Update - 4
To Aapne padha Naamkaran ki sab Tyari ho chuki thi aur udhar Renu ke sath kuch Batmiji ho gayi jiska hisab Chukta karne Shamsher Apne sath kuch Admio ko lekar Nikla tha.
.
Ab Aage
.
.
Idhar Renu jab Yashoda ke paas pahunchi to, Yashoda ko sab baat btayi usne, aur rone Lagi,
Yashoda ne use sine se lagakar dilasa dia ki Tujhe jara bhi darne ki jarurat nhi hai, Shamsher Kaka dekhna acha sabak sikhayege jald hi un Gundo ko,
Idhar in dono ne hi dhyan nhi dia ki
Whi Palne me Lete Bachhe ka chahera Inki Baare sunte samay Thoda Gambhir ho gaya tha, jab Renu vo sab Bata rahi thi, aur uski Ankhe chamakne lagi thi, jesa vo khud se kuch Pata karne ki koshish kar rha ho,
Agar Ye dono us waqt use dekh leti to jane kya hota,
Khair Shamsher Apne admio ke sath Amar Colony ja pahucha tha, wha usne Jagga Bhai ke Thikane ka Pata kia,
Aur Sidha ja pahucha,
Ye Ek Godam Type tha jisme Jagga Apna Gairkanuni saman jese Nakli Daru ki Petiya,
Drugs aur Hathiyar Rakhta tha, ye sab Iska Kala Dhanda tha,
jo ye Money Loan aur Property Dealing ke dhande ki aad me Karta tha, jane kitni hi Ladkio ka aaj tak is jagah Jagga aur uske Gunde Rape aur Murder kar chuke the, Par Kuch Netao ka Hath Sar Par hone ki vjah se aajtak Police uspar hath nhi dal Payi thi..
Khair Jese hi Shamsher aur uske Hathiyarband sathi wha Gadio se pahuche to Aas paas jisne bhi unhe dekha vo chaukanna ho gaya,
Aur kuch Bada hone ki Anhoni se vo Log apna Boriya Bistar Samet ke Apne Ghar Nikal liye,
Jiski Dukan thi vo dukan Band kar Gaya, jo kisi Kaam se Ghar ko nikla tha vo ulte Paav Ghar ko ho liya,
Andar Ek Gunda Apne sathi se bola ye achanak Bahar itna sannata kese ho gaya,
Kahi police to nahi, jara bahar jakar dekh,
To vo admi Muh me Gutka dalte hue Bola Tu bhi na Sale Ajtak Police ki yaha aane ki Himmat hui hai kya jo aaj ayegi,
Ruk mai dekh ke aata hu,
Aur Vo Darwaja Khol ke Bahar nikla, aur ek sath itne hathyrarband admio ko dekh Uski ankhe badi ho gayi, usne Chillane ko muh khola hi tha, ki ek Chaku Udta hua aaya aur Gale ke Aar Paar ho gaya, Saans ki Naal Cut jane se vo whi dher ho gaya muh khula ka khula hi reh gaya,
Ye chaku Shamsher ke sath Khade ek Aadmi ne feka tha jo Kad me samanya tha Par Chusti Furti me uska koi Saani nhi tha,
Uske Body ke katav uske chust kapdo se bhi pata lag rhe the, jinpar Jgah Jgah kai sare Chaku Lage hue the
Shamsher ne uski traf dekh haste hue kaha,
Gunga Tune ise bhi apne jese Gunga kar hi dala bechare ko kuch to bolne deta,
Ye sun ke vo admi Goo Goo karke Hasne Laga, shayad Bol nahi sakta tha,
Idhar Jab Vo Gunda Andar nhi Pahucha to uska sathi use Gali deta hua bahar dekhne Aane Laga, Abe haram ke jane ek kaam nhi hota tujhse, Bahar kya apni Amma ka byah dekhne beth gaya, jese vo bahar nikla,
Uske muh par ek Ghusa pada aur itne vo kuch bol pata, utne hi Ek 6 feet lambe admi Ki giraft me khud ko Latka Paya aur
Jiski ek harkat par uski Gardan ki Haddi Tut sakti thi,
Ye Bheema tha Jo Shamsher ke hi jese Dealdaul aur Majbut sharir wala insan tha iska adha jiwan Pehalwani karte hi Beeta tha,
Bheema ki Jakad me Latke us Gunde ki kanpati ke Paas Shamsher ne Pistol late hue, use Kaha, Tere ko agar apni jindagi pyari hai, jo sawal tujhse Pucha jaye bas uska hi jawab dena agar khud se kuch bhi jyda bolne ki koshish ki to tera haal bhi tere is sathi jesa hoga, Dusre Gunda jo mara pada tha uski taraf ishara karke Shamsher ne bola,
Isse Bhi humne Yahi Baat boli thi par shyad ise Apni jindagi Se Pyar nhi tha iskie chalaki karna chahta tha, par ab dekhe Tu samjhdar hai Ya Apne sathi ki Trah Bewkoof, kehkar Bheema se Pakad thodi dheeli karne ko kaha Shamsher ne,
Jese hi Gardan par Pakad Dheeli hui Vo Admi joro ki saans lene laga, itni der se Apni Maut ke karib jo Latka tha, usne ekdum se sawal Daga ki Kon ho tum sab, uska itna kehna tha ki Bheema ki Pakad uski Gardan par fir kas gayi aur Gunde ki Ankhe bahar Ko ane Lagi.
Shamsher ne apni ankhe Nikal ke usko dekha jise dekh peshab nikalne ko ho gya us Gunde ka, Tujhe pehle hi samjhaya hai ki jo puche bas uska jawab dena hai,
Dobara ye Galti hui to Apne Sathi ke Bagal ne leta hoga tu bhi, jaan par aayi dekh us Gunde ne Palke jhukakar baat maan ne ki sehmati di,
Bheema ne apni Pakad dobara dheeli ki,
To Shamsher ne usse puchna shuru kia,
Andar Kul Kitne Admi hai, to us Gunde ne Turant jawab dia, ki mujhe milakar yha 10 log the jinme ek ko aapne maar dia,
Shamsher ne Dusra sawal pucha ki Jagga bhai bhi Andar hi hai, usne bola Han Jagga Bhai bhi anadar hi hai aur sharab ke nashe me dhutt hai,
Fir Shamsher ne Ankhe Badi karte hue Pucha kya Sheru Bhi Andar hi hai, to usne Jawab dia nhi Sheru aaj thoda jaldi hi Nikal ke apni Kholi par chala gaya, aaj usne kisi *Laundiya* ka intejam kia hai to usi ke lie Wha gaya hai,
Itna sunte hi Shamsher ne Ek ishara Bheema ko kia aur Bheema ne Us Gunde ki Gardan ki Haddi whi tod di, bechara Chilla bhi nahi kar Paya...
Idhar Bhairav Rana ke Yaha, Sab Tyari Puri Ho Gayi thi, jo bhi Athiti Log aane the vo Aa chuke the,
Bachhe ki Buya Hema Use Liye hue Ghar Ghar me dol rhi thi, ya keh lo ki Rana Vansh ka Chirag apne Ghar ka Muyayna Kar rha tha, Bachha bade dhyan se Ghar ki har ek jgah Dekh rha tha Jaha bhi Hema use Le jati thi sath me Vijay ki beti Aarushi thi jo baar baar Apni bua se Jidd kar rhi thi Mere ko bhi Gudde ko God me Lena hai, par Hema usse bolti ki tum abhi Choti ho...
Rana Pariwar ke Purohit ji bhi aa pahuche the jinke sath Ek Sadhu Mahatma aur Unke sath unke Kuch Shishay The.
Bhairav Rana ne Purohit ji ko Pranam kar sthan Gran karne ke lie kaha fir purohit ji se Mahatma ki traf ishara karte hue Pucha ki Aap kon hai..
To ise sunkar Mahatma ji ke chehre par Ek muskan aagyi aur unhone Purohit ji ke kuch bolne ka intejar kia, to Purohit ji Bhairav Rana se Kaha ki Ye mere Gurudev aur Aadishakti Maa Kali aur Prabhu Mahakal ke Anany bhakt Rishi Omkar Shastri hai aur ye sath me ye sabhi inke shishya hai,
Meri Shiksha Dikhashi Puri hone ke baad se hi Kai Varsho se Ye Prabhu ki Bhakti me Leen the aur Aaj hi Himalaya Parwat sthit apne Pooja shthal se Laute hai,
Ise Aap Sanyog kahe ya Vidhi ka Vidhan ki inhone Khud se hume Aapke Yha hone wale is Naamkaran Sanskar Me sammilit hone ke lie kaha, Aur Inhe ye Adesh sakshat Prabhu ne inke Swapan me aakar inhe diya hai,
Ye sunkar Bhairav Rana thoda chakit bhi hue Aur sharaddha Bhav se unhone Mahatma ko Pranam kia,
To Mahatma ji ne apna hath uthate hue Ashirwad dia....
Idhar Jagga ke Adde par Shamsher aur uske Sathi Dabe Kadmo ke sath Andar Godam me Ghus chuke the aur Ghuste hi unki Naam me Daru aur Barood ki Mehak aayi jise usne Pehchan ke Apne admio ko ishar kia ki Ek Bhi Goli nhi chalani yha Na hi kisi ko chalane dena hai,
Sabse Pehle Gunga ne dono hath me Chaku Lekar Goo Goo karte hue apni Mundi Hilai, to Shamsher ne Haste hue usse kaha, tune to ek ka shikar pehle hi kar lia hai, Jara in sabko bhi mauka de, Bethe Bethe inke hath pair bhi jaam to nhi ho gaye Pata chale,
Dabe Kadmo se Vo Aage badhne lage itne unhe Char admi Bethe Patte khelte hue njar aaye jinhe dekh Shamsher ne apne dono Hath Failate hue apne hathmio ko unhe Gherne ka ishara kia,
Uske Char admi Left Side se Aur Char Right side se hokar un Gundo par Hamla karne ka Mauka dekhne Lage,
Shamsher ne Tabhi whi Paas padi ek Eeint Utha ke un admio se thodi Dur Feki jidhar daru ki Petiya rkhi hui thi to Awaj sunkar Vo Admi Satark ho gye aur apni Gun sambhal Uth khade hue aur awaj ki disha me Badh gye,
Idhar Unke Piche se Shamsher ke Char Admi Dabe Paav Unki aur Badhne Lage aur Mauka dekhte hi Unhone Charo ko Piche se daboch Lia Aur Tabhi Samne se aakar Aur Char Admio ne Apne Apne Chaku se Unki Saans Nali Kaat dali,
Abtak 6 admi Mare ja chuke the aur kisi ko Kanokan Khabar bhi nhi hui thi
Ab bas Jagga aur uske sath teen admi aur bache the jinpar thodi dur se hi Njar Rkhe hue the Shamsher aur uske Admi,
Tabhi Jagga ek ek Admi Bola tum beth ke peg bnao jara mai Mut ke aata hu kehkar Vo Mutne ke lie whi ek kone me bne chote se toilet ki aur jane laga,
Shamsher ne Bheema ko ishara kia aur uske Piche bheja,
To vo admi jese hi Mut ke Toilet se bahar nikla aur Apne pant ki jip band kar rha tha,
Uski Gardan par ek Bheema ka Fauladi Shikanja kas Gya aur Bina jyada Waqt Jaya kie Bheema ne uski Gadan ki haddi tod di
Ab Bas Do Log, aur Jagga bache the,
To Shamsher aur uske Admi seedhe jakar unke samne khade ho gye
Apne samne Itne admio ko ek sath dekh Un dono ka Nasha utar gya aur Vo Paas padi Apni Banduk uthane ki hath badhne lage,
Par itne me Gunga ke dono hatho me harkat hui to samne un dono ki Kalai Cut ke Gir gayi thi,
Shamsher ne Gunga aur dekh kaha, Tu nahi Sudhrega, to Gunga ne Apne Dant dikhate hue unhe apne chaku se kureda..
Shamsher ne aage badh ke ek Admi ki Gardan par apna Pair rkh dia aur dusre se sawal kia Jagga kaha hai,
To Tote ki trah vo bole ki Jagga Bhai anadar kamre me hai sath me unki ek Rakhail hai..
Itna sunte hi Shamsher ne apne admio se unhe thikane lagane ko bola aur khud aage badh gaya kamre ki aur sath me Gunga aur kuch Log bhi aane lage to usne Unhe Godam ki Talashi Lene ko kaha ache se ki kya kya chipa ke rakhte hai ye log yha,
To Bas Shamsher aage jane Laga, aur uske sath Gunga bhi baki Admi Talashi Lene Lage,
Bheema Abtak Us Kamre ke Paas Pahuch chuka tha pehle hi, Shamsher ne use ek ishara kia to Darwaja ek laat me Tod dala usne,
Andar ghuste hi unhe Jagga Plung par Ek Aurat se Jabardasti karne ki koshish karte hue Njar aaya, to Bheema ne aage Badhkar uske Pichwade par Ek laat Mari aur Vo Plung se Niche ja Pada uske samne ke Do dant bhi Tut Gaye...
.
.
Dosto Maafi Chahti hu ki Update Thoda Late de Payi aur Adha Adhura, Kisi Kaam se busy hu to Time nhi Mila Pa rha
Update 4 Abbi Age Jari Rahega, Tabtak itna padh ke apne View btaye..
.
.
