Fantasy ABHI -- THE WARRIOR (Completed)

[Nevil singh]

Update - 138

ab tak aapne dekha Madalsa se milan k falswarup Abhi ko Ishitva siddhi prapt ho gayi ...hai ...
Apni itne varsho ki tapasya k adhure rah jaane se KS ka krodh badh gaya ...aur usne ab antim yudh karne ka nirnay liya ...aur samastha Asur veero ko Patalok mein ekatrit kiya ....

ab aagee ...

KS ko apni sadhna k antim charan k liye ...har mahine ki amavasya ko aisi ek kanya ki bali deni thi jiska janm Abhi ki hi tarah rohini nakshatra mein hua ho ....iss prakar usse 14 bali 14 loko ki kanyao ki deni thi .....

KS ne yeh kaam Markesh ko saunpa tha .....aur ..markesh ne .....Rasatal se lekar swarg lok tak ki kanyao ki wayastha kar di thi .....

Issi kaaran jab maarkesh gayab hua tha ...toh ...KS ..ko sarvapratham Devraj Indra par shanka hui thi ....aur usne iss baat ka pata lagane k liye ....antak ko bheja tha ....Jiska vadh Shamli ki sangeet vidya k prayog k dwara hua tha ......

swarg lok se upper k jo 4 lok hai unmein Asur pravesh nahi kar sakte the ......KS ko lagne laga k uski itne varsho ki sadhna vyarth ho jaayegi .....tab ..woh ..datya guru Shukracharya ji ki sharan mein gaya .....aur unhe apni samsya batayi ......

Pahele toh unhone iss sadhna k liye KS ko mana kiya ... usse bahut samzhaya patantu KS nahi mana .....usne Daitya guru ko unhe unke kartvya ki shapath di ......Shukracharya ne bhi ...vidhi k vivash hokar usse marg bataya ......aur usee 14 bali k rahsya ko bataya .....

Shukracharya - Putra .KS .....jis maha shakti k saath tumahara saamna hone wala hai ...usmein 14 loko ki shakti hogi ...issi kaaran ....usse samapt karne k liye ...tum jo anshthan kar rahe ho ...usmein inn 14 baliyo ki awashyakta hai......


in baliyo mein unka janm aur unka sharir vishesh nahi hai .....

Ab tak jo tumne swarg lok ki kanyao ki bali tumne di ...unmein mukhya thi unmein sthit uss lok ki urja ka ansh jaha unka janm hua tha .

Shukracharya ek mahamuni the aur Navgraho mein unka sthan bhi hai ....

issi kaaran ....Mahar Lok ...
Tapalok ...aur Satya lok ki urja ka kuch ansh unke paas tha ....jo unhone KS ko diya aur bataya k inn teen urjao ko kisi bhi teen aisi kanyo mein pravesh karana ....jinka janm rohini nakshatra mein hua ho ......toh tumahara karya sidh ho jaaye ga ....

Aur janalok ki urja bhi prapt karne ka marg bata diya ....jiske kaaran KS ne kaale dragon ko jagaya tha ....aur uske hi dwara janlok ki urja ko bhi prapt kiya .....

inn charo urjao ko usne prithvi lok ki 4 kanyao mein pravesh karaya ....aur ......iss prakar usne apni 13 baliya poorna ki ......

antim bali usse patallok ki apni sabse pirya kanya Madalsa ki deni thi ....jiske baad usse ishitva siddhi prapt ho jaati ....

har bali k falswarup usse upahar mein ek Devi nikumbala k dwara ek Mahaasur ki prapti hoti ....aur iss prakar usse prapt hue 13 mahaasur jinmein 13 loko ki shaktiyo k ansh the ......

1 - Naagasur - Rasatal ki urja ...-

2 - Yumaaksha - Talatal ki urja - Jiske ..netro.ki kirne ..yumpaash ki tarah thi

3 - Mahabali - Sutal lok ....jisme 100 danavo k barabar bal tha...

4 - Vikatasur - vital lok - yeh ek maha pret roop mein tha

5 - Kaitabh - yeh ek Vishal pashu k roop meiin tha aur iccha ansar kisi bhi pashu ka roop dharan kar sakta tha...

6 - Bhavmasur - tallok....yeh pritvi k kanno mein parivartit ho jaata tha ...aur phir se unhi kano se pragat ho jaata tha ......

7 - Lovyam - prithvi lok.... ismein 1000 manavo ka bal ...aur prachan tez

8 - Praheti - Bhaua lok.......Mayavi vidya

9 - Devak - Swarglok.....Indra k vajra ki tarah prachand

10 - Pravasthik .....maharlok ...Tantra vidya mein nipun

11 - Tejak - Tapolok....mantra vidya...aur shatkarm...

12 - Lohendra - Janalok - Ek vishal dragon ka roop dhar sakta tha

13 - Satyant - Satyalok.....kisi bhi hirday mein burai aur paap ka sanchar.....

Iske alawa
Krodhasur....Madaasur ...matsarasur......jaise aur bhi kai asur veer the...

Ab dekhte hai Abhi ki sena .....

Abhi ki Rakshak sena k baare mein pahele hi bata diya hai .....isiliye kewal uske mukhya sena patiyo k naam ....

1- Chandrakant (CT).....
2- Vajrabahu....3 - Uday .....
4 - Kartik .... 5 - Sahu ....
6 - Kantak
inke saath pratyek ki sena jo laakho mein thi

aur Abhi ko prapt hue 14 roop ....aur uski 14 patniya

1 - Satya , 2 - Vibhakta , 3 - Ritu ,
4 - Renu , 5 - Shamli , 6 - Shivali ,
7 - Rimpy , 8 - Shalu , 9 - Daksha ,
10 - Bhadra , 11 - Chaitali ,
12 - Vaishali , 13 - Sulekha ,
14 - Madalsa ....

Ab aate hai at present jab Abhi dhyan kar raha tha....

Abhi ko Dhyan mein baithe hue kaafi der ho gaya tha ......
Suryodaya ho gaya tha ...
Madalsa bhi apne nitya karm kar chuki . thi ...

Abhi ko dhundte hue dhayan kaksha ko or badhi...

Abhi ki sabhi patniya sab Abhi jaha dhyan mein baitha tha waha khinchi chali gayi .....aisa laga k jaisi koi urja unhe apni or khinch rahi hai ....

Sabhi Jab waha pahunchi toh Dekha Abhi iss samay apne poorna Roop mein hai ......Iss samay Abhi k iss samay teen sir pragat ho gaye the ...Jo Tridevo k hi pratiroop the ....Aur uske sharir se adbhut prakash nikal raha tha ...Abhi ko aatmasakshatkar ho chuka tha ....

Abhi k iss roop k kaaran hi uski saari shaktiyan uski or khinchi chali aayi ......Aur ab unn sabki bhi urja poorna roop se jagrit ho gayi ...aur woh bhi ek divya aalaukik aabha se parpurna ho gaye...

Thodi der mein sab normal ho gaye ...aur Abhi dhyan se uth gaya ......Sabhi apni shakiyo ki poorana k kaaran bade prasanna the ......

Abhi ki sabhi patniyo ne uska aalingan kiya .....Abhi ne sabko ..Yudh k baare mein bataya aur sachet ..satrak aur tayar rahne k liye kaha ......

Rimpy Iss samay garbhwati thi .....Uske chehre se lag raha tha jaise kai dino se thik se aaram nahi kiya ..hai....issikaarn Rimpy ko chakkar sa aagaya ...toh Abhi ne usse godh mein uthakar ...Apne bistar par lita diya .....aur uske sir par haath rakhkar ...heal kiya ......

Abhi - yeh kya hai jaan kyu aisa kar rahi ho ....tumhe pata hai tumahare iss prakar karne se tumahre swastha par aur garbh par bhi asar padsakta hai ....

Rimpy - bahut dino se Maa baba aur Addu ki yaad aarahi hai ....aur iss awastha mein toh maa ka saath aur jyada jaruri hota hai .....aur aap bhi apne karyo mein vayshta ho ......mein saz sakti hu aappar bahut badi jimeedari hai ....lekin iss mann ka kya karu ....ho jaata ha aisa .....bas isiliye muzhe raat rast bhat nind nahi aati....

Abhi usse apni baahon mein bhar leta hai ....

Abhi - Bas jaan bahut jald hum sab saath rahenge ....tab tak apna swasth ka dhyan rakho ....Aaj yeh antim yudh shuru ho jaaye ga ....

Kuch der Abhi Rimpy k saath raha phir chal pada apni sena ki or....

Yaha Patal lok se KS apni sena k saath nikal pada tha ....

laakho ki Sankhya mein Asur Rasatal ki or badh rahe the ......unki padchap se Bhumi hilne lagi ...charo aur dhul udne laagi ....Haathi ..ghodo...aur ratho ki gaggadahat ....aur Asuro ki bhayankar garjana se saara vatavaran gunjayeman ho raha tha .......

Yaha Abhi bhi Apne Rakshak sena ka netrutva karte hue ...Yudh bhoomi ki or badhne laga ......

Devta .. Tridev ...Sidh muni ...yaksha ..gandharva....sabhi ..iss maha yudh jo Mahabharat k yudh se bhi bhishan honewala tha badi utsukta se iss honewala yudh k dekhne k liye sajj ho gaye ......

Sansar ko do mahashaktiya takrane wali thi......

Abhi ki sena mein bhi laakho yodha alag alag lok se the .....Golu aur Rinku bhi ....sena ka sanchalan kar rahe the .....

Dono or ki sena Patal aur Rasatal k madhya aamne saamne ektrit ho gayi ......sab ek dusre k khoon k pyase garjana karne lage .......

Ab baatchit ka samay nahi tha ....dono or se yudh ki shuruwat k liye shankh phooke gaye .....aur aarambh hua bahut se veero k ant ka ....

Abhi k liye itna hi......
Agla update Raat ko.... .....

Aa bail mujhe maar. Ks chal pada hai apni mout ki aur.Sunder update hai dost.

 

[Nevil singh]

Update - 139

ab tak aapne dono taraf ki senao k mukhya yodhao ko dekha ....
dono sena yudh k liye aamne saamne thi ..

ab aagee......

yudh ka shankhnaad hote hi dono taraf ki sena bhid gayi .......

Rakshak sena k senapatiyo ne apni apni tukdiyo k saath aage badte hue Asur sena par prahar kar na shuru kiya .....

Asur sena ka bhi mukya yodha bhi ek ek tukdi lekar Rakshak sena par tut pade the ......

CT ka saamna krodha sur se ......Vajra bahu ..ka ...madasur se ......Uday ..ka ...matsarasur...se.....Kartik ..ka ....Dushkar se ....Sahu ka Lobhasur se .....
Kantak ....Pidak se

Rinku aur Golark Abhi k saath milkar vyu rachna aur sena ko nirdesh dene ka kaam sambhal rahe the......

dono or k laakho yodha bhid gaye the ...cheekh pukar ...aur rakt bahne laga tha ...

Krodha ...aur...CT.....
Krodhasur - tu maachar krdha ka saamna karega ...hat ja ..ha..ha...ha...tuzhe toh chutkiyo mein masal dunga mein .....aur ...ek shool CT ki taraf fhenka hai ......

CT - apni talwar se uske shool ko apne tak pahunchne se pahele hi .....kaat deta hai...
muzhe macchar kahne wale murkh asur ...kabhi kabhi macher bhi bhari padjaata hai ....le sambhal ...aur ....jal tatva se. ek bada sa jal ka gola uspar chod deta hai .......Jo krodha ko jaakar lagta hai jisase woh piche gir jaata hai aur poori tarah bhig jaata hai .....

Jis kaarn krodha ka krodh bahut badh jaata hai .....aur woh apni talwar lekar CT ki taraf dauta hai ....CT bhi tayar tha ....Krodha uss tak pahuncta k CT apni jagah se hat gaya .....jiske kaaran ...krodha ...niche ...gir gaya ...

CT - tumhe nahlane ki meri mehnat bekar gayi ...tum toh phir mitti mein hi lot gaya......

CT ki baaton se krodh ka krodh aur badh gaya .....aur usne apni urja ka prahar CT par kiya ....CT ne bhi vayu tatva ki urja se uss vaar ko roka parantu uska kuch ansh CT tak pahuncha jo uske pair mein laga ...aur woh gir gaya ....lekin phir badi furti se khada ho gaya ......

Krodha ki shakti thi saamne wale ka krodh ...usse apne se ladne wale k krodh se urja prapt hoti thi ...parantu CT shant man se yudh lad raha tha ....isiliye uske vaar ka CT par kuch asar nahi ho raha tha .....

dono ab haath mein shool lekar ...ladne lage ......CT bakhubi krodha k vaar ko block kar raha tha .
krodha ne CT ko krodh dilane k liye usse apshabdh bolna aur galiya dena shuru kiya ......

Krodha - tum manav hum se mukabla karoge ...arre tum toh humara aahar ho ......aur tumahare vansh ka rakt tho main pahele bhi chakh chuka hu ...wah bada hi swadisht tha .......

CT - kya baat kar rahe ho .....apne baaton se muzhe bharmane ka prayatna na kar ......yudh kar ...aur ...tezi se shool ka prahar ....Krodha par karta hai ....krodha bache ka prayatna karta hai parantu CT ka shool uske ek baaju ko jakhmi kar hi deta hai ....phir bhi ..apne ..aap ko sambhalkar ....

Krodha - kyu Mahaguru ne nahi bataya ....k kaise humne tumahare mata pita ko khaya tha .....bada maza aaya tha unko khane mein ....ha..ha...ha...kaise putra ho jo apne mata pita k baare mein nahi jaante ....dhikar hai tumpar ....

Krodha ki iss baat se CT ka krodh badne laga ...aur woh niranter uspar ...apni shaktiyo se vaar karne laga .....aur krodha aur aisi baato se uske krodh ko aur bada raha tha ...jiske kaaran ....Krodha ko aur urja prapt ho rahi thi aur uska aakar bada ho raha tha .....

CT ab uske aage kamjor pad raha tha ....iska laabh uthate hue ...Karodha ne CT par chalag laga kar uske seene par prahar kiya jisase CT dur jaakar ..gira ...CT ki haalat bahut buti ho gayi thi ...

Vajrabahu aur Madasur -

Vajrabahu aur Madasur aamne saamne the .......Madasur k haath mein ek bada se mudgar tha ....Vajra bahu Apne Danav roop mein tha ......Madasur ..daudte hue aaya aur apne Mudgar ka prahar ....Vajra bahu k sir par kiya ...lekin usne apne ek haath se hi uske vaar ko rokte hue ...ek punch uske jabde par maara ...jisase ...Madasur ....piche ki aur jaakar gira ....Madasur .....turant ..khada hua ...ek tezi se apna mudgar .....Vajra bahu par phenkkar vaar kiya ....jo uske seene pat laga .....Lekin Vajrabahu k seene se takrakar uska mudgar tut gaya ...Vajra baahu bhi uss prahar ki teevrata se piche girte 2 bacha .....

Vajra bahu ne paas mein pade hue tite hue rath ka pahiya uthakar Madasur par phenk kar maara jo uske seene par pada ....aur woh cheekhte hue ...piche gir pada ....lekin apne aapko sambhalkar woh phir Vajra bahu ki or dauda ...

Ab dono bina astro k lad rahe tha ...ek dusre par laat ghuse barsa rahe the ......Madadur bhi mahabali tha ....usne vajra bahu ko uthakar jameen par patak diya ......jisase uska krodh bad gaya ....aur usne khade hokar badi tezi se ...Ek haath se Madasur ki gardan pakdi aur uske jabde par tabadtod mukke barsane laga .....

Vajra bahu ne Madasur ki gardan ukhadne ka prayatna kiya lekin safal nahi hua toh ek laat jose uske seene par maari ...Madasur khoon ki ultiya karta hua piche ki or gir pada ....lekin ab usne apni poori urja ka gola banakar Vajrabahu par kiya ...jo ..uske seene par jaa laga jiske kaaran Vajra bahu ghayal hokar ...piche gir pada ....

Madasur ..Vajra bahu ko samapt karne k liye ek khadak lekar uske paas pahunch ...lekin woh vaar karta ..uske pahele ...hi ...Vajra bahu ne uske fono pair khinch liya ..aur khada hokar usse bich se chir diya aur madasur ka ant ho gaya ....

Uday aur Matsarasur

Uday aur Maysarasur donovaamne saamne the ...Matsarasur ne ek badi si chattan ka vaar vaar uday par kiya ...jise Uday ne apni gada k vaar se chaknachur kar diya ......aur pritvi tatva ki urja se uspar bhi ek badi si chatan se uspar vaar kiya ....jo usse jaakar laga ...lekin usse uska kuch asar nahi hua ....

Matsarasur ab Uday par lagatar pather barsane laga ...aur uday bhi use vaar se bachta hua uspar vaar karne laga ....

Uday ne pirithvi tatva ki urja ka vaar uss asur k pairo k paas jamin par kiya ...asur ko laga ki Uday ka vaar aise hi bekar gaya ..
lekin tabhi jamin se kuch bele nikli aur Matsarasur k pairo ko jakadne lagi ....jiske kaaran woh asur muh k bal dharti par gir gaya .....lekin usne bhi apna poora jor lagaya ...aur unn belo ki pakad se aazad ho gaya .....Uday ne phir Apni urja ka vaar kiya ...lekin usase pahele hi woh asur ek chalang lagakar ..uday ko girakar uski chatti par sawar ho gaya ...aur ..apni majboot giraft Uday k garden par banayi aur uska gala dabane laga ....

Uday ki saanse rukne lagi thi ...leko phir bhi usne ...apni sampurna urja ko ektrit karke ...jamin par prahar kiya ....Jiske prabhav se jamin se bele nikli aur Matsara sur ki gardan mein lipat gayi ....jiske kaaran uski Uday ki garden se pakad dheeli ho gayi ....aur uday uski pakad se chut gaya .

uss asur ne badi koshish ki unn belo se mukt hone ki .....Lekin woh bele Matsarasur ko lekar jamin mein sama gayi ....aur uska anth ho gaya ...

Uday adhik urja k prayog k kaaran behosh hon
e laga ..k tabhi Golu ne aakar usse sambhal liya ....aur usse yudh bhoomi k ek kone mein surakshit sthan par le aaya....

Kartik aur Dushkar ....

Kartik aur Dushkar dono hi Dhanush lekar aamne saamne the ....

Dushkar ne Agni ban chalaya ...jiska utter Kartik ne Varunastra se diya .....aur saath mein yex gati se uss asur k rath k pahiye par Apni teero se prahar kiya jiske kaaran rath ka pahiya tut gaya aur woh asur niche gir pada ......

Kartaik - ab thik hai .....Rath par se kya prahar kar raha tha ....main paidal aur tum rath par sawar ....ab barabar hai .....

Dushkar - Bina rath k bhi mein tumahre liye paryapt hu ...dekhe toh kya sikha hai tumne apne guru se ...aur .....Vish se bhara hua astra chod deta hai ....

Kartik bi apni urja ka vaar uss astra ko rokne k liye karta .hai ...lekin jaise ho uski urja uss vish bhare astra se takrai ...woh vish waha vatavaran mein phailne laga ...aur uske sampark mein jo bhi aata woh mrityu ko prapt hone laga ...

Kartik par bhi vish ka prabhav hone laga...parantu usne sambhalkar ..Varunastra ka prayog karke jal barsaya jisase vish bhara dhua chhat gaya .....dono mein kai prakar k astro ka prayog hone laga .....

Kartik ab tez gati se usspar apne teero se vaar karne laga, jiske kaaran .....uss asur ka dhanush tut gaya ....
ab wo asur apni talwar lekar kartik par prahar karne k liye bada ....aur gardan ki taraf vaar kiya ...kartik zhukkar uske vaar se bacha ...aur uspar vaar kiya ...kartik ki talwar k vaar se uss asur ki baaju zakhmi ho gayi ....

Dono kabhi talwar se Kabhi gada se ....lad rahe the ....dono mein se koi bhi kam nahi tha ......dono hi jakhmi ho gaye the

Dushkar ne jab dekha k Kartik ka saamna karne bahut kathin hai ......toh usne aaspaas lad rahe sainiko ko maarna shuru kar diya ....

Kartik - Dusht asur yudh barbar wslo k saath karna chahiye in sainiko se kya lad raha hai ....aur usne Indraasra ka sandhan kiya Aur Dushkar par chod diya ...jiska prabhav indra k vajra ki tarah tha .....Dushkar maara gaya....

Sahu aur Lobhasur ...

Lobhasur sur Aur sahu ka yudh bhi chal raha tha ...dono ek dusre par apni urja se prahar kar rahe the .....Lobhasur ....chipne mein maahir tha ....woh baar baar badi tezi se sthan badal badlkar Sahu par prahar karta phir saamne pragat hokar ...usse chunauti deta ...

Sahu uspar apni urja ka prahar karta parantu uska prahar Lobhasur tak pahunchta usase pahele woh apna sthan badal leta .....Aur Sahu par vaar karta ...

Ab sahu ne apni urja ka vaar tezi se uspar karne laga ....uein se kich waar Lobhasur ko lage ....aur woh thoda zakhmi bhi ho gaya .....

Lekin Sahu ki bhi haalat buri thi ...Ek toh Lobasur k prahar usse bahut lage the ...aur dusra ...urja k adhik prayog k kaaran ab uski shakti kam padne lagi thi ...Lobhasur apna agla prahar karne hi wala yha ...k tabhi ....Golu ....Lobhasur k saamne aagaya..

Kantak aur pidak...

Pidak k saare sharir par bade 2 vishale kaante the ....woh unhi kaanto se Rakshak sena par prahar kar raha tha ...jisse bhi woh kasnte lagte woh turant mrityu ko prapt ho jaata ...usse Rakshank sena par prahar karte hue dekhkar Kantak uske saamne aagaya ....

Kantak k sharir se bhi bade vishaile Kaante nikalte the ....Kantak bhi unhi kaanto k prayog pidak par karne laga ....dono k kasnte ek dusre ko lag rahe the .....lekin dono par bhi ek dusre k vish ka koi prabhav nahi pad raha tha ....
Kantak ab Kaanto k saath saath talwar se bhi waar karne laga ...jiske kaaran ..pidak bahut zhakmi ho gaya aur uske sharir mein pida hone lagi ....

Kantak ne apni talwar uske hriday mein utarkar usse pida se mukti pradan ki ......

Yaha krodasur prabal ho raha tha .....Aur CT bahut ghayal ho gaya tha ...Krodha sur CT par antim prahar karne hi wala tha .....k pichhe se kissine uske baal pakadkar niche zhatka diya .....aur woh dhadam se dharti par gira ....uske sir k baalo ka ek gucvha ukhaf chuka tha .....

Jamin par pada hua usne apni aankhien upper uthakar dekha toh waha Rinku khada tha ...apne haath mein pakde hue Krodha k baalon ka guccha uske muh par phenkte hue ..

Rinku - kya maamu yeh kya itne gande baal ...chi ..kabhi dhoya nahi kya ....aur ajeeb sa muh banane laga ....

Krodha ko uske aise karne par aur krodh aagaya aur woh jhatke se khada hua .....aur Rinku ko pakadne k liye aage badha ....Lekin Rinku bhi uski taango se nikalkar piche aaya aur uske andkosh pakadkar jor se daba diye......

jisase uski jor ceekh nikal gayi .

aur dono haatho se apne gupt ang ko pakad liya ....

Rinku - ohhh ...sorry...sorry ..mamu ....ladta hai tumahare ande poot gaye ....

aur uske saamne ajeeb si harkate karne laga ....

Krodha ko samaz nahi aaraha tha k kaise iss ajeeb se manav ka saamna kare ....usne badi mushkil se apni pida ko kaabu mein kiya ...Aur ...ek khadak Rinku ki taraf lekar dauda ....Rinku bhi badi phurti se uske piche jaakar uske pichwade mein jordar kick maar di ....krodha muh k bal gir gaya ....

Rinku ne aaspaas dekha toh usse ek mudgar waha pada nazar aaya ....toh usne badi tezi se lagatar uss mudgar ka prahar ....Krodha k pichwade ka kachumar nikal diya ......

Krodhasur ko saamne wale k krodh se urja milti thi ...Lekin Rinku k ladne ka tarika kuch alag hi tha ....iss kaaran woh ab bahut kamjor ho gaya tha .....aur issi ka fayda uthakar ...Rinku ne apna aakhri waar Uski garden par kiya aur usse samapt kar diya ....

yaha Lobhasur k aage Golu aagaya tha aur sahu k pran bachaye .......

Lobhasur ne Golu par prahar karna shuru kiya ...Aur golu ne bhi apni urja se prahar karna shuru kiya ....Lobhasur badi tezi se jagah badalkar badlkar vaar kar raha tha ...toh Golu ne apni yaksha maaya ka prayog kiya ...aur Lobhasur k charo trarf apne pratiroop khade kardiye ....

Apne aapko ghira hua dekhkar Lobhasur ki gati ruk gayi ....Ab Golu apni aur apne pita se prapt urja ka vaar Lobhapar karne laga ...jisse lobha jyada der tak nahi sah saka aur maara gaya ....

Rakshak sena bhi asur sena ka sanghar kar rahi thi .....

Apne saare senapati maare ja chuke dekhkar ...KS ...ne ab ....Apne 13 Mahasur pragat kiye ....

abhi k liye itna hi ...
agla update kal.....

Laajwaab update hai dost.

 

[Nevil singh]

Update - 140

Ab tak aapne dekha ...KS k mukhya senapatiyo ka ant Rakshak sena dwara ho gaya hai .......

ab aage ......

KS ne jab dekha k uske saare senapati maare jaa chuke hai ...aur asur sena ka bhi badi tezi se ant ho raha hai ...toh usne apne 13 maha asur pragat kiye ....

Nikumbla devi se prapt 13 maha asur jb yudh bhumi mein aaye toh ..Rakshak sena mein hahakar mach gaya ....
Naagasur apne bhayankar vishse ....Yumaaksha apne nerto ki urja se Rakshak sena ka bhakshan karne lage ...

Mahabali apne bal se unhe masalne laga ...aur vikatasur ...Rakshak sena k mann mein bhay utpanna karne laga ...

Kaitabh ...pashu roop mein unhe randne laga ...toh Bavmasur aur Lovyam unhe prithivi mein samane lage ....

praheti apni maya se aur Devak divyaastro se ladne laga ...

Pravasthik aur Tejak - apne Tantra aur mantro se .....Aur Lohendra ek bafe dragon ka roop dhar k Rakshak sena ka vinash karne lage ...

Satyant apne prabhav se Rakshak sena k mann mein burai ka sanchar karne laga jiske kaaran woh yudh se vimukh hone lage ....

CT ..Uday ...Vajrabahu...Kantak...Sahu...Kartik ....Rinku ..aur Golu badi veerta se unhe rokne ka prayas karne lage aur issi koshish mein bahut ghayal ho gaye ......

Unn asuro ko pragat hue abhi kuch ki pal hua tha ...aur yudh ki sthiti hi badalne lagi thi ....

Abhi ne bhi apne poorna roop ko ab jagrit kar diya .....aur Apne 14 roop pragat kiye .....
Abhi k poorna roop ko prapt karne k kaaran uski maarak shakti yani k Rakesh bhi punah apne kaal roop se pragat ho gaya tha....

Abhi Rakesh ko punah dekhkar bada khush hua aur usse gale se laga liya ..... Rakesh bhi ab Kaal bankar yudh bhoomi mein utar gaya .....Aur Asuro par maut bankar barasne laga .....jaha se bhi woh gujarta waha bas asuro k sharir k tukde bhkhar jaate .....aur khoon ka dariya bahne lag jaata .

Kaal k bhayanak roop mein unn asuro ko apni mrityu dikhayi dene lagi ......unmein bagdad mach gayi .....yadi bhage toh KS jeevit nahi chodega ...aur yadi lade toh kaal buri tarah se maar dega ....kai asur toh Kaal k haatho marne se behtar khud ko hi samapt karne lage...

Naagasur ka saamna ...Naagraj Abhi (AN) aur Sulekha se hua ....

Dono bhayankar naag roop mein aamne saamne the .......Naagasur ka bal uske vish mein tha ......AN ne uske saare vish ko apne bhiter sokh liya ......bina vish k naagasur kisi kechuye ki bahti ho gaya ...aur maara gaya ....

Yumaaksha ka saamna hua ...Abhi k mrityudoot Roop aur Vaishali se ....jaha Yumaaksha k netro se yum paash ki tarah marak urja the ..wahi ..Vaishali aur AM k haatho mein mein yumpaash ki urja k shool the ....

Yumaaksha ne apni netro ki urja ke dwara unhe yumlok pahunchane ka prayatna kiya ....Parantu Abhi k iss roop aur Vaishali mein pahele hi yumlok ki urja thi toh yumpash bhi unka kuch bigad nahi sakte the .....

dono ne apne shool ka prahar Yumaaksha ne netro par kiya .....uss asur k netro mein woh shool pravesh kar gaye aur uska bhi ant ho gaya ....

Mahabali ka saamna hua ...Danav Abhi aur Chatali se se ....Danav Abhi aur Mabali mein bina astro k yudh hua ....dono ek dusre par laat ghuse barsane lage .....

Jaha Danav Abhi dhobi pachad dav se baar baar usse jamin par patak raha tha ..wahi woh bhi apne bal se Abhi ko utkar jamin par patak deta tha ....

Mahabali ne piche se Abhi ki gardan apne baajoo mein kas li ..toh Abhi ne bhi Uske pasliyo mein jordar vaar karke uski pakad se chut gaya ......Chaitali bhi uss Mabali k saathi danavo k liye kaal bangayi thi aur apne danav roop mein woh unhe chir fad rahi thi ....

Mahabali ne Danav Abhi ki chati par kick maari lekin Abhi ne uske pair pakad kar niche gira diya ....aur Mahabali ko bich se chir diya ....

Vikata sur aur uske preto ka saamna ....Pretraj Abhi aur Bhadra se hua .......Vikatasur pishach roop dharan lar ke saamne aaya aur apni urja se pretraj Abhi par prahar kiya ....lekin woh prahar Abhi k aarpaar chala gaya ....Apna vaar bekar jaate hue dekhkar ...Vikatasur ne lagatar preraj Abhi par prahar karna jaari rakha ....

Yaha Bhadra bhi ...apne pretdand se Vikatasur k saathi preto ko pratadit karke sidha narak bhej rahi thi ....

Vikatasur ab poori tezi se pretraaj Abhi k charo aur ghumkar apni urja mein kaid karne laga......Jab usne dekha ki Abhi uski urja mein bandh chuka hai toh woh ek jagah sthir ho gaya aur apni puri urja ko Abhi par vaar karne k liye ekatrit karne laga ....
lekin tabhi uske bandhe hue urja se Pretraj Abhi bahar aaya ...isase pahle k Vikatasur koi vaar karta Abhibne apne pretdand ki bhayakar urja ka vaar uspar kar diya ...niranter pertdand se anek vaar hone k kaaran Vikatasur ka bhi ant hogaya ....

Kaitabh ek bade se haathi ka roop dhar ke Rakshak sena ko kuchalne k liye aage bada k uska raasta Mahabhediya Abhi aur Daksha ne roka ......Jaha Abhi ne Bhediya roop mein Uspar chalang lagayi aur apne panjo aur daanto se humla karne laga ....

Wahi Daksha bhi apne bhediya roop mein Kaitabh k saathi asur jo alag alag pashu roop mein the unko apni panjo se chir fad rahi thi ....

Abhi k humla karte hi Kaitabhi ne ek bade se sher ka roop dhar liya aur Abhi par aakraman kar diya .....dono ek dusre par apne panjo se aur daanto se humla karne lage .....

Usne Abhi k gardan par apne daant gadane chahe ...lekin Abhi badi phurti se uske niche se nikal gaya aur uski pith par sawar hokar uski gardan par piche se apne daant gada diye .....jisase raktki dhara uske gardan se bahne lagi ....usne poori takat lagakar Abhi ko apne upar se zhatak diya.....Aur ab woh khud bhi ek bade se bhediye k roop mein aaya .......

Abhi ne ab Bhediya Manav ka roop dhar liya ....Aur ek haath mein shool bhi dhar liya.....dono mein khub jabardust mukabla hua .....

Kaitabhi roop badal badlkar Abhi par humla kar ne laga .....itne der uske saath ladkar Abhi ko uski mrityu ka bhed pata chal gaya ......
kab woh asur ek roop se dusre roop mein badalne lagta tabhi uski mrityu ho sakti thi .....aur jaisi hi Kaitabh apna roop badalne laga toh Abhi ne apne shool ka jor dar prahar uske naabhi par kiya jisase uske pran pakheru ud gaye ....

Bhavmasur aur uske saathi asuro ka mukabla A1 Aur Shalu se hua .....Tallok ki urja se Abhi ko jo roop prpt hua tha ....Woh aur A1 ka roop Vibhakt shakti k dwara ab ek ho chuke the ....

Bhavmasur ne waha k mitti k kan sokh kar apna roop vishal bana liya tha .....aur Rakshak sena ki or unhe kuchalne k liye aage bada ......K A1 ne Apne agni shool k tabatod vaar se usse rok liya ....

A1 k vaar se Bahvmasur ka sharir tut kar bhkhar gaya aur mitti mein sama gaya ......parantu dekhte hi dekhte woh phir mitti k kano se pragat hua .....aur A1 par mitti Aur badi badi chattano se prahar karne laga .....

Shalu bhi dono haato mein talwar lekar Bhavmasur k saathi asuro par tut padi thi ......
woh ek chakra ki bhanti gol gol ghumkar unn asuro ka naash karne lagi .......

A1 baar baar Bavmasur par apne ghatak vaar kar raha tha ...lekin jaise hi wo vaar karta Bhavmasur dharti mein sama jaata aur kahi se bhi pragat hokar A1 par prahar karta ......

Woh asur A1 k vaar se phir dharti mein sama gaya tha .....A1 usko samapt karne ka tarika soch hi raha tha ....k dharti se ek bada sa mitti ka haath nikla ..aur usse jakad liya ......

A1 par uss haath ki pakad kasti chali jaa rahi thi ...jsase uska dum ghutne laga tha ....tabhi A1 ne jal tatva ki urja se waha badi maatra mein jal pragat kiya .......jisase uss haath ki mitti galne lagi aur A1 uski pakad se aazad ho gaya ......

uss asur ne ab bahut adhik maatra mein ....mitti soakhkar ek bada sa roop bana liya ......

A1 ko uske ant ka raasta mil gaya tha .....A1 ne vayu tatva ...aur .....jaltatva ko milakar ek bada sa bawander nirman kiya .....aur uss asur par choda .....

Bhavmasur uss bawander mein phas gaya ....Bawander k shant hote hi waha ab ek bada sa mitti ka pind tha ....jo shalu ne bhi dekha ...toh samaz gayi k ab kya karna hai ......Shalu ne Apni urja Aur A1 ne apni panch tatva ki urja se uss mitti k pind ko patthar ki ek badi si chattan mein badal diya .......Phir apne agni shool se usse garam lava mein badalkar dharti k garbhi mein bhej diya aur Bhavmasur ka bhi ant ho gaya

Loyam ka Saamna hua Rakesh yani k kaal se ...
Loyam surya ki kirno jaisi tej wali talwar lekar Kaal ki or bada ....aur bdi tezi se usne uspar vaar kiya ....jise kaal ne apni talwar se block kiya aur usse piche dhakel diya .....ab ..kaal ne uski gardan ka nishana banakar apni talwar ka bharpur vaar kiya ....lekin Loyam ne usse kewal apne haatho se block kar diya .....aur kaal k seene par jordar kick maari ......jisase kaal girte girte bacha .......

Loyam apne naam k anukul surya k tez se paripurna tha .....usne apna tej badana shuru kiya .....toh kaal bhi apne poorna tez mein aagaya ....

Dono apni talwar k daav pench badal badal kar ek dusre par vaar kar rahe the ....
jaha Lovyam mein 1000 manavo ka bal aur surya jaisa tez tha ...toh dusri or Kaal bhi mahakaal ka ansh tha .....

Kaal k kai vaar Loyam ko lage lekin ek bhi vaar uske sharir par ek kharoch bhi na laa saka .......

Toh kaal ne ab talwar chhodkar apni maarak urja se prahar karna shuru kar diya ....aur Loyam bhi apni urja ka vaar uspar karne laga .......

Woh asur apni poori urja aur bal ekatrit karke bijli ki si gati se kaal ki or bada aur uske chati se takraya ....jiske vaar se kaal ....piche gir gaya...ab kaal ka krodh charam par pahnch gaya tha .....

kaal ab vishal sher k roop mein parivartit hogaya ...aur ek chalang lagakar Lovyam k jabde par apne panjo se jordar prahar kiya .....jisase woh asur cheekta hua piche jaa gira ......

Kaal ne ab usse aur sambhalne ka mauka nahi diya ....aur uske gardan par apne dant gadakar ek zhatke se uss asur ka sir hi ukhad diya .....aur chaba gaya ..

Kaal asur ka rakth chakhne k kaaran kaaran aur bhi raudra roop mein aagaya aur asur sena par tit pada ....apne panjo aur jabde se unke chir phadne laga .....

Praheti ka saamna Abhi k yaksha roop aur shivali se hua .......

Praheti apni maya se Rakshak sena ko bhram mein dalkar nishkriya kar deta tha aur phir unki hatya .....

Shivali aur Yaksha Abhi ne uski maya ko apni maya se kat diya .....Shivali Praheti k saathi asuro ko apni urja se mrityu k mukh tak pahuchane lagi .....

Aur Yaksha Abhi Praheti ki har maya ko kaatne laga aur saath saath mein apni urja se prahar bhi karne laga .......

Praheti ki koi maya kaam nahi aarahi thi toh woh adrisya hokar ab ...anek astro se aur urja k golo se charo tarf se Abhi aur Shivali par vaar karne laga ......

charo taraf se vaar karne k kaarn uski asli sthiti ka pata nahi chal raha tha k woh kaha hai ......

Abhi har vaar ki disha mein prahar kar raha tha ......Lekin koi bhi vaar praheti tak nahi pahunch raha tha .......

Tab Abhi aur Shivali bhi adrisya ho gaye ....Praheti ne jab dekha k dono ab waha nahi hai toh usne apne prahar rok diye ....aur pragat hokar charo or dekhne laga ......usso samay ek urja k paash mein woh jakad gaya jisne kichkar usse hamin par laakar patak diya ......

Aur Yaksha Abhi aur Shivali uske saamne pragat ho gaye ........
praheti paash mein jakda hua tadapne laga ...woh paash uski saari urja soakh raha tha .......

dhire2 uss asur ki saari urja uss pash ne soakh li aur woh asur mrityu ko prapt hua ....

Devak ka saamna hua Swarg lok k ansh bhut Gandharva Abhi aur Shamli se ......Jaha Samli ne apni sangeet vidya k prayog se ...agni ...meg ...vayu.....Devak k saathi asur par barsa rahi thi ....

Wahi Abhi Devak se divyaastro se lad raha tha ....Devraj Indra dwara prapt Vajra k dwara Dwvak ka ant hua ......

Pravasthik jaha tantra shaki k dwara maarak aur stambhan ka prayog Rakshak sena par kar raha tha ....

wahi Tejak apne mantra shakti k dwara aneko ghatk vaar Rakshak sena par kar raha tha ......dono ko rok ne k liye .....Vibhakta aur Renu ....Uss lok k Abhi k ansh k saath saath unke saamne aagayi ....

Maharishi roop Abhi aur Renu saptrishiyo se prapt gyan k dwara ....Pravasthik k tanra ko rok rahe the .....Unhone shri vidya k dwara uske kaale tantra ki urja ko samapt kar diya ....phir haadi aur kaadi jo shri vidya k hi ang hai uski divya urja dwara uss asur ka ant kar diya .....

Tejak ka saara tez Tapolok k anshbhut Abhi k roop aur Vibhakta ne apne tap sidhhi k dwara har liya .....uski saari mantra shaki aur gyan har liya aur usse samapat kar diya ...

Lohendra jo vishal dragon k roop mein aakash se Rakshak sena par aag k gole barsa raha tha uska saamna ...Abhi k janalok k ansh ne ek safed dragon ka roop dhara ...aur uspar virajman hui hui Ritu ....

Ritu k haath mein ek dand tha jo janalok k dragons ko vash main rahkta tha ......Abhi k dragon roop se safed urja ki kirne uss kaale dragon par padne lagi ...aur Ritu ..bhi apne dand se urja ka prahar ...uss dragon par karne lagi ....

Unke vaar se vichalit hikar Lohedra unpar badi tezi se zhapta ...lekin Abhi ne aakash mein ek unchi udan bhar di .....Lohendra bhi apni kaali urja ka vaar unpar kar raha tha .....lekin Abhi badi tezi se uss vaar se bachkar nikal jaata ....aur Ritu apne dand ki urja ka satik prahar uspar kar deti .

Abhi yudh bhumi se apne piche uss dragon ko dur le gaya ....Lohendra ko laga k ve usse darkar bhag rahe hai ......

Isilye woh badi tez gati se unke piche gaya ..
lekin achanak Abhi ruk gaya aur mud gaya .....Lohendra poorna gati se uss taraf aaraha tha ....tabhi Ritu ne bhi poori shakti k saath ...uss dand ko Lohendra ki disha mein choda .....


bhayankar urja se paripoorna woh dand aur Lohendra jab aapas mein takaraye ....toh woh asur kisi par kate panchi ki tarah jamin par gir pada ....aur maara gaya...

Satyant apni kaali takat k saath Rakshak sena k mann mein burai aur paap ka sanchar karne laga .......jis kaaran woh yudh se vimukh hone lage ......aur KS ki hi jai jaikar bolne lage ....

Satya lok ki urja se prapt Abhi ka roop Satya k saath usse rokne k liye pragat ho gaya .....unhone ne apne satya k prakash se uss asur ki kaali chaya ko mita diya .....jiske kaaran Ab rakshak sena bhi uske prabhav se mukt hone lage ....

Woh asur jyada der satya ki urja ko sah nahi paaya aur samapt ho gaya......

KS k saare Asur maare jaa chuke the Charo taraf laakho yodhao k shavo k tukde aur khoon ki nadi .....Ek taraf bacha tha KS Akela ....Aur dusri taraf tha ...Abhi uski patniya aur Uske prati roop ..Rakshak sena k Abhi k mitra senapati aur Bachi hui Rakshak sena .....

Abhi k liye itna hi ....
Agla antim update Raat ko ....

Jabardast update hai mitr.

 

[Nevil singh]

Update - 141

Ab tak aapne dekha KS k sabhi Divya asur Abhi k pratiroop aur uski shaktiyo dwara maare jaa cuke hai ....
Kas ab akela yudh k maidan mein khada hai ......

ab Aage -

Abhi k sabhi mitra aur patniya .....ek or khade the ......Abhi ne chaaro or dekha aur yudh ki vibhishika ko dekhkar usse dukh hua ...charo or yodhao k kate hue shav ...aur rakh se laal hui dharti.......parantu shristi ki sthapna k liye yeh sanghar jaruri tha ....

Abhi - Murkh Kalasur dekho apne chaaro taraf ...aaj tum akele khade ho .....apni mahatavakansha k liye tumne yudh ki agni mein apne putro ki aur inn asuro ki bali chada di ....

KS - Tum vyarth ka pravachan na do Rakshak yeh yudh bhumi hai yaha muh nahi astra baatein karte hai .....tum kya samazte ho ....k...muzh akele ko ..apni itni sena k saath parastha kar sakoge ....yeh tumahara bhram hai ....tum sab k liye mein akela hi paryapt hu ...

Aur KS ne ek rath pragat kiya ..aur apna Dhanush lekar uspar chad gaya....aur Abhi ki taraf badne laga ....

Abhi - Itna sabkuch hone k baad abhi bhi tumahari yudh ki iccha miti nahi ....thik hai ...par tum chinta na karo tumse kewal mein hi yudh karunga meri sena nahi ......
aur Abhi ne apne saare pratiroop apne bhiter sama liye .....Abhi ab apne Maha Rakshak k roop mein aagaya tha ....uski saari patniya shakti k roop mein uske piche khadi thi aur kaal Sher ka roop dhar kar Abhi k paas khada tha ......Abhi k sharir se ek divya prakash nikal raha tha ....

Ek baar toh KS Abhi ka roop dekhkar dar gaya ....lekin phir uske ahankar ne usse piche hatne nahi diya ......

KS apna rath lekar Abhi k saamne aaya aur apne dhanush ki pratyancha khichkar ek tankar utpanna karke yudh ki ghoshna ki

Abhi bhi apna divya dhanush lekar sajj ho gaya .....

Aur dekhte hi dekhte dono mein bhayankar yudh chid gaya ....dono or se teero ki aur divyaastro ki varsha hone lagi .....unke takrav se ....dharti kaanpne lagi ...

Abhi ne sakdo divya astra KS par chode lein KS ne bhi unke pratiutter astro se kat diya .....

KS ne anek prakar k divyaastra chalaye parantu aaj saare devta aur Tridev bhi Abhi k saath the ...ek bhi divya astra Abhi ko chu bhi nahi paaya ...Abhi ne sahaj hi un sabko kat diya .....

KS ne ab Eblis ki kaali urja se vyapt saikdo teer Abhi par chode ....ek bhayankar kaala saaya sa Abhi ki or badne laga ....toh Abhi ne bhi Satya lok ki satya se prapt urja Se uss kaale saaye ko nasht kar diya ......

Abhi ne ab apne teero se KS k dhanush ko kaat daala ......Dhanush k katne par KS ne panch tatvo ki urja se pariporna ek tejomay shool Abhi ki k taraf de maara .....

Abhi ne apne Shakti trishool ka prayog karke uss Shool ki saari urja soakh li aur usse nishkriya kar diya....

Aur saath hi uss trishool ki bhayankar urja se KS k rath par vaar kiya jisase uska rath tut gaya ....aur Woh niche aagira .....

KS turant ek dhal aur talwar lekar Abhi ki or dauda ......lekin Abhi ne turant Apni divya talwar k prhar se uski dhal ko kaat diya .....

KS ne bhi apni talwar ka vaar Abhi par kiya jo uske baaju par laga ...Lekin ks k vaar se Abhi ko ek kharoch bhi nahi aayi ....aur Abhi ne ek kickr KS ki chati par maari jisase wih piche ki taraf jaa gira ......

KS ab phir sambhalkar apni talwar lekar Abhi ki taraf tezi se dauda ...Abhi ne bhi apne talwar ka bhapur vaar karke KS ki talwar ko kaat diya ....aur ek mukka uske muh par de maara ....jisase KS k muh se khoon nikalne laga .....

Lekin KS bhi bada jeevat tha usne uski koi parvah nahi ki ......

Ab woh ek Bada se kantila Mudgar lekar Abhi par vaar karne laga ....Abhi bhi apni divya gada k prahar se KS k vaar ko block karne laga ...aur saath saath KS par prahar bhi karne laga ....

Abhi ki gada se KS aahat hone laga ....aaj uski koi shakti koi bal kaam nahi aaraha tha ......usne apne mudgar ka jordar prahar Abhi k sir par karna chaha lekin Abhi ne apni gada k jordar prahar se uska midgar bhi chaknachur kar diya...

Ab wo asur nihatha hi badi tezi se Abhi ki or bada Toh Abhi ne bhi shastra tyag diye .....KS ne dono haatho ka ek jordar mukka Abhi ki chati par maara jisase Abhi kuch piche hata ....

Ab Abhi ne bhi ek mukka Ks k pet mein de maara ..jisase woh pet pakadkar piche ki or gira ....apni dard ko sahan kar ke woh asur fhir khada hua .....

Aur uchalka Abhi k taraf lapka Aur Abhi ko aakash mein le uda .....Abhi apne vahan vaayu ki shakti k kaaran aakash mein bhi sthir hokar yudh kar raha tha ......Dono ek dusre par prahar kar rahe the ...

KS ne tabadtod kai mukke Abhi k pet mein maare .....Abhi ne ab KS ki gardan pakadkar utha liya ..aur usse aakash se jor se dharti par patak diya ...

Niche girte hi uske muh se jordar cheekh nikli ......lekin phir bhi ab apni saari urja ekatrit karke ek bada sa gola banaya .......Aur Abhi ki taraf ....Dauda ......

KS ki woh urja poori nakaratmakta se bhari hui thi ...yadi Abhi uss gole ko nasht karta ..toh usko nakartmak urja charo or phail jaati ...Har tarah ki nakaratmakta ko sokhne ki shakti Prakriti mein hoti hai ....

Abhi ne bhi Rimpy ki or dekha jo uski prakriti ki urja ka srot thi ...phir uss urja ka prayog kar k ek bada sa ghera banaya ...Jisne KS ki saari urja sokh li ....

saari urja samapt hone k baad aur bahut ghayal awastha ...mein hone k kaaran KS ..dharti par ..gir gaya ....uski haalt bahut dayniya ho gayi thi ....

KS ne Abhi ki taraf dekhkar haath jode ...phir apni beti Madalsa ki taraf ......KS ki aankhon mein aansoo the .....

Abhi - Dekha KS kya paaya tumne ....apne aahankar ki poorti mein ....tumne apne saathi ...apne putra ..apna ..pariwar ...tap ..shakti ..sab kich kho diya ..hai ...kya ..paaya tumne ...burai aur paap k raaste par chalkar ......

Burai k raaste mein tum itne andhe ho gaye the k shakti prapt karne k liye apni hi beti ki bali tak dene ki soch baithe the ...dekho apne charo taraf tumahare iss paap ka parinaam ...
abhi bhi samay hai ...sacche mann se prayaschit kar lo...aur apne patal lok ko sambhalo...

KS - muzhe kshama kar do Rakshak mein bahut hi paapi nich ..hu ...tumne sahi kaha ...kya paaya maine .....ab muzhe mar jaana chahiye ....muzhe samapt kar do ....apne saathiyo aur baccho ki mrityu ko bohj ab mein inn kandho par

beti madalsa muzhe kshama kar do ..mein tumahara apradhi ...hu ....mein apne pita hone ka kartvya nahi nibha paaya ......

parantu muzhe khushi hai ...k ..tumhe tumahare hi ankul ek accha jeevan saathi mila....ab mein aur nahi jeena cahata ......

Aur ek kattar apne aapko maarne k liye utha leta hai .....

Madalsa KS ko aise karte hue dekhkar turant aage aayi aur KS k haath se kattar lekar chin li ...aur KS k saamne niche baith gayi .....

Madalsa - nahi pitashri aapko apne kiye hue karmo ka paschatap hai ....ab aapko apne pran lene ki koi awashyak ta nahi hai .....

KS - Sahi kaha putri mizhe apne pran dene ki kya awashyakta hai ......pran toh ab tere linga mein .....Aur Madalsa ka gala pakad leta hai ......

Tu hi meri iss haar ka kaaran hai ...aaj ..yadi tu ...iss Rakshak se na mili hoti toh mein amar ho jaata ....mein toh marunga par ab tuzhe maarkar hi marunga ....

Madalsa ko ek baar phir apne pita se dhoka mila tha ....uski aankhon se aansoo bahne lage ...

Madalsa ...Abhi ..aur Patal lok ki urja se bana hua Abhi ka Asur roop waha pragat hua ......aur usne Abhi ki maarak urja ko pukara ...KAAL.....aur kaal ..ek bade se khadk ka roop dharan karke uske haath mein aagaya ...aur

Abhi k asur roop ne apne khadak k ek hi prahar se KS ka sir dhad se alag kar diya ....aur KS ka dhad ek taraf ludak gaya ....

issprakar ant hua KALASUR ka ......

Abhi ka Asur roop Aur kaal wapas Abhi mein sama gaye .......

Abhi ne Madalsa ko gale se lagakar ... santvana di .....
KS k ant par Devtao ne bhi Abhi aur uski patniyo par phool barsaye
saari Rakshak sena mein khushi ki lehar daud gayi ........Jis yudh ki tayari itne dino se chal rahi thi aaj woh samapt hua ..aur ek baar phir dharam ki vijay hui ......

Uske baad Abhi RVS ..Naina ..Aur..Addu ko janalok se prithvi lok le aaya ....aur Apne gaon mein apne Dadi dadi se milwaya ....Abhi ne apne saare pariwar ko unke aur apne jeevit hone ki suchna di .....aur apni Nirman shakti k prayog se ...phir se Apne ghar ka nirman kiya .......

Abhi ne 14 loko mein apne 14 roop sthapit kar diye .....aur ...sadharan roop mein ab pritvi par apne pariwar Aur 14 patniyo k saath rahne laga ....

Ritu k saath kabhi kabhi Janalok jaakar ...waha ki sthiti aur 14 maniyo ka bhi nirikshan karta .....

Pritvi par ab bhi Sangharak k roop mein ..apradhiyo aur under world par nazar banaye rakhta...aur samay samay par unka daman bhi karta ...aur Sadharan roop se apne pita ki business mein bhi madat karta ......

Rimpy ne bhi ek sundar se baalak ko janm diya .Abhi ne uska naam Thakur Deepak Singh (Deepu) rakha ....

Abhi k Dada dadi ...RVS ..aur Naina ...apna jeevan kaal poora karke moksha ko prapt ho gaye ......

Abhi ki Rimpy baaki patniyo se bhi santane hui ....

Golu aur Abhi k dwara un sabka bhi prashikshan hua ......
Jab bacche bade hue toh Abhi ne Deepu ko apni sangharak ki shaktiya aur daitva diya ...
Ab Deepu sangharak bankar bakhubi apne kartavya ka nirwaha karne laga ......

Naati ....pote...bahuye Abhi ka poora bhara poora pariwar hua

Apna jeevan kaal pritvi par poora karke Abhi ne pritvi lok ka sharir tyag diya ...

aur divya sharir dharan karke ...phir janalok k singhasan par virajman hua ...

Abhi ki sabhi patniyan bhi apne mool teen roopo mein sama gayi .....Shivali ...Rituja ....aur Vibhakta ..
aur woh bhi Abhi k saath divya sharir dharan kar ke .....
JANALOK ...mein Abhi k saath sthit ho gayi .......



THE END

Bahut hi umda sarnchnatmak dhang se parkashit ki gai ek amulaye dhrohar ke rupe me ek sunder akshro se alankrit Rachnawali inderdhanush ke rath per sawar hokar chahun aur apni aabha se parkashmaan kar rahi hai. Aishi anmol parti ke rachyta ko hardik dhanyawaad deta hun.
Aur Aasha karta hun ki aage bhi aishi hi sunder rachnao se sab ke dilo ko mohit karne aate rahege.
Phir Milenge Dost Chalte-Chalte.
SHABBA KHAIR.

 

[abhi1008]

Bahut hi umda sarnchnatmak dhang se parkashit ki gai ek amulaye dhrohar ke rupe me ek sunder akshro se alankrit Rachnawali inderdhanush ke rath per sawar hokar chahun aur apni aabha se parkashmaan kar rahi hai. Aishi anmol parti ke rachyta ko hardik dhanyawaad deta hun.
Aur Aasha karta hun ki aage bhi aishi hi sunder rachnao se sab ke dilo ko mohit karne aate rahege.
Phir Milenge Dost Chalte-Chalte.
SHABBA KHAIR.

Aapka bahut bahut dhnyawad mitra, aapne har update par atulniya adbhut aur sunder shabdavali k dwara prashansa bhari samiksha ki hai jo avarnaniya hai..
aapka har shabd prernadayak hai .....
jinko padhkar aur nai kahani likhne ki prerna mili hai
bahut jald ek aur nai kahani k saath aaraha hu..
phir milenge ...
.

 

[Nevil singh]

Aapka bahut bahut dhnyawad mitra, aapne har update par atulniya adbhut aur sunder shabdavali k dwara prashansa bhari samiksha ki hai jo avarnaniya hai..
aapka har shabd prernadayak hai .....
jinko padhkar aur nai kahani likhne ki prerna mili hai
bahut jald ek aur nai kahani k saath aaraha hu..
phir milenge ...
.

Bahut-Bahut Shukriya dost Ish apnepan ka......................
Muhabbat meri bhi bahut ashar karti hai,
Yaad aayenge bahut jara bhul kar toh dekho................
ALLAH-HAFIZ!!!!!!!

 

[King519king]

Awesomely

 

[Ayush2017]

Awesome story bro


Padh kar maza aa gaya

 

[abhi1008]

Awesomely

Thanku soo much bhai for appreciating my effort .....

iss story ka second part bhi chalu ho gaya hai .....ABHI - THE WARRIOR

 

[abhi1008]

Awesome story bro


Padh kar maza aa gaya

Thanku soo much bhai ...for Appreciating the story ...
..

second part ABHI - THE WARRIOR...(running)