Ritima
Banned
- 293
- 1,015
- 139
Excellent updateUPDATE 34
GURUDEV- tehro vats ye kya kar rahe ho tum.
Main- pranam gurudev aap is waqt.
Gurudev- me to har waqt tumhare sath hi rehta hu. Ab tum ye batao ki ye kya kar rahe ho tum.
Main- gurudev me ek kavach bana raha the is prithvi per. Taki ab fir koi asur yaha aake tabahi na macha sake.
Gurudev- parantu vats agar vo yaha aayenge nahi to tum unka badh kaise karoge.
Main- unka vadh to me prithvi ke bahar bhi kar sakta hu gurudev. Per agar vo yaha aaye to bina bajah Masum log mare jate hai. Sirf is liye kyuki vo mera pata lagana chahte hai.
Gurudev- tumhara sochna uchit hai vats. Parantu ye koi Hal nahi hai. Tumhe kya lagta hai ye kavach kya koi or nahi bana sakta. Agar ye sahi faisla hota to bahut pehle hi aisa ho chuka hota. Jara soch kar dekho. Is bare me. Tum ek tarah se is pore sansar ke chakra me rukavat lane wale the.
Main- aapka kehna uchit hai guruvar. Per jab log marte hai bina bajah ke vo mujhse dekha nahi jata hai. Me kya karu iske liye.
Gurudev- vats ye kavach banana iska hal nahi hai. Per ha ek upay hai. Tum kavach na banakar kuch aisa chakra banao jisse jab bhi koi asur prithvi per pravesh kare to tumhe uske bare me turant hi suchna Mil jaye. Or tum satark ho jao.
Gurudev ka ye vichar mujhe sahi laga.
Main- dhanyabaad gurudev aapne meri samasya ka samadhan nikal diya. Isse me un detyo per bajar rakh paunga. Or agar vo kuch galat karne ka prayas karenge to unko sabak bhi sikha paunga.
Gurudev- bilkul vats. Or agar logo ke marne se tumhara man vichlit ho to ye sochkar chalna ki tumhara jeevan ka uddesya kya hai. Or jab koi bada lakshya hamare jeevan me hota hai to hame kurabani to deni hi padti hai. Fir vo kisi bhi surat me ho sakti hai. Or iska jeeta jaagta udaharan hai SHRI KRISHNA ka jeevan. Tumhe ye to pata hi hoga ki Bhagwan Shri Krishna hamesha har pristhiti me apna sanyam banaye rakhte the. Or chehre per ek manmohak muskan jise dekhkar sabhi ka hriday bhar jata tha. Or ye bhi yaad rakho ko unhone apne pore jeevan me kitne balidaan diye hai. Sabse pehle to unhe apne mata pita se vichadna pada. Apne hi mama ka vadh karna pada. Or sirf 11 vars ki aayu me unhone Sara ghar baar chhod diya or unke pyare gokul vasiyo se door ho gye. Apne mitra or sakaho se door ho gye. Or fir lout kar bhi nahi aapaye kabhi. Or uske baad apne hi bua ke parivar ka vinash dekha unhone.
Unka jeevan kitne sangharsho se bhara hua tha. Tumhe unke jeevan se seekh leni chahiye. Or mujhe ummid hai ek baar tumne unke jeevan se prerna le li. Fir tumhe jeevan me kabhi bhi dukhi nahi hona padega.
Ye sab bate sunkar Mera mind pora blank ho gya tha. Kyuki gurudev ki kahi har baat sahi thi.
Gurudev- or vats ek baat ka or smaran rakho ki tum sabhi ko nahi bacha sakte. Lekin tum jyada se jyada logo ko bacha sakte hai. Or tumne abhi tak ye sab bahut achhe se kiya hai. Jara socho ki agar tum samay per kuch nahi karte to kitne hi or mare jate. Lekin tum apna shourya dikhaya or jyada se jyada logo ko bacha liya. Bas yahi soch kar tumhe aage badna hai.
Main- gurudev aapki kahi gyi har ek baat seedhe mere hriday me utar gyi hai. Me hamesha ye bate yaad rakhunga jo aapne kaha hai. Or use hi apna jeevan ka mul mantra banaunga.
Gurudev- mujhe tumse yahi aasha hai vats. Apne jeevan ke karya ko safal karo. Or jab bhi man vichlit ho to Mujhe pukaarna me aajaunga tumhare man ko shant karne ke liye.
Main- me yaad rakhunga gurudev.
Gurudev- tumhara kalyan ho vats.
Maine gurudev ko pranam Kiya or dhyan se bahar aagya. Or sochne laga ki gurudev ne kitni badi bato ko kitni aasani se samjha Diya. Ab mera man thoda shan't hai or andar se achha bhi feel ho raha tha. Or ab samay tha kuch aisa karne ka jiske bare me gurudev ne kaha tha
Maine fir se apni aankho ko band Kiya or thirdeye ko open kiya. Or usse kuch aisa kavach banane ko kaha jisse koi bhi asur agar prithvi per aaye to mujhe uski suchna turant hi mil jaye. Ek aisa adrishya kavach Jo kisi ko koi nuksan na pahuchaye vas asuro per najar rakhe.
Mera aisa sochte hi layer nikalna start ho gyi. Or isbaar ye layer seedhe meri thirdeye se nikal rahi thi. Or badalo ko cheerti Hui aakashganga me fail rahi thi.
Dheere dheere us layer ne pori prithvi ke charo taraf ek adrishya ghera bana liya. Or aisa hote hi achanak se mujhe kuch asure ke sanket mile. Jo alag alag vesh me isi prithvi per nivash kar rahe the. Mujhe karib 1000 se jyada asuro ke sanket mile jo alag alag jagho per vichran kar rahe the bilkul aam insano ki tarah. Or inke yaha aane ka jo maksad tha vo ek hi tha ki us divyastra ki khoj ki jaye. Ab mujhe ye samaj me nahi aaraha tha ki in sabka Kiya kya jaye. Inko maar du ya fir sahi samay ka wait karu. Yani ki divyastra ka.
Me janta tha ki ye nirnaye mujhe hi Lena hoga. Isme gurudev mujhe yahi kahenge ki jo dill keh raha hai uski baat mano. Or mera dill keh raha tha ki in asuro ne kal varsho se koi bhi aisa kaam nahi kiya hai jiski bajah se inhe mara jaye. Lekin dimaag keh raha tha ki Inka kya bharosa kal ko kuch bhi kar sakte hai.
Mere dill or dimaag dono ke beech Jung chal rahi thi ki Inka kya kiya jaye. Or akhir kaar bahut sochne ke baad maine ye nirnaye liya ki filhaal in per najar hi rakhi jaye. Agar inme se koi bhi galat kaam karta paya gya use usi waqt nipta dunga.
Yahi sochkar Maine dhyan ko samapt Kiya. Kyuki ab kavach ban chuka tha or ab koi or kaam to tha nahi. Bas aaram karna tha. Kyuki 2-3 rato se theek se soya nahi tha me. Isliye me seedha kamre me pahucha or sone chala gya.
Kahi kisi anjan jagah per ek bahut hi chamkeeli cheez chamak rahi thi. Jaise koi madi ho. Uski roshni bahut hi suhavani thi. Ye madi hawa me latki hui thi. Or gol gol ghum rahi thi apne aap. Ye jagah konsi thi pata nahi lekin ye madi ek gufa me chamak rahi thi. Or iska ujala itna tha ki us pori gufa ko roshni de raha tha. Lekin gufa ke bahar nahi. Kyuki gufa pori tarah se pack thi. Matlab is gufa ka koi bhi pravesh darwaja nahi tha. Iske andar kaise jaya jaye ye kisi ko pata nahi tha. Or aisa bhi nahi hai ki koi chattan ne is gufa ke darwaje ko dhak liya ho. Balki ye ek band kamre ki tarah tha. Jisse bahar jane ka koi bhi rasta nahi tha. Na to koi khidki or na hi koi darwaja. Or dusri taraf kuch ajeeb se log us gufa ke bahar khade the or un patharo ko todne ki kosis kar rahe the. Jaise vo us gufa ke andar Jana chahte hai. Kafi log lage hue the baha per lekin koi bhi safal nahi ho pa raha tha un patharo ko todne me. Tabhi us madi me se roshni ki ek kiran un patharo ko cheerte hue bahar nikli jise dekhkar baha khade sabhi log hairan ho gye. Unhe apni aankho per bharosa nahi ho raha tha ki ye kiran in patharo ko cheer kar bahar nikal aai hai. Lekin agle hi pal us kiran ne apna aakaar badana suru kiya. Jise dekh kar baki sabhi or hairan hone lage ki ye kya bo raha hai. Or uske agle hi pal us kiran se itna ujala hua jisme baha khade sabhi log ek tarah se andhe ho gye. Ab baha keval ujale ke kuch nahi dikh raha tha. Or fir vo ujala dheere dheere kam hona suru hua. Kuch hi sec me baha per pora andhera chha gya or vo kiran bhi pori tarah se gayab ho gyi. Or jo log bahar khade the. Ab unki jagah keval rakh ka dher bacha tha. Matlab ki us kiran ne sabhi ko bhasm kar diya tha.
Tabhi us jagah ki ek halki si chhabi najar aai or achanak se bahut hi bada visfot hua. Jisme us jagah ke parkhache udd gye. Vo sari gufa or baha moujood pathar sare kankad me badal gye.
Or itna bhayanak vishfot tha ki kisi ki bhi aatam kaamo jaye ye dekhkar.
Tabhi achanak se meri aankhe khul gyi or me uth kar baith gya
Mera pura chehra is waqt pasine me latpath tha. Tabhi mujhe yaad aaya visfot ka or me charo taraf dekhne laga maine turant hi room ki khidki khol kar bahar dekha. To mujhe sab normal dikha charo taraf ghanghor andhera chhaya hua tha. Mera mind thoda reset hua or mujhe yaad aaya ki me to so raha tha. Matlab ki ye sab ek sapna tha. Lekin ye Sapna aaya Kyu. Kahi iska koi Matlab to nahi hai. Baise jo jagah dikh rahi thi vo ek pahad jaisa tha. To ho sakta hai kisi pahad me visfot hua hoga. Lekin kyu. Or kaise.or Jo madi dikh rahi thi vo kya cheez thi.
Mujhe kuch bhi samaj me nahi aaraha tha ki is sapne ka u aana kya sandesh laya hai. Mujhe itna lata tha ki is aapne ka koi na koi mahatva to jarur hai. Lekin kya?
Bahut sochne per mujhe vo divyastra ki yaad aai. Or gurudev ki baat bhi ki vo bivajit ho gya tha. Alag alag bhago me. To kahi ye jo madi dikh rahi thi. Vo usi divyastra ka hi to bhag nahi hai.
Ye soch dimaag me aate hi mera vision clear ho gya or mujhe samaj me aagya ki iska divyastra se koi na koi connection hai. Or iske bare me vistaar se keval gurudev hi samjha sakte hai. Kal pratah. Unhi se puchhunga me.
Ye nirnay Maine liya or uske baad maine thanda pani piya apna chehra saaf kiya or diwara sone ki kosis karne laga.abhi raat ke 3 baj rahe the.mujhe 5 baje tak hi uthna tha matlab 2 ghante baad. Isliye aaram se so gya. Lekin man me us aapne ka khayal aate hi rahe. Or pata nahi kab meri aankh lag gyi.
Bahi dusri taraf shukracharya apna yagya kar rahe the. Raat me hi unka yagya bhi suru hua tha. Ek ke baad ek ahuti vo dete ja rahe the. Or jab pori 100 aahuti ho gyi. Uske baad shukracharya kuch mantro ka ucharan karne lage. Kafi der tak vo lagatar mantra ka path karte rahe or akhir kaar yagya kund se ek bhayankar jwala nikli jiski lapto ne shukracharya ki aankhe khol di. Unhone aankhe khol kar dekha to vo lapat ne ek akriti bana li thi. Jo dekhne se kisi devi ki hi lag rahi thi. Shukracharya ne un devi ko pranam kiya.
Devi- shukracharya kahiye aaj mera aavahan Kyu kiya hai aapne.
Shukracharya- mata is sevak ka pranam SWIKAAR kare.
Devi- swikaar Kiya.
Shukracharya- mata ham asuro per sankat aagya hai. Parantu hame us sankat ke bare me kuch bhi gyat nahi hai. Hamari sari kosiso ko bifal kar de raha hai. Kisi shakti ka janm hua hai prithvi per. Mujhe uske ware me janna hai. Vo kon hai kiska Avtar hai ya fir kisi shakti hai uske pass. Or uska badh ham kaise kar sakte hai. Mujhse sab kuch janna hai.
Devi- shukracharya tum kitne vivash ho gye ho. Mujhe tumse aise aasha bilkul nahi thi. Tum khud us shakti ka pata lagane me saksham ho. Fir bhi tumne Mera aavahan Kiya.
Shukracharya- devi. Hamne kai kosise kar ke dekh li hai. Badle me hamare vo asur mare gye hai. Per hame safalta bilkul nahi mili hai. Isiliye maine aapka aavahan Kiya hai. Kripa karke hamara margdarshan kare.
Devi- me dekh rahi hu tumhari kosiso ko. Tumne apna pora jor fir bhi nahi lagaya hai. Tum bas 1-2 haar se ghabra gaye ho.
Shukracharya- kuch aisa hi samaj leejiye mata. Jab mere itne shaktishali asur uska kuch nahi bigaad paye to Maine or kya kar sakta hu.
Devi- theek hai shukracharya ab me aai hu to tumhe kuch na kuch bata kar hi jaungi.
Shukracharya- aapki kripa hogi mata.
Devi- jis shakti ki tum baat kar rahe ho. Uska sambandh saakshat mahadev se hai. Or me tumhe ye bhi bata du ki tumhara koi bhi asur use parajit nahi kar sakta hai. Chahe vo kitni hi shaktiyo ka prayog kyu na kar le. Isliye tumhe kuch or sochna hoga us shakti ke liye. Or iska janm hua hai us divyastra ke liye. Or vo divyastra pa kar hi rahega. Tumhe agar vo divyastra prapt karna hai to tumhe apna pora jor lagana hoga. Abhi vo shakti thodi Kam takatvar hai kyuki uski shaktiya seemit hai. Lekin agar ek baar vo divyastra usne prapt kar liya fir uski shaktiyo ki koi Seema nahi hogi. Or us douran me yahi kahungi ki apni jaan bachane ke bare me sochna. Bhool kar bhi uske samne mat jana Verna kaam khatm samjho.
Ye sab sunkar shukracharya ki dhadkane tezi se badne lagi thi.
Shukracharya- mata vo kaisi dikhti hai. Ham use kaise dhunde. Or sabse jaruri ki use kaise haraya ja sakta hai.
Devi- vo shakti filhaal ek balak ke rup me hai prithvi per. Or use dhundne ke liye Bharat ke Uttar disha me prayas karo. Or use pehchanne ke liye me tumhe divyadristi pradaan karti hu. Tum isse usko pehchan paoge or dekh paoge. Lekin tabhi jab vo tumhare ye tumhare asure ke aaspass moujood hoga. Or rahi baat uske kaise haraya ja sakta hai. To me kahungi ki prayas karte raho. Sayad tum safal ho jao. Or fir bhi na ho to use harane ke bare me nahi balki apne vash me karne ke bare me sochna. Tumhe tumhara jawab mil jayega.
Uske baad devi ke hath se ek chhoti si lo billi or shukracharya ki aankho me sama gyi. Or is dristi se vo dev ko dekh sakte the jab bhi bo kisi asur ke aaspass hoga. Pehle unhen dev ki jagah per ek tez prakash dikhta tha. Lekin ab dev ki shakl dikhegi.
Ye sab jaankari prapt karke shukracharya bahut kush the. Unhone devi ko pranam kiya or aisa karte hi dev bapis se agni kund .me chali gyi. Or unke jate hi shukracharya kush ho gye kyuki unhe bahut hi bahumulya jaankari mil chuki thi is shakti se judi. Or uska tod bhi mil chuka tha. Lekin ye baat to vo bhi jante the ki is shakti ka sambandh swayam mahadev se hai. To isaka matlab ye tha ki shakti ko kabu karna ya harana lagbhag na mumkin hai. Lekin kosis to kar hi sakte hai.
Bahi ye sab guru parsuram ji ko pata chal gya ki shukracharya ko dev ke bare me kafi jaankari mil chuki hai devi se. Or vo isko leke chintit bhi ho gye the. Unhe ab chinta satane lagi thi ki agar dev ka raaj khul gya to sabhi per bahut bada sankat aajayega. Or unhe iska koi Hal bhi nahi mil raha tha. Isliye vo seedhe nikal gye kailash pervat ke liye. Mahadev se milne ke liye.
Halaki abhi raat thi. Lekin vo brham kaal Tak baha pahuch jayenge. Yahi soch kar vo nikal pade.
Bahi devraj ko bhi iski jaankari mili. Or unhone brhma ji ke pass Jane ka nischay Kiya. Subah sabse pehle.
Bahi main aaram se so raha tha in sab se bekhabar. Apni neend ka aanand le raha tha.
Subah ke 4 baje tak gurudev mahadev ke samne pahuch gye. Abhi mahadev apne dhyan me leen baithe hue the. Isliye gurudev ne mahadev ki istuti karna prarambh kar diya.
Kafi der tak gurudev mahadev ki istuti karte rahe. Tab Jake mahadev ne apni aankho ko khola.
Gurudev ne mahadev ko pranam Kiya. Or mahadev ne unhe aasirbaad Diya.
Gurudev- mahadev sankat aane wala hai arnav per.
Mahadev- ham jante hai persuram.
Gurudev- fir iska koi upaay bhi bataiye bhagwan. Shukracharya ke man me ab jo vichar chal raha hai. Agar vo sach me parivartit ho gya to anarth ho jayega.
Mahadev- persuram arnav ki ab kathin pariksha suru hone wali hai. Use in sabka hal khud hi dhundna hoga. Or aap to jante hi hai ki vo aisa karne me saksham hai. Shukracharya ke man me jo vichar aaya hai vo unke anusar theek hai. Or sach kahu to yahi ek tarika hai arnav ko jeetne ka. Parantu vo mera ans hai. Or use jeetna aasan kaam nahi hoga kisi ke liye bhi. Ye baat bhi aap jante hai. Fir aap chinta kyu kar rahe hai.
Gurudev- bhagwan me Arnav ke liye chinta nahi kar raha hu. Mujhe uske gharwale or aam insano ki chinta hai. Jinka istemaal asur arnav ke khilaaf kar sakte hai. Or arnav sayad unke samne vivash ho jayega. Iske liye koi upay bataye bhagwan.
Mahadev- persuram aap to jante hi hai ki jab sansar ki bhalai ka prasn aata hai tab in sabse upar uthkar sochna hota hai. Or ab arnav ki yahi pariksha honi hai. Kya vo apne saansarik rishto me hi uljha rehta hai ya fir unse uper uthkar apna kartavya nibhata hai. Asuro ko Arnab ki sachai pata chalegi tab vo har sambhav prayas karenge parantu unke har prayas ko bifal karna hai or unse Masum insano ki raksha bhi karni hai. Fir chahe vo uske gharwale ho ya fir koi or.
Gurudev- bhagwan aap to jante hi hai. Is kalyug ka prabhav kitna ghatak hota hai. Insano ki budhi ko hi bhrasht kar deta hai. Parantu arnav ne abhi tak apne charitra ka bakhubhi parichay diya hai. Lekin hai vo aadha insan hi. Kahi saansarik moh maya me fas kar usne kuch galat faisla le liye to kya hoga. Hai to abhi vo ek baalak hi.
Mahadev- aisa na ho isiliye hi to aapko uske gurudev ka dayitv sopa gaya hai. Ye aapki jimmedari hai. Aapko use marg bhatakne se rokna hoga. Uski sahayta karni hogi har mod per. Aage or bhi sankatkari samay aane wala hai. Jisme arnav ki har sambhav pariksha hogi. Jisme use khara utarne ke liye aapke margdarshan ki avashakta padegi.
Gurudev- me samaj gya bhagwan. Aapke kehne ka uddeshya. Me harsambhav prayas karunga apne dayitv ko nibhane ke liye.
Mahadev- or ha persuram Aapko jaankar khusi hogi ki us divyastra ka ek bhag jaagrit ho gya hai. Or iska aabhas bhi arnav ko ho chuka hai.
Gurudev- mujhe gyat hai bhagwan. Me use uchit margdarshan dunga. Or mujhe pora viswas hai ki vo jald hi us divyastra ko prapt kar lega.
Mahadev- mujhe bhi usse aisi hi aasha hai. Ab aap jaiye arnav jald hi aapse sampark karne wala hai.
Gurudev- jaisi aapki aagya bhagwan…
Gurudev ne mahadev ko pranam Kiya or mahadev ne apni aankhe fir se band kar li. Or dhyan me baith gye. Bahi gurudev fir se apne aasharam ki traf nikal gye.
To be countinue……………...
