UPDATE 35
Subah me apne routine se utha badiya fresh hua nahaya or chhat per chala gya. Aasan bichhaya or dhyan me baith gya. Or sabse pehle hi maine gurudev ka aavahan kiya.
Or mera aavahan karte hi gurudev ki aawaj mujhe aane lagi.
Main- pranam gurudev.
Gurudev- Ayushman bhav. Vats.
Main- gurudev vo kal raat me ek sapna aaya tha mujhe jannat hai ki kahi is sapne ka ishara us Divyastra ki taraf to nahi tha na.
Gurudev- tumhe kya lagata hai vats.
Main- mujhe lagata hai vo divyastra ka hi ek bhag tha jise maine sapne me dekha tha.
Gurudev- tumhara anuman bilkul satya hai vats. Divyastra ne tumhe apna swami chun liya hai. Isiliye usne tumhe us jagah ke darshan karaye jaha vo is waqt moujood hai.
Main- parantu gurudev jis jagah per vo ans moujood hai vo jagah to puri tarah band hai. Usme na to andar jane ka rasta hai or na hi bahar jane ka. Or Maine sapne me ye bhi dekha ki kuch logo ne us jagah ko tod kar rasta banane ki kosis ki to us ans ne baha moujood sabhi ko bhasm kar diya or uske baad us Puri jagah ko ek bade visfot se tabah kar diya.
Gurudev- iske aage kya hua.
Main- iske aage me kuch dekh pata usse pehle hi meri neend khul gyi. Kyuki vo visfot itna bhayanak tha ki uska kampan mujhe apne andar tak mehsus hua tha.
Gurudev- me samaj sakta hu. To jo tumne dekha hai Uska keval ek hi Matlab banta hai. Or vo ye hai ki agar koi bhi is ans ko prapt karne ki kosis karega vo ans un sabka vinash kar dega or us jagah se kahi or chala jayega. Taki fir use koi dhund na sake.
Main- to kya abhi vo usi jagah per hai jisko maine dekha tha.
Gurudev- ha vo abhi usi jagah per moujood hai.
Main- parantu gurudev me is gufa ke andar kaise jaunga. Or sabse pehle to ye ki me us pahad ko dhundu kaise. Yaha to kai pahad hai.
Gurudev- tumhe is bare me chinta karne ki jarurat nahi hai vats. Jab us ans tumhe apni jagah ka pata bataya hai. To vo khud hi tumhe is tak pahunchane ka marg bhi dikhayegi. Tum bas sabse pehle ye pata lagao ki vo jagah akhir hai kaha. Lekin apni shaktiyo se nahi balki apne dimaag ke istemaal se. Tumhe saansarik sadhanon ka istemaal karke use jagah ka pata lagana hoga. Fir hi tumhe aage ka rasta milega.
Main- theek hai gurudev. Aapane jaisa kaha hai me baisa hi karunga.
Gurudev- Or ha tumhe ek suchna or deni hai mujhe. Ki ab tumhe jyada satark rehne ki aavashyakta hai. Kyuki detyaguru shukracharya ko tumhe dhundne ke liye kuch shaktiya pradan ki hai. Or ab vo tumhara chehra dekh sakte hai. Agar unka koi bhi asur tumhare aaspass hua ya fir tumhari usse ladai hui. To vo tumhe pehchan sakte hai
Ye sunkar me bura chaouka.
Main- gurudev agar aisa hai to me kya karu. Kya unse ladna chhod du.
Gurudev- nahi tumhe ladna chhodne ki jarurat nahi hai. Agar unko tumhare bare me pata chal bhi jata hai tab bhi tumhe keval satark rehne ki jarurat hai. Or apne parivar or pore prithvi ke insanon ki suraksha bhi karni hai.
Main- me samaj gya gurudev. Me satark rahunga or unki har chal ko nakam karke dikhunga.
Gurudev- bahut hi badiya vats. Ab tum dhyan lagao.
Main- pranam gurudev.
Maine unhe pranam Kiya or vo chale gye or me dhyan me hi baitha raha or apna mantra uchharan karta raha.
Bahi karib 7 baje me dhyan se utha fresh hua or neeche chala gya.jaha filhaal sabhi log moujood the. Me bahi sofe per baitha or mami ne mujhe coffee di. Tab maine socha ki sabhi ko bata hi du
Main- mama me sham ki flight se bapis ja raha hu
Ye sunte hi mami or mama dono shok. Baki un dono ko to pata hi tha
Mami- kya hua tujhe. Jo achanak jane ka man bana liya.sab theek haina
Main- mami sab theek hai. Vo kya hai mera clg ka bahut syllabus peeche reh gya hai. Or abhi 2-3 hafto baad midsem exam bhi suru hone bale hai. Or meri tayyari kuch bhi nahi hai. Isliye mujhe Jana hoga taki kuch pad saku. Padai ka bahut loss ho raha hai
Mama- ha ye baat to hai. Theek hai ham rokenge nahi tumhe. Lekin ha chutkiyo me bapis aana padega. Or me pehle se hi office se chhuti lekar rakhunga taki tumhe waqt de saku. Is baar bilkul bhi time nahi de paya tumhe.
Main- koi baat nahi mama agli baar aaunga tab ye kasar bhi puri kar lena.
Mami- theek hai beta. Tum chale jayenge to yaad to aayegi lekin chala lenge ham.
Main- kya mami aap to senti ho rahi ho. Aisa karna abki baar aap sabhi baha per aajana. Mom se bhi milna ho jayega or sath me chhuti bhi. Kya kahto ho mama.
Mama- baise idea achha hai. Yahi karenge ham.
.tabhi mami ne mama ko kuch ishara kiya or mama fir mujhse bole.
Mama- beta tumhari mami or me tumhe ek gift dena chahte hai pls Mana mat karna
Main- kaisa gift.
Mama- vo jaisa bhi ho tumhe Lena padega. Bas.
Main- lekin batao to.ki gift kya hai.
Mami- beta gift Jo bhi ho use le lete hai ye nahi puchhte ki kya hai kya nahi.
Main- theek hai me le lunga. Ab to batao ki kya gift hai.
Mama- aao mere sath.
Mama ne meri aankho per hath rakha or mujhe kahi le jane lage. Or fir ek jagah per ruk gye. Or fir unhone meri aankho se hath hata liya. Or jab maine aankho ko khol kar samne dekha to baha per ek chamchamati brand-new car khadi thi.
MERCEDES BENZ AMG GT.
main- ye kya hai mama….
Mama- ek chhota sa gift.or tum ise mana nahi kar sakte. Tumhe Lena hi hoga.tumne abhi andar kaha tha
Main- lekin iski jarurat kya hai. Mere pass bike hai.
Mami- vo to hai hi. Lekin car nahi hai na. Mujhe pata chala tha ki tumhari car ko kisi ne tod diya tha. Isliye hi maine inko kehke car manga li thi.
Main- mami mujhe abhi cars ki kya jarurat hai. Kahi aana jana to hai nahi. Khadi rahegi be faltu me.
Mama- kyu clg to jate ho na. Bahi le jana. Or baise bhi dev Sinha bike per clg jaye ye achha nahi lagta isliye ab kki sawal nahi. Ye rakho chabi or sham ko ttum ise se jaoge ghar.
Mama or mami or sath me surbhi ne bahut kaha to fir me Mana hi nahi kar paya unko. Maine unka diya hua gift accept kar liya or unko thanks kaha. Car bakai me mast thi. Black colour me. Kehar dha rahi thi.
Uske baad mami ne nasta bagera diya or hamne sath me nasta finish Kiya or fir sabhi apni apni manjil ki or nikal gye. Ab ghar me keval me or mami hi bache hue the.
Sham tak me aise hi time pass karta raha. Thoda bahut mami ke sath gappe lagai or bas apne samaan ko pack kiya. Sham ko sabhi jab ghar per aaye to me ready hi tha Jane ke liye. Sabhi ne mujhe goodbye wish Kiya. Or me baha se nikal gya apni nai car me. Me karib 5 baje nikla tha. Or ek ghanta to mujhe delhi ko paar karne me hi lag gya. Uske baad highway per pahucha or car ko speed deke bhaga liya. Adhera hone laga tha dheere dheere or rasta bhi adhiktar Khali hi chal raha tha. Bas ikka dukka gadiya hi dikh rahi thi. Or kuch private buses.rasta jyada lumba nahi tha. Or me achhi speed se ja raha tha. Or bina koi tension ke aaram se me dehradun pahuch gya. Karib 8 baje tak. Highway se me ghar ki taraf nikla or aaj jab dehradun pahucha to aisa laga jaise verso baad aaya hu yaha per. Isse ye baat mujhe samaj me aagyi thi ki chahe puri dunia ghum lo lekin jab ham apne hometown me pehla kadam rakhte hai uski baat hi alag hoti hai. Or Ghar chahe kaisa bhi ho. Lekin vo hamare liye kisi jannat se kam nahi hota. Theek aisi hi feeling aa rahi thi mujhe. Background me swadesh ka title track baj raha tha. Pata nahi kaise. List me kaha se aaya ye song pata nahi. Lekin bilkul swadesh ke mohan Bhargav jaisi feeling aarahi thi mujhe. Khair yahi song sunte sunte me ghar pahuch gya. Guards ne jab anjan car ko dekha to gate nahi khola. Tab ek guess chakkar car ke pass aaya or jab usne mujhe dekha to turant hi sorry bol diya or gate khulwa diya. Or maine bhi uske kaam ki sarahna ki jise sunkar vo bhi kush ho gya. Or me andar chala gya. Car ko maine gate ke pass roka. Sara saman nikala to raju aagya. Usne madad ki kuch saman usne kiye kuch maine.
Main- or raju bhai kya chal raha hai aajkal.
Raju- bas
Main- ha ha ye mat bolna ki fogg chal raha hai….
Raju hasne laga.
Raju- kya bhaiya aap bhi. Sab badiya hai.
Main- achhi baat hai. Achha ye batao tifin dene jate ho pundit ji ko.
Raju- ha bhaiya kabhi me to kabhi dadu le jate hai.or aaj ka me de aaya hu.or pandit ji aapke bare me puchh rahe the.
Main- ha mil lunga kal unko.
Raju- dekhna sabhi aapko achanak dekhkar shok ho jayenge.
Main- isiliye to achanak aaya hu.
Ye baat karte karte ham andar pahuch gye.jaha dadu or mom deno ne mujhe dekha to shok hi ho gye. Kyuki unhe sayad ye ummid nahi thi.
Mom- tu aagya. Kya baat hai badiya surprise diya hai tune.
Dadu- ha Bhai maja hi aagya. Dill khush ho gya. Tere bina to sab suna suna lagta tha.
Main- koi baat nahi ab aa gya hu to sab pehle jaisa ho jayega.
Maine dono ke pair chhuye. Or aasirbaad liya. Fir dono ne mujhe gale lagaya. Dono se milkar me bhi khush tha.
Uske baad me kamre me gya fresh hua kapde change kiye or Jo gift me mom or dadu ke liye laya tha vo neeche le aaya. Or tabhi mujhe yaad aaya ki Raju or bakio ke liye kuch nahi le paya. Sala yaad hi nahi raha. To socha unko sellary bada kar de dunga vo sabhi apni pasand se kharid lenge.
Maine dono ko gifts diye. Jo unhe bahut pasand aaye. Mom ke liye badiya suit or dadu ke liye badiya stylish kurta. Like modi. Dono hi kush ho gye.
Main- dadu is mahine sabko thoda bonus de dena. Me unsabhi ke liye kuch le hi nahi paya. Bonus se ye khud le lenge apne liye.
Dadu- theek hai kal hi de dunga.
Mom- chal aaja khana kha le.
Uske baad hamne khana khaya. Or raat me Maine Prachi se baat ki or use bilkul nahi bataya ki me aagya hu. Usse kaha ki kal ya perso Tak aaunga. Jise sunkar vo or sad ho gyi. Lekin kl clg me use surprise jarur Milne wala tha itna tay tha. Aise hi usse baat karke me so gya.
Subah apne routine se utha dhyan lagaya or clg ke liye ready ho gya. Or neeche pahuch gya.
Maine badiya nasta kiya or Raju se kehke vo gifts Jo un teeno ke liye laya tha vo car me rakhva diye. Or unka aasirbaad leke nikal gya pehle chirag ke ghar.
Baha pahuchkar me seedha andar jane ke liye bell bajai or kismat se darwaja chiraag ne hi khola or mujhe dekhkar vo bhi pora shok ho gya.
Chirag- kya baat hai bro. Surprise ha. Maja aagya.
Main- maja to ayega hi.
Chirag- or Bata kaisa raha delhi trip.
Main- theek hi tha. Kafi bore hua baha per. Khair ye chhod or ye le gift tere liye. Or chal jaldi late ho rahe hai.
Chirag ne gift liye or unhe bahi khol liya. Or bas use vo watch kafi pasand bhi aagyi. Or usne bahi per pehan li. Or usne mujhe thanks bhi kaha.fir Maine uncle aunty se mila unka aasirbaad liya or nikal gye ham clg ke liye.
Raste me thodi bahut bak bak chalti rahi or ham pahuch gye clg. Parking me car ko park Kiya or lucky or Prachi ka wait karne lage. Thodi hi der me ek ek karke dono aagye or jaisa Maine socha tha Prachi to jaise statue hi ban kar ek jagah khadi reh gyi mujhe achanak dekh kar. Use sayad laga ki me uska koi bahem hu. Lekin nahi me sach tha. Me uske pass gya or use thoda hilaya to vo hosh me aai or mere gale lag gyi. Maine bhi use gale laga liya. Vo mujhe chhod ne ko ready nahi thi. To maine uske kaan me kaha.
Main- Prachi sab dekh rahe hai. Ham clg me hai. Chhodo mujhe.
Ye baat dimaag me jate hi vo mujhse door ho gyi.
Prachi- tum to kal ya parso aane wale the
Main- ha lekin fir socha ki jab mujhe sabhi itne dilo jaan se yaad kar hi rahe hai to bapis aajana chahiye. Isaliye kal sham me hi aagya tha.
Prachi- Matlab jab hamne bat ki thi tab.
Main- ha me yahi apne ghar per tha. Or maine socha subah tumhe badiya surprise diya jaye or dekho mera kaam ban gya
Prachi- sahi kaha tumne bakai me to surprise hi ho gyi thi. Thanks iske liye.
Chirag- bro I think class ka time ho gya hai.
Main- ha hame chalna chahiye.
Usme baad ham class me gye. Or time per pahuch gye. Un sir se pehle. Or mujhe class me dekhkar vo bbi thode surprise ho gye. Halaki unhone mujhe kuch nahi kaha. Or sham tak ham aise hi class attend karte rahe. Sham ko chhuti ke waqt Maine undono me gift unko diye jinhe dekhkar vo bhi kush ho gye or thanks bola. Or ham sab bye bolke chale gye Bapis.
Raste me Maine chirag ko chhoda or seedha pahucha mandir pandit ji se milne ke liye. Maine apni car park ki or uper mandir me jane laga. Jaise hi uper pahucha to dekh kar dang rehgya. Kyuki mandir ki halat kafi kharab bani hui thi. Saman bikhra pada tha or pandit ji kahi bbi dikhai nahi de rahe the. Maine aawaj lagai unko lekin koi bhi reply nahi aaya. To main mandir ke andar gya. Or baha ka najara dekh kar me hairan tha. Ki ye kya ho gya or kaise.
To be countinue………………..
