Update-31
Paisa collect karne ke liye maine Ranjan ko bio ki class se utha liya aur pure school me ghooma… Ved ki calculation galat nikli usne 1400 students ka aakda diya tha , par wo bhool gaya tha ki isme kuch jhaant barabar soch waale nirlajj launde bhi shaamil the.. jinhe koyi fark nahi padta ki unki insult ho rahi hai ya nahi, unhone footi kaudi nahi di… udhar hum maar kha gaye paise collect karne ke mamle me… lekin uski kami Ranjan ne 11th,12th ke ladko se puri kar di… jo-jo ladka paisa nahi de raha tha… Ranjan uske paas jakar dhamka-dhamka kar paise nikalwa raha tha aur jo kahta ki uske paas paisa aaj nahi hai, wo kal dega toh Ranjan uska jeb check karta aur paise nikalne pe maarta alag tha…. collection karne ke dauran Teacher bahar nikal jaate the , isliye ye sab karne me Ranjan ko koyi khas dikkat nahi hui aur students se donation collect karne ke baad hum dono ne teachers ko pakda…. Mujhe chahiye toh tha 5000
Par....
.... teachers wagerah se paise lootne ke baad jo collection hua... wo tha...
“bisak hazar ho gaye honge shayad... kyun, bhatti ..?”ginte hue Ranjan bola….
Meri toh gand hee fate jaa rahi thi,especially... jab se 12th me humne collection chaalu kiya tha. total chahiye tha mujhe 5000 , par 12th Arts ki akele ki collection 5600 thi. Jaisa ki maine kaha tha, Ved ki calculation galat nikli… kaha wo 5000 ka estimate de raha tha aur kaha yaha 20,000 jama ho gaye the, jiska bahut bada yogdan school staff ko jata hai.… ek tihayi toh unka hee tha.
Lunch ho chuka tha aur apni class me hum teeno paisa gin rahe the… kayi log hume note ginte hue aise laar tapka kar dekh bhi rahe the.. jaise kutte haddi ko dekh kar laar tapkate hai... maano, abhiyech 100 ka note main inki taraf fekunga toh ye muh se lapak kar pakad lenge... lawde........ saale.... burchatte.
inme se kuch bio ke the toh kuch commerce ke bhi. wo hum teeno ko note ginte hue shayad soch rahe the ki hum ye paisa apne paas rakh lenge, makkari karenge… aish karenge. par aisa nahi tha, bilkul bhi nahi tha... Atharva Singh Bhattacharya Daruha ho sakta hai, par dhokebaz nahi. makkari toh thi hee nahi kabhi apne andar... baki kuch log zindagi me makkar zaroor nikal gaye, khair... wo alag baat hai. waise bhi ...kis class se kitna donation hua, kisne kitna diya uska pura list principal ke paas alreay pahuch chukka tha… jo ki humne nahi balki har class ke class representative ne banakar principal ko bheja tha….
“19,000... 19,500.....”
“sir, main Smiriti… 11th se… wo quiz ke liye aapse milna tha na…”main thook laga-laga kar note jama raha tha ki ye aawaz mere kaano me padi…
“kis subject ke base par…”uski taraf dekhe bina... maine paise ginne ka kaam jaari rakha...
“history pe sir…”
“arey mam.. aapne lagta hai , Principal sir ko thik se suna nahi… unhone quiz nahi, science quiz kaha tha… science… Science matlab... physics , chemistry and bio…”
Ye sunkar wo turant mayoos ho gayi aur wahi neeche dekhte hue khadi rahi…
“udas mat ho… tum intelligent hogi, no doubt... lekin ye field aapka nahi hai...”
Par mere aisa bolne ke bawzood naa hee uskke chehre ki mayoosi gayi aur naa hee uske sharir me koyi harqat hui. I mean wo jaisi udas hokar khadi thi, waise hee khadi rahi.... tas se mas naa hui.
“ok... humse ek question aisa puchho history ka, jo tumhe lagta hai ki uska answer kisi ko pata nahi hoga…”uska dil rakhne ke liye maine kaha
“main .... ?”
“haan.. tumhi.. puchho...”note ek side karke uski taraf dekhte hue maine kaha
“main.. main...kya…. … question puchhu”mayusi ke sath wo boli…
“yeeeee puchho…. 1 point…. hahahaha”ye bolkar Ved hasne laga, jis-se wo ladki aur jyada udas ho gayi…
“kya be.. tu bhi….”Ved ko mann hee mann do-char laat markar maine us ladki se kaha “ Aur Tum… tum udas mat ho… ek question fek ke maro iske muh me…”
“ab ye Arts waale Ved Sir ka muqabala karenge... abhi ek formula fek ke marunga toh pura arts tahas-nahas ho jaayega... aye.. bachchi... chal kalti ho..”
Par Wo ladki waise hee khadi rahi aur fir thode gusse ke sath Ved ke taraf dekh kar thode tej aawaz me boli… actually , thode tej aawaz me nahi, balki bahut tej aawaz me... jiske kaaran waha mauzood sabhi logo ka dhyan ab idharich tha....
“mere papa brahman, bhai kashtriya, main vaishya aur mera beta shudra… ye kaise hoga ye batao…”
“aiseeeeeee…. Hoga... 2 point….”itna bolkar Ved abki baar bench par lotne laga, jiske kaaran mujhe bhi hasi aa gayi... waha mauzood baaki ke students bhi hasne lage... alag hee piece hai Ved bhi.
“ye kya point-point kar rahe hai aap… uttar dijiye…”wo fir cheekhi
“jaba… jabba…. Jaba… arts ki hokar tu science quiz me participate karne aayi hai... apni aukaat me raha karo tum arts waale... chal kalti ho.. idhar se.. chal khisak .. foot.. foot... Ved Sir, arts waalo ko jawab dena to door, baat tak karna apni shaan ke khilaf samajhte hai... GET OUT”Ved bola
“ bahut sciene waale ban rahe rahe ho, jaise gravitation ki khoj aapne hee ki ho aur yadi itna hee ghamand hai tohdo din ka time hai… kisi se maloom chalega toh bata dijiyega aur yadi nahi maloom chala toh , sorry bolkar mujhse answer pata kar lijiyega…” aur fir meri taraf dekh kar boli
“bye…sir… and I wish .. ki ye badtameej aapka jyada din dost naa rahe”
“bye...”maine kaha
“yar, Atharva... ye school ki saari ladkiya tere se itna achchhe se baat karti hai... lekin mujhse baat karte hue aise jatayengi maano, pichhale janam ki koyi dushmani ho inki mere sath.... jabki hum dono same to same hai... height, colour, study, personality, brain...”
“abhi tune jo kiya , uske baad bhi ye sawal puchh raha hai....? chal note gin...”
Maine, Ved aur Ranjan ne pure note gine, sabhi noto ko jamaya , total hua... 22970
“chal…”Ved meri tie kheechte hue achanak se uth khada hua...
“kaha.....? aur........... yahhaaaa bolke point mat chadhana bhosdike... gand fad dunga...”
“Gupta se bachna hai ki nahi…?”
“haan…”
“chal fir mere sath… Ranjan tu bhi chal… ek kaam kar, Ranjan tu mat chal... tera baap Gupta ko hee maarne ke liye daru pi ke ghusa tha school me... tujhe dekhte hee bamak jayega Gupta”
“chal naa.. main bhi chalta hoon.. door khada ho jaunga, jaha se Gupta dekh naa paaye...”
“fir kyun jaa raha... jab action scene me tu rahega hee nahi toh...?”
“tum dono thode famous ho , school me... tum dono ke sath ghumunga toh do-char log dekhenge... fir shayad unka mujhe dekhne ka najariya badal jaaye...”
“chal fir tu bhi... waise bhi tu ab Garib Gang ka member hai...”
Hum teeno baahar aaye… pahle class ke bahar aur fir school ke bahar… jaha lunch time me Gupta ji ek hotel me baithkar lunch kiya karte the… us hotel me pahuchne se pahle hee Ranjan humse alag ho gaya aur hum dono hotel me ghuse... jaha Gupta ji ek table par baithkar lunch kar rahe the….
“good afternoon sir..”Gupta ji ke thik saamne jakar Ved bola… “Atharva , tu Gupta sir ko dhoondh raha tha…. Yaha hai Gupta ji… chal…. Sir ke pair chhu kar aashirwad le…”
“aashirwaad… pair chhukar… kyuun…”maine khud se kaha…
Ved mujhe yaha le toh aaya tha, par abhi tak bataya nahi tha ki usne socha kya hai.... par ab jab Ved ne bol diya tha toh pair chhuna bhi jaroori tha, Warna Gupta ji Bur maan jaate. mujhe dekhte hee Gupta ji turant ekdum se gusse me aa gaye, maano mujhe yahi dhar ke pel denge… par pel nahi sakte the. Atleast yaha toh nahi, page number aur answer ka question puchhe bina toh bilkul bhi nahi... aise achanak kisi ko pel dena.. ye unka procedure nahi tha. mujhe waha apne saamne dekhna... ye unke liye unexpected tha kyunki aaj toh wo mujhe pelne ke vichar me do roti jyada khaye honge aur ab Ved hum dono ko aisi situation me daal diya tha ki…..
“arey sir, aaj iska birthday hai….”Gupta ji aur mere beech tana-tani bhaanp kar Ved turant bola...
“mera birthday…? Birthday… achchha haan… haan sir, aaj mera birthday hai…”Gupta ji ke pair ki taraf hath badhate hue maine kaha…. “aur sir aaj aap hotel wale ko paise mat dijiyega… bill hum pay kar denge…”
even if it takes 4–5 years and I finish what I started.
if at a point of view, Atharva is doing some good work for the first time 
It seems that the money has accumulated more.
..
..