UPDATE 31
Agla ek mahina kab pankh laga kar udd gaya pata hi nahi chala. In dono ka pyaar din duna raat chauguna badhne laga. College ho ya bahar ye dono lovebirds hamesha ek duje me gum rehne lage. Fir aaya chhutiyo ka mausam.
Ab aage…..
Ak – Vishu jana jaruri hai kya, tumhare bina mera dil kaise lagega.
Vaishali – same here jaanu, par ghar bhi jana jaruri hai na.
AK – ha wo bhi hai. Par jaldi laut ke aana, mujhe tumhara intjar rahega.
Vaishali ne bola, “aww…. Mera shona” aur aage badhkar use baanho me bhar liya.
Vaishali – mera bhi dil wahan nahi lagega, mai jald aa jaungi.
Aur ek kiss ke sath usne AK se vida li.
Ek mahina chuttiyo ka kab pankh laga kar ud gaya pta hi nahi laga. AK badi hi besabri se vaishali ke lautne ka intjaar kar raha tha kyoki usne ghar phone karne se bhi mana kiya tha.
Finally college khulne ka time bhi ho gaya par vaishali nahi lauti. Wo bada hi baichain tha ki aisa kya hua ki wo ab tak nahi lauti.
Ak karan ke sath canteen me udaas baitha hua tha.
Karan – yaar ye kya majnuo si shakal bana rakhi hai, wo aa jayegi. Kisi wajah se late ho gayi hogi.
Ak – tu nahi janta yaar usne ek baar bataya tha uske papa ke baare me, Unhe ye sab pyar vyar nahi pasand. Kahi unhe vishu ne mere baare me bataya ho aur unhone use padhai chhudwakar ghar bitha diya ho.
Karan – tu kuch jyada hi filmy type scene nahi soch raha.
AK - kya karu yaar ab tu hi bata.+
Karan – dekh mai college ke admin office se uska address aur contact details pta karne ki koshish karta hu, fir use contact karenge tabhi puri baat pta chal sakti hai.
Ak – I’ll be very thankfull to you.
Karan – chal be majnu, gali de raha hai kyaa. Saale dosti me ye to kuch bhi nahi mai to….
AK – BC baad me pehle jaake pta laga.
Karan – ok bhai jata hu.
Karan use wahi chhod bahar chala gaya, abhi use gaye 5 hi minute hue they ki wo wapis aa gaya.
Ak – itni jaldi pta bhi laga liya
Karan – uski jarurat hi nahi padi majnu baba, kyoki aapki laila aa chuki hain. Maine use admin block me hi jaate dekha abhi abhi.
Sunte hi AK ki aankho me chamak aa gayi “SACH…..” wo lagbhag chillata hua uth khada hua.
Karan – 100% sach mere bhai
Ak karan ke sath turant wahan se admin block ki taraf nikal gaya.
Jaise hi usne wahan vaishali ko dekha to wo lapak ke uski aur jaane laga. Jaise hi wo uske paas pahucha to kisi ne uska rasta rok liya. Ek lamba tagda lathait type pehalwan beech me aa gaya.
Pehalwan – kite ja raha hai chore, tanik thamm ja.
Ak – sorry please raste se hatiye mujhe aage jana hai.
P – aage kahan
AK- bhaunhe tedhi karte hue – wo meri dost hai, mujhe usse milna hai.
Pehalwan ne palat kar vaishali ki aur dekha aur bola – baby kya aap isse milna chahti hain.
Vaishali – n… nahi , mai ise nahi janti.
AK – kyaaa ye kya majak hai vishu
Vaishali – kyo kya hua
Ak – are you out of your mind, tumhe pta nahi ki kya hua. Ye kya drama hai yaar.
Usne jhallate hue swar me bola.
Vaishali – look mister, pehle jo bhi tha wo beeti baat ho gayi, aur ab vaise bhi ab mai ye college chhodkar abroad ja rahi hu aage ki studies ke liye, isliye behtar hoga ki tum bhool hi jao kit um mujhe jante bhi they.
AK – are you serious ???
Vaishali ne muh ghumaya aur wapas office se apne documents lene lag gayi.
Ak ne aage badhakar use confort karna chaha par fir se us pehalwan ne rok diya. Kuch hi der me usne apne documents liye aur palatkar wapas jaane lagi. Ak ne fir use pukara par usne palatkar bhi nahi dekha aur sidhi chali gayi. Peeche peeche wo pehalwan bhi nikal gaya.
Ak hakka bakka wahi khada reh gaya. Karan jo kuch doori se ye sab dekh raha tha usne aage badhkar AK ko samhala.
Agle kuch din AK isi shock me rha ki ye hua kya aur aakhir kyu. Idhar use ye bhi pta chala ki vaishali ne na sirf ye college aur shehar balki ye desh bhi chhod diya hai.
Ak ka dil bhale hi toot gaya ho par abhi bhi use kahi na kahi ye ummid thi ki chahe wo us waqt job hi bol gayi ho par mujhe baad me jarur contact karegi. Par uske baad kaafi samay tak ke intjaar ke baad bhi vaishali ne koi contact nahi kiya.
Ak ne bhi apne pehle asafal pyar ke dard ke sath jina seekh liya.
(flashback ends)
Ak ka dhyaan chitra ki awaj se toota
Chitra – tumne bataya nahi kya tum vaishali se pyar karte ho. Kaun hai wo , kya tumhare shehar se hi hai.
Ak – nahi wo kahi aur se hai par ab hum sath nahi hain. (wo chahkar bhi ye nahi keh paya ki usne mujhe dhokha diya.)
Chitra poochna to chahti thi ki kyu aur kya etc etc par Ak ka chehra dekh ke khamosh ho gayi. Uski namm aankhe aur dard bhara chehra uske haal e dil ko bayaan kar rahe they. Aise hi wo log haweli pahunch gaye.
