Fantasy दिव्यास्त्र.[The power of five elements](action,advanture,fantasy,magic,thriller) ( Completed )

[Reza]

Superb Update Bro...
Waiting For Next

 

[ashish_1982_in]

fantastic update bhai maza aa gya ab dekhte hai ki aage kya hota hai

 

[Govindsonic]

Jabardasttt updates bhai

 

[Rayder555]

Awesome bro

 

[u.sir.name]

UPDATE 91















Gurudev ki aawaj sunkar me ruk gya. To unhone mujhe peeche mudne ko kaha or jab me muda to vo mere samane khade hue the. Maine unhe bahi per pranaam Kiya.





Gurudev- vijai bhav vats. Safalta tumhare kadam chume. Tumhe koi bhi parast nahi kar paye.





Main- dhanyabaad gurudev. Aapke aasirbaad ki mujhe sakht jarurat thi





Gurudev- me janta tha isiliye to yaha aaya hu.




Main- gurudev meri mom mami or baki ka kya hoga. Kya vo jeevit ho sakte hai ab





Gurudev- tum apni taraf se jitni kosis kar sakte the tumne ki hai vats. Ab nirash mat ho. Mahadev per bharosa rakho vo jo bhi karenge vo achha hi hoga.





Main- isi ke bharose to me abhi tak jeevit khada hua hu. Verna mere pran to kabke nikal gye hote.





Gurudev- aisa nahi kehte Bache. Sab theek ho jayega.





Main- me bas yahi sunna chahta tha. Ab mujhe Jana hoga gurudev. Shukracharya ke pass.





Gurudev- me tumse kuch mangna chahta hu vats.




Ye sunke mere kaan ek dum se khade ho gye. Or maine gurudev ki taraf dekha.




Main apne ghutno per apne hatho ko jod kar baith gya.



Main- aagya kare gurudev.




Gurudev- vats me chahta hu tum kisi bhi halat me is divystra ko shukracharya ke hath nahi lagne do. Fir chahe iske liye tumhe kuch bhi Kyu na karna pade. Tum vo karo. Parantu ye divystra unke hatho me nahi lagna chahiye. Or ho sake to jeevit loutne ka prayas karna vats.mujhe vacahn do vats ki tum mere bachno ka palan karoge. Me tumse apni gurudakshina me ye vachan chahta hu.







Ye sunke maine unki taraf dekha to unka chehra ek dum sakht bana hua tha. Jaise vo jaan gye the ki mere baha Jane per kya hone wala hai.




Maine apni aankho ko band kiya or ek lumbi saas chhodi or fir aankho ko khol kar unhe dekha or fir bolna suru kiya.




Main- gurudev aapke dwara kahe gye har vachan ka me palan karunga. Ye mera vachan hai aapko.me divystra ko shukracharya ke hatho me nahi lagne dunga fir chahe iske liye mujhe apne prano ka balidaan hi kyu na dena pade. Ye divystra ya to mere pass hi rahega ya fir se is brahamand me vileen ho jayega.






Gurudev- mujhe tumse yahi ummid hai vats. Agar Tumne apna ye vachan nibhaya to tum guru dakshina ke bandhan se mukt ho jaoge. Ab utho or vinash kar do un sabhi asuro ka jo aapne aap ko bhagwan se bada samajhne lage hai. Or apni keerti ko visv me faila do.



Vijayi bhav vats………..





Ye kehke vo gayab ho gye me apni mundi ko neeche hi karke baitha raha. Or fir mundi ko uper karke me khada hua. Or apne divyastra ko apne hatho me pakda or use gour se dekha or usse mujhe pataal lok le chalne ko kaha.



Or aisa kehte hi me baha se gayab ho gya. Or seedha nikla pataallok me. Jaha ka vatavaran bakai me kafi bhayanak tha. Charo taraf se manhusiyat ki gandh aarahi thi. Deewaro per ajeeb se jaanwar chipke hue the jo mujhe apna khana banane ke liye bekrar dikh rahe the. Lekin me unse bina dare aage badta gya. Or thoda aage chalne per mujhe do asur dikhai diye Jo mujhe dekhkar khade ho gye. Or fir haste hue meri taraf aaye.






A1- to ye vo bacha hai. Bichara aaj moksh ko prapt ho jayega. Aap bache hamare sath. Gurudev tumhara intjaar kar rahe hai.




Ye kehke vo aage chalne lage or me unke peeche peeche.



Me charo taraf ka mahol dekh raha tha. Jaha sabhi asuro ke muh se kaar tapak rahi thi mujhe dekhkar. Pata nahi ye yaha kaise rehte hai. Achha hai ki ye prithvi per nahi hai. Verna ek raat me hi prithvi ko pataallok bana denge.


KHair vo dono mujhe ek mehal ke andar le gye jiske bahar bhari matra me asur khade hue the. Aone hathiyaro ke sath. Or mehal kr andar ek bacha singhasan per baitha hua tha. Jise dekhkar hi me samaj gya ki ye medhavi hi ho sakta hai. Or usi ke baju me shukracharya baithe hue the. Jinke chehre per ek vijayi muskaan thi. Or aisi hi muskaan baha moujud har kisi ke mukh per bani hui thi.




Brahamin hone ke nate Maine shukracharya ko pranaam Kiya.




Shukracharya- bahut hi achha nirnay liya hai tumne dev yaha aakar. Ab bina samay ko barbaad kiye divystra ko mere hawale kar do. Or me tumhe vo ausdhi ka naam bataunga jisse tum apne pariwar ko punah jeevit kar sakte ho. Unke sarir se zehar to tum nikaal hi chuke ho. Jise dekhkar bakai me mujhe bahut hairani Hui thi. Ki itna zehar grahan karne ke baad bhi tum jeevit bach gye. Lekin kaise bache ye mujhse behtar tum jante hi ho. Or agar maine or jyada matra me zehar faila diya to tum bhi use nahi rok paoge.





Ye sunke mere chehre per ek muskaan aagyi. Or me bola unhe.




Main- aap ek guru hai or ek brahmin bhi. Fir bhi asatya bolte hue aapko jara bhi lajja nahi aati. Aayegi bhi kaise. Jab sangat hi kharab ho to bache ko dosh dena agyanta hoti hai. Aap asuro ke guru nahi. Balki asur aapke guru ban gye hai. Aapko inhe siksha deni thi lekin ab ye aapko sikhsha dete hai. Aapko inhe badalna tha lekin unhone aapko badal diya. Or aaj sara sansaar aapko smaran bhi nahi karta hai. Keval aapke is faisle ki bajah se.





Ye sunke unka chehra ek dum se utar gya. Or unke chehre per gusse ke bhav aane lage. Jo aaj fatne wala tha.




Shukracharya- ha tumhari bato me bahut sachhai hai dev. Asur hi ab meri pehchan hai. Lekin maine ye khud nahi chuni thi. Balki mujhe chunne per majbut kiya tha. Un DEVTAO ne. Jinhone mujhe nahi mere bhai ko apna guru bana liya tha. Or mujhe dar dar ki thokar khane ko vivas kar diya tha. Us samay asuro ne mera sath diya tha. Or fir maine pran liya tha ki inke liye jo bhi sahi hoga me vo karunga me fir chahe vo swayam bhagwan ke khilaaf hi kyu na ho.or mujhe garv hai ki maine apne pran ko bakhubi nibhaya hai abhi tak.





Main- gusse or jalan ne apko andha bana diya hai. Aap dev guru isliye nahi chune gaye the Kyuki aap uske kabil nahi the. Aap me kuch kamiya thi jo aaj sabke samne hai swayam aapke bhi. Fir bhi aapne abhi tak satya ko swikaar nahi kiya hai.




Ye sab sunke medhavi ko mirchi lag gyi or vo apne singhsan se khada ho gya or bola.




Medhavi- saavdhan dev. Tum hamare Guru ka apmaan kar rahe ho. Jo ham katai vardast nahi karenge. Ye meri antim chetavni hai tumhare liye. Isliye achha hoga ki chupchap divystra ko gurudev ko sonp do or nikal jao yahan se. Verna me bhi fir kuch nahi kar paunga. Kyuki yaha moujud har sakhs tumhara khoon peene ke liye bekabu ho raha hai.





Main- ha me janta hu ye baat bahut achhe se. Lekin afsos lagta nahi ki aaj inme se kisi ka bhi ye swapn sach hoga. Or rahi baat divyastra ko sopne ki to bhul jao ise. Me yaha ise sopne nahi aaya hu. Balki ek antim chetavni dene aaya hu sabhi ko. Ki abhi samay hai sudhar jao. Verna baad me mujhe nahi lagta ki me kuch kar paunga tum sabki bhalai ke liye.





Ye sunkar shukracharya ka chehra gusse se lal hone laga or baki ke asur hasne lage vo bhi jor jor se. Jaise maine koi joke sunaya ho unhe.






Tabhi shukracharya ne jor se chilla kar sabhi ko shan't karwaya or mujhse bole.





Shukracharya- kya ye tumhara aakhiri faisla hai.





Main- ha




Shukracharya- soch lo.





Main- soch liya. Me janta hu aapke pass ab kaalkut nahi bacha hai. Jitna tha vo sab aap mere pariwar ke uper istemaal kar chuke ho. Or ab aapke pass keval ek hi rasta hai mujhe yaha se jane do. Verna yaha tandav suru ho jayega. Jisme kisi or ka nahi balki aapka or aapke priye in asuro ka vinash hi hoga.




.ye sunke unke chehre per ek muskaan aagyi or fir vo aone sabhi asuro se bole.




Shukracharya- mere Sisyo jara is balak ko batao ki asuro se takrane ka kya anjaam hota hai. Ise asuro ki asli takat ko dikhao.





Ye sunte hi baha moujud asur mujhe serious dekhne lage or meri taraf badne kage charo taraf se. Mujhe ek ghere me band kar liya tha un sabhi ne.


Or me janta tha ki ab mujhe kya karna hai. Maine divystra ka abahan kiya or aisa karte hi mere hatho me vo aagya or aate hi itni bhayankar roshni paida ki jisme lagbhag sabhi andhe hi ho gye. Or yahi vo mouka tha jiska mujhe laabh uthana tha. Kisi ko kych bhi nahi dikh raha tha. Or isi mouke ka fayeda utha kar maine divyastra ki vinash kari shaktiyo ka aavhan Kiya or baha moujud har asur ke uper unka prayog. Divystra ne apne andar se aag ka aisa mixer nikala jisme pura ka pura mehal hi pighalne laga. Or baha moujud sare asur is agni me jalne lage. Charo taraf se cheekho ke siva kuch sunai nahi de raha tha. Tabhi shukracharya ne apne kamandal se jal nikaal kar usper koi mantra pada or use mahel me chhod diya. Or aisa karte hi jo roshni utpann hui thi vo nahi per samapt ho gyi. Or ab sabhi asuro ko dikhne laga ki ye agni kaha se aarahi hai. Or vo uski ulti disha me bhagne lage. Or tabhi shukracharya ne apne hatho se ek pani ki lehar ko nikalna suru kiya or pani padte hi aag thandi padne lagi. Ye sab is jagah ka asar tha jo unke jadu is astra per bhari pad rahe the. Ye baat sabhi achhe se jante the.




Jaise hi aag nikalna band hua to baha per asuro ki sankhya aadhi se bhi kam Reh gyi thi. Or ye dekhkar medhavi ko gussa aagya or or vo bahi se udta hua mere taraf aaya uske hatho me ek talvar thi. Or usne mujhe per uska vaar kar diya. Lekin astra ne use rok diya. Uske baad maine astra se ek talavar banne ko kaha or aisa kehte hi vo ek talvar me badal gya. Or fir shuru hua mera or medhavi ka yudh. Baki sabhi keval tamasha dekh rahe the. Medhavi ek chapal talvar baaz tha. Mere har war ko vo achhe se janta tha. Isliye use rok de raha tha. Or usme waro ko me. Lekin vo baht tezi se hamla kar raha tha. Meri najar yaha ke prabhav se kamjor padne lagi thi. Or meri speed bhi. Jiski bajah se vo mujhper bhari padne laga tha. Na chahte hue bhi. Or yahi mouka dekhkar medhavi ne badi hoshiyari se
Mere sarir per kuch khas jagaho per talvar chala di. Jis bajah se mera khoon nikalne laga. Or mera sarir or kamjor padne laga. Ek baar mere right hand per tha jis bajah se mera hath aap aasani se move nahi kar pa raha tha. Or medhavi ek ke baad ek war mujhoer karte hi ja raha tha. Or baar baar adhira ka naam le raha tha. Or keh raha tha ki ye unke liye hi hai. Baki bache asur ye sab tamasha dekh kar kushi mana rahe the. Or shukracharya ke chehre per bhi ek kutil muskaan aa gyi thi meri haar dekh kar.



Tabhi mouka dekhkar medhavi ne mujhe ek kick mari jisse me thodi dur Jake gira. Or mujhe sambhalne ka thoda mouka mil gya.




Main- karahte hue. Aahhhh apne baap ka badla le rahe ho. Bichara use pata bhi nahi chala ki kab uska sarir rakh me badal gya. Or mujhe ummid hai tumne unki asthiya utha li hogi baha se. Verna bechare ko shanti nahi milegi. Kyu utha li thi na.




Ye sunke uska chehra dekhne layak tha. Kisi rote hue bache ki tarah ho gya tha. Or ye sab sunke vo or bhadak gya Jo me chahta tha. Or vo tezi se meri taraf doudte hue aaya. Or jaise hi usne meri garden per talvar chalane ke liye uthai usi samay me ghum gya or uska nishana chuk gya. Or vo kuch karta uske pehle hi meri talvar uske seene me ghus gyi or aar paar nikal gyi. Or aage koi or kuch samajhta usse pehle hi maine talvar ko uper ki taraf sarka diya. Vo bhi puri takat se. Jisse seene se lekar uski khopdi tak ka hissa do bhago me bat gya. Or ye sab itni jaldi hua ki kisi ko kuch samajhne ka mouka hi nahi mila. Or sabhi ko dikha to bas medhavi ka sarir jo jameen per bejaan pada hua tha. Or itna khoon baha raha tha jitna koi soch bhi nahi sakta tha.




Baha moujud sabhi ki anakhe fati ki fati reh gyi. Kisi ko viswas nahi ho raha tha ki unka raha itni buri mout mara jayega. Or itna waqt kafi tha mere jakhmo ko bharne ke liye. Shukracharya ki aankho se aasu nikal aaye the ye seen dekhkar. Or baki sabhi ki fat kar hath me aagyi thi. Ki ab kya hone wala hai ye soch kar hi sabki dhadkane badne lagi thi.











To be countinue……………….

Behatareen jabardast romanchak update brother......
to gurudev ne guru dakshina mang hi Li shyad unko aabhas hua hoga ki agar aisi paristhitiya bani to kahi Arnav ke hath se Divyastra guru Shukracharya ke hath na lag jaye isiliye shayad unhone aisi gurudakshina mangi......dev ne apni sujh bujh or akalmandi ka kya pradarshan kiya usne Shukracharya ki chal vifal kardi use gtat ho gya ki jitna kalkut guru Shukracharya ke pass tha unhone vo sab uski family pr use kar liya... aur guru Shukracharya ko gyan or dharam ka path padhaya..... medhavi bhi chalta bna or bachi hui adhi asur sena bhi.... medhavi krodh mein aa kar aapa khob aitha or apni jaan bhi.....pr yeh sab itna asaan nahi hone wala woh guru Shukracharya hai woh jarur koi khatarnak shadiyantra rachenge jisme dev phasega.....
keep writing....
keep posting......

 

[Raj_sharma]

Lajabaab, shandar, or behtareen update

 

[Cooldude1986]

mast update sir jee

 

[Azagar Dada]

Gajab ka update bhai.

 

[Rahul0087@]

UPDATE 92















Medhavi ki mout dekhkar shukracharya ko behad gussa aane laga tha. Or unhone usi gusse se jal nikala or usper matra jaap karke chhod diya. Or aisa karte hi jo jal baha jameen per gira vo achanak se ek rup lene lag gya. Kisi vishal jeev ka rup. Jo pehle to samaj me nahi aaya lekin jab ban kar ready ho gya tab samaj me aaya. Ye ek dragon tha. Bahut hi vishal or udne wala dragon or muh se jwala nikalne wala bhi. Uski chamdi itni sakht thi ki meri talvar ko tut jayegi lekin iss kharoch tak nahi aayegi.ise shaktiyo se hi harana padega. Isliye meri talvar ko maine divyastra me badla or baha se udd gya.




Shukracharya- jao or servnash kar do uska.



Ye sunte hi dragon ne ek bahut hi bhayankar dahad mari or aone muh se itni bhayankar jwala nikali jisme pressure se me or dur ko udd gya. Maine peeche palat kar dekha to vo bhi ud kar mere pechhe aane laga tha. Isliye maine apni gati badai. To uski raftaar bhi tez hi gyi. Or hogi bhi kyu nahi. Mayabi ho tehra. Vo baar baar mujhper aag ugal raha tha. Or divystra mujhe us aag se theek samay per bacha le raha tha.




Maine peeche dekha to vo mere bahut karib aagya tha or apana muh pura khol kar mujhe nigalne ko kosis kar raha tha. Tabhi maine divyastra ka mukh uski taraf kiya or shakti ka prayog kiya jo seedhe uske khule mukh se uske dill me jake lagi. Or aisa hote hi Uska dill ka dhadakna kuch der ke liye ruk gya. Or vo jhatpatata hue neeche girne laga. Or isi mouke ka fayeda utha kar maine ruka or divyastra ko ek aisi talvar me badalne ko kaha jo aasani se iski chamdi ko cheer sake.




Mera aisa kehte hi divyastra baisi hi talvar me badal gya. Or me use leke neeche ki taraf tezi se jane laga. Ham kafi unchai per the isliye neeche jane me hame waqt lag raha tha. Dragon abhi bhi jhatpata raha tha. Isi mouke ka fayeda utha kar me tezi se uske bagal me gya. Or talval uske pet me ghusa di. Or bahi per ruk gya. Mere rukne se talvar bhi ruk gyi. Lekin dragon tezi se neeche hi ja raha tha. Or aise hi meri talvar use neeche se uper cheerti Hui nikal gyi. Or dragon ka kaam tamam hogya. Or me is baat ki kushi mana hi raha tha ki peeche se mere uper hamla hua or me tezi se udta hua thoda dur ja pahuncha or par kate pakshi ki tarah neeche gir gya. Jo ek khali maidan tha. Mere girte hi. Baha per charo taraf gehra gadda ban gya.





Me thodi der ke liye ek dum sunn ho gya. Mujhe kuch samaj me nahi aaya ki kya hua or kaise hua.



Or achanak se me hila. Jaise me ekdum neend se jaag gya hu. Or jaagne ke baad maine aaju baju dekha to me ek gadde me pada tha. Halat kharab ho gyi thi. Maine karbat badli or hatho ka prayog karke apne ghutno per aaya or baju me pade divystra ko utha liya. Tabhi mere kano me kuch aawaj padi. Jo kadmo ki thi bahut sare kadmo ki. Puri jameen hil rahi thi. Unke kadmo se. Bhayankar kampann utpann ho raha tha. Or ye aawaje mere right side se aarahi thi. Isliye maine us taraf mundi ko ghuma kar dekha. To me hairan reh gya. Mere samne karib 1 lakh se bhi jyada asur chale aarahe the. Kuch bahut hi bhadde the. Or kuch bahut hi bekaar. Dekhkar mujhe to ulti hone lagi thi. Or un sabke aage chal raha tha medhavi. Jise maine abhi kuch der pehle hi maar diya tha. Ek pal ko to mujhe Yakeen hi nahi hua ki ye jinda kaise ho gya. Fir mujhe yaad aaya ki mrit sanjeevni vidya.




Shukracharya ke pass ye vidya thi or vo kisi ko bhi jeevit kar sakte the. Jiska sarir sahi salamat bacha hai.





Ye yaad aate hi maine apna matha peet liya. Or socha iska ant kabhi hoga bhi ya nahi. Me soch raha tha or vo mere karib aate ja rahe the. Tabhi maine socha ki ye sab chhodo or khade ho. Inka mukabla karo. Inka ant ab alag tarike se karna padega. Jaise abhi tak karte aaya hu.




Ye sochkar me fir se khada hua or gadde se bahar nikla.



Me akela or mere samne lakho ki bheed. Soch hi sakte ho iska kya parinaam hone wala tha.





Tabhi mere peeche se aawaj aai.




Madad chahiye.




Ye aawaj sunke mere chehre per hasi aagyi. Kyuki ye aawaj Renu ki thi. Or me sure tha ki uske sathi baki sabhi bhi yaha aai hongi. Isliye me peeche muda jaha vo charo apne asli avtar me khadi hui thi hatho me hathiyar liye.





Prachi- tumhari halat to bakai me kharab ho gyi hai.




Main- ha mamla thoda hath se nikal gya tha. Verna Maine sab sambhal liya tha.




Aalia- vo to dikh hi raha hai. Ab ye batao ki hame bina sath liye tum yaha akele kyu aaye.





Main- filhaal ye matter chhod de to kaisa rahega. Kyuki samne bahut hi badi samasya hai.





Surbhi- isko baad me dekh lenge. Aalia. Don't worry pura hissab lenge ham.





Tabhi mujhe samne se medhavi ki aawaj aai.




Medhavi- abhi bhi mouka hai haar manlo or hame vo astra de do.




Main- ye sawal tab puchhna tha jab maine tujhe do hisso me baat diya tha abhi kuch der pehle.




Medhavi- dhoke se.





Prachi- kya ise maar diya tha tumne. Fir ye jinda kaise hua.




Main- sanjeevni vidya se kar diya hoga shukracharya ne.or samaj ko kisi ka bhi sarir salamat mat chhodna.




Renu- ok captain.



Main- bakwas band karo.



Vo charo mere bagal me aagyi.



Main- medhavi me tumhe ek aakhiri mouka deta hu. Chale jao apni sena ko leke. Verna iske baad jo anjaam hoga uske jimmedar tum khud hoge.





Medhavi- me tayyar hu anjaam bhugatne ko. Kya tum ho.




Main- hamesha se.




Ye kehke medhavi ne apni sena ko hamla karne ka aadesh de diya or vo sabhi jaanvar chillate hue hamari taraf badne lagi. Or yaha hamne bhi unki taraf Doud laga di.



Or jaise hi ham karib pahuche ham sabhi ek sath uchhal gye. Or dhadam se unki sena ke beech gire or hamari shaktiyo ka beg itna jyada tha ki aas pass ke asur to usi beg se udd gye. Tabhi Prachi ne Bayu ka bawandar banaya bahut hi tez. Or renu to apni talvar jisko bhi laga rahi thi vo usi samay rakh me badalta ja raha tha. Bahi aalia bhi apni chhadi ki shaktiyo ka bakhubi istemal kar rahi thi. Or surbhi apni talvar se barf nikaal kar jama rahi thi sabhi ko. Or aalia un jame hue logo ke tukde kar rahi thi. Prachi ka bawandar asuro ko apni chapet me lene laga tha. Tabhi maine divyastra ka istemaal karke us bawandar me bhayankar bijli utpann kar di. Or ab vo bawandar sabhi ko bhasm karta ja raha tha.



Bahi me apni shaktiyo ka kam or apne hatho ka istemaal jyada kar raha tha. Divyastra ko talvar me badal kar.


Tabhi medhavi me kuch kiya jisse vo bawandar turant hi band ho gya lekin usme se keval rakh hi nikli.uski sena ki.


Or isi gusse se vo meri taraf bada or me uski taraf.



Or vo uchhal gya or me bhi or hamari shaktiya hawa me takra gyi. Or aisa hote hi hawa me bhayankar beg utpann ho gya.



Medhavi- tera ant me karke hi rahunga.




Main- lekin aaj nahi.



Ye kehke maine apne hatho se aag nikalna suru kiya or maine jaha uska hath pakda hua tha baha use jalan hone lagi.



Medhavi- ye chal achhi hai lekin kaam ki nahi hai.



Main- to fir ye kaise hai.



Ye kehke maine hath ko thanda kar diya or jaha use pakda hua tha. Baha se use me barf me jamane laga. Barf kafi tezi se uske sarir per Chad gyi or vo bahi jam gya. Or uske jamte hi maine use neeche chhod diya. Or vo tezi se neeche girne laga. Mujhe laga girte hi ye tut jayega. Lekin sala girne se ek sec. Pehle hi pata nahi kaise uske sarir per jami barf pighal gyi. Or vi sahi salamat neeche gira. Ye dekhkar me tezi se neeche gya. Apni talvar ko seedha karke. Jo seedhe uske seene me dhasne wali thi. Lekin sala fir bach gya. Baju hat gya. Lekin ye dotarfa hamla tha. Jameen per talvaar lagte hi. Takvar se bhayankar bijli nikli like bahut hi bhayankar. Or charo taraf fail gyi. Medhavi ne khud ko kaise bachaya pata nahi. Lekin baki jitne bhi asur uski chapet me aaye vo nahi bacha paye khud ko Or jal kar rakh ho gye.





Ye dekhkar medhavi ka gussa bad gya. Or usne apna aakaar bada kar liya. Itna ki mujhe aasani se kuchal sake. Ye dekhkar ham sabki aankhe fati ki fati reh gyi.




Aalia- ye kya karne ko soch raha hai.




Main- sayad hame kuchalne ki.baise ye hamare kiye mouka hai.




Renu- me samaj gyi.



Ye kehke Renu speed se uski taraf badi or jor se talvaar uske pair me ghusa di. Tabhi main or Prachi udte hue gye or ek ek punch uske thobde per jad diya. Jisse vo neeche girne laga. Vo bhi usi ki sena per.




Main- hoshiyar hai per hai to bacha hi.




Surbhi- sahi kaha. Lekin yaha isi sena bache nahi hai. Ye khatm hone ka naam hi nahi le rahe hai.




Renu- dev kuch bada try karna chahiye. Taki ye sab jaldi khatm ho sake. Kyuki ham aise hi mahino tak lage rahenge tab bhi ye aise hi ladte rahenge.





Main- baise me bhi kuch aisa hi soch raha tha. Ek kaam karo tum sabhi mere peechhe aajao. Jara inko apni asli takat ka namuna dikhate hai.





Prachi- badiya hai.




Ye kehke sabhi mere peeche aagyi. Or maine apni aankho ko band kiy apne hatho ko joda or man me apne mantra ka jaap Kiya. Or aisa karte hi thirdeye khul gyi. Or ab samay tha inko batane ka ki meri takat ye divyastra se nahi hai.





Maine thirdeye se sabhi ko dekha lagbhag 50000 asuro ko jo is waqt baha ladai karne hamari taraf hi bad rahe the.


Aisa samajhiye ki me ek sath sabhi ko nishana bana raha tha. Ek hi baar me sari sena ko khatm karne ka plan. Or jaise hi sabhi per nishan lag gye. Maine apni aankh se bhayankar jwala nikali. Or jwala nikalte hi. Use matra kuch sec. Lage honge or hamare samne moujud sare asur pal bhar me rakh me badal gye.vo bhi ek sath.


Surbhi- agli baar isi se shuruwat karna. Khamakha itni energy waste karwa di.



Main- ha kyu nahi.

Or isi ke sath medhavi ki sari sena ka ant ho gya. Or ye seen dekhkar medhavi ki to halat hi kharab ho gyi use samaj me nahi aaya ki akhir ye konsi shakti hai. Kyuki ye thirdeye har kisi ko nahi dikhti hai. Medhavi ko jara bhi andaja nahi tha ki abhi yaha per kya hua. Use to bas itna pata tha ki meri shaktiyo ne ek hi baar me uski sena ka ant kar diya. Par kaise kiya iska pata keval shukracharya ko laga hoga baki kisi ko nahi.







Aisa karne ke baad maine apni aankho ko bapis se khol liya. Or samne ka najara bakai kafi darane wala tha. Dusro ko.



Or fir me medhavi ke pass gya.




Main- ab bhi ladna chahte ho.




Medhavi- ye kaise kiya tumne.




Main- bahut kuch hai jo tum abhi nahi jante ho. Or janne ki jarurat bhi nahi hai. Tum ek achhe insan ban sakte ho. Agar banna chahte ho to. Tumhare pass abhi samay hai.




Medhavi- me ye achhe se janta hu. Lekin me aisa nahi kar sakta. Is janm me to bilkul nahi.



Ye kehke usne talvar mere pair me ghusa di. Jisse mujhe bakai me dard hua.




Or ye sab dekhkar um charo ko gussa aagya. Or vo charo ek sath medhavi per tut padi. Vo pehle se thoda ghayal tha. Uske pair me chot lagi thi. Mere kai prahar usne sehan kare the. Lekin vo itna kamjor nahi tha ki itni jaldi haar maan jaye. Par
Mere samne Jo ho raha tha use bhi jhutlaya nahi ja sakta tha. Kyuki vo kisi bhi hamle ko rok nahi raha tha. Bas apne uper hone de raha tha. Or isi beeche Prachi ne uski garden ko uda diya Renu ne usi samay uske sarir me aag laga di or bas uska kaam ho gya.


Abki baar sachme ho gya iska kaam tamam.





Ab keval shukracharya bache hue the. Baki koi nahi kam se kam mujhe to yahi lag raha hai. Shaktiya kamjor hone ke bawajud kisi ne mujhe abhi tak marne ka prayas nahi kiya tha. Matlab ki aisi shakti ka prayog jisse bakai meri mout ho sake. Ye baat mujhe kuch ajeeb se lag rahi thi. Ye sena leke aana yudh karna. Ye sab alag baat hai lekin pran ghatak hamla abhi tak nahi hua tha mujhper. Isliye mujhe kuch doubt sa ho raha tha ki ye sab akhir kyu ho raha hai………….













To be countinue………………….

 

[Rahul0087@]

Gajab ka update bhai.

Superb Update Bro...
Waiting For Next

fantastic update bhai maza aa gya ab dekhte hai ki aage kya hota hai

Jabardasttt updates bhai

Awesome bro

Lajabaab, shandar, or behtareen update

mast update sir jee

Thanks Bhai log apna sath banaye rakhne ke liye.......





aaj ka UPDATE post kar diya hai ummid hai pasand aayega sabhi ko. Isme dekhiye ki medhavi ke marne ke baad shukracharya kya karte hai or dev kya karega.....







keep supporting............