AB TAK AAPNE PADHA KI BHUVIKA APNI SHAKTIYON KO PAANE HI WAALI HOTI HAI KI ITNE ME ASMODEUS USSE AUR BEELZEBUB KO APNE PAAS BULA LETA HAI WAHIN VIKRAM AUR AVANTIKA DHEERE DHEERE AUR KARIB AANE LAGE HAIN....
AB AAGE:-
CHAPTER-2
( CURSE OF THE SWEET POISON )
UPDATE-86
PLANET- EARTH
PLACE-HOTEL FLOR VOLTE
LADIES & GENTLE MAN......PLZ PUT UR HANDS TOGETHER 4 THE BEST COUPLE EVER....
JAIRAJ UNCLE & MINU AUNTY.......
ANJALI ke mom dad ke naam announce karte hi party hall ki puri lighting pehle 10 second ke liye off ho gayi..
10 seconds baad party hall ki entrance par ek flash light padi jiske beech is waqt mere mom khade the...
Dad was wearing a BRIONI THREE PIECE SIUT jisme wo ekdum dapper lag rahe the wahin mom RITU KUMAR (designer) ki design ki hui red saari me kisi riyasat ki maharani se kam nahi lag rahi thi....
Is section ke intro part se hi aap sab samajh gaye honge ki jis reason jis wajah se hum sab switzerland aaye the,wo din aur agar exact words use karun,toh wo shaam aa gayi hai....
Subah ki hamari shuruat kis tarah se hui,wo toh aap sab jaante hi hain...khair,uske baad masti vagairah toh din bhar chali par normal way me....
Is dauran AVANTIKA aur meri nazaren kaafi baar mili..honton se toh sabhi muskurate hain,par aakhon se muskurana kitna hasin dikhta hai,ye maine AVANTIKA ke ankhon me jhank kar jaana...
Khair issi tarah ek dusre se masti karte kab saara kaam khatm hua pata hi nahi chala....
Seniors kareeb shaam ke 5 baje wapas loute par unme se kisiko bhi hall me ghusne ki permission nahi thi isiliye sabhi apne apne kamre ki taraf chal diye....
Aur sharp 7 pm ko sabhi ready hokar hall me aa chuke the..guests ke taur par dad ne yahan ke kuch indian businessman ko bulaya tha..
Aur wo sab bhi on time aa chuke the...mom dad ki entry humne sabse aakhir me rakhi thi..after all ye un dono ki shaam thi....
Saari taiyariyan ko recheck kar maine ANJALI se mom dad ko bulane ko kaha jisse sunkar wo khush ho gayi....
Aur uske aage kya hua,ye mai already likh chuka hun....
Flash light ke yun suddenly apne upar padne par mom kuch nervous si ho gayi par agle hi pal unki nervousness khatm bhi ho gayi...
Aur wo isiliye kyunki mom ke nervous hote hi dad ne mom ka haath thaam liya tha...
Dad ke haath thaamte hi mom ne dad ki taraf dekha toh unhe apni taraf dekh muskurata hua paaya....
Dekhne waalon ke liye ye bas ek muskurahat thi par mom dad ke muskan ke piche khamoshi se kahi gayi saari baatein pehchaan gayi thi.....
Dad ne muskurate hue bina kahe hi mom ko bharosa dila diya tha ki unke rehte mom ko nervous hone ki zaroorat nahi hai....
Aur dad ka mom ke haatho ko mazbooti se thaamna unka bin kahe kiya gaya mom se waada tha ki ye haath ab zindagi ke saath hi chhutega,usse pehle nahi....
Aur ye bharosa aaj ka nahi tha...ye bharosa tabse tha jabse dad ne mom ka haath pehli baar thaama tha...
Dad ke haath thaamne aur apni taraf dekhkar muskurane se mom ke chehre par dikh rahi nervousness gayab ho gayi aur uski jagah confidence ne le li....
Aur ussi confidence ko carry karte hue mom aur dad aage badhe par agle hi pal dono chownk gaye.......
Aur wo isiliye kyunki unke aage badhte hi unke upar gulaab ki pankhiudiyan girne lagi thi...
MAI- common dad common on mom..come up....
Mom dad apne upar baraste phool ko mehsoos kar hi rahe the ki maine dono ko awaaz di..awaaz sun dono hi aage badhne lage aur kuch hi der me dono stage par the jahan hamari puri family with friends pehle se hi khade the...
ANJALI- so love birds....sabse pehle toh hum sab ki taraf se once again A VERY HAPPY MARRIAGE ANNIVERSARY......
ANJALI ne chillate hue ye baat kahi...
ANJALI- aur isse pehle ki aapko yahan aaye saare guests badhayi den,aap dono ke liye ek task hai...
MOM/ DAD- task?????
ANJALI- ghabraiye mat....bohot easy hai...toh task ye hai ki aap dono ne akele me toh kayi dafa ek dusre ko propose kiya hoga par aaj aap dono ko yahan stage par sabke saamne ek dusre ko i love u kehna hai...
Jahan ANJALI ki baat sunkar hum sab yes yes ki chant karne lage wahin mom ki haalat kharab ho gayi...
MOM- mai ye sab nahi kar sakti....
ANJALI- oh,common aunty,be a sport...aur waise bhi aapko kisi aur se nahi apne husband ko hi toh kehna hai...
MOM ne kuch nahi kaha bas naanu aur naani ki taraf hume ishara karne lagi...jisse hamare saath saath naanu ne bhi dekh liya...
NAANAJI- arre gudiya humse sharmane ki koi zaroorat nahi hai...
RONIT- aur nahi toh kya???common aunty just go 4 it....
RONIT ke baad sabhi mom ko chear up karne lage par mom ab bhi nervous thi....
MAI- dad,aap toh pehle bolo...
Maine dheere se dad ke kaan me bola...
DAD- arre yaar mai toh bol dunga par agar teri mom nahi boli toh bekaar me sabke saamne mera kachra ho jaayega....
Dad ki baat sunkar mujhe hasi aa gayi...
MAI- dad,mom ka mom ko decide karne do..aa pehel toh karo, dekhna mom ki nervousness bhi khatm ho jaayegi....
DAD ne ek lambi saans chhodi aur apni baat rakhi...
DAD- MINU,jin 7 feron ki kasam ko aaj tak hum dono nibhate aa rahe hain,ussi kasam ki kasam khakaar sabke saamne mai kehta hun ki....I LOVE U.....
Dad ne apni baahein faila kar apni baat kahi....unhe laga mom unki baahon me sama jaayegi par mom ne toh sharm se apna sir neeche kar liya...
MAI- MOM....PLZZZ.......
mere plz kehte hi mom ne jhat se ek baar meri taraf dekha aur mujhe dekhne ke baad unbone dad se....
MOM- i love u too...
Mom ne ye dheere se kaha par hum sab ne sun liya tha...mom izhare ishq karte hi dad ki baahon me chhup gayi wahin hum sab ek baar firse hooting karne lage....
DAD- aaj bete ne bacha liya,warna sach me sabke saamne mera kachra ho jaana tha...
Dad ne dheere se apni baat kahi jisse mom aur maine sun liya..jahan mai ye sab sunke has diya wahin mom ne dad ke chest par ek halka mukka maara...
Khair iske baad sabhi guests ek ke baad ek stage par aaye aur mom dad ko wish kiya....
Buffet system tha isiliye saare guests khud hi khud ko serve karne lage...
Saare guests khaana khaa rahe the par hamari family abhi bhi stage par hi thi...
DAD- papa,chaliye khaana khaa lete hain...
NAANAJI- haan thik hai..chalo.....
DAD- bacchon,aap sab bhi dinner kar lijiye....
MAI- ok dad.....
Abhi hum sab stage se utar hi rahe the ki itne me AAKASH uncle jo ki kisi se phone par baat kar rahe the,call khatm karke hamare paas aaye aur dad ko side me lejaakar unse kuch kaha...
dad aur uncle ko wahin chhod hum sab stage se niche aa gaye aur tables par baith gaye...
seniors alag tables par baithe aur hum sab friends alag table par...waise toh buffet system ke hisaab se hum sab ko food counter par jaakar khaana lena chahiye tha par hamari family ke liye alag se arrangements ki gayi thi....
waiters aakar hamara khaana serve karne lage....hum sab baat kar hi rahe the ki itne me dad ne mujhe aawaz di...
MAI- ya dad..whats up???
DAD- beta,next week singapore se ek party aane waali thi meeting ke liye par ab wo parso hi aa rahi hai...
toh mujhe aur tere dono uncles ko jaana padega...toh kaise karna hai??tum log bhi saath chaloge ya fir kuch din aur yahan rukoge..
MAI- dad,hum yahan aapke aur mom ke marriage anniversary ke liye aaye the jo humne celebrate kar li...ab rook karkya faayda...
exams ke baad hum sab fir kahin holiday par chale jaayenge...
DAD- theek hai fir..apne saare frnz ko batade kyunki hume kal early morning nikalna hai...
MAI- ok dad...
ye bolkar mai wapas apne table ki taraf chal pada aur wahan pahunch maine sabko bata diya ki hum kal hi nikal rahe hain...
wapas jaane ke naam se sab thoda sad toh the hi par zyada nahi..haan,par mere dono frnz kuch zyada hi sad the aur wajah bhi valid thi..
yahan se jaane ke baad mai ISLA jo jaane waala tha aur wo bhi unke bina...
par ye baat toh maine pehle hi clear kar di thi isiliye maine dobara unse is baare me baat karna sahi nahi samjha...
AVANTIKA- kahan chali tu???
ANJALI ko apne chair se uthte dekh AVANTIKA ne kaha...
ANJALI- hand wash karke aati hun...
AVANTIKA- chal mai bhi chalti hun....
ANJALI- chal...
dono girls wash room ki taraf chal diye....
AVANTIKA- kya hua babe,tu sad lag rahi hai...
kyunki AVANTIKA ko ab meri sacchayi pata thi isiliye ANJALI ne usse sach keh diya...
ANJALI- kuch nahi yaar..wo V.J ISLA jaane waala hai naa isiliye thoda mood off hai...
AVANTIKA- ISLA!!!!
ANJALI- arre tu GLUTO me ALESENDRA naam ki ladki se baat nahi kar rahi thi,ussi ke planet me...
AVANTIKA- ohh,haan yaad aaya..toh isme sad hone ka kya hai???tum dono bhi toh uske saath jaaoge naa???
ANJALI- wahi toh...akela jaa raha hai is baar.aur jab reason pucha toh kehta hai ki baad me bataunga....
iske baad AVANTIKA ne kuch nahi kaha par najaane kyun usse ek ghabrahat si hone lagi.....
aur jab dono wapas aayi toh AVANTIKA ki nazar lagatar mujhpar hi thi..
waise toh mujhe uski nazar,aur nazar ke peeche ka sawal,ghabrahat sab kuch pata tha par maine usse kuch nahi pucha..jab bhi wo meri taraf dekhti,mai bhi usse dekh halka sa muskura sdeta..
issi tarah hum sabka dinner khatm hua...dad ne ek baar firse wahan aaye sabhi guests ko thanks kaha fir sabko hall ke entrance par see off karne ke baad hum ab apne apne rooms me chale gaye....
aur issi tarah humara SWITZERLAND TRIP ka unexpected last day khatm hua...
khair,next day hum sab early morning hi uth gaye aur ready hokar airport pahunch apni plane me baith home sweet home ki taraf ud chale....
home sweet home.....jahan pahunchne ke baad mujhe fir kahin nikalna tha.
PAR MUJHE NAHI MAALUM THA KI YE SAFAR MERI ZINDAGI KE SAATH SAATH AUR BHI BOHOT KUCH BADALNE WAALA HAI....
PLANET- THE WORLD OF WARRIORS
PLACE- TRAINING GROUND.....
JAB TAK RAKHT AUR PASINA EK DHAAR AUR EK GATI SE NAA BAHANE LAGE,SAMAJH JAANA KI TUM TAIYAR NAHI HUE HO.....
SHARIR THAKE TOH THAKE,PAR APNE LAKSHYA KO PRAPT KARNE SE PEHLE TUMHARI AATMA NAHI THAKNI CHAHIYE...
KYUNKI AATMIK BAL SE HI SHARIRIK THAKAWAT KO HAAWI HONE SE ROKA JAA SAKTA HAI....
subah ka waqt hai....jab se AKSHAANT aur MOKALSAR ko WARRIORS WORLD ke sainikon ke yudh koushal ko nikharne ka daayitva diya gaya hai,tabhi se ye dono milkar WARRIORS WORLD aur unke saath hi kuch ISLA ke pramukh sainikon ko kathin prashikshan de rahe hain.....
ISLA ke jo pramukh sainik yahan MOKALSAR aur AKSHAANT se prashikshan le rahe hain, wo sainik har din prashikshan ke baad WORLD DOOR se wapas ISLA jaakar apne sainkon ko wahi prashikshan dete hain....
MOKALSAR- kya aap sab LORD OF ANGELS se milna chaahte hain....
MOKALSAR ki baat sunkar sabhi sainik bohot khush ho gaye....
aur sabhi ne ek saath HAAN ki hunkaar laga di....
MOKALSAR- bohot jald wo yahan aane waale hain..aur hum dono chahte hain ki unke aane se pehle aap sab taiyar ho jaayen aur apne grah ko wapas uski purani garima loutayen....
HUM DONO NAHI HUM TEENO.......
ye awaaz MOKALSAR aur AKSHAANT ke piche se aayi thi jisse sunkar dono piche palte aur apne peeche khade shaksh ko dekhkar dono ke chehre khil uthe....
DONO- SHAILA.........
dono ye kehkar aage badhe aur dono ne baari baari SHAILA ko hug kiya...sabse pehle MOKALSAR ne kiya aur jab AKSHAANT ki baari aayi toh usne SHAILA ko apni baahon me chupa sa liya...
AKSHAANT aur SHAILA dono ki hi aakhen band ho gayi..dono ek dusre ko andar tak mehsoos karne me mashroof ho gaye...
dono me se kisiko is baat ka bhi khayal nahi raha ki SHAILA ke saath LORD CRUSEDAR bhi khade hain....
MOKALSAR- bas karo yaar.ab ek dusre me sama kar hi dum loge kya??kamse kam MAHARAJ ka toh khayal karo....
MOKALSAR ki pehli line ko toh AKSHAANT ne ek kaan se sunkar dusre kaan se nikal diya tha par dusri line me jaise hi MOKALSAR ne LORD CRUSEDAR ka zikr kiya toh AKSHAANT jhat se SHAILA se alag ho gaya jab usne apni right taraf dekha toh paaya ki LORD CRUSEDAR un dono ko hi dekhkar muskura rahe the....
AKSHAANT- shama karen LORD CRUSEDAR..mai aapko dekh nahi paaya...
LORD CRUSEDAR- koi baat nahi putra...mujhe toh tum dono ke aalingan ke beech chupe prem ko dekhkar bohot khushi hui....
mujhe kal hi SHAILA ne is baat se awgat karaya ki tum dono ek dusre se prem karte ho......
aur ye jaankar mujhe bohot prasannata hui.....
waise aaj ka prashikshan samapt hua ya nahi...
AKSHAANT- abhi kuch der aur baaki hai...
LORD CRUSEDAR- aaj ke liye rehne do..mujhe ek mahatvapurna ghoshna karni hai aur tum teeno ka bhi us waqt mere saath rehna anivaarya hai....
AKSHAANT- jaisa aap kahen LORD.......
aur fir AKSHAANT ne sabhi sainkon ko aaj ke liye chuthi de di jisse sunkar sainikon ki bhi jaan me jaan aayi kyunki AKSHAANT aur MOKALSAR ne un sabhi ke saare anjar panjar dheele kar diye the...
sab ko aaj ke liye awkaash dekar AKSHAANT SHAILA aur MOKALSAR LORD CRUSEDAR ke saath mahal ki taraf chal diye...
IN PALACE
LORD CRUSEDAR- aaj hum aap sab ke samaksh ek zaroori ghoshna karne waale hain.....
sabha me aane se pehle hi unhone apne mantri se sabhi sabha sadon ko sabha bhavan me ekatrit hone ke liye keh diya tha...
sabha me pahunchkar LORD CRUSEDAR ne apni raaj gaddi ke saamne khade khade ye baat kahi...
MOKALSAR,AKSHAANT aur SHAILA unke baaju me hi khade the ya fir ye kahun LORD CRUSEDAR ne teeno ko apne paas khade hone ke liye kaha tha...
teeno ki bhi utsukta ab badhne lagi ye jaanane ke liye ki aisi kaun si baat hai jo LORD CRUSEDAR unki moujudgi me hi kehna chahte hain....
LORD CRUSEDAR- par ghoshna karne se pehle mai aap sab ko SHAILA se milana chahunga joki GLUTO ki nayi RAANI hain aur jinhe maine apni putri maana hai.....
ye kehkar LORD CRUSEDAR ne apna haath SHAILA ki taraf badha diya jo AKSHAANT ke baaju me khadi thi....
LORD CRUSEDAR ki baat sunkar SHAILA ki aankhen bhi bhar aayi....
akele me kisiko apna putra ya putri kehna koi badi baat nahi hai par sabhi ke beech jab LORD CRUSEDAR ne SHAILA ko apni putri kehkar sambhodit kiya toh SHAILA ka man khushi se jhum utha....
jis ladki ne saari zindagi ek anaath bankar guzari ho,uske liye yun achanak ek pitah mil jaana bohot badi baat thi...
SHAILA apne nayano ko bheegoye hue LORD CRUSEDAR ka haath thaam unke paas khadi ho gayi....
AKSHAANT aur MOKALSAR bhi LORD CRUSEDAR ki baat sunkar bohot khush ho gaye the.....
wahin LORD CRUSEDAR ke SHAILA ko apni beti kehkar sambhodit karte hi sabha me moujud sabhi SHAILA ke naam ki jayjaykaar karne lage....
LORD CRUSEDAR ne apna haath upar kar sabko shaant hone ko kaha jispe sabhi shaant ho gaye...
LORD CRUSEDAR- maine ye sabha aap sabhi ko apne uttaridhikari se milane ke liye rakhi hai...
LORD CRUSEDAR ki baat sun pehle toh sabhi chownke par fhir khush bhi ho gaye....
LORD CRUSEDAR-aur ek baat,uttaradhikari ek nahi balki do hain aur wo dono aur koi nahi AKSHAANT aur MOKALSAR hain.....
jahan apna naam sunkar AKSHAANT aur MOKALSAR shocked ho gaye wahin saare sabha sad bohot khush the aur sabhi apne dono naye yuvrajon ki jay jaykaar karne lage...
AKSHAANT- LORD CRUSEDAR.....ye sab???
LORD CRUSEDAR- LORD nahi PITAJI kaho putra....maine tum dono ko apna putra maan kar ye faisla liya hai.ab tum dono bhi mere do putron ke roop me hamare grah ke yuvraj ka pad swikar karo....
M0KALSAR- aapne hume is laayak samjha,yahi hamare liye kisi unch pad se kam nahi hai PITAJI....
MOKALSAR ke mooh se PITAJI sunkar LORD CRUSEDAR bohot bhaavuk ho gaye....
MOKALSAR ke baad AKSHAANT ne bhi unhe PITAH kehkar sambhodit kiya jisse unka seena aur phool gaya...
LORD CRUSEDAR- hamare pariwar ki hatya ke baad humne toh socha tha ki hamara jeeven ab niras ho gaya hai par dekho,aaj hume hamara ek naya pariwar mil gaya hai...
aur ye sab LORD OF ANGELS ki wajah se hi sambhav ho paaya hai....unhe ek baar saamne se bhet kar unhe dhanyawad karne ko man vichlit sa ho utha hai.....
abhi MOKALSAR,SHAILA,aur AKSHAANT me se koi kuch kehta ki tabhi.....
2 DIWAS AUR....MAI AA RAHA HUN.......
ye awaaz mere teeno doston ke kaano me gunj uthi jisse sunkar unke chehre khil gaye aur jab ye baat unhone LORD CRUSEDAR ko batayi toh unke bhi khushi ka koi thikana nahi raha....
LORD CRUSEDAR- 2 diwas..humare paas zyada waqt nahi hai...hume aaj aur abhi se unke swagat ki taiyari karni hogi.....
faur fir sabhi mere swagat ki taiyariyon me lag gaye....
PLANET-ISLA
PLACE-GRAH SETU.....
ye dekhiye maharaj......yahi hai hamare grah setu ka pravesh dwaar...
par jis raaste ko DEFENDER GRAH SETU ka raasta bata rahe the,usse dekhkar KING SOLOMON shocked ho gaye..
subah ka waqt hai...GRAH SETU ke nirmaan ka kaam khatm ho chuka hai....aur jaise hi ye baat KING SOLOMON ko pata chali,unhone DEFENDER se ek baar GRAH SETU ko dekhne ka nivedan kiya...
aur is waqt DEFENDER aur KING SOLOMON jaisa ki DEFENDER ne bataya,GRAH SETU ke pravesh dwar ke saamne khade the..
par KING SOLOMON ke chownke ki wajah ye thi ki unke saamne dwar jaisa kuch bhi nahi tha...
is waqt DEFENDER aur KING SOLOMON jungle ke beech me the aur KING SOLOMON ke saamne ek bada sa ped tha....
KING SOLOMON- kintu DEFENDER,yahan toh kuch bhi nahi hai....
DEFENDER- aapke saamne aapko jo ped dikh raha hai uske seedh me khade ho jayiye...
aur jaise hi KING SOLOMON ped ki seedh me khade hue,us ped ke beecho beech roshni ubhri aur dekhte hi dekhte us ped ke beech me se ek raasta nazar aane laga....
GRAH SETU ka pravesh dwar itna bada tha ki ek saath 100 log bhi uske andar ghus sakte the....
KING SOLOMON- adbhudh....
DEFENDER- ye ped hi hamare GRAH SETU ka pravesh dwaar hai..theek aisa hi dwar ISLA me bhi hai....
is grah setu ki ek khaas baat yeh bhi hai par wo kya hai ye mai nahi aapko LORD OF ANGELS batayenge....
KING SOLOMON- ab toh kaafi waqt guzar chuka hai..grah setu bhi ban kar taiyar hai....LORD OF ANGELS kab aayenge.....???
tabhi......
DO DIWAS AUR......MAI AA RAHA HUN......
ye awaaz DEFENDER ke kaano me gunj uthi......jisse sunkar DEFENDER ke chehre par ek chamak aa gayi...
aur jaise hi mere aane ki baat DEFENDER ne KING SOLOMON ko batayi,unke chehre par bhi chamak aa gayi...
KING SOLOMON- do diwas..bohot kam waqt hai hamare paas LORD OF ANGELS ke swagat ki taiyari karne ka.....
DEFENDER agar aapki ijazat ho toh kya hum jaa sakte hain..????
DEFENDER ne haan me sir hilaya.KING SOLOMON ne apna sir punah ek baar DEFENDER ke aage jhukaya par jaise hi unka sir upar hua,DEFENDER jaa chuke the...
KING SOLOMON bhi apne mahal ki taraf nikal gaye....
THIK USSI WAQT......
PLANET- MONSLICKEL....
PLACE- PALACE
ASMODEUS- mangal ke din
Shani SAWAAR hogi......
Aisa pehli baar hoga jab....
Manzil par pahunchne ke baad,
HAAR hogi.....
AAJ KE LIYE ITNA HI....
AAPKA APNA V...J......
