"aapko pata bhi hai tyson?? rashmi un teeno ka peecha kar rahi hai"zabooza bola ek shaks ko
"Usse kya fark padta hai zabooza?"tyson bola
"Matlab??"zabooza samjha nahi
"Uska bhai hoon mai,usse lakh guna behtar hoon,waisi kamzor ladki kisi ka peecha kar kya kar legi"tyson muskurate hue bola
"Pata hai lekin apni dadaji ko di kasam ki wajah se....."zabooza bola
"Kya kasam??hah zabooza rashmi kamzor thi,kamzor hai aur kamzor rahegi.wo kya ukhad legi kisi ka,use bachane ke liye khud yug ko aana pada tha"tyson bola
"Pata hai,lekin kya master ko pata hai.ki unki beti ko maarne ke liye mia aur IAK ko kisne bheja tha"ek kutil muskurahat ke saath zabooza chala gaya
"Zabooza master ke marne ke baad unka clan ko mai chalaunga aur koi nahi.sirf mai"aankhen Neeli hoti gayi tyson ke aur charo aur thand badhne laga
-------------------------------------------------------------------
Rashmi chup chup kar yug ko dekh rahi thi.
Hyderabad me a gayi thi yug ke peeche peeche.aankhen band ki usne
"Soch liya rashmi??"jishnu ne kaha tha
"Haan,lekin promise karo tum yug ko kuch nahi karoge,use nahi sataoge aur pareshan nahi karoge"rashmi boli
"Acha promise,lekin ab to paas a jao darling"jishnu ne rashmi ka haath pakadte hue bola
"No touching jishnu,jab tak mai ye nahi dekh leti ki tum kitne sachhe ho tab tak no physical contact"rashmi boli
Aur aise hi rashmi aur jishnu ka rishta chal pada tha.
Rashmi ne jishnu se rishta joda yug ki wajah se
us raat jab yug ne rashmi ko bachaya tha tab sabse zyada rashmi khush hui thi,yug apne pairon me jo khada ho gaya tha
Yug ke baare me to sab kuch jaan liya,lekin apne baare me kuch nahi bataya.kya batati??
Idhar red clan ke naye master ko khojne ke liye Chen akele ek jagah chala gaya jabaki sasuka aur yug doosri jagah the.rashmi bhi doosre jagah gayi thi yug ke peeche peeche
"Yug tum ruko mai gaadi ka bandobast karke aaya.yahan jungle kaafi khatarnak hai.yahi rehna aur apna khayal rakhna"bol sasuka chala gaya
Aur rashmi yug ko dekh rahi thi.kaafi dubla ho gaya hai yug.thik se khata nahi hoga,apne sehat par dhyan nahi deta hoga.gadha kahi ka.agar uska bas chale to wo.....
Rashmi sihar uthi. dark clan ki halchal mehsoos hui use
"Wah jise khoj rahe the wo aakhir mil hi gaya"yug ke saamne ek ninja khada tha
"Bill,ye tumhari mout ka naam hai,itna jaan lo"ninja muskurate hue bola
Yug foorti ke saath daudkar ek ghoomta hua kick maar baitha us ninja par
THADDDDDD
Ninja ka chehra ek taraf ghoom gaya.aur usne apna chehra fir yug ke saamne kiya aur muskurane laga
Yug fir daudkar saamne aaya aur ek punch maara
THAAAAKKKKKKK
Roka apne haath se us ninja ne,lekin yug ne fir apne pair chala diye us ninja ke chehre par
THAKKKKKK
Ninja ne fir rok liya uske baar ko
"Suna hai tu master ahru ka mask pehenta tha??master ahru ko aur koi nahi mila kya apna mask dene ke liye??kam se kam.us ladke Chen ko to de hi sakte the"ninja muskurate hue bola
"Ab mai tujhe apni Power dikhata hoon"bol ninja ne pose liya yug ke saamne aur rashmi chaunk uthi
Ye ye ye to wahi ninja hai...
"Ninja skill ........beast power elephant stomp....."bol ninja ka sharir hawa me udd chala aur tezi se yug ke upar aane laga.yug hil bhi nahi pa raha tha us jagah se
Ninja ke sharir ke aaspaas yug ne ek haathi ka sharir dekha aur us ninja ka pair haathi ke pair jaisa ho gaya
THAMMMMMMMMMMMMMM
ninja ka pair yug ke sar par laga
"Akkkkkkkk........."muh se khoon nikla yug ke aur wahi baith gaya wo
"Beta ye to sirf trailer hai abhi to bohut kuch sehna hai,yahan tu marega wahan Chen ko mia thokegi,tum dono ki laash sasuka le jayega wapas ha ha ha"ninja ne fir pose liya aur yug apni poori shakti ek karke uth khada hua
"Ha ha dum hai tujhme,lekin kitna wo dekhenge.........beast power tiger claw"bol bijli ki tarah ninja yug ki aur udd chala aur uska haath ne sher ke panje ka roop le liya
KHACHHHHHHHHHHHH
"Ugghhhhh"yug samajh gaya ki uske bas ka nahi tha use ninja se ladne lekin shayad ab der ho gayi hai.usne aankhen band kar li,uska sharir udd chala aur...
THADDDDDD
"YUGGGGGGGGGG"daudkar rashmi yug ke paas pohunch gayi.poora chehra laal ho chuka tha.left side ke gaal ka chamda utar chuka tha.maans dikh rahe the.dhadkane dheere dheeme band ho rahi thi
"Yug aankhen kholo yug,mai kuch nahi hone doongi tumhe please yug please"roye ja rahi thi
' Are ye to rashmi hai.master ki beti clan ki kamzori kadi,hat yahan se warna tera bhi yahi haal hoga"ninja fir position lete hue bola
"Please please ek baar uth jao yug please"bol rashmi ne yug ke seene me apna sar rakh aur chaunk gayi.achanak uske aankhon ke charo taraf barf jamne laga ,usne apne aankhen band kar li aur kaafi der baad apni aankhen kholi to wo neele rang ki thi.
Uske muh se halke se nikla
"Ninja skills.............ice dragon power"
Aur aaspaas thand badhne lagi
