Thriller Ahni (Iron) Darwaaza (Completed)

[syed arshad]

Ho Sakhta Hai....Wo Kisi Khaas Maqsad Ke Tahat Waqti Taur Par Aap Ko Dastkhat Karne Se Baaz Rakhna Chahta Ho....!


Main Is Imkaanaat (Sambhavana) Par Bhi Ghaur Kar Chuka Hu....!


Yani....Isse Bhi Koi Farq Nahi Padhta....Imran Ne Pucha


Khattai Nahi....Main Kisi Ki Haq Talfee Kabhi Nahi Karunga....Sab Ise Jaante Hai....
Yani
Mere Rishtedar....Main Un Par Yeh Baat Saaf Kar Chuka Hu Ke Meri Ek-Ek Kaudhi Unme Taqseem Ho Jayegi....!


Mumkeen Hai Koi Aap Ki Saari Milkiyath Akele Hi Hadap Karna Chahta Ho....!


Lekin....Wo Itna Ahmaq Bhi Na Hoga Ke Use Khanooni Kaarvaayi Ka Darr Na Ho....
Agar
Main Kisi Ek Ko Apni Saari Milkiyath De Bhi Du To....Mere Marne Ke Baad Dusre Haqdar Khanooni Kaarvaayi Kar Ke Apne Hisse Nikaal Lenge....
Lekin
Bichchoo Kyun....? Bichchoo To Us Waqt Tak Mere Zahen Mein Dank Maarte Rahenge Jab Tak Ke Main Maamle Ki Tahe Tak Na Pahunch Jau....Kya Khayal Hai....!


Shaheda Sahiba Rakh Sakhti Hai Bichchoo....?


Hargiz Nahi....Main Yeh Sonch Bhi Nahi Sakhta....!


Dr Najeeb....?


Wo Bhi Nahi....Halaanke....Main Use Pasand Nahi Karta....
Lekin
Wo Bhi Aisa Nahi Kar Sakhta....Mujhe Yaqeen Hai....!


Aap Ke Bhai Sajjaad Sahab....?


Mera Khayal Hai Ke Usme Saazish Karne Ki Salaahiyath Hi Nahi Hai....!


Yeh Na Kahiye....Wo Kisi Tarah Dusre Ko Apna Aalakaar (Instrument) Bana Sakhte Hai....Misaal Ke Taur Par Main Aqeel Ka Naam Lunga....Kya Wo Unka Aalakaar Nahi Ban Sakhta....Aap Ki Jaidaad Se Ek Kaudi Ki Bhi Umeed Nahi....Kisi Bade Hisse Ka Vaada Use Is Kaam Par Ubhaar Sakhta Hai....!


Main Yeh Sab Kuch Nahi Jaanta....Kisi Saboot Ke Baghair Yaqeen Karna Mere Bas Se Bahar Hai....Abhi Tak Bichchoo Hi Ka Maqsad Saaf Nahi Hua....Tum Khwaamkhaa Chalaangein Laga Rahe Ho....!


Main Isi Tarah Chalaangein Lagate-Lagate Kahin Na Kahin Khadam Jama Hi Leta Hu....!


Zaroor Jamao....Main Mana Nahi Karta....Sardar Ne Kaha
Aur
Fir Rifle Ki Naal Saaf Karne Mein Mashghool Ho Gaya....!

 

[syed arshad]

Imran Maghribi (Western) Goshe (Kona) Wali Imaarath Ke Saamne Ruk Gaya....Imaarath Choti Si....
Magar
Khoobsurat Thi....Yahan Saari Imaarathon Mein Saleeqe Aur Nafaasat (Sharpness) Ko Dakhal Tha....!


Ek Mulaazim Ne Use Sardar Daraab Ke Apaahij Bhai Sajjaad Ke Paas Pahuncha Diya....Wo Is Waqt Ek Aaram Kursi Par Padha Hua Tha....Uski Umar 50 Ke Lag-Bhag Rahi Hogi....Chahre Par Kuch Is Qism Ki Energy Thi Ke Wo Apaahij Nahi Maalum Hota Tha....Usne Apne Pair Kambal Mein Lapet Rakhe The....!


Imran Ko Uska Jism Bhi Kaafi Zordar Maalum Hua....Uske Baazu Bhare Hue The....
Aur
Seena Kaafi Chaudha Tha....Aankhein Surq (Red)....Chahre Par Ghani Daadhi....
Aur
Upar Chadhi Hui Moti Moochein Thi....!


Tashreef Rakhiye....Maine Aap Ko Pehchaana Nahi....Usne Muskura Kar Kaha


Main Sardar Sahab Ka Naya Private-Secretary Hu....!


Oh Acha....Kaise Takleef Ki....!


Kuch Nahi....Yun Hi Milne Chala Aya....Ab Jab Ke Mujhe Yahan Rehna Hi Hai To Sabse Jaan-Pehchaan Paida Karni Chahiye....!


Thik Hai....Yeh To Bohath Zaroori Baat Hai....Sajjaad Ne Jawaab Diya....
Fir
Usne Kisi Naukar Ko Awaaz Di....!


Jo Jaldi Wapas Pahunch Gaya....
Magar
Ajeeb Halath Mein....Uske Haath Mein Ek Choti Si Dori Thi....Jiss Mein 10-15 Bade-Bade Zinda Bichchoo Latak Rahe The....!


Imran Ne Apne Honth Is Tarah Sikoodh Liye Jaise Seeti Bajane Ka Iraada Rakhta Ho....!


Magar Dusre Hi Lamhe Mein Sajjaad Ki Chinghaadh Se Saara Kamra Gunjne Laga....Wo Buri Tarah Naukar Par Baras Raha Tha....!


Abay....Tujhe Kab Aql Ayegi....Ullu Ke Patthe....Kya Inhe Rakh Kar Nahi Aa Sakhta Tha....Surat Haraam....Kutte Ke Pille....!


Sahab....Yeh Abhi Aye Hai....Naukar Murda Si Awaaz Mein Bezaar Se Lahje Mein Bola....Main Inhe Rakhne Jaa Raha Tha Ke Aap Ne Awaaz Di....!


Awaaz Ke Bachche....Dafa Ho Jao....Asghar Se Kaho Ke Secretary Sahab Ke Liye Chai Tayyaar Kare....Suna....Ullu Ke Patthe....!


Naukar Chup-Chaap Chala Gaya....!


Sajjaad Bohath Zyada Ghusse Mein Tha....Use Thanda Hone Mein Taqreeban 5 Minute Lage....Is Dauraan Mein Wo Imran Ko Kuch Is Andaaz Mein Baar-Baar Ghoor Raha Tha....Jaise Wo Badtameezi Naukar Koi Khareebi Rishtedar Raha Ho....!

 

[syed arshad]

Secretary Sahab....
Achanak....
Wo Bharrayi Hui Awaaz Mein Bola....Yahan Ache Naukar Ke Alawa Sab Kuch Mil Sakhta Hai....Yeh Kambakht Is Kaabil Bhi Nahi Hote Ke Unki Shaklein Dekhi Jaye....!


Jee Haa....Imran Sar Hila Kar Bola....Yeh Waqai Behoodgi Hai....
Agar
Wo Kambakht Madaari Hai To Iska Yeh Matlab To Nahi Hai Ke Aap Ko Bhi Un Bachkani Khelo Se Dilchaspi Ho....!


Arey....Lahol Vala Khuvvatah....Aap Bhi Kamaal Karte Hai....Wo Zabardasti Muskuraya....Na Wo Madaari Hai....
Aur
Na Mujhe Kisi Aise Khelo Se Dilchaspi Hai....Wo To Dava Ke Liye Mangwaye Hai Maine....Meri Taangein Bilkul Hi Bejaan Nahi Hai....Inme Sardiyon Ke Zamaane Mein Itna Shadeed Dard Hota Hai Ke Zindagi Muhaal Nazar Aane Lagti Hai....Bichchoo Ke Tel (Oil) Se Aaram Rehta Hai....!


Yaqeenan Rehta Hoga....Bichchoo Bohath Garm Hote Hai....Imran Sar Hila Kar Bola


Bichchoo Hi Nahi Mister....Inme Aur Bhi Kayi Garm Cheezein Padhti Hai....
Aur
Bhi Keedhe-Makhode Shaamil Hai....Sher Ki Charbi....Goh Ki Charbi....
Aur
Sona Machli....
Aur
Na Jane Kya Ala-Balaa....Bada Kheemti Tel Hota Hai....Ek Baar Saara Samaan Ikhatta Kiya Tha....
Magar
Kuch Bichchoo Kam Padh Gaye....Inhi Gadhon Ki Ghaflath Ki Wajah Se Bhaag Nikle....Mujhe To Raaton Ko Neend Nahi Aati....
Agar
Un Khoye Hue Bichchooun Mein Se Koi Palang Par Chadh Aye To....Wo Khisiyani Si Hans Kar Khamosh Ho Gaya


Waqai....Tashveesh (Chinta) Ki Baat Hai....Imran Fikrmand Lahje Mein Bola....Chandh Lamhe Khamosh Raha....
Fir
Bola....Kitne Arse Ki Baat Hai....Mera Matlab Hai Ke Baaz Qism Ke Bichchoo Apne Makhsoos Thikaane Se Alag Hone Ke Baad 15 Din Se Zyada Zinda Nahi Rahte....!


Oohhoo....Tab To Wo Abhi Zinda Honge....Sajjaad Ne Bechaini Se Pahelu Badalte Hue Kaha....Yeh Pichle Hi Hafte Ki Baat Hai....Taareeq (Date) Mujhe Yaad Nahi....!


Tab To Wo Janab Abhi Zinda Hi Honge....!

 

[Champ_AK_81]

Aaj kuch pages jarur padhunga bhai.

 

[syed arshad]

Allah Maalik Hai....Sajjaad Thandi Saans Le Kar Bola....Mashiyath....Mein Kise Dakhal Ho Sakhta Hai....Ab Yeh Dekhiye....Sajjaad Ne Apne Pairon Par Se Kambal Hata Diya....Uski Patli-Patli Taangein....Uske Bhaari-Bharkam Jism Par Ajeeb Maalum Ho Rahi Thi....!


Mujhe In Pairon Par Hansi Aati Hai....Sajjaad Muskura Kar Bola....Aap Khud Dekhiye....Hai Na....Mazaaqiya Khaiz Baat....Kamar Se Upar Main Haathi Hu....
Aur
Kamar Se Niche Heeran....!


Imran Ke Chahre Par Gahre Gham Ke Asaar Nazar Aane Lage....
Aur
Usne Ek Thandi Saans Le Kar Kaha....Thik Hai Janab....Mashiyath Mein Kise Dakhal Ho Sakhta Hai....!


Aap Isse Pahle Kahan The Secretary Sahab....Sajjaad Ne Achanak Khuloos Se Kaha....Na Jane Kyun....Aap Se Badi Mohabbath Maalum Hoti Hai....!


Arey....Yahan Aap Sab Log Bohath Ache Hai....Mujhe Aisa Maalum Hota Hai Jaise Main Apne Ghar Hi Mein Hu....Aqeel Sahab Ne Bhi Yahi Kaha Tha Ke Aap Se Badi Mohabbath Maalum Hoti Hai....Dr Najeeb Sahab Bhi Yahi Kahe Rahe The....Sardar Sahab....
Magar
Nahi....Sardar Sahab Kabhi Mujhe Pasand Karte Hai....
Aur
Kabhi Na-Pasand....!


Wo Bohath Ache Aadmi Hai Secretary Sahab....Sajjaad Ne Mohabbath Amaiz Lahje Mein Kaha....Ahista-Ahista Usne Waaqif Honge....Wo Dil Ke Bure Nahi Hai....
Aur
Zubaan Ka Kya....Dil Saaf Hona Chahiye....Kyun Janab....!


Durust Farmaya....!


Lekin....Thaheriye....Abhi Aap Ne Aqeel Ka Naam Liya Tha....Kya Usne Aap Se Ghool-Mil Jane Ki Koshish Ki Thi....!


Jee Haa....Wo Bohath Ache Aadmi Hai....!


Duniya Ka Koi Aadmi Bura Nahi Hai Janab....
Lekin
Aap Uske Chakkar Mein Hargiz Na Padhiyega....
Varna
Aap Ko Mulaazimat Se Bhi Haath Dhone Padhenge....Main Aaj Tak Samajh Hi Nahi Sakha Ke Wo Kiss Qism Ka Aadmi Hai....
Magar
Main Yeh Baat Fizool Kahe Raha Hu....Jiss Ki Asliyath Mein Farq Ho....


Main Nahi Samjha....Asliyath Se Kya Muraad Hai Aap Ki....!


Kuch Nahi Jane Di Jiye....Yeh Humare Liye Kaabil-E-Farq Baat Nahi Hai....
Baherhaal
Main Aap Ko Ek Mufeed (Faida) Mashwara De Raha Hu....Usse Zyada Raabta-O-Zaabta Na Rakhiyega....
Varna
Nuqsan Ke Alawa Aur Kuch Na Hoga....!


Main Aap Ki Nasihath Par Amal Karne Ki Koshish Karunga....!

 

[syed arshad]

Aasmaan Abar Aalud Hone Ki Bina Par Raat Tareek (Andheri) Thi....Imran Observatory Ke Khareeb Khada Aqeel Ka Intezar Kar Raha Tha....Usne Apni Chamakdar Hindson (Digits) Wali Ghadi Dekhi....1 Baj Chuka Tha....!


Daraab Castle Par Sannate Ki Hukmrani Thi....!


1 Baj Kar 10 Minute Par Aqeel Observatory Se Bahar Aya....
Aur
Imran Ki Nabz Tatolta Hua Bola....Dekhu....Aap Ka Dil To Nahi Dhadak Raha....
Fir
Hans Kar Kaha....Waqai....Aap Kaafi Nidarr Aadmi Hai....Aap Ki Nabz Ki Raftaar Maamul Se Zyada Nahi Maalum Hoti....!


Yaar Kyun Baatein Banate Ho....Khud Dum Nikla Jaa Raha Hai....Itni Der Lagadi....Waah Yaar....


Aahaa....Aqeel Fir Hansa....Acha....Aao....!


Wo Dono Lambe-Lambe Khadam Jamate Hue Asayeb Zada (Bhootiya) Imaarath Ki Taraf Rawaana Ho Gaye....Raaste Bhar Wo Khamosh Hi Rahe....!


Aqeel Imaarath Se Thode Faasle Par Ruk Gaya....!


Ek Baar Fir Sonch Li Jiyega....Usne Kaha....Hum Ek Asayeb Zada Imaarath Mein Daakhil Hone Jaa Rahe Hai....
Agar
Hum Mein Se Kisi Ek Ko Koi Nuqsaan Pahuncha To Dusra Uske Liye Zimmedar Na Hoga....!


Aur Agar....Dono Saath Mare To....?


Iski Sau Feesadi Zimmedari Mere Baap Par Hogi....Aqeel Ne Ajeeb Se Lahje Mein Kaha....
Fir
Bharrayi Hui Awaaz Mein Bola....Main Apni Zindagi Hatheli Par Liye Phirta Hu....!


Aap Ke Baap Par Kyun Hogi....Iski Zimmedari....Imran Ne Badi Masoomiyath Se Pucha


Kyun Ke....Usne Mujh Par Mustaqbil (Future) Ke Darwaaze Bandh Kar Diye Hai....Aap Ko Abhi Maalum Nahi Hua Ke Main Haraami Hu....!


Arey....Lahol Vala Khuvvatah....Kya Baat Karte Hai Aap Bhi....Imran Ne Baukhla Jane Ki Acting Ki


Yeh Haqeeqat Hai....Dost....Main Haraami Hu....Isliye Mujh Par Mustaqbil Ke Darwaaze Bandh Hai....Main Sardar Daraab Ke Bete Ka Nutfah Hu....
Lekin
Koi Bhanghan Bhi Mujhe Apni Farzandi (Adopt) Mein Lena Pasand Nahi Karegi....Imran Sahab....Mere Dil Mein Bhi Khwaahish Chalaangein Leti Hai Ke Apna Ek Ghar Banau....Ek Khush Akhlaaq Biwi Ho....Nanhe-Munhe Bachche Ho....Zindagi Ki Sachchi Masraton (Khushiyon) Ki Gungunahat Sunu....
Lekin
Kya Kabhi Aisa Ho Sakhega....!

 

[syed arshad]

Agar Aap Sahi Kahe Rahe To Mujhe Afsos Hai Mr Aqeel....!


Maine Isliye Nahi Bataya Ke Aap Afsos Zaaher Kar Ke Mera Mazaaq Udhaye....Aqeel Ne Talq (Kadhve) Lahje Mein Kaha....Kya Haqeeqatan Aap Ko Afsos Hai....Main Nahi Maan Sakhta....Lole....Langdhe....Apaahij Aadmiyon Ke Liye Log Afsos Zaaher Karte Hai....Haraami Se Kisi Ko Bhi Koi Hamdardi Nahi Hoti....
Halaanke
Wo Bhi Humdardi Ke Kaabil Hota Hai....!


Yaqeenan....Yaqeenan....
Lekin
Aakhir....Aap Itne Mayoos Kyun Hai....Imran Ahista Se Bola....Kya Aap Bhi Apne Baap Ka Ravaiyya Dohra Nahi Sakhte....!


Hargiz....Nahi....Kabhi Nahi....Main Haraami Zaroor Hu....
Lekin
Mujhse Haraamipan Kabhi Sarzad Nahi Ho Sakhta....Yeh Nasl Kabhi Aage Nahi Badh Sakhegi....!


Aap Ko Sardar Daraab Se Bhi Badi Nafrath Hogi....Khudrati Baat Hai....Imran Ne Kaha


Hargiz Nahi....Aqeel Bola....Yeh Aap Kaise Kahe Sakhte Hai....Wo Bade Azeem (Mahaan) Aadmi Hai....Azeem Tareen....Aap Nahi Jaante....Uske Alawa Duniya Mein Aur Kisi Se Mujhe Mohabbath Nahi....
Kyun Ke
Wahi Ek Aisa Aadmi Hai Jo Mujhse Nafrath Nahi Karta....Mujhse Humdardi Hai....Jo Aksar Bachcho Ki Tarah Phoot-Phoot Kar Rota Hai....Wo Kehta Hai....Bete Main Tere Liye Kuch Na Kar Sakha....
Kyun Ke
Main Tujhe Tere Sahi Muqaam Par Nahi Dekh Sakhta....Main Tere Liye Ghar Nahi Bana Sakhta....Main Kuch Nahi Kar Sakhta Tere Liye....!


Aaj Yeh Darwaaza Sakaat Kyun Hai Mr Aqeel....Imran Ne Ahni Darwaaze Ki Taraf Ishaara Kiya


Wo Kuch Bhi Ho....
Lekin
Aaj Main....Dekhunga....Main Dekhunga Un Asayebiyon (Bhooton) Ko....Aap Yahin Thaheriye....Main Taala Kholne Ki Koshish Karta Hu....Mere Paas Mukhtaleef Qism Ki Kunjiyon (Keys) Ka Guchcha Hai....!


Imran Ne Kuch Kehna Chaha....
Magar
Khamosh Rahe Gaya....!


Aqeel Aage Badh Gaya....!


Imran Wahin Khada Keedhon Ki Gungunahat Sunta Raha....!

 

[syed arshad]

Aasmaan Ka Kuch Hissa Khul Gaya Tha....
Aur
Ab Andhera Pahle Ki Tarah Gehra Nahi Tha....!


Imran Is Lambe Aadmi Ke Mutaleekh (Sambhandit) Bohath Kuch Sonch Raha Tha....
Achanak
Usne Use Wapas Aate Dekha....!


Kyun....? Kya Baat Hai....? Imran Ne Pucha


Main Nahi Kholunga....!


Kyun....?


Kya Faida....
Agar
Yahan Asayeb (Bhoot) Hai To Mera Kya Bigadhta Hai....
Agar
Yeh Humare Castle Mein Phail Jaye....Tab Bhi Mera Koi Nuqsaan Nahi Hoga....Main Kahin Chala Jaunga....!


Magar....Main To Ab Jaunga Andar....!


Main Aap Ko Nahi Rok Sakhta....Aqeel Ne Kaha....
Aur
Wahan Se Jane Ke Liye Aage Badh Gaya....!


Lekin....Imran Uska Baazu Pakadhta Hua Bola....Aakhir Aap Ne Ek Beek Apna Iraada Kyun Mutavi (Cancel) Kar Diya....Oohh....Yeh Dekhiye....Aap Ki Nabz Bhi Thik Chal Rahi Hai....
Yani
Aap Khauffzada Nahi....!


Suniye Janab....Kal Kisi Yahan Koi Haadsa Pesh Aa Jaye To Aap Hi Tamaam Se Kahte Phirenge....Ke Aqeel Ne Darwaaza Khola Tha....!


Oohh....Aisi Surat Mein Bhala Yeh Kaise Meri Zubaan Se Niklega Jab Ke Main Bhi Aap Ke Saath Hu....!


Nahi....Mujhe Khwaamkhaa Kya Padhi Hai....!


Achi Baat Hai....Dost....
Lekin
Main Tum Se Yahan Tak Aane Ka Maqsad Maalum Kiye Baghair Nahi Rahunga....Aakhir....Tum Ne Programme Hi Kyun Banaya Tha....Jab Ke Castle Ka Har Fardh Andhere Mein Idhar Aate Hue Kaanpta Hai....!


Agar....Main Wajah Na Batau....To Mere Kya Bigdhega....!


Yeh To Mustaqbil (Future) Hi Batayega....Imran Ne Laparwaahi Se Kaha....
Aur
Uske Jawaab Ka Intezar Kiye Baghair Aage Badh Gaya....!


Continue............................................................................................................!

 

[syed arshad]

Aaj kuch pages jarur padhunga bhai.

Atul Bhai

 

[syed arshad]

Arshad bhai kaha ho

Update Post Ho Gaya Sahil Bhai