Thriller Ahni (Iron) Darwaaza (Completed)

[syed arshad]

Imran Ke Haathon Ke Toote Udhne Hi Wale The Ke Usne Unhe Badi Mushkil Se Pakdha....
Aur
Apna Sar Khujane Laga....Wo Haqeeqatan Baukhla Gaya Tha....Use Khwaab Mein Bhi Gumaan Nahi Ho Sakhta Tha Ke Sardar Daraab Is Tarah Uski Taang Lega....Aaj Dopahar Ko Usne Use Aagha Kar Diya Tha Ke Wo Usse Uski Badtameezi Ka Inteqaam Lega....
Magar
Wo Use Majzoob Ki Badh Samjha Tha....Use Kya Maalum Tha Ke Wo Use Bhari Bheedh Mein Ullu Banane Ki Koshish Karega....Imran Aur Taqreer....Khuda Ki Panaah....!


Uske Paas Mavaad (Material) Bhi Nahi Tha....
Agar
Usne Taqreerein Suni Hoti To Unhi Ke Sahaare Kuch Bolne Ki Koshish Karta....
Magar
Wo Zaheni Taur Par Khattai Ghair Haazir Raha Tha....Use Bhala Aurton Ki Bartari Se Kya Dilchaspi Ho Sakhti Thi....Ke Dhyaan De Kar Taqreerein Hazam Karta....Sanjheeda Mauzoo Use Humesha Se Khalte Aye The....
Baherhaal
Wo Ek Thandi Saans Le Kar Apni Jagaah Se Utha....!


Log Is Naye Aadmi Ko Dekhne Ke Liye Bechain The....!


Jaise Imran Uth Kar Stage Ki Taraf Badha....Hall Mein Taaliyon Ka Toofaan Aa Gaya....!


Mike Ke Khareeb Pahunch Kar Imran Ne Badi Bebasi Se Apna Gala Saaf Kiya....
Aur
Murda Si Awaaz Mein Bola....Khwateen-O-Hazraat....Thik Usi Waqt Uski Shararath Amaiz Zahaanat (Buddhi) Jaag Uthi....Wo Chahek Kar Bola....Dekhiye Mard Par Aurat Ki Bartari Zaaher Ho Gayi....Pahle Khwateen....Fir....Hazraat....Jo Log Mauzoo Ki Mukhaleefat (Virodh) Mein Bole Hai....Unhone Bhi Aap Ko Isi Tarteeb (Settings) Se Mukhateeb Kiya Tha....Khwateen-O-Hazraat....Unhone Hazraat-O-Khwateen Nahi Kaha Tha....Yeh Hai Scientific Saboot....
Yani
Mard Ke Tahat Zahen Mein Baithi Hui Hai Ke Aurat Mard Se Bartar (Greater) Hai....
Isi Liye
Wo Pahle Khwateen Ko Mukhateeb Karta Hai....Hazraat Ko....!

Is Par Bohath Zor-O-Shor Se Taaliyan Baji....!

 

[KhanSahil]

Arshad bhai main aapki stories ka bahut bada fan hu bas aapke liye hi aata hu xforum pe

 

[syed arshad]

Imran Ne Mudh Kar Sardar Daraab Ki Taraf Dekha....
Aur
Bola....Janab Sadar (Adhyaksh)....Khwateen-O-Hazraat....Aurat Ko Allah Paak Ne Mard Se Bartar Banaya Hai....Iska Khula Hua Saboot Yeh Hai Ke Use Mardon Ke Muqable Mein Bohathari Sahulatein Naseeb Hui Hai....Masla....Use Rozana Subah Uth Kar Mardon Ki Tarah Shave Nahi Karni Padhti....Subhaanallah....Usne Aurton Ko Faarigh Al-Baal Aata Kar Di Hai....
Aur
Janab....Teesra Scientific Saboot Yeh Hai Ke Mard Ek Aur Ek Do Nahi Ho Sakhta....
Magar
Aurat Ek Aur Ek Teen Ho Jati Hai....Chaar Ho Jati Hai....Paanch Ho Jati Hai....
Aur
Samundar Paar To Ek Darjan....Dedh Darjan Ho Jane Wali Aurton Ko Inaamaat Milte Hai....Khitaabaat (Titles) Milte Hai....Isliye Janab....Aurat Mard Se Bartar Hai....!


Hall Mein Baithi Hui Aurtein Ladkiyan....Bilkhees Jhaankne Lagi....!


Mard Khahekhahe Par Khahekhahe Laga Rahe The....!


Dusri Taraf Sardar Daraab Ka Chehra Safed Padh Gaya....!


Imran Ne Shor Khatm Ho Jane Par Haank Lagayi....Bartar Wahi Hai Jo Bewaqoof Hai....Jitna Bewaqoof....Utna Hi Bartar....Pahle Mard Aurton Par Hukumat Karta Tha....Taaqat Se....Ab Bewaqoof....
Yani
Bartar Ban Kar Hukumat Karta Hai....Bartar Bana Kar Hukumat Karne Mein Use Dohra Faida Hai....
Yani
Aurat Par Dohri Zimmedariyan Ayadh Ho Jati Hai....Wo Khud Unhe Apne Dosh-O-Badosh Kaam Karne Ka Mauqa Deta Hai....Rahe Gaye Chaar Deewaron Wale Farayez To Aurtein Unhe Aadathan Anjaam Deti Hai....
Yani
Mard Aurton Ke Dosh-O-Badosh Bachchon Ko Doodh Nahi Pilata....Aurton Ke Dosh-Badosh Bawarchi-Qaane Mein Jhak Nahi Maarta....Aurton Ke Dosh-O-Badosh Ghar Ki Saaf-Saafayi Nahi Karta....Bachchon Ke Kapdhe Nahi Dhota....Us Waqt Wo Palang Par Let Kar Chain Ki Basoori Bajata Hai....Ya Doston Ko Samet Kar Taash Khelne Lagta Hai....Subhaanallah....Isi Liye Aurat Mard Se Bartar Hai....Ke Usne Dohri Zimmedariyan Samet Rakhi Hai....Yahi Wajah Hai Mardon Ke Muqable Mein Aurtein Na Ganji Hoti Hai....
Aur
Na To Kangi Rakhti Hai....Subhaanallah....Balke....Mashallah....!


Is Baar Bohath Zor-O-Shor Se Taaliyan Baji....!


Bheedh Se Kuch Jhallaye Hue Log....Baith Jao....Baith Jao....Ke Naare Bhi Laga Rahe The....!


Itni Der Mein Judge Sahibaan Apna Faisla Kar Ke Apni Jagaahon Par Wapas Aa Gaye....!

 

[syed arshad]

Sardar Daraab Bohath Zyada Bechain Nazar Aa Raha Tha....Ek Beek Wo Uth Kar Mike Mein Bola....Khwateen-O-Hazraat....Doctor Sahab Is Waqt Maaza Ke Mood Mein The....
Baherhaal
Unhone Faisla Ke Intezar Mein Bore Hone Se Bacha Liya....Hum Doctor Sahab Ke Shukr Guzaar Hai....Ab Aap Moazeez Judge Sahibaan Ka Faisla Suniye....!


Nahi....Pahle Sadaarati Taqreer....Kisi Ne Majme (Bheedh) Se Haank Lagayi....!


Imran Itni Der Mein Apni Jagaah Wapas Jaa Chuka Tha....!


Sadaarati Taqreer....Sardar Daraab Ne Kaha....Sadaarati Taqreer Ka Sawaal Hi Nahi Paida Hota....
Kyun Ke
Sadar Ke Liye Koi Inaam Hi Nahi Rakha Gaya....
Aur
Fir....Sadar Ke Liye Zaroori Nahi Hai Ke Wo Mauzoo Ki Mukhaleefat (Virodh) Ya Mavaafkhat (Samarthan) Kare....Budha Sadar Apne 75 Saalah Tajurbe Ki Bina Par Sirf Yeh Kahe Sakhta Hai Ke....Dono Mein Se Koi Ek-Dusre Se Bartar Nahi Hai....Aurat Aur Mard Zindagi Ki Gaadi Ke Do Pahiye (Tyres) Hai....
Aur
Bas....Ab Faisla Suniye....!


Uske Baad Aane Wale Pahli....Dusri....Teesri Ayi Hui Ladkiyon Ke Naamo Ka Elaan Kiya....!


Waapsi Par Sardar Daraab Imran Par Buri Tarah Baras Raha Tha....!


Bilkhees Aur Shaheda Hans Rahi Thi....!


Arey Janab....Aap Ne Kaun Si Bhalayi Ki Thi Mere Saath....Imran Bura Sa Muh Bana Kar Bola....Ab Main Sonchta Hu Ke Mujhe Par Heart-Attack Kyun Nahi Hua....!


Tumhari Wajah Se Meri Buri Be-Izzati Hui....!


Aur Aap Ki Wajah Se Mera Heart-Fail Ho Gaya Hota To Main Kiss Se Shikayath Karta....Khuda Ki Panaah....Zubaani Bolna....Yeh Haadsa Bhi Mere Liye Yaadgaar Rahega....Mujhe Hairath Hai Ke Haazreen Ne Mere Autograph Kyun Nahi Liye....!


Main Bhi Is Tajveez (Prastav) Par Mutafeeq (Sehmath) Hu....Shaheda Ne Kaha


Main Sonch Rahi Hu Ke Aap Ko Castle Ke Meseum Ke Liye Spot Par Mehfooz Kar Liya Jaye....Bilkhees Bol Padhi....
Achanak
Wo Sab Chalte-Chalte Ruk Gaye....Khareeb Hi Kahin Se Kuch Is Qism Ki Awaazein Aa Rahi Thi....Jaise Koi Bandh Darwaaza Hilaya Jaa Raha Ho....!

 

[syed arshad]

Arey....Yeh Hum Kidhar Aa Gaye....Shaheda Ne Khauffzada Awaaz Mein Kaha


Ooohhh....Sab Bakwaas Hai....Sardar Daraab Kehta Hua Aage Badh Gaya....Koi Behooda Aadmi Hum Sab Ko Harass Karna Chahta Hai....Main Kisi Din Use Goli....Maar Dunga....!


Kya Qissa Hai....Imran Ne Shaheda Se Pucha


Lohe Wala Phaatak....Shaheda Bharrayi Hui Awaaz Mein Boli....Wo Asayeb Zada (Bhootiya) Hai....
Fir
Wo Badi Tezi Se Aage Badh Kar Sardar Daraab Ke Khareeb Pahunch Gayi....!


Bilkhees Ne Bhi Khadam Badhaye....
Aur
Imran Ro Dene Wali Awaaz Mein Bola....Arey To....Tum Log Kyun Mujhe Maut Ke Muh Mein Chhode Jaa Rahe Ho....!


Wo Teeno Fir Ruk Gaye....
Aur
Imran Taqreeban Daudta Hua Unke Khareeb Jaa Pahuncha....!


Awaazein Ab Bhi Aa Rahi Thi....
Lekin
Ab Unke Saath Hi Saath Kisi Bhedhiye Ke Bolne Ki Awaaz Bhi Sunayi De Rahi Thi....!


Tum Log Khwaamkhaa Batangadh Banate Ho....Sardar Daraab Bola....Ho Sakhta Hai....Wahan Kisi Tarah Koi Bhedhiya Hi Ghoos Gaya Ho....!


Magar Baba....Darwaaza Koi Aadmi Hi Hilata Hai....Shaheda Boli


Kal Bhi Maine Khulwa Kar Dekha Tha....Wahan Kuch Bhi Nahi Tha....!


Aap Andar Kab Gaye The....Aap To Phaatak Hi Par Khade Rahe The....!


Wahan Us Veerane Mein Ghoos Kar Apne Kapdhe Kharaab Karta....Kyun....?


Kisi Aur Ko Andar Bhejna Chahiye Tha....!


Sabhi Kambakht Use Asayeb Zada Samajhte Hai....Jata Kaun....!


Yeh Kya Qissa Hai Janab....Imran Ne Pucha


Inhi Logon Se Puchna....Sardar Daraab Ne Bezaari Se Kaha....Mujhe Is Qisse Se Koi Dilchaspi Nahi Hai....!


Khair....Na Bataiye....Aap Ne To Mujhe Kuch Na Batane Ki Kasam Khaa Rakhi Hai....Goya....


Koi Kuch Na Bola....
Fir
Wo Jaldi-Jaldi Rihayeshi Imaarath Mein Pahunch Gaye....!


Sardar Daraab To Apni Khwaabgah (Bedroom) Mein Libaas Tabdil Karne Chala Gaya....
Aur
Wo Teeno Dinning-Room Mein Aa Baithe....!

 

[syed arshad]

Aap Ki Taqreer Bilkul Chaupat Thi....Imran Ne Shaheda Se Kaha


Shukriya....Shaheda Ne Kaha....Aap Se Tareef Karne Ko Kiss Ne Kaha Tha....!


Koi Baat Nahi Hai....Yeh Lohe Wala Phaatak Kya Balaa Hai....?


Ek Imaarath Ka Phaatak....Jo Istemaal Mein Nahi Hai....Uske Sahen (Aangan) Mein Acha-Khaasa Jungle Ugh Aya Hai....Udhar Pichle 15 Dino Se Wahan Se Ajeeb Si Qism Ki Awaazein Aane Lagi Hai....Raat Gaye Lohe Ka Phaatak Is Tarah Hilne Lagta Hai....Jaise Koi Aadmi Use Hilaa Raha Ho....!


Isi Liye Use Asayeb Zada Qaraar Diya Gaya Hai....!


Fir Aap Aur Kya Kahenge....!


Mujhe Kya Padhi Hai Ke Kuch Kahu....Hoga....Asayeb Hi Hoga....
Magar
Itna Yaad Rakho Ke Yahan Koi Bohath Badi Vaardaath Hone Wali Hai....Sardar Daraab Apni Dhoon Mein Hai....
Lekin
Unhe Pachtane Ka Mauqa Bhi Na Mil Sakhega....!


Kya Matlab....?


Matlab Batane Se Pahle Main Unhi Sawaalon Par Zor Dunga Jo Maine Aaj Dopahar Ko Kiye The....!


Shaheda Kuch Na Boli....Usne Apne Honth Mazbooti Se Bandh Kar Liye....Aisa Maalum Ho Raha Tha Jaise Use Khaadsha Ho Ke Kahin Zubaan Se Koi Baat Nikal Hi Na Jaye....!


Imran Use Ghaur Se Dekhta Raha....!


Kuch Der Baad Sardar Daraab Bhi Libaas Tabdil Kar Ke Raat Ke Khane Ke Liye Wahin Aa Gaya....!


Imran Uske Chahre Par Gehri Tashveesh (Chinta) Ke Asaar Dekh Raha Tha....!


Khane Ke Dauraan Mein Khamoshi Hi Rahi....!


Shayad Wo Bilkhees Ki Maujoodgi Mein Kisi Qism Ki Guftgu Nahi Karna Chahte The....!


Ghaliban Bilkhees Ne Bhi Mehsoos Kar Liya Tha....
Lehaaza
Wo Khane Ke Baad Wahan Nahi Thaheri....!

 

[syed arshad]

Baba....Shaheda Ne Use Mukhateeb Kiya....Yeh Kahte Hai Ke Mahaade Ke Alawa Koi Dusra Maamla Bhi Ho Sakhta Hai....!


Haa....Mujhe Maalum Hai....!


To Kya Aap Inhe Dusre Maamle Ke Mutaleekh (Sambhandit) Nahi Batayenge....!


Kaisa Dusra Maamla....Sardar Daraab Use Ghoorne Laga....
Fir
Bola....Agar....Tum Kisi Dusre Maamle Se Waaqif Ho To Zaroor Bata Do....!


Main Aap Ke Kisi Maamle Se Waaqif Nahi Hu....
Lekin
Is Maamle Mein Apni Zubaan Se Kuch Nahi Kehna Chahti....!


Na Yeh Apni Zubaan Se Kuch Kehna Chahte Hai....
Aur
Na Aap....Imran Ne Tashveesh Kun (Chinta-Janak) Lahje Mein Kaha....Mera Khayal Se Pahle Aap Dono Apni Zubaano Ka Beema Kara Li Jiye....Taake....
Agar
Kuch Kahte Waqt Aap Ki Zubaano Ke Cheetdhe Udh Jaye To Nuqsaan Ki Zimmedari Beema Company Par Hogi....!


Tum Ullu Ho....Sardar Daraab Ne Kaha....
Aur
Uth Kar Chala Gaya....!


Imran Aur Shaheda Tanha Rahe Gaye....!


Agar Ab Ullu Bolna Shuru Karega To Yeh Imaarath Veeran Ho Jayegi....Imran Ullu Ki Tarah Deedhe Nacha Kar Bola


Suniye Imran Sahab....!


Sunaiye Shaheda Sahiba....
Varna
Agar....Main Paagal Na Hua Tab Bhi Apne Kapdhe Cheer-Phaad Kar Jungle Ki Raah Lunga....!


Aap Bolte Bohath Hai....!


Khair....Ab Na Bolunga....
Lekin
Main Jiss Kaam Ke Liye Aya Hu....


Thaheriye....Main Batati Hu....Baba Us Din Shaam Ko Ek Vasiyath Naame Par Dastkhat Karne Wale The....!


Hhh...Hiii....Hhhiipp


Aur Kisi Ko iLm Nahi Hai Ke Unhone Kiss Qism Ki Vasiyath Tayyaar Ki Hai....!


Aap Bhi Nahi Jaanti....!


Nahi....Main Bhi Nahi Jaanti....!


Fir Aap Ne Ise Chupane Ki Koshish Kyun Ki Thi....!


Suniye....Main Nahi Chahti Thi Ke Apni Zubaan Se Kuch Kahu....Baba Ke Saare Rishtedar Mujhse Mahez Is Bina Par Jalte Hai Ke Main Baba Ko Bohath Azeez (Pyari) Hu....Wo Jahan Bhi Rahte Hai Sirf Mujhe Hi Apne Saath Rakhte Hai....!


To Iska Matlab Yeh Hua Ke Baba....Ne Wo Vasiyath Tumhare Hi Haq Mein Ki Hogi....!


Khuda Jane....Main Yeh Jaanna Hi Nahi Chahti....
Aur
Na Yeh Chahti Hu Ke Baba Mere Haq Mein Koi Vasiyath Kare....Main Dusre Haqdaron Ko Mayoos Dekhna Nahi Chahti....!


Aap Yeh Isliye Kahe Rahi Hai Ke Aap Par Koi Harf Na Aye....Imran Ne Qashk (Rookhe) Lahje Mein Kaha
Aur
Shaheda Buri Tarah Bhadak Uthi....Usne Challenge De Kar Kaha....Isi Liye Main Apni Zubaan Se Iska Tazkara Nahi Karna Chahti Thi....!

 

[syed arshad]

Magar Ab Majboori Hai....Imran Mayoosi Se Sar Hila Kar Bola....Ab To Kar Hi Chuki Ho Tazkara....!


Mujhe Sirf Baba Azeez Hai....Main Unke Liye Mar Bhi Sakhti Hu....Mujhe Unki Daulath Ki Parwaah Nahi Hai....
Agar
Wo Muflees (Ghareeb) Aadmi Hote To Bhi Main Unse Isi Tarah Mohabbath Karti....
Kyun Ke
Unki Rooh To Mufleesi Mein Bhi Itni Hi Azeem (Mahaan) Hoti....!


Yeh Azeem Rooh Kya Cheez Hai....Imran Ne Hairath Se Kaha....Maine Azeem Uddin Suna Hai....Azeem Ullah Suna Hai....Mirza Azeem Baigh Chighyani Marhoom (Swargiye) Suna Hai....
Lekin
Yeh Azeem Rooh....


Aap Crack Hai....!


Beshak....Hu....
Magar
Yeh Azeem Rooh....Khair....Chhodiye....Haa....To Baba Ke Rishtedaron Ki Fehrist (List) Di Jiye....Jinhe Kisi Vasiyath Naame Se Dilchaspi Ho Sakhe....!


Ab Isse Mujhe Muaafi Hi Rakhiye....!


Main Yeh Nahi Kehta Ke Wo Bichchoo Aap Hi Ne Rakhe The....!


Aap Yeh Bhi Kahe Sakhte Hai....
Agar
Aap Ko Halaath iLm Ho Jaye....!


Ho Jaye iLm....Main Hargiz Nahi Kahunga....!


Cigar Ka Dabba Main Hi Baba Ki Khwaabgah (Bedroom) Se Utha Kar Layi Thi....Unhone Khud Nikaalne Ki Bajaye Mujh Se Kaha Tha Ke Main Unke Liye Ek Cigar Nikaal Du....!


Hmmm....Imran Kuch Sonchne Laga....
Fir
Bola....Puri Situation Samjhaiye Mujhe....Kya Yeh Zaroori Tha Ke Wo Bichchoo Unke Haath Mein Dank Maar Hi Dete....Aakhir Aap Kaise Mehfooz Rahi Thi....!


Maine Is Par Bohath Soncha Hai Imran Sahab....
Aur
Sau Feesad Main Hi Mujrim Sabeet Hoti Hu....!


Ooohh...Ise Chhodiye....Iska Faisla Main Karunga....Aap Nahi....Imran Haath Utha Kar Bola


Shaheda Chandh Lamhe Use Ghaur Se Dekhti Rahi....
Fir
Boli....Aisa Mumkeen Tha Ke Baba Ka Haath Bekar Ho Jata....Wo Jab Padhne Mein Moh Hote Hai Tab Tatol Kar Cigar Ka Dabba Kholte Hai Use Dekhe Baghair....Naashte Se Pahle Cigar Nahi Peete....
Aur
Naashta Amuman Library Hi Mein Hota Hai....Kabhi-Kabhi Mujhe Bhi Library Mein Hi Unke Saath Naashta Karna Padhta Hai....Chunache....Us Din Bhi Yahi Hua Tha....Ab Bataiye....Aap Kya Sonchenge....!

 

[syed arshad]

Kya Unki Khwaabgah (Bedroom) Mein Har Ek Jaa Sakhta Hai....!


Nahi....Main Jati Hu....
Aur
Unka Ek Khaas Khaadim Nayeem....
Ya Fir
Wo Jiss Se Kahe....!


Yeh Nayeem Kahan Milega....!


Kya Use Bulwau....!


Nahi....Main Puchna Chahta Tha Ke Kahan Rehta Hai....Imaarath Mein Ya Kahin Aur....!


Baba Ka Khaas Khaadim Hone Ki Bina Par Wo Yahin Sota Bhi Hai....Baba Ki Khwaabgah Ke Barabar Uska Kamra Hai....Taake....Wo Raat Ko Bhi Unhe Attend Kar Sakhe....!


Acha....Imran Sar Hila Kar Kuch Sonchta Hua Bola....Daraab Castle Mein Sardar Sahab Ke Kitne Rishtedar Rahte Hai....!


Aap Khud Maalum Kar Li Jiye....!


Tum Ne Wo Bichchoo Nahi Rakhe The....?


Nahi....!


Kya Tum Sardar Daraab Ke Liye Jaan De Sakhti Ho....?


Haa....Agar....Zaroorat Padhe....Main Unse Itni Hi Mohabbath Karti Hu....!


Lekin....Tum Unki Jaan Bachane Ke Liye Kuch Nahi Kar Sakhti....Kyun....? Main Tum Se Jo Kuch Maalum Karna Chahta Hu Wo Bohath Zaroori Hai....Mujhe Unke Rishtedaron Ki List Chahiye Jo Castle Hi Hudood (Borders) Mein Rahte Hai....Waise Bhi Agar Koi Haqdar Bahar Ho To Uska Naam Bhi Tum Le Sakhti Ho....!


Behtar Hai....Aap Is Silsile Mein Baba Se Guftgu Kare....!


Baba Akhrot Hai....!


Kya Matlab....!


Harden....Main Amuman Jasoosi Novels Ki Zubaan Istemaal Karta Hu....!


Kuch Aisi Hi Baat Hai Ke Main Tafseel Se Na Bata Sakhungi....Rishtedaron Ke Mutaleekh Wo Zaroor Bata Denge....
Lekin
Daava Hai Ke Wo Kisi Par Shak Nahi Zaaher Karenge....!


Khair....Main Unhi Se Puch Lunga....Waise Mera Khayal Hai Ke Castle Ki Hudood Mein Tumhare Ya Dr Najeeb Ke Alawa Aur Koi Nahi Hai....!


Hai....Baba Se Puchiyega....!


Arey....To Tum Hi Bata Dogi To Kya Ho Jayega....Kya Tum Bhi Baba Hi Ki Tarah Crack Ho....!


Aap Bohath Badtameez Hai....Aap Ko Guftgu Ka Saleeqa Nahi....Aap Kisi Ki Koi Haisiyath Nahi Samajhte....!


Meri Aadath Hai....Humesha Sachchi Baat Kehta Hu....!


Main Aap Se Guftgu Karna Nahi Chahti....!


Main Khud Bhi Nahi Karna Chahta....Imran Apni Aankhein Bandh Kar Ke Kanpattiyan Ragadhta Hua Bola....Itni Hi Si Der Mein Tum Ne Mere Dimaagh Ke Chule Hila Diye....Taaye....Taaye....Kisi Tarah Rukti Hi Nahi....Lahol Vala Khuvvata....Bade Budhon Se Sunta Aya Hu Ke Kunwaari Ladkiyon Ko Na Atar (Scent) Lagana Chahiye....
Aur
Na Zyada Taaye-Taaye Karna Chahiye....
Varna
Aasmaan Toot Padhta Hai...Sar Par....
Lehaaza
Isse Pahle Ke Aasmaan Toot Padhe Main Khisak Jana Chahta Hu....Tata....!


Continue.............................................................................................................!

 

[syed arshad]

Brilliant update with awesome writing syed ji

Naina Jee