Thriller Ahni (Iron) Darwaaza (Completed)

[syed arshad]

Page 4

Shayad iss baar bicchoo ka koi game hai? Ye dekhna kaafi interesting rahega.

Imran aur Sardar Daraab ke shatranj ka khel kaafi interesting tha...Dekhte hai aage kya hota hai.

Atul Bhai

 

[syed arshad]

Page 5

Bicchhoo ke baare mein to pata chal gaya...Lekin abb Sardar Daraab ka character ke baare mein jaanna interesting hoga.

Dekhte hai Imran kis kaam ke liye aaya hai yaha.

Interesting Updates Arshad bhai...Dekhte hai aage kya hota hai.

Atul Bhai
Sardar Daraab Ka Character Bilkul Saaf Hai
Lekin
Aage Aur Characters Ayenge Jin Ke Characters Rahassamayi Hi Lagenge

 

[syed arshad]

Aaj ke liye itna hi...Story bahut hi interesting hai...Baaki ki updates kal padhunga.

Atul Bhai
Aap Humesha Hi Saath Rahe Aur Umeed Hai Aage Bhi Aise Saath Rahega Aap Ka

 

[syed arshad]

Kya Faida....
Agar
Yahan Asayeb (Bhoot) Hai To Mera Kya Bigadhta Hai....
Agar
Yeh Humare Castle Mein Phail Jaye....Tab Bhi Mera Koi Nuqsaan Nahi Hoga....Main Kahin Chala Jaunga....!


Magar....Main To Ab Jaunga Andar....!


Main Aap Ko Nahi Rok Sakhta....Aqeel Ne Kaha....
Aur
Wahan Se Jane Ke Liye Aage Badh Gaya....!


Lekin....Imran Uska Baazu Pakadhta Hua Bola....Aakhir Aap Ne Ek Beek Apna Iraada Kyun Mutavi (Cancel) Kar Diya....Oohh....Yeh Dekhiye....Aap Ki Nabz Bhi Thik Chal Rahi Hai....
Yani
Aap Khauffzada Nahi....!


Suniye Janab....Kal Kisi Yahan Koi Haadsa Pesh Aa Jaye To Aap Hi Tamaam Se Kahte Phirenge....Ke Aqeel Ne Darwaaza Khola Tha....!


Oohh....Aisi Surat Mein Bhala Yeh Kaise Meri Zubaan Se Niklega Jab Ke Main Bhi Aap Ke Saath Hu....!


Nahi....Mujhe Khwaamkhaa Kya Padhi Hai....!


Achi Baat Hai....Dost....
Lekin
Main Tum Se Yahan Tak Aane Ka Maqsad Maalum Kiye Baghair Nahi Rahunga....Aakhir....Tum Ne Programme Hi Kyun Banaya Tha....Jab Ke Castle Ka Har Fardh Andhere Mein Idhar Aate Hue Kaanpta Hai....!


Agar....Main Wajah Na Batau....To Mere Kya Bigdhega....!


Yeh To Mustaqbil (Future) Hi Batayega....Imran Ne Laparwaahi Se Kaha....
Aur
Uske Jawaab Ka Intezar Kiye Baghair Aage Badh Gaya....!
______________________________________________________________________________

Imran Ke Liye Yeh Koi Mushkil Kaam Nahi Tha Ke Wo Cigar Case Mein Bichchoo Rakhne Wale Ka Pata Laga Leta....
Lekin
Sawaal Tha Maqsad Ka....Is Jurm Ka Maqsad Abhi Tak Uski Samajh Mein Nahi Aa Sakha Tha....Baaz Waqt To Wo Sonchne Par Majboor Ho Jata Ke Yeh Sab Kuch Mahez Mazaaq Tha....Kisi Ne Sardar Daraab Ke Saath Ek Khataraan Qism Ka Mazaaq Kiya Tha....Ho Sakhta Hai....Kabhi Kisi Ko Uska Koi Mazaaq Nagawaar Guzra Ho....
Kyun Ke
Sardar Daraab Ke Mazaaq Khattai Ghair Umeed Taur Par Zaaher Hua Karte The....!

Khud Imran Ko Bhi Ek Baar Iska Talq (Kadhva) Tajurba Ho Chuka Tha....
Yani
Ladkiyon Ke College Mein Ghair Umeed Taur Par Taqreer Karna....Yaqeenan Wo Imran Ke Liye Tashveesh Kun (Chinta-Janak) Lamha Tha....Jab Sardar Daraab Ne Achanak Taqreer Ke Liye Uska Naam Elaan Kiya Tha....Ho Sakhta Hai....Kabhi Kisi Ne Uske Kisi Mazaaq Par Isse Bhi Zyada Badhawaasi Mehsoos Ki Ho....
Aur
Usi Waqt Tai Kiya Ke Wo Bhi Sardar Daraab Ke Inteqaam Liye Baghair Na Rahega....!

Imran Ne Sardar Daraab Ko Bhi Apne Is Khayal Se Aagha Kiya....
Lekin
Sardar Daraab Ise Mahez Ek Mazaaq Tasleem (Sweekar) Karne Tayyaar Nahi Tha....!

Aksar Imran Ka Dil Chahta Ke Is Budhe Ko Chath Mein Ulta Latka Kar Usse Puche Ke Use Kiss Par Shak Hai....Usne Sajjaad Ke Bichchoo Ka Qissa Bhi Sunaya Tha....
Lekin
Sardar Daraab Ka Jawaab Tha....Mumkeen Hai Kisi Ne Uske Bichchoo Chura Kar Cigar Case Mein Rakhe Ho....!

Yahi....Khud Sajjaad Ke Imaan Par Aisa Nahi Ho Sakhta....Imran Ne Pucha

Hargiz Nahi....Main Kabhi Tasleem Nahi Kar Sakhta....!

Fir Aap Yeh Tasleem Ki Jiye Ke Wo Bichchoo Maine Rakhe The....Imran Jhalla Kar Bola

Is Par Sardar Daraab Khamosh Hi Raha....
Fir
Imran Ne Ahni Darwaaze Ka Tazkara Chedhte Hue Aqeel Ki Harkath Ke Mutaleekh (Sambhandit) Bataya....!

 

[syed arshad]

Oohh....Wo Baaz Waqt Paagalon Ki Si Harkatein Karta Hai....Sardar Daraab Ka Jawaab Tha....
Lekin
Tum Khud Soncho Ke Wo Aisi Harkat Kyun Karne Laga....Jab Ke Mujhe Yaqeen Hai Ke Un Bichchooun Ka Taalooq Vasiyath Naame Se Hi Ho Sakhta Hai....!


Dr Najeeb Ke Mutaleekh Kya Khayal Hai....!


Uske Baare Mein Bhi Main Koi Bura Khayal Nahi Rakhta....!


Tab Fir Yeh Harkat Shaheda Ke Alawa Aur Kisi Ki Nahi Ho Sakhti....!


Yeh To Bilkul Hi Bakwaas Khayal Hai....!


Fir Main Aap Ko Yahi Mashwara Dunga Ke Aap Apna Raaj-Paat Chhod Kar Banbaas Le Jiye....Taake....Mujhe Bhi Sukoon Aur Itminaan Naseeb Ho....!


Tum....Tum Yahan Se Jaa Hi Nahi Sakhte....Khwaah....Yeh Ek Mahez Mazaaq Hi Kyun Na Raha Ho....!


Haaain....Kya Matlab....!


Kuch Nahi....Tumhari Badtameeziyon Ke Bawajood Bhi Main Tumhe Pasand Karne Laga Hu....!


Lekin....Main Aap Ko Khattai Pasand Nahi Karta....Imran Bura Sa Muh Bana Kar Bola....Zyada Shareef Aadmi Mujhe Bilkul Ache Nahi Lagte....!


Tumhari Saaf Goyi (Baatein) Aur Bakwaas Mujhe Pasand Hai....!


Lekin....Main Yahan Na Saaf Goyi Ke Liye Aya Hu....
Aur
Na Bakwaas Ke Liye....!


Aur Tum Se Kuch Ho Bhi Nahi Sakhta....!


Kya Nahi Ho Sakhta....Aap Kisi Ke Khilaaf Shak Zaaher To Ki Jiye....!


Tab Fir Tum Suraaghsan (Jasoos) Kaise Hue....!


Main Jasoosi Novels Ka Suraaghsan Nahi Hu....Sardar Sahab....Jise Humesha Aise Mavafiqat (Anukool) Halaath Pesh Aate Hai....Jiss Ki Madad Zameen-O-Aasmaan Karte Hai....Jise Humesha Hi Aise Ittefaaqaat Pesh Aate Hai....Jo Use Sahi Mujrim Tak Pahuncha De....!


Sardar Daraab Kuch Na Bola....!


Thodi Der Baad Imran Ne Kaha....Ab Dusri Surat Ho Sakhti Hai Mere Khayal Se....Mujhe Ek Drama Stage Karna Padhega....Wo Bhi Aap Hi Ke Is Khayal Ki Mavafiqat Mein Ke Bichchoo Ka Taalooq Aap Ke Vaisyat Naame Se Ho Sakhta Hai....Aap Isi Khayal Par Jame Hue Hai....
Lekin
Shayad....Iski Wajah Batane Par Tayyaar Nahi....!

 

[syed arshad]

Kya Drama Stage Karoge....?


Apne Mashair (Salaahkaar) Khanoon Ko Talab Ki Jiye....
Aur
Dobara Iska Propaganda Karaiye....Ke Aap Vasiyat Naama Tayyaar Karane Wale Hai....!


Isse Kya Hoga....!


Ab Main Kisi Bhi Sawaal Ka Jawaab Dene Par Tayaar Nahi....Imran Ne Kaha....Aap Agar Aisa Kar Sakhte Hai To Ki Jiye....
Varna
Main Aaj Hi Yahan Se Rawaana Ho Jaunga....!


Sardar Daraab Thodi Der Tak Kuch Sonchta Raha....
Fir
Bola....Achi Baat Hai....Main Aaj Hi Use Phone Kar Ke Bulaunga....Wo Sadargarh Hi Mein Rehta Hai....
Aur
Kuch....?


Nahi....Filhaal Itna Hi....!


Shaheda Ko Imran Ki Is Tajveez (Prastav) Ka iLm Ho Gaya Tha....Wo Uske Piche Padh Gayi....Wo Chahti Thi....Imran Use Apne Programme Ke Maqsad Se Use Aagha Kare....Shayad Sardar Daraab Hi Ne Use Iske Mutaleekh Bataya Tha....
Varna
Yeh Guftgu Unhi Dono Ke Darmiyaan Hui Thi....Koi Teesra Wahan Maujood Nahi Tha....!


Shaheda Shayad Uske Maamlaat Mein Bohath Zyada Khareeb Thi....!


Fir Imran Ne Bhi Ahista-Ahista Yeh Baat Mashoor Karni Shuru Kar Di Ke Sardar Daraab Ne Apni Vasiyat Tayyaar Karne Ke Liye Khanooni Mashair Ko Castle Mein Talab Kiya Hai....!


Isse Uska Maqsad Yeh Tha Ke Wo Daraab Ke Rishtedaron Par Iska Rad-O-Amal (Pratikriya) Dekh Sakhe....
Lekin
Wo Sab Hi Is Khabar Ko Sunte Hi Bechain Nazar Aane Lage The....
Lekin
Aqeel Aur Shaheda Par Iska Koi Asar Nahi Hua Tha....!


Aqeel To Khair....Khareej Al-Bahes Tha....
Lekin
Shaheda Ke Mutaleekh Imran Koi Khaas Rai Khayam Na Kar Sakha....Baaz Waqt Wo Khud Use Badi Pur Israar (Rahassamayi) Maalum Hone Lagti Thi....
Baherhaal....
Imran Ne Puri Scheme Tayyaar Kar Li Thi....!

 

[syed arshad]

Jiss Din Sardar Daraab Ka Khanooni Mashair Castle Pahuncha....Usi Din Imran Ki Tajveez Ke Mutabeeq Sardar Daraab Ne Apne Saare Rishtedaron Ko Raat Ke Khane Par Bulaya....Hatta Ke Apaahij Bhai Sajjaad Ko Bhi Nahi Chhoda....Do Naukar Use Utha Kar Wahan Laye The....!


Is Mauqe Par Usne Aqeel Ko Mehroom (Vanchit) Nahi Kiya....Wo Bhi Khane Ki Mez Par Maujood Tha....!


Imran Ne Mehsoos Kiya Ke Uske Aur Shaheda Ke Taalooqaat Bohath Ache Hai....
Aur
Un Dono Ke Darmiyaan Khaloos Bhi Paya Jata Hai....!


Sab Ek Dusre Se Ghool-Mil Kar Guftgu Kar Rahe The....
Magar
Dr Najeeb Khud Ko Bohath Zyada Diye-Liye Nazar Aa Raha Tha....Waise Bhi Wo Aam Taur Par Sanjheeda Nazar Aya Karta Tha....
Magar
Is Waqt Uski Sanjheedgi Aur Zyada Gehri Ho Gayi Thi....Jiss Waqt Aya Tha Sardar Daraab Se Bohath Hi Maamuli Qism Ki Guftgu Hui Thi....
Aur
Fir....Wo Khamosh Hi Ho Gaya Tha....!


Sardar Daraab Ke Dusre Rishtedar Bhi Mushkil Hi Se Usse Mukhateeb Hue The....
Baherhaal
Pahli Nazar Hi Mein Yeh Rai Khayam Ki Jaa Sakhti Thi Ke Wo Rishtedaron Mein Maqbool (Lokpriye) Nahi Hai....!


Khane Ke Baad Mez Saaf Kar Di Gayi....
Aur
Ek Mulaazim Har Ke Saamne Ek-Ek Glass Sharaab Ka Rakh Raha Tha....!


Imran Ko Is Par Badi Hairath Hui....Wo Sonch Raha Tha Ke Ab Sharaab Ka Daur Chalega....Abhi Tak Use Iska iLm Nahi Ho Sakha Tha Ke Is Imaarath Mein Sharaab Bhi Hogi....Usne Sardar Daraab Ki Taraf Dekha....
Lekin
Uske Chahre Par Sanjheedgi Ke Asaar The....!


Imran Hi Nahi....
Balke
Is Par Sabhi Hairaan The....Hatta Ke Dr Najeeb Ke Sapaat Chahre Par Bhi Imran Ko Tabdiliyan Nazar Aane Lagi....Uski Aankhein Kisi Hairath Zada Bachche Ki Si Nazar Aa Rahi Thi....
Aur
Uske Chahre Se Sanjheedgi Ka Ghilaaf (Cover) Utar Gaya Tha....!


Khane Ki Mez Par Shaheda Ke Saath Uski Saheli Bilkhees Bhi Thi....
Aur
Wo Bohath Sheedath Se Bore Nazar Aa Rahi Thi....Imran Uske Barabar Hi Maujood Tha....!

 

[syed arshad]

Parwaah Mat Karo....Imran Ahista Se Bola....
Magar
Zyada Mat Peena....!


Main Laanath Bhejti Hu....Bilkhees Badhbadhayi....Mujhe Nahi Maalum Tha Ke Yahan Yeh Bhi Hoga....Mere Khuda....Yeh Shaheda Bhi Peeti Hai....!


Arey....Yeh To Charas Bhi Pi Sakhti Hai....Imran Bola....Pata Nahi Kyun Tum Usse Milti Ho....!


Agar Mere Rakhe Hue Glass Mein Sharaab Undheli Gayi To Main Use Budhe Ke Muh Par Khinch Maarungi....!


Tum Kabhi Aisa Nahi Kar Sakhti....Darpok Ho....!


Dekh Lena....!


Kya Dekh Lu....!


Kuch Nahi....Dimaagh Na Chaato....Bilkhees Ne Haath Jhatak Kaha


Kya Baat Hai....Sardar Daraab Ne Imran Se Pucha


Kuch Nahi....Yeh Kahti Hai Ke....
Agar
Mere Saamne Rakhe Hue Glass Mein Sharaab Daali Gayi To....


Bekaar Bakwaas....Bilkhees Use Khane Ko Daudi


Oh....Tum Sharaab Nahi Peeti....Sardar Daraab Ne Usse Pucha


Nahi....Bilkhees Ne Baukhlaye Hue Andaaz Mein Kaha


Aahaa....Tab Fir Tum Jaa Kar Aaram Karo....Mujhe Khattai Nagawaar Nahi Guzrega....Sardar Daraab Bola


Bilkhees Jane Ke Liye Uthi....!


Shaheda Bhi Uth Gayi....!


Baitho....Sardar Daraab Shaheda Se Bola....Tum Peeti Ho....Baith Jao....!


Achanak....Aqeel Khada Ho Kar Bola....
Agar
Aap Ne Ise Sharaab Peene Par Majboor Kiya To Main Yahin Isi Jagaah Khudkashi Kar Lunga....!


Baitho....Gadhe....!


Kya Aap....


Nahi....Main Bhi Sharaab Nahi Peeta....!


Baith Jao....!


Bilkhees Kamre Se Jaa Chuki Thi....!


Shaheda Aur Aqeel Khade Hue The.....!


Sajjaad Ke Pairon Mein Jaan Hi Nahi Thi....
Lekin
Uske Chahre Par Hawaiyan Udhi Hui Thi....!


Yeh Sab Kuch Imran Ki Scheme Mein Shaamil Nahi Tha....Usne Daraab Ke Khanooni Mashair Ki Taraf Dekha....Wo Bhi Khane Ki Mez Par Maujood Tha....
Aur
Is Waqiye Mein Khaasi Dilchaspi Le Raha Tha....!

 

[syed arshad]

Achanak....Ek Mulaazim Haath Mein Ek Badi Si Chai-Daani Uthaye Hue Kamre Mein Daakhil Hua....
Aur
Ek Taraf Se Saare Glass Mein Baghair Doodh Ki Sabz (Green) Chai Undhelni Shuru Ki....!


Sardar Daraab Ki Sanjheedgi Mein Zara Barabar Bhi Farq Nahi Aya....!


Shaheda Aur Aqeel Khafeef (Apmaanit) Ho Kar Baith Gaye....!


Chai Ke Baad Sardar Daraab Ne Apne Rishtedaron Ko Mukhateeb Kar Ke Kaha....Ke Wo Ab Kaafi Budha Ho Chuka Hai....Pata Nahi Kab Mar Jaye....
Lehaaza
Ab Wo Apni Vasiyat Tayyaar Kar Lena Chahta Hai....
Aur
Wo Kisi Bhi Haqdar Ko Mayoos Nahi Karega....!


Is Par Logon Ne Aqeel Ki Taraf Dekha....
Aur
Aqeel Haath Utha Kar Bola....Aap Ne Mujhe Kyun Bulaya Tha....Haa....Baba....!


Kya Tum Bhi Mere Hi Jism Ka Hissa Nahi Ho....Sardar Daraab Ne Maghmoom (Udaas) Awaaz Mein Kaha


Jee Haa....Badh-Gosht....!


Bakwaas Mat Karo Aqeel....
Varna
Thappad Maar Dunga....Gadhe Kahin Ke....Sardar Daraab Ne Kaha....
Aur
Fir....Apni Taqreer Shuru Kar Di....Wo Kahe Raha Tha....Vasiyat Ki Tafseel Uske Marne Se Pahle Kisi Ko Nahi Maalum Ho Sakhegi....Vasiyat Naama Khanooni Mashair Ke Paas Mehfooz Rahega....
Aur
Is Vasiyat Naame Ki Takmeel Ainda Shaam Tak Ho Jayegi....Taqreer Khatm Kar Ke Wo Baith Gaya....!


Sab Khamosh The....!


Aqeel Ke Alawa Aur Kisi Ke Chahre Se Nahi Zaaher Ho Raha Tha Use Is Taqreer Se Zara Barabar Bhi Dilchaspi Rahi Ho....Uska Chehra Surq (Red) Ho Raha Tha....
Aur
Wo Baar-Baar Apna Nichla Honth Chaba Raha....Aakhir....Wo Badhbadhane Laga....Nahi....Main Ise Bardaasht Nahi Kar Sakhta....Aakhir....Haqdaron Ke Majme (Bheedh) Mein Mujhe Kyun Ghaseeta Gaya....Baba....Yeh Meri Tauheen Hai....Ab Main Castle Mein Nahi Rahunga....Kahin Aur Jaa Marunga....Janab....!


Sardar Daraab Haath Ke Ishaare Se Nasheest (Seating) Barkhvaast Kar Ke Uth Gaya....!

 

[syed arshad]

Raat Gehri Tareek (Andheri) Thi....Aasmaan Par Badalon Ke Pare Ke Pare Tairte Phir Rahe The....Ek Lught Ke Liye Taaron Ki Chaaun Nazar Aati....
Aur
Fir....Khule Hue Aasmaan Ko Badal Dhaanp Leta....!


Bilkhees Aur Shaheda Imaarath Ki Chath Par Chal Rahi Thi....!


Aakhir Tum Kya Karti Phir Rahi Ho....Bilkhees Ne Shaheda Se Pucha


Main Pareshaan Hu Bilkhees....Maalum Nahi Yeh Paagal Aadmi Kya Karna Chahta Hai....Aaj Yeh Drama Usi Ne Stage Kiya Tha....
Lekin
Maqsad Na Baba Ko Bataya....
Aur
Na Mujhe....!


Oohh....To Kya Yeh Sab Kuch Unhi Bichchooun Ke Silsile Mein Ho Raha Hai....!


Main Ab Yeh Bhi Nahi Kahe Sakhti....Khuda Jane....Kya Maamla Hai....!


Yeh Sharaab Wala Waqiya Khoob Raha....Mere Khayal Se Tumhare Baba Mujhe Wahan Se Uthana Chahte The....!


Hargiz Nahi....Unke Mazaaq Isi Qism Ke Hote Hai....!


To Fir....Wo Bichchoo Wala Maamla Bhi Kahin Mazaaq Hi Na Raha Ho....Tumhe Khauffzada Kar Ke Hansna Chahte Rahe Ho....!


Khuda Jane....!


Fir Tum Ab Kya Karti Phir Rahi Ho....!


Baba Ke Kamre Mein Jhaankenge....Shaheda Ne Kaha....Wo Imran Unke Kamre Mein Gaya Tha....
Fir
Maine Use Bahar Aate Nahi Dekha....
Aur
Kuch Der Baad Kamre Mein Neeli Roshni Nazar Aane Lagi....Iska Yeh Matlab Tha Ke Baba Sone Jaa Rahe Hai....
Lehaaza
Imran Ko Aisi Surat Mein Bahar Aa Jana Chahiye....
Magar
Taqreeban Aadhe Ghante Tak Intezar Karti Rahi....
Magar
Wo Bahar Nahi Aya....!


Fir....Jhaankne Se Kya Faida....!


Main Dekhungi Ke Andar Kya Ho Raha Hai....Main Aaj Bohath Pareshaan Hu....Aaj Ki Dawath Har Lehaaz Se Ghair Maamuli Thi....!


Ek Jagaah Shaheda Ruk Gayi....!


Ek Roshandan Ke Sheeshon Se Neeli Roshni Nazar Aa Rahi Thi....!


Dusre Hi Lamhe Mein Wo Roshandan Par Jhuki....
Aur
Fir....Is Tarah Uchal Kar Piche Aa Padhi....Jaise Beejli Ka Jhatka Laga Ho....!


Bilkhees Use Uthane Ke Liye Jhapti....!