Fantasy दिव्यास्त्र.[The power of five elements](action,advanture,fantasy,magic,thriller) ( Completed )

[Rahat200]

Kia bat hy Bhai maza aa gia ab ap ki story hi asi hy k bolna to pray ga k
Waiting for next

 

[Aryanv]

UPDATE 40













Me kab tak dhyan me baitha raha iska mujhe thoda bhi andaja nahi tha. Me dhyan me puri tarah leen tha. Bas gurudev ke dwara diye gye mantra ka jaap karne me. Tabhi mujhe ek aawaj sunai di.

Aawaj bahut tez thi aisa lag raha tha ki jaise jiski vo aawaj hai vo mere samne hi khada hua hai. Un aawajo ki bajah se mera dhyan toot gya or Maine aankhe kholi to mere samne lagbhag 20-20 ft ke bahut hi lambe or bhayanak jeev khade hue the. Itne bhadde the ki dekh kar hi ulti ho jaye.vo mujhe ghoor rahe the. Or vo kul 4 the. Mujhe laga shayad ye vahi jeev hai jinke bare me is ELF ne bataya tha. Sayad sunghte hue aagye honge. Isliye me khada hua.



Main- kon ho tum sab.


Maine jor se bola taki meri aawaj unke kano Tak pahuch sake. Tabhi mere peeche se kisi ki aawaj aai is aawaj ko me janta tha. Ye ELF ki aawaj thi




ELF- ye bahi jeev hai jinke bare me Maine bataya tha. Ye tumhari bhasa nahi samjhenge.




Main- tum yaha kya kar rahe ho. Tumhe to yaha aane se mana kiya gya hai na.




ELF- ha lekin maine in jeevo ko tumhare pass aate hue dekha tha isliye me tumhari madad karne aaya hu.




Main- kis prakar ki madad




ELF- yaha se bhagne ki madad.



Main- me nahi bhagne wala kahi bhi. Agar tum inki bhasa jante ho to inko kaho ki agar apni jaan pyari hai to bapis lout jaye. Verna sabhi ka sarvnash kar dunga me.





ELF- tum samaj nahi rahi ho. Ye hame masal kar rakh denge. Or dusri baat inke pass amarta ka vardan hai





Main- ye sambhav nahi ho sakta. Is prithvi per koi amar nahi hai. Fir ye kaise ho sakte hai.




ELF- ye baisi amarta nahi hai. Drashal inko ye vardan hai ki ye kam se kam 1000 saal tak jinda rahenge. In salo me inhe koi nahi hara sakta or na hi unhe maar sakta hai. Isliye jab tak inki aayu samapt nahi ho jati ye ajey hai or amar bhi.






Main- agar aisi baat hai to bakai chinta ka visay hai. Fir bhi unse baat to karni hi hogi. Akhir ye chahte kya hai.





ELF- inhe bas apna bhojan chahiye jo ki ham hai.




Main- lekin inhone abhi tak ham per hamla kyu nahi kiya. Ye chahte to jab me baitha hua tha dhyan me tab hi mera kaam tamam kar dete.





ELF- kyuki ye usi per hamla karte hai jo pehle in per hamla karta hai. Agar ham aise hi shanti se khade rahe ya yaha se bhag jaye to ye hame kuch nahi karenge. Lekin agar hamne inke uper ek pathar bhi feka to fir hamara bachna na mumkin hai.





Main- fir to koi baat hi nahi hai. Main- bapis se dhyan me baith jata hu. Ye aise hi khade rahenge.hamla to karenge nahi





ELF- darashal isme bhi ek samasya hai. Inka prabhav bahut hi khatarnak hai. Ham na chahte hue Bhi in per hamla kar hi dete hai. Agar ye hamare samne rahe to inke prabhav se ham inhe kisi na kisi tarah Lalkaar hi denge. Or agar aap dhyan me baithenge to bhi ye shor machate rahenge taki aapka dhyan pora na ho.jaise unhone abhi kiya.





Main- to ab kya kiya jaye.





ELF- ek hi rasta hai. Bhag lo yaha se



Elf ki bato se mujhe bhi yahi lag raha tha ki bhagna hi sahi. Rahega. Lekin fir ye khyal aaya ki vo ans ko kaise paunga agar yaha se bhag gya to. Or gurudev ne bhi kaha tha ki dherya banaye rakhna hai. Lagta hai yahi hai vo pariksha jisme mujhe khara utarna hai. Isliye maine tay kiya ki me ab bina dhyan kiye hi yaha baithunga inke samane or inper hamla na karne ki kosis karunga or apna dherya banaye rakhunga.




Main- tumhara kehna sahi hai ELF lekin me yaha se kahi nahi ja sakta hu. Mujhe yahi per rukna hoga.





ELF- lekin kaise rukoge. Tum kisi na kisi tarah in per hamla kar hi doge. Or fir yaha yudh suru ho jayega





Main- me apne aap per pora niyantran rakhunga ki inper me bilkul bhi hamla na karu.baki jaisi mahadev ki ikchha.


ELF ne kafi samjhaya mujhe lekin me uski nahi mana or bahi per neeche baith gya. Lekin ELF ki baat jab maine nahi mani to vo pahadi se neeche chala gya. Or me bahi baitha raha. Ab mera samay bilkul bhi nahi kar raha tha mere samne vo charo ELF bhi baith gye the. Or intjaar kar rahe the ki kab me unper koi hamla karu. Lekin maine kuch nahi kiya. Halaki meri bahut ikchha ho rahi thi ki inse me ladu or inko dikh du ki me kya cheez hu. Lekin maine baisa nahi kiya apne man ko bahut hi kosis karke main kabu me rakhe hue tha. Lekin ye kab tak chalne wala tha pata nahi. Sayad jab tak ye jeev khud yaha se nahi chale jate. Dopehar se sham Hui or sham se raat. Mujhe na to bhook lag rahi thi na hi pyas. Bas me ek Tak unhe dekh raha tha. Or vo mujhe. Aise hi kai din nikal gye lekin me apni jagah se nahi hila.mera dimaag hilne laga tha mera gussa bad raha mere dimaag me pagalpanti chalu ho gyi thi. Lekin me kisi tarah use kabu me rakhe hue tha. Me nahi chahta tha ki dimaag ki ek galti sabhi per bhari pade isliye me data raha apni jid per kitne din pata nahi. Agar ginti ki jaye to karib 7-8 din. Lekin me baisa hi baitha hua tha. Or akhir kaar vo din aahi gya jab vo jeev apni jagah se hile or khade ho gye or bapis se us khai ke dusri taraf chale gye ek ek karke. Vo char the isliye ik din me ek hi jata tha or agla uske dusre din. Aise hi char Dino me baha se sabhi jeev chale gye. Sayad unki ummido per pani fir gya tha. Sabhi ke jate hi ELF mere pass aagya or usne mujhse kaha.





ELF- bakai me Tumne kamaal kar diya. Itne dino tak tumne jo dherya or sanyam ka parichay diya hai baisa koi nahi kar sakta is sansar me. Tum adbhut ho dev.




Main- tariff ke liye sukriya ELF. Lekin agar tumne mujhe saabdhan nahi kiya hota to me unse lad jata or sara kaam kharab ho jata. Isliye asal me tumhari madad ke bina ye sambhav nahi ho pata. Isliye tariff ke haqdar to tum ho.



ELF- mujhe jo sahi laga maine baisa hi kiya.



Abhi hamari bate chal hi rahi thi ki achanak se ek or aawaj mere Kano me padi.



Main- kon hai

Mere ye kehte hi mere samne ek Roshni utpann Hui.

Ye dekhkar us ELF ne bhi apne hatho ko jod us roshni ko pranam Kiya or baha se chala gya.


Maine apne hatho ko joda.



Aawaj- vats main prasann hu tumse.



Main- aapkon hai



Aawaj- vats me prithvi hu.



Main- pranam prithvi mata.



Prithvi- vats tumne apne dherya ka bahut hi khub parichay diya hai. Tumne un jeevo ke samne baith kar unper bina hamla kiya samay nikala hai. Or tum chahte to unper hamla kar sakte the ya fir jab is pahad ko tod kar andar bhi ja sakte thi. to tumne baisa Kiya kyu nahi.





Main- mata Maine apne swapn me dekha tha ki jo bhi is pahad ko todne ki kosis karta hai uska vinash ho jata hai. Or mere gurudev ne bhi kaha tha ki keval apna dherya banaye rakhna. Isliye maine kuch bhi nahi kiya.





Prithvi- matlab agar tumhe vo swapn nahi aaya hota to tum isko todne ki kosis karte.




Main- nahi mata. Me bahi karta Jo mujhe gurudev kehte. Agar vo todne ko kehte to me todta. Parantu unhone shaktiyo ka istemaal karne ko mana kiya tha. Isliye maine keval pratiksha ki. Taki koi rasta mil sake mujhe.






Prithvi- achha vats tumhe agar vo ans mil jata hai to tum usse kya karoge.




Main-mata gurudev ke anusar Mera janm asuro ke vinash ke liye hua hai. Or is divyastra ko sambhalne ke liye. Taki koi bhi buri shakti ke hatho me ye vinashkari shakti na aaye. Isliye me nahi karunga jo mera dayitv hai jiske liye mera janm hua hai.






Prithvi- vats tumhe gyat hai tum kabse yaha ho.




Main- mata sayad 12-14 divas ho chuke honge.





Prithvi- sahi kaha vats. Or tum itne dino se bina bhojan or panj ke aise hi baithe hue ho. Maine tumhe dekha hai. Tumne ek pal ke liye bhi apna Dhyan bhang nahi kiya. Or tumhare is samarpan se me prasann Hui. Or isi liye main khud tumhare pass aai hu. Tumhe tumhari majil Tak pahuchane ke liye.





Main- ye to Mera sobhagya hoga mata.jo aapke divya Roshni ke darshan hue mujhe. Me aapko sat sat naman karta hu mata. Or sare prithvi vasiyo ki taraf se aapse shama mangta hu. Kyuki manusyo ne aapko bahut nuksan pahuchta hai. Or aapko dhanyabaad deta hu ki aapne har jeev ko apne andar isthan diya hai. Aapne sabhi ko hamesha hi shama daan diya hai.





Prithvi- tum sach me mahan vo vats. Me prasann hu tumse. Aao ab me tumhe tumhari majil Tak le jati hu.




Uske baad roshni itni jyada bad gyi ki mujhe sab kuch dikhna band ho gya. Sirf safed roshni ke aalwa kuch nahi tha mere aas pass. Or thodi hi der me vo roshni kam ho gyi or jab kam hui to Maine apne aas pass dekha to me kisi gufa jaise band kamre me aagya tha. Jo bilkul baisa hi tha jaisa Maine aapne me dekha tha. Maine apne peeche mud kar dekha to vo ans apni roshni bikher raha tha.




Prithvi- vats yahi hai vo mahan divyastra ke ek ans. Jinka kaam or naam prithvi hi hai. Ye mere hi ans ka ek chhota sa bhag hai.




Ye sunkar Maine us ans ko pranam Kiya.




Main- mata ab mujhe kya karna hoga.




Is per vo hasne lagi.



Prithvi- vats tum sach me bhole ho. Jao or jakar us ans ko apne hatho me le lo baki ka karya vo khud kar lega.




Main- jo aagya mata.



Main apne hatho ko jod kar aage bada jaise jaise us roshni ke karib aaraha tha mera man or bhi jyada shan't hota ja raha tha. Me us ans ke bilkul karib pahuch gya. Or Maine unhe fir se pranam Kiya or uske baad apne hath ko aage badaya or ans ke neeche apni hatheli ko khol diya. Aisa karte hi vo ans meri hatheli per aagya. Or aate hi vo ans mere hatho se hota hua seedha.mere sarir ke un hisso me sama gya jo hamare sharir me prithvi ko darshate hai. Jaise ki hamari haddiya,dant,maas or hamari chamdi. Or in ans ke pravah se mere ye sabhi hisse ek dam se atoot ho chuke the. Inko ab chahe kuch bhi Kyu na unhen itni si bhi kharch nahi aane wali thi. Halaki ye shaktiya pehle se thi mere andar lekin pehle unki limit thi lekin ab koi limit nahi hai. Lekin ek sawal bhi aaraha tha mere man me.



Main- mata ye to divyastra ke ans hai. Fir ye mere andar Kyu sama gaye.




Prithvi- vats ye ans divyastra ke andar hi samaye hai.



Main- me samjha nahi mata.




Prithvi- vats kehne ka arth ye hai ki jab tak is divyastra ke panchon bhag jaagrit nahi ho jate. Tab tak har bhag tumhare andar hi nivash karenge. Or jab uske sabhi bhag tumhare andar samahit ho jayenge tab ye bhag fir se jud jayenge tumhare sarir me. Or ek sampurna divyastra ka roop le lenge. Jiska tum jab chahe tab istemaal kar sakte ho.



Ye sab sunne ke baad me sari bate samaj gya.




Main- me samaj gya mata. Parantu mata ab me 7 Dino se yaha hu to mere dost or pariwar wale sabhi chintit ho rahe honge mere liye.




Prithvi- nahi vats. Tum apni shakti se usi samay me bapis ja sakte ho jab tum gayab hue the.




Main- kya ye prakriti ke niymo ke khilaaf nahi hoga.




Prithvi- nahi vats. Tum abhi jis hisse me ho yaha samay alag tarah se karya karta hai. Tum apni shaktiyo ke istemaal se usi samay me bapis ja sakte ho.isse koi bhi niyam nahi tutega.




Main- theek hai mata aapka bahut bahut abhaar jo aapne mera margdarshan Kiya.




Prithvi- ye mera farz tha vats. Ab jao or samast jeevo ka kalyan karo. Vijayi bhav.




Ye kehke vo chali gyi. Or uske baad maine apni aankho ko band kiya or apni teesri aankh se mujhe bapis le jane ko kaha maine apne hotel ka smaran Kiya. Or agle hi pal me apne kamre me tha. Maine time dekha to abhi subah ke 7 baj rahe. The. Matlab ki main 7 baje us gufa ke bahar tha. Or iske baad hi me andar gya tha. To me usi samay per yaha bapis aagya.




Ab mere pass ek ans aachuka tha or ab me janta tha ki khtra or bad gya hai. Asur mujhse ise chhenne ka prayas to jarur karenge kisi na kisi tarah. Ab isliye mujhe jyada sabhdaan rehna padega.







Bahi duri taraf shukracharya ka dimaag ghum gya tha. Kyuki unhe ye pata chal chuka tha ki pehla ans us shakti ke hath lag chuka hai. Lekin abhi tak unhe us shakti ke bare me kuch bhi pata nahi chala tha. Kyuki jab se unhe ye pata chala ki ans jaagrit ho chuka hai tab se hi unke sare asur us pahad ki khoj me lage hue the. Kyuki jis jis ko bhi us astra ki lalsa thi. ASTRA ne un sabhi ke sapne me jake apne jaagrit hone ka or apni jagah ke bare me bataya tha. Jaise dev ko bataya tha vaise hi shukracharya ko bhi bataya tha. Or unhone sare kaamo ko chhod kar uski khoj jari kar di thi. Or dev ke bare unhe pata karna tha lekin pehle us ans ka pata karna tha. Lekin ab bo nakamyaad ho chuke the. Isliye boura(pagla) gye the.
Isliye unhone apni sari shaktiyo se dhyan me ye pata Kiya ki us ans ki jyoti kis jagah per jyada chamak rahi hai. Jo ki pachmadi hi thi. Kyuki dev bahi tha. Isliye unhone apne asuro ko baha per bhej diya or mayasur ko bhi. Taki vo koi chhal kapat kare ya kuch bhi kare lekin vo ans usse bapis le aaye. Ab mayasur or uske sath Kai asur or dev or uske sath uske dost sabhi is waqt pachmadi me the. Bahi shukracharya ne yagya se prapt divyadristi ko jaagrit Kiya or apne asuro ko dekhne lage. Kyuki unhe ye pata tha ki jaise hi vo shakti kisi asur ke sampark me aayegi unhe us shakti ka chehra dikh jayega or sath me uski jaankari bhi.






Bahi devraj or sare devta ye dekh rahe the or thode chintit bhi the ki ab aage kya hone wala hai. Or brahmadev ne unhen dev ki madad karne se rok diya tha. Vo chahte the ki dev khud hi apni or sabki madad kare. Isiliye Devraj thode jyada chintit the. Kyuki unhe ek bheesad yudh ki aasanka ho rahi thi.



Pawandev- Devraj hame kam se kam arnav ko saavdhan kardena chahiye.




Indradev- mujhe bhi yahi lagta hai lekin han filhaal kuch nahi kar sakte. Brahmadev ka aadesh hai kisi bhi prakar ki madad hamari taraf se nahi mili chahiye arnav ko. Isaliye ham dekhne ke aalwa kuch nahi kar sakte hai. Bas mahadev se prarthna karo ko dev is mushkil ka jaldi hi koi hal dhundle or sabhi asuro ka vinash kar de.




Ye sunne ke baad baki devgad bhi apne hatho ko jod kar mahadev se prarthna karne lage. Ki arnav ki raksha kare. Halaki vo khud bhi jante the ki arnav ye sambhal sakta hai. Parantu unhe chinta to ho hi rahi thi. Jiska koi ant nahi tha.






Bahi karib 9 baje tak sabhi jaag gye. Unki sari thakan bhi mit gyi thi. Sare log ready hoke neeche pahuche. Hamne pehle to pet bhar nasta Kiya or uske baad hamne thoda ghumne ka plan banaya ki kaha kaha Jana hai. Baise to bahut jagah thi yaha dekhne ke liye. Lekin hamne kuch khas jagaho ka chayan kiya. Jaise pandav cave, silvarfall,national park or kuch hills or kuch mandir. Hamne hotel se ek guide ki mang ki jo hame sari jagah ghuma sake. To unhone ek aadmi ko hamare sath kar diya. Or han nikal pade. Vo hame sabse pehle pandav cave le gya or uske baad national park. Jaha hamne kai jaanvaro ko dekha. Or uske baad amgye ham seedhe jharne per jaha ka manmohak drishya dekh kar hamari sari thakan mit gyi. Or lucky or chirag to apne kapde utaar kar turant hi baha nahane chale gye. Lekin Prachi bhi sath me thi isliye me nahi gya. Us bahi ek chattan per baith gya. Or mere sath Prachi




Prachi- tum bhi jao naha lo.



Main- fir tum akeli yaha kya karogi.



Prachi- kya baat hai mere liye itni badi kurbani



Main- kya kare ab dosti ki hai to kurawani to deni hi padegi. Baise tum batao kya chal raha hai aaj kal. Kafi time se baat hi nahi hui hai tumse.




Prachi- chalo tumhe kamse kam yaad to aaya.




Main- ha aab aagya to Bata do. Baise clg me koi pasand aaya kya.




Prachi- ha ek ladka hai thoda akdu sa. Bahi mujhe pasand aagya hai.




Main- kon hai vo dukhnaseeb.




Prachi- kya dukhnaseeb.




Main- ha bhai. Ab tumne use pasand kiya hai to dukhnaseeb hi hua na. Kyuki tum to uski band Baja ke rakh dogi.





Prachi- very funny.


Or Prachi ne apna muh dusri taraf kar liya. Or me man hi man hasne laga.




Main- ok ok I m sorry. I m just joking.




Prachi- theek hai koi baat nahi. Tum batao delhi me koi pasand aayi kha.




Main- Delhi me to nahi lekin ek ladki hai jo pasand aai hai. Lekin mamla abhi aage nahi bada hai. Baki dekhte hai kya hota hai aage




Ye sunte hi Prachi ka chehra ek dam se latak gya use kuch samaj me nahi aaya ki aage kya bolu.




Main- kya hua muh kyu latak gya.



Ye sunte hi usne dusri taraf chehra kar liya or boli. Jaise mujhse najre chhipa Kar.




Prachi- kuch nahi. Baise kon hai vo mujhe bhi batao. Sayad me koi help kar saku.




Main- jab baat kuch banti dikhegi tab bataunga tumhe or milwa bhi dunga.




Prachi- kya yar mujhe to bata hi sakte ho. Koi hint hi de do.





Main- theek hai ab itna keh rahi ho to bata deta hu. Vo hamari hi class me hai.




Ye sunte hi uski sari ummid hi tut gyi. Use laga jaise uska sab kuch chhin gya ho. Or vo baha se uth gyi.



Main- kaha ja rahi ho.



Prachi- I m not feeling well. Me hotel bapis ja rahi hu.



Main- theek hai me bhi chalta hu.



Prachi- nahi me bo guide ke sath chali jaungi.


Ye kehkar usne guide ko bulaya or use hotel bapis chhodne ko kaha.


Maine bhi use kaha ki use hotel bapis le jau.



To guide baha se chala gya Prachi ko leke hotel.



Main- (man me) sorry Prachi. Lekin tumhara yaha se jana jaruri tha. Kyuki yaha kuch bhayanak hone wala hai or me nahi chahta ki tumhe koi nuksan pahuche.



Ye kehkar me us jharne ke pass se chupke se jungle ke andar chala gya. Vo dono filhaal nahane or masti me byast the. Unhe koi khabar nahi thi ki me kaha hu ya Prachi kaha hai. Jo achhi baat thi mere liye.



Me jungle me aaya or apni aankho ko band kiya. Or teesri aankh se dekhne laga ki kahi yaha aaspass asur to nahi hai. Kyuki mujhe unke hone ka ehsas ho raha tha. Or jo kavach Maine prithvi ke uper banaya tha usse bhi mujhe jaankari mili thi ki kuch asur prithvi ke andar aaye hai. Or meri unper tabhi se najar bani hui thi. Or vo seedhe isi ilake me aaye the. Or unke aate hi or asuro ke pass hone ke sanket Milne lage. Jo yaha moujood logo ke liye sahi baat nahi thi.

Khair mujhe vo sare asur dikhne lage the. Vo mujhse jyada duri per nahi the. Lekin mujhe inko is ilake se door le jana tha. Isliye maine khud ko gayab Kiya or unki opposite direction me udd gya. Taki sabko us disha me bula saku.











To be countinue………………..

Awesome update

 

[Shahrukh]

Awesome update bhai

 

[Agrawal ji]

राहुल भाई आज ही आखिर के १५ अपडेट एक साथ पढ़ा क्या बैंड बजाई मायासुर की शुक्राचार्य तक की बत्ती गुल कर दी बंधु
देखते है इस बार देव कैसे असुरों की धनिया बोता है
अगर पॉसिबल हो तो रात में एक और अपडेट की प्रतीक्षा रहेगी

 

[Black water]

Awesome update

 

[DEVILWANTED]

awesome update hai bro...

gjb ka plot hai...

keep update

 

[darkoxx]

Nice update

 

[Raja thakur]

Awesome update

 

[Scorpionking]

Jabardast update bhai maza aa gaya.

 

[Govindsonic]

Sandarrrr update bhai