Romance AGENT-02 THE KERALA TRAILS (Completed)

[Swaraj]

Superb update bro

Thanks bro

 

[Swaraj]

Nice bro par aniban ka suraj jaise haal mat karo

Ha ha dekhte hai dost.anirban suraj ki tarah matured nahi hai.
18 saal ka bachha hai

 

[Swaraj]

Interesting and fabulous story with a wonderful writing skills.aaj hi story padhi aur Puri padh li.ek bat samajh nahi aai Mera nam bhi use Kiya aur bataya bhi nahi.

Review ke liye thanks dost
Iska pehla part "agent"padhe tab aur acha lagega
Saath rahiye

 

[Jitu kumar]

Awesome update bhai,
behad hi shandaar, lajawab aur amazing update hai bhai,
Muslim brotherhood ka vistar karna aarambh kar diya hai suleman ne,
Vahi idhar anirbaan ka dil tutne wala hai,
Waiting for next update

 

[RAAZ]

Update 01 & 02

Sab se pehlay sorry late padne ke liye but bro ramadan me busy thaa aur doosra aapki story badla pura hone ka wait kar raha taki is story ka pura lutf le sakoon ab jab badla bilkul end pe nazar aa rahi hain to phir isko shuru kia.
Magar bilkul 1st part ki tarah dhasu shurwat uske liye congrats and really maza aa gaya 2 update pad ke hi. Suraj ko waqt aur halat ne ab ek manjhay huay agent me badal diya lekin utna hi dangerous bhi hi gaya hain aur niyati shayad anushka se sath usko Kerala pohcha rahi hain shayad veer yodha zada time chup nahi bethtay hain is aur unki niyati inko agle gantavay ko taraf le jaati hain. Wow maza aayega bro...

 

[RAAZ]

RAJASTHAN
"Haan ....wah bohut khub,ani kaafi bada ho gaya hai na??.......suraj ka bhi acha result aaya hai lekin tujhe to pata hai ki college ke baad gum sum gaya hai.........kya????.....thik hai baat karti hoon usse.....abhi to freelancer hai repoter ka job dekh raha hai,chal rakhti hoon"anju sharma ne phone rakh kar suraj ki aur dekha

"Manju mausi ka phone tha,anirban poore state me first aaya suraj,batao ek shararti ladka itna aage badh gaya"anju boli

"Hmm achi baat hai,maa mai gym ja raha hoon"bol suraj nikal gaya

"Are sun to apne sifarish par aridman apne dost ko bolenge teri job ke liye singapore me ...."anju bolti rahi lekin suraj ruka nahi

Phone bahane laga.bike par hone ki wajah se suraj ne bike ko khada kiya aur call uthaya

Suraj-boliye sir

Bandish-5 din baad train me ja rahe ho tum

Suraj-aur kuch??

Bandish-flight ki tickets actually nahi kar rahe hai hum.kyunki ye travel low profile rakha gaya hai

Suraj-sir maine kuch bola

Bandish-pata hai,fir bhi clear karna acha hota hai.tum mile acp anushka se???.sweet ladki hai.apne batch ki top cadet.bilkul tumhari tarah.topmost agent

Suraj -mil loonga sir

Bandish- time nahi hai suraj.aaj hi nikal padi delhi ke liye,tc

Phone to cut gaya lekin suraj ko bohut gussa aaya

------------------------------------------------------------------------------
DELHI
DING DONG
"A gayi beti"sumitra rawat khush hote hue boli

Anushka kuch nahi boli jakar sofe me dhamm se baith gayi

"Maa bohut din ho gaye ghoome hue,thoda tour kar le?"anushka ne poochha

"Mujhe door rakho"mr viresh rawat bole

Mr viresh rawat kendriya vidyalaya ke principal hai,unki dharmpatni house wife unki badi beti anushka rawat acp delhi police aur chota beta harsh class 9 me padhta hai

"Aap to rehne dijiye,bas ghuse rahiye books aur newspaper me"sumitra jhunjlahat me boli

"Waise beta tu bol kahan jaane ka plan hai??"sumitra devi boli

"Kerala kaisa rahega??"anushka boli

"Wah zabardast aaj hi inko bolkar ticket karwati hoon"sumitra boli

"Maa tickets ho gayi 5 din baad"Anushka boli

Sumitra khush hote hue boli

"Maa...wo..."anushka halke se boli

"Kya beta??"sumitra boli

"Mera ek d dost bhi wahan jayega"bolkar maa aur papa dono ki aur dekhne lagi

Sumitra devi na dono haath jod liye

"He bhagwan shukr hai.mujhe to laga tha ladke jaati se hi chid hai tujhe,waise kya naam hai uska??kya karta hai??ghar kidhar hai
.."sumitra ne questions ke bauchar kar diye

"Office relax maa shadi nahi kar rahi usse"bol change karne chali gayi anushka

Peecha se boli

"Koi suraj naam hai shayad"
-------------------------------------------------------------------------------
DELHI
shahar waise ka waisa hi mila suraj ko
Nahi bohut kuch badal gaya.sab kuch mila aur sab kuch kho diya
Myra ki shaadi bhi ho gayi.facebook par honeymoon ki tasveerein ...khush hai apne pati ke saath
Suraj muskuraya.nitin ke saath dosti tab tooti jab usne anwesha ke gayab hone ka kasoorwar suraj ko mana
Suraj use bata hi nahi paya ki anwesha isi agent sara hai
Koi bhi apna nahi hai ab is shahar me.

"Sir zahid,aapko pick karne ka order mila hai"ek aadmi car ke sheeshe nikalta hua bola

"Kaise pata chala mai wahi hoon"suraj ne bachkana test liya

"Photo mili thi,kandhe par bag,idhar udhar dekh nahi rahe ,age waishi hai aur...."

"Bas bas chalo"bol chadh gaya care suraj

"Suraj aap hum sab logo ke liye inspiration ho,aap ke kitne saare missions ka reference dekar train kiya jaata hai hamein ..."Zahid bolta ja raha tha lekin suraj ka dhyan wahan tha hi nahi

DING DONG

"Aap ??koun hai aap??"sumitra ne poochha

"Suraj sharma"muskurate hue suraj bola

"Ohho wahi suraj??ander aao beta.anushka nahane gayi hai aati hogi"bol sumitra devi chali gayi

Suraj ke liye garma garam nashta a gaya
Poori,sabzi ,jalebi aur lassi

"Are itna sab kuch "suraj khana dekh kar bola

"Are khao khao beta tum anushka ke dost ho aur pehli Baar aaye ho"sumitra muskurate hue boli

Tabhi anushka ander aayi
Gori aur khubsoorat pehli Baar itni khoobsurat acp ko dekha tha suraj ne

Anushka ne bhi suraj ko dekha.kisi bhi angle se reporter nahi lagta.
Chalak shatir aur bohut kameena type ka lagta hai
He bhagwan isi ke saath ye tour karna padega???
Anushka ne sar par haath rakh liya

Zabardast ek phir se saare pyrane ghav hare ho gaye Delhi pohach ker shayad myra ko to khud hi door ki tha suraj ne magar tees to hain na us zakhm.ki jo dil me pyar ke tootne se bana hai. Chahe reason koi bhi ho ab dekhna hoga suraj aur anushka ki jugalbandi ki gul khilati hain. Lagta to dono ka nature opposite hain.

 

[FRIDAY]

Superb update.
Suleiman's present aur past ko aapne bahut ache se describe kia.
Travelling ki scene bhi bahut acha tha.
Magar ek bar aur SURAJ aur MYRA ki tara anirban aur krithika ki bhi dil todne ja raha hai.This is bad.
Myra ki papa ki wajah se Suraj ki aur myra ki pyar khatam ho gaya.But anirban ki bhi same result ki kia karan hai?
Aur story rommance prefix par hai magar ye to tragidy ho raha hai.Real life me ek agent/detective/army uska life desh ki liye sacrifice korta hai magar isme uska family hi qurban deta hai sab jante hua bhi.Mujhe lagta hai anirban ko raw agent nahi hona chaiye.Ese hua to suraj ki family hi khatam ho jae ga.
Ye sab meri personal thinking hai.Aap aapke tara hi story likho.
Overall all nice work.
Keep it up....

 

[Zas23]

KUMARAKOM
suraj, anushka aur poori ki poori family next destination ke liye pohunch chuki thi.wahan sabse pehle kumarakom bird sanctuary dekhne ke liye chal pade


"Wow amazing hai na anushka didi??"anuj photo lete hue bola

"Haan lekin anuj is jagah ki history jaante ho??"veeresh bole

"Nahi papa,kya hai boliye na??"anuj poochha

"Aap rehne dijiye,bore na kijiye"dono haath jod kar sumitra boli

Aur sab has pade aur veeresh serious hokar chup ho gaye

"Waise short cut me samjhaun to yahan george alfred baker naam ke english man ne rubber plantation shuru kiya tha.wahi aaj bird sanctuary ban gaya,hai na uncle??"suraj ne muskurate hue poochha

Veeresh muskuraye lekin kuch bole nahi

"Lekin kya tumhe pata hai koun koun se birds milte hai yahan??"anushka attitude ke saath boli

"Waterfowl, cuckoo,parrot,owl,moorhen aur bhi bohut saare"suraj bola

"Bore to nahi kar rahi na.?"achanak aanchal a gayi anushka aur suraj ke beech

"Kahan thi aanchal??"suraj ne bina dekh kar bola

"Are wo wahan birds dekh rahi thi"aanchal boli

Suraj us jagah ko ek jhalak dekhkar aage badh gaya sabke saath

Anushka ko aanchal ke aane se zyada khushi to nahi hui lekin wo kar kya sakti thi
Waise bhi suraj har cheez me perfect hai 21 saal ka hai lekin kya nahi aata use.
Sab kuch,lekin kyun suraj ke liye itna soch rahi hai anushka ??
Nahi ab wo suraj ke baare me bilkul nahi sochegi

Yahi soch ke saath aage badh gayi anushka
-------------------------------------------------------------------------------
LIBYA
"Ek saath poori duniya me live jayenge janab"ek aadmi bola

Suleiman be apne muh ko jawab ke zariye dakh diya aur Twitter , facebook aur saare social media par fake id se live aane laga

"Good morning my brothers,i know it's quite uncommon for us to meet like this but the situation is going to get difficult from now on
Hame kaisi duniya chahiye??jo in kaafiro ne banaya ya jo allah ne diya hame??"suleiman ne poochha

"Allah ne"sab ek saath bol uthe

"Thanks to everyone,but sirf bolna kaafi nahi hai,aapko hathiyar uthana padega"suleiman bola

"We are ready"sab ek saath fir bol uthe

"Are you??"suleiman ne fir poochha

"Yes"sab ek saath fir bol uthe

"We will meet again to discuss this,long live Muslim brotherhood"suleiman bola aur connection kaat diya.aankhen band kar purane yaadon me kho gaya

KUCH SAAL PEHLE USA
namaz padhkar suleiman apne ghar ki aur ja raha tha.
Tabhi achanak use kuch logo ne gher liya

"Hey dude whats what's that??"ek ne haste hue poochha

"Holy quran "bol aage badhne laga

"A a a not so fast,whats this skull cap"bol topi hawa me uchal diya

Sab hasne lage

Suleiman jhuk kar topi uthane laga to use apne pairon tale kisi ne kuchal diya

Ab sabr ka imtihan tha.suleiman un sab se ulajh gaya aur haath pair chalane laga

Lekin log zyada the aur wo akela.haar kar maar khata raha.kuch last ghoosa maarkar thook kar chale gaye log.

Tabhi ek ladka aaya aur use uthaya.
"Lagi to nahi bhaijaan??"ladke ne bola

"Koun ho tum??"suleiman ne poochha

"Dilawar khan"ladke ne bola aur use uthaya

"Muslim hokar tamasha dekhte rahe,madad nahi ki meri??"suleiman bola

"Hum maar khane ke liye hi bane hai mia,un logo to tumse nahi tumhare mazhab se pareshani thi"dilawar bola

Suleiman be dilawar ka shukriya kiya aur aage badh gaya

-------------------------------------------------------------------------------
KUMARAKOM
"Guys pohunch gaye"sahil excited hote huye bola

"Yess finally"kritika boli

Bus college students ko kumarakom le aayi thi
Anirban peeche baitha hua tha

"Bata de use"peeche se ek student ne kaan me kaha

"Kya yaar imran,tujhe to pata hai ki..."

"Ki tu kritika se bohut pyaar karta hai,bata de use"imran bola

"Lekin kya wo bhi??"anirban ke man me doubt aaya

"Pooch to pehle,jitna mai jaanta hoon uska koi bf nahi hai samjha"imran haste hue bola

Anirban ne shayad rahat ki saans li.lekin saamne kritika kuch aur hi soch rahi thi

"Ashmita,ye saahil ki koi gf hai??"kritika ne poochha

"Anirban ke baare me pata hai,uski koi gf nahi hai"ashmita haste hue boli

"Nahi re he's just a friend,saahil ka bata na"kritika ne poochha

"Ek minute ek minute, anirban ko pata hai ye??"ashmita ne poochha

"Are nahi,meri taang kheechega,hum dono bas friends hai yaar"kritika boli

"Kritika mere khayal se tujhe anirban ko sab kuch bata dena chahiye,agar uske dil me tere liye kuch hua to??"ashmita boli

"Aisa kuch nahi hai yaar,khair tujhe nahi bolna to mat bata,pata mai lagakar hi rahungi"bol kritika uth gayi.

Aur ashmita ki nazar haste hue anirban par gayi.aur kuch sochkar hi uska dil kaamp utha

Ye sab kuch door ek ladki aur ek ladka dekh rahe the

"Sir,ab kya??"ladki ne kisi ko call kar poocha

"Hmm moti nagar me ek bade group ko akele handle kiya. Fir hospital me teen logo ko akele maar kar bhagaya ,kabaddi me champion, cricket me champion,kick boxing me expert not bad"doorsi aur se awaz aayi

"Sir ladka pyaar me hai"ladki ne bola

"To dil tootna chahiye uska"doosri aur se Awaz aayi

"Lekin sir...."

"Shreya ladka mujhe chahiye team me,special operations me aise hi ladke chahiye"doosri aur se awaz aayi

"Sir imran bhi to acha hai"saath khade ladke ne kaha

"Mujhe pata hai ki wo tumhara bhai hai zahid.lekin wo hamare criteria me fir nahi baith raha hai,we want anirban wo bhi jaldi"doosri aur se Awaz aayi

"Right sir"ladke ne bujhe man se bola

"Rakhta hoon bye"bol phone kaat diya

Nice update

 

[sonukale]

Lajawab story waiting for next update

 

[Swaraj]

Awesome update bhai,
behad hi shandaar, lajawab aur amazing update hai bhai,
Muslim brotherhood ka vistar karna aarambh kar diya hai suleman ne,
Vahi idhar anirbaan ka dil tutne wala hai,
Waiting for next update

Review ke liye thanks dost
Muslim brotherhood kaise shuru hua wo bhi agle updates me pata chal hi jayega
Kai log shikayat kar rahe hai ki anirban ka space suraj se zyada diya ja raha hai
To ye bata Doon ki anirban aur uske kai dost is story me apna part play karenge
Ending achi hogi ya nahi pata nahi
Lekin meri agent series ki akhiri story
Agent-3 ke saath trilogy bhi khatam ho jayegi
Saath rahiye