Thriller Ahni (Iron) Darwaaza (Completed)

[syed arshad]

Imran Ne Sirf Ek Aadmi Ke Khadmon Ki Awaazein Suni....
Lekin
Simt (Disha) Bata Rahi Thi Ke Wo Daraab Ke Khadmon Ki Awaazein Nahi Ho Sakhti....
Kyun Ke
Unka Rooq Observatory Ki Taraf Tha....!


Imran Sonch Raha Tha Ke Aakhir Ab Daraab Wahin Kyun Ruk Gaya Hai....1 Minute Guzar Gaya....Dusre Aadmi Ke Khadmon Ki Awaazein Bohath Dur Se Aa Rahi Thi....
Lekin
Sardar Daraab Abhi Tak Wahin Jama Khada Tha....!


Jhaadiyan Ghani Thi....
Aur
Imran Dusri Taraf Nahi Dekh Sakhta Tha....Chunke Unse Dusre Khadmon Ki Awaazein Suni Thi....Isi Bina Par Yeh Khayal Tha Ke Sardar Daraab Abhi Wahin Maujood Hai....
Lekin
Fir....Use Apna Khayal Ahmaqana Maalum Hone Laga....Ho Sakhta Hai Is Baar Daraab Bhi Ghaans Ke Khaaton Se Guzarta Hua Imaarath Ki Taraf Chala Gaya Ho....Jaise Khud Imran Yahan Tak Aya Tha....Usne Jhaadiyon Mein Haath Daal Kar Unhe Ahista Se Hataya....
Aur
Uske Khayal Ki Taeed (Samarthan) Ho Gayi....Sardar Daraab Haqeeqatan Wahin Maujood Tha....!


Achanak Unse Cheekh Kar Kaha....Maine Dekh Liya Hai....!


Pahle To Imran Satpata Gaya....
Lekin
Ghaur Se Dekha To Sardar Daraab Ka Rooq Jhaadiyon Ki Taraf Nahi Tha....!


Ab Fir Pahle Hi Ka Sa Sannata Taari Ho Gaya....!


Sardar Daraab Apni Jagaah Se Na Hata....Kayi Minute Guzar Gaye.....
Lekin
Situation Mein Koi Tabdili Nahi Hui....!


Aakhir Imran Ne Ahista Se Kaha....Sardar Daraab....Aap Aqlmandi Se Kaam Nahi Le Rahe Hai....!


Kkk....Kkkyyy....Kya....Sardar Daraab Uchal Kar Mudha


Kab Tak Yahan Khade Rahenge....!


Kaun Hai....?


Ali Imran (Msc-Phd-Oxun)....!


Sardar Daraab Jhapat Kar Jhaadiyon Mein Ghoos Padha....!

 

[syed arshad]

Tum Yahan Kya Kar Rahe Ho....?


Jo Kuch Karne Ke Liye Aya Hu....Imran Ne Qashk (Rookhe) Lahje Mein Kaha....Kya Yahan Is Tarah Tanha Khade Rehna Himaakhat Nahi Hai....!


Himaakhat....? Sardar Daraab Ghurraya....Tum Bilkul Badtameez Ho Kya....Guftgu Ka Saleeqa Nahi Hai....!


Khattai Nahi Hai....
Kyun Ke
Mera Baap Bhi Aap Hi Ki Tarah Cheedh-Cheedha....
Aur
Badh-Dimaagh Hai....Usne Kabhi Sanjheedgi Se Meri Tarbiyath (Parvarish) Nahi Ki....
Aur
Bas Is Baat Yahin Khatm Kar Di Jiye....Aap Ko Vahem Hua Tha....Wo Aap Ke Kisi Dushman Ki Awaaz Nahi Thi....Khwaamkhaa Yahan Sardi Mein Khade Rahe Kar Nazla-Zukaam Mol Na Li Jiye....!


Daraab Chandh Lamhe Behiss-O-Harkath Khada Raha....
Fir
Imaarath Ki Taraf Chalne Laga....!


Imran Bhi Uske Barabar Hi Chal Padha....
Aur
Shayad Uski Yeh Harkath Bhi Daraab Ko Khal Rahi Thi....!


Ek Khadam Piche Raho....
Achanak
Usne Ruk Kar Kaha


Namumkeen Hai....Khattai Namumkeen....Main Bhi Crack Hu....!


Bhi....Ka Kya Matlab....? Sardar Daraab Jhalla Gaya....Kya Main Crack Hu....?


Jee Haa....Lekin....Mujh Se Kamtar Darje Ke....Mujh Se Bada Crack Pichli 5-6 Sadiyon Se Paida Hi Nahi Hua....!


Main Tumhe Zinda Dafan Kar Dunga....Samjhe....!


Samajh Gaya....
Aur
Yeh Kaam....Aap Subaah Se Pahle Nahi Karenge....Isliye....Chalte Rahiye....Aap Ko Neend Bhi Aa Rahi Hogi....!


Sardar Daraab Honthon Hi Honthon Mein Kuch Badhbadhata Hua Aage Badh Gaya....!


Imran Ne Is Baar Uske Barabar Pahunchne Ki Koshish Nahi Ki....!

 

[syed arshad]

Baraamde Mein Pahunch Kar Sardar Daraab Fir Ruk Gaya....!


Thahero....Usne Imran Ko Mukhateeb Kiya....Jo Andar Jane Ke Liye Darwaaze Ki Taraf Badh Raha Tha....Imran Ruk Gaya....
Aur
Sardar Daraab Bola....Tumhe Sir Sultan Ne Bheja Hai....!


Kya Ab Mujhe Khuda Ko Haazir-Nazeer Jaan Kar Bayaan Dena Padhega....!


Nahi....Mere Saath Aao....Sardar Daraab Uska Haath Pakadh Khinchta Hua Bola


Main Chal Raha Hu....Imran Sar Hila Kar Bola


Sardar Daraab Use Ek Kamre Mein Laya....
Aur
Ek Kursi Ki Taraf Ishaara Karta Hua Bola....Baith Jao....
Fir
Us Mez Ki Janib Badha Jiss Par Phone Rakha Hua Tha....Usne Receiver Utha Kar Exchange Ke Number Dail Kiye....Hello....Exchange....Long Distance....!


Fir Usne Sir Sultan Ke Liye Trunk Call Book Karayi....Line Fauri Hi Clear Mil Gayi Thi....Sir Sultan Se Raabta (Contact) Karne Mein Der Nahi Lagi Thi....!


Main Hu Daraab....Sardar Daraab Ne Ghussele Lahje Mein Kaha....
Fir
Imran Ke Chahre Par Nazar Jamaye Hue Sunta Raha....Baar-Baar Uski Bhavein Tan Kar Dheeli Padh Jati....
Fir
Usne Imran Ko Ghoor Kar Kehna Shuru Kiya....Rangat Gori....Chehra Gol....Thuddi Mein Kafeef Sa Ghadda....Aankhein Badi....Honth Bhare Hue....Yani....Full Lips....Haa....Haa....Qad (Height) Motavast (Medium) Kuch Zyada Acha....Haa....
Magar
Main Use Goli Maar Dunga....Mujhe Baat-Baat Par Ghussa Dilata....No....Shut-Up....Wo Halaq Phaadh Kar Dahaada....Shayad Exchange Se 3 Minute Pure Hone Ka Elaan Ho Gaya Tha....
Baherhaal
Wo Fir Cheekha....!


Sardar Daraab Bol Raha Hai....Mat Kaato....Edit....Haa....Sir Sultan....Acha...Acha....!


Wo Imran Ki Taraf Dekh Kar Bola....Chalo....Idhar Aao....!

 

[syed arshad]

Imran Uth Kar Mez Ke Khareeb Aya....
Aur
Daraab Ne Receiver Uski Taraf Badha Diya....!


Yes Sir....Imran Ne Mouth-Piece Mein Kaha


Tum Wahan Kya Kar Rahe Ho....Dusri Taraf Se Sir Sultan Ki Awaaz Ayi


Filhaal....Sabr Kar Raha Hu....
Aur
Yeh Ke Jab Yahan Se Wapas Aaunga To Mujhe Apni Khopdhi Khulwa Kar Dekhna Padhega Ke Kuch Bacha Bhi Ya Khopdhi Hi Wapas Hui Hai....!


Imran Sanjheedgi Se Kaam Karo....!


Sanjheedgi Se Jahan Kaam Hota Hai Us Mahekme Ka Supritendent Captain Fayaz Hai....Lehaaza....


Bakwaas Nahi....Tum Sardar Daraab Ko Ghussa Dilaye Baghair Bhi Kaam Kar Sakhte Ho....!


Mera Career Tabaah Ho Gaya Janab....Imran Ne Maghmoom (Udaas) Lahje Mein Kaha....Jab Se Yahan Aya Hu....Khwaamkhaa Cheedh-Cheedhane Ko Dil Chahta Hai....Mujhe Khauff Hai Ke Kahin Bilkul Hi Na Barbaad Ho Jau....!


Khatm Karo....Ho Sakhta Hai Yeh Maamla Seedhe Mahekma Khaarja Se Talooq Rakhta Ho....Ghaliban Tum Samajh Gaye Hoge....!


Jee Haa....Samajh Gaya....Aap Mutmayeen (Santusht) Rahiye....Aap Ke Hisaab Mutabeeq Hi Hoga....Magar....


Magar....Vagar Kuch Nahi....Bas....Dusri Taraf Se Awaaz Ayi


Aap Ko Kuch Kehna Hai....Imran Ne Mouth-Piece Par Haath Rakh Kar Sardar Daraab Se Pucha


Nahi....!


Hello....Aur Kuch Kehna Hai Aap Ko....?


Nahi....Dhang Se Kaam Karo....!


Shabakhair....Imran Ne Kaha
Aur
Receiver Rakh Diya....!


Ab Wo Sardar Daraab Ki Taraf Is Tarah Dekh Raha Tha Jaise Wo Haqeeqatan Khabti Ho....!


Sardar Daraab Kuch Sonch Raha Tha....Kuch Der Baad Usne Mez Par Rakhi Hui Ghanti Bajayi....!


Ek Naukar Kamre Mein Daakhil Hua....!


Sardar Daraab Ne Imran Ki Taraf Ishaara Karte Hue Usse Kaha....Inhe Inke Kamre Mein Le Jao....!

Imran Shabakhair Kehta Hua Naukar Ke Saath Ho Liya....!


Continue............................................................................................................!

 

[Bittu]

Maja aa gaya bade bhai,

 

[Pintupaul]

Shandar update bro

 

[Rahul]

wonderfull update bhai jaan

 

[Naina]

Brilliant update syed ji.... Great going

 

[janu2016]

Syed bhaijaan kamaal ki suruwaat hui h...


Abhi tak sirf budha pagal hua h, abhi to use imran ke kaam karne ke tariko se bhi rubaru bhi hona h

 

[Nkmahakal]

Excellent update dear