UPDATE 32
Chitra poochna to chahti thi ki kyu aur kya etc etc par Ak ka chehra dekh ke khamosh ho gayi. Uski namm aankhe aur dard bhara chehra uske haal e dil ko bayaan kar rahe they. Aise hi wo log haweli pahunch gaye.
Ab aage…
Raste bhar AK kabhi jo bhi chitra ke sath usne kiya us guilt me aur kabhi Vaishali ki yaado me gum raha. Darasal jis waqt wo aur vaishali juda hue they us waqt tak AK apni mind reading powers bhi nahi pa saka tha isliye wo use trace bhi nahi kar paya tha.
Achanak uske dimag me ek vichar kaundha ki ab to uski taswir ke madhyam se use wo trace kar sakta hai, par fir use yaad aaya ki gusse me usne uski sab tasweere bhi to jala di thi. Is beech wo log haweli pahunch gaye. Jahan unka welcome karan aur bheema ne kiya.
Haweli ke bhitar pahuch kar jab AK ne sab behno ko unke liye laaye hue dresses aur gifts wagerah diye to wo log bhi bahut khush hui. Fir AK apne room me rest karne chala gya, wo chitra se aankh milane se abhi bhi bach raha tha. chitra ne bhi uski yre jhijhak bhaanp li thi aur wo iska karan bhi jaanti thi par wo khud usse is Vishay par baat karne se Sharma rahi thi.
Agle din thakur ki haweli par ek gaadi aakar rukti hai jisme se ek ladka aur ek ladki utarte hain jinka swagat khud thakur karte hain.
Thakur – aao mere bachho, swagat hai tumhara
Dono aage badhkar usse milte hain.
Rajan – pranam babuji, kaise hain aap.
Thakur – bahut badhiya mere sher, aur tum kaisi ho vaishali
Ji haan dosto ye thakur ki beti koi aur nahi AK ka pehla pyaar Vaishali hi thi. Darasal hua ye tha ki jab disha wale case me rajan ki thukai kar ke AK apne city laut gaya tha tab thakur ko apne bête ki pitai ke baare me pta chala. Usne Ak ke baare me pta lagane ki koshish ki to kayi dino ki mehnat ke baad use AK ke baare me pta chala aur ye bhi pta chala ki AK arjun thakur aur uski pehli bibi ka beta hai.
Aur jab use ye pta chala ki wo aur Vaishali ek dusre se pyaar karte hain to wo bhauchakka reh gaya. Pehle to wo AK ko jaan se marna chahta tha par fir usne ek doosra plan banaya AK ko immotionaly todne ka. Usne plan bnakar Vaishali ko ghar bulaya aur use dhamka kar usne AK se door ho jane ko majboor kiya aur use rajan ke sath aage ki padhai ke liye videsh bhej diya tha.
To wapis chalte hain thakur ki haweli par,
Vaishali jiske chehre par udaasi chhai hui thi anmane bhaav se jawab diya, mai bhi theek hu.
Thakur – abhi bhi naraj hai kya apne babuji se
Vaishali ne koi jawab nahi diya. Thakur un dono ko andar lekar aaya aur teeno hall me rakhe sofe par baith gaye.
Rajan – babu ji wo haramjada AK yahan gaanv me kaise aa gaya
Ye sunkar Vaishali ko jhatka sa laga, matlab uska pyaar yahin hai. Uski aankho me ek chamak si aa gayi aur agle hi pal ud bhi gayi.
Thakur – us arjun thakur ko to humne udwa diya tha par uski maut ke baad ye saala yahan aa dhamka gaddi samhalne aur ye launda apne baap se bhi bada sirdard ban gaya hai ab to.
Rajan – ab mai bhi usse apne apmaan ka badla le sakunga, ab aap mujhe nahi rokenge.
Thakur – beta ye waqt josh se nahi hosh se kaam lene ka hai. Mere dimaag me ek plan hai par abhi tum log thake hue aaye ho abhi aaram karo, hum kal baat karte hain.
Rajan – theek hai babuji.
Aur dono apne apne room me chale gaye.
Idhar in sab baato se bekhabar AK karan aur keshav kaka ke sath din bhar kaam dham nipta kar haweli me enter hua to use uski behno ne gher liya.
Amrita – bhai aap hame kab le jaoge delhi ghumane
Ak – muskra kar – kyu tune kya karna hai
Amrita – jaisi dress aap shraddha didu ke liye laaye hain , mujhe same waisi chahiye. Vaise jo aap mere liye laaye ho wo bhi badhiya hai par mujhe waisi bhi ek chahiye.
Shraddha ne turant kaha – bhai ko tang mat kar, tu meri wali bhi rakh le
Ak – nahi iski koi jarurat nahi , mai jald hi tum sabko le jaunga, jo chahe khareed lena.
Amrita – YEAH…… aur nachne lagi.
Ak – aap logo ko pasand to aaye na kapde.
Teeno boli – bahut pasand aaye.
Tabhi wahan chitra aayi to AK bahana bana ke room ki aur khisak liya.
