Update-13 (A) (Megha Update)
" main aa gayi hoon beti.................kaha ho meri baachi.............jawab do..............tum mujhe sun rahi ho naa...............dekho aaj ek maa khud chalkar apni beti se milne itni door aayi hain.............." aur kavita ki baat khatam hoti tabhi aas paas ke pedon ke pattey tezi se hilney lagte hain aur dhund jo gehra tha wo kum hote hue wahin stir ho jati hain..............tabhi ek awaaz us waadi mein goonj uthathi hain jo us veeraney ko poori tarah se jhakjhod deti hain.........aur wo shabdh tha..........................mmmmmmmmmmmmmmmaaaaaaaaaaaaaaaaaaaaaaaaaaaaaaaa............................................................"
Ab Aage........................................................................
Awaaz itni dardnaak aur dil ko dehlaa dene wali thi ki ek pal to kavita ka bhi durr se gala sookhney laga..............uska bhi dil dehal gaya...............us awaaz mein itni kashish thi...................itni dard thi ki usey bus ek maa hi samajh sakti thi...................jaise hi kavita apne peechay ki taraf mudi uski aankhein hairat se badi hoti chali gayi................wahin dil mein dard...............durr..........shikayat.............apnapan...........aur ek maa ki mamta...............aur apni jaan se pyari beti se milne ki chaah aur aas bhi to thi ..............jo aaj usey yahan kheech layi thi..................kavita ke dil se to maut ka khauff bhi nikal chuka tha............wo is waqt bus apne mamta ke aagey poori tarah se vivas thi.................
shayad isi wajah se is duniya mein maa ka darza sabse upar hota hain..........kyon ki wo apne baachon ke liye kuch bhi kar sakti thi...........bina apni maut ki parwaah kiye bhi..............
kuch door par sakshi usi safed suit mein.................jameen se kareeb 1 foot upar hawa mein.........................aankhon mein dard aur takleef liye badi hi bebasi se apni maa ko tukur tukur dekh rahi thi......................shayad is wajah se aaj uski aankhon mein aansoon bhi aa gaye they.......................jab kavita ki nazar apne beti par padi wo apne zazbateion ko sambhal nahin payi aur fauran apne beti ke taraf aagey badhney lagi................jaise wo usey apni bahon mein tham lena chahti ho.............jo har maa apne baachon se door bichandey par aksar karti hain..................
magar sakshti to bus ek hawa thi...............ek chalawa thi..........ek rooh thi................aur rooh ko koi kabhi bhi choo nahin sakta...................bus mehsoos kiya ja sakta hain.............jaise hi kavita sakshi ko apne seenay se lagane ke liye aagey badi wo uske aar paar se hoti hui aagey nikal gayi...............fir wo wapas mudi aur dubara se usey apne bahon mein kaid karna chaha magar parinaam wahi hua.............jo hona tha............
"Mmmmmmmmmmmmaaaaaaaaaaaaaaaaaaaaaaaa....................aab main aapki beti nahin rahi.......................bulki ek rooh ban chuki hoon.................aur rooh kabhi kisi insaan ke hua nahin karte...............unka kisi se naata nahin hota................aakhir kab tak aap is baat ko mananey se inkaar karengi...................kab tak.........................." aur sakshi ki aakhon se aansoon ki dhara foot padti hain wahin kavita ke aankhon se bhi aansoon ki dhara beh jati hain..............dil mein uth rahi us teesh ko kaise wo pal pal seh rahi thi...............ye ussey behtar aur kaun jaan sakta tha....................
" aisa mutt bol beta.......................aisa mutt bol...............mujhe kuch nahin chahiye..............bus tu kaise bhi karke wapas aa jaa............mere paas..............meri god mein..............jaise maine tujhe bachpan mein pala tha..................tujhe apne god mein main sulaya karti thi...........aur jab tak tu meri god mein sooti nahin thi tab tak tujhe neend nahin aati thi................fir aaj aisa kya hua.........jo tu mere bagair mujhse door reh rahi hain.............." aur kavita fafak fafak kar roo padti hain wahin sakshi ki aankhon se bhi aansoonwon ki dhara thamney ka naam nahin le rahi thi................
" maaaaaa.................ye to naseeb naseeb ki bus baat hain................aab mujhe kabhi wo sukh........wo sukoon nahin milega................main humesha aise hi tadapti rahungi............apni mukti ke liye dar dar bhatakti rahungi...............aur jab tak mujhe mukti nahin milegi...............meri takleef kabhi kum nahin hogi.................." aur sakshi apni maa ko samjhatey hue dheere se bol padti hain........wahin kavita bade dhyaan se uski baateion ko sun rahi thi.............
" main tujhe dilaungi mukti..........bol beta.............mujhe kya karna hoga...................." aur kavita jaise apni beti ka sara takleef apne upar le lena chahti ho.............ander hi ander wo bhi tadap uthi thi................wo nahin chahti thi ki aab uski beti ko zara si bhi takleef ho...............
" nahin maa.......................aabhi nahin............aabhi sahi waqt nahin aaya hain..................jinhone mujhe aaj is mukaam par pahunchaya hain unhein bhi to in sab ka ek ek hisab chukta karna hoga................uske baad hi meri rooh ko tab jakar mukti milegi.....................aap chali jaiye maa......yahan se....................aapka aana yahan theek nahin................." aur sakshi bade gaur se apni maa ke chehrey ki taraf dekhney lagti hain wahin kavita aas lagaye apni baachi ki taraf bus dekhey jaa rahi thi..............usey is baat ki takleef thi ki aaj kyon uski beti khud usey yahan se jane ke liye keh rahi.............
" kya.....................maine yahan aakar koi gunaah kar diya kya beti..................kya ek maa apni baachi se bhi nahin mil sakti..............ye haq to mujhse upar wala bhi nahin cheen sakta..........to fir ye jamana kya rokega mujhe...............aur tu bata.........kaun hain in sab ka jimmedar................main unhein saza dilwakar rahungi.................main bade bade adhikari.......neta ke paas jawungi aur tujhe insaaf dilaungi..............." aur kavita apne dil mein uth rahe zazbateoin ke samundar ko khangaltey hue dheere se bol padti hain wahin sakshi ka chehra gussey se aab tamtamey lagta hain...................kuch der pehle jo sakshi zazbati ho rahi thi aab is waqt uske dil mein jaise koi lava dhadak rahi thi..............
" maaaaaaaaaaaaaaa..........koi kuch nahin karega.................sab upar se neechay mile hue hain.......aur meri maut ke jimmedar bhi ye sab hain.....main sabko maar doongi.........aur aisi dardnaak maut doongi ki unki rooh bhi durr se thar thar kaanp uthegi........................,main kisi ko nahin chodungi................kisi ko nahin...................." aur sakshi lagbhg cheekhtey hue wahan se gayab ho jati hain wahin kavita ghutnon ke bal baithi hui apne behtey hue aansoowon ko nahin rok pati aur fir se fafak fafak kar roo padti hain...............uske dil ki vidmabana koi nahin samjah sakta tha.................
na hi sakshi usey khulkar kuch batana chahti thi.........aur na hi usey kuch karney ko bol rahi thi................5 minute tak kavita aise hi us jagah par foot foot kar roti hain tabhi uske kandhon par kisi ka haath mehsoos hota hain...............agle hi pal uske dil mein armaan fir se jal uthathey hain......shyayad apni beti se milne ki dubara se chaah mein................magar jaise hi wo apni gurden peechy ki taraf ghumati hain to uske theek peechay suresh khada tha jo usey bahut hi ajeeb si nazreion se dekh raha tha................
jaise hi suresh ki nazar kavita par padti hain aur jab wo usey roota hua dekhta hain wo bhi kuch pal ke liye mano thithak sa jata hain.............magar kavita apne aankhon se behtey un aansowon ko poochti hain aur apna mooh apne haathon se poochti hui apni jagah se uth khadi hoti hain..............uske dil ke armaan apni beti se aab aur milne ke bus armaan reh gaye they..................
" kya hua hain aapko aunti..........aap is tarah road par baithi hui roo kyon rahi hain..........aur aap kissey milne aayi thi..............main wahin ped ke kinarey chup kar aapko dekh raha tha aap na jane hawa mein kissey baatein kiye jaa rahi thi.....................aap jissey milney aayi thi kya aap ussey mili bhi ya nahin.............raat bahut ho gayi hain...........dekhiye 1 bajney wale hain.............sardi bhi badh gayi hain..........aab humein yahan se chalna hoga.............." aur suresh kavita ke haathon ko pakadta hua usey apni bike ke taraf le jane lagta hain wahin kavita bilkul chup thi...................poori tarah khamosh thi...............
jaise hi suresh apni bike ke paas aata hain wo apni bike ko ek zordaar kick marta hain aur agle hi pal uski bike ek hi baar mein start ho jati hain wahin suresh ke chehrey par khushi to jhalak padti hain magar utni hi zyada hairani bhi..............wo kavita ko bade gaur se dekhey jaa raha tha.............uske jehan mein kavita ki wo baat yaad aa gayi jo usney ussey bike se utartey waqt kahi thi........
bike ke chalu ho jane par kavita baith jati hain aur suresh fir tezi se apni ghar ke taraf chal padta hain................wo poorey raaste bhar badadta jaa raha tha.................kavita se sawal karta jaa raha tha magar kavita chup thi.................aakhirkaar jab wo apne ghar pahunchti hain to suresh ko bardaast nahin hota aur wo faryaad karta hua kavita se fir bol padta hain...........
" dekhiye aunti ji..........main aapke aagey haath jodta hoon..............bhagwan ke liye bus ek baar to bata dijiye ki aap is tarah se aise sunsaan jagah par kissey milne gayi thi............." aur suresh badi aas lagaye kavita ke chehrey ki taraf dekhney lagta hain wahin kavita kuch der tak khamosh rehti hain fir wo dheere se bol padti hain............
" main tumhein uska naam batungi to tumhein yakeen nahin hoga........is liye jane do suresh............apne kaam se kaam rakho............" aur kavita fir se apni baat tal deti hain magar suresh bhi aaj jaise zidd par aa gaya tha.................
" mera yakeen mano ......main kisi se kuch nahin kahunga...............kabhi koi baat nahin batunga................bus ek baar bata do ki.............." aur suresh badi utshukta se dubara kavita ki taraf dekhta hua fir se bol padta hain wahin kavita kuch der chup rehney ke baad dheere se bol padti hain............