UPDATE 22
D2- mere pass ek tarika hai.
D1- kya tarika. Bolo
D2- ham sehar me utpaat macha dete hai. Jisse vo khulkar hamare samne aajayega. Or apni shaktiyo ka istemaal bhi karega logo ko bachane ke liye.
D4- baise tarika to theek hai. Lekin ham isse logo ki najro me aajayenge. Ham khulkar unke samne nahi aasakte abhi.
D2- ham adrishya hokar sab kaam karenge. Jisse koi bhi aam insan hame dekh hi nahi payega. Or agar uske pass shaktiya hogi to vo hame dekh lega. Or fir hamse ladne aayega. Lekin ham Charo ek sath uske samne nahi aayenge. 2 -2 karke aayenge. Pehle vo kinhi do se ladega. Or agar lagega ki vo bhari pad raha hai tab baki do unki madad ko aayenge.
D3- ha ye theek rahega. Aisa hi karte hai. Or kal sham ko hi iski shuruwat kardete hai. Baise bhi raat hamari takat hai.
D2- theek hai to fir kal sham ko is sehar ko nark ki sher karayenge.
Ye kehke vo charo jor jor se hasne lage or fir baha se charo gayab hokar apne apne ghar bapis pahuch gye.
Ye sab dekhkar Mera dhyan turant hi toot gya. Or meri aankhe khul gyi. Kyuki inke irade nek nahi the kisi bhi surat me. Or ab mujhe jyada tension ho rahi thi kyuki agar ye sab karne me kaamyaab ho gye to bahut nuksaan ho jayega jaal or maal ka. Isliye maine tay kiya ki inko kal tak jeene ka mouka dena hi badi galti hoga. Inko aaj raat me hi niptana hoga. Yahi sahi rahega.lekin ek ek karke.
Tab maine pehle detya ko khojana shuru kiya. Jo ki ek meri hi age ka ladka bana hua tha. Maine socha shuruwat isse hi karni chahiye. Isliye maine fir se dhyan lagaya or uski shaktiya or kamjori ke ware me dekhne laga. Or bahut hi jald mujhe is danav ka tod mil gya. Lekin me isko us Ghar me nahi maarna chahta tha. Isliye mujhe isko ghar se bahar lana hoga. Isliye me seedha uske ghar me pahucha. Jaha vo abhi gehri neend me tha. Maine uska hath pakda or baha se foran hi udanchhu ho gya. Or usi jungle me le aaya jaha Maine un baki ke charo ka ant Kiya tha. Ab ise uthana tha mujhe. Isliye maine ise uthaya or jor se patak diya ek pathhar ki chattan per jisse seedha asar hua iski reed ki haddi per or vo foran hi chatak gyi. Or sath me uski neend bhi khul gyi. Vo hadbada kar uth gya. Or jaise hi khade hone ki kosis ki use bahjt tez dard hua. Or vo fir se neeche gir gya. Or jor se karahne laga
Main- maja aaraha hai na.
Meri aawaj sunte hi usne meri taraf dekha or itna hairan ho gya ki uska chehra baisa ka baisa hi jam gya.
Main- kyu jhatka laga kya.
Meri aawaj se bo thoda hosh me aaya
D3- tum kon ho or mujhe kaha leke aaye ho. Or kyu?
Main- are mujhe to laga tha ki yaar tum mujhe dekhte hi pehchan jaoge.
D3- nahi maine nahi pehchana hai tumhe. Kon Ho tum.
Main- me bahi hu jiski shakti parikshan kal aap Charo log karne wale ho. Is sehar me utpaat macha kar. Ab kuch yaad aaya.
Ye sunte hi uski haalat patli ho gyi. Kyuki usne mujhse aisi ummid nahi ki thi sayad
Main- hairan ho gye mere muh se apni planning sunkar.
D3- kya chahte ho tum.
Main- baise ye sawal to mujhe puchhna chahiye ki kya chahte ho tum log or yaha kyu utpaat machane ki planing kar rahe ho.
D3- tumne hamare sathiyo ko mara hai to ham unhi ki mout ka badla lene aaye hai.
Main- tumhare un sathiyo ne najane kitne hi masumo ki jaan leli. Isliye mujhe unhe maarna pada. Or ab me tumhe bhi marunga.
D3- is tarah maroge mujhe. Neend me hi mujhe ghayal kar diya. Or ab ek ghayal per hamla karoge tum.
Main- are wah ek detya niymo ki baat kar raha hai. Kya baat hai. Tum konse dudh ke dhule ho. Tumne na jane kitne hi logo ko bina chetavni diye unka vadh Kiya hai. Shukra manao ki maine tumhe neend se jagaya to. Verna aaram se tumhe neend me hi nipta deta.or tumhari neend seedhe nark me pahuchne ke baad hi khulti.
Meri bato se vo samaj gya ki aaj uska aakhiri din hai. Ab use apni asliyat or apni shaktiyo ka istemaal karna hi padega Verna bahut buri mout marega vo.
Or iske turant baad hi usne ek bhayanak rup le liya. Uske hatho me ek chamchamati talwar or ye bade bade dant. Gale me mund mala. Or uska aakar mujhse kam se kam 4 foot jyada ho gya or uski haddi Jo Maine todi thi vo ab theek ho gyi thi. Vo aaram se khada tha.
D3- bahut badi galti kardi Jo tum mere samne aagye. Ab yaha se jinda bapis nahi ja paunge tum. Aaj tumhara ant me karke rahunga.
Ab mere pass koi hathiyar to tha nahi. Or me gurudev ka farsa in jaise mamuli detyo ke liye nahi bulana chahta tha. Mere pass filhaal ek hi chara tha bijli jiska istemaal me hathiyaar ke rup me kar sakta tha. Kyuki yaha aaspass na to pani tha na hi kahi aag thi. Jisko me control karke iske uper chhod saku. Baki pura jungle tha jisme ped podhe mitti pathar the jinka me istemaal kar sakta tha. Isliye maine bijli or pathar ko chuna isse ladne ke liye.
Maine apne dono hatho ko failaya or jitne bhi pathar aaspass the unko apni shakti se hawa me hawa me utha liya.or unko ek dum nukila kar diya. Itna ki agar kisi ko speed se lag jaye to uske aarpaar nikal jaye.
Ye sab dekhkar vo bhi hairan tha ki ye kis prakar ki shakti hai. Ab use jab kuch samaj me nahi aaya to usne apni talwar ko mere upar ghumaya or neeche ko ore karne kar di. Jo seedha mere sir ko faad kar neeche pahuch jati. Jaise hi vo mere sir ke karib pahuchi me thoda side me ho gya. Jisse uski talwar seedhi jameen me dhas gyi. Or isi mouke ka fayeda Maine uthaya or sare patharo ko uski or chhod diya. Vo sare pather speed me uski or bad gye. Jaise hi usne ye dekha vo dar gya. Or jaldi se apni talwar ko uper kheechne laga lekin tab tak bahut der ho gyi. Or pathar seedhe uske pore sarir ko faad kar dusri taraf nikal gye. Jinme uski aankhe bhi shamil thi. Jinhe Maine khas nisana banaya tha. Kyuki iski sari shaktiya iski aankho me hi thi.
Jaise hi uski dono aankhe futi uske hath se talwar chhut kar neeche gir gyi. Or vo dard me tadapne laga apne dono hatho se apni aankho ko dabane laga.or jor jor se chillane laga. Or is mouke ka fayeda utha kar maine bijli ka aawahan kiya. Jor dar bijli. Bahi vo dard me ab jameen per gir gya tha or karah raha tha. Use koi idea nahi tha ki ab uske sath kya hone wala hai.
Maine khoob sari bijli ko bulaya or seedhe uske sarir per de Mari. Bijli isti high voltage ki thi ki koi aam insan to door se hi gir jaye. Or ye detya tha. Or jab isper itni bijli ek sath giri to vo bahi pada pada or jyada tadapne laga. Uska Sara sariri jalne laga Jo mujhe saaf saaf dikh raha tha. Lekin maine bijli ko nahi roka. Bijli girti rahi or uska sarir jalta Raha. Tab tak jab tak vo pora rakh me nahi badal gya. Ye seen bhi jaldi hi ho gya. Ab uske sarir ki jagah rakh ka dher laga hua tha or us rakh me jo chhoti moti haddiya bach gayi thi unme abhi bhi thodi bahut bijli bachi hui thi.
Ye dekhkar.
Main- chalo ek kaam to ho gya ab dusre ki wari hai. Vo police wala.
Isliye maine apni aankhe band ki or use dekhne laga uski shaktiya uski kamjori sab kuch.
Is detya ki kamjori thi aag ka dhua. Jise ye bilkul bhi sehan nahi kar sakta tha. Iski sari shaktiya dhue me kamjor ho jati hai. Lekin mere samne ab samasya ye thi ki me dhua kaha se pragat karu. Dhua tabhi hoga jab aag lagegi. Or aag ko me pragat nahi kar sakta tha.
To mujhe lighter ka khayal aaya.me jaldi se baha se gya. Or machis ya lighter ko dhundne laga. Ab raat bahut ho chuki thi isliye sab dukane bhi band thi. Tabhi mujhe yaad aaya railway station per dukane khuli rehti hai. To me foran baha gya. Or ek dukan mujhe baha khuli mil gyi. Maine usse lighter me ware me puchha to uske pass tha. Maine usse lighter kharida or ek sunsan jagah ko or bad gya. Thode aage aakar maine Charo taraf dekha. Jab mujhe sab sahi laga tab to me baha se seedha us police wale ke ghar per pahuch gya. Or uska hath pakad kar usi jungle me le aaya. Ise Maine jameen per aaram se rakha or. Fir apne hatho se iske sarir ko hawa me uthaya or ek ped ki tehni per ulta latka diya. Or us ped ki lato se iske pairo ko kaskar bandh diya. Ye sab bas ik ishare se ho gya. Uske baad maine aavahan Kiya ghas or sukhe gover ka. Jisse dhua hoga. Thodi hi der me Charo taraf se sukhi ghas or sukha gobar udta hua mere pass aagya or unhone turant hi apne aap ko set karke ek unchi chita tpye me badal liya. Ab keval isme aag lagane ki deri thi. Maine lighter se foran hi sukhe ghas me aag laga di. Or jaise hi aag lagi. Me use ab control kar sakta tha. Maine apne hatho se aag ko charo taraf faila diya. Or jab aag us sukhe gober me lagi to usse tez dhua utpann hua. Or dhua seedha uske muh per Jake lagne laga. Thodi hi der me dhue se uska dam ghutne laga. Or uski aankhe khul gyi. Or vo jhatpatane laga. Usse theek se saas bhi nahi ki ja rahi thi. Vo apne aap ko us ped se chudane ki kosis kar raha tha. Lekin nakam raha.dheere dheere aag ki lapto ko me uper ki taraf badane laga. Or uske sir ko iski tapan saaf mehsus ho rahi hogi. Jis bajah se vo or jyada jhatpatane laga. Vo pori tarah se bhool gya ki vo ek detya hai or apni shaktiyo ka istemaal kar sakta hai. Lekin agar karta to bhi aone aap ko nahi chhuda sakta tha vo. Kafi der tak jhatpatata raha or akhir kaar uski sase ukhadne lagi. Uske muh se koi bhi shabd nahi nikala tha abhi tak.or tabhi maine aag ki or bada diya or aag ne turant hi uske sir ko apana sikaar bana liya. Or uske sir me aag lagte hi vo fir se fadfadane laga. Aage dheere dheere uske pore sarir ko gherne lagi. Or thodi hi der me uska pora sarir aag me jalne laga. Or vo jor jor se chillane laga bachao bachao. Lekin yaha uski sunne wala koi nahi tha. Aag ne jaldi hi apna kaam kar diya. Or thodi hi der me uske sarir ka ek ek ang jal kar jameen me girne laga or gira bhi to kaha seedhe us chita per. Ek ek karke uske hath uska sir uska baki ka dhad sab jal kar us chita me gir gya. Or uske pran to kanke ja chuke the. Ab bas uska sarir hi jal raha tha.
Ab aap log soch rahe honge ki ye to mayabi the ye itni aasani se kaise mar gye. To me Bata du ki ye mayabi jarur the. Per amar nahi the. Inki koi na koi khas kamjori thi. Jinka pata maine lagaya or pehla waar usi kamjori per kiya. Taki inhe koi bhi mouka na mil paye. Agar me inse seedhe seedhe ladta to sayad ye mujhper bhari bhi pad sakte the. Sayad. Isiliye risk kyu Lena. Or itna time bhi nahi hai mere pass ki ek ek se ghanto ladai ladu or fir Inka ant karu. Kyuki karib 3 ghanto me subah ho jane wali thi. Usse pehle mujhe charo ko niptana tha.
Uske baad maine ek or ko chuna jo kisi or clg me professor tha. Uske ware me sari jaankaraiya jutai. Or unhi ke hisaab se uska bhi ant kar diya. Usko bhi kuch pata nahi chala ki kya hua uske sath. Or is sab me subah ke 4 baj gye the. Or ab akhiri bacha hua tha. Fir maine uske bare me pata Kiya. To mujhe pata chala ki ye in charo me sabse jyada takatvar hai.iske pass kai shaktiya thi. Or kamjori keval ek ki ye insani rup me hi kamjor rehta hai. Agar ye apne asli rup me aagya to ise harana bahut muskil ho jayega. Or sabse jyada chalak bhi tha. To ab mujhe isko asli rup me nahi aane dena hai or iska insani rup me hi ant karna tha.
Me iske ghar pahucha or uska hath pakad kar use bhi isijungle me le aaya. Lekin again ye shatir tha. Mere sparsh pate hi jaag gya. Or jungle me jaise hi han pahunche isne mujhe dhakka de diya. Or mujhse door ho gya.
D1- dev tum. Mujhe yaha Kyu laye ho.
Main- kya baat hai praveen sir. Bada hi khoob khel khela aapane. Insano ka rup le liye taki Mera pata laga Sako. Kya baat hai. Lekin afsos mujhse aap kahi bhi nahi Bach sakte. Is prithvi per to kahi nahi. Bechare aapke sathi. Be mout mare gye. Or ab aapki wari hai.
Meri bate sunkar uska dimaag ghum gya. Uske sathi mare gye. Kaise.
Main- jyada sochne ki jarurat nahi hai. Unse jab Milo tab aaram se puchhlena.
Ye kehke Maine apna hath aage kiye or uski pori body ko apne control me lene laga. Na uske hath uska hukm maan rahe the. Na hi uske pair. Vo ek dam jam gya tha. Keval uski aankhe yaha baha ghum rahi thi. Mujhe pata tha ki ye abhi bhi apna rup badal sakta hai. Isliye me uske karib gya. Or uske dimaag per apna hath rakha.mere hath rakhte hi uska bheja fatne ko ho gya. Usme itna tez dard hone laga jise ye bilkul bhi nahi sej sakta tha. Or chilla vo pa nahi raha tha. Keval apni aankho ko khol or band kar raha tha.
Main- ab samaj me aaya ki tum Jin logo ko peeda pahuchate ho unhe kaisa lagta hoga.
Ye kehkar Maine apna dabaav or banaya uske dimaag per.or uske dard ki ab limit paar hone lagi thi. Mujhe apni aankho se dikh raha tha ki kaise uske dimaag ki nase dard me laal ho rahi hai. Uske dimaag me khoon behna start ho gya tha. Jo charo taraf felne laga tha. Jis bajah se vo behosh hone laga. Or Maine yahi mouka dekha kar apne hath ka dabav kam kiya or uske balo ko jor se pakad liya. Or apne dusre hath se uski chin ko pakad liya. Or ek hi jhatke me uski gardan ko uske dhad se alag kar diya. Ab uski gardan mere hatho me thi or uska sarir khada hua tha. Lekin usme jaan nahi bachi thi. Uske baad maine uski garden ko usi Chita me fek diya or uske baad uske sarir ko baise hi us chita ke uper fek diya or uske girte hi aag ko fir se bhadka diya or aag ne apna kamaal dikhaya or uska bhi antim sanskaar kar diya bahi per. Ab charo danav khatm ho chuke the. Ab asli insano ko unke ghar pahuchane ka waqt tha. Isliye me seedha us basement me gya or un charo ko ek ek karke unke ghar per sota hua hi chhod aaya. Or unke dimaag se vo yaad bhi mita di. Ki 2 Dino Tak raat rahegi isliye hame sirf sona hi hai. Unke dimaag ko maine normal kar diya.or jitni din inke un detyo ne jiye hai. Un yado ko inke dimaag me bhar diya. Sirf achhi achhi yaade. Baki sab nahi ki ye kya bate karte the kaise. Vo sab nahi Or uski bajah se ye log ab kabhi bhi jaag sakte the. Isliye me baha se seedha apne kamre me Chala gya sabse pehle badiya snaan Kiya. Or uske baad badiya se chhat per Jake dhyan me baith gya. Kyuki ab subah almost ho hi chuki thi.
Bahi Indradev ye sab live dekh rahe the. Unhone sab dekha kaise dev ne un charo ko ek ek karke mara or unko bhanak bhi nahi lagane di. Or is beech indra dev ne us jungle ke charo taraf ek kavach bana diya tha. Taki koi or detya us jungle me pravesh na kar paye. Agar use inki mout ka koi aabhash ho raha hai to. Lekin aisa hua nahi. Ye badiya baat thi. Ye sab dekhkar indradev bahut khush the. Kyuki dev unki or baki sabhi ki ikchhao per khara utra tha. Usne bakhubi apni shaktiyo ka istemaal kiya tha. Bina us divyastra ke. Lekin abhi bhi dev ke ran kaushal me kafi kami thi. Kyuki uske pass koi astra nahi tha. Halaki gurudev me use apna farsa diya hua hai. Lekin indradev jante the ki vo farse ko kisi mushkil samay me hi bulayega. Jab tak baat uske hath me rahegi vo uska aavahan nahi karega. Janki indradev ka sochna tha ki use farse ko hamesha apne pass rakhna chahiye. Taki jab bhi mouka pade vo uska istemaal kar sake. Taki koi badi paresani na aa paye. Or yahi samasya leke vo bapis swarg lok chale gye. Or unhone tay kiya ki swayam mahadev se iske bare me vichar karenge.
To be countinue………………...
