AB TAK AAPNE PADHA KI VIKRAM APNE MOM DAD KI MARRIAGE ANNIVERSARY KO SWITZERLAND ME CELEBRATE KARNE KE PLAN KE BAARE ME RONIT AUR ANJALI KO BATATA HAI.WAHIN DUSRI TARAF ASMODEUS BHUVIKA KO APNE BETE SE SHAADI KARNE KE LIYE KEHTA HAI:-
AB AAGE:-
CHAPTER-2
( CURSE OF THE SWEET POISON )
UPDATE-82
PLANET-MONSLICKEL
PLACE- ASMODEUS PALACE
aap jaante hain ki aap kya maang rahe hain????aap ek nafrat ke putle ko mohobbat ke sabse badi chaadar se odhana chahte hain.....
ye baat BHUVIKA ke mooh se nikli thi aur wajah toh aap sab jaante hi hain.....
ASMODEUS ka dusra kaam ya ye kahun uski dusri shart....
BHUVIKA ki BEELZEBUB ki shaadi....
ASMODEUS ki shart ko sunkar BHUVIKA toh shocked hui hi thi par usse zyada BEELZEBUB shocked hua tha..
par saath hi wo apne FATHER ke faisle se khafa bhi tha....aur iska kaaran ye tha ki wo shaadi shabd se hi nafrat karta tha...
aur iski wajah.....uske FATHER aur MAA ki shaadi aur uska fal matlab WO.....
jiski pehchaan uske paida hote saath hi tay kar di gayi thi ki wo ek SHAITAN hai....
par uski itni himmat aur haisiyat nahi thi ki wo apne FATHER ki baat ko kaat sake...isiliye wo chup chaap khada raha...
par BHUVIKA ne apni baat ya ye kahun apna tark ASMODEUS ke saamne rakh diya..
bewakuf itna bhi nahi jaanti thi ki tark pesh karne ke maamle me in dono BHAIYON se koi nahi jeet sakta....
ASMODEUS- jis tarah AAG ko AAG nahi bujha sakti..uske liye paani ki zaroorat padti hai ussi tarah NAFRAT ko bhi sirf MOHOBBAT hi khatm kar sakti hai....
apen FATHER ke mooh se MOHOBBAT sunkar BEELZEBUB firse shocked ho gaya....
hazaron saalon me pehli baat aaj BEELZEBUB ne ASMODEUS ke mooh se is shabd ko suna tha...
wahin ASMODEUS bhi apne bete ki soch se mehroom nahi tha..
ASMODEUS- aise shabdon ka samooh aksar mera BHAI istemal karta hai..socha,aaj mai bhi karke dekhu..pata toh chale,ye sab bolne se kya milta hai....
par afsos,kuch bhi mehsoos nahi hua...
BHUVIKA,maine tumhe BEELZEBUB se shaadi karne ke liye kaha hai...rishta nibhane ke liye nahi....
ASMODEUS ki baat sunkar BEELZEBUB aur BHUVIKA dono confused ho gaye....dono ko hi samajh nahi aaya ki ASMODEUS aakhir chhahta kya hai...
ab inhe kaun samjhaye,ASMODEUS ko samajhna,inke bas ki naa hai.....
ASMODEUS- bas itna samajh lo ki ye tum dono ke liye zaroori hai....
BHUVIKA- thik hai..mai taiyar hun....
ASMODEUS ne BEELZEBUB ki taraf dekha..
BEELZEBUB ne apna ek haath aage kiya..agle hi pal uske haath me ek bada sa katora tha...
fir BEELZEBUB ne apna dusra haath aage kiya aur jaise hi usne ye kiya...
ASMODEUS ne apni ek ungle ko hawa me talwar ko ghumane jaisa chalaya aur agle hi pal........
BEELZEBUB ki kalayi kat gayi.....wahan se tez dhaar kaala khoon nikalne laga....
par wo khoon niche nahi gira balki BEELZEBUB ke dusre haath me rakhe katore me girne laga.....
wahin BHUVIKA ye sab hairat bhari nazaron se dekh rahi thi....
kuch hi der me wo katora pura BEELZEBUB ke khoon se bhar gaya....
jaise hi katora bhara,BEELZEBUB ki kalayi bhi theek ho gayi.....
BEELZEBUB ne katora saamne kar diya..wo katora hawa me tairta hua aage badha aur BHUVIKA ke saamne jaakar rook gaya...
khoon se bhare katore ko dekh kar BHUVIKA ko ubkayi aa gayi....
ASMODEUS- apni behen ki mout ko yaad karo BHUVIKA.....
BEHENNNN..is shabd ne BHUVIKA ke andar ek sailab paida kar diya..
aur agle hi pal wo khoon se bhara katora BHUVIKA ke honton ke beech fasa hua tha..
honth ke dono taraf se halka halka khoon ris raha tha.
wahin BHUVIKA ko lagatar bina mooh hataye ya ye kahun bina cheekhe chillaye khoon pita dekh BEELZEBUB ki aankhen hairat se faile gayi...
wahin ASMODEUS ko bhi ye samajh aa gaya ki BHUVIKA ko chunkar usne galat nahi kiya...
aur iska kaaran ye tha ki BEELZEBUB ka khoon boiled water se bhi zyada garam tha...
uske upar us khoon me nukile kaaton ki chubhan bhi thi...
is waqt BHUVIKA ko wahi dard mehsoos ho raha tha jo kuch samay pehle MADDOX ne HOLY WATER ko peete waqt mehsoos kiya tha...
par is aseem dard ke baawajud BHUVIKA gatagat wo khoon peete chali jaa rahi thi...
BHUVIKA ke aankhon se aansu beh rahe the..par wo aansu us aag ko bujhane me asamarth the jo aag is waqt BHUVIKA ke dil me lagi hui thi.....
kuch hi palon me wo khun se bhara katora bhi khaali ho gaya.....
BHUVIKA ne us katore ko fek diya...uske gale me bohot zyada dard ho raha tha..usse aisa lag raha tha jaise koi uske gale ko andar se kaat raha hai..
par iske baawajud uske mooh se uff tak nahi nikli...
ab tak BEELZEBUB bhi samajh gaya tha ki jis ladki ko wo ek naazuk si kali samajh raha hai,wo andar se utni hi kathor bhi hai...
aur ab BEELZEBUB ko BHUVIKA se shaadi karne me koi aapatti bhi nahi feel ho rahi thi...
par ab bhi wo ye jaanana chaah raha tha ki uske FATHER aisa kyun chaahte hain...
wahin ASMODEUS ko BHUVIKA ka yun asahaniya dard ko bhi bina kuch bole sehte rehna dekh bohot acha laga...
ASMODEUS ne apna haath aage kar diya...uske haath se ek kaali roshni nikli aur BHUVIKA ke gale me sama gayi..
aur issike saath BHUVIKA ka dard bhi khatm ho gaya....
abhi BHUVIKA dard se nijaat paakar chain ki saans le hi rahi thi ki..........
uska sharir badalne laga.....uske sharir ka aakar badhne laga..uske haath pair bhi foolne lage.....
par kuch der tak aakar badhne aur sharir foolne ke baad BHUVIKA ka sharir wapas normal ho gaya aur ye dekhkar ASMODEUS khush ho gaya.....
wahin BHUVIKA ko apne saath ho rahe badlaav ko dekhkar shock laga tha....
BHUVIKA- ye sab kya tha????
ASMODEUS- mubarak ho.....BLACK ENERGY ne tumhare sharir ko apna liya hai...
abhi jo badlaav tumhare andar aa rahe the,wo isiliye hi the...BLACK ENERGY tumhare andar khud ko thik se samayojit kar rahi thi...
yahan ASMODEUS apni baat keh raha tha,wahin BHUVIKA ko apne andar aseem shakti feel ho rahi thi jo lagatar badh hi rahi thi.....
BHUVIKA- mujhe ajeeb sa lag raha hai..aisa lag raha hai jaise mere andar kisi cheez ka sanchar ho raha hai...
ASMODEUS- tum shaktishaali ho rahi ho....
BHUVIKA- toh kya ab mai apna badla le sakti hun....
ASMODEUS- nahi...usme waqt hai...filhal.....
ye kehkar ASMODEUS ne apna haath aage kar diya...uske haathon me MADDOX aur NISHKALIKA ki jo kaali shaktiyan thi,wo uske haathon se nikal kar BHUVIKA ke andar samane lagi.....
aur jaise hi MADDOX aur uski behen ki saari shakti uske andar samayi,BHUVIKA ki aankhen laal ho gayin.....uske pure sharir me BEELZEBUB ki hi tarah kaala libas aa gaya..
rang barf ki tarah safed ho gaya.....BHUVIKA ko aisa lagne laga jaise wo agar chaahe toh pure grah ko bhi chutki me mita sakti hai....
ASMODEUS- ab dusre kaam ko anjam dene ka waqt aa gaya hai....
BEELZEBUB- mai taiyar hun...
BHUVIKA- mai bhi.....
ASMODEUS- SAMVIBHAGA SARVATOMUKHAM
SHARE SPIRIT....
ek dusre ka haath pakad tum dono ko is SPELL ko bolna hai...isse tum dono ki aatma ke aadhe hisse ek dusre se jud jaayenge...
BEELZEBUB aur BHUVIKA ne jaisa ASMODEUS ne kaha tha,waise hi kiya...haath pakad kar jaise hi dono ne mantra uccharit kiya....
dono ke sharir se unki rooh baahar nikli...
jahan BEELZEBUB ki rooh puri kaali thi,wahin BHUVIKA ki rooh aadhi kaali aur aadhi safed thi.....
aur jaise hi dono ki rooh ne ek dusre ko chua,BHUVIKA aur BEELZEBUB ki aakhen bandh ho gayin...
jahan BHUVIKA ko apna koi hissa BEELZEBUB se judta hua sa laga,wahin BEELZEBUB ko apne andar kuch darwaze khulte hue se dikhe.....
kuch der tak aisa hi chalta raha,fir dono ki rooh apne maalik aur maalkin ke body me wapas chale gaye...aisa hote hi dono wapas normal ho gaye....
ASMODEUS- ab tum dono ek dusre se jud gaye ho...BHUVIKA,BEELZEBUB ne jo bhi kuch sikha hai,ab wo tumhare mastishk ke kisi kone me bhi moujud hai...
dhyaan ke maadhyam se tumhe un saari chizon ko baahar laana hai..jis din tum ye karne me safal hui,tum apna badla le sakti ho......
par tum wahi karogi jo karne ke liye mai tumse kahunga....
BHUVIKA ne kuch kaha nahi bas apni gardan haan me hila di......
ASMODEUS- MUBARAK ho BEELZEBUB....BHUVIKA ki wajah se ab tumhara sharir WHITE ENERGY ko jhelne ke kaabil ho gaya hai....
ASMODEUS ki baat sunkar BEELZEBUB ki khushi kaa thikana nahi raha kyunki wo ASMODEUS ki ankahi baat bhi samajh gaya tha....
BEELZEBUB- thank you FATHER.......
ASMODEUS- BHUVIKA ko lekar kisi aisi jagah jaao jahan ye shaanti se dyaan laga sake....
BHUVIKA aur BEELZEBUB ne ek baar ASMODEUS ke aage apna sir jhukaya aur gayab ho gaye....
ASMODEUS- wo kya kehte hain BHAI tumhare grah par????haan.........
THE GAME IS ON........
PLANET- EARTH
PLACE-AHUJA'S MANSION
I hope yaar ghar waale maan jaayen aur hume Switzerland jaane ki permission de den...mera bohot man hai jaane ka....
Tujhe kya lagta hai,ghar waale hum dono ko allow karenge!!!!!
Shaam ka waqt hai...waise toh AVANTIKA aur SHANAYA dopahar ko hi college se ghar wapas aa gaye the par us waqt ghar par sirf auraten hi thi...
Isiliye SHANAYA ne decide kiya ki wo shaam ko jab saare gharwaale moujud honge,us waqt jaakar sabse Switzerland jaane ki permission legi....
AVANTIKA-hum dono nahi sirf tujhe.....
SHANAYA- matlab!!!???
AVANTIKA- matlab mujhe koi permission nahi leni...mai kahin nahi jaa rahi hun....
SHANAYA- what!!!par kyun..????Switzerland jaana toh tera dream tha naa...
AVANTIKA- haan toh....wo toh aaj nahi toh kal mai jaungi hi.par filhal mujhe kahin nahi jaana...
SHANAYA ne pehle AVANTIKA ko manane ki sochi,par fir usne socha ki jab AVANTIKA ka man hi nahi hai,toh jabran usse force karne ka koi matlab bhi nahi hai...
SHANAYA- thik hai...teri marzi.....par mujhe toh jaana hai isiliye mai chali sabko patane.....
Ye bolkar SHANAYA niche hall ki taraf chali gayi jahan is waqt lagbhag sabhi gharwaale moujud the.....
Wahin SHANAYA ke kamre se bahar jaane ke baad AVANTIKA apne bed par let gayi aur budbudane lagi....
AVANTIKA khud se- mai kyun jaaun...?? Usne toh mujhe ek baar pucha tak nahi.....
Tabhi AVANTIKA ke dil se awaaz aayi......
A/DIL- aur wo bhala tujhse kuch kyun puchega....????pichle ek mahine se tu usse lagatar avoid kiye jaa rahi hai..
Isiliye usne bhi tujhse puchna zaroori nahi samjha....
AVANTIKA- arre bhala ye kya baat hui???wo matter dusra hai aur ye dusra..dono ko mix kyun karna???
A/DIL- ACHA!!!!aur wo bhala kaise....jisse tu ignore kar rahi hai,ussi ka hi toh ye holiday ka plan hai naa....jab banda wahi hai,toh matter alag kaise hua....
AVANTIKA- haan toh usne bhi toh mujhse apni itni badi asliyat chupai hai.....
A/DIL- kya sach me!!!!!kya tujhe usne ye nahi bola tha ki sahin waqt aane par tujhe sab kuch apne aap pata chal jaayega....
Aur kya usne apna wo waada nahi nibahaya..tujhe uski asliyat ussike through nahi pata chali...kya tujhe kisi aur se pata chala....
Tujhe pata hai ki asli problem kya hai????asli problem ye hai ki TU USSE CHAHNE LAGI HAI.....
Aur ab jab tujhe uski asliyat,uske wajood ke baare me pata chal gaya hai toh tu khudko bohot chota maanane lagi hai...
But u know what????jaise tum dono ke pehli mulakat ke waqt tune usse galat interpret kar liya tha,thik waisa hi kuch tu ab bhi kar rahi hai.....
Itne waqt me tu kamsekam itna toh jaan hi chuki hogi ki bhale hi usse samjajhna mushkil ho,par ek baat hai jo crystal clear hai aur wo ye hai ki wo kabhi bhi kisiko chota nahi samajhta...
Aur uske bade ho jaane se tu choti nahi ho jaati...ye saare negetives bas tere dimag ki upaj hain aur kuch nahi..
Aur tere dimag ke maths ke hisab se bhi agar situation ko dekha jaaye toh chalo maana ki tum dono ke beech aage kuch nahi ho sakta par ek chiz toh abhi bhi hai hi naa.DOSTI......
Fir tu apni feelings ki wajah se is rishte ko kharab karne pe kyun tuli hui hai....
Tujhe ye baat abhi abhi pata chali hai ki wo kaun hai,par usse toh apne baare me pehle se hi pata hoga naa..
Uske baawajud kya usne tujhe kabhi bhi ye ehsaas hone diya ki tu uski friend banane ke layak nahi hai....
Tum dono ke beech jo bhi duriyan aayi hai,ye sab tera kiya dhara hai....
Aur ab is holiday me naa jaakar tu is doori ko aur badha rahi hai..
Kya pata,ek din sach me hi wo tera dost bhi na rahe....
AVANTIKA- nahi......mai aisa nahi hone dungi...mai bhi is holiday pe zaroor jaungi....
Ye bolkar AVANTIKA ek jhatke me uth kar khadi ho gayi aur kamra kholkar neeche ki taraf tezi se nikal gayi.....
WAHIN NICHE....
SHANAYA- dad,bade papa,mujhe aapse kuch kehna hai...
SHANAYA aur AVANTIKA ke dad hall me baith kuch business ki baatein discuss kar rahe the,itne me unke kaano me SHANAYA ki ye awaaz padi....
A/DAD- haan beta bolo kya baat hai????
S/DAD- CREDIT CARD ki limit firse cross kar di kya tune???
Ye bollar NIKHLESH aur NAVEEN hasne lage....wahin unke saamne khadi SHANAYA ne mooh bana liya...
SHANAYA- offo dad..hamesha aisa thodi naa hota hai,wo toh bas kabhi kabhi zyada shopping ho jaane par limit khatm ho jaati hai....
S/DAD- HAAN,aur ye tera kabhi kabhi pichle 6 months se lagatar ho raha hai.....
Ye bolkar fir dono hasne lage.....
SHANAYA- kya bade papa,aap bhi......dekhna,jis din meri job lagi naa,aapki paayi paayi louta dungi....
DONO- SACH....!!!!
SHANAYA- JHOOTH........
SHANAYA ka jawab sunkar firse dono has pade par is baar SHANAYA bhi is hasi me shaamil thi...
SHANAYA- acha,wo sab chhodiye,mujhe aap dono se kuch kehna hai actually permission leni hai.....
S/DAD- kahin koi ladka toh pasand nahi kar liya tune...!!!!
KYA!!!!! tune ladka bhi pasand kar liya aur hume abhi tak bataya bhi nahi.....chal jaldi se puri details de....ladke ka naam kya hai??? Kis ghar se hai????mummy paapa kya karte hain????
Koi buri aadat toh nahi hai naa usme....ab bata naa,ye sir par haath kyun rakha hua hai tune.....?????
Isse pehle ki SHANAYA apne dad ke mazak me puche gaye sawal ka koi jawab deti,kitchen se baahar aati hui hui uski mom ne uske pati ki boli hui baat sunli aur sach maan li..
Aur uske baad jo raashan paani lekar wo SHANAYA ke upar chaddhi,wo toh aap sab ne padh hi liya hai...
Jahan AMRITA ki baat sunkar NAVEEN aur NIKHLESH hasne lage wahin SHANAYA ne apne sir par haath rakh liya.....
SHANAYA- arre mom,maine koi ladka pasand nahi kiya hai..dad mazak kar rahe hain...
Apni beti ki baat sunkar jab AMRITA ne apne husband aur jeth ki taraf dekha toh paaya ki wo dono apni mooh ko dabaye hue has rahe the....
S/MOM- kya jee aap bhi naa.najaane maine kya kya soch liya tha....
Is baar dono apni hasi daba nahi paayen aur zor zor se hasne lage...
SHANAYA- ho gaya aap dono ka..ab mai kuch bolun???actually mai apne friends ki family ke saath ek holiday par jaana chahti hun.....
MAI NAHI HUM........
SHANAYA ne piche palat kar dekha jahan se AVANTIKA uski taraf aa rahi thi.....
AVANTIKA ko aata dekh aur ye jaankar ki usne apna mind change kar liya hai aur wo bhi ab uske saath chalegi, ye jaankar SHANAYA khush ho gayi....
AVANTIKA- hum dono apne frnz aur unki family ke saath holiday par jaana chahte hain....
A/DAD- haan toh whats the big deal???chale jao....
AVANTIKA aur SHANAYA AVANTIKA ke dad ki baat sunkar khush ho gaye....
S/MOM- aise hi haan keh diya....pehle puch toh lo ki jaa kahan rahe hain...
SHANAYA-switzerland.....
SHANAYA ki baat sunkar sabhi bade shocked ho gaye....
S/MOM- koi zaroorat nahi hai itni door jaane ki...
SHANAYA- mom please naa.....waise hi hamare holidays shuru ho gaye hain...ek trip toh banta hai naa.aur aapko toh pata hai ki mujhe aur AVANTIKA dono ko Switzerland dekhne ka kitna man hai....
A/DAD- wo sab toh thik hai beta par Switzerland koi INDIA me toh hai nahi jo aise hi chale gaye.....
SHANAYA- bade papa, wo hamare friend ke dad ke paas khudki plane hai aur wo hum dono ko bhi apni beti hi maante hain toh koi problem nahi hogi...
A/DAD- khud ki plane hai..kiski baat kar rahi ho???
SHANAYA- VIKRAM ke dad ki.....
Mera naam sunte hi SHANAYA auur AVANTIKA ke dads ka mind change hone laga...
Jitne baar bhi hum mile the,utni baar me unke man me mere liye positivity aa gayi thi..
Uske upar wo mere dad ke baare me bhi jaante the..wo jaante the ki mere dad ke rehte unki bacchiyan safe rahengi...
Par ussi waqt unke andar ka pita unhe apni bacchiyon ko akele bhejne se rok raha tha...
SHANAYA- plz maan jaayiye naa...
Ye bolkar SHANAYA ne AVANTIKA ko kohni maari....
Wo jaanti thi ki AVANTIKA ki baat koi nahi taalta...
AVANTIKA- dad,plz.........
A/DAD- thik hai...chale jaana....
AVANTIKA ke dad ke permission dete hi AVANTIKA aur SHANAYA khush ho gaye par agle hi pal unke chehron par ek baar firse tention dikhne lagi..aur ye tention SHANAYA ki mom ki wajah se aaya tha....
S/MOM- arre,jawan bacchiyon ko yun akela kaise chhod sakte hain?????
A/DAD- kisne kaha ki ye dono akeli jaa raa rahin hain... RIYANSH aur DEVANSH bhi inke saath jaayenge....
Apne dad aur bade papa ki baat sunkar AVANTIKA aur SHANAYA ke chehre par ek ssaath do do bhaav aaye..
Pehla bhaav tha khushi ka aur dusra tention kaa..
Khushi is baat ki ki unhe jaane ki permission mil gayi thi aur tention is baat ki kyunki RIYANSH aur DEVANSH ke saath VIKRAM ki history achi nahi rahi thi..
Haalaki un dono ne bhi VIKRAM & family se maafi maang li hai,fir bhi maafi maangna aur jinse maafi maangi ho unke saath hang out karne me fark hota hai.....
AVANTIKA- dad, RIYANSH bhaiya aur DEVANSH bhaiya nahi maanenge.....
A/DAD- inki fikr mat karo..un dono ko mai samjha dunga..tum dono ek baar VIKRAM se puch lo...
AVANTIKA-theek hai dad.....
Ye bolkar AVANTIKA aur SHANAYA apne room ki taraf chal diye....
IN ROOM
AVANTIKA- ab kya karen yaar????bhale hi dad ke order ko hamare dono bhaiya taal naa payen,par wo dono khushi khushi jaane ke liye ready nahi honge.....
SHANAYA- haan,wo toh hai....par kar bhi kya sakte hain??? Par pehle VIKRAM se toh puch len....
AVANTIKA- wo mana nahi karega..problem bhaiya logon ki hai..ek baar unhe mana len,uske baad VIKRAM ko milkar puch lenge...
SHANAYA- haan ye bhi thik hai.....chal dekhte hain,kya hota hai....
Aur hua bhi wahi jo AVANTIKA soch rahi thi.....shaam ko jab RIYANSH aur DEVANSH ghar aaye toh AVANTIKA ke dad ne unhe sab bataya aur kaha ki unhe bhi apni beheno ke saath jaana hoga..
Apne dad ke saamne toh dono kuch nahi bol paaye par fir dono AVANTIKA ke room ki taraf unse baat karne chal diye....
Jahan pehle se hi AVANTIKA aur SHANAYA un dono ka intazar kar rahe the...
RIYANSH- yaar,ye tum dono ne hum dono ko kahan fasa diya...
RIYANSH ne AVANTIKA ke room me ghuste hi sawal kiya...
SHANAYA kuch kehne hi waali thi par AVANTIKA ne usse rok diya..
AVANTIKA- pehle aap dono ek baat bataiye....kya aap dono ke man me abhi bhi VIKRAM, ANJALI aur RONIT ke liye bair hai??? Negativity hai????
DONO- bilkul bhi nahi.jab galti humari thi toh unhe galat kyun samajhna....par fir bhi.....
AVANTIKA- odd lagta hai....right.....
Dono ne haan me sir hila diya...
AVANTIKA- aur isiliye hi V.J bhi kabhi hamare ghar nahi aata..taaki aap dono ko kabhi odd naa lage.par kab tak aisa chalega..
Ab hum sab ek hi group me hain...toh hanare families ko bhi milkar rehna chahiye na.aur ye karne ke liye isse better mouka nahi milega....is holiday me aap dono ke man ki awkwardness khatm ho jaayegi....
Dono ladkon ko AVANTIKA ki baat sahin lagi...
DEVANSH- par agar un teeno me se kisiko hamara aana acha nahi laga toh!!!
SHANAYA- aapka ye doubt bhi clear kar dete hain...ek baar un teeno se mil lete hain...
Ye bolkar SHANAYA ne phone nikala aur mujhe call laga diya..
Is waqt hum teeno shopping khatm kar restaurant ke liye nikalne hi waale the....
Mere phone uthate hi SHANAYA ne hum teeno se kab mil sakte hain,ye pucha...toh maine unhe abhi hi apne saath dinner ke liye invite kar diya....SHANAYA maan gayi...
Wahan wo chaaron bhai behen humse milne nikle,yahan maine RONIT aur ANJALI ko bata diya ki AVANTIKA ke ghar par kya kya baatein hui hain aur wo chaaron humse milne abhi kyun aa rahen hain....
Maine dono ko RIYANSH aur DEVANSH se aise baat karne ke liye kaha jaise unhe ye lage ki hamare beech kabhi kuch hua hi nahi tha.....
karib 1 ghante baad hum sab hamare tay kiye resturant me pahunche....
jaise ki maine apne doston ko bataya tha,RIYANSH aur DEVANSH hamare saamne aate hi kuch uncomfortable se dikhe..
par maine RONIT aur ANJALI ne milkar un dono ko chilled out kar diya...
kuch hi der me wo dono normal ho gaye aur humare saath openly baat karne lage....par abhi tak humare beech holiday ki baat nahi hui thi...
issi dauran....
MAI- bye the way,hum sab mere mom dad ki marriarge anniversary celebrate karne SWITZERLAND jaa rahe hain....so why dont u guyz join us....bohot maza aayega....
meri baat sunkar RIYANSH aur DEVANSH khush ho gaye kyunki dono hi is topic par baat karna chah rahe the par
unhe samajh nahi aa raha tha ki start kaise karen???
RIYANSH- we would love too. infact hum yahan isiliye hi aaye hain..darasal mom dad ne AVANTIKA aur SHANAYA ko jaane ki permission de di hai par saath me ye condition bhi rakhi hai ki hum dono bhi inke saath jaayen....
RONIT- haan toh isme problem kya hai...u both are more than invited yaar....
ANJALI- exactly....next tuesday ko nikalna hai,toh jo bhi shopping vagairah karni hai,usse pehle kar lo...humne toh karli...
MAI- aur haan,apne paasports mujhe de dena...visa ke liye zaroorat padegi....
SHANAYA- tum logon ne shopping bhi karli aur hume bataya tak nahi..not fair yaar...
ANJALI- arre tune hume clear kahan kiya tha ki tum bhi chaloge isiliye humne kar li..
par tention naa le,jab bhi shooping par jaayegi,mujhe bata dena..
MAI- ye mohotarma sir par kafan baandh kar pahunch jaayengi...wo kya hai naa,inhe shopping naam ki jung ko ladne me bohot maza aata hai...
ANJALI ki baat kaatkar baaki ki baat maine keh di jisse sunkar sab hasne lage wahin ANJALI ne mooh bana liya...
SHANAYA- iski baat mat sun ANJU..ye ladke kya jaane,shopping karna kisi jung ladhne se kam nahi hota.kahin kuch galat select kar liya toh paise bhi gaye,saath me look bhi kharab ho jaata hai...
MAI- arz kiya hai,,,
TEENO LADKE-IRSHAD IRSHAD.......
MAI- achi surat ko sawarne ki zaroorat kya hai....???!!!!!
SAADGI me bhi KAYAMAT ki ADAA hoti hai....
RIYANSH- kya baat hai yaar.....awesome....
jahan meri baat sunkar ladke waah waah kar rahe the,wahin SHANAYA aur ANJALI ke mooh ban gaye the.....
is dauran maine AVANTIKA ki taraf ek baar bhi nahi dekha tha par AVANTIKA lagatar meri hi taraf dekh rahi thi....
issi tarah hasi mazak karte karte kab dinner khatm hua,pata hi nahi chala...dinner ke baad hum sab baahar ki taraf chal diye...
hum teeno un chaaron ko car tak chhodne gaye......
is dauran RONIT RIYANSH aur DEVANSH se baat karta hua jaa raha tha,ANJALI aur SHANAYA ek dusre ke saath lage hue the.waise toh AVANTIKA bhi unke saath hi thi par wo chup thi.wahin mai sabse piche chal raha tha....
mouka dekhkar AVANTIKA ne bhi apne kadam dheere kar liye taaki baaki sab aage nikal jaayen aur kuch hi pal baad mai aur AVANTIKA saath chal rahe the..
par maine tab bhi uski taraf nahi dekha aur saamne dekhkar chalta raha jabki wo meri taraf hi dekh rahi thi...
tabhi........
AAHHH.....
aur is awaaz ke aane ke baad waale pal me AVANTIKA meri baahon me thi..
hua ye ki AVANTIKA ke pair ke neeche ek patthar aa gaya jisse uske pair mud gaye..usse zyada dard toh nahi hua par disbalance hone ki wajah se uske mooh se aah nikal gayi par isse pehle ki wo girti,maine usse sambhal liya tha......
wo ek tak meri aankhon me dekh rahi thi..dekh toh mai bhi raha tha par maine apni nazaren uspar se hata usse sidha khada kar diya...
par jaise hi mai aage badhne ko hua,AVANTIKA ne mera haath pakad liya...
mai palta aur uski aankhon me dekhne laga.....
kehna toh wo bohot kuch chaah rahi thi,lab kayi baar khulne ke liye thartharaye bhi par lafzon ne zubaan par aate aate hi dum tod diya...
par jo DIL ki baat na samjhe,wo V.J nahi...
uske dil ki ghabrahat,khwahish,tapish,tadap,sukoon sab kuch mujhtak pahunch chuka tha....
dono ke dilon ne apna kaam kar diya tha aur dono ke beech faili hui khamoshi ne apna...
kuch hi palon me bina ek lafz mooh se nikale hum dono ke beech ke saare gile shikwe khatm ho gaye the....
par kabhi kabhi EHSAAS ko kamsekam ek choti si hi sahi par sahi ALFAAZ ki zaroorat padti hai taaki wo khudko ek naye RISHTE ka roop de sake....
aksar logon ko kehte suna hai ki DOSTI ya fir kisi bhi special RELATIONSHIP me SORRY aur THANKS ki jagah nahi hoti par mai is baat ko nahi maanta....
jahan galti ho aur us galti ka ehsaas ho,wahan maafi ka friend request bhejna zaroori hota hai..
aur mera dil aur mai issi intazar me the ki kab ye request AVANTIKA ke mooh se nikle....
ki tabhi wo shabd nikla.....
AVANTIKA- SORRY........
MAI- MAAF KIYA.......
AAJ KE LIYE ITNA HI....
AAJ KE LIYE ITNA HI.....
