Thriller Ahni (Iron) Darwaaza (Completed)

[syed arshad]

Baba....Shaheda Bharrayi Hui Awaaz Mein Badhbadhayi....Baba Ko Bachao....
Fir
Wo Halaq Phaadh Kar Cheekhne Lagi....Baba Ko Bachao....Baba Ko Bachao....!


Bilkhees Buri Tarah Kaanpne Lagi....!


Sannate Mein Shaheda Ki Cheekhein Sansani Paida Karti Rahi....
Fir
Wo Behosh Ho Kar Gir Padhi....Aisa Maalum Ho Raha Tha Jaise Pure Castle Mein Kahin Aadmiyon Ka Naam-O-Nishaan Tak Na Ho....Ab Fir Wahi Sannata Tha....
Aur
Jhinguron Ki Jhaayein-Jhaayein....!


Bilkhees Badi Tezi Se Roshandan Ki Taraf Badhi....
Aur
Dusre Hi Lamhe Mein Uske Pairon Tale Zameen Nikal Gayi....!


Sardar Daraab Ke Kamre Mein 7 Aadmi Nazar Aa Rahe The....6 Ke Chahron Par Kaale Naqaab The....
Aur
7va Imran Apne Dono Haath Upar Uthaye Hue Khada Tha....
Aur
Ek Naqaabposh Ka Revolver Uski Taraf Utha Hua Tha....!


Paanch Aadmi Sardar Daraab Ke Haath-Pair Baandh Rahe The....!


Achanak....Imran Ne Darwaaze Ki Taraf Chalaang Lagayi....
Aur
Naqaabposh Ne Pay-Dar-Pay Teen Fire Jhonk Diye....!


Bilkhees Ne Imran Ko Bandaron Ki Tarah Uchalte-Koodhte Dekha....
Aur
Fir....Wo Ek Lambi Karaah Ke Saath Farsh Par Gir Gaya....Bilkhees Ki Gheeghi Bandh Ho Gayi....Wo Sirf Dekh Sakhti Thi....Na Bol Sakhti Thi....
Aur
Na Apni Jagaah Se Harkat Kar Sakhti Thi....!


Naqaabposh Itne Mutmayeen (Santusht) Nazar Aa Rahe The Jaise Unhe Ab Kisi Ki Dakhal Andaazi Ka Khaadsha Hi Baaqi Na Raha Ho....Jab Wo Sardar Daraab Ko Baandh Chuke To Fire Karne Wale Naqaabposh Ne Imran Ki Laash Ki Taraf Ishaara Kiya....!

 

[syed arshad]

Ek Aadmi Shayad Use Seedha Karne Ke Liye Badha....Wo Us Par Jhuka Hi Tha Ke Bilkhees Ne Use Fire Karne Wale Par Girte Dekha....Dono Ek Saath Farsh Par Dher Ho Gaye....
Aur
Imran Dono Par Savaar Tha....
Fir
Shayad Wo Fire Karne Wale Ka Hi Revolver Tha Jise Wo Mutthi Mein Dabaye Hue Piche Hat Gaya....!


Khade Ho Jao....Apne Haath Uthao....Imran Ne Unhe Mukhateeb Kar Ke Kaha....!


Unke Haath Upar Uth Gaye....!


Bilkhees Ke Honth Ahista-Ahista Phail Rahe The....Pata Nahi Wo Muskura Rahi Thi....Ya Waqti Khayal Ka Nateeja Tha....!


Sardar Daraab Ko Khol Do....
Varna
Tum Mein Se Koi Bhi Zinda Na Bachega....Imran Ne Unhe Lalkaara


Idhar Bilkhees Besaqta Uchal Padhi....!


Shaheda Hawaas Durust Hone Par Roshandan Ki Taraf Jhapti Thi....!


Na Jane Kyun Un Dono Ke Halaq Bandh Se Ho Gaye The....!


Shaheda Fir Roshandan Par Jhuk Padhi....!


Idhar Ek Aadmi Himmat Kar Ke Imran Par Jhapta Hi Tha Ke Revolver Ki Surq Zubaan Nikal Padhi....
Aur
Wo Apni Raan Dabaye Hue Dher Ho Gaya....!


Sardar Ko Kholo....
Varna
Koi Na Bach Sakhega....Meri Jeb Mein Bhi Ek Revolver Maujood Hai....Isme Chaar Goliyan Khatm Ho Chuki Hai....
Lekin
Yeh....Imran Ne Jeb Se Dusri Revolver Nikaalte Hue Kaha....Yeh Tum Sab Ke Liye Kaafi Hoga....Mera Nishaana Kam Khata Karta Hai....!


Magar....Shayad....Wo Un Logon Ki Maut-O-Zindagi Ka Sawaal Tha....Zara Hi Der Mein Sardar Daraab Ka Dushman Be-Naqaab Ho Jata....!


Hume....Imran Ki Madad Karni Chahiye....Shaheda Ne Badh Waqt Tamaam Ahista Se Kaha....
Fir
Wo Bilkhees Ko Dhakelti Hui Seedhiyon Tak Le Jane Lagi....Unme Se Kisi Ko Bhi Namaalum Ho Sakha Ke Wo Kiss Tarah Niche Pahunch Kar Sardar Daraab Ke Kamre Tak Pahunchi....Unhe Iska Bhi Hosh Nahi Tha Ke Hosh Nahi Tha Ke Wo Imaarath Ki Veerani Par Dhyan Deti....
Halaanke
Wo Jaanti Thi Ke Is Imaarath Mein Kayi Naukar Sote The....!


Khususan Daraab Ka Khaas Naukar Ka Kamra Usi Ke Kamre Ke Barabar Tha....
Magar
Itni Hadbong Ke Bawajood Bhi Kisi Ki Aankh Nahi Khuli Thi....!


Sardar Ki Khwaabgah (Bedroom) Ka Darwaaza Khula Hua Tha....!


Magar Itni Der Mein Bisaat Badal Chuki Thi....Wo Sab Imran Par Toot Padhe The....
Aur
Imran Cheekh Raha Tha....Tumhare Farishte Bhi Mujhse Revolver Nahi Cheen Sakhte....!

 

[syed arshad]

Fir Ek Fire Hua....Kamre Mein Ek Cheekh Gunji....
Aur
Humlavaron Mein Ek Dur Jaa Gira....!


Fir Fire Hua....Dusra Uchla....
Aur
Darwaaze Se Takrata Hua Farsh Par Aa Raha....Ab Sirf Teen Rahe Gaye The....!


Dono Ladkiyan Besaqta Cheekhne Lagi....
Achanak
Ek Naqaabposh Unhe Dhakka Deta Hua Bahar Bhaaga....Ladkiyan Raahdari Ki Dusri Deewar Se Jaa Takrayi....!


Lekin....Imran Do Aadmiyon Ko Chhod Kar Bhaagne Wale Ke Piche Jhapta....Raahdari Tareek (Andheri) Hoti To Shayad Wo Nikal Hi Gaya Tha....!


Raahdari Ke Bulb Un Ladkiyon Mein Se Kisi Ne Roshan Kiye The....!


Imran Baaqi Do Aadmiyon Ki Raah Rok Kar Khada Ho Gaya....Uska Revolver Unki Taraf Utha Hua Tha....!


Dono Ruk Gaye....!


Tumhara Bhi Yahi Anjaam Ho Sakhta Hai....Imran Ghurraya....Behathari Isi Mein Hai Ke Zameen Par Aundhe Let Jao....!


Un Dono Ne Chup-Chaap Tameel Ki....!


Aur Tum Dono Kya Dekh Rahi Ho....Imran Ne Dono Ladkiyon Ko Lalkaara....Sardar Ki Khabar Lo....Jaldi Karo....
Varna
Ho Sakhta Hai Unka Dum Ghoot Jaye....!


Piche Dekho....
Achanak
Shaheda Hizyani Andaaz Mein Cheekhi....!


Imran Chaunk Kar Mudha....!


Zakhmi Naqaabposh Ek Bada Chura Pakdhe Hue Uski Taraf Reng Raha Tha....Shayad Uski Taang Mein Goli Lagi Thi....
Aur
Wo Khada Nahi Ho Sakhta Tha....Uske Zahen Mein Ek Hi Khayal Tha Ke Wo Kisi Tarah Imran Ko Khatm Kar De....!


Achanak Imran Ne Uchal Kar Uske Sar Par Thokar Lagayi....
Aur
Wo Ek Lambi Karaah Ke Saath Cheet Ho Gaya....!


Ladkiyan Bhaag Kar Andar Chali Gayi....!


Wahan Teen Aadmi Farsh Par Behosh Padhe Hue The....
Aur
Kamre Mein Har Taraf Khoon Ki Lakeerein Phail Rahi Thi....!


Unhone Kaanpte Hue Haath Se Sardar Daraab Ke Chahre Par Se Naqaab Hataya....!

 

[syed arshad]

Daraab Ki Aankhein Khuli Hui Thi....
Aur
Palkein Bhi Jhapka Raha Tha....
Lekin
Zubaan Se Kuch Nahi Kahe Sakhta Tha....
Kyun Ke
Muh Mein Halaq Tak Kapdha Thoons Diya Gaya Tha....!


Unhone Uske Muh Se Kapdha Nikaala....
Aur
Haath-Pair Kholne Lagi....Sardar Daraab Khamosh Padha Raha....
Fir
Usne Ladkiyon Ko Ishaara Kiya Ke Wo Use Uthaye....Unki Madad Se Wo Uth Kar Baith Gaya....Chandh Lamhe Dono Haathon Se Chehra Chupaye Baitha Raha....
Fir
Sar Utha Kar Bola....Kya Yeh Log Mar Gaye Hai....!


Pata Nahi....Shaheda Use Uthati Hui Boli....Is Kamre Se Chaliye....!


Imran Kahan Hai....?


Raahdari Mein....!


Chalo....Sardar Daraab Uth Khada Ho Gaya


Usi Waqt Imran Kamre Mein Daakhil Hua....!


Tum Ne Inhe Maar Daala....Sardar Daraab Ne Kanpkapati Hui Awaaz Mein Kaha


Nahi To Kya Fir Inki Puja Karta....Teen Wahan Raahdari Mein Bhi Hai....Imran Ne Laparwaahi Se Jawaab Diya


Kya Unhe Bhi Maar Daala....Sardar Daraab Ladhkhada Kar Deewar Se Jaa Laga


Kyun Khwaamkhaa Mujhe Bore Kar Rahe Hai....Inme Se Mujhe Koi Bhi Itna Hayadar Nahi Maalum Hota Ke Taangon Par Goli Lagne Se Mar Jaye....!


Ooohhh....Sardar Daraab Ne Lambi Saans Li


Imran Ne Kamre Mein Padhe Hue Teeno Aadmiyon Ke Chahron Se Naqaab Hataye....
Lekin
Sardar Daraab Na Mein Sar Hilata Hua Bola....Inme Se Kisi Ko Bhi Nahi Pehchaanta....!


Fir Wo Raahdari Mein Aye....Do Aadmi Barabar Se Aundhe Padhe Hue The.....Imran Ne Unhe Thokarein Maar-Maar Kar Behosh Kiya Tha....!


Sardar Daraab Ne Un Dono Ko Bhi Pehchaanne Se Inkaar Kar Diya....!


Ab Sirf Wo Aadmi Baaqi Bacha Tha Jiss Ne Imran Ko Chura Maarne Ki Koshish Ki Thi....!


Jaise Hi Imran Ne Uske Chahre Se Naqaab Hatayi....Na Sirf Daraab....
Balke
Ladkiyan Bhi Badhawaas Ho Gayi....!


Unke Saamne Dr Najeeb Cheet Padha Hua Tha....!

 

[syed arshad]

Aisa Maalum Ho Raha Tha Jaise Sardar Daraab Ko Saqta Ho Gaya Ho....Wo Kuch Der Baad Haklaya....Is....Mmmm....Mmmmaaamm....Maamle....Ko Daba Hi Dena Behtar Hoga....!


Yeh Namumkeen Hai....Khattai Namumkeen....Aap Agar Is Maamle Mein Dakhal Denge To Main Aap Ko Bhi Nahi Chhodunga....Aap Kya Samajhte Hai Mujhe....Main Ek Zimmedar Officer Hu....!


Private-Detective....!


Yeh Mahez Bakwaas Hai....Humare Mulk Mein Private-Detective Ke Liye Licence Nahi Diye Jate....Imran Ne Kaha


Thodi Der Baad Imran Ne Saare Zakhmiyon Ko Sardar Daraab Ke Kamre Mein Badh Kar Diya....
Fir
Imaarath Ke Naukaron Ko Talaash Karte Hue Yeh Haqeeqat Khuli Ke Saare Naukar Pahle Hi Bebas Kar Diye Gaye The....!


Imran Aur Ladkiyon Ke Kamre Ki Bhi Talaashi Li Gayi....
Lekin
Us Waqt Imran Sardar Daraab Ki Masheri (Bed) Ke Niche Aaram Kar Raha Tha....
Aur
Ladkiyan Chath Par Bhatakti Phir Rahi Thi....!


Sardar Daraab Ka Khaas Naukar Apne Kamre Mein Behosh Paya Gaya....Shayad Use Chloroform Diya Gaya Tha....!


Dusre Naukaron Ko Bhi Kaafi Der Baad Hosh Aa Sakha Tha....
Fir
Zara Hi Si Der Mein Saara Castle Imaarath Mein Umadh Padha....!


Basti Ke Police-Station Ko Phone Kiya Gaya....!


Dusri Taraf Imran....Sardar Daraab
Aur
Uske Teen Managers Samet Dr Najeeb Ki Rihayashigah Par Pahuncha....
Aur
Imaarath Ka Ek-Ek Kona Dekhta Phira....
Lekin
Sardar Daraab Ko Uljhan Ho Rahi Thi....
Kyun Ke
Uska Bhaag-Daud Ka Maqsad Uski Samajh Mein Nahi Aa Sakha Tha....Usne Imran Se Iske Mutaleekh (Sambhandit) Pucha....!

 

[syed arshad]

Bichchooun Ka Maqsad Talaash Kar Raha Hu....
Kyun Ke
Abhi Tak Bichchooun Ka Maqsad Meri Samajh Mein Nahi Aa Sakha....
Agar
Najeeb Yeh Chahta Tha Ke Aap Vasiyat Naama Tayyaar Na Sakhe To Pahle Bhi Bichchoo Wali Harkath Karne Ki Bajaye Aap Ko Maar Hi Daalta....
Lekin
Mahez Vasiyat Naama Tayyaar Karne Se Pahle Mar Bhi Jate To Isse Kya Farq Padhta....Khanooni Taur Par Aap Ke Dusre Vaaris Har Haal Mein Aap Ki Milkiyat Mein Hissa Paate....
Lehaaza
Vasiyat Naama Wala Chakkar Fizool Hai....!


Fir Tum Ne Yeh Drama Kyun Kiya Tha....Mera Khayal Hai Ke Tumhe Iski Umeed Thi....Jo Us Waqt Zaaher Hua Hai....!


Aap Ka Khayal Durust Hai....Us Waqt Wahi Kuch Pesh Aya Hai....Jo Maine Soncha Tha....
Lekin
Ab Mujhe Asal Ki Talaash Hai....Yeh To Mahez Ek Waqiya Tha....!


Imran Khamosh Ho Kuch Sonchne Laga....
Fir
Sardar Daraab Se Pucha....Haa....Wo Ahni Darwaaza Kab Se Hilaya Jaa Raha Hai....
Yani
Is Imaarath Mein Asayebi (Bhootiya) Khalal Kab Se Hua Hai....!


Yahi Koi Maah Ya Dedh Maah Pahle Ki Baat Hai....Sardar Daraab Ne Jawaab Diya


Good....Imran Sar Hila Kar Bola....Main Zara Us Imaarath Ko Bhi Dekh Lu....
Agar
Mujhe Wahan Bhi Maqsad Namaalum Ho Sakha To Yahi Samjhunga Ke Bichchooun Ka Is Maamle Se Koi Taalooq Nahi....!


Sardar Daraab Kuch Na Bola....Wo Is Waqt Imran Ke Ishaaron Par Naach Raha Tha....Usne Ahni Darwaaze Ke Khufal (Lock) Ki Kunji (Key) Mangwayi....!


Thodi Der Baad Wo Ahni Darwaaza Khol Kar Andar Daakhil Hue....Unhe Ek Kamre Mein Maddham Si Roshni Dikhayi Di....!


Imran Ke Alawa Aur Sab Jahan Bhi The Wahin Ruk Gaye....
Lekin
Imran Kamre Ki Taraf Badhta Raha....Darwaaze Par Ruk Kar Usne Unhe Aane Ka Ishaara Kiya....!


Sardar Daraab Ahista-Ahista Aage Badha....
Lekin
Wo Teeno Wahin Rahe....!

 

[syed arshad]

Imran Sardar Daraab Ka Haath Pakdhe Hue Kamre Mein Daakhil Hua....Saamne Hi Ek Palang Par Koi So Raha Tha....Uska Jism Kambal Se Dhaka Hua Tha....!


Jaise Hi Imran Palang Ki Taraf Badha Sardar Daraab Ne Uska Haath Pakadh Liya....!


Imran Ne Mehsoos Kiya Ke Sardar Daraab Buri Tarah Kaanp Raha Hai....!


Imran Ne Uska Haath Chhuda Kar Sone Wale Ka Kambal Khinch Liya....
Aur
Dusre Hi Lamhe Mein Sardar Daraab Ke Halaq Se Ek Halki Si Cheekh Nikal Gayi....
Kyun Ke
Palang Se Uchal Kar Uthne Wala Bhi Sardar Daraab Hi Tha....!


BBBhhh....BBBhhhooo....Bhoot....Sardar Daraab Imran Se Lipat Gaya


Khabardar....Imran Ne Apna Revolver Palang Se Uthne Wale Ki Taraf Karte Hue Kaha....Apni Jagaah Se Jumbish Bhi Na Karna....
Varna
Goli Maar Dunga....
Fir
Wo Sardar Daraab Se Bola....Bichchoo Ka Maqsad Zaaher Ho Gaya....Sardar Sahab....Kya Aap Kahe Sakhte Hai Ke Aap Ke Saamne Aaina Nahi Hai....!


Saamne Khade Aadmi....
Aur
Sardar Daraab Mein Zara Barabar Bhi Farq Nahi Tha....!


Sardar Daraab Badastoor Kaanpta Raha....
Magar
Dusri Taraf Uska Humshakl Bhi Buri Tarah Kaanp Raha Tha....!


Dr Najeeb Sirf Itne Din Aap Ko Vasiyat Naama Tayyaar Karne Se Rokna Chahta Tha....Jab Tak Ke Uska Tajurba Mukammal Na Ho Jaye....Aaj Agar Wo Kaamyaab Ho Jata To Aap Mar Jane Ke Bawajood Bhi Zinda Rahte....
Yani
Aap Ki Jagaah Plastic Surgery Ka Shaahikaar (Masterpiece) Le Leta....
Aur
Aap Ki Daulath Par Sirf Dr Najeeb Ka Haath Hota....
Fir
Kisi Vasiyat Naame Ki Zaroorat Hi Baaqi Na Rahe Jati....
Aur
Wo Uske Baad Ahista-Ahista Aap Ke Dusre Vaarison Ko Bhi Raaste Se Hata Deta....Is Imaarath Ko Isi Liye Asayeb Zada (Bhootiya) Bana Gaya Tha Ke Koi Idhar Ka Rooq Bhi Na Kar Sakhe....
Aur
Dr Najeeb Yahan Itminaan Se Apni Shaahikaar Mukammal Karta Rahe....Ab Main Mutmayeen (Santusht) Hu Sardar Sahab....!


Bichchooun Ka Maqsad Sirf Yeh Tha Ke Aap Vasiyat Naama Na Tayyaar Kar Sakhe....Us Waqt Tak Jab Tak Ke Aap Ki Jagaah Lene Wala Ban Kar Tayyaar Na Ho Jaye....!


Fir Imran Ne Sardar Daraab Ke Humshakl Par Mukke Barsaane Shuru Kar Diye....
Aur
Usne Zara Hi Der Mein Aiteraaf (Khabool) Kar Liya Ke Wo Sadargarh Ka Ek Ghunda Tha....
Aur
Dr Najeeb Ne Us Par Plastic Surgery Ka Amal Kar Ke Use Sardar Daraab Bana Dene Ka Waada Kiya Tha....Baaqi Paanch Aadmiyon Ke Mutaleekh (Sambhandit) Bhi Usne Bataya Ke Wo Uske Patthe The....!


Subaah Hote-Hote Wo Sab Police Hawaale Kar Diye Gaye....!


Sardar Daraab Is Tarah Khamosh Ho Gaya Tha Jaise Uski Khuvvat (Energy) Khatm Ho Gayi Ho....!

 

[syed arshad]

Dusri Shaam Jab Imran Daraab Castle Se Ruqsath Ho Raha Tha....Sardar Daraab Ne Bade Noton Ki Ek Gaddi Imran Ke Saamne Rakh Di....!


Main Majboor Hu Sardar Sahab....Imran Ne Kaha....Mujhe Afsos Hai....Sir Sultan Ne Mujhe Iski Hidayath Nahi Ki Thi....!


Main De Raha Hu Tumhe Apna Bachcha Samajh Kar....Sardar Daraab Ne Glogar Awaaz Mein Kaha....Main Chahta Hu Ke Tum Humesha Mere Saath Raho....Kuch Din To Thahero....!


Mujhe Afsos Hai Janab....Mere Paas Abhi Kayi Aise Cases Hai Jinhe Niptana Zaroori Hai....Imran Ne Jawaab Diya


Fir Jab Uski Car Castle Ke Phaatak Par Pahunchi To Shaheda Aur Bilkhees Ne Raasta Rok Liya....Shayad Wo Wahan Uska Intezar Kar Rahi Thi....!


Shaheda Ki Aankhon Mein Aansoo The....Usne Kaha....Imran Sahab....Maine Badi Gustakhiyan Ki Hai....Muaafi Chahti Hu....!


Arey Jao....Imran Haath Utha Kar Bola....Main Wo Aadmi Hi Nahi Hu Jiss Se Koi Muaafi Maange....Meri Sagi Bahen Mujhe Gaaliyan Deti Hai....
Aur
Mere Kaan Par Joo Tak Nahi Rengti....Hato Saamne Se....
Varna
Gaadi Chadha Dunga....!


Allah Ke Naam Par....Bilkhees Ne Bisoor Kar Kaha....
Aur
Chewing-Gum Ke Teen-Chaar Packet Nikaal Kar Imran Ko Diye....!


Shukriya....Yeh Kaam Kiya Hai....Khuda Jeeta Rakhe....Imran Ne Packet Le Kar Godh Mein Daalte Hue Kaha


Fir Kabhi Aaiyega....Shaheda Ne Maghmoom (Udaas) Lahje Mein Pucha


Ab Tum Plastic Surgery Ki Training Lo....America Jaa Kar....Waapsi Par Mujhe Maujood Paaogi....Acha....Tata....Uski Car Aage Badh Gayi....!

The End​

 

[Champ_AK_81]

Page 6

Imran ne Sardar Daraab ko bahit irritate kar diya

Dekhte hai Sardar Daraab ko Imran ko kab tak jhelna padega.

 

[Rahul]

wonderfull story bhai jaan maja aa gaya sukriya bhai hamne story gift karne ke liye