Romance Anjaan Rahen ~ A Passionate Love (Completed)

[The Immortal]

Update 8
Gyan to usse sex ke baare me pahle se tha, per usse mehsus kerna aur uska khyal dimag me aana, Vasvi ke badan me ek sihran paida ker raha tha. Uske hanth apne hi angon per the aur maze se kahani ka luft utha rahi thi.
Padhte padhte itni magan thi ki kab subah ho gayi pata hi nahi chala usse, Subah jab maa ne college jane ke liye darwaja khat-khtayi tab jakar uska dhyan toota. Novel lamba tha aakhri chepter rah gaya padna.
Beman taiyar hoker nikli Rakesh ke sath college Vasvi. Raste bhar usse novel ka hi khyal aata raha aur khud me badi hi ajib mehsus ker rahi thi. Kuch pyara sa gudgudi sa ander ho raha tha.
Nihita aur Vasvi college ke gate per hi mil gaye, Nihita ne jab Vaisvi ko dekha aur uske chehre per thoda sa anchahe reaction to wo samjh gayi ki Vasvi abhi kya feel ker rahi hai. Nihita class bank kerti Vasvi ke sath canteen aa gayi ...
Nihita.... Vasu kya hua tujhe
Vasvi.... Nihita tum ne wo novel padhi thi kya.
Nihita.... Nahi, abhi nahi padhi. Kaisa tha novel, pura padh li.
Vasvi.... My god, kya tha ye Nihita, ek ladki kisi ke sath bhi shuru ho jati hai, kya sach me aisa hota hai.
Nihita.... Kalpnik kahani hai Vasu jyada mat socha ker
Dono aamne samne baat ker rahe the, Vasvi thodi aage huyi aur dhire se Nihita ke kan ke pass kahne lagi ...
"Nihita isme to poora ek ek scene likha tha, mujhe to kuch kuch hone laga"
Nihita.... Hehe, controle ker baby nahi to tujhe bf ki jaroorat mehsus hone lagegi.
Nihita ki baat sun ker thodi der shant rahi Vasvi phir dono ne wanhi coffee pi aur class me chali gayi.
Vasvi ka dimag ab bhi ussi kahani ki ghatnao per tha, ki kaise ek ladki police me jane ke baad apna kaam nikalwane ke liye gundo ke sath apne sambandh banati hai, apna her kaam kewal apne jism ka istmal ker ke wo pura ker leti hai... Aur sach to ye tha ki Vasvi ko sab kuch apni ankhon ke samne hota dikh raha tha aur yahi soch soch wo aaj kaphi excited ho rahi thi.
Ander ki jalan se wo chidh gayi thi, badan ki garmi ab sambhale na sambhle, per kare kya aag bhadak chuki thi per bujhane wala koi nahi aur ye sab uss lekhni ke karan hua jo wo uss novel me padhi aur sayad pahla anubhaw tha isliye pata bhi nahi tha ki kya kare.
Khair dhire dhire sab normal hota chala gaya per ab Vasvi ke ander kaphi badlaw dikh rahe the. Vasvi ab Nihita ki baton me maje lena sikh gayi thi. Nihita ne usse kuch tips bhi diye akele kaise apne excitment ko controle kiya jaye.
Vasvi ne Nihita ke sath apni fantasy ko jiya, alishan gariyon me ghumna, party kerna aur enjoy kerna, per sabki apni kuch khas baten aur kuch khamiyan hoti hai. Janha Nihita ka ladkon se baat karne ka ek rude andaj tha wanhi Vasvi hans ker respond kerti thi. Aur dono me common ye tha ki jo bhi bolna hota bilkul frankly samne se bola kerti thi.
College ke pahle sal me Vasvi ne kaphi kuch sikha Nihita ki sangat me. Logon ko dekhne aur baat kerne ka jo najriya jo Vasvi ka tha usper bhi kaphi prabhaw para aur Nihita ke sath rehker thoda ghamnd bhi aa gaya Vasvi me.
Lekin pahla sal bit'te-bit'te Vasvi aur Nihita ka sath chhut gaya. Nihita kabhi bhi Varanasi me nahi rahna chahti thi isliye pahle sal ke result ke baad wo Varansi se nikal gayi.
Dono ka sath itna anutha tha, ki jab Nihita ja rahi thi to dono ke aankhon me aanshu the, ek achhe dost alag ho rahe the per aaps ka pyar sada dil me raha.
Nihita ke jane ke baad Vasvi bilkul akeli ho gayi, uski sangat ne thodi si maturity to di per uss bhi jyada kuch buri late jaise ghumna, party karna, mahnge mahnge chijon ka sauk jo ki ek middle class family ke liye possible nahi tha.
Vasvi ko ab jaise aadat si ho gayi thi in sab chijon ki, aur jab paise na ho to pura kanha se ho ye sauk. Idhar Rakesh ki feeling Vasvi ke liye din w din badhti hi ja rahi thi. Vasvi me aaye badlaw aur uska her baat per ek funny sa reply kerna, kabhi kabhi indirect bold sa mazak kerna usse alag hi disha me le ja raha tha.
Ek din jab Vasvi, Rakesh ke sath college ja rahi thi, tab Rakesh ne usse movie chalne ka offer kiya, Vasvi ko bhi class se koi jyada matlab to tha nahi lekin movie to wo bilkul nahi jana chahti thi isliye usne Rakesh ko movie ka plan chhor ker kanhi ghumne chalne ko kahi.
Rakesh ki to jaise kismat khul gayi ho, pura din Rakesh usse ghumata raha aur apne pocket money ke hisab se kharch kerta raha. Vasvi ko aaj thoda relief feel ho raha tha kyonki wo in sab chijon ko miss ker rahi thi.
Saam ko ghar wapas laut te waqt Rakesh ne apne paise se usse ek hand bag gift kiya. Gift dekh ker Vasvi kaphi khush huyi aur usse leti wo apne ghar chali gayi. Aaj din bhar ki ghtnao ne Rakesh ko sone nahi diya, wanhi Vasvi bhi aaj jag rahi thi kyonki uske dimag ne kuch observe kiya tha aur us baat ko lekar uski jindgi badlne wali thi.
_____________________

 

[The Immortal]

Update 9
Saam ko ghar wapas laut te waqt Rakesh ne apne paise se usse ek hand bag gift kiya. Gift dekh ker Vasvi kaphi khush huyi aur usse leti wo apne ghar chali gayi. Aaj din bhar ki ghtnao ne Rakesh ko sone nahi diya, wanhi Vasvi bhi aaj jag rahi thi kyonki uske dimag ne kuch observe kiya tha aur us baat ko lekar uski jindgi badlne wali thi.
Jab sapne aur chahat dil me aate hain tab sahi galat ki pahchan khatam si ho jati hai. Din ki huyi anjaan si ek ghatna ne Vasvi ki soch ko ek alag hi roop diya aur wo lagatar bas ek hi baat sochti rahi ..... "Jab ek clark ka ladka mere pichhe 1000 kharch ker sakta hai to carorepatiyon ki kami hai kya sahar me"
Vasvi ko apne sapne pure karne ka ek aasan aur achha tarika mila jo uske life ko uske tarike se jine me madad karta. Vasvi ne ek bf banane ki soch li par wo iss raste par jane se pahle apni guru yani Nihita se ek baar baat karna chahti thi.
Agali subah jab aaj college ke liye nikli to Rakesh bilkul saj dhaj ke taiyar tha, aur aisa lag raha tha jaise Vasvi ka intzar kaphi samay se kar raha ho....
Rakesh .... Hi Vasvi, looking beautiful
Vasvi... Thanks Rakesh, waise cool dude to tum dikh rahe ho baat kya hai koi gf mil gayi kya
Rakesh khud me thodi himmat juta'ta hua bola....
"Gf haan wo to mil hi gayi hai"
Vasvi.... Wowwwwww ! Kaun hai mujhe bhi to bata
Rakesh.... Kaun kya tum hi to ho
Vasvi.... Achha aisi baat, ladka flirt kar raha hai, par main hi-fi girl hun, kanhi koi aur dekh le, main tere hanth nahi aane wali.
Rakesh.... Main kya itna bura dikhta hun
Thodi nirasa aur thodi masumiyat se Rakesh ne apni baat kahi.
Vasvi ne jab Rakesh ko itna serious iss matter par baat karte dekhi to wo bhi thodi serious hoti boli ...
"Dekh Rakesh tum yadi kuch feelings apne andar rakhte ho to usse wanhi rok do, kyonki tum jaisa soch rahe ho waisa sambhaw nahi, mera phle se ek bf hai"
Vasvi aane wale sambhawna ko sochti huyi aur apne sapno ko sakar karne ke liye, jo ladka usse chahiye tha wo to Rakesh bilkul nahi tha, isliye wo ye bf wala jhoot bol gayi. Rakesh ka to jaise sapna hi toot gaya ho. Mayusi se usne bina kuch bole apni bike start kiya aur Vasvi ko chalne ke liye bola.
Jaise hum kisi ke sath rahte rahte uski aadat si hone lagti hai waisa hi kuch Vasvi ke sath tha, aaj raste bhar Rakesh chup tha, Vasvi ko ander se ajib lag raha tha per usse khud pata nahi kya ho raha tha.
Khair Vasvi college pahunchi, aaj thoda gumsum thi subah ki baton ko lekar, par apni sari chintao par viram lagati usne Nhita ko call laga di....
Nihita..... Ohhh my god ! Vasu tujhe hi call lagane wali thi, miss u darling so much. Kaisi hai
Vasvi.... Kal raat se main bhi tum se baat karna chahti thi, par waqt jyada ho gaya tha isliye call nahi kar payi.
Nihita..... Pagal ho gayi hai, tere liye kaun sa time, soyi bhi rahun to jaga kar baat kiya kar. Chhor ye sab formal baten aur suna college kaisa chal raha hai, koi bf banayi ya akeli hi maze kar rahi hai.
Vasvi.... Tum bhi na Nihita kya college ka naam le rahi hai, bapu mere professior nahi hote to college kabhi nahi aati, par unki najar rahti hai attendence par upar se tu bhi chali gayi mujhe aadhe raste chhor, bilkul achha nahi lagta yanha. Please laut aa mann nahi lagta tere bina.
Nihita..... Hehe, pagal itna atkegi to life kaise jiyegi, ek kaam kar thoda ghum phir, kuch dost bana, ho sake to 4,5 ladko ko apne pichhe ghuma khud itni busy ho jayegi ki phir kisi ki yaad nahi aayegi.
Vasvi.... Aisa hota hai kya bata, teri yaad to dil se aati hai.
Nihita, Vasvi ki baton me thodi uljhan mehsus ki, aisa laga koi baat hai jo ab tak bata nahi payi .......
Nihita.... Vasu koi baat hai kya, aisa laga jaise kuch kahna chah rahi hai par kah nahi pa rahi. Kya chal raha hai tere mann me ab batayegi jara.
Vasvi, Nihita ki baat sun'ne ke baad thodi der gumsum rahi... Iss bich Nihita ne ek baar phir dohrayi ... "Baat kya hai" ... Vasvi, Nihita ki baat ka jabaw deti huyi....
"Nihita thodi confuse hun, kal raat ko mere mann me khayal aaya ki kyon na mera bhi ek bf ho, aur issi bare me main tumse baat karna chahti thi, par subah wo Rakesh hai na......
Nihita.... Haan, wo tere school se jo sath padhta hai, ab bata na kya kiya usne, yadi koi ulti sidhi harkat kiya hai to tu bata main uska murder karwa dungi.
Vasvi.... Arre gussa kyon hoti hai, accha ladka hai yaar. Lekin aaj jab subah aayi to thoda hansi mazak chal raha tha gf bf ke topic par. Uskr haw-bhaw se laga wo mere liye feeling rakhta hai, lekin maine usse saf samjha diya ki, yadi koi uski feeling hai mere liye to dil se nikal de.
"Bas itti si baat thi, lekin wo serious ho gaya, aisa laga jaise usne ye ummid nahi kiya tha. Poore raste chup raha, uska chup rahna mujhe achha nahi laga"
Nihita.... Hehehe, kanhi tu pyar to nahi kar baithi...
Vasvi.... Nihita tu bhi na, nahi re aisi koi baat nahi. Main isliye padesan hun ki main to usse clear kar di ki humara relation sambhaw nahi, bas is baat ko lekar serious ho gaya aur humara itna lamba sath raha hai to uska chup rahna thoda akhar gaya. Jabki kal hum pure din sath me ghume bhi the.
Nihita.... Duffer tu khud confuse hai aur mujhe bhi kar rahi hai. Raat ko tu sochi, ki tum ek bf banana chahti hai, aur subah jab tumne Rakesh ko mana kar di to tumhe feel bhi ho raha hai ki wo udas kyon hai, to jab tumhe bf hi banana hai aur tumhe Rakesh ka chup rahna feel bhi ho raha hai, then why not give him a chance, aur tu to achhe se janti bhi hai usse.
Vasvi.... Lekin yaar maine kabhi uske bare me nahi sochi, uss fat-fatiya chhap ki main gf banu yakkkk, kabhi nahi. Mera to bf koi rajkumar type hoga, he is not illigible for my bf.
Vasvi ki baten sun kar Nihita hasne lagi, aur haste huye jabaw di...
"Ohhh ! To aisi baat hai, tere baton se to saf ho gaya tumhe bf nahi timepass chahiye, aur ye bhi ki tumhe aadat si ho gyi hai Rakesh ke sath baat karne ki. Chal koi baat nahi ghar me bhi jab log baat nahi karte to thoda feel hota hai, par kuch dino me sab normal ho jata hai. Tu rakesh ki chinta chhor aur apne Rajkumar par concentrate kar"
______________________

 

[The Immortal]

Update 10
Vasvi ki baten sun kar Nihita hasne lagi, aur haste huye jabaw di...
"Ohhh ! To aisi baat hai, tere baton se to saf ho gaya tumhe bf nahi timepass chahiye, aur ye bhi ki tumhe aadat si ho gyi hai Rakesh ke sath baat karne ki. Chal koi baat nahi ghar me bhi jab log baat nahi karte to thoda feel hota hai, par kuch dino me sab normal ho jata hai. Tu rakesh ki chinta chhor aur apne Rajkumar par concentrate kar"
Apni chhoti si ujhan bayan karne ke baad jo Nihita se jabaw mila wo kaphi santust janak tha. Sach to ye tha ki Vasvi karna sab kuch chahti thi par wo Rakesh ka sath nahi chhorna chahti thi.
Ghar, college aur uski novel padne ki chahat bas itne me hi din bit'ta tha Vasvi ka. Vasvi ab pahle se jyada kitab ko enjoy kar rahi thi, erotic stories usse kaphi akarshit karne lage the, aur wo lagatar apni chahton par workout kar rahi thi yani ki ek samridhnh bf ki, jo uski ikchhayen puri kar sake.
Idhar Rakesh ne apna ek tarpha pyar apne ander dafan kar liya aur usse bas iss baat ki khushi thi, ki kuch bhi ho kam se kam Vasvi uske satha hai, kya pata aaj na kal usse bhi Rakesh ke pyar ka ehsaas ho jaye.
Jindgi kuch din routeine me bitane ke baad aakhir Vasvi ki talaash khatam huyi. Sunday ke din apne ghar se bore hokar jab wo market ghum rahi thi, paise to the nahi Vasvi ke pass, phir bhi apni adhuri chah liye ek shopping complex me kuch modern outfit dekh rahi thi.
Vasvi bahut der tak show case me rakhe red dress ko ghur rahi thi, niche tag dekhi, dam tha ₹12000, bas us tag ko dekhi aur mayus wapas mur gayi, aur shopping complex ghumne lagi.
Ghum to wo shopping complex phaltu me hi rahi thi, par baar baar uska dhyan ussi dress par aata aur wo rah-rah kar usse dekhti huyi wanha se gujarti. Do baar aise hi ghumti rahi, baad me Vasvij teesri baar uss dress ko dekhne aayi to wo dress showcase me nahi thi.
Badi hi mayus kadmon se khud ko kosti huyi ki "kyon wo aise ghar me paida huyi jo ye dress tak nahi karid saki" apni chetnao me aage chal rahi thi. Vasvi ke kadam aage badh rahe the par dhyan kanhi aur tha, aur wo takra gayi....
"Aap thik to hai na" .... 6 fit lamba bilkul model ki presonality ka ek ladka apna hanth aage badhata hua Vasvi se bola.
Par Vasvi ko to dress bik jane ka gussa tha isliye Vasvi junjhlakar baras pari uss par....
"Dekh kar nahi chal sakte, jaan bujh kar ladkiyon ko padesan karne ke liye takrate hai, nalayak ladke, bhago yanha se"
Vasvi ki baat sunkar wo ladka muskurata hua jabaw diya ....
"Madam dekh kar mujhe nahi aap ko chalna chahiye, kyonki main to apni jagah par hi khara tha, aakar to aap takrayi"
Vasvi.... Bas tum ladkon ko mauka milna chahiye, main yadi nahi dekh payi to tumhare pass to aankhen thi tum kyon nahi side ho gaye.
Up ke Varanahi ka ilaka aur itni baten ho aur bhala bhir na jute aisa ho sakta hai kya, Vasvi ko yun tej-tej chillate sun wanha log jut gaye, bhir lagne lagi, uss ladke ne waqt ki nazakat ko samjhte huye wanha se nikalne me hi apni bhalai samjhi.
Idhar kuch log Vasvi se puchhne lage... "Kya hua, kya hua"
Vasvi ne sara dosh ussi ladke par madhte huye apne sath chherkhani ka aarop madh di uske matthe, par jabtak bhir koi action leti wo ladka wanha se ojhal ho chuka tha. Vasvi bhi jhallati uthi aur wanha se bahar nikli.
Auto lekar Vasvi apne ghar ki ore rawana huyi hi thi, ki kuch der aage jane ke baad auto wale ne break laga kar auto rok di. Achanak break lagne se Vasvi thodi unbalance huyi, idhar auto wala gusse me tamtamaya chillate nikla... "Humari chhoti gari hai to kya hume sarak par chalne nahi doge"
Auto wale ko chillate huye aur auto se utarte dekh Vasvi bhi auto se utri. Kuch hi faslon par ek alishan car ruki thi, Vasvi to bas us car ko hi dekh rahi thi, par car se jab wahi shopping mall wala ladka utrte dikha to Vasvi ko bada ascharya hua...
Auto wala lagatar bole ja raha tha par wo ladka bilkul muskurata hua auto wale ke pass se gujar gaya aur Vasvi ke pass aakar khada ho gaya. Vasvi usse dekh thoda ghabra gayi aur issi ghabrahat me usne apne kadmon ko dhime se pichhe leti huyi uss ladke se bolne lagi ..... "Plz mujhe kyon pdesan kar rahe hain, mera pichha chhor dijiye"
Vasvi jitni dhire se apne kadmon ko pichhe le rahi thi, us se kayi guna jyada speed me wo ladka uske samne se badh raha tha, lagbhag 10 inch ka fasla hoga Vasvi aur uss ladke me, ki us ladke ne Vasvi ka ek hanth pakar liya.
Vasvi ki dharkane badh gayi, aur wo bas tej sasen leti hue apni jagah par khari rahi. Wo ladka muskurata hua apne dushre hanth se ek gift pack chhota sa box nikala, aur Vavi ke hanthon me thama kar wo ladka muskurata chala gaya.
Vasvi ab bhi ghabrayi thi, sarak par wo bhi khule me kisi ne uska hanth pakar liya, Vasvi ka ghabrana lajmi tha, Vasvi ghabrayi khari rahi itte me auto wala Vasvi ko auto me maith me baithne ko kaha.
Vasvi apne man ke khyalon se jagti auto me baith gayi aur auto chal diya Vashvi ke ghar ki ore. Vasvi ke hanton me ab bhi wo packet tha, par man se ghabrahat liye auto me chupchap baithi thi.
_____________________

 

[Assassin]

for new story bru

 

[The Immortal]

thanx for your valuable time dear mod.

keep reading & supporting .

 

[The Immortal]

Update:- 11
Vasvi apne man ke khyalon se jagti auto me baith gayi aur auto chal diya Vashvi ke ghar ki ore. Vasvi ke hanton me ab bhi wo packet tha, par man se ghabrahat liye auto me chupchap baithi thi.
Ghar aa gaya, auto wale ko paise dekar Vasvi chali apni gali me. Wahi roj ka natak ladko ke comment aati jati ladkiyon par, aur ladkiyan hamesa dur hi rahi in sarak chhap manchalon se, lekin Vasvi ke sath ek ke baad ek huyi ghatnao ne chidha diya tha....
Jaise hi wo chauk se gujri ek ladke ne comment kiya ... Kya piece hai yaar, dil karta hai kacha chaba jaun"
Us ladke ke comment par dushra ladka apni tippni dete huye.... Yaar kachha kaise chabayega ye to puri paki huyi hai.
Vasvi ne jab dono ke comment sune to gusse se pagal ho gayi, aao dekhi na tau aur badi teji se unke pas gayi aur ek thappar us ladke ke gal par rasid kar di. Kitna gussa Vasvi ko tha uska andaja iss baat se lagaya ja sakta tha ki thappar parte hi kai logon ka dhyan ussi ore khinch gaya.
Vasvi ne usse ek thappar marne ke baad apna sara gussa uspar utarti huyi.... Kamino agar aaj ke baad koi phaltu bakwas ki iss chaurahe par baith kar, to chappal se marungi, bhag yanha se haramjade.
Vasvi ka gussa dekh wanha se sare ladke khisak liye, idhar Vasvi bhi apni baat bolne ke baad ghar chali aayi.... Ghar aate hi maa ne uske chehre ki urri rangat dekhi aur samjh gayi, ki ek jawan ladki ka yun padesan hokar ghar aana kis ore ishara karta hai.
Vasvi ki maa ne usse hanth muh dho kar khana khane ko kahi, aur apne kaam me lag gayi. Vasvi jab khana kha kar fursat huyi to sidhi apne kamre me ghus gayi aur aaj huyi ghatnao par sochne lagi.
Room me gaye takriban ek ghanta hua hoga, Vasvi bhi ab normal ho chuki thi, tabhi darwaje se uski maa ander aakar Vasvi ke pass baith gayi, Vasvi ke sir par hanth ferti huyi ...
"Vasu kis baat ko lekar padesan si ghar pahunchi meri bacchi"
Vasvi.... Kuch nahi maa bas ghumte ghumte thoda thak gayi thi.
Maa.... Achha la tera paun daba dun
Vasvi.... Maaaaaa, kya kar rahi ho chhoro
Maa.... Dekh beta main teri maa hun, mujh se nahi batayegi to kise batayegi apni padesani.
Vasvi thodi si khud me khoti huyi bol pari.... Maa jab bhi aati hun wo chaurahe par kuch ladke hamesa comment karte hain, mujhe achha nahi lagta.
Maa.... Ohhhh ! To ye baat hai, ruk kal hi unki khabar leti hun, aane de tere papa ko phir wahi ilaz karenge un ladko ka.
Vasvi... Jane do maa, ab nahi karenge. Maine bhi aaj unko ek thappar mara aur warning de di "aaienda yadi aisi koi harkat ki to mujh se bura koi nahi hoga"
Maa.... Kya !!!! Nahi Vasu tumhe awara ladkon ke muh nahi lagna chahiye, unka to kaam hi yahi hota hai din bhar aate jate ladkiyon par comment karna.. Bhagwan na kare, par yadi kanhi usne koi ulti sidhi harkat kar di to hum kanhi muh dikhane ke kabil nahi rahenge.
Vasvi... Maa ye tum mujhe hausla de rahi ho ya dara rahi ho. Tum hi batao aakhir kab tak sahte rahe hum, aakhir sun'ne ki bhi koi had hoti hai.
Maa... Beta kichad me paun dalogi to kichad maila nahi hoga, balki tumhare paun hi gande honge.
Vasvi... Maa aap ye dehati wali soch badlo, koi kichad aur koi maila nahi hota. Aaj chhor diya to kamine kal se wahi harkat karenge.
Maa.... Pagal ho gayi hai tu, yadi tu apni soch nahi badli to aaj se tera ghar se nikalna band, tere papa tujhe college chhor aayenge aur phir time hone par wapis bhi.
Vasvi bilkul gusse se lal hoti huyi boli .... Maaaaa ! Kare koi bhare koi, iss se achha hota mere paida hote hi mar hi deti, jinda kyon rakha. Ye nahi karo, wanha mat jao, jaise sare niyam kanoon humare liye bane hai, un aawara ladko ko to koi kuch nahi kahta.
Maa apni beti ka gussa dekhte huyi usse shanti se samjhane lagi.... Dekh Vasu tu kitno ko marti rahegi, tumhe har chaurahe par aise aawara milenge. Iss se achha hai ki ya to tu bahar hi mat ja, ya phir unki baat ko najar andaz karti huyi apna kaam kar. Main ye nahi kahti ki wo galat nahi par hum kar bhi kya sakte hain.
Vasvi.... Huhhhh ! Hum kar bhi kya sakte hain, arre yahi bol bol kar ke to ghar ki billi bana kar rakh di ho, khair jane do main unke liye tum se kyon bahas kar rahi hun, thik hai sabko jaise pahle ignore kar rahi thi waisa hi karoongi, ab to hans do.
Vasvi ki baat sunkar uski maa ko sntusti bhi thi aur khushi bhi ki uske kahne se uski beti ne baat maan li, lekin apne maa ke jate hi Vasvi mann hi mann hasne lagi ..... "Maa tumhari khusi ke liye wahi boli jo tum sun'na chahti thi par karoongi wahi jo dil karega, tumhe pata chalega to na koi baat hogi"
Raat bitne ke baad jab bhor hua to aaj bhi Vasvi ka wahi routine intzar kar raha tha, bhag daur ke sath taiyar hona aur Rakesh ke sath college jana. Jaldi jaldi jab Vasvi bhagam bhag me thi tab uski najar us gift packet par gayi, jo us ladke ne Vasvi ko kal diya tha, par Vasvi itni jaldi me thi ki wo usse wanhi chhor college ke liye ghar se nikal gayi.
Par Vasvi ko kya pata tha ki uske sath ek ajib si ghatna aage raste me intzar kar rahi hai, Vasvi jaise hi us chaurahe ke pass pahunchi janha usne kal sam us ladke ko thappar mari thi, uski aankhen badi ho gayi aur kuch pal tak wo waisi ho khari rahi.....
_________________

 

[The Immortal]

Update :- 12
Par Vasvi ko kya pata tha ki uske sath ek ajib si ghatna aage raste me intzar kar rahi hai, Vasvi jaise hi us chaurahe ke pass pahunchi janha usne kal sam us ladke ko thappar mari thi, uski aankhen badi ho gayi aur kuch pal tak wo waisi ho khari rahi.....
Vasvi ki najar jab samne gayi to kal sam wala wahi ladka khara tha apni car ke sath. Jab us ladke ne Vasvi ko yun murti ki tarah khara dekha to khud hi uske pass chala gaya... Aur "hi" kah kar wish kiya.
Ek hi pal me Vasvi ko kal huyi ghatnaye yaad aa gayi, ki kaise iss ladke ne sarak par Vasvi ko pakra tha. Vasvi thodi ghabra gayi uss ghatna ko yaad kar ke, par apni ghabrahat ko wo chhipati huyi, bina uske "hi" ka koi reply kiye apne raste chalne lagi.
"Aji yun bekrukhe hokar kab tak tarpaeyega"
"Hujoor ab to janha jaeyega hume paeyega"
"Arre suniye to miss, kam se kam apna naam hi batate jaeye, jabtak aap se dosti nahi hoti tabtak aap ke naam ko hi japa karenge, sayad tapsya ke baad jaise bhagwan mil jate hain, aap bhi mil jayen"
Vasvi ab bina bole nahi rah payi. Vasvi, jo bina bole aage aage chal rahi thi, wo pichhe muri aur us ladke ke samne khadi hokar, uss par barsna shuru ho gayi....
"Tum khud ko samjhte kya ho, haynnn ! Yadi tum ne mera pichha nahi chhora to main police me complaine kar dungi, aur khud ko itne bade toup samjhte ho to kal mall me ruke kyon nahi bhag kyon gaye"
Ek sans me Vasvi ne apni poori baat uss ladke ke samne rakh di. Wo ladka bhi bas Vasvi ki baton ko sun raha tha aur muskura raha tha... Uss ladke ka muskurana to jaise Vasvi ke gusse ko aur hawa de di ho ... Kuch der shant rahi aur usse muskurata dekh .... "Kutta, kamina, haramjada" kahti huyi phir se apne raste chal di.
Lekin wah re bhoot chahat ki jo pata lagakar, sirf ek sam me uske ghar ki gali tak pahuncha, wo aise kaise pichha chhor deta, wo bhi pichhe-pichhe badha, par yanha to ek anar aur do bimar the.
Us ladke ke samne se bilkul Rakesh aakar khara ho gaya aur uske kandhe par samne se hanth rakhte huye .... "Oyeee ye kya tuchhai wali harkaten hai, chupchap chale jao yanha se warna yanha majnuo ka haal kuch achha nahi hota"
Wo ladka.... Kandhe se hanth hatao, wo nikal jayegi. Tumhe jo bhi haal karna hai wo baad me kar lena main yanha aa jaunga. Par please iss waqt rasta na roko.
Ab bhale Vasvi ne Rakesh ko reject kar diya ho lekin Rakesh ki chahat to ab bhi Vasvi hi thi, to ab bhala Rakesh se kanha bardast ho itni bari baat. Rakesh ne uss ladke ki baat sun kar uska color pakar liya aur khinch kar ek ghunsa mara.
Ghusa sidhe nak par laga aur us ladke ke naak se khoon nikalne laga. Khoon dekh kar hi Vasvi ki haalat kharab ho gayi, uska man ajib sa hona laga. Rakesh ko kandhe se pakar kar side karti huyi, Vasvi ne turant apna rumal nikali aur dur se hi uss ladke ki ore badha di.
Vasvi dushri ore najren ghumaye hi uss ladke ki tarapf rumal badhaye huye thi, aur wo ladka to bas Vasvi ko hi dekh raha tha. Kuch samay tak jab uss ladke ne rumal nahi liya to vasvi apni najren uss ladke ki ore karti huyi rumal thamne ka ishara ki.
Najron se najren milaye hi uss ladke ne ek hanth se rumal lekar apne nak par laga liya. Uske rumal lete hi Vasvi, Rakesh ka hanth thami aur college chalne ke liye kahne lagi. Rakesh bhi ek baar uss ladke ko gusse me ghurte huye Vasvi ke sath nikal gaya...
Par jaise hi pichhe mure dono ki us ladke ne phir se ek comment kar diya... "Arre senorita ye to batao aaj sam ko kya wanhi milogi janha tum takrayi thi"
Rakesh mura hi tha usse marne ke liye ki Vasvi ne uska hanth pakar liya aur chidhti huyi kahne lagi ... "Enough Rakesh, ab please sadak par tamasa mat karo"
Vasvi ki baat sunkar rakesh gusse ka ghunt pi gaya aur bike start kar dono college ke liye nikal gaye.
Rakesh .... Vashu ye kya hai, tum bich me kyon aayi, aur uss kamine ko rumal kyon di apna.
Vasvi... Chill Rakesh, ho to gaya nak to tor diya uska, ab kya jaan le lega.
Rakesh... Vasu, uski himmat to dekh mere samne tumhe chher raha tha, jaan se mar dunga usse.
Vasvi... Ahhh haaa haa haa, jara uski presonality dekha bhi hai, lagta hai kuch jyada hi shant banda hai, nahi to tujhe dhul chata deta. Baat karta hai jaan se mar dega.
Rakesh.... Urra le mazak mera tu, tu ye bata meri side hai ya uske. Matlab wo mujhe marega to tumhe maza aayega.
Vasvi... Jaan se na mar dun usko, jo mera samne tujhe chhu bhi liya to. Waise achha kiya tune mere dil ko kuch taslli to huyi.
Issi mudde par baat karte karte dono college pahunch gaye. Aaj, Vasvi ki baton ne Rakesh ko ek baar phir sochne par majboor kar diya ki aakhir kanhi na kanhi Vasvi ki dil me bhi kuch hai. Rakesh khusi se uchhalta hua apne college chala gaya. Aaj to jaise Rakesh ke paun jamin par nahi par rahe the.
Sam ko Vasvi ghar lauti aur routein anusar apna kam karke, sidha apne room me apne novel ke sath busy ho gayi. Novel padhte padhte Vasvi ka dhyan achanak hi uss packet par gaya jo uss ladke ne Vasvi ko diya tha.
Jigyasa vash Vaisvi uss paket ko jaldi se kholi. Upar ka rapper hatate hi ander ek dabba aur dabbe ke upar ek letter tha. Vaisvi ne letter ko side table par rakha aur ander ka saman dekhne ke liye wo dabba kholi.
Vasvi ki to aankhen badi ho gayi aur dil me hazar tarange nach gayi. Dabbe ke ander wahi dress thi jispar Vaisvi ka dil aa gaya tha. Dress nikal kar sine se lagaye Vasvi jhoomti rahi. Kuch der khusiyan manane ke baad Vasvi ka dhyan us chitthi par gaya aur usse lekar padhne lagi.......
Kuch iss tarah se un se mili najar
Ki deewane se huye ja rahe hain
Nam jindgi ka hota hai pyar pata na tha
Aur aaj ussi pyar ke huye ja rahe hain
Nachij ko Omish kahte hain, pyar se log Anu pukarte hain, aur gusse se jo aap pukar le sab kabool hai. Manph kijiyega badi himmat kar ke tohfa diya hai aap ko, pata nahi kaisa laga ho, par dil me koi dushri bhawna nahi thi bas itna tha ki aap ke chehre par ek pyari si muskaan aa jaye.
Log mujhe batuni kahte hain, isliye jyada nahi likhunga, yadi aap sach me ek baar muskurayi ho to, isse pahan kar ussi jagah jaroor miliye janha par aap ne iss dress ko dekha tha. Yadi na pasand aaye to bhi aaeye, iss tohfe ko mere muh par mar kar chale jaeye, viswas maniye uske baad ye banda aap ko kabhi padesan nahi karega.
Aap ke jabaw ka intzar rahega. Please dono hi surton me aaeye jaroor aur aane se pahle xxxxxxx991 par call jaroor kar de.
Issi ke sath izazat chaunga,
Anu
Vasvi khat ko ek hanth me liye chair par baith gayi aur apne sir ko tikati huyi, bas Anu aur uske khat ke bare me sochne lagi.
____________________

 

[The Immortal]

Update :- 13
Vasvi khat ko ek hanth me liye chair par baith gayi aur apne sir ko tikati huyi, bas Anu aur uske khat ke bare me sochne lagi.
Kuch der sochne ke baad Vasvi wo lal dress pahan kar ready huyi aur nikal gayi Anu se milne ke liye. Ye pahla aisa mauka tha jab Vasvi kisi ladke se yun milne ja rahi thi. Khud me thodi khil-khilati Vasvi wo gifted dress pahni aur chal di Anu se milne.
Wakai kaphi khoobsoorat dress select ki thi, lal rang ke kapron me Vasvi ka gora rang khilkar bahar aa raha tha, uspar se uaka halka make-up gazab dha raha tha. Vasvi maa ko project-report ka bahana karti nikli ussi jagah ke liye aur nikalte hi phone laga di Anu ko...
Anu.... Hello kaun,
Vasvi... Main aa rahi hun 10 min me aap ke pate par
Itna bol Vasvi ne phone cut kar diya aur nikal gayi shopping mall ki taraph. Idhar anu ne ek baar phone ko dekha, khushi se jhoom gaya aur jaldi se wo bhi taiyar hua Vasvi se milne ke liye. Thode hi der me anu ussi dukan ke pas khara tha janha Vasvi uss se takrayi thi.
Vasvi ne dur se hi Anu ko dekh liya aur wo thodi si sharmati Anu ke pass pahunchi.
Vasvi... Hiiiii
Anu........
Khuda kyamat bakshe aaj is dhara ko
Kyonki kayamat to khud sirkat kar rahi hai
Vasvi.... Aap kya normal baten nahi karte, jab dekho tab yun sayrana andaz
Anu.... Mohtarma, kya karoon aap ko dekh jo dil se awaz aati hai wo main bol deta hun.
Vasvi..... (Abhi tumhe maza chakhati hun).... Oye, Mr. pahli baat to ye ki mujhe aap ki third class sayri me koi intrest nahi aur dushri baat ye ki main yanha ye kahne aayi thi ki aaenda aise gift nahi diya kijiye.
Anu..... (Achha aisa tha to ye dress kyon pahan kar aayi, jaan bujh kar nakhre, chal beta utha le madam ke thode nakhre waise bhi sunder ladkiyon ke nakhre to jhelne hi parte hain) ...... Sorry miss, mujhe laga aap ko ye dress pasand hai isliye gift kar diya aaienda dhyan rakhunga aur aap se puch kar gift kiya karoonga.
Vasvi... Hmmm ! Sound better
Anu.... So, can we friends now
Vasvi.... Hansti hui.... Ye friendship kya hoti hai, wo bhi kewal do mulakat me
Anu.... Do mulakaten to jivan bhar sath rahne ka descision kar deti hain, ye to phir bhi ek chhota sa dosti ka prastav hai
Vasvi... Haynnn ! Do mulakat se jivan bhar ka sath, jara khul kar samjhyenge iss baat ka matlab
Anu... Wo aisa hai madam, ki do ajnbee shadi ke liye ek baar milte hain family ke sath aur dushre baar akele mil kar haa naa ka faisala kar dete hain, to hua na do mulakat me jivan bhar ka sath ka faisla.
Vasvi.... Aap to baton ke raja lagte hain, chalo main bhi soch rahi hun ki ek baar dosti kar ke dekh hi lun, kuch nahi to kam se kam aise gifts hi mila karenge. Amir dost hone ke apne hi fayde hote hain.
Anu.... Ha ha ha, haan ji bilkul, to dost kya khana pasand karoge aap.
Vasvi.... Na na, aaj ki mulakat samapt huyi, aaj ke pahle din ke liye itna hi kaphi hai banki phir kabhi.
Anu... Phir kabhi kab Vasu
Vasvi... Ab hum dost hain, to wo phir kabhi jald hi aayega
Vasvi ne Anu ko apni baat bol wanha se badi ada se nikal gayi, Vasvi ko jate dekh Anu khud me khush hote bas itna hi bol paya ... Wowwww ! Lagta hai apni bhi gari patri par hai, jaldi hi dost se hum kuch aur bhi honge.
Idhar Vasvi jate huye bas itna hi soch rahi thi, maine thode na kuch kiya, jab bakra halaal hone khud aa raha hai to mujhe kya pari hai hone do halaal sale ko.
Dono apni pahli chhoti si mulakaat ko apne hisab se bhunane me lage huye the. Vasvi ghar pahunch kar bas Anu ke paise aur rutbe ke bare me hi sochti rahi, aur rah rah kar khud me hansti ki, kitne armaan uske ab Anu pura karega, lekin wo bhul rahi thi ki har chij ki ek kimat chukani parti hai.
Raat ko khane ke baad Vasvi apna routein anusar noval liye padh rahi thi aur khud me hi kaphi uttejit huye padi thi tabhi uske mobile par ring baji...
Vasvi ne call dekha to anu ka tha, usne mo ko turant vibration mode par dal diya aur phir se kitab padhne lag gayi. Takriban 12/13 baar call aaye honge Vasvi ke pass Anu ke, par usne ek baar bhi respond nahi kiya.
Subah apne routein ke hisab se wo Rakesh ke sath college nikal gayi aur college pahunch kar class na attend kar ke sidha Anu ko call laga di...
Anu.... Hello madam
Vasvi.... Tum pagal to nahi ho gaye raat ko koi itna call karta hai kya, mummy papa sab pas me hi the, wo to sukr hai phone vibration me tha nahi to tumhari wajah se dant padne wali thi.
Anu... I m really sorry, mujhe nahi pata tha ki tumhre itne family restriction hai, tumhe dekh kar laga nahi.
Vasvi.... What do u mean by tumhe dekh kar, tum kya videsh se aaye ho jo tumhe indian faimily culture pata nahi. Bahar hum kaise bhi rahe ghar me ladkon ka aana to dur ki baat phone ke naam se hi class lag jati hai.
Anu.... Ohhh ! I m really very sorry. Mujhe bilkul bhi pata nahi tha, ab please gussa na karo, aaienda aisa nahi hoga.
Vasvi.... Hammm ! Pahli baar tha isliye jane deti hun .... Waise marre kyon ja rahe the baat karne ke liye kal.
Anu.... Kuch nahi bas baat karni thi tumse, socha free hogi to baat kar lunga, par yanha to baat hi kuch aur ho gayi.
Vasvi.... Ohhhh to Anu ji ko baat karni thi, waise kya baat karni thi jarra hum bhi to sune
Anu.... Hunnn ! Baat to hai dher sari karni, par dimag me jo abhi ek khyal aa raha hai wo ye, ki kya Vasu madam abhi thoda samay nikal sakti hain mere liye taki aamne samne baith kar baten kar sake.
Vasvi.... Achha ! Khyal to nek hai par yadi main na milna chahun to
Anu.... To main bahut hi teji se car tumhare college ke ander launga aur sidha principal ke room me jakar uske announcement wale mike se announce kar dunga .... Kya Vasvi mere sath ghumne chalogi ?????
Vasvi.... Hehe, ruko itna karne ki jaroorat nahi hai, main college ke gate par aa rahi hun, 5 min ke ander yadi tum pahunch gaye to main chalungi nahi to bhul jao.
Anu... Jaisi aap ki marji, mujhe aap ki har shart manjoor hai.
Phone kata aur Vasvi muskurati huyi college ke gate par pahunch gayi, par muskurata chehra tab aschrya me badal gaya jab usne Anu ko pahle se college ke gate par dekha......
________________

 

[The Immortal]

Update :- 14
Phone kata aur Vasvi muskurati huyi college ke gate par pahunch gayi, par muskurata chehra tab aschrya me badal gaya jab usne Anu ko pahle se college ke gate par dekha......
Vasvi aschrya bhari nigahon se usse dekhti huyi....... Anu yanhi the
Anu....... Haan, yanhi se phone kiya. Dil kah raha tha ki mere pass aisi hi koi shart rakhi jayegi, isliye sambhawnao ko sochte aur tumhe miss na karoon, isliye pahle yanha aaya phir call kiya.
Vasvi..... Achha ji aisi baten, flirt kar rahe ho kya ?
Anu ....... Lo ji sach baat bola to vasu mam ko flirting lag rahi hai, kya karoon main, sach hi mere dost kahte hain.....
Vaisvi.... kya kahte hain dost, jara mujhe bhi batana
Anu ... ... kya karogi jan kar, rahne do chalo chalte hain
Vaisvi ...... Nahin pahle batao ki kya kahte hain tumhare dost
Anu..... Ajib jabardasti hai, suno mere dost sach hi kahte hain, ladkiyon ko pet bhar jhoot bolo wo khush rahengi, aur such bologe to phansoge.
Vasvi....... phaltu ki baten aur phaltu ke dost hai tumhare , sab badal dalo.
Anu... . wahi to kar raha hun, ek naye dost se nata jor raha hun, is dost ka sath raha to sare phaltu ke doston ko bhool jaunga.
Vasvi ..... baaten aur gol gol baten, koi mauka chukte nahi. Chalen ab ya yanhi ruk kar baten karne ka irada hai.
Dono phir wanha se ghumne nikle. Vasvi ka jaise har sapna sach ho raga ho. Mahaj chand mulakaat hi huyi thi par Anu uske khaw ki tarah aaya tha, Jo uske sapne pure kar raha tha.
Dono ki mulakaten badhti ja rahi thi aur sath hi sath pyar bhari baten bhi. Vasvi ko jab bhi mauka milta, furr ho jati Anu ke sath. Sayad Vasvi ko thodi hichak Rakesh aur Anu ke pahle mulakaat se thi, isliye aaj tak usne Rakesh ko pata nahi chalne diya Anu aur apne bare me.
Vasvi ke liye sapno ke din jina phir shuru ho chuka tha. Manhgi gari me ghumna, aukaat se bade gift kharidna, sab kaam Vasvi ke Mann ke mutabik ho raha tha.
Aakhir wo din bhi aaya jab Anu ne Vasvi ko gf ke liye purpose kar diya. Ravivar ka din tha jab sam ko Vasvi ghumne ke bahane nikli. Dono ek mall me hi ghum rahe the, ghumte ghumte dono baithe the ek bench par, janha kai veriety ki chijon ko Vasvi lalchayi najron se dekh rahi thi, tabhi Anu bilkul uske samne Khare hote huye apne jeb se ek chhota si ring nikali aur Vasvi ka hanth apne hatho me tham'ta hua usse kahne laga......
"Vasu, ab main khud ko rok nahi paunga, sach to ye hai ki main tumhe pahli mulakat se chahta hun, yadi tumhe bhi main pasand hun to ye ring pahan kar ruki rahna nahi to chup-chap chali jana, kyonki main tumhe jate nahi dekh sakta"
Itna bol Anu pichhe mur gaya aur intzar karne laga vasvi ke jabaw ka. Aankhen munden badhi dharkano ke sath, abhi 1 min se bhi kam samay hua hoga ki Vasvi ki awaz aayi......
"waise ye ring tumne kis ungli ki naap se liya tha, ye fit nahi ho rahi"
Anu.... Arre usse dayen hath ki chhoti ungli ke bagal wale me try karo
phir Anu ko kuch dhyan aaya aur wo wapas mur kar Vasvi ke pas pahuncha, kuch chhan dono ki najren mili, Vasvi dhime muskura rahi thi. Anu gale lagate Khushi se "woohoo" karne laga.
Anu gale lage hi...... Vashu sidhe nahi haa bol sakti thi, itna natak kyon ?
Vasvi...... Ishhh ! main to wahi kah rahi thi jaisa tum ne kaha tha, "yadi haa ho to ring pahan Lena". ab wahi to pahan rahi thi..
Anu, Vasvi ki baat sun muskurate huye aur tightly usse gale lag gaya. Dono ke officially is izhar ke baad ek dushre se gale lage rahe, phir vasvi ne iss mulakaat ko viram deti apne ghar chali gayi. Raat ke karib 11:30 par Anu ka call Vasvi ke pass aaya.
Vasvi apni novel me lagi thi, phir usne kuch sochti huyi phone cut kar turant msg type kiya....
"Please raat me call mat karo, koi Jaag gaya to mujhe lene ke dene par jayenge. kal milti hun na baba"
Anu ka replied msg ...... Fb par online ho kya ?
Vasvi.... Nahi mujhe nahi pata kaise use karte hain, aur please ab distrub mat karo msg kar ke, nahi to saza ke taur par kal tumse nahi milungi.
Phir koi replied msg nahi aaya. Subah Vasu roj ki tarah Rakesh ke sath nikli college aur college pahunch kar Anu ko call karne lagi, par Anu ne call ka koi respond nahi kiya. teen baar aur Vasu ne call kiya par Anu ne koi respond nahi kiya.
Beman aaj chali class, 2 class attend karne ke baad Anu ka call aaya par iss baar Vashu ne call attend nahi kiya. Anu samajh gaya ki madam ka gussa satwe aasman par hai , isliye chup chap gate par intzar karta raha.
Vashu bhi iss baat ko janti thi isliye wo bhi jaan kar agle 1 ghante tak gate par nahi gayi, Bahut der huye jab na to Vashu aayi aur na hi uska phone to Anu ne phir ek baar call lagaya...
"Aa rahi hun" ek chidha sa jabaw deti Vashu ne call cut kar gate tak pahunchi. Pahle se intzar kar rahe Anu ne Vashu ko dekhte hi apne dono kan pakar liye par Vashu bina kuch bole sidhi car me jakar baith gayi. Anu ne bhi car satart kar diya aur Vashu ko manate huye..
"Baby I m sorry na, kuch kar raha tha isliye main call pick nahi kar saka, please ab gussa to na karo"
Vashu.... this is rediculous Anu, ek msg bhi to kar skate the mujhe koi baat nahi karni. Huhhhhh !
Anu.... Par baby ek surprise tha, isliye msg bhi nahi kar sakta tha.
Itna bol kar Anu ne ek pyara sa chhota sa gift pak nikla kar Vashu ke janghon par rakh diya. Kuch der pahle jo gusse me thi Vashu , wo gift pak kholne ke baad chalti car me hi Vashu, Anu ke gale lag gayi aur uske galon ko chum li.
Aaj gift me Vashu ko latest mobile mila tha. Anu, Vashu se puchta hua......
"kaisa laga surprise"
Vashu... Woww ! Its awesome
Anu. ... Vashu ye Google nexus hai latest anaroid, kaphi features hai iss phone ke aur easy access bhi hai.
Vashu..... kya fayda, mujhe to use karne bhi nahi aata.
Anu..... Arre main hun na, kal raat tum kahi thi na fb acc nahi hai, ab bina awaz ke, aur bina koi padesani ke raat me hum baat kar sakenge.
Dono wanha se pahle botonical garden gaye wanha takriban 2 ghante tak Anu ne phone use karna aur account banana sikhaya.
Garden se nikalne ke baad Vashu ghar chali gayi. Aaj kaphi khush thi Vashu. Puri raat phone me lagi rahi, sikhti smjhti aur experiment karti rahi.
_____________________

 

[The Immortal]

Update :- 15
Dono wanha se pahle botonical garden gaye wanha takriban 2 ghante tak Anu ne phone use karna aur account banana sikhaya. garden se nikalne ke baad Vashu ghar chali gayi. Aaj kaphi khush thi Vashu. Puri raat phone me lagi rahi, sikhti smjhti aur experiment karti rahi.
Anu se milte aur social app par samay gujarte vasvi ka din kaise gujar jata pata hi nahi chalta.
Vaisvi ab pahle se jyada vyast thi. Kai fake profile, Anu ke sath ghumna, novel padhna, ab waqt hi kanha tha Vasu ke pass.
Saturday evening jab Vasvi apne social app par lagi thi .... tabhi fb massenger kisi jeet singh ki ..
Jeet... Hello beautiful
Raahmi pradhan (Vasu ki fake profile) ... who is this
Jeet.... Just a friend
Rashmi.... Ladki ki I'd ke 100 friends aise hi gift me milte hain. koi aur dekho and go to hell
Jeet.... Ohhhhh ! God, miss mujhe itni jaldi kyon hell bejh rahi hain, waise karam kabhi bure nahi rahe !! Haan aap ko msg karna itna bura hoga pata nahi tha.
Vasu ne koi jabaw nahi diya aur profile log out kar ke nikal gayi aur novel padhne lagi.
Tabhi Anu ka ek msg aaya Vasu ke mobile par....
"Kal hum picnic par jayenge, subah 10 baje se saam ke 6 baje tak manage kar lena ghar par"
Vasu.....
"Pagal ho kya, Sunday 2hr hi badi muskil se milti hai, pura din bad plan"
Anu......
"Janu sab plan ho gaya hai, please manage kar lo. plz plz plz plz"
Vasu.....
"Hadd hai ye paglon ki tarah ye jid, intzar karo dekhti hun idea laga kar"
Anu..... Waiting janu, please haa hi kahna.
Vashu ka dil ghumne ke naam par dol gaya, sochna shuru ki, kya kare, kya kare, finally dimag me ghanti baji aur Vashu ne call Nihita ko laga di.....
Nihita..... kaisi hai meri jaan aaj kaise kaise yaad kar li.
Vasu... Teri yaad aayi aur call laga diya. Tu suna kaisi hai.
Nihita.... Main to achhi hi hun, par tu jhooti batayegi call kaise lagayi, aur tere bf ke sath kaisi chal raha hai.
Vasu.... Hehe, kaphi aage pichhe karta hai Anu mere. Lovely bf, achha sun na actually mujhe na Anu ke sath picnic par jana hai, aur subah 10 se sam 6 ka plan hai, ghar se kaise niklun.
Nuhita.... wowwww ! itti der kya kuch naughty irade hain kya, pura kha to nahi jayegi usse, dekh nichod mat lena pahli baar me hi.
Vasu... Hat pagal, kuch bhi kahti hai, mera aisa koi irada nahi bas ghumna hai. Tu na apne dimag ko thikane rakh har samay ek hi baat karti hai.
Nihita.... Oye, bol to aise rahi hai jaise itni der sath rahegi to bhajan karegi, sach bata mann to tera bhi kar raha hi hoga, bilkul nek irade ke sath samay bitane ka.
Vasu.... Chup kar nahi to khoon kar dungi, mujhe tang na kar please, idea de ghar se nikalne ka. Aur waise bhi hum sayad group me honge.
Nihita..... Woooo ! To kya group me enjoy karegi, achha hai baby pahle baar me hi rocking.
Vasu.... Tujh se naa baat hi karna bekar hai, ab koi idea degi ya phaltu ki bakwas karegi.
Nihita.... Chillati kyon hai, ek kaam kar tu jane ki taiyari kar main subah phone karungi aur tere ghar par aur bol dungi aaj tu pure din mere sath rahegi.
Vasu.... O' Nihita, tune to muskil aasan kar di.
Nihita.... Achha sun, ek chadar aur ek extra pahn'ne ke kapre rakh lena.
Vasu.... par ye sab kyon, main samjhi nahi
Nihita..... Wo teri safety ke liye, kanhi raste me kuch hua to chadar par aaram se maze karna aur dress par silwate aa jayengi isliye dushre kapre, samjhi.
Vasu..... Pagal kanhi ki, rakhti hun phone chal byee.
Nihita..... Haan ab kyon rukegi, tu plan kar apne maze karne ka, main bhi chali ghumne.
call cut hua phir Vasu ne msg kiya Anu ko "All done, kal chalenge picnic par"
Anu replied.... Wowwwwww ! Thank you, Thank you, Thank you, I am sooo happy baby.
Vasu.... Achha kitna happy, oye mr. irade to nek hai na
Anu, anjaan bante huye msg reply kiya ..... Kaise irade Vasu
Vasu.... Achha ji, to aap ko pata nahi kaise irade, thik hai wo to kal bataungi yadi koi gadbad huyi to.
Anu... Jaan le lena miss, main bhi aap ka aur ye jaan bhi, galti ki saza suli par hi tang dena.
Vasu.... Koi shaq hai kya, suli par pakka tang hi dungi. Ok bye kal milti hun kal. Tc
Anu.... Ok bye. Love u
Kayi tarah ke sapne saza Vasu apna novel enjoy karti so gayi, idhar khushi ke mare pata nahi Anu kab tak jag gaya, aur kab usse nind aayi pata hi nahi chala. Subah sab plan ke mutabik chalta raha, Vasu ne Nihita ko call laga kar ghar se nikalne ko boli, aur Nihita ne bhi Vasu ki mom se baat kar ke usse ghar se nikalne ka permission le li.
Vasu pink jeans aur black t-shirt me bilkul hot bankar apne ghar se nikali, gate se bahar nikalte hi Anu ko call laga kar meeting point pahunchne boli, par Vasu ko reply mila Anu ka, wo pahle se hi meeting point par intzar kar raha hai.
Thode hi samay me dono sath me the, Vasu, Anu ke sath car me baithi aur chal di apne ek Anjaane Safar par.
_________________