Fantasy Kaisa Ye Ishq Hai ~ Ajab Sa Risk Hai ~ Reload (Completed)

[nain11ster]

Page 766 Se 775 tak har panne par update hai.

Final closing update on page:-792


Issi ke sath Ishq Risk reloaded ka ye season poora hua. Next fantasy journey announce ho jayegi. Ummid hai pahle

"Arymani:- The Pure Alfa Between Two World's."

Yahi aaye... Jo bhi hoga purv suchna mil jayegi... Fihlaal end enjoy karenge... Aur kahani ka poora safar kaisa rahega wo ek baar jaroor sajha karen...


Filhaal Abhi vyast hun ek pure romantic journey par....

<<<< Too Young !! Too Old >>>>​

Aap sab ka hai udhar. Kahani par pahunchne ke liye story title par ulgi karne ka...

<<<< Too Young !! Too Old >>>>​

 

[The king]

Update:-112 (A) ​

Khel-khel me har khiladi apna best dene ke liye hi utra tha. Kaun kis par bhadi padta iska aaklan to nahi kiya ja sakta tha, kyonki dono hi paksh ek dusre ko maarne ki kshmta rakhte the. Bus kaun apne pitare me, kaun sa chaukane wala dav bacha'kar rakhta hai, aur kitni kusalta se usse aajmata hai hai, poora khel ussi par depend tha. Yahan kamjor kaun hai...


Arhcemia ka jaise hi ishara hua "kato gala dono ka"... Ek bhuchal sa jaise utha ho uss mashtishk mahal me... Chham-chham ki ek sath lakhon awaj ki khuff to uss dhun ko sun'kar paida ho jaye... Aur jab mahal se bahar nikal'kar sabhi ne dekha to hosh gum the…


Sanbse aage Jivisha khadi thi, uske thik pichhe anginat ujle Shaye, kuchh masthisk mahal ke seema ke ander to kuchh seema ke bahar... Jivisha apni payal ki chham-chham ke sath 2 kadam aage badhayi, aur ussi ke sath lakhon paun chham-chham ke sath aage badhe...


Payal ka wo ek sath chham-chham ki awaj, wahan base bhooton ke dil me bhi khuff pida kar de. Ek pal ke liye sabka kaleja kaanp gaya. Khuffnak awaj aur hairan kar dene wala manjar tha, kyonki abhi bhi to Jivisha upar mahal me hi tangi thi. Lahuluhan aur lagbhag mari si haalat me.... Arhcemia kuchh bolne ko hui, tabhi Surpmarich usse rokte.... "To tumhe mashtishk mahal ka raaj pata chal gaya"…


Jivisha:- "Bhag lo abhi yahan se Surpmarich mukhaute, kyonki iss shakti khand me jo striyon ke sath anyay hua hai, uska hisab chukane main apne sath lakho maa ko le'kar aayi hun. Ek istri aur uske navjaat par huye anyay ki kahani sun'kar inke dilon me itni aag lagi hai ki kuchh pal me yahan sabko barbad karke niklegi"...

"Jaan bacha sakte ho to aaj tum sab apni jaan bacha lo, bhagne ke liye sara brahmand khula hai.. Lekin wada hai tum sab se, aaj bhagte waqt tumhe yah ehsas ho jayega ki ye brahmand kitni chhoti hai".…


Jivisha hunkar bharti apni dono bahen failayi aur dekhte hi dekhte wahan Nilbhut samuday ki lakhon istriyon ki kalpnik sarir, uss mashtishk mahal me praves kar chuki thi...


Surpmarich ka ek Ansh Pratham mantr jaap se wahan ki sabhi kaali aatmon ko jagana shuru kiya, jo iss mashtishk mahal ki rakshak thi... Jivisha ki atthas bhadi hansi thi aur ussi ke sath kahar ka manjar shuru ho chuka tha...


Dono hath Jivisha ne jaise hi failaye, sabhi Nilbhut striyan uss mahal me charo ore failti chali gayi... Samne fir sankhya kitni hi uss jagah ke rakshak aatmaon ki... Nilbhut samuday ki striya saanp ka fanda itni teji se sabke gale me dalti ja rahi thi, ki sabki aatma dhuan ban'kar hawa ho rahi thi...


Atma khinchne wali Rani Bhakshnee, judi arbon aatmaon ke sath aur har kisi ke hath me tha aatma khinchne ka fanda…. Humla ke mukhya kendr, Jivisha par ek sath arbon aatmaon ka fanda ek sath hawa me uchhalta aaya…


Hawa me charo ore se fande hi fande. Jivisha apni jagah khadi, na hili aur na hi gayab hui... Apni jagah khadi rahi... Uski atthas se paripoorn hansi, jaise Lalkaar thi... Gulamon ki basti me ek azad panchhi ne apne bhay ka chhota sa parichay pahle karwaya tha… Ab to sabke jinda rahne ki aajmaish kar rahi thi Jivisha…


Aatma khinchne wale fande ke upar fanda chadha tha. Itne sare fande ki Jivisha kahin gayab si ho gayi… Aisa laga kisi ped par itne fande lage ki fande ki motai 100 pipal ke vriksh ke saman ho gayi...


Charo ore se arbon aatmaon ki jor aajmaish shuru. Fanda dhire-dhire simat'ta chala ja raha tha, lekin kis ore… Arbon aatmayen ek sath poore jod laga'kar wah fanda khinch'kar poore ke poore Jivisha ko nichod lena chah rahi thi, isliye poori takat laga'kar ek sath wo apne sire ko khinch rahi thi...


Pahle 10 minute ki kosis aur sab mil'kar apne fande ko ek inch na khinch payi… Yah najara dekhne ke sath hi Surpmarich wahan se Arhcemia aur 8 Raniyon ko le'kar bahar nikal aaya... Aur idhar Jivisha apne raudra roop me tandav karna shuru kar chuki thi...


Arbon hath jo fande ko thame the poore jor laga'kar apne sire ko khinchne lage... Ek inch bhi fande ko khinch to nahi paye, lekin Jivisha gol ghumna shuru kar chuki thi.. Arbon aatmayen jor laga'kar fande ka sira khinch'kar khud ko aage badhne se rokne ki, ji tod kosis karne lagi par jaise-jaise Jivisha gol ghum rahi thi, Jivisha ke badan se fanda lipat'ta chala ja raha tha..


Bhakshnee ki khud ki apaar shakti, jiske ander kayi carore aatmaon ki shakti thi. Aur uske sath madadgar arbon aatmayen jo na jane kitne hazar varshon se uss mashtishk mahal me thi. Sabhi poori takat lagaye dono hath se fande ka sira poori takat se pakdee hui thi. Khud ko khinchen se rokne ke liye, aiediyon ko uss bhumi me lagbhag gaad dee thi, ye caroro aatmayen… lekin aediyon ke jod par bhi khud ko khinchne se nahi rok pa rahi thi... Arbon aatmayen aediyon ke support par viprit takat laga'kar bachna to chah rahe the, lekin inch dar inch arbon khisssssss khissssss ki aawaj ke sath, khinchti hui ja rahi thi...


Jivisha gol-gol ghunti rahi fanda simata gaya, ek circle me hazaron aatma aakar Jivisha ke upar poora lipti, uske upar dusre circle ki aatmayen, fir teesre... Jivisha gol-gol ghumti rahi, aatma ke upar aatma poora lipat'ti chali ja rahi thi... Sabse niche wali aatma unhi ke aatma khinchne wale fande ka davab jhel nahi payi…


Ab to har ek round circle par, niche ki aatma poori tarah se dhuan ban'kar uddna shuru ho gayi. Jivisha ghumti rahi aur aatmaon ko mukti milti gayi... Wahin Nilbhut samuday ki striyan, jo ek maa bhi thi... Har uss maa ke dard ka badla le rahi thi jo iss shakti khand ka shikar hokar apne bacche tak ko kha gayi...


Haiwaniyat ke iss shakti khand par beraham thi Nilbhut stri... Prakop aisa ki bharm jaal rani samne aayi apne caroron aatmaon ke sath bharm dikhana shuru kiya... Aur tabhi un sabhi aatmaon ne uss fijaon me hi zahar ghol diya...


Zahar naag phans sammohan ka. Bacche paida karne wali iss factory me jaise hi Nilbhut striyon ne naag phans sammohan istamal kiya, sabhi machine jaise pagal ho gayi... Iss kshetr ki sabse kamjor nabj, jiske chapet me to ab wo bhi the jo aatma ko khinchne wale fande ko jakde huye the...


Astak ki 8 raniyan yahan mahal me thi... Jisme se 4 mahal ke bahar lad rahi thi… 4 apne guton ke sath mahal ke ander intzar kar rahi thi... Ek ore kahar Nilbhut striyon ka.. Mantr mugadh hokar nachti hui 3 raniyan bhi wahin par thi... Sharp fanda gale me lagta aur dhuyen ki tarah kaali aatma udti rahi...


Wahin Jivisha lagatar gol ghum kar apne upar aatmaon ka ambar sa laga di... Apne sarir ke upar lipte aatmaon par rassi ka khinchav itna tej rakhi thi ki mano ulta ab wo fande se aatmaon ko jakad kar uss ki leela samapt karne me juti hui thi...


Thik uss waqt jab Surpmarich 8 Raniyon ko le'kar mashtisk mahal se hawa hua, ek sochi samjhi ran'niti ke tahat wahan se nikla tha... Surpmarich ek sunischit ran'niti ke tahat mashtisk mahal me pahuncha tha. Jahan 18 Raniyon me se 10 rani poorn roop se mashtisk mahal me thi, wahin 8 Raniyon ke sath Surpmarich kisi anya sthan se anterdhyan ho'kar unke kalpnik sharir ke sath mashtishk mahal me pahuncha tha.


Thik waise hi jaise Jivisha Nilbhut ki striyon ke sath pahunchi thi, kalpnik sharir ke sath. Haan lekin iss baar Jivisha ka kalpnik sharir chaukane wala tha, kyonki wo kalpnik sharir na ho'kar jaise apne vastavik sharir ke sath praves ki ho.


Surpmarich ne yah tay to kiya tha ki Jivisha apne kalpnik sharir ke sath Mashtishk mahal pahunchegi... Lekin iss prakar chaunka'kar pahunchegi uski ummid na thi. Akshand mantr ke prayog se apne aatma ke chhote se hisse ko, apna sampoorn roop de'kar Jivisha pahle akeli aayi...


Surpmarich bhi chhal niti ka bahut purana khiladi tha. Jaldbaji nahi kiya aur Jivisha ke maarne ki dusri niti jo usne pahle se soch'kar rakhi thi, uspar kaam karne se pahle uske yun akele aane ka karan samajhne ki kosis karne laga...


Jahan ek ore Surpmarich apne siddhi ke jor par matr 8 aatmaon ko apne sath jod'kar, 8 kalpnik sharir ke sath mashtishk mahal me ghusa tha... Wahin Surpmarich ne jo aage anubhav kiya usme Jivisha apni aadhi shakti ke sath, Nilbhut samuday ki lakhon striyon ke kalpnik sharir ke sath jud'kar tandav karne mashtisk mahal me ghus chuki thi.


Surpmarich ko Jivisha ki shaktiyon ka aabhash ho chuka tha. Wah samajh chuka tha ki Jivisha na sirf mashtishk mahal ke bare me janti hai, balki koi to hai jisne Jivisha ka gyan iss had tak badha diya hai ki wo mashtishk mahal ke ranbhumi me jit rahi hai.


Surpmarich jab sunischit hua ki Jivisha apne aatma ko 2 bhag me vibhajit kar'ke, ab wo poori tarah se yahan pahunch gayi hai... Waqt tha asli dav khelna ka... 1000 carore vansaj fauj iss core planet par bhi the... Aur unke bich thi 8 rani aur Surpmarich ka sharir... Apne sath 8 Raniyon ko le'kar wo sharir me praves kiya aur turant hi poori fauj ke sath nikal gaya Jivisha aur baki Nilbhut striyon ke achet sharir par humla karne...


Jivisha ka kalpnik sarir iss waqt mashtisk mahal me asankhya aatmaon ko mukti dene me vyast thi. Viman me ginti ke log, kyonki Nilbhut sabhi ladakon ki aatma bhi Jivisha ke sath, iss se achha mauka kya tha, Jivisha aur uske shathiyon ke sharir ko nasht kar'ke apni jit sunischit karne...


Mahal se 200 km ki duri par tha 1000 carore vansaj fauj ka jamavda... Aur wo dhire-dhire aage badh chale.… Ek bahut badi bhul aur Surpmarich ke poore galat aakaln ke sath.…


Iss core planet par ek smuday aur basta tha, jispar Astak ke julm ki kahani kuchh aisi thi ki, unke samuday ke 20-30 ghar aur takriban 150 se 200 logon ki chhoti-chhoti bastiyan, pichhle hazaron salon se, pidhi dar pidhi pratarit hoti aa rahi thi…


Yah mul roop se Arhcemia ka hi samuday tha, lekin ek lamha wo unhe khushi ka na de saki thi... Wo samuday aur koi nahi balki Viggo ka sabse pratarit samuday tha… Shayad wo yahan se vilupt ho bhi jate... Apni gulaam bhare nasib se khud ko aazadi bhi dilva dete...


Lekin atmhatya jaisi kayarta ko na apna'kar, har pal ye khud ko taiyar karte rahe... Bhale ek chhoti si Viggo basti par lakhon giddhon ki najar thi... Bhale Arhcemia apne samuday ka dimag me ghus'kar uski mansa ko parakh leti aur utna hi kurur ho jati... 100 julm ek baar me sahte the, baagi hai iss baat ko jatate rahe aur baar-baar mana karne ke baad bhi apni taiyari karte rahe...


Surpmarich aur Arhcemia, apne pichhe 7 Astak rani aur 1000 carore ki fauj liye aage badhte rahe... Iss se pahle ki wo bade se maidan ko paar kar'ke kuchh fit chaude rajsahi sadak par, poori fauj viman ke samne la khada karte… Wahan unka rasta roke khade the wo 12 lakh Viggo samuday ke sabhi log... Aur un sab ka netritv karti sabse aage khadi thi Shwetna...


Sadiyon se atyachar ki aag me tadapte log, sadiyon se apman me ghut'te jhulaste log. Sadiyon se jise badjaat kaha gaya aur jiske khun ko gaali de'kar dhudhkarte rahe... Uske samuday ke har ladaka jo samrthya rakhta tha ladne ka, apne hathon me talvar liye wahan apni bhujayen chaudi kar rahe the...

Awesome update bhai

 

[The king]

Update:-112 (B) ​

"Tummmmmmmm"… Arhcemia un samuday ke logon ko "tum badjaat gandi khun"… kahne hi wali thi ki uske honth sil gaye... Arhcemia telepathy karne wali thi, tabhi uski sari mansik tarange uske dimag me ek baar fir waise hi ghusne lagi jaisa kabhi Orja ne uske tarangon ko uske dimag me sametna shuru kar diya tha...


Arhcemia ne turant hi apna teleportation band kiya aur thik ussi waqt bich se rasta khula... Chhammmm... Chhammmm... Chhammmm... Chhammmm... Wahi khatarnaak payal ke chham-chham ki awaj... Iss baar poore lahra'kar aur echo ke sath aa rahi thi... Har chham ki uth'ti dhun aisi thi ki kaleja na chahte huye bhi baith jata...


Aur tabhi samne se wah alokik swaroop bhi najar aane lagi jo bilkul chamak rahi thi... Jivisha ko dekh'kar hi Arhcemia ke sath sabhi rani aur Surpmarich sabhi khauff me aa gaye. Kisi gauravsali rani ki tarah bilkul gurur ke sath aa'kar wo sabse aage khadi hui.


Uske kamarband ke dono kinare se 2 latakte mayan ki talvaar, iss baat kee gawah thi ki aaj Jivisha ki talvar chalegi... Saree ka faada bich se 2 bhagon me vibhajit ho chuka tha, ye chetavni thi ki rani swyam iss yudhh ko aage rahkar ladne wali hai...


2 kalpnik hissa shakti swaroop Jivisha ka Mahal aur Viman me tha aur apne ek tihai shakti ke sath Jivisha khud ladai ke maidan me, apne poorn goroor aur abhimaan ke sath khadi thi... Uss mashush si jagah me Jivisha ka hona hi un sabke dil me khauff paida kar rahi thi, jo yahan ki bhumi, jal aur aakash ko apne shaktyon se badhe huye the.…


"Tum ne to aaj wakai mujhe sochne par majboor kar diya ki ek jivan kaal me aakhir itni siddhiyan kaise le sakta hai koi. Ya fir Vish-Kritima shuru se chhalava karti aa rahi hai aur wo bhi meri tarah sanjoye rahi apni skatiyan"… Surpmarich jab apni kah raha tha, uski jhujhlahat saaf jhalak rahi thi.


Jivisha uski aawaj me uska chid'chidapan saaf mehsus kar sakti thi... Lekin aaj shayad wo bilkul bhi baat karne ya kisi ke ke prashn ka uttar dene ki ikkchhuk thi…


"Meenaaaa... Beta apni kasam nibha... Aur jab iss Arhcemia ke badan ko noch'kar, har ek ang ko alag karna to fir koi raham mat dikhana, bina dare aage badho"…


Jivisha ne Meena ko bina dare aage badhne ke sanket diye aur hawa me bade-bade dragons 50 ki sankhya me the.. Complete mettalic suit ke Kamal ki desine, kamal ki dur darshita aur kisi chij ke nirman me Decca technology ka koi jabav nahi. Apne lambe meteallic pankh failaye, rang-birange rang ke complete mettelic suit pahne 50 dragon wahan ke aakash ko dhake the...


Shwetna apni hath hawa me utha'kar sabhi dragon babies ko apni postion hold karne boli.… Ek kadam wo aage badhti...


"Humne suna hai yahan ki aakash aur jamin sab tumhari hai... Isliye dono kshetr ko parakhne ke liye hum chale aaye aur dekho sath me kuchh dost bhi laye hain... Jyada chaukne ki jaroorat nahi hai kyonki jis Vardali ko tumne kaam par lagaya tha usne apna kaam bahut khubsurti se kiya hai... Aaj hume bhi dikhao ki ye jamin aur aakash kitni tumhari hai aur apne iss kide makodon ki fauj se hume kitna nuksan pahuncha sakti ho"


"Sathiyon na raham karo na ruko... Bus badhte raho aur khauff ka manjar dikhate raho"…


Jivisha apne dono hath me talvaar thame hawa me ki... Arhcemia ne bhi humle ki hunkaar bhadi aur daur chale dono ore se...


12 lakh Viggo apne pratisodh ki aag ka badla lene badh chale... 1000 carore ki vishal sena samne se dauri chali aa rahi thi aur ye 12 lakh Viggo dono kinaron se line bana'kar tej daur'kar unhe kinaron se poora gher rahe the... 50 bekauff dragon babies aakash me uddte aage badh chale...


Sabhi vansaj fauj aakash me apne hath upar kiye apne charo ore phaile dushman par bijli, acid aur toofan ki barshat kiye. Wahin Jivisha apne aatma ke 2 tukde uss mahal me tandav kar chhod aayi aur ek tihai shkatiyon ke sath khud ran bhumi me khadi… apne dono hathon me talvar liye...

Talvar bhi aisi ki jo dikhne me to matr kuchh fit ki thi, lekin jis ore talvar ka ishara ho jaye, fir wo maidan ke aakhri tak talvar apna kahar dikhati. Aakhir me khade narbhakshiyon aur in sade se badan ke malikon ko ek sath Jivisha ke talvar ka aabash ho jata, kyonki jab talvar chalti tab dikhta hawa ka wo adrishya talvar jo chalne ke sath hi apna aakaar (shape) dikhata…


Hawa hi jaise aaj Jivisha ki saarthi bani ho... Lahrati wo teji ke sath ja khadi thi dushmano ke bich me... Vansaj sena ke har hath jo vayumandal se energy khinch rahe the... Jivisha ke bayen hath ki lahrati talvar uss energy ko kaat rahi thi… aur aaj to jaisi unka abhedi sharir makkhan bana hua tha... Jivisha pahle aage badhi aur apne dayen hath ke talvaar ko lahra'kar ek sath bhumi par lakhon sar ek sath gira'kar bhumi ko rakhtranjit kar, yudhh ka aagaj poore khuffnaak aur berahmi ke sath karti.….


"Mukti ko taras rahe logon ko aaj mukti de do Viggo... Kahar ban'kar barso aur dikha do kitni aag dahak rahi hai tumhare sine me. Aaj tumhe inki shakti nahi rok shkti... Kahar bankar toot paroo... Na ruko aur na raham karoooo"..


Lakhon sar kat'kar jamin par gide. Khun ke fawaade chhodta dhar tadapte huye niche bhumi par gir raha tha. Jivisha kurta ka parichay deti jaise hi Viggo ke lambe tadap ko bhadkayi fir to... apne tej daud ke liye mashoor Viggo, poore vansaj fauj ko kinaron se gherte huye... jab unki talvaron ne vansaj fauj ka imtihaan lena shuru kiya, fir to hawa me hath uthana bhool gaye. Vayumandaliya urja istamal kaise karni hai bhool gaye. Hath poora upar utne se pahle Viggo apni poori raftaar ke sath apne hone ka parichay dete aage badh jate.… Hath upar ko ja rahe hote aur gala kat'kar niche jamin par.


1000 carore bhid ko charo ore kinaron se Viggo ne ghera.. khun ke chhinte uddte, maans haddiyan sahit kat'kar jamin par bikharti aur charo ore se Viggo ne kaatna shuru kar diya tha... Bebas aur lachhar Astak Vansaj 12 lakh Viggo se aise ghire ki baukhlahat me bus apne sathiyon ka kata sar hawa me dekh rahe the. Bhagna chah to rahe the lekin inhe poora gherkar marna shuru kar chuke the Viggo ladake...


Arhcemia, Surpmarich aur uske sath 8 raniyan dhire-dhire kadam pichhe le rahi thi… "Surpmarich tumhari siddhiyan kahan gayi, istamal karo na"…


Surpmarich:- Usne sampurn mantr ka jaap sikh liya hai... Meri aatma ko bandh di hai sharir se...


Arhcemia:- Matlab..…


Surpmarich:- Matlab tumhare mahal se khud ko jodna mujhe nakara bana diya hai... Tumhara mahal hi kamjor par gaya hai aur uske sath meri shabhi shkatiyan bhi uss mahal ke adhin ho'kar ghut gayi hai... Hathon se bijli nikal raha hun to 12 volt ka current aa raha hai... Ab kya gudgudi kar dun...


Arhcemia:- Matlab…


Surpmarich:- Matlab ya to bhag lo ya maro.… Mera kya hai main mar bhi gaya to fir sharir badal lunga...


"Hahahaha... Tu shaktiyon ki talash me murkh ban gaya Surpmarich…. Teri siddhi aur skatiyan to adhin ho gayi iss mahal ki... Aur jo teri aatma bandhi thi Zoren ke mahal se, usse humne bandh diya hai... Tumhari aatma ko naya sharir dene wala koi shakti uss mahal se bahar nahi aayega lekin aaj tere charo ansh ka vinash tay hai".….


Jivisha apni baat samapt karne ke baad kaal ban'kar lahrayi... Lahrate talvaron me jaise rakt pyas jagi ho. Hawa ke sath uski lahrati dono talvaren, ek ke baad ek chalana shuru kar chuki thi. Dhar se gardan alag karna shuru kar chuki thi... Ek sath lakhon Kate sar bhumi par. Gardan se rakt ka favada nikal raha aur kannpta hua khun me bhinga badan niche jamin par...


Kinaron se Viggo ki beraham talvaren bhumi ko rakhranjit kiye aage badh rahi thi... Charo ore maut ki chikhen… kati fati lash ranbhumi me bikharte ja rahi thi…. Bich se Jivisha hawa ke rath par sawar, apne talvar ko lahrati bhumi ko rakhtranjit kar rahi thi…. 5 minute viram ke baad Meena bhid se apna target dhund chuki thi... Arhcemia ke milte hi, wo humla karne aage badhi...


Meena ke sath hi uske sabhi sathi aakash se humla shuru kar chuke the. "Sunnnnnn.… Shiiiiiii... Bhommmmm'... Kuchh aise hi hawa se tej dhwani, niche jamin par aati aur agle hi pal... Kisi ki nili wave jamin se takra'kar visphot ke sath-sath, aisi tej bijli ki aandhi sath me le aati ki maans chhod haddiyan kadak jati aur bikhre huye lothre charo ore hote...


Meena aage badhi apni shikar ke ore. Bacchi galti kar gayi 8 Raniyon ke bich ja'kar… aayi thi to Arhcemia ko pakadne lekin bharm jaal ke chapet me fans'kar rah gayi... Aur agle hi pal ek Rani ka panja aur paun itne chaude ho gaye ki Meena ko jamin se patak kar, uske metal lage gardan ko apne paun niche daba'kar kuchalne lagi.. Meena ka 1 pankh body ke niche fansa aur dusre pankh ko wo rani apne bade se panje me jaise hi jakdi... Ek toofan sa utha tha fir...


Jivisha tej hawa ke veg se lahrati hui bich se sabko kaat'ti hui aage badhi... Yudhh ki kaman ab usne diya Shwetna ke hath me, aur khud pahunchi uss madhya me jahan ab tak wo 8 raniyan khud ko mehfuj ki hui thi...


Ek bada sa bharm jaal banane ki kosis aur agle hi pal Jivisha ne apni talawar ko hawa me ghuma'kar, itni tej pichhe jhatka ki dono talvar adrishya gati se pichhe ke ore gayi... Ek Rani jo khud pichhe rakh'kar, aage bharm paida karne ki kosis kar rahi thi aur dusri raani ussi ke samanantar khadi ho'kar Jivisha par khatarnak rashayan ki barish karne wali thi... Jivisha ke hath ki dono talvar tej gati se hawa me lahrati, pichhe khadi dono Raniyon ke gardan ko faadte huye sida jakar viman me ghus gayi... Un dono rani ke sar talwar ki nok par viman se latak raha tha...



Jivisha hawa ki rath par sawar jaise hi pahunchi, apni berahmi se awgat karwati 2 rani ke sar sidha viman se taang di aur samne chal rahe najare ko dekh Jivisha tej chillati.… "Mere bacchon se dur raho"…


Jivisha ke tej gusse se wahan ke charo ore ka vayumandal hi laal sa dikh raha tha aur hawa me bana Jivisha ka vishalkay laal chehra jo kayi varg kilometer tak poore aakash ko dhake tha. Jivisha apne hathon se hawa ka panja banayi aur uss giant rani ke upar aur niche ke jabde ko pakadti hui faadna shuru kar dee...


"Aaaaaaaaaaaaaaaaaaaaaa" … ki bhayanak chinkh se poora maidan hi ek pal ke liye saham gaya…. Jivisha apne hawa ke dono panje se uske vishal hote jabde ko faarna shuru kar di... Itne me Shwetna ne ek dur ka daud liya... Teji se daudte huye wo aayi aur hawa me uncha chhalang lagati jabde ke bich ke gape me, poora talvar chala'kar bich muh ko ho kaat girayi...


Shwetna ne fir maut ki hunkaar bhadi.... "Sathiyon na rukooo... Na raham karooo".


Maidan ke charo ore se Viggo ki tej chinkh ke sath, vansajon ke kaatne ka khel bhi tej ho gaya... Dragon babies hawa se tabahi ka manjar dikhane lage..... "Na ruko, na raham karo"… "na ruko, na raham karo"… "na ruko na raham karo"… Maidan ke charo ore gunj rahi thi...

Jabarjast update bhai

 

[The king]

Matlab jo chal raha hai usse na dekh rahe... Bus dhyan wahan atka hai... Arreee aaram se Jivisha aur Nischal ke chakkar me kahin Luna ko to miss na kar gaye..

Baharhaal aap ke tadapte armaan ko dekh'kar apan ne ek hissa utha diya... Padh'kar enjoy karne ka

Bhai luna ka kahar bhi dekh liya tha

 

[The king]

Update:-112 (C) ​

Samne Shwetna Jivisha aur Meena ke samne 5 raniyan... Meena uth'kar khadi hoti... "Maa ye high blood wale kuchh asahay se dikh rahe hain"…


Jivisha muskurakar, Shwetna aur Meena ko najren ghuma'kar dekhti... "To unhe ab mukti de do. Bahut sewa kar chuki ye apne mahal aur paap ki iss jagah kee"…


Sabhi 5 Raniyon ne vayumandaliya energy ko apna hathiyar banaya... Par Jivisha ke ungli ke jhatke se sab bekar tha... Dhammm dhummm dharammm … wo sab aandhi toofan aur bijliyan chalati rahi.. Aur Jivisha matr apne ungli ke dayen aur bayen jhatke se unhe ehsaas karwati rahi ki ye sab bekar hai...


"Aakkk thuuu teri ye 2 kaudi ki kosisen, Arhcemia. Tu dekhna chahegi maut ka manjar kya hota hau..… Tu dekhna chahegi ki shanti se jo apne gharon me rahte hain wo tujhe kitne dard de sakte hain... Ruk tujhe dikhati hun"….


Jivisha hawa me dono bahen faila'kar ek chhoti si chetvani bhi iss hunkaar me de rahi thi ki upar ka poora aakash hi Jivisha ka chehra ban'kar unhe badi-badi aanken dikha raha tha... Ab to Jivisha ne jo kaha wo kar'ke dikhana tha. Yahan ki kalapi aatmaon ko shanti mil jaye, aisi khuffnaak chinkh core planet ke iss maidan ke kone-kone se gunj uthani thi...


"Shwetna... Zahar me lipt inka sharir dhire-dhire uss bhishan zahar se jalna shuru kar de, mujhe wo dard bhadi chinkh sun'ni hai aur uske baad in sab ke ang-ang ko meri betiyan apne panjon se ukhadegi... Jab'tak uss dhurt ko main uski manjil tak pahuncha dun, jo inhe marta chhod'kar apni shakti ko apne mahal se jod chuka hai"…


Shwetna:- Bade Shauk se Shashika… jarra inke dare huye chehre to dekho...


Jivisha:- Inhe yaad dilao wo khuffnak majar, jab inke uss sare se mahal ki shakti ke dum par, inke kuchh bhatke hume aankh dikhane ki kosis kiye aur kya haal banaya tha unka jo raham ki bhikh me aasan si maut maang rahe the...


Jivisha poore josh me apni baat kahti apne panje ko bhumi se jaise hi de mari... Mahol hi poora jaise tharra gaya ho aur thar se kaleja kaanp gaya un sabhi ka... Sabhi raniyan apne mahal ki siddhiyon ka upyog karna shuri kee... Sabhi 5 raniyon ke ek sharir ho gaye...


Jivisha attahas bhadi hansi hansti.… "Kaash tumhe kuchh aur aata sare huye jivon... Ye sab hume pahle se pata hai… Shwetna main ja rahi…. Lekin mere kano tak inki chinkh sunai deni chahiye"


Shwetna agle hi pal naag dansh ko bhumi me gaadti.… "To khel shuru kare ahankariyon".


Meena:- Hihihihi... Astak ki raniyan... Hihihihi...


Arhcemia:- Tummm badddd...


Arhcemia apne adhure vakye par thi, tabhi Shwetna ne raftar pakdi... bhumigat hoti hui, wo apni poorn sarp roop me Arhcemia ke talwe me ghusi aur sar se nikli... Jitni der me wah "badjaat kahti" utni der me to Shwetna uske sar ke upar se nikal'kar, dusri rani ke sar me ghus'kar talvon se bhumigat hui aur jab Shwetna aakar khadi hui...


Sabhi vansaj sainik Thar-Tharate huye maut ki wo chikh sun'kar bhagna shuru kar diye, jo kabhi Zoren se inhe live dikhaya gaya tha... "Aakhri jahar" to nahi tha Shwetna ke pass, lekin jo zahar tha wo inke liye "aakhri zahar" se bhi kam khatarnak nahi tha... Dhime-dhime wo zahar bhale aage badh raha tha, lekin ander se sarir ke har poorje ko jalata hua badh raha tha...


Shwetna kuchh pal rooki aur kahte chali... "Ja apni kasam poori kar le"… Meena hansti hui kas'kar Shwetna ko pakdi… aur apni bhavna jata hi rahi thi ki itne me bijli ke kayi tej jhatke Meena ke complete mettalic suit se takra gaye...


Ander se usse jhatke to nahi lage lekin Shwetna poori tarah se baukhlati hui.… "Sine me ab tak hausla bacha hua hai kya tum sab ke... Sathiyon aakhri baar poore josh se... Dilon me bharo toofan aur karo kaam tamam... Sabhi dragon babies ab visohot band karnge, sikud gaye hain ab inki aabaadi.… Machine ki mehnat bahut kar lee ab jarra bajuon ka jod dikhao"…


Shwetna apni baat kahti chali... Bhumigat ho'kar jab talwon se ghus'kar sar se nikalti aur fir kisi ke sar me ghusti aur talbon se nikalti.. maidan dard bhari chinkh se kaanp utha… Shwetna fir na ruki, fir na raham ki... Jab kahar bankar barsi, poora ran'bhumi uske diye dard ki gawaahi dene laga...


Idhar Meena Arhcemia ko ghurti hui.… "Tumhari himmat kaise hui thi meri maa ko kuchh kahne ki gandi aurat.… Alag-alag parivaron ke 8400 dragon babies ki akeli maa hai wo... Aur tu humare samne apni issi juban se unhe gaali de rahi thi"…


Arhcemia pahle se dard me chhatpata rahi thi. Meena ke ek ishare par ek dragaon niche utarti panje se uska muh faad di, Arhcemia ki aankhen badi ho gayi... Kisi tarah poora dhyan laga'kar wo dono ke dimag kabu karna chahi, par aisa ho na saka...


Chhatpatatee wo apna sar idhar-udhar karne lagi... Uska kaanpta badan uske darr ki gawaahi de raha tha… 6 inch ke chamkte metel ke nakhun... Aur dono nakhun ki tip ke bich me thi Arhcemia ki juban... Meena ke dil me josh aur juban par... "Na ruko aur na raham karo"… kahti hui usne juba khich di...


Jaise hi juban khinchi, uski juban 2 hisson me fat gayi, kewal judi hui nakhun ki tip bahar aayi... Pados me uski sathi ye najara dekh'kar sar upar niche karke jod se hamsne lagi... Arhcemia ke aankhon se dard bahdi khun ke aanshu nikal rahe the…


"Aaaaaaaa... Chhod do mujheeee, Raham karoooo, bahut dard ho raha hai... Main paunnn pakadti hunn, kuchh to rahamn karooo" ki bhikh lagataar maang rahi thi…. Antim samay ke dard ko na to Arhcemia aur na hi uski sathi raniya chel pa rahi thi.. Bus bhikh maange jaa rahi thi...


Nakamyab hui Meena khud se hi gussa hoti.... "Ek kaam sahi se nahi kar sakti tu pagal"… kahti hui Meena ne apne ek ungli uske muh me ghus'kar, iss bar jibh ko roll kar'ke, ungli ke upar lapet dee... Chhati par panja aur jibh ko poora khinch'kar lambi si juban bahar nikalti... "Ab teri juban nahi chalegi kamini"…


Pichhe se sabhi Raniyon ke dard bhadi chinkh ke sath bhikh maangna jari tha. Dard aur berahmi aaj jab khud par haavi ho raha tha, ye log bilbila uthe the. Paglon ki tarah gala faad'kar chhatpata rahe the. Bardast nahi kar pa rahe the. Lekin na to in achhe aur kamjor logon ke dil me jarra bhi raham aaya aur na hi Meena aur uske sathi dragons ne, in sab dard bahdi chinkh aur bikh maangti minnat bhade awaj par koi dhyan dee...


Meena ki sathi dragon... "Tu aankh khol iske... Isne maa ko aankhen bhi dikhayi thi"…


"Kyon nahi shauk se bahan"… kahti hui Meena ne apne bade nakhuno se palkon ko khinch'kar faad hi di... Arhcemia ki badi badi aankhen... Bilkul khuli thi... Aur uski khuli aankhon me nakhun ke tip daalkar, jad sahit ek-ek karke aankhen nikal liye gaye…


Dono dragon na raham kar rahe the aur naa hi ruk rahe the... Pados ki 5 raniya ye sab hota dekh dard me bhi ultiyan karne lagi... Apni haalat Arhcemia jaisi soch'kar, chhatpata kar gala ab to khud ka kaat dene ki bhikh maangne lagi…. Poore maidan ke dard bhadi chinkh ek ore aur inka dard se chillana ek ore... Alag hi dikh raha tha Raniyon ka ye dard me dubi hui minnaten jo baki dragond ko bhi aakarshit kar gaya..


Shwetna ke ishare to pahle hi mile the sabhi dragons ko.... "No more bombari"… isliye karne ko ab bahut jyada kuchh tha nahi un dragons ke liye bhi. Jitne der me wo 1-2 ko pakad'kar maarti, uthne der me to Shwetna uss ilake ko dard me lita chuki hoti.


Idhar khun ke pyase Viggo to Shwetna se bhi char kadam aage the... Talvaar ke vaar se, ek hi vaar me kaat'te aur mud'kar yah tak nahi dekhte ki mara ya jinda hai, kyonki yakin hota tha marenge hi... Aur bus teji se aage badh rahe the..


Sabhi dragon babies ab thi 5 Raniyon ke pass. Arhcemia ke ang ko bade pyar se bhang kiya ja raha tha... Uske dard par sabhi beraham se the… itni bhayawaah tadap thi maut ke pahle ki, kee apni iss zindgi ke liye Arhcemia ko ab pal-pal afsos sa ho raha tha...


Aur issi pachtave ka ehsas, baaki 4 raniyon ko bhi karwana tha... Dragon babies ne to unpar Arhcemia se bhi jyada barbarta dikhayi... Un Raniyon ke nakhuno ke bich me, dragons apni nukili nakhun daal'kar, unke nakun khinch'kar nikal rahe the... Ungli khinch'kar ukhad rahe the... Unke dard bhari chinkh se sabhi dragons ka manoranjan ho raha tha... Aur wo sabhi na hi ruke aur na hi raham kar rahe the...


Jivisha hawa ke rath par sawar pahunchi thi maidan se takriban 80 kilomter ki duri par, jahan Surpmarich ek round circle ke center me baitha tha aur charo ore edge par danda gada hua tha... Jivisha un dandon ke bich se ander ghusne ki kosis ki lekin tej jhatke ke sath wo pichhe ja'kar giri... Aisa laga jaise hazaron volt ka jhatka usse laga tha...


Ye kya tha Jivisha ko bhi pata nahi... Pahle uss ghere ko bijli ke jhatke se hathana chahi, lekin sambhav nahi ho paya... Aandhi, toofan, barish har chij ka prayog karke dekh chuki thi, lekin jis surakha ghere me wo ja baitha tha, Jivisha uss ghere ko paar nahi kar pa rahi thi….


Jivisha gussa'kar wahin jamin par baith gayi... Aur dhyan lagane lagi.… "Kya kar rahe ho mitr"…


Apasyu:- Kuchh khas nahi mahol shant hai.. aur samanya... Wahan ka kya haal hai...


Jivisha:- Ek tihai hisse se lad rahi hun, shayad isliye ye Surpmarich dard de raha hai...


Apasyu:- Sampoorn yojan par baitha hua hoga wo… kyonki uske dono dimag yahan bhi sampoorn yojan par hi baithe huye the...


Jivisha:- Haan to mujhe kaun sikhayega uska tod...


Apasyu:- Aisa kuchh bhi nahi jo tum na kar pao Jivisha. Wo Sampoorn yojan se khud ki sari siddhiyan jagrit kar raha hai... Dhire-dhire uska surakhsa ghera simtega aur uske badan se ja milega…


Jivisha:- Matlab main usse chhu nahi paungi…


Apasyu:- Chhu nahi pahungi se matlab... Tumne uske surakhe ghere ko janchne ke badle chhu kar dekhi thi...


Jivisha:- Nana, main to sidha ander ghus rahi thi…


Apasyu:- Kitni baar sikhaya tha koi seema bandhi ho to usse nahi chhune... Wo aadha kamyab ho gaya hai...


Jivisha:- Timepass band karoge aur bataoge kya karna hai... Isse maarne ke liye main mari ja rahi hun...


Apasyu:- 101 aatmaon ke sath poora dhyan laga'kar mahamrityunjay aur akshmya jaap karti hui ghus jao... Aaj wo bachna bhi nahi chahiye...


Jivisha:- Bachoge to tum bhi nahi mitr lekin abhi kaam jyada hai chalti hun....


Jivisha, Apasyu se sampark todti, sidha apne 100 bacchon aur Shwetna se sampark ki. Sabhi bacche dard dene me vyast the. Shwetna dard de'kar break le chuki thi... Maidan me chand laakh log bache the jise Viggo apne talvar ka maza ba-dastur chakha rahe the ..


Jivisha ke ek awaj par, sabhi dargons, Shwetna aur kuchh Viggo ladake ko load kari aur uddti hui chali aayi... Jivisha isharon me sabko baithne kahi aur Viggo ladakon ko iss kshetr ki rakhvali ke liye bol di...


Apni ikchha shakti se Jivisha 101 aatma ko jod chuki thi... Dhire-dhire wo sab bhi dhyan leen se ho gaye aur agle hi pal 101 aatmaon ke sath Jivisha Mahamrityunjay aur Akshmya mantr ka jaap karti aage badhi, mantrocharan ne Surpmarich ka dhyan bhang kiya..


Ek sampoorn yojan arthat apni poori suruksha, jise koi bhed nahi sakta... Mirtyu bhi chhu nahi sakti jab tak mantr prabhav rakta hai... Uchharan me khathin aur ek galat uchharan se prabhav samapt ho sakta hai...


Jitne prabhavi tarike se sampoorn yojan kiya jayega, fir suraksha ghera simat'te huye uske sharir se sama jayega fir mantr jaap ke sath wo apni poorn suraksha kar sakta tha... Aur sath me apne dushman par utne hi prabhavi roop se humla bhi..

Awesome update bhai

 

[The king]

Update:-112 (D) ​

Akshmya mantr jo kisi ke kiye ko kshma karne yogya na maan'kar, uske upar prabhavi karta hai... Jis par yah mantr prayog kiye, yadi wo kaat na paya to asahniya pira se grast hota chala jayega... Wahin mahamrityunjay ka jaap mukhya roop se mirtyu par vijay pane ke liye kiya jata hai...


101 jaap ek sath karti hui Jivisha jaise-jaise kadam badha rahi thi, Surpmarich ki dharkane badha rahi thi... Bus surakhsa ghera todne ki der thi… uske baad ya to wo sampoorn yojan poora karta ya fir akshmya mantr ke kaat kaa jaap karta...


Aane wale pal ki kaamna soch'kar Surpmarich poore jor se mantr jaap karne laga... Yahan uske koi sahayak na tha, lekin Jivisha ek samay me 101 baar mantr jaap kar rahi thi... Bilkul prabhavi sa ghera banta ja raha tha mahamrityunjay mantr ka...


Iss baar jab Jivisha jaap karti hui Surpmarich ke surakha ghere ke seema me ghusi, sampoorn yojan ki shakti kafi kamjor par gayi aur uske upar khada tha 101 mahamrityunjay ka ek jaap... Jaise hi Jivisha ne pahla kadam uss seema me rakh'kar mahamrityunjay mantra ke sath Akshmya mantr ka jaap karne chahi, Surpmarich sampoorn yojan rok'kar kaat mantr pahle se japne laga...


Jivisha ko ab poora mauka mil gaya aur wo wapas apne sharir me aakar aankhen kholti.… "Ek veer ki tarah lado kayar, jaan bachane ke liye aur kitni tarkib lagaoge"…


Surpmarich ka ansh, Pratham…. "Tumhari siddhiyan hamesa mujhse aage kyon rahi hai.. jabki main to hazaron salon se mantr jaap karta hun, har siddhi me mahir hun".


Juvisha:- "Tum wo gyani ho Surpmarich jo khud ko hi chhalte aaye hai.... Ek sammanjanak dushman, jo utne hi logon ko pareshan karta tha, jo uske raste me ho aur fir apni shaktiyon par dhyan kendrit karta tha… lekin hazaron saal se jivit in sade huye logon ke sath hath mil'kar ek wo samman bhi kho chuke"...

"Tumhe apne jinda hone ki siddhi ka koi gyan nahi murkh. Thumhe to ye bhi pata nahi ki tum kisi ke aise mukhaute ho jiski aad me wo kabse chhipa baitha hai. Aaj tak kisi ki najar me nahi aaya. Isliye ek aakhri ladai lado, kisi veer ki tarah… ek gauravpoorn mirtyu hasil karo.. band karo jaan bacha'kar bhagna"…


Surpmarich:- "Tum virasat me mili siddhiyon par itna ahankar jata rahi, jaise tum mujhe maar paogi... Bhulo mat aakhri ladai me main chahta to tum teeno ko maar sakta tha"...


Jivisha:- "To abhi maar'kar dikhao na... Kyon ab bharosa nahi raha kya... Sab pichhe jayenge aur koi bich me nahi aayega"...


Jivisha apni baat samapt karti hui ek poore panje ka thap bhumi par thoki aur agle hi pal ek bade circle sa ban gaya jiske kinare par hajaro mil ki khai si bani thi jo kafi chaudi thi... Ek ghera jise dono me se koi ek paar kar sakta tha...


Surpmarich apne dono hath uthate, hawa ko apne dono panje me kaid karte, bada sa bavandar banaya aur usse Jivisha ke upar chhod diya... Jivisha muskurati bus apne jagah khadi rahi...


Kafi teji se wo bawandar Jivisha ko charo ore se gher chuka tha… Dhul aur kayi tarah ke particles ke bich Jivisha kahin gum si gayi aur agle hi pal Jivisha ko poora lapete wo aandhi, Surpmarich ke charo ore ghumne lagi...


Aisa najara jo kalpna se pare tha... Ek poorn siddhi jo kabhi Vish-Nilayani ne Surpmarich ko dikhayi thi... Uske dwara chhori gayi shakti bina kisi kaat ke Vish-Nilayani se lipat kar ussi ki ho jati... Pahle humle ke baad hi Surpmarich muskura diya aur apne ghutno par aate...


"Main mirtyu swikar karta hun... Apni mirtyu se aur lad nahi paunga"…. Surpmarich apni haar swikar karte huye ghutno par aa gaya…


Jivisha ret ke bich jo hawa ke pankh par sawar thi, Surpmarich ke karib pahuncha'kar.… "Jo liya hai wo wapas karo dhurt... Tumhare bharm jaal kisi aur ko dikhana... Main Vish-Nilayani nahi hun"…


Jivisha apni tej hunkaar ke sath Surpmarich ke sine par ek laat jamayi aur wo circle ke kinare tak khiskta hua chala gaya. Surpmarich hawa me upar hote... "Wakai tum Vish-Nilayani nahi ho"… kahte huye usne apna hath jhatak diya... Aur agle hi pal Jivisha ke paun me gili mitti ka lep ne jakad liya, jo dhire-dhire upar ke ore badhne laga...


"Tumne aaklan to sahi kiya mere bare me lekin mujhe kamjor samjh'kar ladne aayi... Meri shaktiyan shuru se tum sab se kayi kadam aage rahi hai... Bus tere gale me jo wo shkati mukhi patthar, jise fossil stone kahte hain, usse main barbaad nahi karna chahta tha. Lekin koi nahi, aankhon ke samne ek badi shakti ko mai toot jane ka gum sah lunga"...

"Kya hua Vish-Jivisha ab hil nahi pa rahi ho kya... Mujhe aisa kyon lag raha hai ki tumhari shaktiyan sab mitti me khinchti ja rahi hai.… Mitti ke sarir ki sabhi shaktiyan uske shrrot (source) me milti ja rahi... Chu chu chu... Apne shakti ke mad me ye ghera jaal khud bana lee. Ab to madad ko koi aa nahi payega... Mar ja yahi kismat hai tumhari, kyonki mirtyu jaal tumhe ghere hai, jiska kaat kisi mantr me nahi bus ek nischit mirtyu hai"…


Mitti ka wo lep kafi teji se Jivisha ko bandhte huye upar aa raha tha…. Uski sari shaktiyan uss lep ne jaise baandh rakhi ho... Paun ke talwon se shuru hua aur badhte huye ghutno tak pahunch gaya jab Surpmarich ne apni baat samapt ki...


Tabhi Jivisha itni tej hansi ki charo ore uski hansi gunj gayi… Uska hansna charo ore aisa kautuhal macha raha tha ki bina kisi shakti ke wahan kisi shakti Swaroop ke hone jaisa anubhav karwa de.… "Main ab bhi kahti hun main Vish-Nilayani nahi"…


Tabhi dhul aur ret ke paar se Shwetna, aur uske sath Jivisha ki 100 betiyan wahan pahunch chuki thi.… Surpmarich hairan bhadi najron se mitti me lipat'lti hui Jivisha ko dekha... Mano puchhne ki kosis kar raha ho kaise.…. "Kaise tum in sab ko suraksha ghere ke ander tak le aayi"…


"Jaise main khud pahunchi thi uss mashtishk mahal me thik ussi parakar se tumne bhi inhe jate dekha murkh... Hahahaha... Ek siddh purush jiski shaktiyan mujhse kayi kadam aage hai, wo shayad ek aam si mirtyu ke bhay se kaanp raha"...


Jivisha chilla'kar apni baat kahi aur agle hi pal Shwetna, Pratham ke talvon se hokar sar se nikal chuki thi. Surpmarich dard se vyakul ho utha.… "Aaaaaaaaa.… Aaaaaaa.. Vish-Jivisha main to dhokebaaj hun, isliye dhoke se maarta hun. lekin mujhe maarne ke liye dhoka karna tumhare prakritik shaktiyon ko tod degi"….


Meena:- Maa iski juban bahut chalti hai...


Jivisha:- Khich le beta lekin ye tabhi tak shakti hin hai jab tak ye lep mere sar tak nahi chadh jata... Aur main tabhi tak jinda hun jab tak ye lep mere naak ke niche tak hai...


Tabhi dragon ki jhundh ne Surpmarich ke sharir ko aisa ghera ki Jivisha dekh nahi payi niche kya ho raha hai, bus jo chinkh aur minnaten sabhi raniyan kar rahi thi, thik waise hi bhikh Surpmarich bhi maang raha tha. Hawa me uske sarir ke ukhde nag badi teji se hawa me aa rahe the... Dard ki chinkh failti ja rahi thi... Chinkhte huye bus itni hi awaj aa rahi thi... "Pahleeeee galaaaa hi kaat daloooo meraaaaa"


Jivisha apni mirtyu ki aashanka jata chuki thi, isliye yahan maujood uski 100 betiyon ne bhi teji dikhaya tha. Majah 2 minute hi dard ki wo asahniya awaj gunji thi. Itni bhayanak maut thi, jiske baad Surpmarich apne aakhri shabdon me yahi kaha, "ab wapas aane ki himmat nahi hogi"…. Issi ke baad Jivisha ke upar ka wo mitti ka lep apne aap deh gaya, jo iss baat ki pusti kar raha tha ki Surpmarich ka yah ansh pratham mar gaya hai...


Ek bahut purani siddhi thi jo shayad hi iss sansar me koi jivit jaan'ne wala bacha ho, siway ye Surpmarich ke... Yah shakti Vish-Nilayani ke uss bade se granth ka hissa thi, jo alpas grih (Zoren grah me Nilbhut smuday ka ek cave) me rakhi hui thi...


Ek aisi siddhi jisme shadahk kisi bhi balsali prani ke mitti se bane sharir ko, mitti me mila sakta tha aur ek baar jab wo shakti chal jaye, fir wo insan apni kisi bhi shakti ka prayog nahi kar sakta...


Haan lekin itna hi aitihat se ye shakti chalani hoti thi, kyonki ye shakti chalane wali ki sampoorn urja istamaal karta hai, jaise ki abhi Surpmarich ki urja istamal ho rahi thi... Yadi nisana chuka to wo mitti ka lep miiti ko nishana banayegi, aur fir shakti chakanewale ki sari siddhiyan aur shaktiyan mitti me mil jayegi... Fir jo bhi usne hasil kiya ho, ya jo bhi hasil karaga, sab iss lep ki amanat hogi.... Jo bhi arjit kiya hai ya karenge ussi ki hokar rah jayegi...


Wahin iss siddhi ko kisi ke upar safalta purvak sadhne se shadhak ko aashirwad swaroop ek vachan milta hai... Yah vachan siddhi asthapna ki hoti hai. Jiske bare me soch'kar iss siddhi ko chalaye, ye lep vachan me bandhe hone ke karan, sidha ja'kar apne shikar ko jakad leti hai...


Ek baar lep se jakde gaye, fir mirtyu tay hai.. isse taala nahi ja sakta, tab'tak jabtak ki iske chalane wala maalik, siddhi poorn hone se pahle mar na jaye... Jivisha kisi ko maarne ke liye dhoka nahi kar sakti thi, lekin Jivisha ke suraksha ki jimmedari Shwetna par thi, isliye usse sath rahne se mana bhi nahi kar sakti thi... Ek beti maa ke pass hai yah dhoka nahi hota...


Ek shaktisali sidhh purush, shayad wo maut na mar paya... Jo usse hasil honi chahiye thi... Ladte huye apne poorn siddhi ke sath... Balki wo ek aam sa insano ki tarah khada tha, jise uss se 1000 guna kamjor praniyon ne bina koi der kiye 100 tukde kar dale the… Aam insano jaise hi mirtyu ka bhay aur ye poora maidan gawaah tha un 100 betiyon ke berahmi kee, jisne har uss majboot dushmano se maut ka bhikh mangwaa chuki thi, jisne bhi uski maa ko maarne ki chunauti dee thi.


Yahan ka yuddh samapt tha... Jivisha mitti par thap deti, circle ko sampat ki aur wahan se nikalne se pahle, Meena aur uski poori team ko jimmedari saunpte chali ki jitni bhi laashen giri hai, uske maidan paar karne se pahle sabme aag lag jani chahiye...


Rakt se sarobar Jivisha ka sharir kafi bhadi ho chala tha… wah jald se jald ab ek aakhri khel ko samapt karna chahti thi aur wo tha dark Universe se uss mahtishk mahal ki shakti ke shrrot ko tabaah karna..… Taki mahal ke prabhav se iss kshetr me koi Astak ki tarah hi dusra, uss mahal ka sewak na ban jaye aur fir se wahi sab yahan na shuru ho...


Jivisha maidan se jab gujar rahi thi... Sabhi Viggo samuday ke ladaka katar lagaye apne sine par hath diye khade the... Jivisha bhi un veeron ke sam'maan me apna sar jhukati... "Aap logon ka jyada nusksaan to nahi hua na"…


Core planet ka viggo sardar Maahu... "Aap kaun hai main nahi janta, lekin humare aur humare aane wale pidhiyon ka jivan tab tak aap ka karjdar rahega, jab tak ki hum aapke ehsasan ke barabar ka badla nahi chuka dete"…


Jivisha:- Baba chalte chalte baat karen kya, thoda waqt ka aabhav hai aur kaam jyada..


Maahu:- Ji bilkul..


Jivisha:- Baba jab kisi ki shakti toot'ti hai to har gidhh ki najar fir us jagah ko hathiyane me lag jati hai... Main OMU se appeal karungi ki yahan shanti aur satta bahal hone tak force bheje, lekin kya aap yahan apni ek seema banane ke baad, yahan ke poorane samuday ke sath bina seema vivad ke rah sakte hain kya???


Maahu:- Lekin kahin wo fir se purane rang me...


Jivisha:- Mera wada hai ki jab tak aap sunischit na ho jaye ki aane wala satta, kisi narbhakshi ka nahi hai, tab tak aap ke samuday ke har insan ke jaan ki surakha ki jimmedari main leti hun...


Maahu:- Aapne kah diya..


Jivisha:- Bahut chhoti hun aapse... Itna takaluff ki jaroorat nahi hai...


Maahu:- Thik hai main wada karta hun ki jaisa tumne kaha, waisa hi hoga... Hum seems vivad ki pahal nahi karenge…


Jivisha:- Chhodiye ye poora planet hi rakhiye aap... Haan lekin dusre sanday jo honge...


Maahu:- Chinta mat karo... Yahan sabke saman aadhikar honge ye yahan ke shashan aur satta ka pahla niyam hoga...


Jivisha:- Thik hai baba aap apne logon ke sath jashn manaeye yahan ke paap ki factory ko antim roop de dun...


Jivisha, apni baat kah'kar wahan se turant mahal ko nikli, jahan ka poora mahol Jivisha ka ek tihai ansh apne sath laye lakhon Nilbhut mahilaon ke sath mil'kar samapt kar chuki thi... Fir yah tha to mashtisk mahal aur yahan khone ka matlab tha ki, ek anthin duniya me khona… isliye Jivisha apne 100 bacchon aur Shwetna ke sath seema ke ander prawes karne se pahle shakt hidayat deti chali...


"Koi apne mann se idhar-udhar nahi jayega aur naa hi mera kaam badhayega, yadi ye shart manjoor ho to chalo, warna bahar ruko. Main yahan ka ilaka fence kar dungi"…


Sabhi bacche "haan me haan" milate huye kahne lage "har baat manege"... Lekin fir Jivisha ek aur baar warn karti hui ander praves ki.… "Jo bhi katar tor'kar niklegi, uss se aaj ke baad main nata tor'kar nikal jaungi"…

Awesome update bhai to suparmarich ka 1 ansh pratham mara gaya he ab 3 baki he or sath me astak ki sabhi raniya ki bhi dardnak mot hui he waiting for next update

 

[The king]

Baithe hain nahi baithe the... Jiski leela samapt kar diya gaya hai...

Ye kab hua ye to aap ne bataya hi nahi abhi tak kisi update me bhi iske bare me nahi aaya

 

[The king]

nain11ster bhai sabhi update jabarjast the jisa or uski team ka kahar dekh liya ab jisa asatak ke mastik mahal ko dhvast karne ja rahi he ab nischal or serin ki team kesa kahar dhaa rahi he ye dekhna baki he jo shayad aap aaj hi dikha donge nain11ster bhai ab kitne update baki he story ke kya aap bata sakte ho

 

[nain11ster]

nain11ster bhai sabhi update jabarjast the jisa or uski team ka kahar dekh liya ab jisa asatak ke mastik mahal ko dhvast karne ja rahi he ab nischal or serin ki team kesa kahar dhaa rahi he ye dekhna baki he jo shayad aap aaj hi dikha donge nain11ster bhai ab kitne update baki he story ke kya aap bata sakte ho

Maine quote me 2 screen shot diye hain... Ek me Nischal lad raha hai aur dusre me story end... Dono screen shot ke words dekhiye...

Ek aadarsh update 1800 se 2000 words ka hota hai... Aisa mera maan'na hai... Ab khud andaja laga lijiye ki kahani kitna bacha hai... It's 22 update...

Aur ek baat ... Aaj main update dene ke mood se nahi hun... Bus soch me duba hun ki kya karun ... 11 update ek sath dene me kya hoga... Readers padhenge ka skip karenge... Ya end nahija bus dekhnege yahi manthan chal raha hai..

Poori tarah se soch vichar kar kal post karunga update... Waise bhi log aalsi ho gaye hain end ke waqt desired responce na aawe hai...

 

[nain11ster]

Ye kab hua ye to aap ne bataya hi nahi abhi tak kisi update me bhi iske bare me nahi aaya

Ye wala part Apasyu ke hisse ka hai wo kahin aur aayega... Full too detail me

 

[nain11ster]

Maine quote me 2 screen shot diye hain... Ek me Nischal lad raha hai aur dusre me story end... Dono screen shot ke words dekhiye...

Ek aadarsh update 1800 se 2000 words ka hota hai... Aisa mera maan'na hai... Ab khud andaja laga lijiye ki kahani kitna bacha hai... It's 22 update...

Aur ek baat ... Aaj main update dene ke mood se nahi hun... Bus soch me duba hun ki kya karun ... 11 update ek sath dene me kya hoga... Readers padhenge ka skip karenge... Ya end nahija bus dekhnege yahi manthan chal raha hai..

Poori tarah se soch vichar kar kal post karunga update... Waise bhi log aalsi ho gaye hain end ke waqt desired responce na aawe hai...

Aur haan mobile me hi type karta hun main to ... Pahle badi badi aankhen hua karti thi... Jab iPad aur laptop tha... Ab aankhon par itna jod para ki aankhen chhoti hui gayi hai...