Fantasy ATTITUDE.....( MAGIC + ROMANCE )(Completed)

[Hunterrrr69]

ANJALI ZINDA HAI!!!!!!!PAR KAISE?????AUR WO SHADOW WORLD ME KYA KAR RAHI HAI???ASMODEUS NE JO JAAL BICHAYA HAI,USSE VIKRAM KHUDKO AUR BAAKI SABKO KAISE BACHAYEGA????KYA WO KAAMIYAB HOGA YA FIR COURIOUS KI HI TARAH SHADOW WORLD ME BHI USSE ASMODEUS SE MAAT MILEGI!!!!!SAWAL BOHOT HAI AUR JAWAB........!!!!!!!!AAJ RAAT KE MILNE WAALE UPDATE ME......INTAZAR KIJIYEGA....

Eagerly waiting for tonight update bro

 

[RAJIV SHAW]

Waiting bhai

 

[mk2244]

waiting bhai

 

[Ashu 0000]

Waiting for today update

 

[Naughty Lover]

thanks bro and why sorry....????itne bade bade 110 updates ko 6 din me hi padh lena,ye aapko story kitni achi lagi,ye batata hai...and i am really happy to get a reader like u...saath bane rahiye

Yupp bro.. I have read many stories on various platforms this is One of best story from stories which I have read
Waiting for next update....

 

[vj4u]

DOSTON,AAJ MILNE WAALA MEGA UPDATE AB TAK KA SABSE BADA UPDATE HOGA JISME NEAR ABOUT 7,300 WORDS USE HUE HAIN...LIKH LIYA HAI PAR RECHECK THODI DER BAAD KARNA SHURU KARUNGA..I HOPE 7.30 TAK UPDATE AAP SAB KE SAAMNE HOGA....

 

[Pintupaul]

DOSTON,AAJ MILNE WAALA MEGA UPDATE AB TAK KA SABSE BADA UPDATE HOGA JISME NEAR ABOUT 7,300 WORDS USE HUE HAIN...LIKH LIYA HAI PAR RECHECK THODI DER BAAD KARNA SHURU KARUNGA..I HOPE 7.30 TAK UPDATE AAP SAB KE SAAMNE HOGA....

OK bro egarly waiting for the mega update

 

[Mahakaal]

DOSTON,AAJ MILNE WAALA MEGA UPDATE AB TAK KA SABSE BADA UPDATE HOGA JISME NEAR ABOUT 7,300 WORDS USE HUE HAIN...LIKH LIYA HAI PAR RECHECK THODI DER BAAD KARNA SHURU KARUNGA..I HOPE 7.30 TAK UPDATE AAP SAB KE SAAMNE HOGA....

Wow tab to update padhte rahunga padhte rahunga lekin khatam nahin hoga Maza ayega padhke

 

[vj4u]

AB TAK AAPNE PADHA KI VIKRAM,AVANTIKA & FRIENDS SHADOW WORLD ME PAHUNCH JAATE HAIN JAHAN RONIT KO APNE ZINDAGI KA SABSE BADA SURPRISE MILTA HAI
AB AAGE:-






FINAL CHAPTER





(ANGELS SACRIFICE & DEVILS DEMOLITION)





MEGA UPDATE-111





FINAL ADVENTURE





FINAL PART





PLANET-SHADOW WORLD





PLACE-HILLS FRONT






MAI- IS BAAR NAA TOH KOI MAAYA HAI,NAA TOH KOI CHHAL.....NAA TOH KOI DHOKA HAI AUR NAAHI KOI KHWAAB....SIRF SACH HAI......



meri baat sun RONIT ke pair kaampne lage..dhadakte dil aur ashk bhare aankhon ke saath wo wapas apne left ki taraf palta aur agle hi pal uske mooh se awaaz nahi balki ek cheekh nikal padi......

RONIT-ANJALIIIIIIIIIIIIIII..........................



RONIT ki is cheekh me uska itne samay tak dabaya hua dard,uski tadap,uski majburi,uska junoon,uski khud se chal rahi jaddojahat,uske dil ki chitkaar aur ussi dil ke har kone me basa hua uska ANJALI ke liye beshumar PYAR saaf jhalak gaya....

in saare bhavnaao,feelings ko hum paachon ne bhi feel kiya tha...

jahan mai,AKSHAANT aur MOKALSAR khudko control me rakhe hue the wahin AVANTIKA aur SHAILA ke aankhon me aansu tair chuke the.....

wahin hum sab se kuch hi door ek bade se chattan ke saamne aakhen band kiye hue dhyan me baithi hui ANJALI ke kaano me jaise hi uske naam ki cheekh gunji,toh uski aankhen jhat se khul gayi.....

aur aankh khulne par jaise hi ANJALI ki nazar humpe gayi toh pehle toh usse behad hairat hui par ye hairat us khushi ko uske chehre par aane se rok nahi paayi....

ek pal ka hairat zindagi bhar ke khushi ki shakal me badal gaya....

hum sab ko chamakti aakhon se dekhne ke baad ANJALI ki nazar ek chehre par tik gayi...

ye chehra RONIT ka tha jo usse apni bheegi aankhon se ek tak dekh raha tha....

RONIT par nazar padte hi ANJALI ki nazaren bhi uspar aakar tik si gayi....aisa lag raha tha maano dono ki aakhon ke beech ek adrishya pool ban gaya hai jisse dono hi jud gaye hain.......

kehte hai sabse tez,saaf aur sachhi awaz khamoshi ki hoti hai..khamosh zuban aankhon ke zariye wo baaten keh deta hai jo zuban shayad kabhi na keh paaye.....

ek tak ek dusri ki aankhon me doobe RONIT aur ANJALI is waqt ussi khamoshi ki bhasha me baat kar rahe the...

dono ke zuban khamosh the par dono ke DIL apas me baat kar rahe the....

waise toh mai har kisi ke man ki baat padh sakta hun par filhal in dono ke dilon ke beech kya baatein ho rahi hain,usse jaanane ke liye mujhe in dono ke man me jhaakne ki koi zaroorat nahi thi...

mai hi kya,mere saath mera haath thaame khadi AVANTIKA,mere peeche khade AKSHAANT,SHAILA,aur MOKALSAR bhi in dono ke dil ki baaton ko samajh paa rahe the....

hume ANJALI ke saamne aaye,RONIT ko ANJALI ke naam se cheekhe aur ANJALI ko hume dekh fir RONIT ki aankhon me khoye hue 10 minute se upar ho chuke the....

par ab tak naa humme se kisi ne kuch kaha tha aur naahi RONIT aur ANJALI ne....

maine bhi abhi tak kuch nahi kaha tha kyunki mujhe pata tha ki RONIT ab tak bas duniya ke liye zinda tha par andar hi andar wo har pal mar raha tha...

par abhi abhi ANJALI ke roop me jo nayi zindagi RONIT ke andar wapas apna ghar basa rahi hai,usme thoda waqt toh lagna hi tha....

wahin itne samay tak yahan kaid hone ki wajah se hamare saamne khadi ANJALI ke man ki bhi ummid ki jyoti dheere dheere marne si lagi thi...

par aaj hume dekh aur specially RONIT ko dekh us bujhti jyoti me phir se tel pada tha jisne us jyoti ke aakar ko aag me badal diya tha....

ANJALI ke man me uthe hue us prachand aag ke veg ko bhi wapss jyoti me badalne ke liye thoda waqt chahiye tha......

kuch aur palon tak yunhi khade hokar ANJALI ko niharne ke baad RONIT ke kadam dheere dheere ANJALI ki taraf badhne lage....

wahin ANJALI jo abhi bhi ek tak RONIT ko dekhe jaa rahi thi,RONIT ko apne paas aata dekh usse bhi khudme ek hararat mehsoos hui...

filhal abhi toh uske paas dil nahi tha,par fir bhi RONIT ko apne kareeb aata dekh usse aisa mehsoos hua ki uske andar kuch dhadak sa utha hai.....

aage badhta hua RONIT thik ANJALI ke saamne pahunchkar rook gaya...abhi bhi RONIT ko uske saamne khadi ANJALI ki vaastavikta ka gyaan nahi hua tha....

wo toh bas ANJALI ke khubsoorat chehre ko nihar raha tha.....

itne der tak khamoshi ko baat karte dene ke baad ab baari thi labon ke hilne ki aur isiliye.....



ANJALI-RONIT.......



RONIT...........bas itna hi kaha ANJALI ne par shayad itna hi kaafi tha.....kya react karun???kaise react karun???jaise sawalon se RONIT ka vivek uska dimag jo uljha hua tha,ANJALI ke mooh se apna naam sun wo uljhan khatm ho gayi......



RONIT-ANJU...........



ANJALI ki hi tarah bas itna hi keh paaya RONIT aur agle hi pal apne dimag me uth rahe uljhano ko khatm kar........

RONIT ne jhat se aage badhkar apne dono haathon ko dono taraf se badhaya taaki ANJALI ko khudme samat sake par tabhi.....



RONIT- arre ye kya???mai tumhe chu kyun nahi paa raha hun????



jahan RONIT awishwas bhari aakhon se ANJALI ki taraf dekh raha tha wahin ANJALI ke chehre par ek fiki si muskaan thi....

kuch der tak situation ko samajhne ki koshish karne ke baad jab RONIT ne ek baar firse ANJALI ki taraf dekha ya fir ye kahun ki ANJALI ke chehre ke saath saath usse upar se neeche tak observe kiya toh.....



RONIT-tumhari body transparent kaise?????



ANJALI-MAI EK AATMA HUN........AUR AATMA KO CHUA NAHI JAA SAKTA.....

RONIT-WHAT?????????



ye ek naya bomb tha jo is waqt RONIT ke upar gira tha..sirf RONIT par hi nahi,ANJALI ki baat sun MOKALSAR,AKSHAANT aur SHAILA ko bhi zor ka jhatka laga...

ye teeno toh bechare abhi tak is shock se bhi thik se nahi ubhre the ki ANJALI zinda hai aur tabhi unhe ek naya shock laga tha....

aur is SHOCK ke saath RONIT aur in teeno ke man me ek naye dar ne bhi ghar kar liya tha.....

dil hi dil apne us dar ko sirf ek jhooth sabit hone ki dua karte hue.....



RONIT-par tu toh zinda hai naa????!!!!!!



is ummid ke saath ki ANJALI ke mooh se HAAN nikle......
dhadakte dil se RONIT ne apne sawal ko ya fir ye kahun ki apne dar ko ANJALI ke saamne rakha......



ANJALI- mujhe nahi pata.....


ANJALI ke jawab ko sun RONIT ke saath saath mere teeno dost ko fir se shock laga...



RONIT- nahi pata matlab???tujhe apne zinda rehne ke baare me nahi pata hoga toh kisse pata hoga???



ANJALI ne kuch kaha nahi bas apni nazaren mujhpar kar di.....is waqt ANJALI ki nazar me dar aur ummid dono dikh rahe the....



TU MAR CHUKI HAI.....is baat ko sunane ka dar......

TU ZINDA HAI.....is baat ko jaanane ki ummid......



jaise hi ANJALI ne meri taraf dekha,toh uski nazar ka picha karte hue RONIT ki nazar bhi mujhpar tik gayi...aur uske aakhon me bhi samne feelings dikhne lage....

dar aur ummid........



MAI-darne ki zaroorat nahi hai ANJU.....teri ummid sahi hai....TU ZINDA HAI......



meri baat sun ANJALI se zyada toh RONIT ki aankhen chamak uthi aur isiliye.....



RONIT- sach......



ye bol ya fir ye kahun ki ye chiila RONIT wapas meri taraf dauda aur saale ne mujhpar kudate hue mujhe zor se hug kar liya....



MAI- abbe hat...saale,itne din baad teri G.F tere paas hai phir bhi mujhse gale lage pada hai tu....saale tere preferences toh nahi badal gaye naa....

jahan meri baat sun baaki sab has pade wahin RONIT pe kuch khaas fark nahi pada..wo waise hi mujhe kas kar gale lagaye raha.....uske aankhon me ab bhi aansu the par is bar wo aansu khushi ke the....



MAI- ab bas bhi kar yaar.....jaa aur ANJALI ko hug kar apne tadapte dil ko sukoon pahuncha.....



meri baat sun RONIT mujhse alag hua aur....



RONIT- kaise yaar????wo toh abhi spirit form me hai...aise me toh mai usse touch bhi nahi kar sakta aur tu gale lagane ki baat karta hai....

MAI-ek baar try toh kar..kya pata connection ho jaaye....!!!



meri baat naahi RONIT aur ANJALI ko samajh aayi aur naahi mere baaki ke teeno doston ko.....



AVANTIKA- RONIT, V.J ne jo kaha hai wo kar..sab samajh me aa jayega....



AVANTIKA ki baat sun RONIT wapas palta aur ANJALI ki taraf badh gaya..aur is baar jaise hi RONIT ne ANJALI ko hug karne ke liye apni baahen failate hue apne dono haathon se ANJALI ke kareeb laaya toh usse aur uske saath saath ANJALI ko bhi ek jhatka laga.....

reason.....is baar RONIT ke haath ANJALI ki spirit ke aar paar nahi hue....wo usse chu paa raha tha....

wahin RONIT ke haathon ko khudpar mehsoos kar ANJALI ko bhi shock laga...

wo jhat se RONIT se alag hui aur khudko dekha...RONIT ki bhi nazar uspar hi thi...

ek baar firse dono ko shock laga aur iska kaaran ye tha ki ANJALI ab bhi spirit form me hi thi....

dono apni apni aakhon me hairat liye meri taraf dekhne lage wahin mai aur AVANTIKA toh muskura hi rahe the...



MAI- maine tere SPIRIT form ko kuch der ke liye SOLID kar diya hai....ab ye hairaniyan chhodo aur ek dusre ko ache se mehsoos kar lo..zyada waqt nahi hai....



meri baat sun RONIT aur ANJALI khush ho gaye aur agle hi pal.......



RONIT aur ANJALI ek dusre me sama chuke the...dono ne ek dusre ko itni zor se hug kiya tha maano ek dusre ke andar sama jaana chahte hon....

kuch der tak yunhi ek dusre ko andar tak mehsoos karne ke baad jab dono ka aalingan khatm hua toh dono ke lab ek dusre se jud gaye.....

aankhen band kar dono hi ek deep kiss me kho chuke the....agar ek dusre ko baahon me sametne ke baad bhi kuch kasar baaki reh gayi hogi toh wo is chumban is kiss me nikal jaani thi...

dono pure shiddat ke saath ek dusre ke labon ko mehsoos karne me lage hue the..is kiss me koi hawas,koi lobh nahi tha....tha toh bas PYAAR......



MAI- lo kar lo baat...saala yahan hum in dono ke chakkar me upwas kiye khade hain aur ye dono milte hi boondiya lootne me lag gaye....



meri baat sun AVANTIKA has di......



reason...doston aapko yaad hoga ki TWISTED DIMENSION me mai aur AVANTIKA kiss karne waale the ki tabhi AVANTIKA ke dimag me ek baat aayi jisse sun aur samajh maine AVANTIKA ko kiss nahi kiya tha...

toh wo baat ye thi ki AVANTIKA ke dimag me us waqt RONIT ka gum ghum raha tha aur jis lamhe me mai AVANTIKA ko kiss karne waala tha,ussi pal me AVANTIKA ke dimag me RONIT ka rota chehra aur ANJALI ki aatma ka tadapna mehsoos kiya....

ji haan doston,AVANTIKA ko maalum tha ki ANJALI zinda hai aur wo bhi SPIRIT FORM me.......kaise??ye thodi der me pata chal jaayega...

khair,jaise hi maine AVANTIKA ke dimag me upji RONIT aur ANJALI ki taswir ko mehsoos kiya,mai rook gaya.....

aur isiliye hi maine abhi tak AVANTIKA ko kiss nahi kiya tha.....

AVANTIKA ko hasta dekh maine usse kuch der tak ghura par fir mai bhi has diya..

wahin hum dono ke yun achanak hasne ka reason mere piche khade doston ko samajh me nahi aaya par unhone kuch kaha nahi...

ye toh thi humari baat,par humare saamne ka scene abhi bhi same tha....ANJALI aur RONIT ka kiss abhi bhi pure zor par tha aur shayad ye aur bohot der chalta par tabhi.......



ANJALI ki aatma jo ki solid form me thi,wo wapas transparent hone lagi jisse dekh AKSHAANT,MOKALSAR aur SHAILA chownke...

wahin RONIT jo ki ANJALI ko pure shiddat se kiss kar raha tha aur ussi shiddat ki wajah se uski aankhen band thi,usse bhi jab dheere dheere ANJALI ke honthon ki chhuan ka ehsaas kam hota laga,toh usne bhi apni aakhen khol di....

aankhen khol jab RONIT thoda peeche hata toh usse bhi ANJALI ko yun wapas transparent form lete dekh jhatka laga.....

waise is parivartan se shocked toh khud ANJALI bhi thi.....



RONIT- yaar ye kya hua???ANJU wapas pehle jaise kaisi ho gayi???

MAI-tujhe is baat ka afsos hai ki ANJU wapas apne spirit form me chali gayi ya fir is baat ka gum hai ki teri kiss me rukawat aa gayi....



jahan meri baat sun AVANTIKA,AKSHAANT,MOKALSAR aur SHAILA has diye wahin RONIT halka jhemp sa gaya aur ANJALI sharma gayi....



RONIT- bhai,mazak chhod aur bata naa ki ye wapas pehle jaisi kaise ho gayi???

MAI-jo solidity maine ANJALI ki aatma ko di thi,wo temporary thi...jaise hi us solidity ka time khatm hua,ANJALI wapas apne purane form me aa gayi....

RONIT- toh bhai,ANJU ke solid form ko permenent kar de naa....

AKSHAANT- haan,fir ANJALI ko body ki zaroorat hi nahi padegi....

MAI-aisa nahi ho sakta...har aatma kisi bhi insaani lok me uske sharir ke sahare hi reh sakti hai...

sharir hi aatma ka hardware hota hai,jisse chua jaa sakta hai...aur filhal ANJALI ka hardware matlab uska sharir usse alag hai..

aise me mai uski aatma ko uske sharir ke kaam me bas kuch der tke liye hi laa sakta hun..agar maine ANJALI ki is spirit form ko zyada der tak solid banaye rakha,toh us form ke saath saath ANJALI ka ye spirit form bhi hamesha ke liye khatm ho jaayega....

meri baat sun sab ek baar firse shocked ho gaye par tabhi RONIT ke dimag me ek sawal koundha aur.....



RONIT- hang on....tune abhi kaha ki ANJALI ka sharir filhal usse alag hai???iska kya matlab hai???ANJALI ki body toh jala di gayi hai naa!!!!

MAI-hmm...ab aaya naa mudde par....mai soch hi raha tha ki kaise ANJALI ko dekhkar tera dimag kaam karna band kar gaya hai???

waise sawal toh sabhi ke man me hai par sabse zyada kulbulahat is waqt SHAILA ke dimag me ho rahi hai,haina SHAILA???



meri baat sun pehle toh SHAILA hadbada gayi par fir....



SHAILA- haan VIKRAM...jab se maine ANJALI ko dekha hai,tabhi se mere dimag me najaane kitne hi sawalon ne bhagdadh machayi hui hai...

ANJALI zinda kaise hai????aur agar ye zinda hai toh fir ye ek aatma ke roop me kaise hai???iska sharir kahan gaya????

aur sabse mahatwapurn sawal ki ye is SHADOW WORLD me kaise fas gayi...

RONIT- nahi SHAILA....sabse important sawal ye hai ki jab ANJU zinda hai toh V.J ne hume bataya kyun nahi......????



RONIT ke sawal me ek narazgi thi jo hum sabne saaf mehsoos ki thi.....



MAI- sab batata hun.....par isse pehle tu mujhe mere do sawalon ka jawab de....



pehla sawal....ANJALI ke jaane ke baad in dedh saalon me kya tune kabhi bhi mujhse ANJALI zinda hai ki nahi,ye sawal pucha tha????

RONIT- ye kaisa sawal hai????ANJALI ke sharir ko khud hamare ghar waalon ne agni di thi...fir mai ye sawal kyun karta???

MAI-tu ye kaise keh sakta hai ki jis sharir ko agni di gayi thi,wo ANJALI ki hi thi....???

jis waqt us sharir ko agni di jaa rahi thi,tu toh khud koma me tha...aur sabse badi baat,BEELZEBUB aur SHAILA se yudh karte waqt ANJALI se pehle teri aakhen band hui thi toh tu ye kaise is natije par pahuncha ki tere aankh band karne ke baad un dono ne ANJALI ko maar diya hoga.....????



meri baat ya fir ye kahun ki mere tark ko sun RONIT hadbada gaya...wo jaanta tha mera tark apni jagah par bilkul sahi tha....

BEELZEBUB aur BHUVIKA se ladte waqt ANJALI se pehle uski aankhen band hui thi...

toh aise me uske behosh hone ke baad kya kya hua hoga,wo ye kaise bata sakta tha???

aur fir jab RONIT ko hosh aaya ye fir ye kahun ki maine usse hosh me laaya uske baad bhi uske dimag me ek baar bhi ye sawal nahi aaya ki kya ANJALI zinda ho sakti hai!!!!!

hosh me aane ke baad se hi RONIT ne sirf ANJALI ke jaane ka gum galat hi kiya tha...kabhi bhi uske dimag me ye vichar nahi aaya ki uske saath chhal bhi ho sakta hai...

aur is baare me usne mujhse kabhi baat bhi nahi ki...kabhi nahi pucha ki uski aankhen band hone ke baad kya kya hua tha????

mere pehle sawal aur us sawal ke baad mere diye tark ko sun RONIT ko apni bhul ka ehsaas ho gaya tha......par mai jaanta tha ki wo mere dusre sawal ko bhi sunana chahta tha...



RONIT-aur dusra sawal......

MAI- yaad karke bata ki jab se ANJALI hum se door hui aur tum sabne usse mara samajh liya,is dauran kya maine ek baar bhi ye baat kahi hai ki ANJALI mar chuki hai....

meri baat sun RONIT ko firse ek baar jhatka laga....sach hi toh tha,maine kabhi ye nahi kaha tha ki ANJALI mar chuki hai...

mere mooh se hamesha yahi nikla tha ki ANJALI HUMARE BEECH NAHI HAI....

mai aisa kyun kehta tha,ye ab RONIT ko samajh me aa raha tha aur saath hi meri sikhayi wo wo baat bhi uske zehen me ubharne lagi jab mai usse kehta tha ki shabdon ko hamesha dhyan se suna kar..

kyunki har shabd me hamare kisi na kisi sawal ka jawab chupa hua hota hai....



RONIT-oh shit....haan yaar,is taraf toh mera dhyan hi nahi gaya....

MAI- aur naahi AVANTIKA ki taraf....yaad hai jab tu AVANTIKA se college me mere baare me puchne gaya tha aur isne tujhe daanta tha tab isne bhi meri hi tarah tujhse baat ki thi aur ANJALI ke baare me baat karte hue isne bhi same baat ki thi...

isne ye nahi kaha tha ki ANJALI mar chuki hai.isne bhi yahi kaha tha ki ANJALI hamare beech nahi hai....



meri baat sun RONIT firse chownka...par is baar uske saath saath ANJALI bhi chownki thi....



RONIT- toh kya AVNI ko bhi ANJALI ke zinda hone ke baare me maalum tha????

MAI-ussi din college me isse is baare me pata chala tha....



meri baat sun RONIT fir se chownk gaya par isse pehle ki wo kuch puchta....



ANJALI-RONIT ko AVANTIKA ne daanta tha...!!!par kyun????aur RONIT ko V.J ke baare me aisa kya pata karna tha jo usse AVANTIKA ke paas jaana pada.....????



ANJALI ka sawaal sun sabko yaad aaya ki in dedh saalon me kya kya hua hai,is baare me ANJALI ko kuch bhi pata nahi hai???

aur isiliye.....



RONIT-ANJU...in dedh saalon me bohot kuch hua hai....aur in sab ghatnaon ki shuruat V.J ke COURIOUS WORLD me jaane ke baad shuru hua...



RONIT ke mooh se COURIOUS sun ANJALI fir chownki..usse yaad aaya ki ek baar maine usse aur RONIT ko is jagah ke baare me bataya tha....



ANJALI-COURIOUS!!!!par V.J toh ISLA gaya tha naa?????

RONIT- haan,par uske baad wo COURIOUS gaya tha...



iske baad RONIT ne ANJALI ke mere saath kya kya hua tha,wo sab batane laga...
jaise jaise RONIT ki baat aage badhi,ANJALI ke chehre par dard saaf dikhne laga...

aur ye jaankar ki mujhse mera astitv alag ho gaya tha aur us wajah se meri aur RONIT ke beech ladhayi hui,jiski wajah se mai ghar chhodkar chala gaya,uska dard aur badh gaya.....

jaise jaise mere,AKSHAANT,MOKALSAR aur SHAILA ke saath jo jo hua wo sab RONIT batata gaya,waise waise ANJALI ki taklif badhti chali gayi aur isiliye.....



ANJALI turant mere paas aayi aur usne mujhe hug karne ki koshish ki par wahi hua jo RONIT ke saath hua tha...ANJALI ke haath mere sharir ke aar par ho gaye jisse ANJALI aur zyada udaas ho gayi....



MAI-udas kyun ho rahi hai???tu bhale hi abhi mujhe chu nahi sakti par tujhe feel karne ke liye mujhe kisi hug ki zaroorat nahi hai....



meri baat sun ANJALI ke chehre par ek fiki si muskaan aa gayi....

ANJALI ke dard ko RONIT ne mehsoos kiya aur isiliye.....



RONIT-waise tujhe ek breaking news dun??waise toh sabke liye ye purani khabar hai par tere liye ekdum fresh hai....



RONIT ki baat aur uski awaaz ki excitement sun ANJALI apne aankhon me sawal liye usse dekhne lagi...



RONIT-V.J aur AVANTIKA ab friends nahi balki ek COUPLE hain....



RONIT ki baat sun pehle toh ANJALI solid chownki par fir wo ekdum khushi se ucchal padi....ek pal me hi jaise ANJALI ka mood thik ho gaya tha....



ANJALI- mujhe pata tha ki ek naa ek din aisa zaroor hoga.....



ye bol ANJALI mujhe aur AVANTIKA ko hug karne ke liye ek baar firse aage badhi par...



MAI- rook jaa rook jaa..excitement me tu fir bhul gayi ki filhal tu spirit form me hai....

ANJALI-wo sab chhod,pehle ye bata ki pehle propose kisne kiya tha????

RONIT- arre jab inki kahani hi normal nahi hai toh fir inka propose kaise normal hoga??
sun kya hua tha....



ye bol RONIT ANJALI ko FOUNTAIN OF LIGHTS ke andar kya kya hua aur kaise AVANTIKA ne mujhe kiss kar propose kiya aur mujhe bachaya,batane laga....

RONIT ne ANJALI jab ye bataya ki mere astitv ke kho jaane se pehle kaise maine AVANTIKA ko LORD OF ANGELS banaya tha toh usse shock laga par uske agle hi pal uske dimag me kuch click kiya....



ANJALI-oh....toh isiliye mai tujh tak nahi pahunch paa rahi thi AVNI....



ANJALI ki baat sun sabko ek baar firse jhatka laga....



RONIT- nahi pahunch paa rahi thi matlab....!!!

ANJALI-jabse mai yahan kaid hun,tabse mai lagatar har waqt dhyan me hi baith tum me se kisi na kisi se contact karne ki koshish karti rehti hun..

par shayad is grah me me koi kawach jaise kuch laga hua hai,isiliye aisa karna bohot mushkil hai..

par kuch mahine lagatar koshish karne ke baad mai apni aantarik ujra ko is jagah se baahar nikalne me kaamiyab huyi..

pehle maine V.J se contact karne ki koshish ki par nahi kar paayi...

aur jaisa ki tumne bataya ki V.J ke saath kya hua tha isiliye mujhe lagta hai ki shayad iska reason ASMODEUS ka V.J ke andar behta khoon tha jiski wajah se mai is tak nahi pahunch paa rahi thi...

uske baad maine tujhse contact karne ki koshish ki aur meri aantarik shakti ne tujhe khoj bhi liya tha par najane kaise tujhtak pahunchne se pehle hi meri aantarik shakti ko ek jhatka laga aur usse wapas loutna pada.....



ANJALI ki baat sun RONIT ko ek baar firse jhatka laga...wo kuch kehta isse pehle hi....



MAI-wo maine kiya tha..teri aantarik shakti ko maine RONIT tak pahunchne se pehle rok diya tha....



meri baat sun RONIT ke saath saath ANJALI ko bhi jhatka laga...



ANJALI- tune!!!par kyun aur kaise???tune toh apna astitv kho diya tha naa...

MAI- astitv khoya tha,shaktiyan nahi....tu zinda hai,ya fir ye kahun ki tu mar hi nahi sakti,ye mai achi tarah jaanta tha..



mai ye bhi jaanta tha ki tu humsab ko contact karne ki koshish bhi zaroor karegi,isiliye hi maine RONIT ke chaaron taraf ek aisi shield ka nirman kiya jisse teri awaaz is tak naa pahunch paaye...

MAI-par iske bawajud ANJU ne haar nahi maani..kyun ANJU??

ANJALI-haan...RONIT ke baad maine AVANTIKA se contact karne ki koshish ki...

par mai ek baar firse naakamiyab rahi....meri antarik shakti kamsekam RONIT ke paas toh pahunchi thi,par AVANTIKA ke maamle me aisa bhi nahi ho paaya....

meri aantarik shakti AVANTIKA ko dekh tak nahi paayi aur iska reason mujhe ab samajh me aa raha hai....

shayad V.J ki urja ki wajah se AVNI tak pahuncha hi nahi jaa sakta tha...haina???



ANJALI ne ye sawal mujhe dekhkar pucha tha jispar maine haan me apna sir hilaya....



ANJALI- AVANTIKA tak naa pahunch pane ke baad maine SHANAYA ko target kiya par tab bhi mai fail hui...

shayad AVANTIKA ki urja ki wajah se uske pariwar ke log bhi ek cover ke andar aa gaye the...

itni koshishon ke baad bhi lagatar fail hone ki wajah se mai kaafi nirash ho gayi thi..kuch waqt tak maine apni koshishen chhod di thi par fir....



MAI- tujhe ek aur chehre ka khayal aaya jisse jud kar tu humse contact kar sakti thi....



AVANTIKA- aur ye chehra tha SHAIFALI ka.....



meri baat ko AVANTIKA ne pura kiya jisse sun RONIT ko ab tak ka sabse bada jhatka laga....



RONIT- what???SHAIFALI?????



AVANTIKA- haan SHAIFALI...ANJALI jaanti thi ki humare group me koi bhi baahar ka banda allow nahi hai par SHAIFALI hi ek aisi ladki hai jisse hum regularly baat karte hain...

yaad hai abhi V.J ne kuch der pehle bataya tha ki jab meri tujhse behes hui thi,ussi din mujhe ANJALI ki baare me pata chala tha...



AVANTIKA ki baat par RONIT ne haan me apna sir hilaya....



AVANTIKA- tujhe yaad hai jab us din tu,SHANAYA aur SHAIFALI canteen me baithe hue the,us waqt SHAIFALI ke sir me dard tha....

RONIT- haan....

AVANTIKA-wo dard usse DELHI se hi ho raha tha wo dard bhi ANJALI ki hi wajah se tha...

jis waqt SHAIFALI DELHI me thi aur us restuarant me gayi thi jahan V.J job karta tha,thik tabhi ANJALI ne apni aantarik shakti ko SHAIFALI ke dimag ke andar pahunchaya tha...

aur jab SHAIFALI ne V.J ko us resturant me dekha,toh uske saath saath ANJALI ko bhi V.J ka abhaas hua tha...

par isse pehle ki SHAIFALI ke through ANJALI V.J se kuch kehti,V.J ne ANJALI ki aantarik shakti ko SHAIFALI ke dimag se nikal baahar fek diya....

iska reason bhi yahi thi ki V.J nahi chahta tha ki ASMODEUS ko ye bhanak lage ki V.J ko pata hai ki ANJALI zinda hai....

SHAIFALI ke andar tum sab jaisi taakat toh hai nahi,wo ek normal ladki hai...

issi wajah se jab ANJALI ki aantarik shakti ne usse judne ki koshish ki toh SHAIFALI ke dimag par extra presurre pada jiski wajah se uske sir me dard hone laga tha..

SHAFALI ussi raat DELHI se MUMBAI aa gayi thi aur jab next day wo college aayi toh uske sir me tab bhi dard tha...

aur jab mera haath uske haath pe touch hua toh mujhe jhatka laga..

kyunki V.J ki urja ki wajah se usse chhute hi mujhe uske saath ek din pehle kya hua tha,wo pata chal chuka tha....

ANJALI zinda hai ye jaankar muhe kitni khushi hui thi,ye mai bata nahi sakti thi..

aur isiliye hi tujhse behes karte waqt maine ye nahi kaha tha ki ANJALI mar chuki hai ba;lki ye kaha tha ki ANJALI humare beech me nahi hai.....



RONIT- oh betaji....itna lamba chowda game chal raha tha aur saala mujhe pata tak nahi tha....

MAI- wo isiliye kyunki jahan buddhi lagani chahiye wahan bhi tu dil se kaam chala raha tha....

waise ANJU ne iske baad bhi ek aur koshish ki thi..kyun ANJU????

ANJALI- haan....maine ek baar firse RONIT se judne ki koshish ki par firse fail hui....

MAI- haan par puri tarah se nahi....



meri baat ANJALI ko samajh me nahi aayi...



ANJALI- matlab???

MAI-matlab ye ki bhale hi teri aantarik shakti is tak nahi pahunch paayi thi,par haan,teri ek cheez thi jo iske andar pahunch gayi thi...

AVANTIKA- pahunch gayi thi ya fir tumne pahuncha di thi....

MAI- ek hi baat hai...

ANJALI- tum dono kya baat kar rahe ho,mujhe toh kuch samajh me nahi aa raha hai....!!!!!

RONIT- toh mujhe kuch kahan samajh me aa raha hai...aur V.J tune ANJALI ko mujhtak pahunchne se kyun roka????

MAI- yaad kar tu us waqt kis condition me tha...ANJALI ka naam sunte hi teri condition ajeeb ho jaati thi...

agar ANJALI ki aantarik shakti ki awaaz tujh tak pahunch bhi jaati naa,toh usse tu khush nahi hota balki paagal ho jaata....

tu us waqt stable nahi tha aur aisa kuch hone par tu samajhta toh kuch nahi ulta tera dard aur badh jaata jisse tujhe hi nuksaan hota...

RONIT-arre waah,aise kaise???

MAI=proof dun???



meri baat sun RONIT hadbada gaya kyunki wo jaanta tha ki agar maine kuch kaha hai toh yunhi toh kaha nahi hoga....



MAI-sun....yaad hai,jab hum sab BHUVIKA ko lekar MONSLICKEL se wapas aaye the..

tab jab bhi BHUVIKA tujhse kuch kehne ki koshish karti,usse pehle hi tu usse maar deta tha...

usne kaafi baar koshish ki par har baar tune bina uski baat sune usse maarta raha...

aur reason...ANJALI....tujhe bas ek baat samajh aa rahi thi aur wo ye ki BHUVIKA ne ANJALI ko maara hai..aur isiliye tu andha dhund usse peete jaa raha tha..

tune ek baar bhi nahi socha ki BHUVIKA me us waqt tujhse bohot zyada taakat thi uske baad bhi wo chup chaap tujhse maar khaa rahi thi...

wo bas tujhse kuch kehna chah rahi thi par tune usse kuch bhi kehne hi nahi diya..

uske baad bhi jaate jaate usne kuch kaha tha,wo baat yaad hai????



meri baat sun RONIT ko wo din yaad aa raha tha jab wo BHUVIKA ko maar raha tha aur itni zyada shaktishali hone ke baawajud bhi BHUVIKA ne usse kuch nahi kiya tha....

aur aakhir me mere sawal ko sun RONIT ko BHUVIKA ki kahi aakhri baat yaad aayi jo usne RONIT se kahi thi....



MAI MAAFI KE KAABIL TOH NAHI PAR FIR BHI MAI TUMHARI MAAFI KA INTAZAR KARUNGI....



is baat ke yaad aate hi RONIT ke dimag ki batti jali....



RONIT- oh teriki..toh wo is baare me baatkar rahi thi...

MAI- hmm..maafi ke kaabil naa hokar bhi maafi ka intazar karna....ye koi kyun kahega??wo jaanti thi ki ek na ek din tu ANJALI se zaroor milega aur wo chahti thi ki jab bhi aisa ho,toh tu usse maaf karde....

RONIT-beda garg...saala mai bhi ek number ka tube light hun.....



jahan RONIT ki baat sun hum sab has diye wahin ANJALI kuch aur hi soch rahi thi jisse maine dekh liya aur samajh bhi liya...



MAI-kya soch rahi hai ANJU???


ANJALI- yahi ki BHUVIKA ne RONIT se maafi kyun maangi???wo toh ek devil hai naa aur humare saath jo bhi hua uska main reason bhi....

MAI- nahi ANJU..BHUVIKA bhi ASMODEUS ka bas ek pyada thi....



Fir maine ANJALI ko BHUVIKA aur uski sachayi ke baare me sab kuch bataya jisse sun ANJALI ki aankhen fati ki fati rah gayi...



ANJALI- tum dono bhaiyon ke dimag hai ki kya hain??kya kya soch lete ho yaar..????



wo toh acha hai ki ek balance bigadta hai toh dusra us balance ko wapas thik karta hai..

agar dono hi balance bigadne me lag jaate toh ho jaana tha sabka kalyaan...



ANJALI ki baat sun sabhi has diye...



SHAILA- par main question toh reh hi gaya naa....aur wo ye ki ANJALI ko BHUVIKA aur BEELZEBUB ne zinda kaise chhoda...aur ANJALI yahan kaise aayi???



SHAILA ke sawal par maine koi jawab nahi diya bas apna haath aage kar diya....

mere haath aage karte hi hum sabke saamne hawa me ek film jaisa chalne laga..

ye film aur kuch nahi wahi scene tha jisme BEELZEBUB aur BHUVIKA ne RONIT aur ANJALI par humla kiya tha...



us scene ko chalte dekh sabhi samajh gaye ki asal me kya hua tha,wo un sabko dikhne wala hai....



toh hua ye tha ki RONIT ko toh BEELZEBUB ne bol diya tha ki tujhe aisi saza denge jisse tu jite ji mar jaayega...

aur wo saza thi ANJALI ki mout...aur isiliye BHUVIKA ne ANJALI ke pet me ek talwar ghussa di thi....

RONIT already behosh ho chuka tha...talwar pet me ghudte hi ANJALI niche zamin par gir gayi aur girne ke kuch hi lamho ke baad uski aatma uske sharir se baahar nikal aayi...

aam aadmi aatma ko sharir se nikalta hua nahi dekh sakta par BEELLZEBUB aur BHUVIKA ki baat alag thi..

un dono ne ANJALI ki atma ko uske sharir ko chhod baahar aate dekha aur ye dekhkar wo khush ho gaye...

jahan ek taraf BEELZEBUB aur BHUVIKA haste hue ANJALI ki aatma ko dekh rahe the wahin ANJALI ki aatma behad udaas thi....

par kuch der baad BEELZEBUB aur BHUVIKA ki khushi shock me badal gayi...



reason....sharir se nikal ANJALI ki aatma ko prithvi lok se gayab ho jaana chahiye tha par aisa hua nahi...

wo wahin apne sharir ke paas khadi rahi jisse dekh dono chownke the....

waise shock toh ANJALI ki aatma ko bhi laga tha..wo bhi samajh nahi paa rahi thi ki jab uska jeevan kaal khatm ho chuka hai toh wo wahan par kya kar rahi hai....???

BEELZEBUB aur BHUVIKA is baare me soch hi rahe the ki tabhi us jagah par ASMODEUS ki awaaz gunji......



ASMODEUS-ANJALI ko maara nahi jaa sakta.......



ASMODEUS ki awaaz aur usme batayi baat ko sun BEELZEBUB,BHUVIKA aur ANJALI ki aatma shocked ho gaye....

koi kuch kehta tabhi ek baar firse ASMODEUS ki awaaz gunj gayi....




ASMODEUS-VIKRAM ne jaane se pehle ANJALI aur RONIT ko khudke saath jod liya hai....

jab tak VIKRAM in dono ko khudse alag nahi karta ya fir wo khud nahi mar jaata tab tak in dono me se kisi ko bhi maara nahi jaa sakta....

ASMODEUS ki baat sun BEELLZEBUB ki aur khaas kar BHUVIKA ki jal gayi thi....



BHUVIKA- ye VIKRAM jaate jaate bhi hume hara gaya...



ASMODEUS aur fir BHUVIKA ki baat sun ANJALI ki aatma has padi jisse dekh BHUVIKA aur BEELZEBUB ko aur ghussa aa gaya...



ANJALI-tum dono ne ye soch bhi kaise liya tha ki VIKRAM tum jaiso se haar sakta hai....socho,bina saamne aaye VIKRAM ne tum dono ki le li toh jab wo saamne aayega toh tum dono ka kya haal hoga....



ANJALI ki baat sun BHUVIKA ek baar firse naya SPELL bolne jaa rahi thi ki itne me....



ASMODEUS-BHUVIKA,tum turant ANJALI ki aatma ko lekar yahan aao aur BEELZEBUB,jo jagah maine tumhare mastishk me bheji hai,tum ANJALI ke sharir ko lekar wahan jaao..

par usse pehle ANJALI ke sharir ki ek nakal (CLONE ) banakar ek vaahan me uski aur RONIT ke sharir ko daal do aur us vahan ko is jagah se neeche fek do....



ASMODEUS ki baat naa toh BEELZEBUB kaat sakta tha aur naahi BHUVIKA...



jahan ek taraf ANJALI ki aatma ko saath lekar BHUVIKA ASMODEUS ke paas chali gayi jahan usse ASMODEUS ne ANJALI ki aatma ko SHADOW WORLD me kaid karne ka aadesh diya...



(aapko yaad hoga doston ki BHUVIKA ek baar beech me SHADOW WORLD aayi thi aur yahan aane aur SAMAY SANCHALKON se milne ke baad wo aur BEELZEBUB ek dusri jagah ud nikle the..

wo ANJALI ke spirit se hi milne aaye the.....)



wahin BEELZEBUB ne ASMODEUS ke aadeshanusaar pahle ANJALI ke baalon se uske jaisi hi ek nakal banayi aur us nakal aur RONIT ke sharir ko ek vaahan me daal neeche dhakel diya..

uske baad BEELZEBUB ANJALI ki body ko lekar gayab ho gaya....

pura scene khatm hote hi saamne hawa me chal rahi picture gayab ho gayi....

par jaise hi wo picture gayab hui,RONIT turant mere gale lag gaya....



RONIT- yaar,tune khud itni mushkilon me ghire rehne ke baawajud meri aur ANJALI ki safety par dhyan rakh hua tha aur maine tujhe kya kya nahi kaha tha...

MAI- ab tu toh hai hi gadha..aur gadhe ki baat ka kya bura maanana....???



meri baat par sabke saath RONIT bhi has diya.....



MAI-ab toh saare sawalon ke jawab mil gaye naa....!!!!

SHAILA- ek bacha hai....

AKSHAANT- tumhare sawal kabhi khatm hue hai bhala???

SHAILA- kya kaha???

AKSHAANT- nahi kuch nahi..wo toh mai puch raha tha ki ab kaun sa mahatwapurn sawal bach gaya hai???



AKSHAANT ke hadbadahat kodekh hum sab firse has diye....



SHAILA-BEELZEBUB ANJALI ke sharir lekar kahan gaya????

RONIT- arre haan yaar...ye toh main sawal hai....ANJU ki body hai kahan???

MAI- sab pata chal jaayega,par pehle yahan se toh nikle..tu toh ANJALI se sirf dedh saal hi alag raha hai par SAMAY SANCHALAKON ko toh apne grah se najaane kitni sadiyon se door kar diya gaya hain...

ab waqt aa gaya hai ki unhe unka grah aur unka samman wapas kar diya jaaye...

meri baat par sabne sehmati dikhayi aur agle hi pal....

mai sabhi ko lekar hawa me uth chuka tha aur hum sab wapas SAMAY SANCHALOKON ke paas jaane ke liye ud chale.....



AVANTIKA-V.J....wo dekho,SAMAY SANCHALAKON ke neeche ek baar fir se aag jal uthi hai....



maine toh ye pehle hi dekh liya tha par mere saare dost jo ek dusre se baat kar rahe the,AVANTIKA ki baat sunkar un sabki nazar bhi humse thodi door aage zameen par khade SAMAY SANCHALAKON par padi aur un sabko aag ki tapan se tadapte hue dekh hum sabhi ko bohot dukh hua....



MAI-bas kuch der aur..uske baad in sabko khudko diye gaye is avishaap se mukti mil jaayegi...



yahan hum baat karte hue SAMAY SANCHALAKON ke paas pahunch chuke the wahin aag ki tapan se milte dard se tadapte hue un sabki nazar mujhpar padi toh us dard me bhi un sab ki aankhen chamak uthi...

ye pehli baar hua hoga jab itne dard me bhi SAMAY SANCHALAK khush the..aur hote bhi kyu naa,mujhe apne saamne dekh wo sab samajh gaye the ki unki taklif ke din khatm ho chuke hain....






WAHIN SHADOW WORLD KE BAAHAR......




FATHER,VIKRAM ANJALI se mil wapas SHADOWS ke paas aa chuke hain...ab wo kisi bhi waqt un sabko lekar is grah ke kaid ko todte hue baahar aa sakte hain....



ASMODEUS jo ki BEELZEBUB ke saath tab se hi SHADOW WORLD ke baahar pahunch chuka tha,jabse VIKRAM and friends is grah ke andar gaye the,usne BEELZEBUB ki baat par kuch kahe bina apne seene ke upar apna haath rakha aur aisa karte hi....

uske seene ke beeche ek tez roshni hui aur us roshni ke beech se PARIVARTAK baahar aa gaya....

PARIVARTAK ke haath me aate hi ASMODEUS ne usse apne saamne rakh diya...PARIVARTAK ko saamne rakh ASMODEUS ne uske madhya bhaag ko jisse hokar anginat rekhayen charon taraf bani hui thi,usse dabaya...

ASMODEUS ke aisa karte hi PARIVARTAK ke madhya bhaag me ek roshni ubhri aur fir wo roshni rays ke roop me un anginat rekhayon se hoti hui bramhaand ke har jeevan deyi grahon se khudko jodne lagi...

kuch hi palon me bramhaand ka har jeevendeyi grah PARIVARTAK se jud gaya tha jisse dekh ASMODEUS aur BEELZEBUB ke chehre par ek muskaan naach gayi....






BACK TO SHADOW WORLD:-



MAI- CHALEN......



SAMAY SANCHALAKON ke saamne pahunchkar jab maine ye kaha toh un sabhi ne bas mere aage haath jod diye maano keh rahe hon ki ab hume is kasht daayi shraapit jeeven se mukti dila dijiye....



MAI- bas ek kaam aur bacha hai..pehle wo kar lete hain...

RONIT- abbe ab aur kya bacha hai???

MAI-tumhari shaktiyon ko aazmane ka waqt aa chuka hai doston....



meri baat kisi ke bhi samajh me nahi aayi...par isse pehle ki koi kuch puchta...



MAI-ABRAXAS,ABBADON,LILITHA......saamne aao.....



meri baat sun wahan moujud har kisi ko shock laga tha....



wahin ABRAXAS,LILITHA aur ABBADON jo ki SAMAY SANCHALAKON ke hi bhesh me sabse peeche khade hue the,mere nmooh se apna apna naam sun unke toh jaise pran hi kooch kar gaye the...

par ab wo kar bhi kya sakte the,isiliye apne asli roop me badalkar wo dheere dheere saamne aane lage...



doston aapko yaad hoga ki jab mai SHADOW WORLD me aaya tha aus sabhi SAMAY SANCHALAK meri taraf ghume the tab mere chehre par ek muskaan aa gayi thi...

wo isiliye hi aayi thi kyunki maine SAMAY SANCHALAKON ke beech bhesh badle in teeno DEVILS ko pehchaan liya tha....

wahin apne beech 3 DEVILS ko dekh sabhi SAMAY SANCHALAK shocked ho gaye the....

aur unke jaise hi haal AVANTIKA aur mere doston ka bhi tha....



AVANTIKA- ye yahan kab aaye???

MAI- jabse ANJALI yahan hai tabse....



jis bandhan ko hum sab todkar yahan aaye the,wo in teeno ne hi banaya tha..

par uske baad ye teeno behosh ho gaye the..par kuch waqt baad jab ye teeno hosh me aaye toh ASMODEUS ne inhe yahan SHADOW WORLD me ANJALI pe nazar rakhne ka kaam soumpa..

aur tabhi se ye SHADOWS ke bhesh me yahan base hue hain....

ab tak wo teeno DEVILS hum sab ke saamne pahunch chuke the aur jab unhone mujhe apne doston se baat karte hue dekha toh unhone mujhpar waar karne ki sochi aur isiliye....

teeno ne teen agni gole meri taraf feke jo ki behad tez gati se meri taraf badh chale...

mere dost toh meri baat sunane me busy the par is waar ko SAMAY SANCHALAKON ne dekh liya...

par isse pehle ki wo mujhe sachet kar paate,wo gole mere ek dum kareeb pahunch chuke the aur isiliye.....

ek ke baad wo teeno gole mujhse takraye aur fir......



AAHHHH......

AHHHHH......

AHHHHH......



ye dard bhari karaah un teeno DEVILS ke mooh se nikli thi aur reason.....

mujhse takrate hi wo aag ke gole wapas ghum gaye aur 10 guna tezi se jaakar wapas un teeno DEVILS se takraye jisse wo teeno sambhal nahi paaye aur ek ek karaah bharte hue peeche ki taraf jaakar gire....



MAI- saara dimag khudke paas rakh sirf bewakufun ki hi toli bana rakhi hai kya mere BHAI ne....



meri baat sun wahan khada har koi has diya....



RONIT- abbe chutiyon,kya soch kar V.J par waar kiya be tum teeno ne....ab tumhare jaise bhi isse chot pahunchane lage toh fir ho gaya kalyan.....



ab tak teeno DEVILS khade ho chuke the aur apne anjaam ka soch dar ke maare kaamp rahe the...



MAI-chaahun toh ek pal me hi tum teeno ki kaali aatmaon ko tumhare sharir se alag kar us kaali duniya me bhej dun jahan dard aur taklif ke siwa kuch nahi,par mai aisa karunga nahi...



meri baat sun wo teeno DEVILS khush ho gaye par tabhi...



MAI-khush kyun ho rahe ho??maine kaha ki mai aisa nahi karunga,ye toh nahi kaha ki aisa hoga hi nahi....

tumhe mai nahi RONIT,AKHSHAANT,MOKALSAR aur SHAILA saza denge....



jahan meri baat sun wo teeno DEVILS khush ho gaye wahin ANJALI ko ho gayi tention...



DEVILS isiliye khush ho gaye kyunki unhe laga ki RONIT aur baaki teeno ko wo yunhi hara denge wahin ANJALI ko ye dar satane laga ki agar mere dost un DEVILS se lade toh anjaam wahi hoga jo uska aur RONIT ka hua tha jab wo dono BEELZEBUB aur BHUVIKA se lade the aur isiliye....



ANJALI-V.J ye kya bol raha hai...ye chaaron sirf yoddha hain,aur wo teeno kaali shaktiyon ke rakhwaale..un sabke paas kaali shaktiyon ka bhandaar hai...

kya tujhe yaad nahi ki mere aur RONIT ke saath kya hua tha???fir bhi tu inhe un teeno se ladwa raha hai...



ANJALI ki baat sun un teen DEVILS ko laga ki kahin mai apna irada badal naa dun aur isiliye....



ABBADON-hume manzoor hai..par tumhe bhi vaada karna hoga ki agar hum teeno jeete toh tum hume kuch nahi karoge....

MAI- tumhe lagta hai ki tum jeetoge..chalo,mai tumhe ek aur rihayat deta hun,agar tum teeno me se koi bhi mere doston ke saamne 2 minute se zyada tik gaya tab bhi mai tum teeno ko chhod dunga...



meri baat sun jahan wo teeno DEVILS khush ho gaye wahin ANJALI ki tention aur badh gayi....wo kuch kehti isse pehle hi AVANTIKA ne uske kandhe par haath rakha aur...



AVANTIKA- bharosa rakh...tu itna toh jaanti hai naa ki V.J kuch bhi yunhi nahi kehta...so relax....

AVANTIKA ki baat aur uske aankhon me dikh rahe bharose ko dekh ANJALI chup zaroor ho gayi par tention uske chehre par ab bhi dikh raha tha....



mere dost jo meri baat sun andar hi andar behad khush ho rahe the,wo mere aage aa gaye...

wahin un teeno DEVILS ne bhi apne apne man me awahan kar ek ek jaaduyi astra apne haathon me prakat kar liya tha....

par isse pehle ki wo teeno DEVILS un astron ka prayog karte....



SHAKTI BANDHAM

POWER CONFINEMENT



BANDHAN NITAMAYATI

CONFINEMENT SUFFOCATION




pehle SPELL AKSHAANT,SHAILA aur MOKALSAR ne kaha tha ur dusra SPELL RONIT ne...

pehle SPELL ke prabhav me aate hi un teeno DEVILS ki body akadne lagi aur kuch hi palon me wo teeno ek jagah jad hokar reh gaye the..


wo teeno hil tak nahi paa rahe the...wahin RONIT ke dwara uccharit SPELL ke pravhav me aate hi wo bandhan jisme teeno DEVILS jakad chuke the,ab aur kasne lagi aur dekhte hi dekhte wo bandhan itne kasne lage ki....




AAHHHH........

AHHHHHH..........

AHHHHHHHHH............



in dard bhari karahon ke saath saath un teeno DEVILS ke sharir se unka kaaa khun bhi nikalne laga tha..

un teeno ki aankhon me dard aur avishwas ki rekhayen saaf dekhi jaa sakti thi...waise shocked toh un teeno DEVILS se kahin zyada ANJALI thi.....

usse yakin hi nahi ho raha tha ki RONIT ne aur uske baaki ke teen doston ne un teeno DEVILS ko hara diya tha aur wo bhi itne kam waqt me...

aur is shock me aur izafa hua jab....



RONIT-PRANGHAATH

KILL



RONIT ke dwara bole gaye is SPELL ke saath hi uske haathon se teen gaadhi white rays nikli aur sidhe jaakar un teeno DEVILS se takrayi aur aisa hone ke agle hi pal.....



AAHHHHH....AHHHHHH......AHHHHH..........



ek karn bhedi cheekh ke saath un teeno DEVILS ke sharir blast ho chuke the....

mere doston ke is parakram ko dekh jahan sabhi SAMAY SANCHALAK khush ho gaye the wahin is scene ko dekh ANJALI ka shocked hona toh banta tha naa....

jahan ek DEVILS se ladhna tak mushkil hota hai,wahan RONIT ne ek hi waar me teen teen DEVILS ko khatm kar diya tha....

wo fati aankhon se RONIT aur baaki teeno ko dekh rahi thi..wo waise hi khadi rehti par tabhi uske kandho par mera hath pada jisse wo hosh me aayi...



ANJALI- ye in chaaron ne kaise kya???aur RONIT.....tune toh ek hi waar me un teeno DEVILS ko maar diya..i mean howzz this even possible....

RONIT- every thing is possible baby.....in dedh salon me hum sabke saath sirf bura hi nahi hua hai,balki kuch acha hi hua hai..


jo tune abhi dekha,wo un acchi chizon me se ek tha.....



iske baad RONIT ne hamare MIRRORS WORLD ke adventure ke baare me bataya aur saath hi YELUPTUS me kaise un sabne apni shaktiyon ko control kiya,wo kissa bhi sunaya jisse sun ANJALI ki khushi ka thikana na raha.....



ANJALI-shit yaar,maine kya kya miss kar diya..



ANJALI ne is baat ko aisi funny tone me kahi ki hum sab has diye.....



MAI-ab chalen..waise bhi kaafi waqt guzar chuka hai....



meri baat par sabhi ne sehmati jatayi....

maine apne seene par ek baar firse haath rakha aur agle hi pal mere seene se hote hue meri SWORD baahar aa gayi....

meri SWORD ko dekh SAMAY SANCHALAKON ne apna apna sir ek baar firse jhuka liya tha...



ANJALI- yahi wo SWORD hai naa jisse tune MIRRORS WORLD se haasil kiya tha...



RONIT- haan yahi hai..aur issiki madad sei V.J ne DEVILS ke bandhan ko toda tha...par V.J,iski abhi kya zaroorat....

is world ke upar jo salakhen thi,usse toh tune tod diya tha naa...

MAI-toda nahi khola tha par humare andar aate hi wo firse pehli jaisi ho gayi hongi aur ab usse kholne ka bas ek hi tarika hai aur wo ye ki mai usse tod dun....



AISA KARNE KA SOCHNA BHI MAT........



abhi koi kuch kehta usse pehle hi pure SHADOW WORLD me ye awaaz gunj gayi jisse sun sab shocked ho gaye par sabse zyada shocked mai tha aur wo isiliye kyunki mai is aawaz ke maalik ko pehchanta tha....



MAI-ASMODEUS............



jahan mere mooh se ASMODEUS sun AVANTIKA,mere dost aur SAMAY SANCHALAK shocked hue wahin........




HAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHA............




vatavaran me ASMODEUS ki hasi gunj uthi jisse sun hum sab har jagah dekhne lage par ASMODEUS kahin nazar nahi aaya..

baakiyon ko chhodo,mujhe tak wo dikha nahi.....

hum sab yahan wahan dekh hi rahe the ki tabhi....



ASMODEUS-mai wahan hun hi nahi toh dikhunga kaise???mai grah se baahar hun,bas meri awaaz is grah ke andar pahunchkar rahi hai...

waise bhi jis grah me tum sab ho,wo mera banaya gaya kaaragar hai,aur apne hi banaye kaaragar me mai kyun kaid rahun????

aur VIKRAM,tum bhi mujhe isiliye nahi dekh paa rahe ho kyunki maine is grah ko aisa banaya hai ki iske andar rehkar antariksh me nahi dekha jaa sakta.....

khair,mai kya keh raha tha???haan,VIKRAM mere BHAI,tum apni jis mahashaktishali SWORD ka istamal kar is grah roopi jail ko todne jaa rahe the,usse wapas apne andar sama lo....

kyunki agar tumne us SWORD ka prayog kiya,toh ye grah numa karagar toh zaroor tutega,par uske saath saath pura bramhaand bhi khatm ho jaayegaa......



ASMODEUS ki baat sun hum sab shocked ho gaye....



ASMODEUS-PARIVARTAK ko toh bhule nahi hoge...wahi PARIVARTAK jo un sab ki milkiyat hai jinhe is garh numa kaid se chhudaane tum yahan aaye ho...

wahi PARIVARTAK jisne tumhari aur tumhare chahne waalon ki zindagi ko pura ghuma diya tha,aur aaj fir se wahi hone waala hai....


maine ussi PARIVARTAK ki kirano se usse is grah aur is grah ke saath saath pure bramhaand ke har jeevendeyi grah se jod diya hai...

isiliye agar tumne is grah ko todne ki koshish ki,toh iske saath saath isse juda hua har grah nasht ho jaayega.....



ASMODEUS ki baat sun hum sabka dimag chakra gaya tha....

yahi haal SAMAY SANCHALAKON ka bhi tha....wo sab jaante the ki ASMODEUS ne jo bhi kaha hai,wo shat pratishat sach hai...

agar maine is grah numa karaagar ko toda,toh iske saath saath bramhaand ka har jeevendeyi grah khatm ho jaayega aur saath hi khatm ho jaayega un grahon me basne waala jeeven.....

mujhe dekh jo nayi ummid SAMAY SANCHALAKON ke man me jagi thi,wo firse dhumil hone lagi thi......



AVANTIKA- ab kya karenge V.J????is kaid se baahar kaise niklenge????

MAI- pata nahi AVANTIKA???aisa kuch bhi ho jayega,ye maine socha nahi tha....



HAHAHAHAHAHAHAHAHAHAHAHAHAHA.....



jaisi hi meri baat khatm huyi,ek baar firse har taraf ASMODEUS ki hasi gunj uthi....



ASMODEUS- VIKRAM....LORF OF ANGELS............kitne afsos ki baat hai ki itni shaktiyan itni durdarshita hone ke baawjud tum ek hi daav ko do do baar nahi samajh paaye...

issi daav se maine tumhe COURIOUS me bhi haraya tha aur aaj fir tum issi daav se haar gaye ho......



HAAR AUR JEET KA FAISLA TUMNE ITNI JALDI KAISE KAR LIYA.....?????



apni baat keh ASMODEUS ek baar firse hasne waala tha ki tabhi ek baar firse har taraf ek awaaz gunj uthi jisse sunkar ASMODEUS aur BEELZEBUB shocked ho gaye..

waise shocked toh mai,AVANTIKA,mere dost aur SAMAY SANCHALAK bhi hue the...

REASON.....jo awaaz abhi abhi gunji wo aur kisi ki nahi balki MERI thi......



AVANTIKA-V.J,ye toh tumhari awaaz hai naa???par ye toh is planet ke baahar se aa rahi hai???

RONIT- bhai ab ye kya maayajaal hai????

MAI- yaar mujhe khud nahi maalum ki kya ho raha hai???



yahan neeche sabhi shocked haalat me the aur wahin baahar ASMODEUS aur BEELZEBIUB ki bhi same condition thi...

sab apne apne soch me goom the ki tabhi.....

ASMODEUS se kuch door uske saamne ek dhuan uthne laga aur jaise jaise us dhuen ne roop lena shuru kiya,ASMODEUS aur BEELZEBUB ki aankhen badi hone lagi...

par iske saath saath ek aur cheez bhi hui thi....aur ye chiz SHADOW WORLD ke andar hui thi...aur wo ye thi ki jaise hi ASMODEUS ke saamne uthe dhuen ne roop lena shuru kiya,thik ussi waqt....



AVANTIKA-V.JJJJJ..........



AVANTIKA ki cheekh sun sabka dhyan uski taraf gaya aur wahan jo ho raha tha wo dekh,sabhi ki aakhen badi ho gayi....



toh hua ye ki jaise jaise ASMODEUS ke saamne uthe dhuen ne roop lena shuru kiya waise waise mera roop dhuen me badalne laga....

aur jaise hi ASMODEUS ke saamne uthte dhuen ka roop pura hua,mai dhuen me badal gayab ho chuka tha...

ye sab hota dekh AVANTIKA,SAMAY SANCHALAK aur mere dost hadh se zyada shocked ho gaye....

wahin SHADOW WORLD ke baahar jaise hi us dhuen ne pura roop liya,toh ASMODEUS aur BEELZEBUB ki bhi aankhen badi ho gayi..aur ussi shock me ASMODEUS ke mooh se nikla...



ASMODEUS-VIKRAM......TUM?????

ASMDODEUS ki baat sun mai muskura diya........



MAI-tumhe yun hairan pareshan dekh acha laga....



meri baat sunne ke baad bhi ASMODEUS ne kuch nahi kaha..wo bas mujhe dekhe hi jaa raha tha....uski aankhon me jigyasa saaf dikh rahi thi aur isiliye.....



MAI-tumne tumhara purana daav ek baar firse mujhpar chalane ki sochi toh maine bhi tumhara hi daav tum par aazmaane ki sochi...

nahi samjhe....tumhara wahi daav jisse istemaal kar tumne mujhe ISLA me haraya tha...



BHRAM MAAYA.....ek adbhudh maaya....ek aisa SPELL jisse khudke ek aise CLONE ko banaya jaata hai jisse khud bhi nahi pata hota ki wo ek CLONE hai...
(UPDATE-89)



us CLONE ke andar apne asli roop ke saare talent,saari yaadein,matlab sab kuch hota hai.....

ek aisa SPELL jiske baare me is bramhaand me sirf tum jaante the...



the,ho nahi....tumhare saath saath ab mai bhi iske baare me naa sirf jaanta hun,balki tum dekh hi chuke ho ki is SPELL ka safalta purvak istemaal bhi kar sakta hun....

par BHAI hun tumhara,wo bhi chota..aur chote bhai ka toh bade bhai ki cheezon par hak hota hi hai..kyun????



ASMODEUS jiski aankhon me ab bhi hairat tair rahi thi,meri baat khatm hote hi...



ASMODEUS- kaise?????



ASMODEUS ke sawal par mai firse muskura diya...



MAI-iska shray bhi tumhe hi jaata hai...jis khoon ki madad se tumne mujhse mere astitv ko cheena tha,theek hone ke baad maine bhi usse upyog me liya...

Maine tumhare khoon ke ek boond ko apne andar hi rehna diya aur usse lekar ek aisi jagah gaya ( TWISTED DIMENSION )jahan bina dar ke us khoon me chupi tumhari shakti ko baahar nikalkar usse jaanch sakun...

(yahi wo dusra reason tha doston jiski wajah se VIKRAM aur AVANTIKA TWISTED DIMENSION gaye the )



waise toh us jaanch ka mukhya uddeshya ANJALI ke baare me pata lagana tha par usse pehle mere haath tumhari ye chamatkarik shakti lag gayi....

aur thik tabhi mere dimag me ek yojna ubhri..maine socha ki tumhari hi tarah kyun naa har cheez parde ke piche se dekh kar uska aakalan kiya jaaye....

issi soch ke saath maine apni yojna ko ya fir ye kahun ki khudko ek naya roop diya...



BHRAM MAAYA ka istamal kar maine apni ek nakal banayi...



jo VIKRAM MONSLICKEL gaya tha,aur jisse gale lagakar tumne uske andar SHADOW WORLD ki jhalkiyan daali thu,wo nakli tha..

par kyunki BHRAM MAAYA ki wajah se mere nakal tak ko ye maalum nahi tha ki wo asli nahi hai,toh tumhe kahan se pata chalta....???

par in sab ko dekh kar mai samajh gaya tha ki tum kisi naye firak me ho .fir maine socha ki jab mere BHAI ne itni mehnat ki hai toh kyun naa usse uske saare prapanchon ko pura kar lene dun,uske baad uske saamne aaun....!!!!

aur lo,tumhare shadyantra ke pura hota hi mai tumhare saamne hun.....



meri saari baat aur planning sun ASMODEUS ko zara sa bhi ghussa nahi aaya ulta uske aankhon me prashansha ke bhaav aa gaye the...

shayad yahi wajah thi ki ASMODEUS jo tha wo tha....usse samajhna is bramhaand ki sabse badi paheli thi....



wahin meri kahi har baat sirf ASMODEUS aur BEELZEBUB hi nahi sun rahe the,balki SHADOW WORLD me khade AVANTIKA,SAMAY SANCHALAK aur mere saare dost bhi sun rahe the....

aur wo sab bhi meri baat aur planning sun khushi se jhum uthe the...SAMAY SANCHALAKON ki jo ummid tootne lagi thi,wo firse jaag chuki thi....

wo unhe koi dar nahi tha..wo jaante the ki unka vanvaas khatm ho chuka hai...



ASMODEUS- jaise har galti ki saza hoti hai,waise hi har jeet ka inaam bhi milta hai...



aaj tum jeete ho,isiliye inaam toh banta hai....ye bol ASMODEUS ne PARIVARTAK mere saamne kar diya...

maine bhi muskurate hue PARIVARTAKko uske haathon se le liya...

mai jaanta tha ki ASMODEUS ne us chiz ko jisse paane ke liye usne kitni mehnat ki thi,mujhe yunhi kyun soumpa tha...!!!

ASMODEUS ko pata tha ki ab uske paas PARIVARTAK ke rehne ka koi matlab nahi hone waala..kyunki ab wo SAMAY SANCHALAKON ko kaid me nahi rakh sakta...

aur ek baar SAMAY SANCHALAK azaad hokar apne grah lout gaye,toh PARIVARTAK bhi apne aap hi unke paas chala jaayega..

aur isiliye hi ASMODEUS ne mujhe pehle se PARIVARTAK thama diya tha...

PARIVARTAK dene ke baad ASMODEUS ne mujhe ek pal ke liye dekha,aur fir BEELZEBUB ko lekar gaayab ho gaya....

ek lambi saans chhodte hue maine PARIVARTAK ke beech ke bhaag ko ek baar firse dabaya...

aisa karte hi jo rays usse nikalkar dusre sabhi grahon se jude hue the,wo wapas PARIVARTAK ke andar sama gaye....

is kaam ko khatm kar maine ek baar firse apne haath aage kiya aur agle hi pal mere haath ke upar CURIOUS TREE ke branches ka powder aa chuka tha...

powder ke haath me aate hi maine ek fook maari jisse ek baar firse us powder ne pure SHADOW WORLD ko ghera aur uske salakhon ko chhute hi wo jaaduyi salakhen gaayab ho gayi...

aur agle hi pal...



SHADOW WORLD me jitne bhi log the,wo hawa me uthne lage ya fir ye kahun ki maine un sabko hawa me utha liya tha...

hawa me tezi se upar uthte hue wo sab kuch hi lamho me SHADOW WORLD ke baahar nikal chuke the aur dekhte hi dekhte wo sab mere saamne aakar ruke...

mere paas aate hi AVANTIKA ne jhat se mujhe gale laga liya....



AVANTIKA ke baad mai baaki sabse gale mila..SAMAY SANCHALAKON ne apne apne sir jhukaakar mujhe thanks kaha....



RONIT- yahan ka saara kaam khatm hua..ab chalen...???!!!!!

MAI- ek kaam baaki hai...



apni baat keh maine apne SWORD ka awahan kiya..aur jaise hi meri SWORD mere haath me aayi,toh maine apni SWORD ko SHADOW WORLD ki taraf fekh diya aur agle hi pal....

meri SWORD tezi se aage badhi aur dekhte hi dekhte usne SHADOW WORLD ko beech se aise kaat diya maano wo koi planet naa hokar cake ho....

do faal me baththe hi SHADOW WORLD ke dono hisso me dhamake hue aur agle hi pal SHADOW WORLD ka pura astitv hi khatm ho chuka tha....

apna kaam khatm kar meri SWORD wapas mere andar sama gayi....



MAI- ab yahan ka kaam khatm hua....



meri baat par koi pratikriya deta,usse pehle hi mere body se ek roshni nikal sab par padi aur agle hi pal hum sab gayab ho chuke the.....







PLANET-YELEPTUS





PLACE-STORMY DESERT





LIJIYE,AAP APNE GHAR PAHUNCH GAYE....



YELEPTUS me prakat hote hi maine SAMAY SANCHALAKON se ye baat kahi jisse sun wo sab khush bhi hue aur dukhi bhi...



khush apne grah me wapas aakar aur dukhi yahan ke haalat ke dekhkar...jo pehle ek sundar sa grah tha wo ab puri tarah se banzar ho chuka tha....

maine un sabki bhaavnaao se achi tarah waakif tha isiliye.....



MAI- udaas mat rahiye..sab pehle jaisa ho jaayega..par pehle aap sab apne apne sharir me wapas loutiye...



ANJU.....TERI BODY BHI YAHIN DAFAN HAI.........



meri baat sun ANJALI aur mere saare dost shocked ho gaye...wahin AVANTIKA normal hi rahi...



reason..aapko yaad hoga doston ki ISLA me baithkar baat karte waqt maine AVANTIKA se kuch kaha tha jisse sun wo shocked ho gayi thi...

wo yahi baat thi......



RONIT- kya bol raha hai yaar??ANJU ki body yahan hai???

MAI- haan..SAMAY SANCHALAKON ki body se nikalne waali WHITE ENERGY ki wajah se AVANTIKA ki body bhi pehle jaisi hi hai....

ASMODEUS jaanta tha ki yahi ek jagah hai jahan ANJALI ki body ko rakhne se uski aatma SHADOW WORLD me kaid rahegi...

kyunki aur koi bhi jagah par kisi bhi energy ki force ke hone ke baawajud ANJALI ki aatma uski body tak pahunch sakti hai par is is jagah par nahi...

kyunki ek yahi jagah aisi hai jo do hisso me bati hui hai...ek hissa toh yahi hai aur dusra SAMAY SANCHALAKON ki aatma ki wajah se SHADOW WORLD ban chuka tha...

aur MONSLICKEL chhodkar SHADOW WORLD hi hai jo khud ASMODEUS ne banaya hai...

MONSLICKEL me wo ANJALI ki paak saaf rooh ko rakh nahi sakta isiliye usne SHADOW WORLD ko is kaam ke liye chuna...

aur wo aatma shaant rahe isiliye ANJALI ki body ko usne yahan dafan kiya tha....

RONIT-bhai ab kya bolun???tu aur tera wo ajeebo garib bhai kya kya karte rehte ho,ye tum dono hi jaano...mujhe toh bas itna bata ki ab kya karen???

MAI- tujhe kuch nahi karna hai....jo karna hai kaine already kar diya hai...

RONIT- matlab???



maine kuch kaha nahi bas chup chaap khada raha aur isse pehle ki koi kuch kehta,zamin hilne lagi aur dekhte hi dekhte SAMAY SANCHALAKON ki bodies zameen se baahar aane lagi.....

maine apne doston ko ek taraf ishara kiya..aur jab mere ishare kiye hue jagah par mere doston ki aur khaaskar ke ANJALI aur RONIT ki nazar gayi toh wo khushi se ucchal pade...



reason......SAMAY SANCHALAKON ki bodies ke beech ek body hamari ANJALI ki bhi thi...

naahi SAMAY SANCHALAKON ki bodies me koi badlaav aaya tha aur naahi ANJALI ke body par..unhe dekhkar aisa lag raha tha maano wo sab bas soye hue hain....



reason....un sab bodies ke upar WHITE ENERGY ki ek chaadar si bichi hui thi jiski wajah se wo sab ab bhi pure fresh lag rahe the....



apni apni body ko dekh saare SAMAY SANCHALAK khushi khushi uski taraf badh gaye...

maine ANJALI ko bhi apni body ke paas jaane ko kaha..

RONIT ke saath saath wo bhi apni body ke paas chali gayi aur agle hi pal.....

saari aatmayen including ANJALI apne apne sharir me enter kar gayi aur aisa hote hi...

saari bodies ko ek jhatka sa laga aur agle hi pal un sabki aankhen khul gayi aur sab ek jhatke me uth kar khade ho chuke...

hosh me aate hi sabhi SANCHALAK aur ANJALI apni apni body ko chu chu kar khudko yakin dilane lage ki wo sab thik ho gaye hain...

RONIT ki aankhen ek baar firse bheeg gayi thi...wo ek tak ANJALI ke khubsoorat chehre ko dekhe jaa raha tha...

khudko kuch der tak feel karne ke baad jab ANJALI ki nazar RONIT ke chehre par padi toh wo jhat se aage badhi aur uske gale lag gayi.....

wahin theek hone ke baad sabhi SAMAY SANCHALAK mere aage haath jodkar khade ho gaye...



MAI- maine pehle bhi kaha tha ki ye sab karne ki koi zaroorat nahi....aur haan,ye rakhiye...



ye bol maine apna haath aage kiya jispar is waqt un sab ki dharohar PARIVARTAK rakha hua tha..

sadiyon baad apni chez ko dekh sabhi SANCHALAK bohot khush ho gaye....

mere haath se apni chez lekar wo ek baar firse mujhe dhanyawaad karne lage...

maine muskurate hue apna haath har taraf ghumaya aur agle hi pal pure YELEPTUS ka nazara badalne laga...

pura grah jo banzar ho chuka tha,wo ek baar firse pehle ki hi tarah khubsoorat ho chuka tha.....mausam ke tapan kam ho chuki thi aur uski jagah halki halki thand ne le li thi....

ye sab dekh wo saare aur khush ho gaye...

yahan itna kuch ho chuka tha aur wahan hamare RONIT bhaisahab aur ANJALI madam ek dusre me hi lage hue the aur isiliye....



MAI-ab bas bhi karo yaar.....



maine ye baat thoda zor se kahi thi jisse sun ANJALI aur RONIT hadbadate hue alaga hue jise dekh hum sab has diye...



RONIT- kya hai be...thik se gale toh lagne de...

MAI-apni bakwas band kar..ek aakhri kaam baaki hai,pehle wo kar len....

RONIT- saale tere kaam kabhi khatm honge bhi ya nahi...????

MAI- kaam zaroor hai par mera nahi,ANJALI ka...



meri baat sun ANJALI aur RONIT chownke...



DONO- matlab???

MAI- matlab jaanane se pehle do adhuri baat puri kar lete hain...



pehli.....yaad hai kuch der pehle SHADOW WORLD me tune mujhe i mean meri nakal ko bataya tha ki tune ek baar firse RONIT se judne ki koshish ki thi par firse fail ho gayi thi..

jispar mere nakal ne tujhe bataya tha ki tu fail toh hui thi par puri tarah nahi...

ANJALI- arre haan,ye mai kaise bhul gayi???uska matlab kya tha??

MAI- uska matlab ye tha ki dusri baar try karne par teri aantarik shakti toh RONIT tak nahi pahunch paayi par us shakti ki wajah se tere dimag ka ek hissa RONIT ke dimag me zaroor fit ho gaya tha....

RONIT,MIRRORS WORLD me tu baaki teeno se dimag ke maamle me isiiliye aage tha kyunki tere dimag me teri soch ke saath saath ANJALI ki soch aur dimag bhi juda hua tha...

tu ek hokar bhi do tha aur isiliye tu kisi bhi chunouti ko in teeno se behtar samajh paa raha tha....



mere is khulase se RONIT,ANJALI,MOKALSAR,AKSHAANT aur SHAILA bhi shocked ho gaye the....



MAI- zyada shocked mat ho..abhi ek aur jhatka lagna baaki hai...

SHAILA- ab aur kya baaki reh gaya...???

MAI-dusri adhuri baat....RONIT yaad hai jab tum sabki shaktiyan tum sabke control me aa chuki thi,us waqt bas tujhe hi thoda bhaari bhaari lag raha tha...

RONIT- haan par tune kaha tha ki kuch der me thik ho jaayega...

MAI- toh kya thik hua???

RONIT- nahi.ab bhi mujhe bhaari bhaari lag raha hai....

MAI-WO ISILIYE KYUNKI TERE ANDAR EXTRA SHAKTIYAN HAIN,AUR WO EXTRA SHAKTIYAN ANJALI KI HAI.......



ab ye ek naya aur bohot bada bomb tha jo mere doston aur khaas karke RONIT aur ANJALI ke upar gira tha..wo mooh faade meri taraf dekhne lage...



MAI- ghuro mat.sab batata hun...darasal baat ye hai ki MIRRORS WORLD ki chunoutiyon ke douran bhale tu ye nahi jaanta tha ki tere har jawab aur pratispradha me tere saath saath ANJALI ka dimag juda hua hai,par THE THREE MIRRORS ye baat ache se jaante the...

aur isiliye jab tum sab ne apni saari chunoutiyan safaltapurvak puri ki,toh tumhare saath saath ANJALI bhi MIRORS WORLD ki chunoutiyon ki vijeta ban gayi thi...

aur jab MIIRORS ne tum sabko shaktiyan din,toh RONIT tere andar MIRRORS ne ANJALI ke hisse ki shaktiyan bhi de din...

par kyunki tum sabhi ki shaktiyan us waqt unstable thi aur maine un shaktiyon ko baandh diya tha,isiliye tujhe koi fark nahi pada par jaise hi tune apni shaktiyon ko control kiya,to ANJALI ki shaktiyan bhi tere control me aa gayi par kyunki ye teri nahi hain,isiliye tujhe apne andar extra bhaar lag raha hai.....



meri dono adhuri baat puri ho chuki thi par mere doston ke mooh aur zyada khul chuke the....



MAI- mooh band karo be..



meri baat sun un sabne hadbadate hue apne apne mooh band kar liye...



MAI- ab suno wo kaam jo bacha hua hai...

MAI-ANJU,RONIT ke andar jo extra shaktiyan hain wo teri hai aur mai unhe RONIT se nikalkar tujhe de dunga par....

in chaaron ki hi tarah tujhe khudhi un shaktiyon ko control karna sikhna hoga...theek hai....

ANJALI ne kuch kaha nahi bas wo doudkar aayi aur aakar mere gale lag gayi....



ANJALI dheere se-tu bhale hi mat bata par mai jaanti hun ki RONIT ke paas jo mere dimag ka ansh chhuta tha,uske piche bhi tera haath hai..

tu jaanta tha ki ek din aisa aayega jab ye sab apni shaktiyan badhane ke liye MIRRORS WORLD jaayenge aur tu chahta tha ki inke saath saath mujhe bhi wo shakytiyan mile....

MAI- dekha,isiliye hi maine tere dimag ka hissa is duffer ke andar chhoda tha...tere bina ye sab jeet nahi paate.....

RONIT-ye kya khusur fusur kar rahe ho tum dono...

MAI- ANJU propose kar rahi hai mujhe..bol rahi hai ki tu mera b.f banja...

RONIT-saale kamine,abhi abhi G.F mili hai aur tu usse mujhse chinane me lag gaya...

MAI-jo apna ho,usse kya chhinana....!!!

RONIT- bhaag be....

MAI- bhaagunga,par ANJU ko saath lekar...



RONIT- bas kar mere baap..mai haar gaya...

RONIT ne haath jod ye baat kahi thi jisse dekh hum sab has diye....

MAI-toh ANJU...tu ready hai apni shaktiyon ko control karna sikhne ke liye...



ANJALI ne haan me apni gardan hilayi....

MAI- kya mai is kaam ko yahan kar sakta hun??



maine SAMAY SANCHALAKON se nivedaan kiya jisse un wo sab ek baar firse apne apne haath jod khade ho gaye....



1st SANCHALAK-aisa bol hume lajjit naa karen LORD...ye pura grah aapka hai..aapka jo dil chaahe wo kijiye....



unki baat sun mai muskuraya aur agle hi pal........

mera haath aage ho chuka tha jisse ek white ray nikal RONIT par padi aur tabhi....

RONIT ke body ke andar jo ANJALI ki shaktiyan thi,wo baahar aa gayi aur agle hi pal wo shaktiyan ANJALI ke andar sama chuki thi.....






PLANET- MONSLICKEL





PLACE-ASMODEUS PLANET





JO KAHA HAI,WO THIK SE SAMAJH AAYA.....



ASMODEUS ki baat par BEELZEBUB ne haan me apna sir hilaya...



ASMODEUS- jaa sakte ho....



ASMODEUS ke bolne ke agle hi pal BEELZEBUB ne apna sir jhukaya aur gaayab ho gaya....

BEELZEBUB ke gaayab hote hi ASMODEUS dhyan aasan me baith gaya...

dhyan me baith jaise hi ASMODEUS ki aankhen band hui,toh uske seene ke beech roshni dikhne lagi aur us roshni ke beech se DO RAYS BAAHAR aaye.....

baahar aate hi wo RAYS ek taraf badh gaye..

wahin gayab hokar BEELZEBUB bramhaand ke ek dusre kone me pahuncha aur agle hi pal thik ASMODEUS ki hi tarah uske andar se bhi ek ray nikli jisse lekar BEELZEBUB aage badh gaya....

ASMODEUS ki ray aage badhte hue apni manzil par pahunchi aur gayab ho gayi.......

thik tabhi BEELZEBUB ne bhi apni ray ko uski manzil tak pahuncha diya jahan pahunch wo ray bhi gayab ho gayi.....




ASMODEUS-ANTIM PADHAAV AARAMBH HUA............







AAJ KE LIYE ITNA HI........






AAPKA APNA V....J.........

 

[vj4u]

APPROX 7200 WORDS...ENJOY GUYZZZ