Incest Baadshah ~ The Tales of Debauchery

[Werewolf]

Index​

Full Status and Cards​

Artworks​

Full Characters Guide​

Arcs​

Latest Update ➢ Update 195 ​

 

[kgfchapter3]

Mega Update

Update - 195 ~ The Hidden Truth — SHB​

Ab tak...

[N-No!! Master!!!]

Use apne mann me saamne nazar aaya-

Veer ki aankhein bhay ke maare fel gayi. Woh ghabraate hue uss paagal ko dekh raha tha. Uske honth apne aap khule-

"Wh-Who are you-!!?"

Aur, dusri orr se dheere se ek jawaab aaya-

"They call me... THE DISEMBOWLER!!!"

Ab aage...

Underground lair badbu se grasit thi. Upar timtimaate light bulbs chuninda jagah par chipke hue the jiske chalte aadhi se zyada lair andhere me doobi hui thi, aur prakash bas kuchh jagaho par hi maujood tha.

Veer ki saansein dheemi thi lekin uska dil yuddh me baj rahe kinhi nagaado ki tarah dhadak raha tha.

“D-Disembowler!? Wh-What?”

Woh stabdh uss paagal vyakti ke saamne khada hua tha. Disembowler ne apna naam ujaagar kar diya tha. Kintu, Veer ko hairat me daalne ka kaaran sirf uska naam nahi tha. Woh tha — uske saamne pradarshit ho raha woh notification.

*Ding*

[‘Beowulf’s Blessings’ is broken.]

‘What? What is going on? Pari, iska kya matlab hai?’

Uska ekmaatra trademark card jaa chuka tha.

Notification ko padhte hi uske hosh udd chuke the. Aisa aaj se pehle kabhi nahi hua tha. Akhir, iska kya arth tha? Uske chehre par darr saaf-saaf jhalak raha tha. Kahi uska card humesha-humesha ke liye-?

[Damn it!]

‘Don’t leave me hanging, Pari! Jawaab do!’

[Master! This is bad! ‘Beowulf’s Blessings’ break ho chuka hai.]

‘Kya matlab?’

[I don’t know exactly, master ye kaise ho gaya. It shouldn’t have… Ah!]

‘K-Kya hua?’

[I see! Master, remember the curse? Usne definitely kisi skill ye card ka istemal kiya hai.]

Veer ko kuchh der pehle lagaye gaye curse ke baare me yaad aaya. Beshaq! Uske upar kisi tarah ka curse lagaya gaya tha jis par dhyaan dene ka samay use mil hi nahi paaya tha.

Use woh pal zehen me aaya jab Disembowler ne uss par lagatar vaar kiye the. Teen vaar toh usne defense kar ke jaise-taise rok liye the magar woh chautha vaar — woh chautha vaar hi tha, jo uske defense ko tod ke use laga tha. Aur, uske agle hi pal — woh curse.

Curse ke lagte hi teen vaar aur kiye the Disembowler ne. Aur, teesra vaar padte hi 'Beowulf's Blessings' toot chuka tha.

Woh ab samajh paa raha tha.

‘Was that it?’

[Yes, master! Hum careless the. Mujhe thoda waqt dijiye. Mujhe dekhna hoga woh kya istemal kar raha hai. Aisi bahut si skills aur cards hai jo alag-alag tarah ke curses lagaate hai toh mujhe har ek ko identify karna hoga ki ye paagal kaun sa use kar raha hai. Tab tak aapko Juhi ko-]

Iske pehle ki woh apni baat poori tarah se rakh paati, mann me aati ek aur ghanti ne unn dono ka dhyaan kheench liya.

*Ding*

[Mission updated.]

[Mission : A Knight's Stand.
Description : Get rid of the Disembowler, rescue Juhi and secure the experiment’s secret.
Time Limit : 1 hour.
Rewards :
1) ??? Points
2) ??? Fame Points
3) 1 Random Legendary Skill

Mission failure penalty :
1) Loss of loved ones.
2) Secret getting publicized.
3) Under surveillance.]

Mission padhte hi Veer ki aankhein chaudi ho gayi. Purana mission - ‘Assist Divya and unveil the murderer' ab update ho chuka tha. Abki baar mission seedha Disembowler ka khaatma karne ka praapt hua tha. Saath hi Juhi ko bachana bhi tha. Magar, kuchh shabd the jinse woh confusion me tha.

Rewards ke saath-saath ye pehli baar tha jab itni saari penalties ek hi mission ke andar nazar aayi thi.

Veer (mutters) : Experiment’s secret?

Mission padhte hue woh apne aap me budbudaya.

Disembowler : That's right!!!

Uske sawaal par saamne se dabi hui Disembowler ki awaaz aayi.



Disembowler : …Aur tumne… tumne use mujhse chheen liya. Pachhtaoge! Tum pachhtaoge…

Veer (frowns) : Use? Kisey? Kiski baat kar rahe ho tum?

Disembowler (murmurs) : CRIMSON!

Naam sunn Veer ke badan ke rue khade ho gaye. Woh akela nahi tha, Pari ka bhi yahi haal tha. Iss naam se toh woh bhali-bhaanti waqif thi. Khaas kar, uski yeh personality.

Lekin, bhala Disembowler Crimson ke baare me kaise jaanta tha? Veer toh kabhi iss Disembowler se mila bhi nahi tha. Fir kaise? Aur, tabhi-

“Mammaaaaaaaa!”

Ek zordaar cheenkh lair me goonj uthi. Veer ka badan cheenkh sunte hi thanda pad gaya. Saansein atakne lagi, ungliyaan kaapne lagi.

Juhi.

Woh yahi thi. Gandagi, sadti laasho aur maili gandh se bhari iss lair me kahi.

Veer ka sarr awaaz ki disha ki orr muda. Awaaz lair me surango ki bhool-bhulaiyaan me se kahi se aayi thi. Samay zaaya karne ka waqt nahi tha. Usne socha nahi — woh bas bhaaga. Awaaz ke strot ki orr.

*Whoosh*

Magar, Disembowler kaha peechhe rehne waala tha? Veer ke waha se bhaagte hi woh apni chaudi, mudi hui muskaan liye uske peechhe utsaah me bhaaga.

"You're not getting away from me-! Ehehe-!"

Dono bhayanak raftaar se bhaag rahe the, unke qadam zorr se zameen par pade, aur paani ke chheete uchhalte chale gaye.

“Mammmaaaaaaaaa-!”

Achanak, Juhi ki ek aur cheenkh lair ke sannaate ko cheer gayi.

Lekin, Veer ke qadam fislan kha kar wahi ruk gaye. Neeche ka paani ek leher bann ke uthal gaya. Uski aankhein bhay ke maare chaudi ho gayi. Iss baar awaaz… kahi aur se aayi thi. Waha se nahi jaha se pehle aayi thi.

‘What is going on?’

*Badump* *Badump*

Uske dil ki dhadkane uske kaano me goonj rahi thi. Pichhli baar awaaz iss raaste se hi aayi thi. Magar, iss baar kisi aur raaste se. Kuchh gadbad thi.

Pari ne bina Veer ke bole hi 'Path Tracker' on kar diya. Taaki, jis-jis raaste me Veer daakhil hoye, kam se kam use pata rahe ki woh waha ek baar jaa chuka hai.

‘J-Juhi!! Woh... Woh chal rahi hai kya? Dusri orr?’

Ek vichaar uske mann me aaya. Kahi Juhi idhar se udhar bhaag toh nahi rahi thi?? Agar, aisa tha tab toh-

Veer ka badan kuchh soch kaanp utha. Lair me itne bhayanak qism ke traps maujood the. Agar, galti se bhi Juhi unn traps me se kisi ek ka bhi shikaar hui toh-

'N-Nahi! Juhi! Mein aa raha hu!' Woh ghabraya.

Aur, uska yahi par jhijhakna aur waqt lena uss par bhaari pad gaya.

*SHNK*

Usne bamushqil samay rehte apne shareer ko moda, aur agle hi kshan ek chamakti hui blade ki dhaar uski pasliyo se hokar guzri, uske blazer ke kapde ko cheerte hue nikal gayi.

Use apne khoon ki garmahat apni bagal me behti hui mehsoos hui.

‘Shit! This bastard-!’

“Ehe… ehe… ehehehe…!”

Disembowler hasa. Veer ke khoon se sani blade ko woh apne muh ke paas leke aaya. Uski lambi lacheeli zubaan baahar aayi aur blade par lage khoon ko chaati.

Khoon ka swaad lete hi Disembowler ki aankhein band ho gayi. Ek zordaar jhurjhuri uske poore badan me fel gayi. Uska poora shareer jhunjhla gaya. Aankhon ki putliyaan ulti hone ko ho gayi. Aur, uski haivani muskaan ajeebo-gareeb dhang se aur adhik fel gayi. Woh pagalo ki tarah hasa.

“Oooohhhh... It's better! Eiyahahahaha! *licks* This will be my ultimate weapon... hehe... Tum tez ho… lekin, utne bhi nahi… soon... I'll enjoy you cutting down into pieces hehehehe...”

Veer bhauchakka uski harqato ko dekhta reh gaya. Kya abhi-abhi usne uska khoon chaata tha? Y-Ye kis tarah ka aadmi tha?

Usne apne daant bheenche. Ye sanki aadmi… Woh sirf andha-dhundh humla nahi kar raha tha. Woh dekhna chaah raha tha ki Veer kya kar sakta hai. Woh jaanch kar raha tha, Veer ko apne system ke cards istemal karne ke liye majboor kar raha tha.

‘In your dreams, bastard!’

Kintu, Veer ne uski tarqeeb ko pakad liya. Woh uske jaal me nahi phassne waala tha. Disembowler uske cards tod sakta tha, skills nahi.

Disembowler fir uchhla. Woh andhere me se baahar nikal ke aaya, uske lambe safed baal hawa me lehraaye.



Aura vision ne andhere me bhi Disembowler ko dekh liya. Humle se bachne ke liye Veer ne ek jhatke me neeche zameen par ek zung lage pipe ko perr se tatolte hue uchkaya aur sahi samay par-

*CLANG*

Lohe se lohe ka takraav hua, chingariyaan bikhar gayi. Veer gati ke saath ghooma aur usne apna ghutna Disembowler ke pait me zorr se de maara.

*POW*

Disembowler ki aankhein baahar ko aa gayi. Veer ka ghutna uski atadiyo me jaise ghusne ko aa gaya.

Woh do qadam peechhe9 hata, lekin dard ki bajaaye — woh hasa. Ek bhayanak, karkash, haivani hasi jise sunn Veer ke badan me sihran daud gayi. Aisa laga maano jaise koi aam insaan ret se bhari bori par vaar kar raha ho.

'What the hell?'

Use vishvas tha usne ye vaar achhi khaasi taaqat laga ke kiya tha. Magar, uske baad bhi-! Woh poochhna chaahta tha Pari se, lekin woh pehle se hi Disembowler ke patte kholne ki apni poori koshish me lagi hui thi. Isliye, use disturb karna Veer ko sahi nahi laga.

Aur, tabhi-

"Mammmmaaaaaaaaaa-!"

Ek baar phir.

Par, iss baar awaaz vipreet disha se aayi thi.

'W-What!?'

Veer ki nigaahein ghumavdar surango ke beech tik gayi. Uska dimag tezi se daudne laga. Woh fir se uss disha ki orr bhaaga. Disembowler peechhe se lapka.

Kya Juhi bhaag rahi thi? Lair ka structural pattern bahut hi soch samajh kar banaya gaya tha. Bahut sateek.

Raasta khojna itna pechida kaam tha ki system hone ke bawajood bina kisi aham skill ke Juhi tak pahuchna namumkin sa lag raha tha.

Parantu, jaise hi Veer uss maarg par pahucha, jis baat ka use darr tha akhir wahi hua-

"Mummaaaaaaa!"

Juhi ki guhaar. Punaah ek cheenkh. Aur, fir se ek alag disha se. Veer iss baar uss disha me aage nahi badha. Kyunki-

Woh pehle hi uss disha me jaa chuka tha. 'Path Tracker' me woh dekh paa raha tha ki kuchh der pehle hi woh uss surang ke mod me gaya tha. Aur, ab awaaz fir se wahi se aa rahi thi. Akhir, chal kya raha tha?

Disembowler akasmat prakat hua. Uski laat Veer ke seene par padne ko aayi. Veer ne apne dono haatho se block kiya, magar force itna zyada tha ki laat padte hi uska shareer peechhe hawa me uchhal gaya.

*Baaaammmmmmm*

Woh ek deewar se takraya. Takraav ke chalte dehti deewar ke do chaar eent ke patthar neeche gir gaye. Aur, fir-

"Mammmmaaaaaaaaaa-!"

Usne suna. Awaaz theek uske peechhe se aayi thi. Usne palat ke dekha.

Dehti deewar me ek chhota sa gap. Usne sarr ghuma ke baaki deewaro ko dekha. Fir, ek aur... aur fir ek aur. Jaha-jaha uska sarr ghooma, waha-waha alag-alag deewaro ke kono me kayi vibhinn chhed bane hue the.

Aur, tab use ehsaas hua.

'N-No! It can't be...!'

Juhi kahi chal nahi rahi thi. Jo chal rahi thi woh thi uski — awaaz.

Cheenkhein deewaro ke andar chhipe hue pipes ke network ke madhyam se yaatra kar rahi thi, alag-alag deewaro ke gaps se utpann ho rahi thi, use bhatkaane ke liye vibhinn chhedo se baahar aa rahi thi.

Juhi jitni taaqat se chillaati, awaaz utni hi zyada derr ke liye unn pipes me travel karti aur aneko chhedo se baahar aati. Har baar Juhi ke chillaane ki intensity aur frequency alag hoti, jiske chalte uski awaaz alag-alag chhedo se baahar nikalti.

Yeh... ek jaal tha.

Juhi kahi bhi nahi chal rahi thi. Uski awaaz ka upyog kiya jaa raha tha jiske chalte woh bhatakta rahe.

"Smart...!" Disembowler muskuraya. "But it took you long enough ehehe... And now you will become my test subject.."



Woh fir se lapka. Ek qadam uchhalte hue baayi orr, fir dusra daayi orr, aur fir achanak se woh Veer ki taraf seedhe se aaya.

'Huh?'

"YOU ARE MINE!" Woh cheenkha!!

Usne apne lohe ke staff se Veer ke dil ki orr vaar kiya. Apne reflexes ka fayda uthaate hue Veer ne turant hi apne shareer ko baayi orr moda.

*SWOOSH*

Staff uske bagal se nikal gaya, Veer bach gaya, magar Disembowler ke hontho par ek muskaan fel gayi.

Ek sihran Veer ki reedh ki haddi me daud gayi.

A trap! He was late.

Ek jhatke me Disembowler ne staff ke hatthe se ek chaaku kheench ke nikaali aur seedhe hamla kiya.

"I won... Ehe..."

Chaaku Veer ke bheje me ghusne ke liye palak jhapakte aayi aur-

*Ding*



PROBABILITY MANIPULATION!

"???"

Waqt jaise tham gaya.

Achanak, Disembowler ke perro ke neeche aaye patthar ne uska balance bigaad diya, woh dagmagaya-

Aur, uske haath ki chaaku Veer ke dimag ki orr naa aake, uske kuchh baalo ko kaatate hue sarr ke upar se nikal gayi.

[On time...! Phew!]

Pari ne aenn waqt par apna daav khel diya. Sahi samay par 'Probability Manipulation' jo equip kar diya. Aur, Veer Disembowler ke fatal blow se bach gaya.

Agar, woh ise pehle hi equip kar deti toh ho sakta tha ki Disembowler iss card ko bhi break kar deta. Isliye, chalaaki dikhaate hue Pari ne slot me koi bhi card equipped nahi rakha tha. Kintu, ye sab kuchh Veer ka hi socha hua tha. Pari sirf uss par amal kar rahi thi.

Veer ki mutthi gusse me kasi. Thanks to Pari, woh lagbhag marrte-marrte jo bacha tha. Sahi samay par usne Probability Manipulation ke baare me socha aur udhar Pari ne microseconds ke andar woh equip kar diya.

Mauke ka faayda uthaate hue Veer ne ek jhatke me Disembowler ke jabde par ek zordaar mukka maara.

*Bammmmmmm*

“Ugh-!”

Disembowler peechhe hawa me uda, par iss se pehle ki woh dur jaake girta, Veer ne uski aedi kass kar pakdi aur fir-

“I will turn your own lair into your graveyard!”

Woh dheere se bola aur fir dahaada.

“Haaaaaarrrrrgghhhh!!”

Aur, Disembowler ko ek haath se uska perr pakad ke thaame woh zorr se apni jagah par ghooma.

*BAM* BAM* BAM*

Disembowler ka sarr baari-baari alag-alag deewaro ke kono se bhidta chala gaya. Eent ke patthar uske sarr bhidne se deewar ke kono se toot-toot kar bikhar kar neeche gir gaye. Dhool uth gayi aur Veer ne ek antim baar zorr se use ghumaate hue dur fek diya.

*SPLASHHHH*

Disembowler ka shareer paani me chhapak ki awaaz ke saath neeche jaa gira. Veer ne haafte hue apni saansein durust ki.

‘Thanks, Pari!’

[Don’t mention it, Master. It’s my job to protect you. Rahi baat iss paagal ki- I have found it.]

Agle hi pal Pari ne Veer ke saamne Disembowler ka parcha-chittha khol diya.

*Ding*



‘R-Rakia’s Blow?’

[I’m pretty sure usne yahi istemal kiya hai, Master!]

Veer ne jaise hi card ke baare me padha uski hairani ka koi thikana nahi tha. Ab uski samajh me aa raha tha ki akhir kaise uska 'Beowulf's Blessings’ broken state me gaya tha. Woh card ka description padh ke hi stabdh tha. Usne uss line ko dobaara padha.



Aur, padhte hi uska badan kaanp utha. Ek aisa card jo baaki kisi bhi card ko break kar sakta tha? Use ab jaa ke samajh aaya ki kyu uska defense toota tha. 25% chance for an unblockable attack.

Woh curse ka lagna. Sasha’s curse! Toh, yahi woh curse tha jo Disembowler ne uske defense ko tod kar uss par lagaya tha.

Sasha’s curse vyakti ko 10 minute ke liye ‘vulnerable’ state me daal deta tha. Agar, iss dauran koi bhi 3 vaar lagatar kiye gaye, toh teesra humla — Rakia’s Blow hota tha. Aur, uske padte hi — card break.

Uski nazar fir time limit par padi. Ek ghanta. Ek ghante tak uska card broken state me rehne waala tha. Veer ne ek raahat ki saans li. Iska matlab, card humesha ke liye break nahi hua tha.

Usne mission ki time limit par nazar daali.

[Time limit : 50 minutes.]

'Shit!'

Pipes ke zariye Juhi ki awaaz se gumraah hone ki wajah se usne kaafi samay kho diya tha.

'This is bad. Mujhe Juhi ko jald se jald dhoondhna hoga.'

Woh waha se nikalne ke liye hua par jaise hi usne apna dhyaan notification screen se hataya... saamne se Disembowler gaayab tha.

'!?'

"Mission mil gaya hehe?"



Ek awaaz theek uske kaan ke bagal se aayi. Veer ka badan wahi jamm ke reh gaya.

"Ehehehehe..."

[Maaassttterrr!]

*Whoosh*

Woh jhatse muda. Disembowler ne usko jakda.

Nahi! Iss baar firse woh 'Rakia's Blow' ka shikaar nahi ho sakta tha. Pari ne Veer ke bhaav padh tapaak se 'Probability Manipulation' ko slot se hataaya.

*Baaaammmmmmm*

*Bammmmmmmmm*

Magar, uska defense pichhli baar ki tarah iss baar bhi toot gaya.

'This fuckin' card-!'

Aur, iss baar Disembowler ne zorr se Veer ke chehre par ek ghoosa jada. Veer dhadaam se neeche gira. Disembowler theek uske upar tha.

*Bammmmmmmmm*

*Bammmmmmmmm*

*Bammmmmmmmm*

Teen se chaar vaar karne ke baad Disembowler ne Veer ki chaathi par uske blazer se pakad use uthaaya aur zorr se use feka.

Veer ka shareer kisi khilaune ki tarah hawa me udte hue jaa ke deewar se bhida.

Par, ye hua hi tha, Disembowler ne use feka hi tha jab usne apna neeche pada staff perr patakte hue uchhaala, use haath me thaama aur use zorr se udte hue Veer ki orr fek diya.

Lohe ke staff se judi ghaatak blade Veer ke saath-saath hawa me udti hui uski orr hawa ko cheerte hue aayi.

'Fuck-!'

Veer deewar se bhida, magar use samay na mila aur staff ki blade jaa ke seedhe uske dil ko cheer gayi.

*Thud*

Uska shareer kisi bejaan ki tarah dhadaam se wahi gir pada. Ek fatal blow. Veer ke bagal se hi ek gehra gaddha tha, jisme laasho ka dher pada hua tha. Woh usme girte-girte bach gaya.

Disembowler muskuraya. Akhir kaar, woh qamyab ho chuka tha. Ab woh Veer ko apna test subject bana sakta tha. Ek system holder uski giraft me aa chuka tha. Woh paagalo ki tarah hassne laga.

"Mil gaya.. Ahahahaha! Mil gaya... My test subject... A System holder Eehehehe... You will change the world my dear... Ehehehe! Now... It's time!"

Kehte hue woh ahista-ahista aage badha. Mission sirf Veer ko hi nahi mila tha. Use bhi praapt hua tha. Aur, uska mission tha Veer ko apna test subject banaana.

Woh dheere-dheere Veer ke nazdeek pahucha.

"Now... Let's take you to the lab my dear... Hehe..."

Bolte hue woh jhuka.

"???"

Magar, achanak-

Ek haath ne uski aedi pakad li.

Disembowler ki aankhein pehli baar bhay ke maare feli. Veer akasmat dahaadte hue utha aur Disembowler ko kheechte hue usne apne bagal se maujood uss gehre gaddhe me fek diya.

*huff* *huff*

Pari ne uski jaan ek baar fir bachayi thi.

Jaise hi woh deewar se bhidne waala tha, usi waqt-

*Ding*



PROBABILITY MANIPULATION

*Ding*

BONE REAPER

Bhidte hi uska shareer jaha seedhe girna chaahiye tha, Probability manipulation ne saara khel badal diya.

Uska shareer seedhe neeche girne ki bajaaye, halka sa baayi orr girne laga, jiske chalte Disembowler ka feka gaya woh staff Veer ke dil ko na cheerte hue uske bagal se beech me jaa ghusa.

*Splurt*

Blade badan ko cheerte hue andar ghusi magar Bone Reaper ke chalte haddi se takrati hue woh wahi ruk gayi.

Ye sab kuchh palak jhapakte hue tha. Fraction of seconds me Pari ne cards equip kiye the aur fraction of seconds me hi woh activate bhi ho gaye the.

Disembowler ko laga tha usne ek fatal blow land kar diya, magar ye sab Veer ka bas ek dikhawa tha. Kintu, iss baat ko bhi jhutlaya nahi jaa sakta tha ki woh staff ki blade uske shareer me zaroor dhansi thi.

*SHNK*

"Argh! Fuck! *huff* *huff* This one hurts...! Urghh!"

Veer ne uss blade ko nikaalte hue zameen par feka. Probability Manipulation ka upyog ek jhatke me do baar ho chuka tha. Ek antim avsar aur baaki tha uske liye. Agar, usne ek baar aur Probability Manipulation ka upyog kiya toh aaj woh uske baad use istemal nahi kar payega.

Veer ne bagal se dekha. Disembowler wahi neeche gehre gaddhe me dala hua tha. Koi harqat nahi-!

[Master! Juhi-!]

'Yeah!'

Pari ke bolte hi woh seedhe uth Juhi ko dhoondhne ke liye bhaaga. Badi mushqil se Disembowler se thodi der ke liye peechha chhoota tha. Yahi woh waqt tha — yahi samay tha Juhi ko chhuraane ka aur use sahi salamat baahar pahuchaane ka. Uske baad hi woh Disembowler se bhid sakta tha.

Veer ko bas ek baat nahi samajh aa rahi thi. Jitni taaqat se usne Disembowler par humle kiye the woh utne force ke saath use lage kyu nahi? Use poora vishvas tha ki woh apna poora zor laga raha tha. Kintu, uss zor ka parinaam use sahi nahi lag raha tha.

Uske sawaal ka uttar bhi Pari ne akhir de hi diya-

*Ding*



[He might be using this, Master.]

Card ko dekhte hi Veer ki bauhe kass gayi. Uske badan me raungte khade ho gaye. Woh samajh chuka tha ki iss Disembowler se yuhi nahi bhida jaa sakta tha. Jald se jald Juhi ko pehle yaha se baahar nikaalne ki zaroorat thi.

***

Underground lair kisi bhool-bhulaiyaa ki tarah felti hi jaa rahi thi. Woh jitna andar jaa raha tha, hawa utni bhaari hoti jaa rahi thi — ghani, dum ghotne waali, maano woh sab mrat log uske kaano me fusfusa rahe ho.

Har qadam bhayaveh roop se goonj rahe the, use chaaro orr fele andhere ne nigal rakha tha. Upar jal rahe light bulbs bamushqil hi koi raushni pradaan kar rahe the. Unki chamak khoon se sani deewaro par vichitr chhayaaye daal rahi thi.

Aur, sadan ki yeh gandh toh bilkul hi asahaneeya hoti jaa rahi thi.

Veer ki maanspeshiya tanavgrast thi, uska har ek ang satark tha. Usne Disembowler ko ek gaddhe me dhakela tha — ek gehra khula hua gaddha jaha kuchh laasho ka dher pehle se pada hua tha. Uss paagal ko wapas upar rengne me samay lagne waala tha. Lekin, Veer jaanta tha ki yeh ant nahi tha.

Ye toh bas udhaar ka samay tha.

Use Juhi ko dhoondhna tha. Abhi.

Woh vibhinn traps se bachte hue aage badha, Disembowler ke jaal har jagah the. Ye sirf ek lair nahi thi — ye woh bhul-bhulaiyaan thi jise ghuspaithiyo ko nigalne ke liye banaaya gaya tha.

Fir, akhir kar use woh mila...

Central chamber.

Veer fisalte hue ruka. Jaise hi woh Central chamber me pravesh kiya, saamne ka drishya dekh uski saansein atak ke reh gayi.

Surgical tables, khoon se lathpath chaadrein, mand raushni me chamakte hue flasks, taral padaarth aur vichitr upkarno ka ek avyavasthit dher. Deewaro par bade-bade kaanch ke cylinders lage hue the, jinme se pratyek me jeevit, hilti hui cheezein bhari hui thi.

Unke roop pehchaan me nahi aa rahe the — ang bahut lambe the, maans apraakartik tareeke se ek saath sile gaye the, unki aankhein adh-khuli hui thi.

'Wh-What!?'

Ek laboratory.

Ya ek kasai ki workshop!?

Aur, kendra me—

Juhi.

Woh chhoti si bacchi ek surgical bed par bandhi hui thi. Uska chhota sa shareer kaanp raha tha, uski kalaayi aur aediyaan straps se bandhi hui thi. Uski gehri aankhein chaudi ho rakhi thi, honth thar-thara rahe the aur gaalo se fisal kar aansu beh rahe the.

Uski dono chhoti-chhoti baalo ki chotiyaan ast-vyast ho rakhi thi, pyaari si safed frock jo usne pehen rakhi thi woh bhi gandagi se sani hui thi.

Aur, uske bagal me-

Ek aur ladki.

'Huh?'

Veer ki nazar uss par tiki. Wahi khauf uss ladki ki aankhon me bhi tha.

System apne kaam par lag gaya.

*Ding*

[Name : Pihu Bakshi
Age : 6
Bio : Trisha and Rohan's only daughter.]

Veer ki bauhe kass gayi. Trisha. Wahi DSP officer jisne Divya aur usko iss case ki investigation ke liye bheja tha.

Uski beti yaha thi?

Ek sihran uske badan me fel gayi. Ab yeh sirf Juhi ke baare me nahi tha. Ab, do zindigiyaan uske haath me thi. Aur, beshaq, system ne bhi yahi maanana sahi samjha-

*Ding*

[Mission updated.]

[Mission : A Knight's Stand.
Description : Get rid of the Disembowler, rescue Juhi, Puhi and secure the experiment’s secret.
Time Limit : 40 minutes.
Rewards :
1) ??? Points
2) ??? Fame Points
3) 1 Random Legendary Skill

Mission failure penalty :
1) Loss of loved ones.
2) Secret getting publicized.
3) Under surveillance.]

Mission me 'Pihu' ka naam jud chuka tha. Ab, sirf Juhi hi nahi, use Pihu ko bhi yaha se baahar nikaalna tha.

Idhar, Juhi ki nazar achanak uss par padi.

Ek pal ke liye woh stabdh reh gayi. Uske honth kaanpe, maano use yakeen nahi ho raha tha ki woh jo dekh rahi thi woh sach tha ya nahi? Aur, phir-

"Maamuuuuu!"

'Mamma' ki pukaar 'maamu' me badal gayi. Uski cheenkh tez aur karkash awaaz se bhari hui thi.

Woh chhatpatane lagi, apni poori taaqat se bandhano se nikalne ki koshish karne lagi. Veer jhatse aage badha, Juhi ki karkash guhaar sunn uska dil dehel gaya.

"Shhhh!" Veer ne tezi se aate hue Juhi ke sarr par haath rakh use chup karaane ki koshish ki.

Veer : Shor nahi, Juhi! Ab darne ki zaroorat nahi. Theek hai? Mein aa gaya hu. Hum yaha se nikal rahe hai.

Nanhi Juhi naak sudakte hue kaanpi, uski aankhon me itna darr bhara tha ki woh lagbhag behosh hone ki kagaar par thi.

Juhi : M-Maamu... *sniff* Gh-Ghal jaana hai. *sniff*

[Ah! Poor child... Juhi!]

Uski awaaz fatt rahi thi. Uske chhote-chhote haath Veer ko pakadne ki koshish kar rahe the.

Veer : Haan! Hum ghar hi chal rahe hai. Don't worry! Okay? Bas... Bas do minute.

Juhi (sobs) : Y-Yaha se le chalo, maamu... *sniff* M-Mujhe darr lag raha hai. *hic* Y-Yaha.. yaha daravni cheeje hai... *hic* muje mumma ke paas jaana hai...

Veer : Haan! Mujhe pata hai.

Usne dheere se kaha. Uske haath tezi se straps ko kholne ke liye chal rahe the.

Veer : Mein tumhe abhi ghar leke chal raha hu, theek hai?

Juhi (nods) : H-Haan! P-Pihu bhi maamu... *sniff*

Juhi ke aansu girte rahe, lekin usne apne maamu par bharosa rakhte hue haami bhari. Apni maa ke baad agar uski zindagi me uska koi hero tha, toh woh uske maamu hi toh the.

Veer : Pihu?

Juhi (nods) : Mmm!

Magar, Pihu ke sang aisa kuchh nahi tha. Uske mata-pita dono hi police me the. Uske liye uske pita uske hero the. Rohan Trisha se upar post par jo tha, toh woh Trisha se zyada authority rakhta tha. Yeh baat nanhi Pihu bhi kahi na kahi samajh jaati thi jab uski maa uske pita ki kahi gayi har baat ka paalan karti thi. Isliye, Pihu ko uske pita zyada bhaate the.

Wahi Juhi, jise bachpan se hi ek baap ka pyaar nahi mil saka, uske liye ya toh uski maa ya phir uske maamu hi chamakte hue sitaare the.

Veer ne Pihu ki taraf dekha, jiska chhota sa shareer darr ke chalte akda hua tha. Uske muh par patti bandhi hui thi. Bandhi toh Juhi ke muh par bhi thi par shayad woh patti hataane me qamyab thi.

Pihu koi awaaz nahi kar rahi thi, uski aankhon se bas aansu beh rahe the, uski chhoti-chhoti mutthiyaan bhinchi hui thi.

Juhi ne apna sirr Pihu ki orr ghumaya aur boli.

Juhi : Daro mat... *sniff* Ab maamu aa gaye hai na? Ab maamu usko ni chhorenge... *sniff* Maamu bahut taqatvar hai... Wo uss ajeeb se aadmi ko hara denge, tum dekhna... *sniff*

Pihu ne apni siskiyaan rokne ki koshish karte hue naak sikodi aur Juhi ki baat sunn apna sirr hilaayi.

Veer ki ungliyaan tezi se aage badhi aur Juhi ka akhiri strap khol di.

Veer : Ye kaun hai, Juhi?

Usne dono bacchiyo ka dhyaan bhatkaane ke liye sawaal chheda. Juhi ne chhootate hue apne nanhe haatho se uski baah kass kar thaami.

Juhi : P-Pihu, meri new friend hai, maamu. *sniff* Juhi aul mumma... Aapki party me aa rahe the... Tab... Shop pe... Shop pe Pihu mili thi.

Veer ko dhyaan aaya. Yarnia. Uska naya clothing brand. Aaj hi toh launch tha. Na jaane kya chal raha hoga udhar? Uski Teju di, Ragini... Sab uska intezar kar rahi hongi.

Veer : Aur, phir?

Juhi : Ph-Phir... *sniff* Phir wo ajeeb se uncle ne humko magic dikhaya aul phir... *sniff* *sniff*

Veer ne apne daant meese.

Lure Path.

Woh kameena. Usne Lure Path ka istemal kar ke Juhi aur Pihu ko apni qaid me kara tha. Aur, ab Veer khud yaha tha — jaisi ki Disembowler ne yojna banayi thi.

Ab Veer ko unn dono ki raksha karni thi. Pihu ke muh se patti hataane ke baad, jaise hi usne pehla strap khola, bagal me baithi Juhi ka chehra achanak peela pad gaya.

Woh zorr se chillaayi,

"M-Maamuuuu! Peeechheeee!"

Maano jaise Veer ka khoon jamm gaya. Bhay ke chalte woh palta aur-

*Click*

[Master!]

Ek thandi dhaatu uski kalaaiyo ke ird-gird jakadti hui mehsoos hui. Derr ho chuki thi.

Nigaah jaise hi kalaaiyo par padi... Usne dekha... ki deewaro se lagi bhaari lohe ke zanzeerein uske dono haatho ko kheench rahi thi.

'When..?'

Hathkadiyaan! Aur, woh bhi sadharan nahi... Badi, moti, lohe ki asaani se na tootne waali hathkadiyaan.

Kintu, sirf wahi nahi... Zanzeer deewaro ke andar dhansi hui thi aur ek self retracting mechanism ke chalte waapas andar ko jaa rahi thi. Yaani ki Veer ki dono baah vipreet disha me khich rahi thi.

"Urgh!"

Usne apna bal lagaate hue apne haath kheeche aur apni position barkarar rakhi. Magar, akhir kab tak? Force itna zyada tha ki agar usne zara sa bhi khud ko halka chhora, toh uski dono baahein shareer se ukhad jaati.

Ek dheemi hasi hawa me goonji. Disembowler. Woh aa chuka tha.

"M-Maaaamuuuu!"

Juhi cheenkhi. Woh nanhe qadam lete hue bhaagi lekin-

"Aaaaaaaa!"

Disembowler ne ek jhatke me use pakad ke peechhe kheench liya.

"Juhiiiiiiiiiiii!"

Veer gurraaya. Disembowler ki paagal muskaan chaudi hui, uski aankhon me ek ajeeb si chamak thi.

"Kya tumne sach me socha tha? Ehe..." Usne fusfusaate hue kaha. "...ki mein samay par wapas nahi aa paunga?"




'Shit! Akhir usne kab-!?'

[Mein bhi wahi soch rahi hu, Master. Koi awaaz nahi, koi harqat nahi. Mujhe bhi sunayi nahi diya. I'm sorry.]

'Nahi, Pari! *frowns* Galti tumhari nahi hai.'

[It... It was my fault as well. I should have-]

'Stay alert, Pari!'

[Y-Yes, master!]

Veer Disembowler ki muskaan dekh ke samajh gaya tha. Kuchh gadbad thi.

Veer (frowns) : You... You did something. Didn't you?

Disembowler : Oh... You figured it out? Hehe! Yessss! After all... It's my chamber...

Ye Disembowler ka chamber tha. Zaahir hai usne kuchh kar rakha tha. Pari eka-ek apne kaam me lag chuki thi.

Veer (yells) : Kyu? Kyu kar rahe ho tum ye sab? Tumhara target toh mein tha na?

Disembowler : Hmm? Kisne kaha mera target sirf tum the... Hehehe... Mein toh shuru se hi inn bacchiyo ke peechhe tha. They would be my test subjects as well...!

Veer : Wh-What? Sh-Shuru se... peechhe?

Disembowler : Yesss! *grins* This time... My goal was to experiment with the young blood.

Veer : Y-Young blood? J-Juhi?!

Disembowler (smirks) : Yesss! Tumhe kya laga? Kya maine ye sab sirf tumhe yaha laane ke liye kiya tha?

Veer : !?

Disembowler : Ohh you are wrong, my boy... Ehehe... I... I did all of that to achieve something greater... Something which this world will come to acknowledge later.

Veer : ??

Disembowler : I'll create a magnificent masterpiece. A masterpiece that'll shake the whole world... Hahahaha...

Veer : What? Akhir chaahte kya ho tum? What are you trying to achieve? Y-You killed so many people...

Disembowler : I didn't kill them... Nooo!!! They died by their own...

Veer : !!?

Disembowler : Mein toh... Mein toh unhe masterpiece banaana chaahta tha... I... I tried so hard... I gave them so much love... But they failed... They failed miserably.

Veer (growls) : Madhuri ke pita... Prabhakar Uncle... Unse kya dushmani thi tumhari? Why did you pick him?

Disembowler : Huh? Ohh! That man... Yessss! I remember... Ehe... He didn't co-operate.

Veer : What?

Disembowler : Maine toh... Maine toh use offer diya tha. To become my test subject... But what did he do??? He rejected me!! He rejected my greatest offer. A golden opportunity... And, so... I killed him... Just one person... Ehe... I only killed one. I swear. Rest died because of their incapability.

Veer (frowns) : The experiment... Kis tarah ke experiment ki baat kar rahe ho tum??

Disembowler : Hmm? I guess it won't hurt telling my soon-to-become test subject... hehe... right?




Veer : !!??

Disembowler (grins) : Blood Transfusion.

Sunte hi Veer ka shareer thanda pad gaya. Ek tez sihran uske badan me daudi.

Saari kadiyaan ab aapas me judti jaa rahi thi. Aur, jaise-jaise Veer ko iska bodh ho raha tha, waise-waise uski aankhein hairat me felti jaa rahi thi.

Veer ke haav-bhaav dekh ke Disembowler jaise samajh gaya ki Veer bhi jaan gaya hai woh kya kehna chaah raha tha.

Blood transfusion. Iska matlab...

Veer ki nigaahein unn peechhe sheeshein ke bane cylinders par gayi jaha ajeebo gareeb aakritiya andar maujood thi.

The experiment!

Akhir kar, use ek maqsad samajh aaya. Uske badan me raungte khade ho gaye. Ye paagal insaan... Insaan ke khoon ko badalne ki koshish kar raha tha.

Magar, kis se?

Veer (gasps) : Y-You...!? H-How?

Aur, agle hi pal Disembowler ne kuchh aisa kaha jise sunn, pehle toh Veer aur Pari dono hi chakit hue par fir jaise hi Veer ne uske shabdo ko decode kiya... Uske perro taley zameen khisak gayi.

Disembowler (mutters) : SHB!! *grins*

[What?! SHB? What is that...? Master?]

Veer ki bauhe kasi. SHB? Y-Ye kya tha bhala? Lekin, fir jaise uska dimaag dauda. Aur, samajh aate hi uska badan wahi jamm gaya.

Pari ne Veer ke vichaar shoonya hote hi chinta me use awaaz lagayi.

[Maaasterrr? What is it? Kya hai ye SHB?]

Aur, fir Veer ki mann me aati awaaz ne Pari ko maun kar ke rakh diya. Kyunki, Pari jis SHB ke baare me poonchh rahi thi, uska matlab tha-

'SYSTEM HOLDER'S BLOOD!!!'

Sunte hi Pari ki rooh kaanp gayi. Woh akeli nahi thi. Veer ka bhi yahi haal tha.

Asambhav.

Akhir kaise?

Jaise Disembowler ne Veer ke sawaal ko pehle hi padh liya. Apni coat ki jeb se usne ek test tube nikaala jisme khoon ke rang ka ek taral padaarth bhara hua tha.

Disembowler (grins) : This is my first creation... Ehe... SHB... Diluted version... Do you know what wonders it can do?

Veer ka dimaag phatne ko aa chuka tha. Usne apne sapne me bhi ye kalpana nahi ki thi ki aisa kuchh bhi ghatit ho sakta tha. Iss tarah ki cheezein bhi astitva me thi.

Aur, agle hi pal use baat ko samajh aate hi ek aur jhatka laga.

Yeh paagal insaan... Ye paagal insaan ek saamanya aadmi ke khoon ko replace kar use ek system holder ke blood se bharna chaah raha tha — Blood transfusion.

This was his second experiment...!!!

Ek system holder ka khoon aam aadmi ke khoon se kayi guna taqatvar hota tha. Ye swabhavik tha. Tabhi toh system holders ke zakhm jaldi bharte the, shareer me chusti rehti thi. Taaqat ka strot agar system tha toh khoon uss taaqat ka woh driving factor tha.

Toh kya hoga jab kisi aise taqatvar system holder ke khoon ko ek aam aadmi ke shareer me pravesh karwa diya jaaye?

SHB ke molecules aam insaan ke khoon ke molecules ko takeover karne lagenge. Dekhte hi dekhte samay ke saath SHB ke molecules apni sankhya badha kar poori tarah se uss insaan ke shareer me take over kar lenge.

Dusre shabdo me... Ek aam insaan pehle se kayi zyada shaktishali aur kayi zyada buddhimaan bann jayega.

Aur, aisa agar har-ek insaan ke saath hua toh? Veer ki reedh me ek sihran daud gayi.

SHB. Matlab system holder's blood — ye ek diluted version tha. Zaahir hai koi bhi aam insaan itna saksham nahi tha jo bina kisi pareshani ke SHB ko apne andar le sake.

'W-Wait-!'

Tabhi, Veer ko dhyaan aaya ki kyu Disembowler tab se yeh keh raha tha ki usne logo ko nahi maara. Woh khud apni naqamyabi ki wajah se mare hai.

Iska matlab... Disembowler ne unn par experiment karna chaaha tha. Lekin, unke shareer itne saksham nahi the jo SHB ko apne andar sama sake.

Zaahir tha, unki maut nishchit thi. Par, agar aisa tha toh murders me victims ki blood reports se toh iska khulaasa ho jaana chaahiye tha ki shareer me kisi aur ka khoon bhi paaya gaya hai. Lekin, aisa toh hargiz nahi hua.

Veer ke chehre ke bhaav padh Disembowler jaise samajh gaya ki woh kya soch raha tha. Uttar usne khud ne hi prastut kar diya.

Disembowler : Didn't I tell you...? Ehe... It's the diluted version... If failed... It... oxidises... into the thin air... Ehehehe...




Veer poori tarah se shoonya ho gaya. Toh, isliye har victim ke shareer par ghaav the. Taaki, khule ghaav ke chalte khoon ka sampark hawa se ho sake aur SHB ke molecules oxidise ho sake.

[I-Impossible! It...]

Ab saari baatein sense bana rahi thi. Ye itna bada game tha Veer ko iska andaza nahi tha. Woh blood lancet jo use Divya ke sang investigation ke dauran mili thi... Koi shaq nahi tha ki woh Disembowler ki hi thi. Akhir, woh ek paagal doctor jo tha.

Use iss baat se bhi ab hairani nahi hone waali thi ki Disembowler ne woh jaan boojh ke giraayi thi, taaki Lure Path ke zariye usko apne tak laaya jaa sake.

Poore samay... Veer ek kathputli ki tarah uske niyantran me tha.

'It... It can't be...!'

Use abhi bhi yakeen nahi ho raha tha. Iss angle se bhi cheezein ghatit ho rahi thi!? Uske peeth peechhe!?

Magar, sawaal tha ki akhir ye blood kiska tha? Disembowler ke kuchh der pehle kahe gaye bol fir uske mann me goonj gaye. Woh kaanp utha.

Veer (mutters) : C-Crimson!?

Aur, Disembowler ki muskaan ajeeb dhang se fel gayi.

Disembowler (grins) : Hehe... Yes...

Parantu, kaise?

Veer : Y-You... You were there!?

Disembowler : Yesss.... Yes, I was... *grins* I was there the whole time... Watching you two fight to death.

Disembowler shuruwat se Las Vegas me hi nahi, France me bhi unke saath tha. Iska matlab, Crimson ke marte hi-

Disembowler (nods) : I took his leftover body parts... Because of you... I failed to take him as my test subject...

Naya khoon utpann karne ke liye shareer ka zinda rehna aavashyak tha. Agar, Disembowler ko SHB chaahiye tha toh system holder ka jeevit rehna zaroori tha. Tabhi, toh woh use apna test subject bana ke uske shareer se lagatar SHB nikaal sakta tha.

Magar, Veer ne uski ye tarqeeb chaupat kar di thi jab usne Crimson ko jaan se maara tha. Aur, isliye, woh Veer ke peechhe tha. Kyunki, Veer ne hi uska mission fail karwaya tha. Jis wajah se use ek naya mission praapt hua. Aur, woh mission tha — Veer ko apna naya test subject banaana.

Disembowler ne Crimson ke bache hue ango se khoon ko nikaala aur uss se hi usne apne pehle creation ko anjaam diya tha — SHB.

Use ye bhi samajh aa gaya ki kyu iss paagal vyakti ka naam tha — Disembowler.

Disembowel ka arth hi tha — shareer ke andhruni ango ki cheer-faad karna. Aur, cheer-faad karna waale vyakti ka naam pada — Disembowler.

Lekin, Disembowler ne abhi tak... Naye khoon waale shareer me apna prayog nahi kiya tha. Naya khoon maane nanhe bacche, jinki rago me javaan khoon beh raha tha. Aur, isliye-

Veer : J-Juhi-! Nahi-!

Ek adult ki tulna me ek chhote bacche ki immunity aksar kam hi hoti thi. Aise me agar unke shareer me SHB ko daala jaaye toh ye toh sarasar maut thi. Magar, Disembowler ko ye baatein bhala kaha samajh me aane waali thi? Uske liye toh experiment pehle tha. Logic baad me. Yuhi nahi woh sarfira kehlata tha.

[Found it...!]

Pari ki awaaz achanak Veer ke mann me aayi.

*Ding*

[Skill : Oblivion Mark.
Description : Can be used in a particular room. Mark the four walls of the room with the oblivion mark in which the user wants to take control. Once marked, the room will negate the alertness of the intruder. And, keep him/her in the 'unawareness' state. It also, enhances the user's stealth.

Note : If the intruder is out from the marked region, he/she will be free from the effects.]

Yahi wajah thi. Jo Veer aur Pari dono hi uske andar aane ki awaaz ko sunn na paaye. Uski har harqat se vanchit reh gaye.

"Maaaaamuuuuuu-!"

Mauka paate hi apne muh se Disembowler ka haath hataate hue Juhi chillaayi.

Disembowler : Enough...! I'll first deal with you little sweetie~ Hehe...

Usne Juhi ko surgical bed par litaaya aur ek strap lagaate hue use pakde rakha. Apni coat se usne ek syringe nikaali jo usi padaarth se bhari hui thi — SHB.

'N-No-!' Veer ghabraya.

Disembowler (grins) : Ehe... Time for the experiment little girl...

Juhi (shrieks) : Ungh... Maaaamuuuuuu-!

Syringe ki needle Juhi ke haath ki orr badhi...

Veer (screams) : Juhiiiiiii-!

Veer chillaaya.

"Urrrghhh!"

Zanzeero ki khanak kamre me goonj rahi thi. Veer ne apne daant peese, apni mazboot bhujao ko usne unki seema tak felaaya.

Khichaav lagataar jaari tha — jaise maano do ugra bael uski bhujao ko kheench unhe cheerne ki koshish kar rahe ho. Uska poora shareer uss taaqat ke chalte kaanp raha tha, nasey ubhar rahi thi, maanspeshiyaan uske vidroh se fool rahi thi.

*Rip*

Blazer ke andar uski shirt uski shakti ko rok paane me asamarth reh gayi aur dhadalle se fatati chali gayi.

"Haaaaaaaaaaaarrrghhhhh!"

Uske galey se ek karkash dahaad nikli, uski aankhein krodh me jalne lagi — kyunki, uske saamne Disembowler ke gande haath Juhi ko jakde hue the.

Woh rakshasi doctor apne dastaane waale haatho me syringe liye Juhi ke haath ki orr badha. Syringe ki nok Juhi ke haath ko lagne jaa rahi thi.

Juhi uski pakad se baahar nikalne ke liye koshish karti rahi, uska chehra aansuon se lathpath tha. Uski nanhi bhujaaye sangharsh kar rahi thi, woh chhatpata rahi thi.

"Nnnngghhh-! Nnnnn-!"

Kintu, Disembowler ka haath uske muh ko jakde hua tha, jis se bechaari ki cheenkhein dabb ke reh gayi. Syringe ki sui halke ujaale me chamak uthi.

Sui aake seedhe Juhi ke badan par lagi... Woh ghusne hi waali thi jab-

Veer dahaad pada.

"Haaaaaaaaaaaarrrghhhhh!"

*Rumble* *Rumble*

Uski dahaad poore kaksh me ek shockwave ki tarah fel gayi. Deewarein kaanp uthi.

Disembowler : Huh!?




Disembowler ki aankhein chaudi ho gayi, uske perro ke neeche ki zameen kaanp uthi. Poora central chamber kampan me doob gaya. Disembowler ka haath wahi ruk gaya, aur agle hi pal-

*CRACK*

Chains toot gayi.

Jo tanaav Veer aur zanzeero ke madhya itni derr se bana hua tha woh achanak se toot gaya. Aur, uss tension break ke chalte tooti hui zanzeerein kisi sarp ki tarah Veer ki orr humla karne ko aayi, magar Veer tez tha.

Usne apne haath aenn waqt par upar kiye, aur ek pal me, bhaari kadiyaan uski dono bhujao ke ird-gird lipat'ti chali gayi.

Uski aankhein gusse se jal rahi thi. Nazrein Disembowler par tiki.

Aur, woh badha.

*Whoosh*

Apni kalai ke ek jhatke se, zanzeer uske haath se sulajhte hue khuli aur hawa me bhayanak seeti bajaate hue, Disembowler ke muh ki orr aayi.




Disembowler ke paas pratikriya karne ka koi samay hi na bacha, lekin ghaatak prahaar se bachne ke liye usne Juhi ko chhora aur jaise hi woh bagal me hata, uski taraf aati zanzeer seedhe uske peechhe bani concrete ki deewar par jaa kar bhidi.

Aur, woh bhidant hi deewar ke chithde udaane ke liye kaafi thi.

Veer abhi uss sher samaan tha jo pinjre se chhoot chuka tha. Woh aage ki orr jhapta, uska shareer visfotak gati ke chalte dhundhla ho gaya.

Disembowler ne Juhi ko firse chheen'ne ki koshish ki, kintu Veer pehle hi hawa me kood chuka tha.

"Haaaaarrghhh!"

Bhaiyankar yuddh ki dahaad ke saath usne apni baazuo me lipti dono zanzeero ko neeche ki orr ghumaya. Zanzeerein haath se khuli aur zameen par do bhaari bharkam hathodo ki tarah aa kar giri.

*BOOM*

Iss zordaar bal se neeche ka farsh fatt kar reh gaya, tiles toot ke ukhadte hue baahar ko aa gayi, daraarein bijli ki tarah unn par fel gayi.

Poore chamber me ek shockwave fel gayi, jis se Disembowler ko peechhe hatna pada. Hawa me dhool aur malba udd gaya.

Magar, fir-

Afra-tafri ke beech, Disembowler ajeeb dhang se muskuraya. Ek jaankaar lagbhag manoranjak bhaav uske chehre par aaya jab usne ek qadam peechhe liya. Usne ek shabd bhi nahi kaha. Use kuchh gyaat ho chuka tha.

Kyunki, zanzeer ke uss self-retracting mechanism, jo usne khud ne banaaya tha, ne apna uddeshya poora kar chuka tha.

Uska khud ka strength stat 160 tha. Dynamometer ki sahayata se use apni taaqat ke force ka pata tha. Aur, isliye usne mechanism iss qadar banaaya taaki woh Veer ki shakti ka aaklan kar sake.

Agar, Veer ki strength 160 ke zara si bhi neeche hoti, toh sirf khichaav se uski baahein uske shareer se alag ho jaati. Kintu, aisa nahi hua.

Iska matlab sirf ek hi tha.

Veer ki strength — 160 ke upar thi.




Disembowler ki muskurahat aur gehri ho gayi. Uska dimaag tezi se chal raha tha, gadna kar raha tha. Ab uske paas paryaapt data tha.

Aur, ab woh jaanta tha — ki Veer se kaise bhidna hai.

Veer ne ek second bhi barbaad nahi kiya. Uske haath tezi se aage badhe aur usne Juhi ko baandhne waale straps khol diye. Jaise hi woh azaad hui, woh Veer ki baaho me simat gayi. Uska chhota sa shareer Veer ki chhaati me aake kaanp utha.

Woh uss se aise lipti jaise kisi khoye hue bacche ko apna ghar mil gaya ho. Koi zordaar siskiyaan nahi, koi rona-dhona nahi — bas khamosh kaanpti saansein. Uski ungliyaan Veer ke blazer me dhans gayi, maano ek darr ho ki agar use chhora toh woh use humesha ke liye kho degi.

Veer ne uske sarr par pyaar se haath fera.

Veer : Sab theek hai, Juhi! Hum ghar chal rahe hai, okay?

Juhi ne haami bhar apna chehra uske seene me chhipa liya, uske aasu uski shirt ko bhigo rahe the.

Parantu, Veer ka kaam abhi khatam nahi hua tha.

Usne usi surgical bed se ek chaadar uthaayi, ek tez jhatke se usne use do hisso me faada aur uski sahayta se Juhi ko apni kamar se baandh liya. Ab use Juhi ko pakadne ki zaroorat nahi thi.

"M-Maamu?"

Achanak aayi ek aur awaaz ne uska dhyaan kheencha.

Pihu.

Woh use kaise bhool sakta tha? Juhi ki dekha-dekhi kar Pihu ne bhi use 'maamu' kehte hue pukaara.

Woh ab tak apne aasu roke hue thi, lekin ab ve lehro ki tarah beh rahe the, uske bandhe haath Veer ki taraf baahein felaane ki koshish me lage the.

Veer : Pihu!

Woh bina samay barbaad kiye turant aage badha aur saare straps khol daale.

Jaise hi woh azaad hui, woh lagbhag uss par kood padi.

Pihu (sobs) : M-Mummy... Papa...!

Veer ne use uthaate hue apni peeth par laada. Aur, Pihu ne bhi rote hue apne chhote-chhote haath uske galey me lapet liye.

Woh apna ek haath peechhe le gaya, aur neeche se sahaara dete hue usne Pihu ke wazan ko sambhaala. Do nanhi bacchiyaan, apni jaan ke liye uss se lipti hui thi.

Aur, tabhi-

*POP*

Ek teekhi awaaz ne uska dhyaan kheencha.

Veer ki aankhein Disembowler par tiki. Disembowler ke haath me wahi test tube tha. Usne apne anguthe se test tube par lagi cork ko khol diya tha.

SHB.

Paagal ke hontho par ek daravni muskaan fel gayi. Aur, fir-

*GULP*

[HE DRANK IT!?]

Pari cheenkhi. Disembowler ke muh se halki si dhue ki dhundh nikli. Usne chatkaarte hue apne muh ko aasteen se poochha.

SHB ko piya bhi jaa sakta tha? Veer ke kaano me punah uske bol goonj gaye.

'Do you know what wonders it can do?'

Use uske sawaal ka uttar mil gaya, aur use ye bhi samajh aa gaya ki-

Kyu Disembowler ne uske khoon ko chaata tha. Aur, kyu usne aisa kaha tha—

'Oooohhhh... It's better!!!'

"The real fight will begin now Veeeeer! Ehehehe..."

Aur, woh bhaaga. Bhayanak gati se. Uske haatho me uska lohe ke staff tha.

*CLANG* *CLANG*

Veer ne turant apne chains se bandhe haatho ka istemal kar attacks block kiye.

Chingaariyaan fel uthi. Achanak se Disembowler ki taaqat badh chuki thi.

[Ye zaroor uss SHB ki wajah se hoga.]

Disembowler kisi paagal aadmi ki tarah humla kar raha tha, uske vaar bina ruke baras rahe the, jaise koi paagal jaanvar apni zanzeero se chhoot gaya ho.

*CLANG* *CLANG*

Veer ne apne daant meese.

[Master! Rakia's blow...]

Veer jaanta tha kya hone waala tha.

*CRACK*

Aur, wahi hua-

Disembowler ke hontho par muskaan saji, block toot chuka tha, usne staff se vaar kiya-

Magar, Veer taiyaar tha.

Apna dusra haath turant aage kar usne punah block kar liya. Aur-

*CLANG*

Zordaar bhidant ke chalte unke beech ek shockwave uth gayi. Veer ki baazu kampan kha ke reh gayi.

Par, Disembowler ke mann me kuchh aur tarqeeb thi. Woh lagatar Veer par humle kar dabaav banaata jaa raha tha.

Qadam-dar-qadam, Disembowler Veer ko peechhe dhakel raha tha. Veer ka perr achanak jab kisi cheez se takraaya toh uska dil ek second ke liye ruk gaya.

Peechhe halki si nazar maarte hue use nazar aaya-

SPIKES!

Lohe ke spikes neeche zameen par aur peechhe ki deewar se lage hue the. Aur, Pihu — woh toh uski peeth par hi thi.

'Shit!'

Uski nazar akasmat upar ki orr gayi. Pankha. Woh band pada tha. Ek ceiling fan jiski blades moti aur mazboot thi.

Ek tez jhatke ke saath usne apni ek zanzeer pankhe ki orr feki aur zanzeer blade ke upar se hoke neeche aake dobaara latak gayi.

Disembowler ka ek aur vaar-

*Dodge*

Veer ne chakma diya. Usi harqat me usne apna dahina haath peechhe kiya, Pihu peechhe lage spikes se bhid jaaye uss se pehle woh usko pakad aage ki orr laaya aur use pankhe ki blade se latakti hui chain ki orr dhakela.

Pihu ne subconsciously woh chain pakdi aur agle hi kshan-

*Swoosh*

Veer ne Pihu ko dhakel diya. Pihu chain par latki toh pankhe ke circular motion ki wajah se woh dhakke ke chalte Veer se door ho gayi.

Mauka dekhte hi Veer ne ek laat seedhe Disembowler ke pait par maari, aur jaise hi Disembowler peechhe hawa me uda-

Utne me Pihu pankhe ke rotational motion ka paalan karte hue waapas se Veer ke paas aa gayi.

Pihu ki aankhein bhay se chaudi ho gayi, lekin Veer ki orr waapas aate hi usne apne haath khole-

Aur, Veer ne use dobaara thaam liya.

Uss ek rotational motion ki wajah se chain pankhe ki blades me ulajh gayi aur unke ulajhte hi-

Veer ne bhar taaqat se zanzeer ko neeche kheench diya. Disembowler, jo abhi bhi hawa me tha-

Upar laga pankha, achanak se uski orr neeche aaya aur...

*CRASH*

Bhidant se sab kuchh ast-vyast ho gaya. Sab kuchh palak jhapakte hue tha. Veer ne zorr se saansein chhori.

[M-Marvelous... Y-You... Master... You are incredible.]

Veer ne jawaab nahi diya. Woh bhaaga. Baahar ki orr. Path Tracker me raasta bana hua tha use kaha se baahar nikalna tha.

Magar, jaise hi woh baahar jaane ke liye hua. Usne dekha ki jis raaste se woh aaya tha woh raasta band kar diya gaya tha. Raaste par bade bade patthar dale hue the.

Iska matlab, central chamber me aate waqt Disembowler ne ye raasta band kar diya tha.

'That bastard-!'

Veer ko dusra raasta dhoondhne ki avashyakta thi. Uska dil zoro se dhadak raha tha. Juhi ka wazan uske seene se chipke hue tha aur Pihu uski peeth par thi.

Tabhi-

*BOOM*

Zameen kaanp uthi. Ek gehri, haddiyaan hila dene waale kampan ne poori lair me halchal macha di, jis se ceiling se dhool aur dheeli bajri girne lagi. Dur se aaye jhatke ne poori sanrachna ko hila kar rakh diya.

Aur, tabhi ek awaaz goonji.

"Where are you??? Hehe!"

Juhi aur Pihu ke badan thar-thara uthe. Juhi ne apni pakad mazboot kar li. Veer ne use kaanpta hua mehsoos kiya. Peechhe tangi Pihu bhi chup na reh saki.

"M-Mummy... Uhuuu... P-Papa..."

Aur, uski dekha-dekhi me, Juhi ne — haule se apna sarr upar kiya. Usne Veer ki orr apni masoom aankhon se dekha. Uske honth khule, kaanpe, aur akhir uske muh se nikal hi gaya-

Juhi : P-Papa!?

*Badump*

Veer ki saans atak ke reh gayi. Juhi humesha use 'maamu' keh ke bulaati thi. Lekin, iss pal... Iss pal me, iss uthal-puthal me jahaan har taraf maut ka saaya mandra raha tha, usne use 'papa' keh ke pukaara.

Veer ko andar hi andar kuchh mehsoos hua. Unke beech ka bandhan ab sirf sneh ka nahi reh gaya tha — yeh kuchh aur gehra, kuchh atoot bann chuka tha.

Uski badi-badi khubsoorat aankhein Veer ko ghoor rahi thi — anishchit. Ek darr, kahi usne kuchh galat toh nahi keh diya?

Veer ne dheere se saans chhori, uska haath Juhi ke sarr par gaya. Usne dheere se uske sarr ko sehlaaya aur apni chhaati ke qareeb kheench liya.

Ek aansu ki boond uski aankhon se behte hue fisli.

Veer : Mm! Papa yahi hai. Aur, hum aapki mummy ke paas chal rahe hai. Okay?

Juhi (nods) : Mmm!

Veer ne tabhi apni jeb se kuchh nikaala. Ye wahi tohfa tha jo Pranjal ne use hospital me thamaya tha. Juhi ka tohfa.

Juhi : Ahn! Ye... Ye toh mela gift hai... Mein aapko dene waali thi.

Veer ne muskuraate hue use khola. Andar ek plastic ki khilaune ki ring thi.

Veer : Y-Ye?

Juhi : Mumma aur papa ki finger pe humesha ring hoti thi... Baad me mumma ne utaal di... Mumma bolti thi ki jo ek dusre se pyaal karte hai na... Unki finger pe rings hoti hai... Papa mumma se pyaal nahi karte the. P-Par... Aap karte ho na? Mumma bhi aapko karti hai... To... To ye ring aapke liye.

Veer : Huh?

[Ahn! My little cutie. Master!]

Veer ki aankhein narm pad gayi. Usne Juhi ko apne galey se laga liya. Plastic ki hi sahi, Veer ne woh ring apni ungli me pehen li.

*BOOM*

Parantu, komalta ka veh kshan toot gaya.

"Where are you??? Ehe... Ohh! I found you... Hehehe..."

Disembowler ki awaaz lair me goonji. Aur, saath hi Pari ki awaaz Veer ke mann me-

[Master!]

*Ding*

[Skill: Vibrato.
Description: Allows the user to send vibrations through the ground up to 100 meters. If these waves hit a living person, the user will be able to locate them instantly.]

'Shit!'

Woh zameen par tha. Disembowler nazdeek aa raha tha. Uski location leak ho chuki thi.

Veer ki aankhein ek sakre raaste ki orr gayi, jahaan deewarein sati hui thi. Bina kisi hich-kichahat ke woh uss orr bhaaga. Aur, uchakte hue uske perr split karte hue fel gaye. Vibrations agar ground se travel kar rahi thi toh kya hoga agar woh ground pe maujood hi na rahe?

*BOOM*

"Where are you??? Huh?? Oh! Are you trying to hide?"

Achanak, Disembowler ki awaaz band ho gayi. Vibrations bhi band ho gaye.

'Huh? Did we make it?'

"Hum bach gaye. Hai na?? Hehe!!!"

Veer ke kaan ke theek bagal se ek awaaz aayi.

'Shit!'

Lekin, derr ho chuki thi. Disembowler ki blade peechhe ladi Pihu ki peeth par lagne ko aayi aur tabhi-

*Ding*




PROBABILITY MANIPULATION

Pihu ki pakad achanak se Veer ke kandhe se chhooti, woh neeche giri, Veer ka ek haath peechhe ki orr use pakadne ke liye gaya, usne use pakad bhi liya, magar tabhi-

*SHNK*

Pihu jise Veer ne apne haath se thaam liya tha, woh achanak hi neeche girne lagi.

Nahi! Sirf, wahi nahi thi. Uske saath-saath Veer ka haath bhi tha.

Khoon hawa me fel gaya. Kata hua haath hawa me ghoom gaya, Pihu haath se alag hui aur neeche gir padi.

[Maaassttterrr!!]

Disembowler jaanta tha ki Veer ne Probability manipulation ka istemal kiya tha aur ye bhi ki yeh uska akhiri avsar tha. Isliye, usne Pihu ko target kiya tha.

Disembowler ne koi bhi waqt nahi gawaya. Iss baar usne Pihu ko uthaaya aur woh bhaaga.

Veer (screams) : Noooooooooo!!!

Veer ne kapde ko kheench ke gaath kholi, Juhi uss se alag hui. Dard itna ho raha tha ki sehna bahut mushqil hota jaa raha tha.

Veer : J-Juhi-!!

Juhi : Ahn!! P-Papa?? *sniff* Papa?

Veer (breathes heavily) : Ghabrana nahi hai, theek hai na? *huff* Jaldi, Juhi... *huff* Wo dikh raha hai na??

Usne ishara kiya — apne haath ki orr.

Veer : Juhi! Jaldi! *huff*

Aur, nanhi Juhi apne maamu ya yu kahe iss baar apne papa ke liye bhaagi. Uske chehre par dar saaf saaf jhalak raha tha. Aasuo se chehra bheeg chuka tha. Wo gayi, usne Veer ke ukhde hue haath ko apne dono haatho se uthaaya aur daudate hue woh uske paas laane lagi.

Laate hi Veer ne uski aankhein haath se dhak ke band karwa di.

Juhi (sobs) : P-Papa... *sniff* Papa...

Veer : Shhh!!!

Veer ne apna haath kati hui jagah par wapas lagaya.

*Ding*

['Limb Substitution' has been equipped.]

*Ding*

['Intimidating Presence' has been equipped.]

*Whoosh*

Veer ne Juhi ko thaama aur woh bhaaga.

*Ding*

[Time Limit : 5 minutes.]

Disembowler wahi ek mortuary room me ghus chuka tha. Sabse pehle Pihu ko apna test subject banaana hi usne sahi samjha.

Veer andar daakhil hua. Oxygen cylindere, liquid nitrogen cylinders aur na jaane kya kya flammable padaartho se mortuary room bhara hua tha.

Disembowler ne idhar Pihu ko litaaya. Coat se uski syringe nikli-

Veer bhaaga.

Uske dimag ne sab kuchh soch liya tha.

*SHNK*

Zanzeerein hawa ko cheerte hue aayi. Disembowler palta. Chain Pihu ke badan par bandhi-

HAWKEYE

Aur, dusri chain liquid nitrogen ke cylinder par jaa kar bandh gayi.

*SHNK*

Aur, Veer ne apni bhujaaye kheench li.

Pihu chain ke zariye uski orr udte hue aayi. Dusri orr se liquid nitrogen ka cylinder hawa me udte hue aaya.

Aur, aenn waqt pe-

Veer Pihu ko thaamte hi apni jagah se mud gaya. Disembowler ko laga ki Veer ne sirf Pihu ko hi kheencha tha. Veer ke peechhe se aa rahe cylinder ko woh nahi dekh paaya tha kyunki, Veer waha khade hoke apne shareer se uss udte hue cylinder ko dhak ke rakha hua tha.

Magar, jaise hi Veer hata.

Disembowler ko woh dikhayi diya. Aur, pehli baar, uske chehre par darr nazar aaya.

Woh jaise hi virodh me chillaaya-

*CRASH*

Cylinder se liquid nitrogen leak hui aur Disembowler ki cheenkh dabb ke reh gayi.

Liquid nitrogen. Ek aisa cryogenic liquid form jo darasal ek liquefied gas thi, jiska taapmaan tha : -196°C

Poore kamre me woh fluid iss tarah fela ki Disembowler ka shareer wahi barf ki silli ki tarah jamm gaya.

Liquid gas Veer ki orr aayi. Woh bhaaga. Magar, uske sarr ke kuchh hisse par frostbite aakhir lag hi gayi.



Woh dauda.

Bhaagte waqt usne oxygen cylinder ko giraaya.

*TSSSSSSS*

Oxygen leak hone lagi. Aur, apni jeb se lighter nikaalte hue Veer ne woh peechhe uchhaal diya.

*BLAST*

Jwalansheel padaarth aag pakde, woh jalne lage. Aur, lair ke andar hi andar ek dhamaake ne janm liya.

Ye Veer ki qismat thi, ya kuchh aur-

Jo woh raasta dhundhne me saksham tha. Lair se baahar woh kooda. Mission complete ho chuka tha.

Parantu, Pari ne use iski soochna nahi di. Kyunk, notification tha-

[Mission Failed.]

[Due to the host's partial completion of the mission, all the three penalties of the mission won't be applied.]

[Due to the failure of not killing the Disembowler, one penalty will be applied to the host.]

[Mission penalty : Loss of loved ones.]
.
.
.
.
.
.
.
.
.
.
Aaj ke liye itna hi guys.
The update consists of 10k words. Although 10k words ka hai but it'll feel like a 15k words update because poora update ek hi jagah par focused tha. I gave my everything for this update. I have tried really hard to let you guys imagine the fight as vividly as you can through my words. Umeed hai fight ke saath saath woh reveal bhi pasand aaya hoga. This was the real game which was going on behind everyone's back. Baaki, target 300 hai iss baar. I know ju log pahucha doge. Revos bhi aate rehne chahiye. And, of course one sketch is made by me. Milte hai agle update me.
Dhanyavad.

Mind Blowing Update bro.
bro veer ko Juhi aur Nidhi Mam se alag mat karna. It's a request

 

[Werewolf]

Samar_Singh I told you that a hidden factor is there which will be revealed. SHB was that hidden factor which was there all along in the story but was presented only now.

 

[Rajurajkr]

Mind blowing update bro abhi bhi dil tezi se dhadak rha h aisa update diya hai apne

 

[Rihanna]

Samar_Singh I told you that a hidden factor is there which will be revealed. SHB was that hidden factor which was there all along in the story but was presented only now.

 

[Rihanna]

Ab neend acchi aaegi...
Juhi nd pihu are safe... Thank you really... For not killing them... Now I can sleep in peace...

 

[Rihanna]

Par loss of loved ones ne tension me daal dia h... Sudhroge ni aap...

 

[Samar_Singh]

Samar_Singh I told you that a hidden factor is there which will be revealed. SHB was that hidden factor which was there all along in the story but was presented only now.

Yeah..... And it had ignited some new questions and possibility that I will ask in review

 

[mmmmmmmm]

Shandar se upar ka update bhai

 

[Samar_Singh]

Ab neend acchi aaegi...
Juhi nd pihu are safe... Thank you really... For not killing them... Now I can sleep in peace...

Are you sure about that Juhi and Pihu are safe?

 

[Grandmaster1]

Mega Update

Update - 195 ~ The Hidden Truth — SHB​

Ab tak...

[N-No!! Master!!!]

Use apne mann me saamne nazar aaya-

Veer ki aankhein bhay ke maare fel gayi. Woh ghabraate hue uss paagal ko dekh raha tha. Uske honth apne aap khule-

"Wh-Who are you-!!?"

Aur, dusri orr se dheere se ek jawaab aaya-

"They call me... THE DISEMBOWLER!!!"

Ab aage...

Underground lair badbu se grasit thi. Upar timtimaate light bulbs chuninda jagah par chipke hue the jiske chalte aadhi se zyada lair andhere me doobi hui thi, aur prakash bas kuchh jagaho par hi maujood tha.

Veer ki saansein dheemi thi lekin uska dil yuddh me baj rahe kinhi nagaado ki tarah dhadak raha tha.

“D-Disembowler!? Wh-What?”

Woh stabdh uss paagal vyakti ke saamne khada hua tha. Disembowler ne apna naam ujaagar kar diya tha. Kintu, Veer ko hairat me daalne ka kaaran sirf uska naam nahi tha. Woh tha — uske saamne pradarshit ho raha woh notification.

*Ding*

[‘Beowulf’s Blessings’ is broken.]

‘What? What is going on? Pari, iska kya matlab hai?’

Uska ekmaatra trademark card jaa chuka tha.

Notification ko padhte hi uske hosh udd chuke the. Aisa aaj se pehle kabhi nahi hua tha. Akhir, iska kya arth tha? Uske chehre par darr saaf-saaf jhalak raha tha. Kahi uska card humesha-humesha ke liye-?

[Damn it!]

‘Don’t leave me hanging, Pari! Jawaab do!’

[Master! This is bad! ‘Beowulf’s Blessings’ break ho chuka hai.]

‘Kya matlab?’

[I don’t know exactly, master ye kaise ho gaya. It shouldn’t have… Ah!]

‘K-Kya hua?’

[I see! Master, remember the curse? Usne definitely kisi skill ye card ka istemal kiya hai.]

Veer ko kuchh der pehle lagaye gaye curse ke baare me yaad aaya. Beshaq! Uske upar kisi tarah ka curse lagaya gaya tha jis par dhyaan dene ka samay use mil hi nahi paaya tha.

Use woh pal zehen me aaya jab Disembowler ne uss par lagatar vaar kiye the. Teen vaar toh usne defense kar ke jaise-taise rok liye the magar woh chautha vaar — woh chautha vaar hi tha, jo uske defense ko tod ke use laga tha. Aur, uske agle hi pal — woh curse.

Curse ke lagte hi teen vaar aur kiye the Disembowler ne. Aur, teesra vaar padte hi 'Beowulf's Blessings' toot chuka tha.

Woh ab samajh paa raha tha.

‘Was that it?’

[Yes, master! Hum careless the. Mujhe thoda waqt dijiye. Mujhe dekhna hoga woh kya istemal kar raha hai. Aisi bahut si skills aur cards hai jo alag-alag tarah ke curses lagaate hai toh mujhe har ek ko identify karna hoga ki ye paagal kaun sa use kar raha hai. Tab tak aapko Juhi ko-]

Iske pehle ki woh apni baat poori tarah se rakh paati, mann me aati ek aur ghanti ne unn dono ka dhyaan kheench liya.

*Ding*

[Mission updated.]

[Mission : A Knight's Stand.
Description : Get rid of the Disembowler, rescue Juhi and secure the experiment’s secret.
Time Limit : 1 hour.
Rewards :
1) ??? Points
2) ??? Fame Points
3) 1 Random Legendary Skill

Mission failure penalty :
1) Loss of loved ones.
2) Secret getting publicized.
3) Under surveillance.]

Mission padhte hi Veer ki aankhein chaudi ho gayi. Purana mission - ‘Assist Divya and unveil the murderer' ab update ho chuka tha. Abki baar mission seedha Disembowler ka khaatma karne ka praapt hua tha. Saath hi Juhi ko bachana bhi tha. Magar, kuchh shabd the jinse woh confusion me tha.

Rewards ke saath-saath ye pehli baar tha jab itni saari penalties ek hi mission ke andar nazar aayi thi.

Veer (mutters) : Experiment’s secret?

Mission padhte hue woh apne aap me budbudaya.

Disembowler : That's right!!!

Uske sawaal par saamne se dabi hui Disembowler ki awaaz aayi.



Disembowler : …Aur tumne… tumne use mujhse chheen liya. Pachhtaoge! Tum pachhtaoge…

Veer (frowns) : Use? Kisey? Kiski baat kar rahe ho tum?

Disembowler (murmurs) : CRIMSON!

Naam sunn Veer ke badan ke rue khade ho gaye. Woh akela nahi tha, Pari ka bhi yahi haal tha. Iss naam se toh woh bhali-bhaanti waqif thi. Khaas kar, uski yeh personality.

Lekin, bhala Disembowler Crimson ke baare me kaise jaanta tha? Veer toh kabhi iss Disembowler se mila bhi nahi tha. Fir kaise? Aur, tabhi-

“Mammaaaaaaaa!”

Ek zordaar cheenkh lair me goonj uthi. Veer ka badan cheenkh sunte hi thanda pad gaya. Saansein atakne lagi, ungliyaan kaapne lagi.

Juhi.

Woh yahi thi. Gandagi, sadti laasho aur maili gandh se bhari iss lair me kahi.

Veer ka sarr awaaz ki disha ki orr muda. Awaaz lair me surango ki bhool-bhulaiyaan me se kahi se aayi thi. Samay zaaya karne ka waqt nahi tha. Usne socha nahi — woh bas bhaaga. Awaaz ke strot ki orr.

*Whoosh*

Magar, Disembowler kaha peechhe rehne waala tha? Veer ke waha se bhaagte hi woh apni chaudi, mudi hui muskaan liye uske peechhe utsaah me bhaaga.

"You're not getting away from me-! Ehehe-!"

Dono bhayanak raftaar se bhaag rahe the, unke qadam zorr se zameen par pade, aur paani ke chheete uchhalte chale gaye.

“Mammmaaaaaaaaa-!”

Achanak, Juhi ki ek aur cheenkh lair ke sannaate ko cheer gayi.

Lekin, Veer ke qadam fislan kha kar wahi ruk gaye. Neeche ka paani ek leher bann ke uthal gaya. Uski aankhein bhay ke maare chaudi ho gayi. Iss baar awaaz… kahi aur se aayi thi. Waha se nahi jaha se pehle aayi thi.

‘What is going on?’

*Badump* *Badump*

Uske dil ki dhadkane uske kaano me goonj rahi thi. Pichhli baar awaaz iss raaste se hi aayi thi. Magar, iss baar kisi aur raaste se. Kuchh gadbad thi.

Pari ne bina Veer ke bole hi 'Path Tracker' on kar diya. Taaki, jis-jis raaste me Veer daakhil hoye, kam se kam use pata rahe ki woh waha ek baar jaa chuka hai.

‘J-Juhi!! Woh... Woh chal rahi hai kya? Dusri orr?’

Ek vichaar uske mann me aaya. Kahi Juhi idhar se udhar bhaag toh nahi rahi thi?? Agar, aisa tha tab toh-

Veer ka badan kuchh soch kaanp utha. Lair me itne bhayanak qism ke traps maujood the. Agar, galti se bhi Juhi unn traps me se kisi ek ka bhi shikaar hui toh-

'N-Nahi! Juhi! Mein aa raha hu!' Woh ghabraya.

Aur, uska yahi par jhijhakna aur waqt lena uss par bhaari pad gaya.

*SHNK*

Usne bamushqil samay rehte apne shareer ko moda, aur agle hi kshan ek chamakti hui blade ki dhaar uski pasliyo se hokar guzri, uske blazer ke kapde ko cheerte hue nikal gayi.

Use apne khoon ki garmahat apni bagal me behti hui mehsoos hui.

‘Shit! This bastard-!’

“Ehe… ehe… ehehehe…!”

Disembowler hasa. Veer ke khoon se sani blade ko woh apne muh ke paas leke aaya. Uski lambi lacheeli zubaan baahar aayi aur blade par lage khoon ko chaati.

Khoon ka swaad lete hi Disembowler ki aankhein band ho gayi. Ek zordaar jhurjhuri uske poore badan me fel gayi. Uska poora shareer jhunjhla gaya. Aankhon ki putliyaan ulti hone ko ho gayi. Aur, uski haivani muskaan ajeebo-gareeb dhang se aur adhik fel gayi. Woh pagalo ki tarah hasa.

“Oooohhhh... It's better! Eiyahahahaha! *licks* This will be my ultimate weapon... hehe... Tum tez ho… lekin, utne bhi nahi… soon... I'll enjoy you cutting down into pieces hehehehe...”

Veer bhauchakka uski harqato ko dekhta reh gaya. Kya abhi-abhi usne uska khoon chaata tha? Y-Ye kis tarah ka aadmi tha?

Usne apne daant bheenche. Ye sanki aadmi… Woh sirf andha-dhundh humla nahi kar raha tha. Woh dekhna chaah raha tha ki Veer kya kar sakta hai. Woh jaanch kar raha tha, Veer ko apne system ke cards istemal karne ke liye majboor kar raha tha.

‘In your dreams, bastard!’

Kintu, Veer ne uski tarqeeb ko pakad liya. Woh uske jaal me nahi phassne waala tha. Disembowler uske cards tod sakta tha, skills nahi.

Disembowler fir uchhla. Woh andhere me se baahar nikal ke aaya, uske lambe safed baal hawa me lehraaye.



Aura vision ne andhere me bhi Disembowler ko dekh liya. Humle se bachne ke liye Veer ne ek jhatke me neeche zameen par ek zung lage pipe ko perr se tatolte hue uchkaya aur sahi samay par-

*CLANG*

Lohe se lohe ka takraav hua, chingariyaan bikhar gayi. Veer gati ke saath ghooma aur usne apna ghutna Disembowler ke pait me zorr se de maara.

*POW*

Disembowler ki aankhein baahar ko aa gayi. Veer ka ghutna uski atadiyo me jaise ghusne ko aa gaya.

Woh do qadam peechhe hata, lekin dard ki bajaaye — woh hasa. Ek bhayanak, karkash, haivani hasi jise sunn Veer ke badan me sihran daud gayi. Aisa laga maano jaise koi aam insaan ret se bhari bori par vaar kar raha ho.

'What the hell?'

Use vishvas tha usne ye vaar achhi khaasi taaqat laga ke kiya tha. Magar, uske baad bhi-! Woh poochhna chaahta tha Pari se, lekin woh pehle se hi Disembowler ke patte kholne ki apni poori koshish me lagi hui thi. Isliye, use disturb karna Veer ko sahi nahi laga.

Aur, tabhi-

"Mammmmaaaaaaaaaa-!"

Ek baar phir.

Par, iss baar awaaz vipreet disha se aayi thi.

'W-What!?'

Veer ki nigaahein ghumavdar surango ke beech tik gayi. Uska dimag tezi se daudne laga. Woh fir se uss disha ki orr bhaaga. Disembowler peechhe se lapka.

Kya Juhi bhaag rahi thi? Lair ka structural pattern bahut hi soch samajh kar banaya gaya tha. Bahut sateek.

Raasta khojna itna pechida kaam tha ki system hone ke bawajood bina kisi aham skill ke Juhi tak pahuchna namumkin sa lag raha tha.

Parantu, jaise hi Veer uss maarg par pahucha, jis baat ka use darr tha akhir wahi hua-

"Mummaaaaaaa!"

Juhi ki guhaar. Punaah ek cheenkh. Aur, fir se ek alag disha se. Veer iss baar uss disha me aage nahi badha. Kyunki-

Woh pehle hi uss disha me jaa chuka tha. 'Path Tracker' me woh dekh paa raha tha ki kuchh der pehle hi woh uss surang ke mod me gaya tha. Aur, ab awaaz fir se wahi se aa rahi thi. Akhir, chal kya raha tha?

Disembowler akasmat prakat hua. Uski laat Veer ke seene par padne ko aayi. Veer ne apne dono haatho se block kiya, magar force itna zyada tha ki laat padte hi uska shareer peechhe hawa me uchhal gaya.

*Baaaammmmmmm*

Woh ek deewar se takraya. Takraav ke chalte dehti deewar ke do chaar eent ke patthar neeche gir gaye. Aur, fir-

"Mammmmaaaaaaaaaa-!"

Usne suna. Awaaz theek uske peechhe se aayi thi. Usne palat ke dekha.

Dehti deewar me ek chhota sa gap. Usne sarr ghuma ke baaki deewaro ko dekha. Fir, ek aur... aur fir ek aur. Jaha-jaha uska sarr ghooma, waha-waha alag-alag deewaro ke kono me kayi vibhinn chhed bane hue the.

Aur, tab use ehsaas hua.

'N-No! It can't be...!'

Juhi kahi chal nahi rahi thi. Jo chal rahi thi woh thi uski — awaaz.

Cheenkhein deewaro ke andar chhipe hue pipes ke network ke madhyam se yaatra kar rahi thi, alag-alag deewaro ke gaps se utpann ho rahi thi, use bhatkaane ke liye vibhinn chhedo se baahar aa rahi thi.

Juhi jitni taaqat se chillaati, awaaz utni hi zyada derr ke liye unn pipes me travel karti aur aneko chhedo se baahar aati. Har baar Juhi ke chillaane ki intensity aur frequency alag hoti, jiske chalte uski awaaz alag-alag chhedo se baahar nikalti.

Yeh... ek jaal tha.

Juhi kahi bhi nahi chal rahi thi. Uski awaaz ka upyog kiya jaa raha tha jiske chalte woh bhatakta rahe.

"Smart...!" Disembowler muskuraya. "But it took you long enough ehehe... And now you will become my test subject.."



Woh fir se lapka. Ek qadam uchhalte hue baayi orr, fir dusra daayi orr, aur fir achanak se woh Veer ki taraf seedhe se aaya.

'Huh?'

"YOU ARE MINE!" Woh cheenkha!!

Usne apne lohe ke staff se Veer ke dil ki orr vaar kiya. Apne reflexes ka fayda uthaate hue Veer ne turant hi apne shareer ko baayi orr moda.

*SWOOSH*

Staff uske bagal se nikal gaya, Veer bach gaya, magar Disembowler ke hontho par ek muskaan fel gayi.

Ek sihran Veer ki reedh ki haddi me daud gayi.

A trap! He was late.

Ek jhatke me Disembowler ne staff ke hatthe se ek chaaku kheench ke nikaali aur seedhe hamla kiya.

"I won... Ehe..."

Chaaku Veer ke bheje me ghusne ke liye palak jhapakte aayi aur-

*Ding*



PROBABILITY MANIPULATION!

"???"

Waqt jaise tham gaya.

Achanak, Disembowler ke perro ke neeche aaye patthar ne uska balance bigaad diya, woh dagmagaya-

Aur, uske haath ki chaaku Veer ke dimag ki orr naa aake, uske kuchh baalo ko kaatate hue sarr ke upar se nikal gayi.

[On time...! Phew!]

Pari ne aenn waqt par apna daav khel diya. Sahi samay par 'Probability Manipulation' jo equip kar diya. Aur, Veer Disembowler ke fatal blow se bach gaya.

Agar, woh ise pehle hi equip kar deti toh ho sakta tha ki Disembowler iss card ko bhi break kar deta. Isliye, chalaaki dikhaate hue Pari ne slot me koi bhi card equipped nahi rakha tha. Kintu, ye sab kuchh Veer ka hi socha hua tha. Pari sirf uss par amal kar rahi thi.

Veer ki mutthi gusse me kasi. Thanks to Pari, woh lagbhag marrte-marrte jo bacha tha. Sahi samay par usne Probability Manipulation ke baare me socha aur udhar Pari ne microseconds ke andar woh equip kar diya.

Mauke ka faayda uthaate hue Veer ne ek jhatke me Disembowler ke jabde par ek zordaar mukka maara.

*Bammmmmmm*

“Ugh-!”

Disembowler peechhe hawa me uda, par iss se pehle ki woh dur jaake girta, Veer ne uski aedi kass kar pakdi aur fir-

“I will turn your own lair into your graveyard!”

Woh dheere se bola aur fir dahaada.

“Haaaaaarrrrrgghhhh!!”

Aur, Disembowler ko ek haath se uska perr pakad ke thaame woh zorr se apni jagah par ghooma.

*BAM* BAM* BAM*

Disembowler ka sarr baari-baari alag-alag deewaro ke kono se bhidta chala gaya. Eent ke patthar uske sarr bhidne se deewar ke kono se toot-toot kar bikhar kar neeche gir gaye. Dhool uth gayi aur Veer ne ek antim baar zorr se use ghumaate hue dur fek diya.

*SPLASHHHH*

Disembowler ka shareer paani me chhapak ki awaaz ke saath neeche jaa gira. Veer ne haafte hue apni saansein durust ki.

‘Thanks, Pari!’

[Don’t mention it, Master. It’s my job to protect you. Rahi baat iss paagal ki- I have found it.]

Agle hi pal Pari ne Veer ke saamne Disembowler ka parcha-chittha khol diya.

*Ding*



‘R-Rakia’s Blow?’

[I’m pretty sure usne yahi istemal kiya hai, Master!]

Veer ne jaise hi card ke baare me padha uski hairani ka koi thikana nahi tha. Ab uski samajh me aa raha tha ki akhir kaise uska 'Beowulf's Blessings’ broken state me gaya tha. Woh card ka description padh ke hi stabdh tha. Usne uss line ko dobaara padha.



Aur, padhte hi uska badan kaanp utha. Ek aisa card jo baaki kisi bhi card ko break kar sakta tha? Use ab jaa ke samajh aaya ki kyu uska defense toota tha. 25% chance for an unblockable attack.

Woh curse ka lagna. Sasha’s curse! Toh, yahi woh curse tha jo Disembowler ne uske defense ko tod kar uss par lagaya tha.

Sasha’s curse vyakti ko 10 minute ke liye ‘vulnerable’ state me daal deta tha. Agar, iss dauran koi bhi 3 vaar lagatar kiye gaye, toh teesra humla — Rakia’s Blow hota tha. Aur, uske padte hi — card break.

Uski nazar fir time limit par padi. Ek ghanta. Ek ghante tak uska card broken state me rehne waala tha. Veer ne ek raahat ki saans li. Iska matlab, card humesha ke liye break nahi hua tha.

Usne mission ki time limit par nazar daali.

[Time limit : 50 minutes.]

'Shit!'

Pipes ke zariye Juhi ki awaaz se gumraah hone ki wajah se usne kaafi samay kho diya tha.

'This is bad. Mujhe Juhi ko jald se jald dhoondhna hoga.'

Woh waha se nikalne ke liye hua par jaise hi usne apna dhyaan notification screen se hataya... saamne se Disembowler gaayab tha.

'!?'

"Mission mil gaya hehe?"



Ek awaaz theek uske kaan ke bagal se aayi. Veer ka badan wahi jamm ke reh gaya.

"Ehehehehe..."

[Maaassttterrr!]

*Whoosh*

Woh jhatse muda. Disembowler ne usko jakda.

Nahi! Iss baar firse woh 'Rakia's Blow' ka shikaar nahi ho sakta tha. Pari ne Veer ke bhaav padh tapaak se 'Probability Manipulation' ko slot se hataaya.

*Baaaammmmmmm*

*Bammmmmmmmm*

Magar, uska defense pichhli baar ki tarah iss baar bhi toot gaya.

'This fuckin' card-!'

Aur, iss baar Disembowler ne zorr se Veer ke chehre par ek ghoosa jada. Veer dhadaam se neeche gira. Disembowler theek uske upar tha.

*Bammmmmmmmm*

*Bammmmmmmmm*

*Bammmmmmmmm*

Teen se chaar vaar karne ke baad Disembowler ne Veer ki chaathi par uske blazer se pakad use uthaaya aur zorr se use feka.

Veer ka shareer kisi khilaune ki tarah hawa me udte hue jaa ke deewar se bhida.

Par, ye hua hi tha, Disembowler ne use feka hi tha jab usne apna neeche pada staff perr patakte hue uchhaala, use haath me thaama aur use zorr se udte hue Veer ki orr fek diya.

Lohe ke staff se judi ghaatak blade Veer ke saath-saath hawa me udti hui uski orr hawa ko cheerte hue aayi.

'Fuck-!'

Veer deewar se bhida, magar use samay na mila aur staff ki blade jaa ke seedhe uske dil ko cheer gayi.

*Thud*

Uska shareer kisi bejaan ki tarah dhadaam se wahi gir pada. Ek fatal blow. Veer ke bagal se hi ek gehra gaddha tha, jisme laasho ka dher pada hua tha. Woh usme girte-girte bach gaya.

Disembowler muskuraya. Akhir kaar, woh qamyab ho chuka tha. Ab woh Veer ko apna test subject bana sakta tha. Ek system holder uski giraft me aa chuka tha. Woh paagalo ki tarah hassne laga.

"Mil gaya.. Ahahahaha! Mil gaya... My test subject... A System holder Eehehehe... You will change the world my dear... Ehehehe! Now... It's time!"

Kehte hue woh ahista-ahista aage badha. Mission sirf Veer ko hi nahi mila tha. Use bhi praapt hua tha. Aur, uska mission tha Veer ko apna test subject banaana.

Woh dheere-dheere Veer ke nazdeek pahucha.

"Now... Let's take you to the lab my dear... Hehe..."

Bolte hue woh jhuka.

"???"

Magar, achanak-

Ek haath ne uski aedi pakad li.

Disembowler ki aankhein pehli baar bhay ke maare feli. Veer akasmat dahaadte hue utha aur Disembowler ko kheechte hue usne apne bagal se maujood uss gehre gaddhe me fek diya.

*huff* *huff*

Pari ne uski jaan ek baar fir bachayi thi.

Jaise hi woh deewar se bhidne waala tha, usi waqt-

*Ding*



PROBABILITY MANIPULATION

*Ding*

BONE REAPER

Bhidte hi uska shareer jaha seedhe girna chaahiye tha, Probability manipulation ne saara khel badal diya.

Uska shareer seedhe neeche girne ki bajaaye, halka sa baayi orr girne laga, jiske chalte Disembowler ka feka gaya woh staff Veer ke dil ko na cheerte hue uske bagal se beech me jaa ghusa.

*Splurt*

Blade badan ko cheerte hue andar ghusi magar Bone Reaper ke chalte haddi se takrati hue woh wahi ruk gayi.

Ye sab kuchh palak jhapakte hue tha. Fraction of seconds me Pari ne cards equip kiye the aur fraction of seconds me hi woh activate bhi ho gaye the.

Disembowler ko laga tha usne ek fatal blow land kar diya, magar ye sab Veer ka bas ek dikhawa tha. Kintu, iss baat ko bhi jhutlaya nahi jaa sakta tha ki woh staff ki blade uske shareer me zaroor dhansi thi.

*SHNK*

"Argh! Fuck! *huff* *huff* This one hurts...! Urghh!"

Veer ne uss blade ko nikaalte hue zameen par feka. Probability Manipulation ka upyog ek jhatke me do baar ho chuka tha. Ek antim avsar aur baaki tha uske liye. Agar, usne ek baar aur Probability Manipulation ka upyog kiya toh aaj woh uske baad use istemal nahi kar payega.

Veer ne bagal se dekha. Disembowler wahi neeche gehre gaddhe me dala hua tha. Koi harqat nahi-!

[Master! Juhi-!]

'Yeah!'

Pari ke bolte hi woh seedhe uth Juhi ko dhoondhne ke liye bhaaga. Badi mushqil se Disembowler se thodi der ke liye peechha chhoota tha. Yahi woh waqt tha — yahi samay tha Juhi ko chhuraane ka aur use sahi salamat baahar pahuchaane ka. Uske baad hi woh Disembowler se bhid sakta tha.

Veer ko bas ek baat nahi samajh aa rahi thi. Jitni taaqat se usne Disembowler par humle kiye the woh utne force ke saath use lage kyu nahi? Use poora vishvas tha ki woh apna poora zor laga raha tha. Kintu, uss zor ka parinaam use sahi nahi lag raha tha.

Uske sawaal ka uttar bhi Pari ne akhir de hi diya-

*Ding*



[He might be using this, Master.]

Card ko dekhte hi Veer ki bauhe kass gayi. Uske badan me raungte khade ho gaye. Woh samajh chuka tha ki iss Disembowler se yuhi nahi bhida jaa sakta tha. Jald se jald Juhi ko pehle yaha se baahar nikaalne ki zaroorat thi.

***

Underground lair kisi bhool-bhulaiyaa ki tarah felti hi jaa rahi thi. Woh jitna andar jaa raha tha, hawa utni bhaari hoti jaa rahi thi — ghani, dum ghotne waali, maano woh sab mrat log uske kaano me fusfusa rahe ho.

Har qadam bhayaveh roop se goonj rahe the, use chaaro orr fele andhere ne nigal rakha tha. Upar jal rahe light bulbs bamushqil hi koi raushni pradaan kar rahe the. Unki chamak khoon se sani deewaro par vichitr chhayaaye daal rahi thi.

Aur, sadan ki yeh gandh toh bilkul hi asahaneeya hoti jaa rahi thi.

Veer ki maanspeshiya tanavgrast thi, uska har ek ang satark tha. Usne Disembowler ko ek gaddhe me dhakela tha — ek gehra khula hua gaddha jaha kuchh laasho ka dher pehle se pada hua tha. Uss paagal ko wapas upar rengne me samay lagne waala tha. Lekin, Veer jaanta tha ki yeh ant nahi tha.

Ye toh bas udhaar ka samay tha.

Use Juhi ko dhoondhna tha. Abhi.

Woh vibhinn traps se bachte hue aage badha, Disembowler ke jaal har jagah the. Ye sirf ek lair nahi thi — ye woh bhul-bhulaiyaan thi jise ghuspaithiyo ko nigalne ke liye banaaya gaya tha.

Fir, akhir kar use woh mila...

Central chamber.

Veer fisalte hue ruka. Jaise hi woh Central chamber me pravesh kiya, saamne ka drishya dekh uski saansein atak ke reh gayi.

Surgical tables, khoon se lathpath chaadrein, mand raushni me chamakte hue flasks, taral padaarth aur vichitr upkarno ka ek avyavasthit dher. Deewaro par bade-bade kaanch ke cylinders lage hue the, jinme se pratyek me jeevit, hilti hui cheezein bhari hui thi.

Unke roop pehchaan me nahi aa rahe the — ang bahut lambe the, maans apraakartik tareeke se ek saath sile gaye the, unki aankhein adh-khuli hui thi.

'Wh-What!?'

Ek laboratory.

Ya ek kasai ki workshop!?

Aur, kendra me—

Juhi.

Woh chhoti si bacchi ek surgical bed par bandhi hui thi. Uska chhota sa shareer kaanp raha tha, uski kalaayi aur aediyaan straps se bandhi hui thi. Uski gehri aankhein chaudi ho rakhi thi, honth thar-thara rahe the aur gaalo se fisal kar aansu beh rahe the.

Uski dono chhoti-chhoti baalo ki chotiyaan ast-vyast ho rakhi thi, pyaari si safed frock jo usne pehen rakhi thi woh bhi gandagi se sani hui thi.

Aur, uske bagal me-

Ek aur ladki.

'Huh?'

Veer ki nazar uss par tiki. Wahi khauf uss ladki ki aankhon me bhi tha.

System apne kaam par lag gaya.

*Ding*

[Name : Pihu Bakshi
Age : 6
Bio : Trisha and Rohan's only daughter.]

Veer ki bauhe kass gayi. Trisha. Wahi DSP officer jisne Divya aur usko iss case ki investigation ke liye bheja tha.

Uski beti yaha thi?

Ek sihran uske badan me fel gayi. Ab yeh sirf Juhi ke baare me nahi tha. Ab, do zindigiyaan uske haath me thi. Aur, beshaq, system ne bhi yahi maanana sahi samjha-

*Ding*

[Mission updated.]

[Mission : A Knight's Stand.
Description : Get rid of the Disembowler, rescue Juhi, Puhi and secure the experiment’s secret.
Time Limit : 40 minutes.
Rewards :
1) ??? Points
2) ??? Fame Points
3) 1 Random Legendary Skill

Mission failure penalty :
1) Loss of loved ones.
2) Secret getting publicized.
3) Under surveillance.]

Mission me 'Pihu' ka naam jud chuka tha. Ab, sirf Juhi hi nahi, use Pihu ko bhi yaha se baahar nikaalna tha.

Idhar, Juhi ki nazar achanak uss par padi.

Ek pal ke liye woh stabdh reh gayi. Uske honth kaanpe, maano use yakeen nahi ho raha tha ki woh jo dekh rahi thi woh sach tha ya nahi? Aur, phir-

"Maamuuuuu!"

'Mamma' ki pukaar 'maamu' me badal gayi. Uski cheenkh tez aur karkash awaaz se bhari hui thi.

Woh chhatpatane lagi, apni poori taaqat se bandhano se nikalne ki koshish karne lagi. Veer jhatse aage badha, Juhi ki karkash guhaar sunn uska dil dehel gaya.

"Shhhh!" Veer ne tezi se aate hue Juhi ke sarr par haath rakh use chup karaane ki koshish ki.

Veer : Shor nahi, Juhi! Ab darne ki zaroorat nahi. Theek hai? Mein aa gaya hu. Hum yaha se nikal rahe hai.

Nanhi Juhi naak sudakte hue kaanpi, uski aankhon me itna darr bhara tha ki woh lagbhag behosh hone ki kagaar par thi.

Juhi : M-Maamu... *sniff* Gh-Ghal jaana hai. *sniff*

[Ah! Poor child... Juhi!]

Uski awaaz fatt rahi thi. Uske chhote-chhote haath Veer ko pakadne ki koshish kar rahe the.

Veer : Haan! Hum ghar hi chal rahe hai. Don't worry! Okay? Bas... Bas do minute.

Juhi (sobs) : Y-Yaha se le chalo, maamu... *sniff* M-Mujhe darr lag raha hai. *hic* Y-Yaha.. yaha daravni cheeje hai... *hic* muje mumma ke paas jaana hai...

Veer : Haan! Mujhe pata hai.

Usne dheere se kaha. Uske haath tezi se straps ko kholne ke liye chal rahe the.

Veer : Mein tumhe abhi ghar leke chal raha hu, theek hai?

Juhi (nods) : H-Haan! P-Pihu bhi maamu... *sniff*

Juhi ke aansu girte rahe, lekin usne apne maamu par bharosa rakhte hue haami bhari. Apni maa ke baad agar uski zindagi me uska koi hero tha, toh woh uske maamu hi toh the.

Veer : Pihu?

Juhi (nods) : Mmm!

Magar, Pihu ke sang aisa kuchh nahi tha. Uske mata-pita dono hi police me the. Uske liye uske pita uske hero the. Rohan Trisha se upar post par jo tha, toh woh Trisha se zyada authority rakhta tha. Yeh baat nanhi Pihu bhi kahi na kahi samajh jaati thi jab uski maa uske pita ki kahi gayi har baat ka paalan karti thi. Isliye, Pihu ko uske pita zyada bhaate the.

Wahi Juhi, jise bachpan se hi ek baap ka pyaar nahi mil saka, uske liye ya toh uski maa ya phir uske maamu hi chamakte hue sitaare the.

Veer ne Pihu ki taraf dekha, jiska chhota sa shareer darr ke chalte akda hua tha. Uske muh par patti bandhi hui thi. Bandhi toh Juhi ke muh par bhi thi par shayad woh patti hataane me qamyab thi.

Pihu koi awaaz nahi kar rahi thi, uski aankhon se bas aansu beh rahe the, uski chhoti-chhoti mutthiyaan bhinchi hui thi.

Juhi ne apna sirr Pihu ki orr ghumaya aur boli.

Juhi : Daro mat... *sniff* Ab maamu aa gaye hai na? Ab maamu usko ni chhorenge... *sniff* Maamu bahut taqatvar hai... Wo uss ajeeb se aadmi ko hara denge, tum dekhna... *sniff*

Pihu ne apni siskiyaan rokne ki koshish karte hue naak sikodi aur Juhi ki baat sunn apna sirr hilaayi.

Veer ki ungliyaan tezi se aage badhi aur Juhi ka akhiri strap khol di.

Veer : Ye kaun hai, Juhi?

Usne dono bacchiyo ka dhyaan bhatkaane ke liye sawaal chheda. Juhi ne chhootate hue apne nanhe haatho se uski baah kass kar thaami.

Juhi : P-Pihu, meri new friend hai, maamu. *sniff* Juhi aul mumma... Aapki party me aa rahe the... Tab... Shop pe... Shop pe Pihu mili thi.

Veer ko dhyaan aaya. Yarnia. Uska naya clothing brand. Aaj hi toh launch tha. Na jaane kya chal raha hoga udhar? Uski Teju di, Ragini... Sab uska intezar kar rahi hongi.

Veer : Aur, phir?

Juhi : Ph-Phir... *sniff* Phir wo ajeeb se uncle ne humko magic dikhaya aul phir... *sniff* *sniff*

Veer ne apne daant meese.

Lure Path.

Woh kameena. Usne Lure Path ka istemal kar ke Juhi aur Pihu ko apni qaid me kara tha. Aur, ab Veer khud yaha tha — jaisi ki Disembowler ne yojna banayi thi.

Ab Veer ko unn dono ki raksha karni thi. Pihu ke muh se patti hataane ke baad, jaise hi usne pehla strap khola, bagal me baithi Juhi ka chehra achanak peela pad gaya.

Woh zorr se chillaayi,

"M-Maamuuuu! Peeechheeee!"

Maano jaise Veer ka khoon jamm gaya. Bhay ke chalte woh palta aur-

*Click*

[Master!]

Ek thandi dhaatu uski kalaaiyo ke ird-gird jakadti hui mehsoos hui. Derr ho chuki thi.

Nigaah jaise hi kalaaiyo par padi... Usne dekha... ki deewaro se lagi bhaari lohe ke zanzeerein uske dono haatho ko kheench rahi thi.

'When..?'

Hathkadiyaan! Aur, woh bhi sadharan nahi... Badi, moti, lohe ki asaani se na tootne waali hathkadiyaan.

Kintu, sirf wahi nahi... Zanzeer deewaro ke andar dhansi hui thi aur ek self retracting mechanism ke chalte waapas andar ko jaa rahi thi. Yaani ki Veer ki dono baah vipreet disha me khich rahi thi.

"Urgh!"

Usne apna bal lagaate hue apne haath kheeche aur apni position barkarar rakhi. Magar, akhir kab tak? Force itna zyada tha ki agar usne zara sa bhi khud ko halka chhora, toh uski dono baahein shareer se ukhad jaati.

Ek dheemi hasi hawa me goonji. Disembowler. Woh aa chuka tha.

"M-Maaaamuuuu!"

Juhi cheenkhi. Woh nanhe qadam lete hue bhaagi lekin-

"Aaaaaaaa!"

Disembowler ne ek jhatke me use pakad ke peechhe kheench liya.

"Juhiiiiiiiiiiii!"

Veer gurraaya. Disembowler ki paagal muskaan chaudi hui, uski aankhon me ek ajeeb si chamak thi.

"Kya tumne sach me socha tha? Ehe..." Usne fusfusaate hue kaha. "...ki mein samay par wapas nahi aa paunga?"




'Shit! Akhir usne kab-!?'

[Mein bhi wahi soch rahi hu, Master. Koi awaaz nahi, koi harqat nahi. Mujhe bhi sunayi nahi diya. I'm sorry.]

'Nahi, Pari! *frowns* Galti tumhari nahi hai.'

[It... It was my fault as well. I should have-]

'Stay alert, Pari!'

[Y-Yes, master!]

Veer Disembowler ki muskaan dekh ke samajh gaya tha. Kuchh gadbad thi.

Veer (frowns) : You... You did something. Didn't you?

Disembowler : Oh... You figured it out? Hehe! Yessss! After all... It's my chamber...

Ye Disembowler ka chamber tha. Zaahir hai usne kuchh kar rakha tha. Pari eka-ek apne kaam me lag chuki thi.

Veer (yells) : Kyu? Kyu kar rahe ho tum ye sab? Tumhara target toh mein tha na?

Disembowler : Hmm? Kisne kaha mera target sirf tum the... Hehehe... Mein toh shuru se hi inn bacchiyo ke peechhe tha. They would be my test subjects as well...!

Veer : Wh-What? Sh-Shuru se... peechhe?

Disembowler : Yesss! *grins* This time... My goal was to experiment with the young blood.

Veer : Y-Young blood? J-Juhi?!

Disembowler (smirks) : Yesss! Tumhe kya laga? Kya maine ye sab sirf tumhe yaha laane ke liye kiya tha?

Veer : !?

Disembowler : Ohh you are wrong, my boy... Ehehe... I... I did all of that to achieve something greater... Something which this world will come to acknowledge later.

Veer : ??

Disembowler : I'll create a magnificent masterpiece. A masterpiece that'll shake the whole world... Hahahaha...

Veer : What? Akhir chaahte kya ho tum? What are you trying to achieve? Y-You killed so many people...

Disembowler : I didn't kill them... Nooo!!! They died by their own...

Veer : !!?

Disembowler : Mein toh... Mein toh unhe masterpiece banaana chaahta tha... I... I tried so hard... I gave them so much love... But they failed... They failed miserably.

Veer (growls) : Madhuri ke pita... Prabhakar Uncle... Unse kya dushmani thi tumhari? Why did you pick him?

Disembowler : Huh? Ohh! That man... Yessss! I remember... Ehe... He didn't co-operate.

Veer : What?

Disembowler : Maine toh... Maine toh use offer diya tha. To become my test subject... But what did he do??? He rejected me!! He rejected my greatest offer. A golden opportunity... And, so... I killed him... Just one person... Ehe... I only killed one. I swear. Rest died because of their incapability.

Veer (frowns) : The experiment... Kis tarah ke experiment ki baat kar rahe ho tum??

Disembowler : Hmm? I guess it won't hurt telling my soon-to-become test subject... hehe... right?




Veer : !!??

Disembowler (grins) : Blood Transfusion.

Sunte hi Veer ka shareer thanda pad gaya. Ek tez sihran uske badan me daudi.

Saari kadiyaan ab aapas me judti jaa rahi thi. Aur, jaise-jaise Veer ko iska bodh ho raha tha, waise-waise uski aankhein hairat me felti jaa rahi thi.

Veer ke haav-bhaav dekh ke Disembowler jaise samajh gaya ki Veer bhi jaan gaya hai woh kya kehna chaah raha tha.

Blood transfusion. Iska matlab...

Veer ki nigaahein unn peechhe sheeshein ke bane cylinders par gayi jaha ajeebo gareeb aakritiya andar maujood thi.

The experiment!

Akhir kar, use ek maqsad samajh aaya. Uske badan me raungte khade ho gaye. Ye paagal insaan... Insaan ke khoon ko badalne ki koshish kar raha tha.

Magar, kis se?

Veer (gasps) : Y-You...!? H-How?

Aur, agle hi pal Disembowler ne kuchh aisa kaha jise sunn, pehle toh Veer aur Pari dono hi chakit hue par fir jaise hi Veer ne uske shabdo ko decode kiya... Uske perro taley zameen khisak gayi.

Disembowler (mutters) : SHB!! *grins*

[What?! SHB? What is that...? Master?]

Veer ki bauhe kasi. SHB? Y-Ye kya tha bhala? Lekin, fir jaise uska dimaag dauda. Aur, samajh aate hi uska badan wahi jamm gaya.

Pari ne Veer ke vichaar shoonya hote hi chinta me use awaaz lagayi.

[Maaasterrr? What is it? Kya hai ye SHB?]

Aur, fir Veer ki mann me aati awaaz ne Pari ko maun kar ke rakh diya. Kyunki, Pari jis SHB ke baare me poonchh rahi thi, uska matlab tha-

'SYSTEM HOLDER'S BLOOD!!!'

Sunte hi Pari ki rooh kaanp gayi. Woh akeli nahi thi. Veer ka bhi yahi haal tha.

Asambhav.

Akhir kaise?

Jaise Disembowler ne Veer ke sawaal ko pehle hi padh liya. Apni coat ki jeb se usne ek test tube nikaala jisme khoon ke rang ka ek taral padaarth bhara hua tha.

Disembowler (grins) : This is my first creation... Ehe... SHB... Diluted version... Do you know what wonders it can do?

Veer ka dimaag phatne ko aa chuka tha. Usne apne sapne me bhi ye kalpana nahi ki thi ki aisa kuchh bhi ghatit ho sakta tha. Iss tarah ki cheezein bhi astitva me thi.

Aur, agle hi pal use baat ko samajh aate hi ek aur jhatka laga.

Yeh paagal insaan... Ye paagal insaan ek saamanya aadmi ke khoon ko replace kar use ek system holder ke blood se bharna chaah raha tha — Blood transfusion.

This was his second experiment...!!!

Ek system holder ka khoon aam aadmi ke khoon se kayi guna taqatvar hota tha. Ye swabhavik tha. Tabhi toh system holders ke zakhm jaldi bharte the, shareer me chusti rehti thi. Taaqat ka strot agar system tha toh khoon uss taaqat ka woh driving factor tha.

Toh kya hoga jab kisi aise taqatvar system holder ke khoon ko ek aam aadmi ke shareer me pravesh karwa diya jaaye?

SHB ke molecules aam insaan ke khoon ke molecules ko takeover karne lagenge. Dekhte hi dekhte samay ke saath SHB ke molecules apni sankhya badha kar poori tarah se uss insaan ke shareer me take over kar lenge.

Dusre shabdo me... Ek aam insaan pehle se kayi zyada shaktishali aur kayi zyada buddhimaan bann jayega.

Aur, aisa agar har-ek insaan ke saath hua toh? Veer ki reedh me ek sihran daud gayi.

SHB. Matlab system holder's blood — ye ek diluted version tha. Zaahir hai koi bhi aam insaan itna saksham nahi tha jo bina kisi pareshani ke SHB ko apne andar le sake.

'W-Wait-!'

Tabhi, Veer ko dhyaan aaya ki kyu Disembowler tab se yeh keh raha tha ki usne logo ko nahi maara. Woh khud apni naqamyabi ki wajah se mare hai.

Iska matlab... Disembowler ne unn par experiment karna chaaha tha. Lekin, unke shareer itne saksham nahi the jo SHB ko apne andar sama sake.

Zaahir tha, unki maut nishchit thi. Par, agar aisa tha toh murders me victims ki blood reports se toh iska khulaasa ho jaana chaahiye tha ki shareer me kisi aur ka khoon bhi paaya gaya hai. Lekin, aisa toh hargiz nahi hua.

Veer ke chehre ke bhaav padh Disembowler jaise samajh gaya ki woh kya soch raha tha. Uttar usne khud ne hi prastut kar diya.

Disembowler : Didn't I tell you...? Ehe... It's the diluted version... If failed... It... oxidises... into the thin air... Ehehehe...




Veer poori tarah se shoonya ho gaya. Toh, isliye har victim ke shareer par ghaav the. Taaki, khule ghaav ke chalte khoon ka sampark hawa se ho sake aur SHB ke molecules oxidise ho sake.

[I-Impossible! It...]

Ab saari baatein sense bana rahi thi. Ye itna bada game tha Veer ko iska andaza nahi tha. Woh blood lancet jo use Divya ke sang investigation ke dauran mili thi... Koi shaq nahi tha ki woh Disembowler ki hi thi. Akhir, woh ek paagal doctor jo tha.

Use iss baat se bhi ab hairani nahi hone waali thi ki Disembowler ne woh jaan boojh ke giraayi thi, taaki Lure Path ke zariye usko apne tak laaya jaa sake.

Poore samay... Veer ek kathputli ki tarah uske niyantran me tha.

'It... It can't be...!'

Use abhi bhi yakeen nahi ho raha tha. Iss angle se bhi cheezein ghatit ho rahi thi!? Uske peeth peechhe!?

Magar, sawaal tha ki akhir ye blood kiska tha? Disembowler ke kuchh der pehle kahe gaye bol fir uske mann me goonj gaye. Woh kaanp utha.

Veer (mutters) : C-Crimson!?

Aur, Disembowler ki muskaan ajeeb dhang se fel gayi.

Disembowler (grins) : Hehe... Yes...

Parantu, kaise?

Veer : Y-You... You were there!?

Disembowler : Yesss.... Yes, I was... *grins* I was there the whole time... Watching you two fight to death.

Disembowler shuruwat se Las Vegas me hi nahi, France me bhi unke saath tha. Iska matlab, Crimson ke marte hi-

Disembowler (nods) : I took his leftover body parts... Because of you... I failed to take him as my test subject...

Naya khoon utpann karne ke liye shareer ka zinda rehna aavashyak tha. Agar, Disembowler ko SHB chaahiye tha toh system holder ka jeevit rehna zaroori tha. Tabhi, toh woh use apna test subject bana ke uske shareer se lagatar SHB nikaal sakta tha.

Magar, Veer ne uski ye tarqeeb chaupat kar di thi jab usne Crimson ko jaan se maara tha. Aur, isliye, woh Veer ke peechhe tha. Kyunki, Veer ne hi uska mission fail karwaya tha. Jis wajah se use ek naya mission praapt hua. Aur, woh mission tha — Veer ko apna naya test subject banaana.

Disembowler ne Crimson ke bache hue ango se khoon ko nikaala aur uss se hi usne apne pehle creation ko anjaam diya tha — SHB.

Use ye bhi samajh aa gaya ki kyu iss paagal vyakti ka naam tha — Disembowler.

Disembowel ka arth hi tha — shareer ke andhruni ango ki cheer-faad karna. Aur, cheer-faad karna waale vyakti ka naam pada — Disembowler.

Lekin, Disembowler ne abhi tak... Naye khoon waale shareer me apna prayog nahi kiya tha. Naya khoon maane nanhe bacche, jinki rago me javaan khoon beh raha tha. Aur, isliye-

Veer : J-Juhi-! Nahi-!

Ek adult ki tulna me ek chhote bacche ki immunity aksar kam hi hoti thi. Aise me agar unke shareer me SHB ko daala jaaye toh ye toh sarasar maut thi. Magar, Disembowler ko ye baatein bhala kaha samajh me aane waali thi? Uske liye toh experiment pehle tha. Logic baad me. Yuhi nahi woh sarfira kehlata tha.

[Found it...!]

Pari ki awaaz achanak Veer ke mann me aayi.

*Ding*

[Skill : Oblivion Mark.
Description : Can be used in a particular room. Mark the four walls of the room with the oblivion mark in which the user wants to take control. Once marked, the room will negate the alertness of the intruder. And, keep him/her in the 'unawareness' state. It also, enhances the user's stealth.

Note : If the intruder is out from the marked region, he/she will be free from the effects.]

Yahi wajah thi. Jo Veer aur Pari dono hi uske andar aane ki awaaz ko sunn na paaye. Uski har harqat se vanchit reh gaye.

"Maaaaamuuuuuu-!"

Mauka paate hi apne muh se Disembowler ka haath hataate hue Juhi chillaayi.

Disembowler : Enough...! I'll first deal with you little sweetie~ Hehe...

Usne Juhi ko surgical bed par litaaya aur ek strap lagaate hue use pakde rakha. Apni coat se usne ek syringe nikaali jo usi padaarth se bhari hui thi — SHB.

'N-No-!' Veer ghabraya.

Disembowler (grins) : Ehe... Time for the experiment little girl...

Juhi (shrieks) : Ungh... Maaaamuuuuuu-!

Syringe ki needle Juhi ke haath ki orr badhi...

Veer (screams) : Juhiiiiiii-!

Veer chillaaya.

"Urrrghhh!"

Zanzeero ki khanak kamre me goonj rahi thi. Veer ne apne daant peese, apni mazboot bhujao ko usne unki seema tak felaaya.

Khichaav lagataar jaari tha — jaise maano do ugra bael uski bhujao ko kheench unhe cheerne ki koshish kar rahe ho. Uska poora shareer uss taaqat ke chalte kaanp raha tha, nasey ubhar rahi thi, maanspeshiyaan uske vidroh se fool rahi thi.

*Rip*

Blazer ke andar uski shirt uski shakti ko rok paane me asamarth reh gayi aur dhadalle se fatati chali gayi.

"Haaaaaaaaaaaarrrghhhhh!"

Uske galey se ek karkash dahaad nikli, uski aankhein krodh me jalne lagi — kyunki, uske saamne Disembowler ke gande haath Juhi ko jakde hue the.

Woh rakshasi doctor apne dastaane waale haatho me syringe liye Juhi ke haath ki orr badha. Syringe ki nok Juhi ke haath ko lagne jaa rahi thi.

Juhi uski pakad se baahar nikalne ke liye koshish karti rahi, uska chehra aansuon se lathpath tha. Uski nanhi bhujaaye sangharsh kar rahi thi, woh chhatpata rahi thi.

"Nnnngghhh-! Nnnnn-!"

Kintu, Disembowler ka haath uske muh ko jakde hua tha, jis se bechaari ki cheenkhein dabb ke reh gayi. Syringe ki sui halke ujaale me chamak uthi.

Sui aake seedhe Juhi ke badan par lagi... Woh ghusne hi waali thi jab-

Veer dahaad pada.

"Haaaaaaaaaaaarrrghhhhh!"

*Rumble* *Rumble*

Uski dahaad poore kaksh me ek shockwave ki tarah fel gayi. Deewarein kaanp uthi.

Disembowler : Huh!?




Disembowler ki aankhein chaudi ho gayi, uske perro ke neeche ki zameen kaanp uthi. Poora central chamber kampan me doob gaya. Disembowler ka haath wahi ruk gaya, aur agle hi pal-

*CRACK*

Chains toot gayi.

Jo tanaav Veer aur zanzeero ke madhya itni derr se bana hua tha woh achanak se toot gaya. Aur, uss tension break ke chalte tooti hui zanzeerein kisi sarp ki tarah Veer ki orr humla karne ko aayi, magar Veer tez tha.

Usne apne haath aenn waqt par upar kiye, aur ek pal me, bhaari kadiyaan uski dono bhujao ke ird-gird lipat'ti chali gayi.

Uski aankhein gusse se jal rahi thi. Nazrein Disembowler par tiki.

Aur, woh badha.

*Whoosh*

Apni kalai ke ek jhatke se, zanzeer uske haath se sulajhte hue khuli aur hawa me bhayanak seeti bajaate hue, Disembowler ke muh ki orr aayi.




Disembowler ke paas pratikriya karne ka koi samay hi na bacha, lekin ghaatak prahaar se bachne ke liye usne Juhi ko chhora aur jaise hi woh bagal me hata, uski taraf aati zanzeer seedhe uske peechhe bani concrete ki deewar par jaa kar bhidi.

Aur, woh bhidant hi deewar ke chithde udaane ke liye kaafi thi.

Veer abhi uss sher samaan tha jo pinjre se chhoot chuka tha. Woh aage ki orr jhapta, uska shareer visfotak gati ke chalte dhundhla ho gaya.

Disembowler ne Juhi ko firse chheen'ne ki koshish ki, kintu Veer pehle hi hawa me kood chuka tha.

"Haaaaarrghhh!"

Bhaiyankar yuddh ki dahaad ke saath usne apni baazuo me lipti dono zanzeero ko neeche ki orr ghumaya. Zanzeerein haath se khuli aur zameen par do bhaari bharkam hathodo ki tarah aa kar giri.

*BOOM*

Iss zordaar bal se neeche ka farsh fatt kar reh gaya, tiles toot ke ukhadte hue baahar ko aa gayi, daraarein bijli ki tarah unn par fel gayi.

Poore chamber me ek shockwave fel gayi, jis se Disembowler ko peechhe hatna pada. Hawa me dhool aur malba udd gaya.

Magar, fir-

Afra-tafri ke beech, Disembowler ajeeb dhang se muskuraya. Ek jaankaar lagbhag manoranjak bhaav uske chehre par aaya jab usne ek qadam peechhe liya. Usne ek shabd bhi nahi kaha. Use kuchh gyaat ho chuka tha.

Kyunki, zanzeer ke uss self-retracting mechanism, jo usne khud ne banaaya tha, ne apna uddeshya poora kar chuka tha.

Uska khud ka strength stat 160 tha. Dynamometer ki sahayata se use apni taaqat ke force ka pata tha. Aur, isliye usne mechanism iss qadar banaaya taaki woh Veer ki shakti ka aaklan kar sake.

Agar, Veer ki strength 160 ke zara si bhi neeche hoti, toh sirf khichaav se uski baahein uske shareer se alag ho jaati. Kintu, aisa nahi hua.

Iska matlab sirf ek hi tha.

Veer ki strength — 160 ke upar thi.




Disembowler ki muskurahat aur gehri ho gayi. Uska dimaag tezi se chal raha tha, gadna kar raha tha. Ab uske paas paryaapt data tha.

Aur, ab woh jaanta tha — ki Veer se kaise bhidna hai.

Veer ne ek second bhi barbaad nahi kiya. Uske haath tezi se aage badhe aur usne Juhi ko baandhne waale straps khol diye. Jaise hi woh azaad hui, woh Veer ki baaho me simat gayi. Uska chhota sa shareer Veer ki chhaati me aake kaanp utha.

Woh uss se aise lipti jaise kisi khoye hue bacche ko apna ghar mil gaya ho. Koi zordaar siskiyaan nahi, koi rona-dhona nahi — bas khamosh kaanpti saansein. Uski ungliyaan Veer ke blazer me dhans gayi, maano ek darr ho ki agar use chhora toh woh use humesha ke liye kho degi.

Veer ne uske sarr par pyaar se haath fera.

Veer : Sab theek hai, Juhi! Hum ghar chal rahe hai, okay?

Juhi ne haami bhar apna chehra uske seene me chhipa liya, uske aasu uski shirt ko bhigo rahe the.

Parantu, Veer ka kaam abhi khatam nahi hua tha.

Usne usi surgical bed se ek chaadar uthaayi, ek tez jhatke se usne use do hisso me faada aur uski sahayta se Juhi ko apni kamar se baandh liya. Ab use Juhi ko pakadne ki zaroorat nahi thi.

"M-Maamu?"

Achanak aayi ek aur awaaz ne uska dhyaan kheencha.

Pihu.

Woh use kaise bhool sakta tha? Juhi ki dekha-dekhi kar Pihu ne bhi use 'maamu' kehte hue pukaara.

Woh ab tak apne aasu roke hue thi, lekin ab ve lehro ki tarah beh rahe the, uske bandhe haath Veer ki taraf baahein felaane ki koshish me lage the.

Veer : Pihu!

Woh bina samay barbaad kiye turant aage badha aur saare straps khol daale.

Jaise hi woh azaad hui, woh lagbhag uss par kood padi.

Pihu (sobs) : M-Mummy... Papa...!

Veer ne use uthaate hue apni peeth par laada. Aur, Pihu ne bhi rote hue apne chhote-chhote haath uske galey me lapet liye.

Woh apna ek haath peechhe le gaya, aur neeche se sahaara dete hue usne Pihu ke wazan ko sambhaala. Do nanhi bacchiyaan, apni jaan ke liye uss se lipti hui thi.

Aur, tabhi-

*POP*

Ek teekhi awaaz ne uska dhyaan kheencha.

Veer ki aankhein Disembowler par tiki. Disembowler ke haath me wahi test tube tha. Usne apne anguthe se test tube par lagi cork ko khol diya tha.

SHB.

Paagal ke hontho par ek daravni muskaan fel gayi. Aur, fir-

*GULP*

[HE DRANK IT!?]

Pari cheenkhi. Disembowler ke muh se halki si dhue ki dhundh nikli. Usne chatkaarte hue apne muh ko aasteen se poochha.

SHB ko piya bhi jaa sakta tha? Veer ke kaano me punah uske bol goonj gaye.

'Do you know what wonders it can do?'

Use uske sawaal ka uttar mil gaya, aur use ye bhi samajh aa gaya ki-

Kyu Disembowler ne uske khoon ko chaata tha. Aur, kyu usne aisa kaha tha—

'Oooohhhh... It's better!!!'

"The real fight will begin now Veeeeer! Ehehehe..."

Aur, woh bhaaga. Bhayanak gati se. Uske haatho me uska lohe ke staff tha.

*CLANG* *CLANG*

Veer ne turant apne chains se bandhe haatho ka istemal kar attacks block kiye.

Chingaariyaan fel uthi. Achanak se Disembowler ki taaqat badh chuki thi.

[Ye zaroor uss SHB ki wajah se hoga.]

Disembowler kisi paagal aadmi ki tarah humla kar raha tha, uske vaar bina ruke baras rahe the, jaise koi paagal jaanvar apni zanzeero se chhoot gaya ho.

*CLANG* *CLANG*

Veer ne apne daant meese.

[Master! Rakia's blow...]

Veer jaanta tha kya hone waala tha.

*CRACK*

Aur, wahi hua-

Disembowler ke hontho par muskaan saji, block toot chuka tha, usne staff se vaar kiya-

Magar, Veer taiyaar tha.

Apna dusra haath turant aage kar usne punah block kar liya. Aur-

*CLANG*

Zordaar bhidant ke chalte unke beech ek shockwave uth gayi. Veer ki baazu kampan kha ke reh gayi.

Par, Disembowler ke mann me kuchh aur tarqeeb thi. Woh lagatar Veer par humle kar dabaav banaata jaa raha tha.

Qadam-dar-qadam, Disembowler Veer ko peechhe dhakel raha tha. Veer ka perr achanak jab kisi cheez se takraaya toh uska dil ek second ke liye ruk gaya.

Peechhe halki si nazar maarte hue use nazar aaya-

SPIKES!

Lohe ke spikes neeche zameen par aur peechhe ki deewar se lage hue the. Aur, Pihu — woh toh uski peeth par hi thi.

'Shit!'

Uski nazar akasmat upar ki orr gayi. Pankha. Woh band pada tha. Ek ceiling fan jiski blades moti aur mazboot thi.

Ek tez jhatke ke saath usne apni ek zanzeer pankhe ki orr feki aur zanzeer blade ke upar se hoke neeche aake dobaara latak gayi.

Disembowler ka ek aur vaar-

*Dodge*

Veer ne chakma diya. Usi harqat me usne apna dahina haath peechhe kiya, Pihu peechhe lage spikes se bhid jaaye uss se pehle woh usko pakad aage ki orr laaya aur use pankhe ki blade se latakti hui chain ki orr dhakela.

Pihu ne subconsciously woh chain pakdi aur agle hi kshan-

*Swoosh*

Veer ne Pihu ko dhakel diya. Pihu chain par latki toh pankhe ke circular motion ki wajah se woh dhakke ke chalte Veer se door ho gayi.

Mauka dekhte hi Veer ne ek laat seedhe Disembowler ke pait par maari, aur jaise hi Disembowler peechhe hawa me uda-

Utne me Pihu pankhe ke rotational motion ka paalan karte hue waapas se Veer ke paas aa gayi.

Pihu ki aankhein bhay se chaudi ho gayi, lekin Veer ki orr waapas aate hi usne apne haath khole-

Aur, Veer ne use dobaara thaam liya.

Uss ek rotational motion ki wajah se chain pankhe ki blades me ulajh gayi aur unke ulajhte hi-

Veer ne bhar taaqat se zanzeer ko neeche kheench diya. Disembowler, jo abhi bhi hawa me tha-

Upar laga pankha, achanak se uski orr neeche aaya aur...

*CRASH*

Bhidant se sab kuchh ast-vyast ho gaya. Sab kuchh palak jhapakte hue tha. Veer ne zorr se saansein chhori.

[M-Marvelous... Y-You... Master... You are incredible.]

Veer ne jawaab nahi diya. Woh bhaaga. Baahar ki orr. Path Tracker me raasta bana hua tha use kaha se baahar nikalna tha.

Magar, jaise hi woh baahar jaane ke liye hua. Usne dekha ki jis raaste se woh aaya tha woh raasta band kar diya gaya tha. Raaste par bade bade patthar dale hue the.

Iska matlab, central chamber me aate waqt Disembowler ne ye raasta band kar diya tha.

'That bastard-!'

Veer ko dusra raasta dhoondhne ki avashyakta thi. Uska dil zoro se dhadak raha tha. Juhi ka wazan uske seene se chipke hue tha aur Pihu uski peeth par thi.

Tabhi-

*BOOM*

Zameen kaanp uthi. Ek gehri, haddiyaan hila dene waale kampan ne poori lair me halchal macha di, jis se ceiling se dhool aur dheeli bajri girne lagi. Dur se aaye jhatke ne poori sanrachna ko hila kar rakh diya.

Aur, tabhi ek awaaz goonji.

"Where are you??? Hehe!"

Juhi aur Pihu ke badan thar-thara uthe. Juhi ne apni pakad mazboot kar li. Veer ne use kaanpta hua mehsoos kiya. Peechhe tangi Pihu bhi chup na reh saki.

"M-Mummy... Uhuuu... P-Papa..."

Aur, uski dekha-dekhi me, Juhi ne — haule se apna sarr upar kiya. Usne Veer ki orr apni masoom aankhon se dekha. Uske honth khule, kaanpe, aur akhir uske muh se nikal hi gaya-

Juhi : P-Papa!?

*Badump*

Veer ki saans atak ke reh gayi. Juhi humesha use 'maamu' keh ke bulaati thi. Lekin, iss pal... Iss pal me, iss uthal-puthal me jahaan har taraf maut ka saaya mandra raha tha, usne use 'papa' keh ke pukaara.

Veer ko andar hi andar kuchh mehsoos hua. Unke beech ka bandhan ab sirf sneh ka nahi reh gaya tha — yeh kuchh aur gehra, kuchh atoot bann chuka tha.

Uski badi-badi khubsoorat aankhein Veer ko ghoor rahi thi — anishchit. Ek darr, kahi usne kuchh galat toh nahi keh diya?

Veer ne dheere se saans chhori, uska haath Juhi ke sarr par gaya. Usne dheere se uske sarr ko sehlaaya aur apni chhaati ke qareeb kheench liya.

Ek aansu ki boond uski aankhon se behte hue fisli.

Veer : Mm! Papa yahi hai. Aur, hum aapki mummy ke paas chal rahe hai. Okay?

Juhi (nods) : Mmm!

Veer ne tabhi apni jeb se kuchh nikaala. Ye wahi tohfa tha jo Pranjal ne use hospital me thamaya tha. Juhi ka tohfa.

Juhi : Ahn! Ye... Ye toh mela gift hai... Mein aapko dene waali thi.

Veer ne muskuraate hue use khola. Andar ek plastic ki khilaune ki ring thi.

Veer : Y-Ye?

Juhi : Mumma aur papa ki finger pe humesha ring hoti thi... Baad me mumma ne utaal di... Mumma bolti thi ki jo ek dusre se pyaal karte hai na... Unki finger pe rings hoti hai... Papa mumma se pyaal nahi karte the. P-Par... Aap karte ho na? Mumma bhi aapko karti hai... To... To ye ring aapke liye.

Veer : Huh?

[Ahn! My little cutie. Master!]

Veer ki aankhein narm pad gayi. Usne Juhi ko apne galey se laga liya. Plastic ki hi sahi, Veer ne woh ring apni ungli me pehen li.

*BOOM*

Parantu, komalta ka veh kshan toot gaya.

"Where are you??? Ehe... Ohh! I found you... Hehehe..."

Disembowler ki awaaz lair me goonji. Aur, saath hi Pari ki awaaz Veer ke mann me-

[Master!]

*Ding*

[Skill: Vibrato.
Description: Allows the user to send vibrations through the ground up to 100 meters. If these waves hit a living person, the user will be able to locate them instantly.]

'Shit!'

Woh zameen par tha. Disembowler nazdeek aa raha tha. Uski location leak ho chuki thi.

Veer ki aankhein ek sakre raaste ki orr gayi, jahaan deewarein sati hui thi. Bina kisi hich-kichahat ke woh uss orr bhaaga. Aur, uchakte hue uske perr split karte hue fel gaye. Vibrations agar ground se travel kar rahi thi toh kya hoga agar woh ground pe maujood hi na rahe?

*BOOM*

"Where are you??? Huh?? Oh! Are you trying to hide?"

Achanak, Disembowler ki awaaz band ho gayi. Vibrations bhi band ho gaye.

'Huh? Did we make it?'

"Hum bach gaye. Hai na?? Hehe!!!"

Veer ke kaan ke theek bagal se ek awaaz aayi.

'Shit!'

Lekin, derr ho chuki thi. Disembowler ki blade peechhe ladi Pihu ki peeth par lagne ko aayi aur tabhi-

*Ding*




PROBABILITY MANIPULATION

Pihu ki pakad achanak se Veer ke kandhe se chhooti, woh neeche giri, Veer ka ek haath peechhe ki orr use pakadne ke liye gaya, usne use pakad bhi liya, magar tabhi-

*SHNK*

Pihu jise Veer ne apne haath se thaam liya tha, woh achanak hi neeche girne lagi.

Nahi! Sirf, wahi nahi thi. Uske saath-saath Veer ka haath bhi tha.

Khoon hawa me fel gaya. Kata hua haath hawa me ghoom gaya, Pihu haath se alag hui aur neeche gir padi.

[Maaassttterrr!!]

Disembowler jaanta tha ki Veer ne Probability manipulation ka istemal kiya tha aur ye bhi ki yeh uska akhiri avsar tha. Isliye, usne Pihu ko target kiya tha.

Disembowler ne koi bhi waqt nahi gawaya. Iss baar usne Pihu ko uthaaya aur woh bhaaga.

Veer (screams) : Noooooooooo!!!

Veer ne kapde ko kheench ke gaath kholi, Juhi uss se alag hui. Dard itna ho raha tha ki sehna bahut mushqil hota jaa raha tha.

Veer : J-Juhi-!!

Juhi : Ahn!! P-Papa?? *sniff* Papa?

Veer (breathes heavily) : Ghabrana nahi hai, theek hai na? *huff* Jaldi, Juhi... *huff* Wo dikh raha hai na??

Usne ishara kiya — apne haath ki orr.

Veer : Juhi! Jaldi! *huff*

Aur, nanhi Juhi apne maamu ya yu kahe iss baar apne papa ke liye bhaagi. Uske chehre par dar saaf saaf jhalak raha tha. Aasuo se chehra bheeg chuka tha. Wo gayi, usne Veer ke ukhde hue haath ko apne dono haatho se uthaaya aur daudate hue woh uske paas laane lagi.

Laate hi Veer ne uski aankhein haath se dhak ke band karwa di.

Juhi (sobs) : P-Papa... *sniff* Papa...

Veer : Shhh!!!

Veer ne apna haath kati hui jagah par wapas lagaya.

*Ding*

['Limb Substitution' has been equipped.]

*Ding*

['Intimidating Presence' has been equipped.]

*Whoosh*

Veer ne Juhi ko thaama aur woh bhaaga.

*Ding*

[Time Limit : 5 minutes.]

Disembowler wahi ek mortuary room me ghus chuka tha. Sabse pehle Pihu ko apna test subject banaana hi usne sahi samjha.

Veer andar daakhil hua. Oxygen cylindere, liquid nitrogen cylinders aur na jaane kya kya flammable padaartho se mortuary room bhara hua tha.

Disembowler ne idhar Pihu ko litaaya. Coat se uski syringe nikli-

Veer bhaaga.

Uske dimag ne sab kuchh soch liya tha.

*SHNK*

Zanzeerein hawa ko cheerte hue aayi. Disembowler palta. Chain Pihu ke badan par bandhi-

HAWKEYE

Aur, dusri chain liquid nitrogen ke cylinder par jaa kar bandh gayi.

*SHNK*

Aur, Veer ne apni bhujaaye kheench li.

Pihu chain ke zariye uski orr udte hue aayi. Dusri orr se liquid nitrogen ka cylinder hawa me udte hue aaya.

Aur, aenn waqt pe-

Veer Pihu ko thaamte hi apni jagah se mud gaya. Disembowler ko laga ki Veer ne sirf Pihu ko hi kheencha tha. Veer ke peechhe se aa rahe cylinder ko woh nahi dekh paaya tha kyunki, Veer waha khade hoke apne shareer se uss udte hue cylinder ko dhak ke rakha hua tha.

Magar, jaise hi Veer hata.

Disembowler ko woh dikhayi diya. Aur, pehli baar, uske chehre par darr nazar aaya.

Woh jaise hi virodh me chillaaya-

*CRASH*

Cylinder se liquid nitrogen leak hui aur Disembowler ki cheenkh dabb ke reh gayi.

Liquid nitrogen. Ek aisa cryogenic liquid form jo darasal ek liquefied gas thi, jiska taapmaan tha : -196°C

Poore kamre me woh fluid iss tarah fela ki Disembowler ka shareer wahi barf ki silli ki tarah jamm gaya.

Liquid gas Veer ki orr aayi. Woh bhaaga. Magar, uske sarr ke kuchh hisse par frostbite aakhir lag hi gayi.



Woh dauda.

Bhaagte waqt usne oxygen cylinder ko giraaya.

*TSSSSSSS*

Oxygen leak hone lagi. Aur, apni jeb se lighter nikaalte hue Veer ne woh peechhe uchhaal diya.

*BLAST*

Jwalansheel padaarth aag pakde, woh jalne lage. Aur, lair ke andar hi andar ek dhamaake ne janm liya.

Ye Veer ki qismat thi, ya kuchh aur-

Jo woh raasta dhundhne me saksham tha. Lair se baahar woh kooda. Mission complete ho chuka tha.

Parantu, Pari ne use iski soochna nahi di. Kyunk, notification tha-

[Mission Failed.]

[Due to the host's partial completion of the mission, all the three penalties of the mission won't be applied.]

[Due to the failure of not killing the Disembowler, one penalty will be applied to the host.]

[Mission penalty : Loss of loved ones.]
.
.
.
.
.
.
.
.
.
.
Aaj ke liye itna hi guys.
The update consists of 10k words. Although 10k words ka hai but it'll feel like a 15k words update because poora update ek hi jagah par focused tha. I gave my everything for this update. I have tried really hard to let you guys imagine the fight as vividly as you can through my words. Umeed hai fight ke saath saath woh reveal bhi pasand aaya hoga. This was the real game which was going on behind everyone's back. Baaki, target 300 hai iss baar. I know ju log pahucha doge. Revos bhi aate rehne chahiye. And, of course one sketch is made by me. Milte hai agle update me.
Dhanyavad.

Jabardast awesome superb mind blowing fantastic look to great you r to good my friend