UPDATE-44
Two days later
Ashmita apne car ko kahi gusse me bhagaye ja rahi thi, uske chehre par gussa aur bahut jada tension dikh rahi thi
" es kutte ka main muh tod dungi agar aaj mujhe ye dikh gaya to, humesha eski marji to chalegi nahi jab man aaya kuch bhi kar diya jab man aaya gayab ho jaye, ek baar batana to chahiye na ki kuch kaam hai, kahi ja raha hu, etne time me aajaunga, tension mat lena lekin nahi esko kisi ki fikar ho to bataye na... maine bhi kaise insaan ko apna dost bana liya... sab teri hi galti hai ashmita sab teri hi galti hai...ab bhugat..usse to vaise bhi koe fark nahi padta kisi chhij aur tu pareshan hoye ja"
Ashmita apne man me hi bhadakti hue apni car ko dodaye ja rahi thi aur jaldi hi vo apni manjil par pahuch gaye
Jaldi se ghadi park ki aur upar ki aur chalne lagi
Gate ke samne pahuch kar
" vo nahi hai yaha par" piche se aawaz aae aur jab ashmita ne mud ke dekha to madhuri ma'am khadi thi
Ashmita- aapko pata hai kaha gaya hai?
Do dino se gayab hai, na phone utha raha hai aur na message ka jawab de raha hai?
Ma'am- mujhe bhi nahi pata
Maine bhi call ki thi lekin pata nahi kaha gaya... humesha aise hi gayab ho jata hai kisi ko bina bataye
Ashmita- es baar milega to eski tange tood dungi fir dekhti hu kaise bhagega
Ma'am- coffee peoge?
Ashmita- nahi vo actually mujhe kaam hai thanks
Ma'am- kya pata aa hi jaye coffee Peete peete
Ashmita ka to vaise hi jane ka man nahi tha vaha se to vo Ma'am ko hi ha bol kar unke ghar par chali gaye
Ma'am kuch der baad do cup coffee leke aaye aur ashmita ke sath bath gaye
Kuch der tak to koe kuch nahi bola lekin fir Ma'am ko hi bolna pada
Ma'am- ek baat puchu?
Ashmita- jee
Ma'am- lucifer kya mayne rahta hai tumhre liye?
Ashmita- matlab?
Ma'am- don't get me wrong I just want to know
Vo to kuch batata nahi hai aur esliye kuch help bhi nahi ho pati uski
Tum hi bata do
Ashmita- mera na kabhi koe dost nahi raha... bachpan me ek tha lekin vo chhod ke chala gaya uske baad kabhi vo friends wali feelings hi nahi aaye
Koe dost bhi banana chahte the to just because I'm rich
Lekin lucifer alag hai, main kaise batau aapko but main nahi chahti ki vo kabhi mujhse door ho
Ma'am- you want to be with him as a friend?
Ashmita- Ma'am
Main aapko Ma'am bula sakti hu?
Lucifer bhi Ma'am hi bulata hai
Ma'am-sure
Ashmita- I'm not gonna lie but something I really hate him I mean most of the time
Vo mujhe bas irritate karta rahta hai lekin fir yaad karti hu to acha bhi lagta hai
Ma'am- you love him?
Ashmita- nahi Ma'am I don't love him
Matlab vaise wala pyaar nahi hai
Ma'am- tum confuse ho
Ashmita- main usse dost manti hu
Dost ki tarah hi dekhti hu aur dost ki tarah hi uski care karti hu
Ma'am- aur vo kya chahta hai?
Ashmita- I don't know
Vo to bas apne aapko janana chahta hai sayad
Ma'am- kya tumhe usse hamdardi hai uske past ki vajah se?
Ashmita- past to sabka aisa hi hota hai
In fact everyone have a story
Vo jaise mujhe treat karta hai us se aisa lagta hai ki I'm also a normal human being
Bas that's it
Ma'am- usse kabhi kisi dusri ladki ke sath dekhti ho to kaisa lagta hai?
Ashmita- kaisa bhi nahi lagta
Jab vo mujhse juth bolta hai to gussa aata hai
Ma'am- he is a good guy
Ashmita- I know
Bas usse thoda sahi guidance ki jarurat hai
Ma'am- vo tum de sakti ho
Ashmita- nahi nahi
Meri to bilkul nahi sunta vo
Agar main usse kuch karne ko bolungi to vo bilkul uska opposite hi karega
Pagal kahi ka
Ma'am- ha ye to hai
Ulta to karta hai vo
Acha ek kaam karte hai
Ashmita- kya?
Ma'am- tum us par hak jamane lag jao
Agar koe baat nahi maan raha to ad jao ki hoga to yehi hai chahe kuch bhi kar lo fir dekho vo kaise react karta hai
Ashmita- mujhe pata hai kaise react karega
Ma'am- kaise?
Ashmita- ulti sidhi harkate karega fir mujhe gussa dilaega aur in the end apni marji ki kar dega fir baad me manane ki kosis bhi nahi karega
Ma'am- ab manana hi mat
Kya pata vo bhi tumhe apna samjhne lag jaye aise aur fir tumhe apni problems share karne lage?
Dekho problems solve tabhi hoti hai jab unka pata ho
Abhi to sirf etna pata hai ki vo apne past ke bare me nahi janta but eske aage kya?
Ashmita- eske aage kya?
Ma'am- kya pata kuch aur ho jiski vajah se vo pareshan ho aur bata nahi raha ho?
Kya pata aur bhi bahut bade reason ho?
Ashmita- aap uske liye etna kyu sochte ho?
Ma'am- uska dard apna jaisa lagta hai
Jab hum apno ko kho dete hai to mujhe pata hai kaisa feel hota hai
Ashmita- I'm sorry
Ma'am- koe baat nahi
I just want to help
Ashmita- okay ma'am
Ye bhi try karke dekh lenge but where is he?
Ma'am- uska ek associate hai
Usse pucha tumne?
Ashmita- areee ha
Naag usse sayad pata ho
Nahi nahi mujhe nahi lagta Ma'am usne naag ko bhi bataya hoga
Ma'am- try karke to dekh lo
Ashmita- mujhe pata nahi vo kaha rahta hai
Ek baar hi mila hai vo bhi restaurant me
Ma'am- dekh lo mil jaye to
Nahi to mujhe lagta hai lucifer aajayega vapas
Ashmita- mujhe pata nahi kal se kyu ghabrahat ho rahi hai
Ma'am- he will be fine
Usse kuch nahi hoga
Ashmita- badi muskil se ek dost mila tha
I just don't want to lose him
Ma'am- he is lucifer
Usse kya ho sakta hai?
Kya pata koe lead mili ho to chala gaya ho
Ashmita- ha lekin bata ke to jana chahiye tha na
Hum konsa usse rok hi lete?
Ma'am- etna dimag lucifer me?
Ashmita- pehle uska dimag ka ilaaz hi karana padega fir hi aage kuch hoga
Fir kuch der aur dono baat karte hai aur uske baad ashmita vaha se apne office chali jati hai
Usse lag raha tha ki kya pata vo direct office hi aagya ho lekin aisa hua nahi tha lucifer nahi aaya tha office
Ashmita apne cabin me chali gaye aur kaam karne ki kosis karne lagi lekin Lucifer ke thoughts usse kaam nahi karne de rahe the
Aise time par hume humesha yehi lagta hai ki kahi samne wala mar to nahi gaya hoga ya fir usse kuch ho to nahi gaya?
Yehi sab thoughts uske dimag me bhi chal rahe the ki achanak uska door knock hua aur usse fir se laga ki lucifer aagaya hai
" come in" vo turant boli lekin samne anisha ko dekh ke hi uska mood kharab ho gaya
Ashmita- kya hua? *rude*
Anisha- Ma'am design dikhane the *polite*
Ashmita- baad me aana * firse rude*
Anisha- okay ma'am
Aur jane lagi tabhi pata nahi ashmita ko kya hua "ruko, chalo dikhao abhi"
Aur anisha ruk gaye aur ashmita ke samne wali chair ke pass khadi hogaye
Ashmita- sit
Anisha dhayan se bath gaye aur ashmita ki taraf dekhne lag gaye
Ashmita- dikhao
Fir vo apne kuch designs dekhane lagi aur ashmita kuch der ke liye lucifer ko bhul kar apna kaam karne lagi
Ashmita- bahut issues hai esme
Tumhe ek baar aur check karna padega
Anisha- ma'am ye to demo tha bas idea ke liye
Ashmita- agar kisi ko apna idea bhi dikhane jao to bhi usme galtiyo ki koe gunjash nahi honi chahiye
Anisha- sorry Ma'am
Ashmita- tum meri expectations se acha kaam kar rahi hu bas thoda sa sikhne ki jarurat hai
Anisha- main jaldi hi sikh lungi ma'am
Ashmita- tumne lucifer ko dekha kya?
Pata nahi kyu ashmita ne anisha se pucha ye jante hue bhi ki usko mana kiya tha lucifer ke aas pass rahne ko
Anisha- nahi ma'am
Kya hua?
Ashmita- pata nahi kaha chala gaya bina bataye do din hogaye
Anisha- ma'am vo mujhe Beach ke pass mile the teen chaar din pehle
Ashmita- kuch bataya usne tumhe?
Anisha- jada baat nahi hue bas vo kisi ko dund rahe the
Ashmita- kisko?
Anisha- ye to nahi pata Ma'am
Main vaha bathi hue thi aur vo kahi se aaye the fir do minute baat karke chale gaye
Maine nahi ki ma'am unse baat vohi kar rahe the
Ashmita- koe baat nahi
Vo aisa hi hai
Tum ja sakti ho
Anisha- thank you ma'am
Aur vo mud ke chali gaye
Ek bistar par lucifer pada hua tha aur uske dil ke bicho bich ek ajeeb sa chaku laga hua tha
Khoon se uske kale kapde bhi rangeen ho chuke the aur vo vapas sapno ki dunia me ja chuka tha
Pata nahi vo kamjor pad raha tha ya fir uske dusman jada takatvar ho rahe the ki baar baar lucifer ko nuksaan pahuchane me kamyaab ho jate the
Ye to waqt hi bataega lekin abhi lucifer sahi condition me bilkul nahi tha
Vahi ek sundar si ladki uske jhakmo par marham patti kar rahi thi jo angreji dawaeya to bilkul nahi lag rahi thi
Sayad desi thi aur desi hi lucifer par acha asar bhi karti
Lekin abhi tak vo chaku nahi nikala tha uske sareer se sayad esliye ki usse khoon bahut jada bahne lag jayega aur bina hospital usse rokna bahut muskil hoga
Baki ke jo chhote mote jhakam the vaha par davae lagaye ja chuki thi
Ladki- kya ye chaku nikal du ab?
Kahi jada time rahne se koe reaction na kar de
Ladki 2- agar tum nikal sakti ho safely tabhi nikalna
Ladki- aapki help lagegi
Ladki 2- mujh se blood nahi dekha jata
Ladki- aaj dekhna hi padega aur bahut jada dekhna padega
Ladki 2- koe aur option nahi hai kya?
Ladki- ha hai na hospital le jane ka
Lekin vaha se sab explain kon karega?
Ladki 2- ye marna nahi chahiye
Bahut answer chahiye mujhe es se
Ladki - marna hota to abhi tak mar chuka hota
Main ek jhatke me ye nikalungi aur aap turant jhakam par es kapde ko dabba dena
Es par maine meds laga di hai lekin aapko ache se daba kar rakhna hoga taki blood kam se kam nikale aur jaldi hi nikalna band hojaye
Ladki 2 gehri saas lete hue ohh lucifer tum mujh se kya kya aur karvaoge
Ok done jaldi se karo
Uska etna bolna tha ki pehli wali ne ek jhatke me lucifer ke sareer se chaku nikal diya aur usse aisa feel hua ki chaku ke sath sath vo bhi kuch nikla hai lekin abhi moment aisi thi ki usne ye sochna sahi nahi samjha to turant dusri wali ne jhakam dhak diya aur sath me apni aankhen bhi band Kar di
Sayad sach me khoon nahi dekha jata us se
Ladki 1 chaku side me fek kar jaldi se jhakam par marham patti karne lagi vahi dusri wali aankhen band karke bot ki tarah khadi rahi
Ladki 2- jaldi karo
Mujhe vomit jaisa ho raha hai
Ladki- ruko ruko abhi nahi
Jhakam bahut gahra hai
Aur vo jaldi jaldi hath chalane lagi
10 minutes lage usse stretches karne me aur fir dono ek sath piche hat gaye pehli wali to normal hi lag rahi thi lekin dusre wali ne vahi thodi se vomit kar di aur aisa lag raha tha jaise vo abhi behosh ho jayegi
Ladki- ho gaya
Ladki 2- hmm ka..kab t..tak hosh aajayega
Ladki- I'm not sure
Aane ko subah tak aajaye lekin nahi aaye to weeks bhi lag sakte hai
Ab mujhe jana hoga mummy Papa akele hai
Tumhe kabhi bhi jarurat pade to call kar dena main turant aajaungi
Ladki 2- thank you sakshi
But please kisi ko batana mat
Sakshi- I won't
Don't worry
Aur vo vaha se chali jati hai....
. Anyways thank you so much for all the love and support. I am always grateful
