UPDATE-269
Lucifer ke aadesh ke anusar naag ne uski sari premikao sath me madhuri maam aur uske bacho ko ek jagah ikkahta kar liya tha
Ashmita- what the fuck is this? And where is lucifer?
Ashmita jiski abhi tak lucifer se baat nahi hue thi vo naag ke jabardasti yaha lane se behad gusse me boli
Naag- mujhe jaisa bola jata hai main bas vaise hi karta hu. Bhai ke bare me nahi pata maine unhe blast wali jagah par hi dekha tha
Inaaya- to tum usko kyu nahi leke aaye? Kya vo koe bhagwan hai jo uske kuch nahi ho sakta? Meri baat karao us se
Inaaya bhi ashmita ki tone me hi boli
Naag- mere se konsi unhone baat ki? Vaha se khud bina kuch bole nikal gaye aur fir message karke aap sab ko yaha lane ki bol di
Anisha- tumne kaha tha vo blast wali jagah par tha? Abhi kah rahe ho vaha se nikal gaya?
Naag- maam maine kaha last time vahi dekha tha. Uske baad kaha gaye pata nahi
Inaaya- naag humare logo ko humari jarurat hai. Agar aise time me bhi hum unke sath nahi khade hue to kya fayda en sab chhijo ka? Mujhe jana padega
Ashmita- mujhe sirf etna batao lucifer kaha hai. Aur kisi chhij se mujhe koe fark nahi padta. Sehar jalta hai to jalne do main khud hi aag laga dungi es sehar ko agar mujhe lucifer vapas nahi mila to
Ashmita ki jo es waqt tone thi vo dil dahla dene wali thi. Inaaya ko chhodo tara ne bhi kabhi aisi tone ya aisi baat uske muh se nahi suni thi esliye vo khud thoda dar gaye thi ashu se
Tara- ashu what the hell you’re talking about? Ye sehar apna hai aur lucifer bhi apna hai. Hum dono ko hi bachana hai
Inaaya- didi sahi kah rahi hai ashu. Hum es sehar ko tabhah nahi hone de sakte. Sabse pehle lucifer ko safe karo fir apne log jitne hai unko aur uske baad jinko jarurat hai unko
Ashmita- just tell me where is lucifer? Mujhe aur kuch nahi sunana hai aur nahi janna hai
Ashmita- anisha??? Tumhe pata hai na lucifer kaha hai? Tum dund sakti ho na use? Tell me where he is? Tell me
Anisha- didi this is the end lucifer was talking about. Hum esko nahi rok sakte.
Ashmita- tumne suna maine kya kaha hai? Mujhe sirf etna batao lucifer kaha hai? Kya ye etna muskil hai samjhna? Ya fir main farshi bhasa bol rahi hu? Ashmita gusse me boli
Tara- ashu?? Ye kya tarika hai baat karne ka? Vo humari behan hai. Aur yaha sabko lucifer ki chinta hai sab use pyaar karte hai. So please calm down
Ashmita- i will find it myself
Aur ashmita gusse me vaha se bahar aa gaye
Use rokne ki himmat na to naag kar paya aur na koe aur
Inaaya- maam aapko pata hai kaha hai vo? Kya aapse baat hue?
Madhuri jo ab tak shant khadi thi inaaya ne us se pucha lekin vo sirf mundi hila kar na me jawab de diya
Inaaya- payal? Anyone? Kisi ko kuch pata hai kya?
Soft lekin stressed tone me inaaya boli
Lekin kisi ko kuch pata ho to hi to kuch batayenge
Inaaya- naag sabka dhayan rakhna. Jitne log yaha chahiye utne yaha bula lo baki sabko sehar me faila do. Help who needs and kill who deserves.
Inaaya ki commanding voice ke samne ek baar fir naag kuch nahi bol paya sirf ishare se hami bharne ke alava aur inaaya bhi vaha se nikal gaye
Anisha ne jaldi se apna laptop nikal liya aur kaam par lag gaye vahi payal ke pass ab dhori jimmedari aa gaye. Vo apne bacho buddho ke sath sath baki sabko sambhalne me bhi lag gaye aur esme uska sath diya tara aur madhuri ne
Bahar sehar ka mahool bahut kharaab ho chuka tha etne sare dhamako se jaan aur maal dono ka bahut nuksaan hua aur security par bhi bahut bada sawal khada kar diya tha
Desh ki sari suraksha agencies apna sara kaam chhod kar pura ka pura focus en dhamako par kare hue thi aur kare bhi kyu na unki ache se class jo li gaye thi
Lekin un becharo ko kaha pata tha ki ye jo ho raha hai ye unki soch se bahut upar ki baat hai aur enme vo sab sirf ek hi kaam kar sakte hai hath par hath dhare rah sakte hai
Sehar me abhi bhi red alert jari tha sath me group interaction bhi band thi. Sirf jarurat ke logo ko bhi bahar aana jana allow tha ya fir unko jo special permission liye hue hai
Vahi lucifer pehli jagah se nikal kar dhamke ki dusri site par pahuch chuka tha aur badi bariki se nirakshan kar raha tha. Use negative energy to feel ho rahi thi lekin samne kuch dikh nahi raha tha aur abhi vo kuch unsual karke sach janane ki halaat me nahi tha
Uska pura focus apno ko ek safe jagah leke jana tha aur khud ko unse door taki musibat uske apno tak na pahuch paye. Vaise to ye ek bahut bold step tha kyuki agar sab ek jagah hote to lucifer ko unhe protect karna aasan rahta
Ab agar yaha lucifer par aur vaha uski premikao par ek sath attack hua to unhe rokna lucifer ke liye thoda muskil ho jayega aur ye bhi ho sakta hai vo kisi ko kho de aur agar aisa hua to fir jo tandaav ye dharti dekhegi us se koe bach nahi payega
Sab kuch check karke lucifer dusri jagah se bhi nikal gaya aur vapas us negative energy ke piche ho liya jiske picha karte karte ye dhamake hue the
Vo sunsaan galliyo me se gujar raha tha jaha har roj har waqt bahut chahalkadmi hoti thi lekin aaj shanata pasra hua tha. Jagah jagah police aur army ki gadiya ghum rahi thi
Lucifer kisi tarah unki najaro se bachta hua aage badh raha tha. Kabhi uski sense strong signal deti to kabhi aisa lagta ki sab kuch normal hai.
Jaise hi vo main road par pahucha ek side me police ki car aake ruki aur dusri side me army ke truck aur unhone lucifer ko gher liya
Lucifer ne bhi shanti se apne hath hava me lahra diye aur upar karke khada ho gaya
Police- kaun ho tum? Yaha kya kar rahe ho?
Ek police wale ne pucha
Lucifer- sir ghar ja raha tha. Kuch mila nahi esliye paidal paidal ja raha hu
Police- kaha rahte ho? Aur pata hai na tumhe sehar me kya ho raha hai? Bahar nikalna allow nahi hai?
Lucifer- blast ke time bahar hi tha sir esliye fas gaya abhi ghar pahuch jau fir nahi niklunga
Army- kaha rahte ho? Aur kya kaam karte ho?
Lucifer- **** par rahta hu sir
Army- aur kya karte ho?
Lucifer- raichand group ka partner hu
Army wala police ko dekhne laga jaise raichand group ke bare me puch raha ho
Police- sir desh ke sabse bade industrialist me se ek hai raichand. Ashmita raichand run karti hai abhi
Army- owner ka naam kya hai?
Lucifer- ashmita raichand
Army- call her and prove your identity
Lucifer- jee
Aur lucifer ne apne hath niche karke apna phone nikla aur ashmita ka number dial karne laga
Army- speaker par karo
Sirf ek ring par ashmita ne phone utha liya aur lucifer par barasne lagi
Ashmita- what the fuck lucifer??? Main kab se tumhe phone kar rahi hu. Tumhe koe hosh khabar hai ya nahi? Ek baar phone karke bata nahi sakte? Pagalo ki tarah tumhe dundne me lagi hue ho lekin tum ho ki bas apni manmani karte rahte ho. Tum theek ho na? Kuch hua to nahi na tumne? Ab chhup kyu ho bolte kyu nahi? Kaha ho ye batao main lene aa rahi hu tumhe
Bina lucifer ko bolne ka mokka diye ashmita us par baras padi aur na chahte hue bhi police aur army wale ke chehre par muskaan aa gaye
Fir jaldi se khud ko normal kiya aur
Army- aap apna naam bataye aur ye ladka kon hai eski pahchan bhi
Anjaan aawaz lucifer ke mobile se sun kar ek dam se ashmita chaunk gaye
Ashmita- tum kaun ho? Aur lucifer ka mobile tumhre pass kya kar raha hai? Lucifer kaha hai?
Army- main indian army se bol raha hu maam. Mujhe apni aur es ladke ki pahchan verify karaye nahi to main ese abhi utha lunga yaha se
Ashmita- mera naam ashmita raichand hai aur jo aapke samne khada hai ye lucifer hai. Mera partner
Lucifer ne to kuch kaha hi nahi tha lekin fir bhi ashmita ke muh se partner hi nikla jaisa vo lucifer ke muh se nikli baat vahi par sun chuki thi
Ashmita- aap mujhe location bata dijiye main use lene aa jaungi
Police- nahi miss raichand aap rahne dijiye hum enhe aapke ghar drop kar denge aur please bahar mat nikalne dena. Aapko to pata hai bahar kya condition chal rahi hai
Ashmita- thank you sir and don’t worry aap ek baar use mere pass pahucha dijiye vo ghar se bahar nikalne ke layak bhi nahi bachega
Fir phone cut gaya aur police wale ne lucifer ko apni jeep me batha liya aur sidha raichand mansion pahuch gaya
Lucifer jana to nahi chahta tha lekin ab vo kuch kar nahi sakta tha aur jab ashmita ko pata chala ki vo use uske ghar leke aa rahe hai to vo bhi apne ghar pahuch gaye aur gate par khadi hue lucifer ka intezaar karne lagi
Gussa bahut aa raha tha use lucifer ke upar aur aaj lucifer ko uske gussa ka samne karna hi padega kyuki vo use chhodne ke mood me to bilkul nahi lag rahi thi
Aur jaisi hi use police jeep dikhi vo gusse me uski taraf daud padi aur lucifer ke niche utarte hi uspar ghuse bharsane lagi
Police wale bhi halaat samjh gaye aur ye soch kar turant vaha se chale gaye ki ye love burds hai aur enka lamba chalenge. Vo turant vaha se nikal liye lekin ashmita rukne ka naam nahi le rahi thi vahi lucifer bina koe react kiya vaise hi khada hua tha jo ashmita ko aur jada gussa dila raha tha
Ant me ashmita me haar maan li aur uske hath ruk gaye lekin aankhon se pani chalak gaya. Aisa sayad hi kabhi hua ho jab ashmita ki aankhon se aashu aaye. Lekin aaj lucifer ki aisi harkaton se uski bhi aankhon me pani bhar aaya
Lucifer ne aage badha apne hatho se uske aashu saaf kiye aur use apne galle laga liya. Ashmita bhi jaise esi ke intezaar me thi aur usne lucifer ko apne bahoo me jakad liya jaise ab vo use kahi nahi jane degi.
Lucifer- shiiii calm down. I will make everything right…
*BOOM*BOOM*BOOM*BOOM*
