Thriller Ahni (Iron) Darwaaza (Completed)

[syed arshad]

Khatm Karo....Ho Sakhta Hai Yeh Maamla Seedhe Mahekma Khaarja Se Talooq Rakhta Ho....Ghaliban Tum Samajh Gaye Hoge....!


Jee Haa....Samajh Gaya....Aap Mutmayeen (Santusht) Rahiye....Aap Ke Hisaab Mutabeeq Hi Hoga....Magar....


Magar....Vagar Kuch Nahi....Bas....Dusri Taraf Se Awaaz Ayi


Aap Ko Kuch Kehna Hai....Imran Ne Mouth-Piece Par Haath Rakh Kar Sardar Daraab Se Pucha


Nahi....!


Hello....Aur Kuch Kehna Hai Aap Ko....?


Nahi....Dhang Se Kaam Karo....!


Shabakhair....Imran Ne Kaha
Aur
Receiver Rakh Diya....!


Ab Wo Sardar Daraab Ki Taraf Is Tarah Dekh Raha Tha Jaise Wo Haqeeqatan Khabti Ho....!


Sardar Daraab Kuch Sonch Raha Tha....Kuch Der Baad Usne Mez Par Rakhi Hui Ghanti Bajayi....!


Ek Naukar Kamre Mein Daakhil Hua....!


Sardar Daraab Ne Imran Ki Taraf Ishaara Karte Hue Usse Kaha....Inhe Inke Kamre Mein Le Jao....!

Imran Shabakhair Kehta Hua Naukar Ke Saath Ho Liya....!
______________________________________________________________________________

Dusri Subaah Imran Ne Kaam Shuru Kar Diya....Imaarath Bohath Vasee (Wide) Aur Bade Compound Mein Ek Nahi Kayi Imaarathein Thi....!

Sardar Daraab Ke Mutaleekh (Sambhandit) Bhi Bohathari Maalumaat Haasil Hui....Wo Apni Bad-Mizaajiyon Aur Cheedh-Chadhahat Ke Bawajood Bhi Bohath Maqbool (Lokpriye) Aadmi Tha....Apne Mulaazimo Se Acha Bartav Karne Wala Unke Dukh-Dard Mein Shareek Hone Wala....Unki Zarooraton Ka Khayal Rakhne Wala....Khareeb Aadhi Abaadi Kayi Maamlaat Mein Mamnoon Ehsaan Thi....Usne Unke Liye Kayi Shafakhane Khayam Kiye....School Khole The....
Aur
Ladkiyon Ka Ek College Daraab Castle Hi Ki Ek Imaarath Mein Tha....!

Daraab Castle Ki Abaadi Bhi Achi Khaasi Thi....Yahan Daraab Ki Factories Ke Manager Apne Koombon Samet Muqeem (Nivas) The....Khud Daraab Ke Niji Mulaazimon Ki Tadaad Kam Nahi Thi....College Ke Staff Ki Istaniyan Bhi Yahin Rahti Thi....Mashreeq (East) Sire Par Ek Choti Si Imaarath Thi....Jahan Sardar Daraab Ka Navaasa Najeeb Rehta Tha....Wo America Se Plastic-Surgery Ki Training Le Kar Aya Tha....
Aur
Ab Yahan Plastic-Surgery Ki Ek Bohath Tajurbagah Ke Imkanaat (Sambhavanaon) Par Ghaur Kar Raha Tha....Filhaal Usne Mashreeq Sire Wali Imaarath Mein Maamuli Paimaane Par Ek Moqtasar (Choti) Si Tajurbagah Tarteeb De Li Thi....Us Imaarath Ke Ek Hisse Mein Wo Rehta Bhi Tha....!

Uske Mutaleekh (Sambhandit) Imran Ko Maalum Hua Ke Sardar Daraab Use Bilkul Pasand Nahi Karta....Unke Taalooqaat Bhi Khushgawar Nahi The....
Lekin
Sardar Usse Itna Bezaar Bhi Nahi Tha Ke Use Castle Ki Hudood (Borders) Se Hi Nikaal Deta....!

Imran Ne Dr Najeeb Se Bhi Thodi Der Guftgu Ki Thi....
Aur
Is Nateeje Par Pahuncha Tha Ke Wo Sardar Daraab Ki Taraf Se Bure Khayalaat Nahi Rakhta....!

Dr Najeeb Ek Sehathmand Maamuli Shakl-O-Surat Ka Aadmi Tha....Haddiyan Chaudi....
Aur
Mazboot Jism....
Lekin
Zaheni Aitebaar Se Wo Imran Ko Mareez Hi Nazar Aya....
Kyun Ke
Plastic-Surgery Har Waqt Uske Sar Par Savaar Rahti Thi....!

Sardar Ke Managers Mein Teen Ghair Mulki (Videsi) Bhi The....Ek German....Ek Dutch....
Aur
Ek Japani....Unme Se Abhi Sirf Ek Hi Ko Imran Dekh Sakha Tha....Yeh Chote Qad Ka Japani Mr Li-Bok Tha....In Tahqeeqaat Ke Dauraan Mein Imran Ne Yeh Baat Bhi Mehsoos Ki Ke Bichchoun Wale Waqiye Ka iLm Kisi Ko Nahi Tha....!

 

[syed arshad]

Dopahar Ko Fir Sardar Daraab Ne Use Talab Kiya....Yahi Wahi Kamra Tha....Jahan Pichli Raat Dono Shatranj Khelte Rahe The....!


Usne Imran Niche Se Upar Tak Dekha....
Kyun Ke
Imran Is Waqt Techni-Colour Mein Tha....
Yani
Sabz (Green) Coat....Soorq (Red) Patloon....
Aur
Zard (Yellow) Kameez Mein....Tie Safed Thi....Haathon Mein Halke Se Safed Dastane Bhi The....!


Tum Subaah Se Kya Karte Phir Rahe Ho....Daraab Ne Ghoorte Hue Pucha


Main Subaah Se....Sabr Karta Phir Raha Hu....Yahan Daraab Castle Mujhe Koi Hotel Ya Restaurant Bhi Nazar Nahi Aya....Jahan Kuch Der Baith Kar Sabr Karne Se Bach Sakhta....!


Kya Matlab....?


Saaf....Saaf....Alfaaz Mein....Naashta....
Lekin
Ab Uski Talaash Fizool Hai....
Kyun Ke
Uska Waqt Nikal Gaya....
Aur
Ab Main Lunch Ka Waqt Bhi Nikal Jane Ka Intezar Kar Raha Hu....
Aur
Fir....Shaam Ki Chai Se Ghusl (Bath) Kar Ke Bakhaida Kafan Mein Let Jaunga....Kya Khayal Hai....?


Haaaain....Tum Ne Naashta Nahi Kiya....?


Main To Karne Ke Liye Tayyaar Tha....
Magar
Hua Hi Nahi....!


Ooohhh....Wo Mez Par Ghoonsa Maar Cheekha....Main Abhi Kitchen Mein Aag Laga Dunga....!


Zara Thaheriye....Abhi Nahi Lunch Ke Baad....Imran Pet Par Haath Pherta Hua Bola


Sardar Daraab Ne Mez Par Rakhi Hui Ghanti Bajayi....!


Ek Mulaazim Andar Aya....!


Jawaad Se Kahe Do....Inka Khana Meri Mez Par Lagaya Kare....Jao.....!

 

[janu2016]

Bhai
Abhi To Shuruath Hai Aage Budha Aur Bhi Jhalla Jayega....Imran Aise Cheedh-Cheedhe Budhon Ko Acha Maza Chakhata Hai

Waiting for todays blaster.......

 

[syed arshad]

Mulaazim Ke Jate Hi Imran Dono Haathon Se Sar Pakadh Karaahne Laga....!


Kya Baat Hai....?


Baat Kya Hai....Ab Zindagi Ki Rahi Sahi Umeed Bhi Khatm Ho Gayi....Yeh Bada Zulm Hai Sardar Sahab....!


Kya Bakwaas Kar Rahe Ho Tum....Mujh Se Saaf-Saaf Baat Kiya Karo....!


Saaf-Saaf....Mera Khana Bhi Aap Ki Mez Par Lagega....
Yani
Main Khaunga Tumhara Khana....!


Sardar Khilaaf Umeed Muskuraya....!


Main Tumhare Dono Kaan Kheench Kar Thappad Lagaunga Sahabzaade....
Aur
Tumhara Huliya Bigadh Jayega....!


Main Dr Najeeb Se Madad Haasil Kar Ke Pahle Se Bhi Zyada Khoobsurat Ho Jaunga....!


Dr Najeeb....Budha Sanjheeda Ho Gaya....Kya Tum Usse Mil Chuke Ho....!


Jee Haa....
Aur
Main Ankhareeb Unse Apne Kaan Chote Karaunga....!


Bakwaas Bandh Karo....Tum Usse Kyun Mile The....!


Main Daraab Castle Ki Hadh Mein Rahne Wale Har Aadmi Se Mil Raha Hu....Kya Aap Yeh Samajhte Hai Ke Wo Bichchoo Kahin Bahar Se Aye The....!


Sardar Daraab Kuch Sonchne Laga....!


Imran Khamoshi Se Uske Chahre Ka Utaar-Chadhau Dekhta Raha....!


Aakhir Sardar Daraab Ne Sar Utha Kar Kaha....
Agar
Yeh Sab Kuch Yahin Ke Kisi Aadmi Ki Harkath Hai To Mujhe Sharm Se Doob Marna Chahiye....!


Kyun....?


Iska Yeh Matlab Hai....Ke Mera Ravaiyya Yaqeeni Taur Par Dusron Ke Liye Takleefdeh Hai....
Varna
Unme Se Koi Mera Dushman Kyun Ho Jata....!


Cut It Out....Imran Haath Utha Kar Bola....Ab Aap Shayad Ikhlaqiyath (Ethics) Par Bore Karenge....!


Tum Gadhe Ho....Sardar Daraab Ko Ab Sach-Mooch Ghussa Aa Gaya
Lekin
Imran Ki Zubaan Bhi Chal Padhi....Main Bhi Aap Hi Ki Tarah Intehai Saaf Go Aadmi Hu....Isliye Aap Bura Maan Sakhte Hai....
Lekin
Aap Ghusse Ka Izhaar Nahi Kar Sakhte....Aap Ko Apna Ravaiyya Shareefana Hi Rakhna Chahiye....Aap Yahi Kehna Chahte The....Na Ke....Mujh Jaise Gautam Budh Se Dushmani Rakhne Ka Matlab Yahi Ho Sakhta Hai Ke Mujhe Aur Zyada Gautam Budh Banna Chahiye....
Lekin
Main Yahan Isliye Nahi Bheja Gaya Ke Aap Ko Aur Zyada Shareef Bante Dekh Khushi Ka Izhaar Karu....Kya Samjhe Aap....!

Sardar Daraab Is Tarah Muh Khole Baitha Tha....Jaise Duniya Aathva (8) Ajooba Uske Saamne Aa Gaya Ho....!

 

[syed arshad]

Imran Bolta Raha....Aap Ghaliban Yeh Kehna Chahte Hai Ke Yahan Castle Ki Hudood (Borders) Mein Koi Aadmi Aap Ka Dushman Nahi Ho Sakhta....
Lekin
Main Aap Se Sawaal Karunga....Ke Aap Pichli Raat Hawaa Se Kyun Ladh Rahe The....Us Lambe Aadmi Ke Saath Observatory Tak Jane Ki Bajaye Raaste Hi Se Kyun Hatt Aye The....!


Imran Ab Khamosh Ho Gaya....!


Sardar Daraab Use Khamoshi Se Ghoorta Raha....
Fir
Bola....Bak Chuke Ho....Ya Abhi Aur Bakoge....!


Iska Faisla Aane Wale Lamhaat Karenge....Imran Is Tarah Akadh Kar Bola....Jaise Abhi Tak Zubaan Ki Bajaye Talvaar Chala Raha Ho....!


Mera Khayal Hai Ke Baaz Log Mere Dushman Ho Sakhte Hai....Sardar Daraab Ne Ek Lambi Saans Le Kar Kaha


Thik....Ab Aye Hai Aap Raah Par....Imran Jeb Se Notebook Nikaalta Hua Bola


Thahero....Magar....Main Kisi Ka Naam Nahi Lunga....
Kyun Ke
Yeh Mahez Shak Hai....Saboot Nahi Rakhta....!


Aap Darpok Hai Janab....Imran Ne Cheedhane Ke Se Andaaz Mein Kaha


Tum Behooda Ho....Sardar Daraab Dahaada


Main Kab Kehta Hu Ke Behooda Nahi Hu....Imran Ne Sanjheedgi Se Kaha....Khuda Ek Mazboot Dil Ataa Kare....Khwaah....Daulath Se Mehroom (Vanchit) Rakhe....!


Arey....Kya Tum Apni Hi Haankte Rahoge....Ya Meri Bhi Sunoge....Sardar Is Andaaz Mein Bola....Jaise Apna Sar Peet Lene Ka Irada Rakhta Ho....!


Kya Sunu....Aap Yahi Farmayenge Ke Mahatma Gautam Budh Kisi Ke Khilaaf Shak Zaaher Karna Bhi Gunaah Samajhte The....!


Sardar Daraab Ek Lukht Khamosh Ho Gaya....Usne Kuch Kahne Ki Koshish Ki....
Lekin
Jhunjhulahat Ki Zyadati Alfaaz Ki Tarteeb (Settings) Mein Hareej Hui....
Aur
Wo Kuch Na Bol Sakha....!


Janab Aala....Imran Kuch Der Khamosh Rahe Kar Bola....
Agar
Aap Ko Yahi Karna Tha To Maamle Ko Kyun Aage Badhaya....Sir Sultan Se Madad Haasil Karne Ki Kya Zaroorat Thi....!


Mahez Isliye Ke Puri Tahqeeqaat Kiye Baghair Maamle Ko Police Ke Haath Nahi Dena Chahta Tha....!


Aap Sach-Mooch Gautam Budh Hai....Imran Sar Hila Kar Bola....
Lekin
Aap Jab Tak Kisi Par Shak Zaaher Nahi Karenge Main Kuch Nahi Kar Sakhta....!


Mere Kuch Usool Hai....Un Par Saqti Se Kaarband Hu....Sardar Daraab Ne Kuch Der Baad Kaha


Fir Main Kya Karu....Aap Hi Kuch Bataiye....Imran Uski Aankhon Mein Dekhta Hua Bola


Bichchoo Rakhne Wale Ko Talaash Karo....!


Mere Khayal Se Ek Tareeqa Behathreen Rahega....Imran Ne Kuch Sonchte Hue Sar Hila Kar Kaha


Kya....?


Main Ek Ishtehaar (Vigyapan) Shai Kara Du....Ke Jiss Ne Bhi Cigar Case Mein Bichchoo Rakhe The Dobara Koshish Kare....Pehla Inaam 5 Sau Rupiye....Dusra....250....Teesre....125....Sab Se Zyada Hal Bhejne Par Chautha Inaam....
Lekin
Jumla Pura Hone Se Pahle Hi Sardar Daraab Kamre Se Nikal Gaya....!

 

[syed arshad]

Dopahar Ke Khane Ke Waqt Sardar Daraab Se Dobara Mulaakhaat Yaqeeni Thi....Imran Samjha Tha Mez Par Tanha Hoga....
Lekin
Wahan Use Kayi Afraad Nazar Aye....Shaheda Uski Saheli Bilkhees....
Aur
Wo Budha Jo Pichli Shaam Sardar Daraab Ke Saath Tha....!


Imran Ko Dekh Kar Dono Ladkiyan Muskurayi....
Aur
Unki Aankhon Se Shararath Jhaankne Lagi....!


Sardar Daraab Ne Sirf Ek Baar Uski Tarah Sar Utha Kar Dekha....!


Khana Nihayath Khamoshi Ke Saath Khatm Hua....Imran Ne Unme Se Kisi Ko Bolte Nahi Suna....!


Khane Ke Baad Sardar Daraab Uth Gaya....
Aur
Dusra Budha Bhi Uske Saath Hi Dinning-Room Se Chala Gaya....!


Bilkhees Aur Shaheda Baithi Rahi....!


Achanak Imran Ne Shaheda Ko Mukhateeb Kiya....Sardar Daraab Aap Ke Kaun Hai....?


Aap Se Matlab....Bilkhees Bol Padhi


Jab Main Aap Se Guftgu Shuru Karunga Tab Matlab Puchiyega....!


Is Jawaab Par Shaheda Bhanna Gayi....
Aur
Talq (Kadhve) Lahje Mein Boli....Main Aap Ka Geographia Samajhne Se Khaasar Hu....!


Geographia Ke Chandh Mote-Mote Asool Yaad Rakhiye To Yeh Dushwari Kabhi Na Pesh Aye....Imran Ne Nihayath Khush Ikhlaaq Bante Hue Kaha....Main Chunke Khata Satuva (Equator) Se Kaafi Faasle Par Waakh (Sthit) Hu....Isliye Saal Bhar Thanda Rehta Hu....
Aur
Meri Upper Chamber Chunke Sataah Samundar Se Zyada Unchi Nahi Hai....Isliye Wahan Barf Jamne Ke Imkaan (Sabhavana) Kam Rehta Hai....Baap Maujood Hai....
Lekin
Surat Se Aap Ko Yateem Maalum Hota Hoga....Waise Main Itna Kaamchor Hu Ke Mujhe Haqeeqatan Pacific Ocean Mein Waakh (Sthit) Hona Chahiye Tha....Ab Aap Bataiye Ke Doldrums Kise Kahte Hai....!


Bilkhees Muh Dabaye Hansi Rokne Ki Koshish Kar Rahi Thi....!


Shaheda Ke Honthon Par Kabhi Besaqta Qism Ki Muskurahat Nazar Aati....
Aur
Kabhi Paishaani Par Silvatein Padh Jati....!


Imran Khamosh Ho Kar Ahmaqana Andaaz Mein Unhe Ghoorta Raha....
Fir
Bola....Main Ek Private Detective Hu....!

 

[syed arshad]

Haaain....Dono Ki Zubaan Se Beek Waqt Nikla....
Aur
Unki Aankhein Hairath Se Phail Gayi....!


Kyun....? Kya Private Ditective Hona Buri Baat Hai....Imran Muskura Kar Bola
Lekin
Fir Bhi Ladkiyon Se Koi Jawaab Na Mila....Chandh Lamhe Jawaab Ka Intezar Kar Ke Imran Fir Bola....Mera Khayal Hai Sardar Ke Alawa Sirf Aap Dono Us Waqiye Se Waaqif Hai....!


Kiss Waqiye Se....Shaheda Ne Pucha


Bichchoo Wala Waqiya....!


Jee Haa....Hum Dono....Kyun....Bilkhees Boli


Mera Khayal Hai Ke Aap Dono Ko Sardar Daraab Se Humdardi Bhi Hogi....!


Aap Is Guftgu Ka Maqsad Bayaan Ki Jiye....Shaheda Ne Kaha


Guftgu Khatm Ho Jane Ke Baad....
Filhaal
Aap Mein Se Koi Ek Sahiba Mere Sawaalaat Ke Jawaab Deti Rahi To Mashkoor (Thankful) Rahunga....!


Lekin....Aap Ko Mashkoor Hone Ki Takleef Kyun Di Jaye....!


Kyun Ke....Sardar Daraab Ki Zindagi Khatre Mein Hai....!


Kya....? Shaheda Besaqta Uchal Padhi


Jee Haa....Imran Maghmoom (Udaas) Andaaz Mein Sar Hila Kar Bola....Main Ghalath Nahi Kahe Raha....!


Abhi Tak Aap Ki Koi Baat Hi Samajh Mein Nahi Ayi....Bilkhees Boli....Ghalath Ya Sahi Baad Ki Baatein Hai....!


Mera Matlab Yeh Hai Ke Sardar Daraab Se Koi Baat Maalum Kar Lena Asaan Kaam Nahi Hai....Waise Yeh Dusre Sahab Kaun The....!


Limu Nichodh....Haa Mein Haa Milane Wale....Bilkhees Ne Jawaab Diya


Yani....Wo Dusra Sardar Ka Koi Azeez (Khareebi) Nahi Hai....!


Nahi....!


Khair....Haa To....Main Yeh Kahe Raha Tha Ke Sardar Sahab Se Kuch Maalum Kar Lene Bohath Mushkil Hai....
Lekin
Main Jaanta Hu Ke Aise Mauqe Par Is Qism Ki Aadatein Mehlak (Ghaatak) Sabeet Hoti Hai....!

 

[syed arshad]

Main Nahi Samjhi....Shaheda Boli


Sardar Daraab Kisi Par Shak Zaaher Karne Ke Liye Tayyaar Nahi....!


Aahaa....Thik Hai....Shaheda Ne Sar Hila Kar Kaha....Baba Apne Us Asool Par Saqti Se Kaarbandh Hai....Ke Jab Shak Yaqeen Ki Hadh Tak Badh Jaye Usi Surat Mein Shai Ka Izhaar Kiya Jaye....Varna....Nahi....!


Agar....Yaqeen Aane Se Pahle Hi Unki Gardan Kat Jaye To....!


Kya Bekaar Baatein Kar Rahe Hai Aap....Shaheda Bigadh Gayi


Main Bekaar Baatein Nahi Kar Raha....Aap Se Puchna Chahta Hu Ke Aap Kiss Par Shak Kar Rahi Hai....!


Main Kiss Par Shak Karungi....Jab Ke Us Harkath Ka Matlab Hi Nahi Samajh Sakhi....!


Fir Kisi Ne Mazaaqan Aisi Harkath Ki Hogi....!


Kiss Ki Majaal Hai....Jo Baba Se Aisa Mazaaq Kar Sakhe....!


Fir....Yeh Cheez Hairath Angez Hai Ya Nahi....!


Sau Feesad (100%) Hairath Angez Hai....Magar....


Magar Kya....Imran Uske Chahre Ki Taraf Dekhne Laga


Oohh....Yun Hi Zubaan Se Nikal Gaya Tha....Main Kuch Aur Nahi Kehna Chahti....!


Dr Najeeb Se Aap Ka Rishta Hai....?


Wo Mere Phuphi Zaad Bhai Hai....!


Oohhh....To Aap Sardar Sahab Ki Poti Hai....
Halaanke
Yeh Lafz Mujhe Khattai Napasand Hai....Poti....Lahol Vala Khuvvata....Aap Itni Shaandar Ladki....
Aur
Poti....Kya Took Hai....Poti....Poti....Kitni Baar Lahol Padhu....Khair.....Lahol Two The Power To Hundred....!


Aap Kyun Betooki Bakwaas Kar Rahe Hai....Aap Jasoos To Kya Intelligence-Department Ke Clerk Bhi Nahi Maalum Hote....!


Aye Kya Baat Karti Hai Aap....Imran Ne Ghusseli Awaaz Mein Kaha....Main Sherlock Holmes Hu....!


Dono Ladkiyan Mazaaq Udhane Wale Andaaz Mein Hansne Lagi....!

 

[syed arshad]

Aap Logon Ko Pachtana Padhega....Imran Mez Par Ghoonsa Maar Kar Bola....Main Challenge Karta Hu....Mere Dr Watson Ne Ek Yateem-Qaana Khol Liya Hai....
Varna
Batata Aap Ko....!


Aap Nahi Daakhil Hue Us Yateem-Qaane Mein....Bilkhees Ne Sanjheedgi Se Pucha


Mere Waalid Sahab (Pita) Abhi Zinda Hai....Imran Akadh Kar Bola


Iske Bawajood Bhi Aap Yateem-Yateem Se Nazar Aate Hai....!


Mahez Isliye Ke Aap Jaisi Ladkiyon Ko Mujh Par Rahem Aye....!

Bana Kar Yateemo Ka Hum Bhes Ghalib
Tamaashaye Ahel Karam Dekhte Hai​

Bilkhees Fir Hans Padhi....
Lekin
Shaheda Ek Beek Sanjheeda Nazar Aane Lagi....Usne Bilkhees Ki Taraf Dekh Kar Kaha....Tum Mere Kamre Mein Jao....
Aur
Wahin Mera Intezar Karo....Main Inse Kuch Guftgu Karna Chahti Hu....!


Waah Bhai....Bilkhees Ne Bura Sa Muh Bana Kar Kaha....
Fir
Uthti Hui Boli....Main Jaa Rahi Hu....
Lekin
Waapsi Par Maine Tumhara Koi Screw Dheela Paya To Apna Sar Peet Lungi....Yeh Hazrat 50 Mile Fee Ghanta Ki Raftaar Se Dimaagh Chaathte Hai....!


Jee Haa....Jee Haa....Imran Sar Hila Kar Bola....Bas Aap Tashreef Le Jaiye....!


Bilkhees Mane Khaiz Andaaz Mein Sar Hilati Hui Chali Gayi....!


Chandh Lamhe Khamoshi Rahi....
Fir
Shaheda Boli....Kya Aap Sanjheedgi Se Kahe Rahe Hai Ke Aap Jasoos Hai....!


Main Kya Batau....Duniya Ki Koi University Sanjheedgi Ka Certificate Nahi Deti....
Varna
Ek Haasil Kar Ke Gale Mein Latka Leta....!


Baba Se Aap Ko Kuch Nahi Maalum Ho Sakhega....
Kyun Ke
Wo Apne Asoolon Ki Saqti Se Pabandi Karte Hai....!


Kisi Na Kisi Se To Maalum Hona Hi Chahiye....
Varna
Baba Sahab Aap Ke Asoolon Ki Baraat Sajaye Hue Qabristan Ka Raasta Lenge....Oohh....Aap Ko Bura Na Maanna Chahiye....Main Haqeeqat Arz Kar Raha Hu....!


Main Samajhti Hu....Usne Tashveesh Kun (Chinta-Janak) Lahje Mein Kaha....
Aur
Isi Liye Mujhe Jo Kuch Bhi Maalum Hai....Aap Ko Saaf-Saaf Bata Dena Chahti Hu....Baba To Yeh Samajhte Hai Ke....Chunke Aap Suraaghsaan (Jasoos) Hai....Isliye Khud Hi Sab Kuch Maalum Kar Lenge....Unke Zahen Mein Darasal Jasoosi Novels Ke Jasoos Hai....Jo Aankh Bandh Kar Ke Ghar Baithe Mulzeem Ka Pata Nishaan Bata Dete Hai....
Magar
Khair....Main Har Waqt....Har Qism Ki Madad Ke Liye Hazeer Hu....!


Aap Ka Bohath Bohath Shukriya....Imran Muskura Kar Bola

 

[syed arshad]

Aap Unke Mutaleekh (Sambhandit) Kya Puchna Chahte Hai....!


Yahi Ke Unke Cigar Case Mein Bichchoo Kyun Rakhe Gaye....!


Agar Main Yeh Bata Du To Aap Kahan Ke Jasoos....
Agar
Yahi Maalum Hota To Hum Mujrim Ko Na Pakadh Lete....!


Dekhiye....Wo Bichchoo....Sardar Ki Zindagi Ka Khaatma Kar Sakhte The....Mera Khayal Hai Ke 5 Ya 50 Bichchoo....
Agar
Beek Waqt Dhank Maarte To Unka Khaatma Ho Jana Mushkil Hi Tha....
Fir
Bichchoo Ka Kya Maqsad Ho Sakhta Hai....!


Aap Bataiye....!


Main Batata Hu....Kya Unke Daahine Haath Mein Varam Aa Jane Se Koi Ahem (Important) Kaam Ruk Sakhta Tha....!


Huh....Ab Aap Jasooson Jaise Sawaalaat Kar Rahe Hai....
Fir
Aap Itne Ahmaq Kyun Nazar Aate Hai....!


Yaqeen Ki Jiye....Main Filhaal Shaadi Karne Ka Irada Nahi Rakhta....Isliye Mere Ahmaq Nazar Aane Se Aap Ko Koi Dilchaspi Na Honi Chahiye....!


Aap Badtameez Hai....!


Jee Haa....Mujhe Yeh Bhi Tasleem (Sweekar) Hai....
Lekin
Filhaal....Aap Apne Baba Ki Zindagi Mehfooz Rakhne Mein Mera Haath Bataye....!


Main Nahi Samajh Sakhti Kya Batau....!


Wo Apni Zameeno Ke Mutaleekh (Sambhandit) Ek Ghair Mulki (Videsi) Company Se Koi Mahaada Karne Wale The....!


Jee Haa....Mahaade Par Unke Dastkhat Hone Baaqi Hai....!


Lekin....Imran Kuch Sonchta Hua Bola....
Lekin
Aaj Wo Is Mahaade Par Dastkhat Nahi Kar Sakhte To Ek Maah Baad Unhe Kaun Rok Sakhega....
Yani
Agar....Unke Daahine Haath Mein Bichchoo Ne Dank Maar Bhi Dete....
Aur
Unka Haath Kuch Dino Ke Liye Bekaar Bhi Ho Jata To Isse Farq Hi Kya Padhta....Wo Company Kahin Bhaag Jati....
Aur
Na Mahaada....Dastkhat Kuch Dino Baad Bhi Ho Jate....Aap Samajhti Hai Na....!


Jee Haa....Samajhti Hu....!


Fir Bataiye....Bichchooun Ka Maqsad....!


Main Kya Batau....Aap Khud Maalum Ki Jiye.....!