he. aur ab mai ise sudhar kar hi rahungi. par mai aaj tujhse bahut khush hun. tumne aaj wo kar diya, jo mai pichhle 3 saalo se karna chah rahi thi. tumne in dono ko hakikat ka aaina dikha diya. kash mene ye kaam bahut pehale hi kar diya hota. to sayad aaj nisha ki mahanta ka itna tamasha na bana hota. usne jo kuchh bhi kiya sabki khushi aur bhale ke liye hi kiya tha. par uske tyaag ka na keval in dono ne balki hum sabhi ne majak bana kar rakh diya he. tumne sahi kaha he ki wo ajju se jhagde baali baat ko sayad bhool bhi jaati. par uske jaane ke baad ajju aur baaki logo ne jo uska tamasha banaya he, use wo kese bardast kar sakti hai. tumne ek dum sahi kiya divya.... ye hum sabke ke liye bahut jaroori tha. aur haan khabardaar jo aaj ke baad kabhi bhi ye kaha ki tum meri beti nahi hai. mere liye tujhme aur renu me koi antar nahi he. na to mene kabhi nisha ko apni bahu mana aur na hi tujhe. tum dono mere liye bahu nahi balki meri beti hi ho. is liye dobara ye khyaal apne man me kabhi mat lana.

itna bolkar maa ne divya ke maate par pyaar se kiss kiya aur kamre se bahar chali gai. jabki baaki log sir jhukay bahi bethe rahe. kuchh der baad divya bhi baha se uth kar bahar chali gai.

Awesome update brother

 

[Iron Man]

Waiting for next update

 

[Naik]

Update 107
-------------------

jis din jiya renu aur vikash se milne news chanel ke office gai thi. uske agle din shaam ko vikash aur renu monu ke ghar par aaye. us wakt ajju, jiya, monu, divya aur maa hall me beth kar bate kar rahe the. jabki uncle radha ko lekar park me gaye huye the. bese bhi jyadatar samay uncle park me hi bitate the. renu ko yun achank baha dekh kar sabhi log hairan hone ke saath saath khush bhi the. aakhir kaar maa ne usse poochh hi liya.

maa- renu.... tum yun achank?????

maa ka sawal sunkar renu thoda pareshan hote huye boli

renu- are maa... wo aaj meri manju di se baat hui thi. unhone bataya ki kal jiya di ko feaver aaya tha. to bus unhe hi dekhne chali aai.

renu ki baat sunkar jiya boli

jiya- are baba kuchh bhi to nahi hua he mujhe. dekho ekdum theek hun. wo to kal thodi si thakan ho rahi thi. bus isi liye.

jiya ki baat sunkar renu thoda udash hote huye boli

renu- apki thakan ka karan mai janti hun jiya di....

renu ne isharo hi isharo me apni baat keh di thi. lekin kuchh hi log uski baat samajh paye the. par renu ka jiya ke prati badla hua vyabhaar dekh kar ajju aur monu hairaan the. aur khush bhi the. parantu filhaal wo iska karan poochh kar apni khushi ko kam nahi karna chahate the. sabhi log bahi hall me beth kar baate karne lage. jabki divya sabhi ke liye cofee banane chali gai. baat ko change karte huye monu ne vikash se prashan kiya

monu- aur partakar babu.... kesa chal raha he sab?????

monu ke sawal par vikash thoda hichkichate huye bola

vikash- sab theek hi chal raha he sir...

vikash ke muh se apne liye "sir" sunkar monu thoda hairan hua.... kyun ki shadi ke baad se vikash use renu ki tarah bhaiya keh kar hi bulane laga tha. par filhaal monu ne is baat ko bhi ignore karna hi theek samjha. lekin ajju ne ye baat pakad li. aur wo vikash se poochh hi betha

ajju- kya baat he vikash????? koi problam hai kya?????

ajju ke sawal se vikash thoda hadbada gaya. par jald hi samhal kar bola

vikash- haan... nahi to... koi problam nahi he sir...

ajju- to fir aaj tum monu ko bhaiya kehane ki jagah, sir kyun bol rahe ho????

ek baar fir ajju ki baat sunkar vikash hadbada gaya. par isse pehale wo apne aap ko samhal kar koi jabab de pata, renu beech me hi bol padi

renu- kuchh kuchh nahi bhai... bus kaam ka thoda sa presure hai... shayad isliye vikash ne bol diya hoga.

itna bolkar renu ne ek baar vikash ko ghoora. aur fir jiya se baat karne me busy ho gai. tab tak divya bhi sabke liye cofee le aai thi. cofee ship karte karte achanak vikash bola

vikash- mujhe aap sabhi se kuchh kehana hai.....

vikash ki baat sunkar sabhi hairani se use dekhne lage. par isse pehale wo kuchh kehata renu jo theek uske bagal me hi bethi thi. vikash ka haath dabate huye dheemi awaj me vikash se boli.

renu- koi bewkoofi mat karna yaha.... mene tumhe pehale hi yaha aane se mana kiya tha. ab jabki tum saath aa hi gaye ho to. cofee piyo aur chup chap nikal jao. mai thodi der baad aa jaungi. lekin please bhagwan ke liye koi yesi besi baat mat bolna....

renu ko vikash se yun dheemi awaj me baat karta dekh. divya ne use chheda

divya- are kya baat he renu???? milne jiya se aai ho. aur baat vikash ji se kar rahi ho???

divya ki baat sunkar renu muskurate huye boli

renu- kuchh nahi bhabhi.... wo to bus thoda office ki ek baat ka discus kar rahi thi.

divya renu ka bahana samajh gai thi. isliye ek baar fir usne renu ko chheda

divya- ye apan office ka kaam office me hi chhod kar aaya karo renu.... yaha hame kisi news chanel ki deputy MD nahi balki apni renu chahiye hoti he.

divya ki baat sun kar renu ne ek baar fir vikash ko ghoora. aur fir divya ko dekh kar muskura di. par kaha kuchh bhi nahi. jab renu ne divya ki baat ka koi jabab nahi diya to monu vikash se bola

monu- haan to vikash.... tum kuchh keh rahe the.

monu ki baat sunkar vikash ne ek nazar jiya aur renu par daali, aur fir ek lambi sansh lekar bola

vikash- baat asal me ye hai, ki mene aap sabhi se ek baat chhipai he. asal me shadi se pehale mai.....

vikash apni baat poori keh bhi nahi paya tha, ki ek baar fir renu ne use toka. par is baar usne dheemi awaj me nahi, balki normal awaj me kaha

renu- vikash mene tumse kaha he na, ki koi bewkoofi mat karo....

par vikash ne renu ki baat ignore kar di, aur dobara bolna suru kar diya

vikash- asal me mai aap sabhi ko ye batana chahata hun, ki shadi se pehale me drug leta tha.

vikash ki baat sunkar ajju aur monu buri tarah se chok gaye. par baaki logo ke reaction ko dekhkar agle hi pal wo samajh gaye, ki baaki log ye baat jante he. lekin fir bhi monu ke muh se nikal hi gaya

monu- what?????? kon sa drug????? aur ye baat tumne hame pehale kyun nahi batai?????

vikash ki baat sunkar vikash bola

vikash- bahi drug jiska anti dose ajay sir ki company banati hai. mai pehale hi ye sab aap logo ko batana chah raha tha. par mujhe dar tha ki kahi ye baat jaankar aap log renu ki shadi mujhse karane se inkaar na kar do. isliye mene us wakt aap logo ko ye sab nahi bataya.

ab tak khamosh betha ajju, vikash ki baat sunkar bola

ajju- to ab itne dino ke baad tum ye sab hame kyun bata rahe ho????

vikash- kyun ki mai renu se bahut pyaar karta hun... par mai ye bhool gaya tha ki jhoot ki buniyad par koi rista jyada dino tak nahi tikta he. mujhe meri galti ka yehsash ho chuka hai. us drug ne mujhe poori tarah se barwad kar diya he. nisha mem ko hamari shadi ke baad mere drug lene baali baat pata chal gai thi. isliye wo maaldives gai thi. is baar me mujhse baat karne ke liye. par mene unse bhi sach chhipane ki kosis ki. jiski bajah se unhone mere saath thodi sakhti ki thi. aakir kaar mene unhe sab sach sach bata diya tha. par mene unse vada liya ki wo ye baat kisi se na kahe. aur fir isi vaade ki bajah se ajay sir aur nisha mem ke bich me miss understanding ho gai thi. ek dum achanak se ye sab ho gaya tha. jiski bajah se mai bahut jyada dar gaya tha. is liye mai us wakt bhi khamosh hi raha.

vikash ki baat sunkar renu buri tarah se bhadak gai. aur gusse me boli

renu- bewkoof inshan... mene tumhe kitni baar samjhaya he. par tum hamesha koi na koi bewkoofi kar hi dete ho. tum jante bhi ho ki tum kya kar rahe ho?????

renu ki baat sunkar vikash bola

vikash- aaj pehali baar mai koi sahi kaam kar raha hun renu.... ab mai is jhoot ka mukhota aur nahi laga sakta. mai ek nai suruaat karna chahata hun. ab tak mene jo galtiyan ki he. unhe sudharna chahata hun.

vikash ki baato ka renu par koi asar nahi hua. wo fir se gusse me vikash se boli

renu- tum jante bhi ho, ki tum jo karne ja rahe ho uska anjaam kya hoga??????

vikash- nahi janta.... par itana jaroor janta hun, ki aaj ke baad mai najare jhuka kar nahi, balki najare mila kar baat kar sakunga.

vikash ki baat sunkar baha ek khamoshi chha gai. jab kaafi der tak koi kuchh nahi bola to aakhir me monu hi bola

monu- tumne us drug ka antidose liye ya nahi?????

vikash- mai aap logo se jhoot nahi bolunga. nisha mem ne 3 saal pehale mujhe us drug ka anti dose lene ke liye kaha tha. par mene apne male ego ke karan wo anti dose nahi liya tha. aur lagataar renu ko us antidose ke baare me jhooth bolta raha. par har baar renu ne mera jhoot pakad liya. mere dwara baar baar jhoot bolne ki bajah se mere aur renu ke beech dooriyan badti gai. jis din nisha mem ke saath wo hadsha hua tha. us din bhi mera aur renu ka us antidose ko lekar jhagda hua tha. isliye renu ke baar baar kehane par bhi mene ajay sir se uski baat nahi karwai thi. kash ki mai apni ego ko bhula kar us din ajay sir ki baat renu se karwa deta. to aaj haalaat huchh aur hi hote. nisha mem ne mujhse kaha tha ki jab tak mai us drug ka antidose nahi lunga, wo mere sareer me hi rahega. par apni male ego ke karan mujhe lagta tha, ki mai us drug ko cantroll kar lunga. lekin yesha nahi hua. us drug ki bajah se mene kai baar renu ko mentally aur physically heart kiya he.

vikash kuchh palo tak ruka aur fir renu ko dekhte huye bola

vikash- us drug ne mujhe saitaan bana diya tha. aur mujhe is baat ka yehsash bhi nahi tha. par jab mujhe is baat ka yehsash hua, to bahut der ho chuki thi. halanki kuchh dino pehale hi mene us drug ka antidose liya he. aur ab mere sareer se wo drug poori tarah se nikal chuka he. par pichhle 3 saalo me mene renu ko bahaut dukh pahunchaya he. mai yaha apni koi safai dene nahi aaya hun. par sayad ajay sir meri sthity samajh sakte he. kyun ki wo bhi usi drug ke shikaar ho chuke he.

vikash ke khamosh hote hi ajju lagbhag gurrate huye bola

ajju- tum jante bhi ho ki tumne abhi abhi jo kuchh bhi hum sab se kaha he. uska anjaam kya ho sakta he????

ajju ki baat sunkar vikash bina dare, poore atmviswash ke saath bola

vikash- nahi sir.... par itna mai jaroor janta hun ki ab mere pass khone ke liye kuchh bhi nahi bacha hai. apna pyaar to mai apni ego ki bajah se pehale hi kho chuka tha. par ab mai apni behan ko bhi kho chuka hun.

itna bolkar vikash ne ek baar jiya ki taraf dekha aur fir dobara bolna suru kiya

vikash- mujhe pata he ki itne bade dhokhe ke baad, aap logo ka mujh par yakeen karna lagbhag asambhav hai. par fir bhi mai aap sab se itna jaroor kehana chahata hun ki mene sachche dil se renu se pyaar kiya tha. aur aaj bhi karta hun. isliye mai apne pyaar ko dowara paane ke liye kuchh bhi karne ke liye taiyaar hun. pichhle 3 saalo me jo bhi mene kiya ya mujhse jo bhi galtiyan hui hai, mai uske liye us drug ko jimmedar nahi manta. kyun ki us drug ka antidose na lene ka nirnay mera hi tha. isliye mai yaha par aap sab se maafi maangne nahi aaya hun. kyun ki uska adhikaar to mai bahut pehale hi kho chuka hun. balki mai yaha apne liye saja ki ummeed lekar aaya hun. taaki mai apni galtiyon ka prayschit kar sakun. ab aap sabhi ka jo bhi faishla hoga mujhe manjoor hai.

itna bolkar vikash khamosh ho gaya. aur sir jhuka kar sabhi ke faishle ka intjaar karne laga. jabki ajju aur monu ka gusse se bura haal tha. gusse ki adhikta me wo dono lagbhag ek saath khade ho gaye. aur isse pehale wo kuchh kar pate ya keh pate. renu un dono ki taraf haath jodte huye lagbhag cheekh padi

renu- nahiiii..... bhai please nahi..... vikash ko kuchh bhi mat karna.... wo mera pati he... agar use kuchh bhi hua to mai bhi jinda nahi rahungi.....

renu ki awaj sunkar ajju aur monu bahai apni jagah par ruk gaye. aur fir dono ne lagbhag ek saath renu ki taraf dekha. renu ki aankho me is wakt aanshu the. jise dekhkar undono ka gussa hawa ho gaya. aur dono ne lagbhag ek saath renu ke pass pahunch kar use apne seene se laga liya.

ajju- tu pagal hai kya renu????? apne bhai par itna bhi yakeen nahi he tujhe..... bese hamari chhoti si natkhat gudiya kab itni badi aur samajhdaar ho gai. hame to pata hi nahi chala.

monu bhi ajju ki baat ka samrthan karte huye bola

monu- tu bakai me bewkoof hai.... itna sab kuchh akeli hi sehati rahi. aur hame bataya bhi nahi. haan hame vikash par gussa hai, par hum uske saath koi yesi besi harkat kar ke tumhe aur jyada dukhi nahi kar sakte he.

renu ne ajju aur monu ki baat ka koi bhi reply nahi diya, bus apne dono bhaiyo ke seene se lag kar roti rahi. jab kuchh der baad renu ke andar ka gubbaar nikal gaya, to wo dono bahi renu ke pass hi beth gaye. kaafi der tak baha yun hi khamoshi chhai rahi. aakhir kaar maa ne is poore mudde ko apne haato me lete huye bolna suru kiya

maa- vikash.... tumne ab tak jo bhi kiya wo galat tha. par tumne aaj yaha sabke saamne sach accept kar ke ye sabit kar diya he, ki tumhe bakai me apni galti ka yehsash ho chuka he. aur mujhe yakeen hai ki tum ab apni galtiyon se sabak lekar bhavishya me dobara koi galti nahi karoge. aur ek achchhe inshan ke saath saath ek achchhe pati bhi sabit hoge. rahi baat tumhe saja dene ki to uska adhikaar keval aur keval renu ko hi hai. aur tumhe maaf karne ka nirnay bhi keval renu hi kar sakti hai. hamme se koi bhi tumhe saja dena nahi chahata he, aur sayad renu bhi tumhe koi saja dena nahi chahati he. par bhavishya me tumhare saath rista rakhna hai ya nahi, iska nirnay keval renu karegi. aur hum sab uske faishle ke saath he. par jab tak renu is baat ka faishla nahi kar leti. wo yahi par hamare saath hi rahegi.

maa kuchh der ke liye ruki aur ek lambi sansh lekar dobara bolna suru kiya

maa- ek baat aur vikash.... aaj ke baad is mudde par kabhi bhi dobara baat nahi hogi. na hi humme se koi is mudde par tumse kuchh kahega. aur na hi tum aaj ke baad is mudde par kisi se bhi koi baat karoge. mai tumhe yaha aane jaane aur renu se milne ya baat karne se nahi rok rahi hun. aur na hi renu ko tumhare yaha jaane ya tumse milne ya baat karne se rok rahi hun. par jab tak renu koi faishla nahi kar leti. tab tak uska yaha hamare saath rahna hi theek hai.

fir maa ajju ki taraf dekhte huye boli

maa- ajju tum aur jiya, renu ke saath uske ghar par jakar uska jaroori saman yaha le aao.

vikash chup chap sir jhukaye maa ki baat sunta raha, jabki baaki logo ne bhi maa ki baat ka koi bhi virodh nahi kiya tha. aur sayad koi karna bhi nahi chahata tha. kyun ki maa ke nirnay se sabhi log sehamat bhi the. bese bhi aaj kai saalo baad maa ne is prakar ki kisi samashya me apna koi faishla sunaya tha.

maa ke dwara faishla sunane ke baad, kaafi der tak baha khamoshi chai rahi. jise kisi ne bhi bhang karne ki kosis nahi ki. bese bhi ab kisi ke pass kehane ke liye kuchh bhi nahi tha. kuchh der baad vikash baha se chala gaya. vikash ke jaane ke kuchh hi der baad ajju, jiya aur renu bhi baha se renu ka saman laane chale gaye. jabki baaki log ghar ke dushre kaamo me bussy ho gaye.

Awesome update

 

[redhat.ag]

Mujhe lagta he ki zoya hi nisha he.
Bhai ajju se milwa do chahe to baki family se baad me milwa dena kyu ki guru ji ke anusar usaki life khatre me he ajju ke bina

ajju aur nisha ki direct mulakaat me abhi samay he.....

 

[redhat.ag]

Update 110
-------------------

jabki nisha apne aap ko aage hone baale, ghatna kram ke liye taiyaar karne ka prayash kar rahi thi. kyun ki ab usne uncle ko jo batane ka nirnay liya tha. uske liye nisha ko kaafi jyada himmat ki awashyakta thi. jab nisha apne aap ko taiyaar kar chuki. to wo ek gehari sansh lekar boli

nisha- uncle mujhe aapko kuchh aur bhi batana he. meri zindgi ka ek yesha raaj he jo ab tak keval mere aur ajju ke alawa maa aur renu hi janti he. maa ne hum dono se vachan liya tha ki hum ye raaz aur kisi ke saamne na laaye. par mujhe lagta he ki mere is raaz ko janne ka hak jitna maa ka he, utna hi aapka bhi he. kyun ki mujhe mere asli mata pita ka pyaar to kabhi bhi nahi mila. mene to aapko aur maa ko hi apna mata pita mana he. aur aap dono se mujhe unka pyaar bhi mila he. isliye apne bachcho ke raaz janne ka jitna hak maa ko hota he, utna hi hak pita ko bhi hota he.

uncle- pagli mujhe apna pita bhi manti he, aur fir uncle keh kar bhi bulati he. koi bhala apne pita ko uncle keh kar bulata he kya???????

uncle ki baat sunkar nisha ki aankh me aanshu aa gaye. usne apne aanshuo ko ponchha aur boli

nisha- uncle mera raaj janne ke baad bhi, yadi aap mujhe apni beti ke roop me swikaar kar lenge, to mai vada karti hun ki aaj se mai aapko papa keh kar hi bulaungi. aur yadi mera raaz janne ke baad, aap mujhse nafrat karege, ya mujhe saja dena chahe to mai use bhi aapka ashirwaad samajh kar khushi khushi accept kar lungi. aur bhavishy me dobara kabhi aapko apna chehara nahi dikhaungi.

nisha ki bat sunkar uncle thoda serious ho gaye. aur nisha se poochh bethe

uncle- nisha beta.... aakhir baat kya he?????

nisha ne ek gehari sansh li, aur fir uncle ko apne aur ajju ke riste ka vastbik sach bata diya. aur sir jhuka kar uncle ke bolne ka wait karne lagi. uncle nisha aur ajju ke riste ki hakikat janne ke baad kuchh der tak khamosh hi rahe, aur fir muskurate huye bole

uncle- jo galti tumne jaan bujhkar ki hi nahi, mai bhala uski saja tumhe kese de sakta hun nisha. haan agar tumne ye sab jaan bujhkar kiya hota, to shayad mai iske liye tumhe jaroor saja deta. par nafrat to mai fir bhi nahi karta tumse. kyun ki kisi ko pyaar karna koi gunah nahi hota. bese bhi agar ye duniya ki nazar me paap he, to is paap ki jitne jimmedaar tum dono ho, utne hi hum bhi he. kyun ki tum dono ko shadi karne ke liye humne hi taiyaar kiya tha. isliye jo bhi hua uske liye apne aap ko dosh dena band kar do. tumhara ye raaz janne ke baad bhi, tumhare prati mera najariya aaj bhi bahi he. mere pyaar me ab bhi ratti bhar bhi fark nahi pada he. mai ab bhi garv se keh sakta hun, ki tum meri sabse badi beti ho. to kya ab mujhe tumhara pita kehlaane ka hak he?????

uncle ki baat sunkar, nisha ke chehare par ek muskaan aa gai. aur wo fir se uncle ke gale lagte huye boli

nisha- thank you papa... meri galtiyo ko maaf karne ke liye..... mai vada karti hun, ki aaj ke baad mai yesha koi bhi kaam nahi karungi, jiski bajah se aapka sir sharm se neeche jhuke.

uncle ne pyaar se nisha ke sir par haath fera aur kaha

uncle- yesha kaam to tumne tab bhi nahi kiya tha beta.... jo kuchh bhi hua usme tumhari koi galti nahi thi. jo hona tha so ho gaya. shayad kismat me yahi sab likha tha. bese kya ab bhi koi yesha raaz bacha he jo mai nahi janta?????

uncle ki baat sunkar nisha uncle se alag ho gai. aur kuchh der tak sochne ke baad uncle se boli

nisha- haan papa... yesha bahut kuchh he jo mere aur ikram ke alawa aur koi nahi janta. ajju bhi nahi. par mera dil keh raha he ki mai aap ko apne se judi har baat bata dun. taaki agar mujhe kabhi kuchh ho gaya to kam se kam aap meri adhuri zimmedaari poori kar sako.

nisha ki baat sunkar uncle hairaani se uski taraf dekhne lage... kyun ki nisha ke dwara kahi gai aakhri line ne unhe buri tarah se chonka diya tha. nisha ne ek gehari sansh li aur fir uncle ko uncle ko RAW ke alawa apna har raaz bata diya, jise sunkar uncle hairaani se nisha ko dekhte rahe. aur jab nisha ne baolna band kiya to wo bole

uncle- nisha beta mujhe tum par naaz he. tumne ab tak jo bhi mukam hashil kiya he, wo ek aam inshan ke bus ki baat to bilkul nahi he. par mere liye to tum hamesha meri bahi purani nisha hi rahogi. tumhari in powers aur tumhare is mukaam se mujh par koi fark nahi padta. tum kal bhi mere liye meri beti thi aur aaj bhi mere liye meri beti hi ho. jo ki ek aam inshan he. jiske andar feelings he. aur jo apne parivaar se be intaha pyaar karti he.

uncle ki baat sunkar nisha khamosh hi rahi. nisha ko khamosh dekh kar uncle fir bole

uncle- beta tumne mujhe sab kuchh bata diya he... par ab tak ye nahi bataya ki ye ikram aakhir tumhe mila kaha????? aur ye kyun aur kese tumhara bhai ban gaya?????

uncle ki baat sunkar nisha kuchh der khamosh rahi. aur fir kuchh sochte huye boli

nisha- i am sorry papa.... mai ye baat aapko nahi bata sakti.... kyun ki ye meri zindgi ka yesha raaz he jo mere saath hi dafan ho jayega. ise raaz rakne ki mene kasha li he. par mai aapko itna jaroor bata sakti hun ki ye raaz desh ki suraksha se juda hua he. i hope aap meri majboori samjhege.

nisha ki baat sunkar uncle muskurate huye bole

uncle- koi baat nahi meri bachchi.... mere liye itna ishara hi kaafi he. aur mai tumhari majboori bhi samajh sakta hun. isliye tum apne man me koi guilt ki bhavna mat rakhna. kyun ki mai janta hun ki meri beti kabhi bhi koi galat kaam nahi kar sakti. i hope tum meri tarah desh ke har pita ho apne upar garv karne ka mouka dogi. bus ek request he tumse. ki tum jo bhi karo aur jese bhi karo bus apne aap ko zinda rakhna... kyun ki hum sab ki jaan tumhare andar basti he....

uncle ki baat sunkar nisha muskurate huye boli

nisha- mai is baat ka aapse vada to nahi kar sakti par kosis jaroor karungi papa, par mene abhi abhi aapko jo kuchh bhi bataya he, wo mere aur ikram ke baad keval aap hi jante he. aap samajh rahe he na ki mai aapse kya kehana chah rahi hun?????

nisha ki baat sunkar uncle muskurate huye bole

uncle- haan mai achchhi tarah se samajh raha hun, ki tum kya kehana chahati ho. tum nischint raho beta, ye sabhi raaz hamesha ke liye mere andar dafan rahege. agar tum khud bhi ye baate kisi aur ko bata dogi. tab bhi mai in sab se anjaan hi bana rahunga.

uncle ki baat sunkar nisha muskurate huye boli

nisha- thank you papa...

nisha ki baat sunkar uncle muskurat huye bole

uncle- pagal kahi ki.... koi bhala apne pita ko thank you bolta he kya... bese ab tumhara aage ka program kya he????? tum sabke saamne kab aane baali ho?????

uncle ki baat sunkar nisha is baar fir khamosh hi rahi.... kyun ki ye wo sawal tha, jiska jabab filhaal uske pass bhi nahi tha. isliye nisha kaafi der tak khamosh hi rahi. use yun khamosh dekh kar, uncle ne use ek baar fir toka

uncle- kya baat he nisha????? kya koi problam he????? agar tum mujhe nahi batana chahati to koi baat nahi....

uncle ki baat sunkar nisha boli

nisha- nahi papa.... yesi baat nahi he. par aapke sawal ka jabab filhaal mere pass bhi nahi he. kyun ki mene iske baare me abhi kuchh socha hi nahi he. pata nahi mera dil kyun baar baar mujhse ye keh raha he ki abhi nahi, abhi samay nahi aya he. aur pichhle kuchh samay se mujhe bure bure khyaal bhi aa rahe he. jese ki mujhe mehsoos ho raha he, ki mera saath aap sabhi ke liye bus yahi tak ka he.

nisha ki baat sunkar uncle thoda serious hote huye bole

uncle- ho sakta he ki itne samay tak apno se door rehane ki bajah se ye sab ho raha ho????

nisha- ho sakta he papa... par jab tak mere man ki uthal puthal shant nahi ho jaati, tab tak mai is baare me sochna bhi nahi chahati. lekin jis tarah se poora parivaar ek ek kar ke bikhar raha he. wo bhi mujhse bardast nahi ho raha he. isliye mai sab kuchh theek karna chahati hun. lekin uske liye mujhe aapki help chahiye

uncle- mai to hamesha se tumhare saath hun beta. bolo kya plane he????

nisha- me chahati hun ki hum ek saath do taraf se apna kaam kare. mai ajju, vikash aur renu ko raste par laati hun. aur aap baaki logo ko samhalo.

nisha ki baat sunkar uncle kuchh sochte huye bole

uncle- theek he... me taiyaar hun....

nisha- par iske liye hame sabhi logo ke baare me saari jankaari chahiye. aur ye kaam keval aap hi kar sakte he....

uncle- tum uski fikar mat karo... mai sab pata kar lunga.... abhi tak mene jan bujhkar intrest nahi liya tha. par ab mere pass karan bhi he. aur mere saath tum bhi ho...

nisha- to theek he papa, aap aaj se hi is kaam par lag jaiye. aur haan sabse pehale mujhe renu aur vikash ke beech ki baat janni he.... mai janna chahati hun, ki aakhir yesha kya hua he un dono ke beech???? aap to jante hi he ki mai renu ki aankh me ek aanshu bhi bardast nahi kar sakti hun.... halanki mai kaafi dino se sab par najar rakh rahi hun... is liye mai bahut kuchh janti hun... par renu ke baare me ab tak mujhe kuchh bhi pata nahi chala he... renu ne pichhle 3 saalo me office ke silsile me mujhe kai baar mail kiye he. baaki logo ke baare me bhi unse mujhe mail karke kaafi kuchh bataya he. par aaj tak apne aur vikash ke baare me kuchh bhi nahi bataya he... pata nahi kyun????? par mujhe ye sab kuchh theek nahi lag raha he.

nisha ki baat sunkar uncle bole

uncle- tum fikar mat karo beta.... mai sab pata kar lunga....

uncle ki baat sunkar nisha boli

nisha- to theek he papa..... aap pehale ye kaam kijiye.... tab tak mai ajju ka intjaam karti hun... kyun ki ab samay aa gaya he, ki unhe raste par laya jaye.... bahut ho gaya nashe me doobe rehana. ab unhe unki galtiyon ka yehsash karwane ka samay aa chuka he. sayad mujhe ye kaam bahut pehale hi kar dena chahiye tha. par koi baat nahi... ab bhi jyada der nahi hui he...

nisha ki baat ka uncle ne koi jabab nahi diya. bus uski baat par muskura diye. par fir achanak se kuchh sochte huye bole.

uncle- nisha tumne kaha tha, ki tumhari roop badalne baali powers ke baare me mere aur ikram ke alawa ek aur inshan janta he. wo teeshra inshan kon he?????

uncle ki baat sunkar nisha kuchh der soch me pad gai. aur fir wo muskurate huye boli

nisha- apna hi koi he papa.... aur wo hamare bikharte huye parivaar ko fir se ek karne me hamari madad bhi kar raha he. yani ki ab hum 3 logo ka ek group ban chuka he. jiska kaam bhatke huye ko raste par lana he.

uncle- par wo hai kon?????

uncle ki baat sunkar nisha kuchh der sochti rahi. aur fir usne uncle ko uska naam bata diya. jise sunkar uncle hairaan reha gaye. aur bole

uncle- use tumhare baare me kab pata chala?????

nisha- kuchh din pehale hi use mere baare me pata chala he papa. aapki hi tarah usne bhi mujhe zoya ke roop me bhi pehchan liya tha.

uncle- to fir ab????

nisha- filhaal to aap apne tareeke se kaam kijye, aur wo inshan apne tareeke se kaam karega. par yadi aap dono me se kisi ko bhi help ki awashyakta hui, tab aap ek dushre ki help le sakte he. mai aaj hi use aapke baare me bata dungi.

nisha ki baat sunkar uncle kuchh sochte huye bole...

uncle- shayad yahi theek rahega...

uncle ki baat sunkar nisha kuchh der khamosh hi rahi, aur fir boli

nisha- papa maa kesi he????

nisha ki baat sunkar uncle hanshte huye bole

uncle- lo bhai.... poori ramayan khatam ho gai.... tab kahi jakar tumhe apni maa ki yaad aai he....

uncle ki baat sunkar nisha bhi muskurate huye boli

nisha- maa ki yaad to hamesha hi aati he... par aap se mil leti hun yesha lagta he ki unse bhi mil liya.....

uncle- bus bus bahut ho gai makkhan baazi.... tum khud hi zoya bankar unse kyun nahi mil leti ho

uncle ki baat sunkar nisha boli

nisha- na baba na.... aapki hi tarah wo bhi mujhe turant pehchan lengi....

uncle- tum agar apni adato ko controll karna suru kar dogi, to koi bhi tumhe nahi pehchan sakta he....

nisha- pata nahi papa... par abhi mai maa ka saamna karne ke liye taiyaar nahi hun.... maa ka samna karne ke liye mujhe bahaut jyada himmat ki jaroorat he. jo filhaal mere andar nahi he. kyun ki mere yun achanak jaane se, unhe jo dukh pahuncha he, mai uska saamna nahi kar sakti hun.

nisha ki baat sunkar uncle bole

uncle- theek he jesi tumhari marzi..... par fir bhi kabhi tumhara man unhe dekhne ka ho, to mujhe bata dena.... mai unhe bahane se yaha le aaunga. aur tum door se unhe dekh lena.

uncle ki baat sunkar nisha khush hote huye boli

nisha- haan ye theek rahega... to fir aap kal hi le aao na unhe...

nisha ka ye utabla pan dekh kar uncle bole

uncle- nahi kal nahi... abhi to mujhe use manana padega... jhagda jo ho gaya he hamara... ek do din ruko fir lata hun use....

nisha- theek he papa..... jesa aapko uchit lage.

itna bolkar nisha bapis zoya ke roop me aa gai. aur uncle se boli

nisha- papa ab mujhe jana hoga... kaafi samay ho gaya he...

aur fir nisha baha se jaane lagi. to uncle ne use ek baar fir toka...

uncle- nisha.... ek minute....

uncle ki awaj sunkar nisha ek baar fir ruk gai. uncle uske pass aye aur bole

uncle- apna contact number to deti jao.... agar koi jaroori baat hui batane ke liye to...

uncle ki baat sunkar nisha ne apne sir par haat mara aur boli

nisha- uffffff..... mai bhi kitni murkh hun...

itna bolkar nisha ne apna cell phone nikala aur uncle ke number par ek ring kar di. uncle ne turant nisha ka number zoya ke naam se save kar liya. uske baad nisha baha se chali gai. uncle kuchh der tak bahi bethe rahe. aur fir wo bhi ghar ki taraf chal diye. par aaj unke chehare par ek alag hi muskaan thi.

 

[Naik]

Update 108
--------------------

subhay ke lagbhag 8 baj rahe the. maa aur divya kichin me sabhi ke liye nasta taiyaar kar rahi thi. aur uncle hall me beth kar naste ka intjaar kar rahe the. jabki baaki log office jaane ke liye taiyaar ho rahe the. jab naste ki saari taiyaari ho gai, to maa divya se boli

maa- divya ja tu bhi jakar taiyaar ho ja. aaj tera office ka pehala din hai. mai nahi chahati tu aaj ke hi din late pahunche.

divya- par maa....

maa- ab koi par bar nahi.... mai dekh lungi sab kuchh. ab jaa bhi...

divya ke saamne maa ki baat manne ke alawa koi rasta nahi tha. isliye wo chup chap apne room me taiyaar hone ke liye chali gai. divya ke jaane ke kuchh der baad uncle ne hall me se hi maa se kaha

uncle- lagta he aaj aalu ke parathe banaye ja rahe he??????

uncle ki baat sunkar maa kichin se hi boli

maa- haan... par aapko kese pata chala?????

uncle- khushboo se.... tumhare haath ke bane khane ki khusboo ko to mai door se hi sungh kar bata sakta hun ki tumne kya banaya he.

uncle ki baat sunkar maa hanshte huye boli

maa- achchha ji.... to ye baat he... bese mai jaan sakti hun ki aaj subhay subhay achanak ye makkhan baaji kyun ho rahi he.

maa ki baat sunkar uncle bole

uncle- lo bhai ab kya mai apni biwi ki tareef bhi nahi kar sakta hu kya?????

maa- jee nahi.... kyun ki ab aapki umar apni biwi ki tareef karne ki nahi, balki bhagwan ke bhajan karne ki ho gai he.

maa ki baat sunkar uncle chid kar bole

uncle- kya matlab?????

maa- matlab ye he pati dev ji, ki ab aap buddhe ho gaye he. aur ghar me kai saare jawan bachche he. unke samne ye sab baate karna aapko sobha nahi deta.

maa ki baat sunkar uncle aur bhi jyada chid gaye. isliye wo bole

uncle- buddha hoga tera baap.... mai to abhi jawan hun...

uncle ki baat sunkar maa bhi chid kar boli

maa- suniye ji, aapko mujhse jo kuchh bhi kehana he keh sakte ho. par bina matlab ke mere pita ji ko beech me laane ki jaroorat nahi he

par uncle kaha manne baale the. wo maa ko thoda aur uksate huye bole

uncle- mai to bolunga.... tumne mujhe buddha kyun kaha....

isse pehale maa aur uncle ke beech ki ye chhed chaad aur aage badti, baha hall me renu, ajju aur monu bhi aa gaye. isliye maa uncle ki baat sunkar shant hi rahi. kuchh der ki khamoshi ke baad uncle bole

uncle- suno....

maa- haan.... kya baat he

uncle- mai keh raha tha. ki mera nasta tum pack kar do. aaj mai bahi park me beth kar hi nasta karunga. bese bhi mere dost baha aa gaye honge chess khelne ke liye.

uncle ki baat sunkar maa ne kaha

maa- thik he.....

uncle- aur suno.... aalu ke parathe thode jyada pack karna, aur saath me dahi bhi rakh dena.

uncle ki baat sunkar maa kichin se bahar aai. aur ghoor kar uncle ko dekhne lagi. jabab me uncle unhe dekhkar muskura diye. uncle ko yun muskurata dekh maa ne kuchh nahi kaha. aur bapis kichin me jakar apne kaam me bussy ho gai.

----------------------------------------------------------

uncle is wakt apne ghar se thode door bane ek park me baaki logo se door akele bethe huye the. unke saame chess bord rakkha hua tha. sayad wo chess khelne ke liye apne kisi dost ka intjaar kar rahe the. unhe jyada der intjaar nahi karna pada. kuchh hi der baad unhe saamne se ek behad khoobsoorat ladki blue jense aur pink top me, apni taraf aati hui dikhai di. jise dekhkar unke chehare par muskaan aa gai. wo ladki uncle ke pass aate hi unke saamne bethte huye boli

"hello uncle.... kese he aap"

uncle- mai to ek dum badiya hoon zoya beta.... tum batao tum kesi ho....

zoya- aap khud hi dekh lo... ek dum bhali changi hun...

zoya ka jabab sun kar uncle chess par apni chaal chalte huye bole

uncle- aaj aane me der kar di...

zoya bhi apni chaal chalte huye boli

zoya- haan uncle... wo thoda traffic me fansh gai thi. isliye late ho gai.

uncle- tum bhi badi ajeeb ladki ho.... itni door yaha is chhote se park me subhay subhay keval chess khelne aati ho...

zoya- nahi uncle chess khelna to bus bahana he. yaha to mai aapse milne aati hun...

ye bolkar zoya khilkhila kar hansh di. jabab me uncle bhi hansh diye. par uncle ki hanshi jyada der tak nahi tik saki. kyun ki zoya ne unke ek pyade ko maar diya tha. jise dekh kar uncle bole

uncle- achchha beta.... mujhse hosiyari. mujhe baato me uljha kar mere pyade ko maar diya. par tum shayad bhool gai ho, ki tumhara haathi mere oont ke nishane par he.

itna bolkar uncle ne zoya ka haathi maar diya. jise dekh kar zoya kuchh palo tak hairaan reh gai. par agle hi pal usne muskurate huye apne ghode se uncle ke oont ko maar diya. aur uncle se boli

zoya- lagta he uncle aaj aapka dhyaan kahi aur he.

uncle apni agli chaal chalte huye bole

uncle- haan sayad... aaj subhay subhay budiya se jhagda ho gaya mera...

uncle ki baat sunkar zoya hairan hote huye boli

zoya- whattt... maa ji se aapka jhagda..... par kyun?????

uncle- pata nahi... us budiya ka dimaag kharab ho gaya lagta he.....

uncle ki baat sunkar zoya apni chaal chalte huye boli

zoya- galat baat he uncle... aapko maa ji ke baare me yesha nahi bolna chahiye....

zoya ki baat sunkar uncle laparwahi se apni agli chaal chalte huye bole

uncle- koi galat baat nahi he.... suruaat usne hi ki thi. mai to subhay subhay uski tareef kar raha tha bus.... par usne mujhe buddha bol diya...

zoya- to kya hua???? aap bhi to unhe budiya bolte ho....

uncle- wo to mai keval tumhare saamne bolta hun... bese to mai usse achchhe se hi baat karta hun

zoya apni agli chal chalte huye boli

zoya- fir kya hua????

uncle- hona kya tha???? mene bhi usse bol diya ki "buddha hoga tera baap.... mai to abhi jawan hun.", itna sunte hi mirchi lag gai use....

uncle ki baat sunkar zoya muskurate huye boli

zoya- fir?????

uncle apni agle chhal chalte huye bole

uncle- fir kya???? bachche aa gaye baha.... aur hum dono ki bajah se hone baal teeshra vishwa yudhh hote hote reh gaya.

uncle ki baat sunkar zoya khilkhila kar hansh padi. par agle hi pal uska hanshna ruk gaya. kyun ki uncle ne uske dushre haathi ko bhi maar diya tha. isse pehale zoya kuchh kehati. uncle bole

uncle- ise kehate he jese ko tesha. tumne mujhe uljhakar mere pyade ko maara tha. aur ab mene tumhare haathi ko maar diya.

par agle hi pal zoya ne apne ek pyade se uncle ke ghode ko maar diya, aur muskura kar boli

zoya- uncle ji wo to sirf chara tha. asal me aapka ghoda kuchh jyada hi pareshan kar raha tha. use maarna jaroori tha. bese ghar ke baaki logo ke kya haal chal he

zoya ki baat sunkar uncle apni chaal chalte huye bole

uncle- sabhi log bussy he apne apne kaamo me. bese aaj kal renu aai hui he ghar par... aur shayad ab wo yahi rahegi....

uncle ki baat sunkar zoya thodi chonk gai, par fir jald hi samhal kar boli

zoya- whaat.... par kyun????? koi problam hai kya use????? kya uska uske pati se koi jhagda hua he?????

uncle- filhaal to yesha kuchh nahi hua he. par 2 din pehale vikash aaya tha ghar par renu ke saath. usne sayad apne baare me kuchh yesha bataya he, jiski bajah se sabhi log usse naraj he. shayad renu aur uska jhagda kai dino se chal raha he. usi ka ye natija he.

zoya ne uncle ko kuchh der gour se dekha, aur fir apni agle chal chalte huye boli

zoya- aapko poori baat nahi pata kya?????

uncle- nahi.... are us din mai shaam ko yaha radha ko lekar aaya tha. kya bhool gai????? usi din ki to baat thi. jab mai ghar par pahuncha, tab tak ajay aur jiya renu ke saath uske ghar par uska saman laane jaa chuke the. baaki logo ne jyada kuchh bataya nahi mujhe.

zoya ne hairani se uncle ko dekha aur boli

zoya- par kyun?????

uncle- bachche jab bade ho jate he, to wo apne aap ko apne maa baap se jyada hoshiyaar samajhne lagte he. jabki yesha nahi hota he. agar bachche itne hi hoshiyaar hote to fir unki life me kabhi koi problam hoti hi nahi. ab tum apne aap ko hi le lo. tum khud apne aap ko mujhse jyada hoshiyaar samajhti ho... par asal me ho nahi....

uncle ki baat sunkar zoya chonkte huye boli

zoya- matlab?????

zoya ki baat sunkar uncle ne muskurate huye uske oont ko apne bazeer se maar diya aur bole...

uncle- matlab ye ki tumne ek baar fir galti kar di... apne oont ko akela chhod diya. aur dekho wo maara gaya.

uncle ki baat sunkar zoya ne muskurate huye apni aagli chal chali, aur fir boli

zoya- to fir kya maa ji ne aapko kuchh nahi bataya?????

uncle- nahi... usne bhi mujhe kuchh nahi bataya... wo bhi apne aap ko kuchh jyada hi hoshiyaar samajhne lagi he. kyun ki saare bachche uski hi baat maante he. aur usse hi har baat discus karte he.

uncle ki baat sunkar zoya muskurate huye boli

zoya- achchha to ye baat he.... aapko is baat ka bura lag raha he, ki koi aapse kisi bhi baat ke liye discus nahi karta he.

zoya ki baat sunkar uncle ne zoya ko ek nazar dekha. aur fir apni agli chal chalte huye bole

uncle- nahi ye baat nahi he zoya... mene hamesha hi apne sabhi bachcho ko space diya he. mene kabhi bhi apna koi faishal kisi par thopa nahi he. sabhi ki ichchha ka dhyaan rakkha he. agar bachche apni maa ke jyada kareeb he, to bhala isme bura lage baali baat kya he. bese bhi saari duniya to yahi maanti he, ki maa hi bachcho ko sabse jyada pyaar karti he. jabki pita ko poori duniya ek patthar dil inshan ke roop me hi dekhti he. keval isliye kyun ki ek maa khul kar apni bhavnao ko pradarshit kar pati he. jabki ek baap chaah kar bhi yesha nahi kar pata. dukh hote huye bhi apne dil par patthar rakh kar khathorta ka mukhota lagaye rehata he. kabhi bhi kisi dushre inshan ke saamne apne aanshu nahi baha pata. kya keval isi liye ek baap apne hi bachcho ke liye paraya ho jata he????? kya bachcho ko pyaar karne ke saath saath unhe ye jatana bhi jaroori hota he, ki unka baap bhi unhe unki maa ki hi tarah pyaar karta he??????

ye sab kehate kehate uncle ki aankho me aanshu aa gaye. jise dekh kar zoya ne apne hanky se unke aanshu poonche aur boli

zoya- nahi uncle... bachcho ko ye jatana bilkul bhi jaroori nahi he, ki aap unhe kitna pyaar karte he. kyun ki bachche jitna pyaar apni maa se karte he. utna hi pyaar apne pita se bhi karte he. par pita ki hi tarah wo bhi apne pita ko ye jata nahi paate.

uncle- mujhe is baat ka bilkul bhi bura nahi lagta he zoya, ki mere bachhe mujhe pyaar nahi karte. ya mujhe apni maa ke barabar darja nahi dete. balki mujhe is baat ka bura lagta he, ki mere bachche apni samashya ko na to khud suljha pa rahe he. aur naa hi mujhe uske baare me bata kar, use suljhane me meri help le rahe he. bus apne aap ko dukh diye ja rahe he. sara parivaar dhire dhire kar ke bikhar raha he. aur mai kuchh nahi kar paa raha hun.

uncle ki baat sunkar zoya boli

zoya- sayad wo log aapko dukhi nahi dekh sakte uncle, ho sakta he isi liye aapse ye sab chhipa liya ho.

uncle ke andar ka gubbar nikal chuka tha. isliye wo jald hi samhal gaye. ek baar fir unke chehare par kathorta ka mukhota aa chuka tha. dono ke beech kuchh der khamoshi rahi. aur fir is khamoshi ko zoya ne hi bhang kiya. usne mahoul ko fir s halka fulka banane ke liye uncle ke ek aur pyade ko marte huye kaha

zoya- lagta he uncle aap ye baaji mujhse haarne baale he....

apne pyade ko marta dekh kar, uncle ne bhi zoya ka dushra oont maar diya, aur bole

uncle- pyade ko maar kar game nahi jeeta jata zoya beta.... dekho tumhara dushra oont bhi mar chuka he. ab bus tumhare ghode aur tumhara bazeer hi bacha he.

zoya- wo kaafi he aapko harane ke liye uncle

itna bolkar joya ne apne ek ghode se uncle ke duhsre ghode ko maar diya. par agle hi pal uncle ne apne pyaade se uske ghode ko bhi maar diya. aur bole

uncle- ab to bus ek ghoda aur bazeer hi bacha he....

itna bolkar uncle muskura uthe. zoya ko laga ki uncle ab kaafi had tak samhal chuke he. is liye wo boli

zoya- uncle mujhe lagta he. ki ab samay aa gaya he ki aap ghar ke baaki logo ko ye yehsash kawaye ki aap ghar ke mukhiya he.

zoya ki baat sunkar uncle thoda chonk gaye... aur fir bole

uncle- matlab?????

zoya- matlab ye uncle, ki ab tak aap jin baato ko ignore karte aaye he... unme interfare karne ka samay aa chuka he... ab tak jo hua so hua.... par agar ab aap apne parivaar ko aur jyada bikharta hua nahi dekhna chahate he, to fir aap ko bhi ghar ke baaki mamlo me dakhal andaji karni hi padegi. aap yadi apni par aa jaye to us ghar me aapke bina ek patta bhi nahi hil sakta. mujhe lagta he ki gahr ke baaki logo ki galtiyon ko sudharne ka samay aa chuka he. aur unki galtiya keval aap hi sudhar sakte he.

zoya ki baat sunkar uncle ke chehare par ek chamak aa gai... wo muskurate huye bole

uncle- sayad tum theek keh rahi ho....

itna bolkar uncle kisi soch me doob gaye. jise dekhkar zoya boli

zoya- ab kya hua uncle?????

zoya ki awaj sunkar uncle chonkte huye bole

uncl- hunnn.... are kuchh nahi... mai to bus ye soach raha tha ki suruaat kaha se karu...

uncle ki baa sunkar zoya muskurate huye boli.

zoya- suruaat karne se pehale aap ko saari jaankari bhi to honi chahiye. sabse pehale aap ghar ke sabhi sadashyao ke baare me poori jankar ikatthi karo. matlab ki ye pata karo ki asal problam kya kya he???? uske baad use solve karne ki kosis karna

zoya ki baat sunkar uncle laparwahi se apni agli chal chate huye bole

uncle- asal problan kya he ye mai janta hun, aur mai uska solution bhi janta hun.

uncle ki baat sunkar zoya hairani se boli...

zoya- kya he wo????

uncle ne zoya ke sawal ka koi jabab to nahi diya, par zoya ke reaction ko dekh kar, ek baar fir unke chehare par muskurahat dikhai dene lagi. jiska arth zoya ko samajh me nahi aaya. isliye wo uncle ke bolne ka wait karne lagi.

Tom nisha (zoya) har din park m uncle se milti h
Zoya (Nisha) gher k paas hote huwe bhi kisi ko pata nahi h
Wah bhai zaberdast

 

[Nadan Dill]

Nice update bhaii bhot awala maza aya giea bhaiii ab new update ka intazar ha

 

[Naik]

Update 110
-------------------

jabki nisha apne aap ko aage hone baale, ghatna kram ke liye taiyaar karne ka prayash kar rahi thi. kyun ki ab usne uncle ko jo batane ka nirnay liya tha. uske liye nisha ko kaafi jyada himmat ki awashyakta thi. jab nisha apne aap ko taiyaar kar chuki. to wo ek gehari sansh lekar boli

nisha- uncle mujhe aapko kuchh aur bhi batana he. meri zindgi ka ek yesha raaj he jo ab tak keval mere aur ajju ke alawa maa aur renu hi janti he. maa ne hum dono se vachan liya tha ki hum ye raaz aur kisi ke saamne na laaye. par mujhe lagta he ki mere is raaz ko janne ka hak jitna maa ka he, utna hi aapka bhi he. kyun ki mujhe mere asli mata pita ka pyaar to kabhi bhi nahi mila. mene to aapko aur maa ko hi apna mata pita mana he. aur aap dono se mujhe unka pyaar bhi mila he. isliye apne bachcho ke raaz janne ka jitna hak maa ko hota he, utna hi hak pita ko bhi hota he.

uncle- pagli mujhe apna pita bhi manti he, aur fir uncle keh kar bhi bulati he. koi bhala apne pita ko uncle keh kar bulata he kya???????

uncle ki baat sunkar nisha ki aankh me aanshu aa gaye. usne apne aanshuo ko ponchha aur boli

nisha- uncle mera raaj janne ke baad bhi, yadi aap mujhe apni beti ke roop me swikaar kar lenge, to mai vada karti hun ki aaj se mai aapko papa keh kar hi bulaungi. aur yadi mera raaz janne ke baad, aap mujhse nafrat karege, ya mujhe saja dena chahe to mai use bhi aapka ashirwaad samajh kar khushi khushi accept kar lungi. aur bhavishy me dobara kabhi aapko apna chehara nahi dikhaungi.

nisha ki bat sunkar uncle thoda serious ho gaye. aur nisha se poochh bethe

uncle- nisha beta.... aakhir baat kya he?????

nisha ne ek gehari sansh li, aur fir uncle ko apne aur ajju ke riste ka vastbik sach bata diya. aur sir jhuka kar uncle ke bolne ka wait karne lagi. uncle nisha aur ajju ke riste ki hakikat janne ke baad kuchh der tak khamosh hi rahe, aur fir muskurate huye bole

uncle- jo galti tumne jaan bujhkar ki hi nahi, mai bhala uski saja tumhe kese de sakta hun nisha. haan agar tumne ye sab jaan bujhkar kiya hota, to shayad mai iske liye tumhe jaroor saja deta. par nafrat to mai fir bhi nahi karta tumse. kyun ki kisi ko pyaar karna koi gunah nahi hota. bese bhi agar ye duniya ki nazar me paap he, to is paap ki jitne jimmedaar tum dono ho, utne hi hum bhi he. kyun ki tum dono ko shadi karne ke liye humne hi taiyaar kiya tha. isliye jo bhi hua uske liye apne aap ko dosh dena band kar do. tumhara ye raaz janne ke baad bhi, tumhare prati mera najariya aaj bhi bahi he. mere pyaar me ab bhi ratti bhar bhi fark nahi pada he. mai ab bhi garv se keh sakta hun, ki tum meri sabse badi beti ho. to kya ab mujhe tumhara pita kehlaane ka hak he?????

uncle ki baat sunkar, nisha ke chehare par ek muskaan aa gai. aur wo fir se uncle ke gale lagte huye boli

nisha- thank you papa... meri galtiyo ko maaf karne ke liye..... mai vada karti hun, ki aaj ke baad mai yesha koi bhi kaam nahi karungi, jiski bajah se aapka sir sharm se neeche jhuke.

uncle ne pyaar se nisha ke sir par haath fera aur kaha

uncle- yesha kaam to tumne tab bhi nahi kiya tha beta.... jo kuchh bhi hua usme tumhari koi galti nahi thi. jo hona tha so ho gaya. shayad kismat me yahi sab likha tha. bese kya ab bhi koi yesha raaz bacha he jo mai nahi janta?????

uncle ki baat sunkar nisha uncle se alag ho gai. aur kuchh der tak sochne ke baad uncle se boli

nisha- haan papa... yesha bahut kuchh he jo mere aur ikram ke alawa aur koi nahi janta. ajju bhi nahi. par mera dil keh raha he ki mai aap ko apne se judi har baat bata dun. taaki agar mujhe kabhi kuchh ho gaya to kam se kam aap meri adhuri zimmedaari poori kar sako.

nisha ki baat sunkar uncle hairaani se uski taraf dekhne lage... kyun ki nisha ke dwara kahi gai aakhri line ne unhe buri tarah se chonka diya tha. nisha ne ek gehari sansh li aur fir uncle ko uncle ko RAW ke alawa apna har raaz bata diya, jise sunkar uncle hairaani se nisha ko dekhte rahe. aur jab nisha ne baolna band kiya to wo bole

uncle- nisha beta mujhe tum par naaz he. tumne ab tak jo bhi mukam hashil kiya he, wo ek aam inshan ke bus ki baat to bilkul nahi he. par mere liye to tum hamesha meri bahi purani nisha hi rahogi. tumhari in powers aur tumhare is mukaam se mujh par koi fark nahi padta. tum kal bhi mere liye meri beti thi aur aaj bhi mere liye meri beti hi ho. jo ki ek aam inshan he. jiske andar feelings he. aur jo apne parivaar se be intaha pyaar karti he.

uncle ki baat sunkar nisha khamosh hi rahi. nisha ko khamosh dekh kar uncle fir bole

uncle- beta tumne mujhe sab kuchh bata diya he... par ab tak ye nahi bataya ki ye ikram aakhir tumhe mila kaha????? aur ye kyun aur kese tumhara bhai ban gaya?????

uncle ki baat sunkar nisha kuchh der khamosh rahi. aur fir kuchh sochte huye boli

nisha- i am sorry papa.... mai ye baat aapko nahi bata sakti.... kyun ki ye meri zindgi ka yesha raaz he jo mere saath hi dafan ho jayega. ise raaz rakne ki mene kasha li he. par mai aapko itna jaroor bata sakti hun ki ye raaz desh ki suraksha se juda hua he. i hope aap meri majboori samjhege.

nisha ki baat sunkar uncle muskurate huye bole

uncle- koi baat nahi meri bachchi.... mere liye itna ishara hi kaafi he. aur mai tumhari majboori bhi samajh sakta hun. isliye tum apne man me koi guilt ki bhavna mat rakhna. kyun ki mai janta hun ki meri beti kabhi bhi koi galat kaam nahi kar sakti. i hope tum meri tarah desh ke har pita ho apne upar garv karne ka mouka dogi. bus ek request he tumse. ki tum jo bhi karo aur jese bhi karo bus apne aap ko zinda rakhna... kyun ki hum sab ki jaan tumhare andar basti he....

uncle ki baat sunkar nisha muskurate huye boli

nisha- mai is baat ka aapse vada to nahi kar sakti par kosis jaroor karungi papa, par mene abhi abhi aapko jo kuchh bhi bataya he, wo mere aur ikram ke baad keval aap hi jante he. aap samajh rahe he na ki mai aapse kya kehana chah rahi hun?????

nisha ki baat sunkar uncle muskurate huye bole

uncle- haan mai achchhi tarah se samajh raha hun, ki tum kya kehana chahati ho. tum nischint raho beta, ye sabhi raaz hamesha ke liye mere andar dafan rahege. agar tum khud bhi ye baate kisi aur ko bata dogi. tab bhi mai in sab se anjaan hi bana rahunga.

uncle ki baat sunkar nisha muskurate huye boli

nisha- thank you papa...

nisha ki baat sunkar uncle muskurat huye bole

uncle- pagal kahi ki.... koi bhala apne pita ko thank you bolta he kya... bese ab tumhara aage ka program kya he????? tum sabke saamne kab aane baali ho?????

uncle ki baat sunkar nisha is baar fir khamosh hi rahi.... kyun ki ye wo sawal tha, jiska jabab filhaal uske pass bhi nahi tha. isliye nisha kaafi der tak khamosh hi rahi. use yun khamosh dekh kar, uncle ne use ek baar fir toka

uncle- kya baat he nisha????? kya koi problam he????? agar tum mujhe nahi batana chahati to koi baat nahi....

uncle ki baat sunkar nisha boli

nisha- nahi papa.... yesi baat nahi he. par aapke sawal ka jabab filhaal mere pass bhi nahi he. kyun ki mene iske baare me abhi kuchh socha hi nahi he. pata nahi mera dil kyun baar baar mujhse ye keh raha he ki abhi nahi, abhi samay nahi aya he. aur pichhle kuchh samay se mujhe bure bure khyaal bhi aa rahe he. jese ki mujhe mehsoos ho raha he, ki mera saath aap sabhi ke liye bus yahi tak ka he.

nisha ki baat sunkar uncle thoda serious hote huye bole

uncle- ho sakta he ki itne samay tak apno se door rehane ki bajah se ye sab ho raha ho????

nisha- ho sakta he papa... par jab tak mere man ki uthal puthal shant nahi ho jaati, tab tak mai is baare me sochna bhi nahi chahati. lekin jis tarah se poora parivaar ek ek kar ke bikhar raha he. wo bhi mujhse bardast nahi ho raha he. isliye mai sab kuchh theek karna chahati hun. lekin uske liye mujhe aapki help chahiye

uncle- mai to hamesha se tumhare saath hun beta. bolo kya plane he????

nisha- me chahati hun ki hum ek saath do taraf se apna kaam kare. mai ajju, vikash aur renu ko raste par laati hun. aur aap baaki logo ko samhalo.

nisha ki baat sunkar uncle kuchh sochte huye bole

uncle- theek he... me taiyaar hun....

nisha- par iske liye hame sabhi logo ke baare me saari jankaari chahiye. aur ye kaam keval aap hi kar sakte he....

uncle- tum uski fikar mat karo... mai sab pata kar lunga.... abhi tak mene jan bujhkar intrest nahi liya tha. par ab mere pass karan bhi he. aur mere saath tum bhi ho...

nisha- to theek he papa, aap aaj se hi is kaam par lag jaiye. aur haan sabse pehale mujhe renu aur vikash ke beech ki baat janni he.... mai janna chahati hun, ki aakhir yesha kya hua he un dono ke beech???? aap to jante hi he ki mai renu ki aankh me ek aanshu bhi bardast nahi kar sakti hun.... halanki mai kaafi dino se sab par najar rakh rahi hun... is liye mai bahut kuchh janti hun... par renu ke baare me ab tak mujhe kuchh bhi pata nahi chala he... renu ne pichhle 3 saalo me office ke silsile me mujhe kai baar mail kiye he. baaki logo ke baare me bhi unse mujhe mail karke kaafi kuchh bataya he. par aaj tak apne aur vikash ke baare me kuchh bhi nahi bataya he... pata nahi kyun????? par mujhe ye sab kuchh theek nahi lag raha he.

nisha ki baat sunkar uncle bole

uncle- tum fikar mat karo beta.... mai sab pata kar lunga....

uncle ki baat sunkar nisha boli

nisha- to theek he papa..... aap pehale ye kaam kijiye.... tab tak mai ajju ka intjaam karti hun... kyun ki ab samay aa gaya he, ki unhe raste par laya jaye.... bahut ho gaya nashe me doobe rehana. ab unhe unki galtiyon ka yehsash karwane ka samay aa chuka he. sayad mujhe ye kaam bahut pehale hi kar dena chahiye tha. par koi baat nahi... ab bhi jyada der nahi hui he...

nisha ki baat ka uncle ne koi jabab nahi diya. bus uski baat par muskura diye. par fir achanak se kuchh sochte huye bole.

uncle- nisha tumne kaha tha, ki tumhari roop badalne baali powers ke baare me mere aur ikram ke alawa ek aur inshan janta he. wo teeshra inshan kon he?????

uncle ki baat sunkar nisha kuchh der soch me pad gai. aur fir wo muskurate huye boli

nisha- apna hi koi he papa.... aur wo hamare bikharte huye parivaar ko fir se ek karne me hamari madad bhi kar raha he. yani ki ab hum 3 logo ka ek group ban chuka he. jiska kaam bhatke huye ko raste par lana he.

uncle- par wo hai kon?????

uncle ki baat sunkar nisha kuchh der sochti rahi. aur fir usne uncle ko uska naam bata diya. jise sunkar uncle hairaan reha gaye. aur bole

uncle- use tumhare baare me kab pata chala?????

nisha- kuchh din pehale hi use mere baare me pata chala he papa. aapki hi tarah usne bhi mujhe zoya ke roop me bhi pehchan liya tha.

uncle- to fir ab????

nisha- filhaal to aap apne tareeke se kaam kijye, aur wo inshan apne tareeke se kaam karega. par yadi aap dono me se kisi ko bhi help ki awashyakta hui, tab aap ek dushre ki help le sakte he. mai aaj hi use aapke baare me bata dungi.

nisha ki baat sunkar uncle kuchh sochte huye bole...

uncle- shayad yahi theek rahega...

uncle ki baat sunkar nisha kuchh der khamosh hi rahi, aur fir boli

nisha- papa maa kesi he????

nisha ki baat sunkar uncle hanshte huye bole

uncle- lo bhai.... poori ramayan khatam ho gai.... tab kahi jakar tumhe apni maa ki yaad aai he....

uncle ki baat sunkar nisha bhi muskurate huye boli

nisha- maa ki yaad to hamesha hi aati he... par aap se mil leti hun yesha lagta he ki unse bhi mil liya.....

uncle- bus bus bahut ho gai makkhan baazi.... tum khud hi zoya bankar unse kyun nahi mil leti ho

uncle ki baat sunkar nisha boli

nisha- na baba na.... aapki hi tarah wo bhi mujhe turant pehchan lengi....

uncle- tum agar apni adato ko controll karna suru kar dogi, to koi bhi tumhe nahi pehchan sakta he....

nisha- pata nahi papa... par abhi mai maa ka saamna karne ke liye taiyaar nahi hun.... maa ka samna karne ke liye mujhe bahaut jyada himmat ki jaroorat he. jo filhaal mere andar nahi he. kyun ki mere yun achanak jaane se, unhe jo dukh pahuncha he, mai uska saamna nahi kar sakti hun.

nisha ki baat sunkar uncle bole

uncle- theek he jesi tumhari marzi..... par fir bhi kabhi tumhara man unhe dekhne ka ho, to mujhe bata dena.... mai unhe bahane se yaha le aaunga. aur tum door se unhe dekh lena.

uncle ki baat sunkar nisha khush hote huye boli

nisha- haan ye theek rahega... to fir aap kal hi le aao na unhe...

nisha ka ye utabla pan dekh kar uncle bole

uncle- nahi kal nahi... abhi to mujhe use manana padega... jhagda jo ho gaya he hamara... ek do din ruko fir lata hun use....

nisha- theek he papa..... jesa aapko uchit lage.

itna bolkar nisha bapis zoya ke roop me aa gai. aur uncle se boli

nisha- papa ab mujhe jana hoga... kaafi samay ho gaya he...

aur fir nisha baha se jaane lagi. to uncle ne use ek baar fir toka...

uncle- nisha.... ek minute....

uncle ki awaj sunkar nisha ek baar fir ruk gai. uncle uske pass aye aur bole

uncle- apna contact number to deti jao.... agar koi jaroori baat hui batane ke liye to...

uncle ki baat sunkar nisha ne apne sir par haat mara aur boli

nisha- uffffff..... mai bhi kitni murkh hun...

itna bolkar nisha ne apna cell phone nikala aur uncle ke number par ek ring kar di. uncle ne turant nisha ka number zoya ke naam se save kar liya. uske baad nisha baha se chali gai. uncle kuchh der tak bahi bethe rahe. aur fir wo bhi ghar ki taraf chal diye. par aaj unke chehare par ek alag hi muskaan thi.

Tow nisha k paas yeh power ki woh apne aap badal sakti waah kia baat h bahot badi h
Excellent update brother

 

[Naik]

Update 109
-------------------

kaafi der tak un dono ke beech khamoshi chhai rahi. aakhir kaar uncle ne hi is khamoshi ko bhang kiya, par unhone zoya ke sawal ka jo jabab diya, wo kisi bum bisphot se kam nahi tha. uncle bole

uncle- "nisha"...... asal problam nisha he....

uncle ki baat sunkar zoya hairaan hote huye boli

zoya- nisha??????

uncle- haan nisha... meri sabse badi beti nisha.... ajay ki wife nisha..... hum sab ki chaheti nisha.... 3 saal pehale kisi baat ko lekar nisha aur ajay me jhagda ho gaya. jiski bajah se nisha hum sab se door chali gai. nisha ke jaate hi sara parivaar bikharne laga. kyun ki ek bahi to thi, jisne saare parivaar ko ek dore se baandh kar rakkha hua tha. uske bina sab ko ek saath lana lagbhag na mumkin he. isliye sabhi log kese bhi nisha ko bapis lana chahate he. par nisha kaha he???? ye koi bhi nahi janta....

uncle ki baat sun kar zoya ek baar fir hairan hote huye boli

zoya- aap bol rahe the ki aapke pass is samashya ka samadhaan bhi hai

zoya ki baat sunkar ek baar fir uncle muskura uthe... aur bole...

uncle- haan... mere pass is samashya ko solution he... kyu ki mai janta hun ki is wakt nisha kaha he.

zoya ab bhi hairani se uncle ki taraf hi dekh rahi thi. wo kuchh der tak khamosh hi rahi aur fir apni agli chaal chalte huye boli

zoya- uncle jab aap nisha ke baare me jante he... to fir sab logo ko bata kyun nahi dete???

uncle zoya ki chaal dekh kar hairaan reh gaye. kyun ki zoya ne apna raja khula chhod diya tha. uncle is mouke ko khona nahi chahate the. isliye zoya ke raja ko gherne ke liye unhone apna bazeer aage bada diya. aur fir laparwahi se bole

uncle- nahi bata sakta.... kyun ki is duniya me mai sabse jyada nisha par hi yakeen karta hun. agar usne hum sab se door jaane ka faishla kiya he. to kuchh soch samajh kar hi kiya hoga. hame uske faishle ka samman karna chahiye. agar door jaane ka faishal uska hai. to bapis aane ka faishla bhi uska hi hona chahiye.

uncle ki baat sunkar zoya boli

zoya- sayad aap sahi keh rahe he uncle....

aur fir apni agli chaal chalkar zoya muskurate huye boli

zoya- uncle "check and mate"... lo aap aaj fir mujhse haar gaye....

zoya ki baat sunkar uncle hairani se kabhi chess bord ko dekhte, aur kabhi zoya ke chehare ko. unhe to yakeen hi nahi ho raha tha ki wo haar chuke he. kyun ki kuchh der pehale to unhe sab kuchh apne controll me hi dikhai de raha tha.

hua asal me ye tha, ki zoya ne uncle ko lalach dete huye apna raja khula chhod diya tha. uncle ne use gherne ke liye apna bazeer aage bada diya. mouke ka fayda uthate huye. zoya ne uncle ke raja ke ek dum paas me lejakar apna bazeer rakh diya, jise peechhe se uska ghoda support kar raha tha. chunki ghoda dhai kadam chalta he. isliye uncle ne ghode ki chaal par dhyaan hi nahi diya. par ab kya ho sakta tha. unka raja fansh chuka tha. uncle ko yun hairan dekh kar zoya muskurate huye boli

zoya- achchha uncle ab mai chalti hu, kal fir ek naya game suru karenge. tab tak aap ye samajhne ki kosi kijiye ki aapse aakhir kaha galti ho gai.

itna bolkar zoya baha se uth kar jaane lagi. tabhi uncle ne use peeche se toka

uncle- nisha......

apne liye "nisha" naam sunte hi zoya bahi ke bahi ruk gai. aur bina uncle ki taraf dekhe wo boli

zoya- "nisha!!!!" ye aap kya keh rahe he uncle???? mai zoya hun.... sayad aapko koi galat fehami hui he...

zoya ki baat sunkar uncle bole

uncle- apni awaaz aur apna chehara badlne se, ya fir apna naam badalne se inshan ki vastvikta nahi badalti he nisha. tum chahe jitne chehare badal lo... par apni adate nahi badal sakti. apno ke liye tumhare liye jo pyaar he, use nahi badal sakti. bese bhi ek baap apne bachcho ko unke chehare aur awaj se nahi, balki uske hone ke yehsash se hi pehchan leta he.

uncle ki baat sunkar zoya uncle ki taraf palat gai. par is wakt uska chehara us ladki ka nahi tha. jo kuchh der pehale uncle ke saath beth kar chess khel rahi thi. balki wo chehara nisha ka tha. nisha ko dekh kar ek baar fir uncle ki aankh me aanshu aa gaye. aur yahi haal is wakt nisha ka bhi tha. uncle ne apne dono haath nisha ki taraf faila diye. jise dekh kar nisha dod kar uncle ke gale lag kar rone lagi. aur rote huye boli

nisha- i am sorry uncle..... mai bahut buri hun... dekho mene sab ko kitna dukh diya he.... meri bajahs se sab kuchh bikhar gaya.... please uncle mujhe maaf kar do.... plese uncle..

nisha kaafi der tak uncle ke gale lag kar yun hi badbadaye ja rahi thi. jabki uncle pyaar se nisha ke sir par haat ferte ja rahe the. jab nisha ki poori bhadash nikal gai to uncle usse bole

uncle- na beta na.... yesa nahi kehate... tum to meri sabse pyari beti ho... tumhari bajah se koi kese dukhi ho sakta he. ye dukh to keval tumhare door jane ki bajah se he. ab jab tum bapis aa gai ho, to fir se sab theek ho jayega.

uncle ki baat sunkar nisha boli

nisha- nahi uncle... mai bapis nahi aa sakti.... mai bahut buri hun... aap nahi jante ki mene kitna bada paap kiya he. mai to bahut badi abhagan hun, mai jaha jati hun baha har kisi ko keval dukh hi deti hun. manhoosh hun mai. aur mai apni is manhoosiyat ka asar apno par nahi hone de sakti.

nisha ki baat sunkar uncle ne ek jhatke me nisha ko apne se alag kar diya aur gusse me bole

uncle- khabdar jo aaj ke baad apne aap ko manhoos kahat to... tum meri beti ho... aur meri beti na to abhagan he, aur na hi manhoos.... samjhi tum.....

uncle ke dantne par nisha ne kuchh bhi nahi kaha, bus haan me sir hila diya. kuchh der un dono ke beech khamoshi rahi. fir is khamoshi ko uncle ne hi bhang kiya. wo nisha se bole

uncle- chal theek he. agar tum abhi sabke saamne nahi aana chahati, to koi baat nahi. mai tumhare baare me kisi se kuchh bhi nahi kahunga. par kuchh der mere saath nisha ban kar betho. 3 saal se bhi jyada samay ho gaya tujhe dekhe huye.

uncle ki baat sun kar nisha fir se uncle ke saath bahi beth gai. par is baar bhi nisha ne kuchh nahi kaha. kuchh der ki khamoshi ke baad uncle fir se bole

uncle- aaj mai tere liye teri maa ke haath ke bane aaloo ke parathe aur dahi laya hun... tujhe bahut pashand hai na...

uncle ki baat sun kar nisha ka chehara khill utha. usne turant apne aanshu poonche. aur uncle ke haath se turant tifin le liya, aur jaldi se use khol kar aalo ke parathe khane lagi. maa ke haath ke bane aalo ke parathe khakar nisha ke chehare par ek alag hi sukoon dikhai de raha tha. jabki uncle nisha ko yun khata dekh muskuraye ja rahe the. aaj unhe nisha ek chhoti bachchi ki tarah dikhai de rahi thi. jab nisha ka pet bhar gaya, to usne bache huye paratho ko ek paper me roll banakar apne bag me rakhte huye kaha

nisha- sorry uncle... mene aap se nahi poochha... mera pet to bhar gaya, par man nahi bhara he. ye bache huye parthe me baad me khaungi. aaj aap bina naste ke hi kaam chala lo please.

nisha ki baat sunkar uncle hanshte huye bole

uncle- are pagal..... ye saare parathe mai keval tere liye hi to laya tha. tum meri fikar mat karo. mai ghar jakar kha lunga.

uncle ki baat sunkar nisha kuchh der shant rahi, aur fir thoda serious hote huye boli

nisha- par uncle aapne mujhe pehchana kaise????

nisha ki baat sunkar uncle muskurate huye bole...

uncle- sak to mujhe kai dino se tha ki tum hi nisha ho. aur uske kai karan bhi hai. jese tumhari hight. tumhara baat karne ka tareeka, tumhara chalne ka style. tumhare kapdo ki choice, yesi bahut saari adate tumhari ab bhi bahi hai. iske alawa tumhara mujhse isharo hi isharo me ghar ke sabhi sadashyo ke baare me jaankari lena, par apne baare me kuchh bhi na batana. mere sak ko aur bhi jyada majboot karene ke liye kaafi tha. fir ek din tumse galti ho gai. tum us din zoya ke roop me to mere saamne aai. par us din tum apni aankho ka rang change karna bhool gai. jab bhi tum zoya ke roop me mere saamne aati ho, to us wakt tumhari aankho ka rang kala hota he. par us din tumhari aankho ka rang neela tha. bilkul nisha ki tarah. itna mere liye kaafi tha, tumhe pehchanne ke liye. par mai ab tak tumhe na pehchanne ka natak keval is liye karta raha kyun ki mujhe dar tha. ki jis din mene tumhe tumhare asli naam se bula liya, us din ke baad tum mujhse milne nahi aaogi. tum zoya ke roop me hi sahi. par kam se kam mujhse milne to aa jati ho. aur mai tumhe dekhkar is baat se tasalli kar leta hun ki tum theek ho.

uncle ki baat sunkar nisha boli

nisha- uncle kya aapne maa ko mere baare me....

nisha apni baat poori bhi nahi kar paai thi, ki uncle ne use beech mai hi tok diya

uncle- nahi.... mene tere baare me kisi ko kuchh bhi nahi bataya he. aur naa hi mai aage kisi ko batane bala hun. aur kyun bataun mai????? wo bhi to kai baate mujhse chhipa leti he... tum fikar mat karo tera raaz keval mere saath hi rahega.... par please beta mujhse milne aati rehana....

uncle ki baat sunkar nisha muskura kar boli

nisha- pakka uncle.... mai aap se yese hi milne aati rahungi. par nisha ke roop me nahi balki zoya ke roop me.

uncle- koi baat nahi... zoya ke roop me hi sahi, kam se kam tum mujhse milne aaogi to sahi. par ek baat meri samajh me nahi aai. ki tumne mere saamne na to koi mash apne chehare se hataya... aur naa hi apne chehare ka makeup kisi cheej se saaf kiya to. fir tum yun achank zoya se nisha kese ban gai......

uncle ki baat sunkar nisha kuchh der khamosh rahi. aur fir ek lambi sansh lekar boli

nisha- yese.....

nisha ka itna bolna tha. ki nisha ka chehara zoya ke roop me dhire dhire bapis aane laga. aur dekhte hi dekhte kuchh hi seconds me nisha fir se joya ban gai. ye sab dekh kar uncle hairaan reh gaye. unhe to apni aankho par yakeen hi nahi ho raha tha. koi inshan bhala palak jahpke apna chehara bina kisi mask ke, aur bina koi makeup kiye natural tareeke se kese badal sakta he. badi muskil se uncle ne apne aap ko controll kiya aur nisha se bole

uncle- kkkkeseeeee... aakhir tumne ye kiya kese nisha???

uncle ki baat sunkar nisha ek baar fir se apne vastvik roop me aa gai. aur fir usne ek baar fir ek gehari sansh li, aur uncle ko us formule aur guru ji ke dwara kundaliny sakti jagrit karne baali baat bata di. jise sunkar uncle hairaan reh gaye. aur bole

uncle- badi ajeeb baat hai.... matlab ki tum science aur adhyatm dono ki hi powers ka use kar sakti ho???

uncle ki baat sunkar nisha boli

nisha- uncle adhyatm kya he???? ek science hi to he. paracheen bhartiya scince. jise ab tak ke so calld scientest samajh hi nahi paaye he. hamara shareer kya he??? ek prakar ki machine hi to he. jisme petrol ya diesel ke sthan par, hum khane ka use karte he. jo hamare sareer ko kaam karne ke liye energy deta hai. hamari kundaliny sakti hame is sanshar mai charo taraf moujood energy ko direct use karne ki powers deti he. bus itna hi to antar he. khane se hame limited energy milti he. jabki adhyatm se hame unlimited energy prapt ho sakti he.

nisha ki baat sunkar uncle kuchh der tak nisha ki baato ko sochte rahe, aur fir muskura kar bole

uncle- shayad tum sahi keh rahi ho... par ek baat batao ki kya tum isi prakar kisi ka bhi roop le sakti ho

nisha- haan uncle... par iski kuchh limitations hai.... jese mai keval usi ka roop le sakti hun, jika chehara mene dekha ho. mai bina kisi ke chehare ko dekhe uska roop nahi le sakti. dushri kami ye he ki mene jiska bhi roop liya he. agar wo us wakt mere saamne aa jaye. to mai turant apne vastvik roop me aa jati hun. matlab ki meri powers us wakt fail ho jati he. aur sabse badi kami ye he ki agar mai apna chehara aur roop badlati hun, to meri baaki ki powers kaam karna band kar deti he. matlab ki meri baaki ki powers keval mere vastvik roop me hi mere saath hoti he.

nisha ki baat sunkar uncle bole

uncle- to fir ye zoya kon he... aur ye chehara kis ka hai....

uncle ki baat sunkar nisha ne door khade ikram ki taraf ishar karte huye kaha

nisha- uncle wo white shirt aur blue jense me jo ladka khada hua he, wo ikram he. pichhle 3-4 saal se wo mere saath kaam karta he. wo mere chhote bhai ki tarah he. aur mere liye apni jaan tak de sakta he. zoya usi ki badi behan ka naam he. jise kuchh saal pehale kuchh atankwadiyon ne kashmeer me maar dala tha. aur ye chehara bhi zoya ka hi hai. mujhe sabse pehale zoya naam se usi ne bulaya tha. uska kehana he ki mai use uki behan ki yaad dilati hun. is liye mene bhi ek badi behan ka farz nibhaya he ab tak. mujhe ek bhai mil gaya aur use uski zoya appi.

nisha ki baat sunkar uncle hairan hote huye bole

uncle- matlab ki wo tumhari powers ke baare me janta he?????

nisha- haan uncle....

uncle- aur kon kon janta he ye sab????

nisha- meri kuchh powers ke baare me ajju, maa, renu, mama ji, monu aur divya jante hai. aur shayad thoda bahut ravi bhai aur manju di bhi janti he. par mere roop badalne baali power jo ki mujhe lagbhag 2 saal pehale hi mili he, uske baare me ikram aur aapke alawa keval ek inshan aur janta hai.

nisha ki baat sunkar uncle khamoshi se ab tak hui baato ke baare me sochne lage. wo har ek kadi ko apas me jod kar, saare halato ko samajhne ka prayash kar rahe the.

Awesome update brother