Update:-16
Puna... Apini aur Josefer ki mulakat .....
Josefer..... Rijo ka sandesh mila...
Apini.... Haan mil gaya hai....
Josefer.... Main apna Adirshi janwar khula chhor raha hun, Malkia ki koi chij hai tumhare pass....
Apini ek rumal dete huye kahne laga..... "Yahi hai"....
Josefer ne apne janwar ko wo rumal sunghaya aur 2 logon ke sath viman me bhej diya pata lagane ke liye.....
Indore.... Raat ka waqt ...
Jivisha, call disconnect kar ke thunkti hui kahne lagi...... "Itna bhi na paresan karo bhagwan ki aap par se bharosa he uth jaye. Om namoh namah... Jivisha yahan ka dana pani ab yahin tak.... yahan se bhi bhagne ka ab samay aa gaya hai"
Jivisha call disconnect kar ke subah ke 3 baje ka alarm laga kar so gayi. Thik 3 baje alarm baja, Jivisha aadhi jagi aadhi soyi aapni aakhen mijti uthi..... "Unhhh, unhhh, unhhh.... kaun se karam ki saza mil rahi hai jo itni subah jagna para"
Bhagna to tha he, chehre par pani mari, chupke se apne sara saman pack ki aur sidha wahan se rafoo chakkar. Jivisha bhag kar sidha bus stand pahunchi jahan wo kisi bhi raste jane wali bus par sawar hona chahti thi.
Indore se Bhopal ki ek bus subah 4:00 baje thi. Jivisha ussi bus ka ticket le kar aaram se bus me baith gayi. Idhar subah ke takriban 3:45 par Nandni ki nind khuli. Wo bhi aadhi nind me uthi aur sidha washroom ke liye chali gayi.
Jab wo laut rahi thi tab uss ka dhyan bistar par gaya, Jivisha gayab..... "Ufffff ye ladki, sab ko pagal bana degi"...
Nandni thodi chinta me par gayi. Teji se bahar nikli aur Ashis ke pass jane ka soch he rahi thi ki hall me baithe Nichal par najar gayi.....
Nandni..... Tab se tum computer par he baithe ho.
Nischal ko aisa laga jaise usse kisi gahri nind se jagaya gaya ho... apni aakhen kholta hua sab se pahle apne sare wires samet kar jeb me dala, fir ek gahri sans lete kahne laga..... "Haan ye bahut he intresting tha isliye tab se isse he samjhne ki kosis kar raha hun. Waise tumhare yahan porn movies kafi excited karne wali hoti hain"...
Nandni... What ??? Porn movies... tum hall me baith kar porn dekh rahe the...
Nischal.... Nahi wo achanak se ek video play hua to usse band karne ka man he nahi kiya...
Nandni... Chhi,... bakwas band karo aur ye batao ki tum ne Jivisha ko kahin jate dekha...
Nischal.... Mujhe pata nahi, main iss internet aur computer me itna vyast tha ki aas-pass ki chijon par dhyan he nahi gaya...
Nandni... Tharki kahin ka... kahte kyon nahi porn videos aakhen far kar dekh rahe the. Main bhi kahan tum se baton me lagi hun.... Suno Jivisha yahan se bhag gayi hai....
Nischal..... Ye ladki kitna bhagti hai, iske paun me pahiye lage hain kya...
Nandni.... Vary funny.... No more funny talk, chalo pahle usse dhundhte hain....
Nischal..... Usse dhundna... Par kyon ???
Nandni.... Chalo chup-chap...
Nischal.... Ji maim jaisa aap kahen, to chale....
Nandni ne car ki key li, aur dono wahan se nikal pare..... Nandni wahan se sidha bus stand ki ore car le li.....
Indore ka sarwate bus stand aur pass me he railway station.... Nandni ne Nischal ko Indore junction par drop ki aur khud bus stand nikal gayi...
Thodi si masakkat aur Jivisha ki puri information mil gayi... bus number se le kar, bus ki puri timing tak.... Nandni wapas railway station aayi aur wahan se Nischal ko pick-up karke Bhopal ke liye nikal gayi...
Nandni..... 4:00 baje yahan se bus nikli hai, yadi hum 100 ki speed se gaye to sonkatch ke aas-pass usse pakad sakte hain...
Nischal.... To hum itne dhime kyon chal rahe hain, car bhagao phir... 100 kya 120 par bhagao...
Nandni car drive karna shuru ki... Subah ke 4:30, sadak lagbhag khali. Full acceleter aur car hawa se baat kar rahi thi... 10 km kab gujra pata bhi nahi chala.... aur tabhi ... kharr.. kharr.. kharr ki awaz karti car ruk gayi.....
"Damn god ab iss car ko kya hua"... bud-budati hui Nandni bahar nikli... bonat khola..... aur awaz lagane lagi..... "Ander car me baith kar kya kar rahe ho, rediator garam ho gaya hai ja kar pani lao"
Nischal.... Madam ye 80's ki car nahi jiska rediator garam ho jayega. Car ka fuel khatam ho gaya. Band kar do bonnet aur ander aa jao....
Nandni car ko ek laat marti..... "Had hai ghar me 20 lacs ki car rakhte hain, aur petrol nahi. Tum ander baithkar kya aaram kar rahe ho, bahar aao"
Nischal bahar aate.... "Haan ji kahiye"....
Nandni.... Had hai main yahan paresan hun aur tumhe koi chinta he nahi...
Nischal..... Ji kahiye aap ki main kya madad kar sakta hun....
Nandni..... Dauro, jaise daur kar mujhe dikhaye the aur pakar kar lao uss pagli ko... paresan kar rakhi hai ye ladki....
Nischal.... Nah.. main akela nahi daurne wala.... wo bahut khatarnaak ladki hai, jaunga to sirf tumhare sath...
Nandni.... Kaise, ab kya mujhe gode me utha kar dauroge...
Nischa.... Haan...
Nandni..... Jyada over smart mat bano aur bhago....
Nischal.... O' Madam aise bologi to main kahin nahi jane wala... kaam tumhara hai isliye request karo...
Nandni..... hath jor kar kah rahi hun, please jao aur uss kam-akal ko le aao... jyada hoshiyari kare to 2 thappad laga kar lana...
Nischal hasta hua wahan se nikla. Wo apni raftar se aage badha, bas kuch he minute lage honge aur Nischal uss bus ke aage tha..... Nischal bich sadak par, bilkul bus ke samne khada ho gaya. Bus driver ne teji se break lagaya aur so rahe sare passenger chaunk kar nind se jag gaye...
Conductor chillate huye niche utra aur Nischal ka collor pakad liya...... "Sala pagal hai kya be"
Nichal halka muskuraya aur uske kalai ko pakad kar morna suru kiya..... Counducter dard se chilla utha.... "Hath chhoro bhai, please chhor do warna toot jayega"....
Nischal.... Tamij se baat kar, badtamiji mujhe pasand nahi...
Conductor...... Bhai aap ko bhi bhopal jana hai kya, to chalo na...
Nischal.... Nahi mujhe bhopal nahi jana... tumhare bus me Jivisha naam ki ek ladki hai, usse niche utaro aur bus aage badhao... tabtak main yahin intzar kar raha hun...
"Thik hai bhai" kahta hua wo counductor bus me chadh gaya aur "Jivisha madam.. Jivisha madam" karne laga....
Jivisha..... Kya hua bhaiya..
Conductor.... Madam aap ke koi pahchan wale niche khadey hain aur wo aap ko bula rahe hain...
"Ab ye kaun sa naya twist hai"....... "Bhaiya wo kisi aur ko dundh rahe honge mujhe yahan koi nahi janta. Main to Pune se hun.
Conductor.... Madam aap ek baar dekh to lijiye...
Jivisha.... Bhaiya kaha na mujhe yahan koi nahi janta.... ab kya koi bhi kisi ka naam lekar niche kahe utarne, to kya aap use aise bich raste mein niche utar doge. Main bechari ladki, kahin koi unch-nich ho gaya to...
Tabhi hero sa ek ladka, six pack muscles wala, bich me bol para..... "Inhone kaha na ye yahan kisi ko nahi janti to tu kyon jabardasti kar raha hai. Tera he koi sathi to nahi niche"
Conductor..... Kuch bhi bakwas na karo, aur jyada inquiry karni ho to niche ja kar karo..... jab tak Jivisha madam niche nahi jati ye bus aage nahi badhegi...
Josh me aate huye wo ladka bola..... "Aise kaise nahi aage badhega bus... miss aap chinta na karo abhi hosh thikane lagata hun uss ke... chal re kannu"...
Wo ladka apne 2 aur sathi ke sath bare josh mein niche utra, aur 2 min baad luta-pita haalat mein wapas aakar kahne laga..... "Madam aap niche chale jao, wo aap ko he dhundh rahe hain"
"Aannnhh kaun hai ye".... Jivisha bus se bahar nikli aur samne Nischal..... "Ohhhh nooioooo !!! Tummmm"
Nischal ne Jivisha ka hath tham kar usse side kiya aur bus ko ishara karte jane ke liye kah diya..... Bus ko jate dekh Jivisha thunakti hui Nischal se jhagra karne lagi.....
Nischal, chup-chap bas sunta he raha..... Sari bhadas nikalkar jab Jivisha chup hui....... "Tumhari life hai jaise jiyo. Sach kahi main hota kaun hun.... lekin Nandni to tumhari dost hai na.. chalo wo tumhara intzar kar rahi hai"...
Jivisha..... Nahi mujhe kahin nahi jana... tum samjhte kyon nahi, mera khandaan mujhe lene aa raha hai.....
Nischal..... Jivisha, kabhi na kabhi to tumhe apne ghar jana he hai, par in sab ke bich tum apne dost ke gharwlon ka vishwas tod dogi....
Jivisha, Nischal ki baat par thodi der shant rahi, ummid bhari apni najron se Nischal ki ore dekhte huye puchhne lagi..... "To main kya karun"
Nischal.... Wapas chalo, fir dekhte hain kya hota hai....
Jivisha..... Nahi, maine bahut se kaam kharab kiye hain. Nandni ke gharwalon ka viswas waise bhi tootega hi, jab unhe sach pata chalega....
Nischal.... Itna mat socho, ab tak sab ne mil kar tumhari madad ki hai, aage bhi karenge. Mera wada hai tumse, main jabtak hun tumhe har paresani se nikalunga....
Ek bharosa jo Nischal ki baton me tha..... "Thik hai chalo chalte hain... par tum yahan tak aaye kaise... ek dum achanak se... tumhe to hall me dekha tha"
Nischal, jor se chillate huye..... "Jivisha hilna mat, tumhare pith par sanp hai"
"Kya... Sanp"..... Dar se uske hath paun kapne lage....... "Jivisha sidhi khadi raho daro mat... aur ye ho gaya"
Nischal ne bari safai se uske gardan par hath laga kar uski koi nabz dabaya aur wo behosh ho gayi.... Nischal usse gode me uthaya aur Jivisha ko dhyan se dekhte huye kahne laga…. "Chalen madam"
Nischal, Jivisha ko lekar wapas daur lagane ki taiyari me tha... Aur thik ussi waqt Josefer ke khoji, Jivisha ka pata lagate uske karib pahunch chuke the.... do khojiyon me se ek khoji ne turant Josefer ko suchna diya..... "Josefer Malkia ko koi ladka utha kar le ja raha hai"
Josefer..... Malkia uss ka virodh kar rahi hai ya apni marji se ja rahi....
Khoji.... Kuch kah nahi sakta. Malkia uski gode me behosh leti hai...
Josefer.... Malkia yadi behosh hai to mar dalo uss ladkey ko... Malkia ke aas-pass ki har insan ko khatam kar do taki wo akelepan ke karan hum se jaldi jur jaye....
Khoji ne "thik hai" kaha..... aur Nischal ko marne ke irade se aage badhne lage. Idhar Nischal, in sab se be khabar Jivisha ko wapas Nandni ke pass le jane ki taiyari kar raha tha.....
bad me comment type karte samay fir se padha , fir yaad aaya ki aapki story hai sidhe sadhe naam kaise ho sakte hai 
amazing story hai nain bhai,