Fantasy ATTITUDE.....( MAGIC + ROMANCE )(Completed)

[Loveyou143]

Super, mindblowing, Jhakas update.
Is update ka sabse best part tha Asmusdas ka uske bete ko samjhana kaise "Karm" sabese bada dharm hai.


Nice nerrating.
Waiting for next big update...

 

[Raguhalkal]

Apka jitni tareef karu kam hi lagta hai muje per kya karu dil hai ki manta nahi pls bhai kabhi hamara sath nahi chorna

 

[luv4sale696969]

Thanks brother and go ahead brother....

Thanks for permission bro... I sent your description about Dharma to my family members through WhatsApp...

 

[vj4u]

Thanks for permission bro... I sent your description about Dharma to my family members through WhatsApp...

Hope they like it...positive or negative,let me know what they felt...

 

[Rahat200]

Kis chiz ka..???update toh de diya h

Next update ka bhai

 

[vj4u]

Next update ka bhai

Kal hi maine update diya aur aapne kal hi waiting likh diya..

 

[Akil]

Waiting for next update

 

[Abc123]

AB TAK AAPNE PADHA KI VIKRAM AND FRIENDS KA MIRRORS WORLD ADVENTURE SAFALTA PURV KHATM HOTA HAI
AG AAGE:-










FINAL CHAPTER






(ANGELS SACRIFICE & DEVILS DEMOLITION)







UPDATE-109









PLANET-EARTH








PLACE-MINAKSHI MANSION










KYA BAAT HAI???AAJ BOHOT DINO BAAD APNI MAA KI YAAD AAYI.......

par maine MOM ki baat sun kar bhi kuch nahi kaha bas unki godh me sir rakh leta raha....


subah ka waqt hai....MIRRORS WORLD ke adventure ko pura kar hum sab kal raat hi wapas loute the....

SHAILA MOKALSAR aur AKSHAANT ko maine sidhe VRIHAKH bhej diya tha...

wahin RONIT aur AVANTIKA ko maine aaj subah mere ghar me milne ka bol unke unke room me teleport kar diya tha....

subah normal time par dhyan me kuch der baithne ke baad mai jab niche aaya toh mom ko sofe pe baith newspaper padhte dekha....

mom ko saamne dekh dil kiya ki unki godh me letun toh mai leth gaya.....

aaj najaane kitne dino ke baad mai apni mom ki godh me yun sir rakh kar leta tha....mai is waqt ko pure dil se mehsoos karna chahta tha....isiliye mom ki baat ka maine koi jawab nahi diya....

par meri chuppi se mom ko laga jaise mujhe koi tention hai aur is soch ke ubharte hi wo ghabra gayi....


MOM-kya hua baccha...koi tention hai kya???


MOM ne mere maathe par haath ferte hue apni baat kahi.....

MOM ki awaaz me ek fikr thi jisse mehsoos karte hi meri aankhen khul gayi....

maine mom ke chehre ko dekha..is waqt unke maathe par chinta ki rekhayen ubhri hui thi...

mai jaanta tha ki is chinta ki asli wajah sirf meri chuppi nahi hai....iski fikr ki asli wajah mera kuch mahine pehle ghar chhodkar jaana tha....

jab se mai louta hun,mom ko hamesha andar hi andar ye dar satate rehta hai ki mai kahin waisa hi koi kadam fir se na utha lun.....aur isiliye......


MAI-koi tention nahi hai mom...bas aaj dil kiya aapke godh me sir rakhne ka toh rakh liya....


meri baat sun mom ke chehre par smile aa gayi aur wo mere baalon par apne haath ferne lagi jisse meri aakhen firse band ho gayi....

LORD OF ANGELS.....meri pehchaan....wo pehchaan jiske chaaw tale har koi surakshit mehsoos karta hai.....

mom ki godh me is waqt mujhe bhi wahi surakhsa wahi safety mehsoos ho rahi thi....


KYA BAAT HAI???AAJ MERE BACCHE NE MERI HI JAGAH LE LI......

awaaz sun maine muskurate hue apni aakhen khol di....ye awaaz mere dad ki thi jo apna gym finish kar hamare paas hi aa rahe the....


MOM- aapki jagah???ye jagah aapki sirf tab tak thi jab tak mera baccha paida nahi hua tha....samjhe....

DAD- arre aise kaise???registry hamari aur jagah hamare bete ki.....!!!!!

MAI-dad,mom ki godh aur aapka kandha,in dono par hi sirf mera hak hai....toh is par no behes.....



meri baat sun dad aur mom dono has diye....


MOM-yaad hai bachpan me VICKY ya toh aapke kandhe par chadha rehta tha ya fir meri godh me leta....

kisi kaam ki wajah se mai isse apni godh me naa uthaun ya fir aap isse apne kandhe par naa uthayen toh iska mooh ful jaata tha....

DAD- bilkul yaad hai..aur sach kahun toh jab tak ye mere kandhe par nahi chadhta tha,mujhe bhi sukun nahi milta tha...

din bhar mai site par kaam dekhta tha...ghar aate aate kaafi thakan mehsoos hone lagti thi par jab tak VICKY mere baalon ko kheenchte hue mere kandhe par nahi chadhta tha,mujhe sukoon nahi milta tha....

dad ki baat sun mom muskura di par tabhi...


DAD-beta,mom ki godh me toh tu let liya...ab ek baar apne baap ke kandhe par bhi chadh jaa....mai wahi purana sukoon ek baar firse mehsoos karna chahta hun....

dad ki baat sun mom zor se has padi...


MOM- kaisi behki behki baatein kar rahe hain aap...aapka beta ab koi chota bacha nahi raha..kadh me aapse bhi lamba ho gaya hai....

isse kandhe par uthayenge aap????


DAD-haan toh kya hua????jitna bada bhi ho jaaye,rahega toh mera beta hi....haan thoda zyada bhaari ho gaya hai,par mai manage kar lunga....

MOM- thoda bhaari...apna pura vazan agar isne aap ke upar daal diya naa toh aapke kamar ki halat kharab ho jaayegi...

DAD- aisa kuch nahi hoga..aaj beta,chadh jaa mer kandhe par..


ye bol dad sach me sofe ke neeche baith gaye taaki mai unke kandhe par baith sakun...



MOM- arre ye kya zidh lekar baith gaye aap...aap VICKY ko nahi utha paayenge ulta aapki kamar me moch aa jaayegi....

MAI- relax mom..kuch nahi hoga.......



ye bol mai uth kar baith gaya....isse pehle ki mom kuch kehti,maine apni baat kahi...aur turant mai dad ke peeth par dono pir aage rakh baith gaya aur agle hi pal......

mom ko ek jhatka laga..jhatka sirf mom ko hi nahi khud dad ko bhi laga tha



aur reason....mere peeth par baithathe hi dad ek jhatke me khade ho gaye...

mai peeth par baitha hun ye dhyan me rakhkar dad apne pairon par pressure dekar khade hue the taaki mera bhaar sambhal sake par jhatka unhe tab laga jab unhe mere bhaar bas halka sa hi feel hua tha...

wo bade araam se mujhe apne peeth par bithaye khade ho gaye aur unhe aisa karta dekh mom bhi surprised ho gayi....



MOM-ye aapne kaise kiya???aap itni asaani se VICKY ko liye kaise khade ho gaye???

DAD- mujhe toh VICKY ka bhaar hi thik se pata nahi chal raha...aisa lag raha hai jaise maine apne ussi bachpan waale bacche ko uthaya hai...

MAI- aapke liye toh mai aapka bacha hi hun naa dad..ab ye sab chhodiye aur mujhe baahar lawn me waise hi ghumayiye jaise bachpan me ghumaya karte the....



MOM- arre beta kandhe par uthana alag baat hai aur
uthakar ghumana alag....

DAD- arre kuch nahi hota....maine kaha nahi ki mujhe VICKY ka wazan pata hi nahi chal raha hai....



ye bol DAD aage badh gaye....ghar ke saare servents including MARTHA aunty bhi dad ko mujhe yun lift karte dekh khush bhi the aur shocked bhi....

jahan ek taraf mujhe yun kandhe par uthakar dad bohot khush the wahin mom ghabrayi hui si dad ke piche ho li...

dad mujhe uthaye bahar lawn me pahunch gaye jahan par is waqt DADAJI baithe hue the...

wo bhi dad ke upar mujhe yun baithe dekh shocked ho gaye.....



DADAJI- arre ye kya ho raha hai....????

MOM- dekhiya naa papa,inhone zidh ki ki apne bete ko bachpan ki tarah ek baar firse apne kandhe par baithakar ghumayenge aur ye VICKY bhi bina kuch soche chadh gaya apne dad ke peeth par...

mai kabse in dono ko mana kar rahi hun par ye baap bete maan hi nahi rahe....

mom ko laga ki dadaji unki baat sun mujhe aur dad ko daatenge par.....



DADAJI-kuch nahi hota beta...apne bete ko apne kandhe par uthane ka maza tu nahi samjhegi.....

par maanana padega beta...tune VICKY ko aise hi apne kandhon par utha liya aur ab usse uthaye uthaye ghum bhi raha hai....

DADAJI ki baat par dad aur unke saath mai bhi muskura diya par hum dono ke muskurahat ki wajah alag alag thi....

jahan dad mujhe aaram se utha paane ki khushi me muskura rahe the wahin mai isiliye kyunki dad ke mujhe yun aaram se uthane ki wajah sirf mai jaanta tha...

mera wazan maine hi kam kiya tha taaki dad ko taklif naa ho.....

dad mujhe uthaye aage badhne hi waale the ki....



PAPA MAI BHI......MUJHE BHI GODI LO......



ye awaaz AASHI ki thi jo hamare piche se aayi thi....

wo daudti hui humare paas aa rahi thi...aur isse pehle ki mom kuch kehti,AASHI halki si uchli aur dad ne usse bhi apne dono haathon se pakadte hue godh me le liya...

waise toh AASHI ka wazan kuch zyada nahi tha par maine uska wazan bhi kuch kam kar diya tha....

jahan AASHI ko dad ke godh me dekh mom ne apna maatha peet liya wahin DADAJI has diye...

AASHI ko godh aur mujhe peeth par liye dad ne pool ka ek chakkar lagaya..ab mom bhi dad ke piche naa aakar DADAJI ke paas hi khadi ho gayi...

wo bhi haste hue dad ke ya fir ye kahun ki hum teeno ke bachpane ko dekh rahi thi....

pool ke do chakkar kaatne ke baad mai aur AASHI dad ke peeth aur godh se utar gaye......



iske baad kuch khaas nahi hua...mai AASHI ke saath khelne laga aur DAD mom aur DADAJI ke saath baahar lawn me hi baith gaye....

kuch der baad mai apne room fresh hone gaya aur bath lekar niche aaya..

Maine apna breakfast khatm hi kiya hi tha ki itne me RONIT pahunch gaya....

RONIT ke pahunchne ke 10 minute baad mujhe pata chal gaya ki AVANTIKA bhi 2 minute baad pahunchne waali hai isiliye mom ko batakar mai RONIT ko lekar baahar aa gaya....

hum dono gate se nikal ghar ke baahar khade hi hue the ki itne me AVANTIKA ki car humare saamne aakar rooki.....



AVANTIKA-tum dono baahar....!!!!

RONIT-bhool gayi kya ki aapke hone waale pati parmeshwar antaryaami hain....unhe pehle hi pata chal gaya tha ki unki dile gulzar pahunchne waali hai toh isne apne saath saath mujhe bhi chowkidaar ki duty dekar yahan khada kar diya....

MAI- shukr mana ki issi bahane tujhe job toh mili..warna din bhar toh tune vella hi ghumna hai.....

RONIT- haan,tu bada collector lag gaya kyun????

MAI- lag jaata par usse pehle hi tu mil gaya aur mera shani bhaari ho gaya....

AVANTIKA- tum dono thakte nahi ho kya din bhar ladte ladte...

MAI- ab aap apne hisse ka pyar hume deti nahi toh uska kuch toh side effect hoga naa...



meri baat sun jahan AVANTIKA sharma gayi wahin RONIT zor se has diya....



RONIT- bhai,tum dono ke romance karne ke liye puri zindagi padi hui hai...filhal mujhpar bhi dhyan do...

yaar V.J jab se ye shakiyan mujhe mili hain,mai inhe mehsoos karne ke liye tadap raha hun..

kal raat bohot baar try bhi kiya ki in shaktiyon ko ujagar kar inhe feel karun par kar nahi paaya...



MAI- jaanta hun..aur un teeno ne bhi kal yahi koshish ki hai aur isiliye hi maine teri aur un teeno ki shaktiyon ko bhi baandh diya tha..

mujhe pata tha ki tum sab
apna apna sadha hua dimag zaroor lagaoge.....jaanta hai agar kal maine tum chaaron ki shakti nahi baandhi hoti toh kya hota???

kyunki tujhe milne waali shakiyan abhi tere bas me nahi hain isiliye tere unhe yaad kar ujagar karte hi wo shaktiyan disbalance ho jati...

jisse tu unhe sambhal nahi paata aur is wajah se teri shaktiyan tujhe hi nuksaan pahuncha deti...

itna hi wo shaktiyan tere ghar ko bhi khandar me badal deti...

RONIT- oye teri ki....toh saale tune mujhe pehle kyun nahi bataya???agar galti se mujhse meri shaktiyan ujagar ho jaati toh???

AVANTIKA- duffer,V.J ne teri aur un teeno ki shaktiyan kisi rassi se nahi baandhi thi jinhe tu tod kar apni shaktiyon ko azaad kar deta...

usne tum chaaron ki shaktiyan apni shakti se baandhi thi jisse jab tak V.J naa chaahe ,koi tod nahi sakta....

RONIT- haan wo toh hai....par kya karun yaar,jab se ye nayi shaktiyan mili hai,inhe mehsoos karne ke liye mai tadap raha hun....

MAI- thoda sa rook jaa,teri ye tadap toh khatm ho hi jaayegi par saath hi ek nayi tadap bhi tujhe mil jaayegi...

RONIT- hain!!!iska kya matlab hua???

MAI- sab pata chal jaayega beta..pehle wahan chalte hain jahan tum chaaron ko apni shaktiyon par kaabu paana sikhna hai....

SHAILA,AKSHAANT aur MOKALSAR pehle hi wahan pahunch gaye hain.....

RONIT- kahan,MAGICAL DIMENSION me...

MAI- ye koi normal fighting practice nahi hai jo MAGICAL DIMENSION me ki jaaye...

tumhare andar ki shaktiyan aloukik hain..inhe kisi bhi magical jagah par control karna nahi sikha jaa sakta....

yahan tak ki kisi normal PLANET ne bhi aisa karna bohot khatarnaak hoga....kyunki jaise hi mai in shaktiyon ko bandhan mukt karunga,ye asantulit ho jaayegi..

ye shaktiyan naa sirf tum sab par haavi hongi balki aas paas ki sabhi jagahon par bhi inka asar hoga....

RONIT- phir hum kahan isse control karna sikhenge....????

MAI- sab batata hun.....pehle yahan se chalo......



ye bol mai AVANTIKA ki car me baith gaya..mere piche piche AVANTIKA aur RONIT bhi car me baith gaye aur hum sab paas ki hi mall ke taraf nikal pade...

mall ki parking me humne gaadi park ki aur agle hi pal hum teeno gaayab ho chuke the...

par hamare gaayab hone ke agle hi pal hum teeno ke CLONES wapas hamari car me prakat hue.....

aur mere CLONE ne car wapas baahar ki taraf nikal di.....

wahin gaayab ho hum ek nayi jagah pahunche jahan mere baaki ke teeno dost pehle se hi khade the....

maine hi un teeno ko unke grah se antardhyan kar yahan pahunchaya tha aur un teeno ke dimag se jud unhe hamara intazar karne ko kaha tha....

hume apne saamne dekh teeno ke chehre par muskaan aa gayi par un sab ke aakhon me bhi wahi sawal tha jo is waqt RONIT ki aakhon me tha....

sabhi mujhse is bare me puchne hi waale the ki...



MAI- toh doston,waqt aa gaya hai ki tum sab apni apni shaktiyon ko niyantrit karna sikho...

aur ek baat batadun ki is kaam me mai tum sab ki koi help koi sahayata nahi karne waala...

jis tarah tum sabne apne dum par MIRRORS WORLD ki chunoutiyon ko paar kiya aur in shaktiyon ke maalik bane,thik waise hi tum sab ko ab firse ek baar apne dum par apni shaktiyon par niyantran karna sikhna hoga....

waise is kaam me tumhari jaan ko koi khatra nahi hai kyuni niyantrit ya aniyantrit,shaktiyan toh tumhari hi hai..

haan,par jab tak tum apne andar ki shaktiyon ko control karna nahi sikhte,tab tak ye tumhe lagatar nuksaan pahunchayengi..

par is jagah ki shakti ki wajah se ye shaktiyan apni hadh paar nahi karengi.....

SHAILA- thik hai..hum khud apni shaktiyon ko koniyantrit karna sikhenge..par kamsekam itna toh batao ki aakhir ye jagah hai kaunsi aur is jagah ki aisi kya khasiyat hai jiski wajah se humari shaktiyan tak apni hadh nahi todengi....???



SHAILA ka sawal baaki teeno ka bhi tha...sabhi meri taraf sawal bhari nazaron se dekh rahe the...



MAI- is jagah ki khaasiyat tum sab khud dekh lo.....


ye bolo maine apna haath aage kiya..mere aisa karte hi mere haathon se chaar rays nikli aur mere doston ki taraf badh gayi....

aur jaise hi un rays ne mere doston ke bodies ko chua,mere doston ko ek tez jhatka laga aur agle hi pal....

mere doston ki shaktiyan azaad ho chuki thi....aur aisa hote hi mere doston ki bodies halki halki vibrate honi shuru ho gayi par isse pehle ki wo shaktiyan disbalance hokar mere doston par haawi hoti,maine apna haath firse aage kiya...

mere aisa karte hi mere doston ki shaktiyan bandhi toh nahi par ek jagah pahunch rook si gayi....



MAI- neeche dekho...



mere bolte hi jab mere doston ne neeche dekha toh sabhi shocked reh gaye....



reason.....mere doston ke ird gird zamin se ek white dhuan uth raha tha....



AKSHAANT- ye toh......

MAI- WHITE ENERGY hai.....ye puri jagah WHITE ENERGY se ghiri hui hai..tum sabke andar ki urja ke bandhan mukt hote hi yahan par base WHITE ENERGY ko iske baare me pata chal gaya..

inhe ye bhi pata chal gaya ki tumhare sharir ke andar basi WHITE ENERGY abhi stable niyantrit nahi hai....

agar maine tumhare andar chuppi urja ko ek jagah nahi roka hota toh wo tumhare sharir ke har hisse me fail jaati aur kyunki abhi tumne unpar puri tarike se kaabu nahi paaya hai isiliye wo tumhare sharir ko bohot nuksaan pahunchati....

par is jagah par moujud WHIETE ENERGY ki wajah se tumhara sharir us nuksaan ko jhel leta isiliye mai tum sab ko yahan lekar aaya taaki jab tum apne shaktiyon par niyantran karne ki koshish karo,toh us kriya ke hote waqt tumhe kam se kam nuksaan ho.....

mai tumhare urja ko firse behne ki ijazat dene waala hun...ek jagah baith apni aankhen band karo aur apni andruni urja ko mehsoos kar
usse apne chit se jodne ki koshish karo...

jaise hi tum sab apne sharir me behte urjo ko apne dimag se jod paane me kaamiyab ho jaaoge,tum sabka apni shaktiyon par niyantran ho jaayega....

mai aur AVNI filhaal jaa rahe hain....hum dono tabhi loutenge jab tum sab apni shaktiyon par kaabu paa chuke hoge.....



RONIT- thik hai bhai..par kamsekam jaate jaate is jagah,is PLANET ka naam toh bata jaa.......



MAI- YELUPTUS......






PLANET-MONSLICKEL





PLACE-ASMODEUS PALACE






FATHER,VIKRAM NE MIRRORS WORLD KI CHUNOUTI PAAR KAR LI......



ASMODEUS-PUCH RAHE HO YA BATA RAHE HO.....?????



BEELZEBUB ki baat par jab ASMODEUS ne apni baat kahi toh BEELZEBUB hadbada gaya.....

usse samajh aa gaya ki aawesh me aakar aur adeertawash usne ASMODEUS jisse koi baat nahi chhupti,uske saame naasamjhon waali baat kar di hai....

par isme BEELZEBUB ka bhi koi dosh nahi tha.....VIKRAM ko lagatar har chunouti ko yun aasani se paar karta dekh wo vichlit sa ho gaya tha....



BEELZEBUB-FATHER,kya mai kuch puch sakta hun???



BEELZEBUB ki baat sun ASMODEUS muskura diya..wo jaanta tha ki BEELZEBUB kya puchna chahta hai fir bhi usne haan me apna sir hila BEELZEBUB ko sawal puchne ki anumati di....



BEELZEBUB-FATHER,aapke kahe anusar jab maine MIRRORS WORLD me maayajaal bichaya aur ek diwal banakar uske upar do do maayavi talwaare latkayi...

wo dono talwaaren sirf chhal aur VIKRAM ko chakrvyuh me fasane ke liye nahi thi,balki wo dono talwaren asal me drishti darpan the jinki madad se hum VIKRAM MIRRORS WORLD me jo bhi karta hai,usse dekh paate aur saath hi AGRASENA ke talwar ka rahasya bhi jaan paate....

par jaise hi VIKRAM asli talwar ke paas pahuncha toh humari maaya ne kaam karna kyun band kar diya....???

jabki hamari dono maayavi talwaren tab bhi MIRRORS WORLD me surakshit thi,fir bhi hamari maaya toot gayi......

Par jaise hi VIKRAM ne us talwar ko haasil kiya,toh hume wahan ka drishya firse dikhne laga....aisa kaise hua???

BEELZEBUB ki baat sun ek baar firse ASMODEUS ke chehre par muskaan aa gayi aur.....



ASMODEUS-jis SWORD me itni taakat ho ki wo ASMODEUS ke aage tak samarpan naa kare,kya wo tumhari bichayi maamuli si maaya ko tod nahi paayega???

BEELZEBUB-fir aapne mujhe waisi maaya rachne ke liye kaha hi kyun tha????

ASMODEUS-wajah wahi thi....us SWORD ka rahasya jaanana....aur kisne kaha ki maayavi talwaron ne apna kaam nahi kiya...

hume drishya dikhne band hone se pehle hi unhone apna kaam kar diya tha....


ASMOSEUS ki baat BEELZEBUB ko bilkul bhi samajh me nahi aayi....usne kuch kaha toh nahi bas aakhon me sawal liye apne FATHER ki taraf dekhne laga....

BEELZEBUB ko kuch bhi samajh me nahi aaya tha is baat se ASMODEUS bhi awgat tha aur isiliye......



ASMODEUS-VIKRAM ke chute hi SWORD ne tumhari maaya ko tod diya par ye kriya hone se pehle hi SWORD ne apni asliyat saamne laa di thi....

jin do maayavi SWORDS ko tum MIRRORS WORLD me chhod kar aaye the,un SWORDS ki maaya drishti sirf asli SWORD tak hi simit nahi thi balki uski drishti pure MIRRORS WORLD pe thi....

aur jaise hi VIKRAM ne hamare chakravyuh me kadam rakha,toh uske seene ke beech ek hulchal hone lagi.....

kyunki VIKRAM hamare maayajaal ke andar tha isiliye mujhe uske sharir me ho rahe har parivartan ka pata chal raha tha....

VIKRAM ke andar yun achanak hone waali hulchal ko mai samjhne ka prayas kar hi raha tha ki thik tabhi mujhe ussi waqt AGRASENA ki SWORD me bhi hulchal hote dikhe aur saath hi achanak uske andar chhupi shaktiyan ujagar hone lagi....

aur tab mujhe sab samajh me aa gaya....VIKRAM ke andar jo SPEAR hai,usne aur SWORD ne ek dusre ko mehsoos kar liya tha,jiski wajah se dono bekabu ho rahe the par VIKRAM ki shaktiyon ki wajah se wo ek dusre ke paas nahi pahunch paa rahe the...

aur jab VIKRAM hamari saare chakravyuh ko tod SWORD ke saamne pahuncha,toh SWORD aur SPEAR ki shakti ko maine mehsoos kiya tha aur tab mujhe samajh me aaya ki SPEAR aur SWORD ki shaktiyan ek jaisi hain jiska arth ye tha ki wo SWORD AGRASENA ki nahi balki VIKRAM ki milkiyat hai.....

isiliye maine kaha tha ki drishya dikhne band hone se pehle hi un maayavi talwaaron ne apna kaam kar diya tha....



ASMODEUS ki baat sun BEELZEBUB ne samajhne waale tarike se haan me apna sir hilaya....



BEELZEBUB-FATHER,ye saari chizen mai kyun nahi dekh paaya????

ASMODEUS-tum bhale hi mere putr ho BEELZEBUB par tumhare paas ASMODEUS ki nazar nahi hai....

tum wahi dekhte ho jo dikhta hai,par mai wo bhi dekhta hun jo chupa hua hota hai....

BEELEZBUB- aur VIKRAM ke dost...unka kya karna hai???

ASMODEUS- unka kya????

BEELZEBUB- FATHER,pehle wo sirf aam yodha the kintu ab unke andar aloukik shaktiyan hain....aisi shaktoyan jo sirf ek ANGEL ke andar hoti hai....

aisi aloukik shaktyon ke swami hone ka unhe koi HAK nahi....



BEELZEBUB ki baat sun ASMODEUS ke chehre par ek muskaan tair gayi.....



ASMODEUS- HAK!!!!!



mere ek sawal ka jawab do???is bramhaand ke aneko jeevan dayi grahon me kul kitne DHARM hain....????



ASMODEUS ki baat sun BEELZEBUB hadbada gaya...usse bilkul bhi ummid nahi thi ki ASMODEUS usse kuch aisa bhi puch sakta hai....



BEELZEBUB-FATHER,ye BRAMHAAND maanyataaon ki chaadar se khudko puri tarah dhake hue hai,ye aapne hi mujhe bataya tha....

fir mai kaise DHARMON ki ginti kar sakta hun????

ASMODEUS- fir bhi....andaza lagao....

BEELEZUB-FATHER,andaza lagana bhi toh asambhav hai....saikdon jeeven daayi grah jinme hazaron DHARMON ko maanane waale log baste hain...

ASMODEUS-hmm...aur in hazaron DHARMO me kaun sa DHARM sabse upar hai....????



ASMODEUS ke is sawal ka BEELZEBUB ke paas koi jawab nahi tha....wo sawal sunane ke baad bhi chup hi raha aur is baat ko ASMODEUS bhi bhali bhaati jaanta tha aur isiliye....



ASMODEUS-KARM...........is bramhaand ka sabse bada DHARM " KARM " hai......



KARM wo DHARM hai jisse puri lagan aur nishtha se karne waale vyakti ko ISHWAR ke aage bhi haath failana nahi padta...

kyunki KARM karne par nikalne waala PASINA kisi puja se kam nahi hota....aur BHAKTI ka PHAL mile naa mile kintu KARM ke PASINE ki puja ka PHAL milna anivarya hota hai.....

ek baat hamesha yaad rakha putr,ki agar kisi doud me hissa lo aur haar jaao,toh is baat ka aakalan mat karo ki jeetne waala tumse kitna tez tha apitu is baat ka aakalan karo ki tum jeetne waale se kitne dheeme the.....

BEELZEBUB-kintu baat toh ek hi hai naa FATHER!!!!

ASMODEUS-baat ek hi hai par maayne alag alag hain....

jis manzil ke path par tum agrasar ho,us manzil ko paane ke liye tumhare saath aur bhi pratispradhi ho sakte hain...

kintu jis vyakti ki drishti apne manzil ke saath saath apne pratispradhi ki raftaar aur hunar par bhi tiki ho,wo kabhi bhi jeet nahi paayega.

kintu jis vyakti ki drishti kewal apne manzil par tiki ho aur jo idhar udhar naa dekh kewal apne hunar ko nikharne aur khudki raftaar badhane me laga hua ho,wo apne aap hi apne saare pratispradhiyon se aage nikal sabse pehle manzil tak pahunchega....

apne manzil tak pahunchne ke liye jisme khud tak ko mita dene ka jasba ho,uske saamne manzil swayam natmastak ho jaati hai...

aur yahi jasba VIKRAM ke mitron ne dikhaya tha....unhone un aloukik shaktiyon ko prapt karne hetu apni saari shaktiyan jinke bina unke jeeven ka koi arth hi nahi hota,usse tak daav par lagaya tha.....

aise prayas ko uski manzil milni hi chahiye.....

tum keh rahe the naa ki aisi aloukik shaktiyon ke swami hone ka unhe koi hak nahi....

HAK maanga nahi jaata,haasil kya jaata hai.....

KARM hi sabse bada DHARM hai aur ek KARMATH vyakti har shaktishali chiz ka HAKDAAR hai......



bohot kam aise mouke aate the jab ASMODEUS paap aur punya se upar uthkar kuch kehta tha....

aur ye wahi mouka tha.....BEELZEBUB jaanta tha ki jo bhi ASMODEUS ne kaha tha wo naa punya ke hisse me aata tha aur naahi hi paap ke....

ASMODEUS ki kahi har baat katu satya thi aur ek DEVIL ka sabse bada shatru katu satya hi toh hota hai...

ek aisa shatru jo DEVIL ko andar tak hila deta hai...aur aisa hi kuch ehsaas is waqt BEELZEBUB ko apne andar mehsoos ho raha tha.....

wo is baat ko aur aage nahi badhana chahta tha isiliye......



BEELZEBUB-toh ab aage kya FATHER????



BEELZEBUB ki baat sun ASMODEUS ne ek baar uski taraf dekha aur.....



ASMODEUS- iska jawab toh VIKRAM pehle hi de chuka hai


..................SHADOW WORLD....................










AAJ KE LIYE ITNA HI......







AAPKA APNA V.J

Nice

 

[Mahiirathore]

Jabardast Update bhaii
VJ ki apne father k sath masti majedar rhii bachpan ki choti choti yadde vapas jina har kisi k bass m nhii h ye lord of angel hii ji sakta h

Ronit or friends sabhii power control ki koshish suru kar di h

Aodomos n Beelzebub ko karm ka Shii matlab bataya jo iss Update ka high level bindu tha
Karm ko jabardast tarike se samne rakha hatt of u bhaii

Dekhte h aage kya hota h

 

[Mahiirathore]

Hame Hero jitne huee dekhne ki adat padd gyii h
Chahe story m kitni hi problem ko jele
Chahe balayi story devil ki or se likhi huii ho ya hero ki taraf se

Jesa ki apne kha last m devil k jitne or Hero k harne
Chahe vo mansik ho ya fight se ho
Kher dekhte h story kitne modd aage leti h