up-----------1
delhi ke mehnge tareen ilake me kai acre ki boundry wall ke beecho beech bani kothi bhano pratap singh ne kisi raja maharaja ke mahal se kam nahi banai thi. desh bhar me kothi ka shohra tha. dekhne wale kothi ko dekh bhano pratap singh ki amarat ka bakhubi andaza laga sakte the. senkdo ke hisab se naukar aur guards 24 hrs maujud rahte. boundry wall par kai morche banaye gaye the. koi parinda bhi kothi ke andr par nahi maar sakta tha.
bhano pratap singh ke bad raj laxmi parivar ki mukhya thi.
kothi ko kisi dulhan ki tarah sajaya gaya tha. aaj kothi ke andr desh bhar ki jani mani hastiyan maujud the. koi neta ho ya bada businessman.. sabhi maujud the.
raj laxmi ke bade pote vijay pratap singh ki shadi thi aaj komal rani ke sath. barson se ho rahe komal rani par jaan leva hamlon ke chalte komal rani aur vijay pratap singh ki shadi ki ja rahi thi. vaise bhi ab koi nahi raha tha komal rani ke parivar me. ek maa thi. jane wo mar chuki thi. ya dushmano ki kaid me thi. uska abhi tak koi ata pata nahi chal paya tha.
komal rani 24 ki ho chuki thi. uski shadi ki umar ho chuki thi. 5 saal se kothi ke andr akeli ji rahi thi. vaise to sab the. lekin uska koi apna koi khas nahi tha. raj laxmi ne yehi soch kar apne pote vijay pratap singh ki chahat ko dekh kar komal rani ke sath uski shadi ka nirnay lia tha. komal rani shadi nahi karna chahti thi. uski apni koi choice nahi thi. lekin shadi uski majburi bana di gai. na karti to usay mazbut sahara nahi mil pata. yehi baat raj laxmi ne komal rani se kahi. to bohut zayada force karne par komal rani maan gai thi. koi nahi tha uska apna uski zindagi me. koi nahi tha. jo uski zindagi ka faisla le sake. le de ke yehi ek parivar bacha tha. kothi se nikal kar ji nahi sakti thi. andekhe dushmano se jaan ko khatra tha.
raj laxmi ke parivar ke vijay pratap singh hi sabse badhiya mard tha. personality me aur rakh rakhao me number 1 tha.. komal rani ko vijay se mohabbat nahi thi. lekin koi bhi humsafar chahiye hi tha. so usne haan kar di.
kothi ko charon orr se, andr bahar se fully protect kar dia gaya tha.. kothi ke andr aur bahar kai gaurds the. neta aur bade bade businessmen bhi aaye hue the. to police bhi bhari matra me maujud thi. koi dushman hamla na kar de.. yehi soch kar suraksha par pura pura dhayan dia gaya tha.
ye baat bhi raj laxmi ke mind me thi. dushman komal rani ki uske pote se shadi nahi hone denge.. ye sochte hue raj laxmi ne koi chance nahi lia tha. senkdon gaurds aur itne hi police wale kothi ki suraksha kar rahe the.
asha to nahi thi. dushmano itni suraksha ke hote hue koi neech harkat karne ki koshish karta. lekin dushmano se kuchh bhi umid rakhi ja sakti thi.
kothi ke saamne hi khule lawn me shadi ka shandar mandap tayar kia gaya tha. pandit betha apne mantar padh raha tha. vijay pratap singh wahan betha hua komal rani ka intezar kar raha tha. komal rani se shadi uski life ki sabse badi chah thi.
thodi der guzri. fir komal rani parivarik ladkiyon ke jhurmat me jhilmilate libas ke sath aati dikhai di. vijay pratap singh ne jo komal rani ko dekha. to dekhta hi rah gaya. ab tak komal rani simple dress me hi rahi thi. aaj pahli bar saj dhaj ke sath aai thi. vijay pratap singh komal rani ki sundrta dekh apne hosh khone laga.
hosh to har dekhne wali ankh ke kho rahe the. kon tha. jo komal rani ki sundrta ko dekh mann hi mann me komal rani ki sundrta ki tareef na kar raha ho.. lakhon me hi nahi croro me ek thi komal rahi.....
vijay pratap singh ko hosh tab aaya. jab komal rani ko uski bagal me bitha dia gaya.. vijay pratap singh mohit hua komal rani ki sundrta ko apne itne karib dekh raha tha. soch raha tha. ye husan ki moorat aaj puri tarah uski ho jane wali hai.. kitna bhageshali ha woh..
vijay pratap singh sar jhatak mann me badbadaya---- mai konsa isse kam hon. ye lawaris ha aur main.. future ka badshah. komal rani kya bechti ha mere aage.
lekin komal rani ki sundrta ko dekh uski raal tapakne lagi thi. komal vijay pratap singh ko na dekh kar bina koi bhav chahre par laye palken jhuka kar beth gai..
raj laxmi komal rani aur apne pote ko dekh khushi se phuli nahi sama rahi thi. lekin iske bawajud woh kothi ki suraksha par bhi pura pura dhayan de rahi thi. jaise jaise samay beet raha tha. raj laxmi ko lag raha tha. ab bina kisi dikkat ke shadi samapt ho jayegi.
lekin nahi.. aisa nahi ho paya.. achanak se hi hawa me kai helicopters ke shor ki awazen sunaai dene lagi. raj laxmi samet sabhi sar utha kar upar dekhne lage. dekhte hi dekhte 8 helicopters ne puri kothi ko charon orr se gher lia.. kai mahman to cheekhte hue idhar udhar khisak liye.. raj lazmi aur uske parivar ke sabhi mard vijay pratap singh samet uth kar khade ho gaye.. komal rani ke dil ki dhadkanen jaise tham kar rah gai thi. wo soch rahi thi. itne helicopters ek sath. dushmano ne is baar bada khatarnak plan tarteeb dia hai usay pane ke liye. jaan se maarne ke liye.. wo bethi bethi apne mukdar ko soch puri jaan se kanp kar rah gai..
raj laxmi gaurds ko orders dene lagi.. lekin wahan kai neta aur desh ke jane mane businessmen bhi the. wo nahi chahte the. wahan ladai ho. warna shayad ladai me wo jaan se chale jaye..
raj laxmi unki sun pahli bar khud ko bebas samjhne lagi. warna wo jan de deti. khud mar jati.. parivar ka ek ek sadasay mar jata. lekin helicopters par aaye dushmano ki ek na chalne deti. lekin kothi ke andr wo aur uska parivar ekela nahi tha. desh ki jani mani hastiyan wahan maujud thi. wo man mani nahi kar sakti thi.
tabhi helicopters se announcement hone lagi. hum yahan jung karne nahi aaye han. hamari kisi se koi dushmani nahi hai.....
aisi hi kai baaten aur usne kari... fir 2 helicopters aur aate hue dikhai diye.. wo dono helicopters kothi ke andr pandap se kuchh doori par khuli jaga par zameen se 20 gaz upar thahar gaye..
dekhne walun ne dekha.. to ascharyachakit rah gaye.. helicopters ke khule darwazon ke 12 ladkiyan ek sath gymnastic ke kartab karti hui neeche kood padi.. kaiyon ki to cheekhen nikal gai.. kai hairani se helicopters se kood kar neeche gir rahi ladkiyon ko dekhne lage.. komal rani bhi hairat se sabhi ladkiyon ko dekhne lagi..
wo sari ladkiyan hathu ne ajib si guns thame mandap se kuchh aage 6 6 karke sides khadi ho gai..
raj laxmi unke paas pohchi.. aur kadak awaz me boli-- kon ho tum.. aur meri rajdhani me is tarah aane ki tumhari himmat kaise hui... vijay pratap singh ki shadi me rukawat paida hui thi. wo bhi chalta hua raj laxmi ke karib aa pohncha tha..
wo bhi khandani rob aur akad ke sath bola --- jan se maar donga ek ek ko.. jin pairon par aai ho. unhi pairon par wapis chali jaao..
shalini singh uska pati mahindr singh aur parivar ke dusre sabhi sadasy ladkiyon ko hairat aur guse se dekh rahe the. inke aane se unke khandan ki nek nami par ungli uthne wali thi. unke aane se shadi me rukawat padne wali thi. matlab khandani ki izzat mitti me milne wali thi.
zayada tar nafrat se sabhi ladkiyon ko dekh rahi thi. 12 ladkiyon me adhi foreigner thi..
ek ladki bade hi thahre hue andaz me boli -- sorry.. hum apne boss ke siva kisi ka order nahi manti..
mahindr pratap singh bhi gonjdar awaz me bola --- kon ha tumhara boss. kaha ha tumhara boss..
ye sun sari ladkiyon ke chahron par ek muskan ubhar aai.. wo sabhi saamne hawa me khade ek helicopter ko dekhne lagi.. tabhi us helicopter ke andr se ek ladka bade hi mahirana andaz me neeche kood pada.. uska chahra dhaka hua tha. personality me wo wahan maujud ek ek vyakti se kahin badhkar tha. uske hathu ka saaf rang uski chaal wahan maujud sabhi afard se juda thi..
zameen par thaharne ke bad wo bade hi shahana andaz me chalta hua 12 ladkiyon ke karib pohnchne laga. raj laxmi samet sabhi aane wale ko badi hairani se dekh rahe the. yahan ladkiyan hi nahi aane wala ladka bhi hairat angez khubiyon ka maalik tha. jitna unchi se ladkiyan fir ye ladka kooda tha.. kamal kar dikhaya tha..
kuchh to dil hi dil me tareef ke pul bandh rahe the.. ladke raj laxmi ke saamne na khada ho kar vijay pratap singh ke samne ja khada hua...
itne me CM jo keh shadi me special aaye the. wahan aaye aur mask boy se bole.
cm --- mere state me aise illegal andaz me aana allow nahi ha.. kon ho tum..
aane wale ne cm ko dekha.. mask se bahar dikhai de rahi thi uski ankhon me chamak paida hui.. wo cm se bola --- sir! aap mere liye bohut hi respected person han. isliye bass itna hi kahunga.. plz aap is matter me kuchh mat boliye
cm mind kar gaya -- mai state ka cm hon.. mujhse aise baat karne ki tumhari himmat kaise hui...
mask boy hasa --- hahaha... sir. aap cm han.. 2 4 saal cm rahenge.. fir aam admi ke jaise baki ki zindagi jiyenge.. lekin main... main badshah hon.. parte dum tak badshah rahunga.. isliye plz khamosh...
fir vijay pratap sinsh ko dekh bola ---- jo meri ha. tum usay apni nahi bana sakte.
vijay pratap singh mask boy ki ankhon me ankhen daal kar bola ---- matlab kya ha tumhara..
mask boy mandap me bethi hairan pareshan komal rani ko dekh bola ----- komal.. kal bhi meri thi.. aaj bhi hai....
fir wo dono baahen phela kar charon orr ghumta hua bola ---- komal i love you.. jab se tumhe dekha hai.. tumhara deewana ho gaya main.. mere dil ki ek ek dhadkan me tum ho.. marte dum tak tum hi tum rahogi.. mai badshah hon to tum mere dil ki malika ho..... dunya ki koi takat tumhe tumhe mujhse juda nahi kar sakti....
komal badshah ki baaten sun hairat ki inteha ko pohnchi usay dekhne lagi.. aaj tak kisi ne usse pyar ka izhaar nahi kia tha. kahan ye aane wala badshah ban usay apni malika bol raha tha..
vijay pratap singh taish me aa gaya. helicopters par aai force ko bhul wo badshah ki shirt pakad kar ghuseela lahje me bola --- jaan le loonga mai teri saale.. komal meri hone wali patni hi nahi.. hamare khandan ki izzat bhi hai.. koi aera ghera uska naam bhi le.. to mai uski zubaan guddi se nikaal kar khench daalun.. fir se komal ka naam na lena tum....
badshah ne apne sath aai ladkiyon ko dekha. jo honto par shant muskan liye apne bos ko dekh rahi thi...
badshah vijay pratap singh ko dekh bola ---- dunya me wo hath salamat nahi raha. jo mere collar ki orr badha.. tumne meri shirt pakdi.. mai fir bhi tumhe maaf karta hon. jante hon kyu..
jante ho kyun.......
itna bol badshah ne apne chahre se mask noch phenka.. badshah ka chahra dekh raj laxmi do kadam peeche ho gai.. hairat me aai ankhen phaad kar badshah ke chahre ko dekh rahi thi..
vijay pratap singh aur wahan parivar ke khade sabhi sadasy paglon jaise face banaye badshah ko dekh rahi thi..
tabhi shalini singh ki cheekh sunaai di... wo "suryaaaaaaaaaaaaa.. mere laal" cheekhti hui bhaagi..... aur badshah ke saamne ja khadi hui.. roti ankhon se apne bete ko dekhne lagi..
badshah ne shalini singh ke aate hi do kadam peeche hata liye the. shalini singh roti hui apne bete surya ko dekh rahi thi..
wahi komal rani ab aur bhi hairani se surya ko badshah ke roop me dekh rahi thi..
wahi surya ke pita mahindr singh surya ka chacha surya ki bahnen sab ajib ankhon se surya ko dekh rahe the..
surya cheekhta hua bola ----- main hon.. is parivar ka sabse useless ladka.. itna useless ki.. meri hi maa aur dusre sabhi mujhse thukna bhi pasand nahi karte.
shalini tadap kar aage badhi -- nahi nahi mere bete.. aisa mat kaho.. tumhare jane ke bad mai ek pal bhi chain se nahi so pai hon.......
surya hasta hua bola -- hahaha.. kya karti ho aap shalini singh ji... mere jaise do kodi ke ladke ke liye aap bechain rahi... nahi nahi.. mujhe aap ki baaten bahla nahi sakti. pahle mai useless ladka tha. mand buddhi tha.. koi mujhe janwar samjhta to mai janwar ban jaya karta tha. koi mujhe kohlo ke bail ke jaise treat karta to mai bail ban jaya karta. mai tha hi kyaa.. kon tha. koi hasti nahi thi meri.. koi hasiyat nahi thi meri..
lekinn aajj.. khair mai bhi itni baaten kahan kar raha hon.. mujhe aap me se kisi se koi bhi baat karne ki ichha nahi hai.. mai yahan apni jan apni komal ke liye aaya hon..
itna bol surya chalta hua mandap me bethi komal rani ke paas ja pohncha.... komal rani usay dekh ghabra kar uth khadi hui thi..
surya ka bada mann hua.. wo sone ki is murat ko chho kar dekhe.. lekin nahi chhoo sakta tha.
surya -- jaisa prem mai aap se karta hon komal rani.. aapki marzi ek bina mai aap ko chhoo bhi nahi sakta..... aap ko apna banana mere mann ki sabse badi aarzo hai.. lekin mai kuchh bhi apni marzi anusar nahi karunga.. dil par kisi ka zor nahi chalta.. mere dil par mera zor nahi chal saka. to mai aapke dil par kya zor chalaaon.. mai bas itna hi chahta hon.. aap ye shadi na karen..
komal rani koi aam ladki nahi thi. uska parivar desh ka nami girami khandan tha. wo us parivar ki sadasy thi.. ab tak khamosh rahi thi. bohut kam boli thi. lekin dil ki kamzor nahi thi.. surya ke kai roop usay dekhne ko mile.. lekin surya tha to isi parivar ka sadasy..
komal rani ki madhur awaz surya ke kano me padi ---- kyun.. main na karun mai ye shadi....
surya ne komal rani ki ankhon me dekha. fir bola ----- kya aap apni maa ko paye bina shadi kar sakti han. kyaa aap apne parivar ke dushmano ke nash se pahle shadi jaise bandhan me bandh sakti ha. kis dil se aap shadi ki surat milne wali khushiyon ko celebrate kar sakti han.. aur fir jo dil me na ho. kaise usay apna tan man sonp sakti han..
komal rani ko surya ka baat karne ka andaz bhane laga.. apni maa ki baat sun wo bechain hui. apne parivar ke katilon bare sun uske andr aag jalne lagi.. fir surya ki dil wali baat par uske dil ki dhadkano me thodi si hulchal machi..
komal rani ne side dekha.. raj laxmi aur parivar ke sabhi sadasy khade surya aur usay dekh rahe the. shalini singh ke bad ab surya ke dono bahnen ki ankhen bhegi hui thi.
komal rani ---- dil to mera tumhare liye bhi nahi dhadakta ha. fir tum bhi to mujhe nahi pa sakte ho.
surya --- ye dil ki lagi hai komal rani.. bhagwan ki kripa se mere pass wo hai. jo
surya apni dadi raj laxmi ki orr dekh kar komal rani se bola --- in sab ke paas bhi nahi hai.. mere pas nahi ha to aapka dil nahi hai.. aapke dil me mera nam nahi hai..
komal rani ---- dil par zabardasti to naam nahi likha ja sakta
surya --- pyar me zabardasti hoti bhi kahan ha
komal rani --- badi badi baaten karna seekh kar aaye ho
surya --- aur bhi bohut kuchh seekh kar aaya hon..
komal --- to batao..
surya ---- aapka dil jeetne ke liye mai wo sab kar jaaunga. jo aapka dil jeetne ke liye mumkin ho saka.
komal rani --- mai ab bhi nahi samjhi. tum mere dil jeetne ke liye kya kar sakte ho.. aur fir tum mera dil jeetoge hi kyu.. mai kitni badi hon tumse..
lekin wo surya ko apna saamne khade pa kar khud ko surya se bohut chhoti mahsus kar rahi thi.
surya --- pyar umar nahi dekhta komal rani.... mujhe aapka dil jeetna hai. uske liye mere pass ek hi rasta hai
komal rani -- konsa rasta?
surya ---- aapko is layak banaonga.. aap khud se apne dushmano se badla le sakenge.. agar aapki ichha hui.. mai aapki mother ko bhi dhund nikalunga.. lekin mera chahta hon. aap is kaabil ban jayen.. aap ko meri sahayata ki zaruarat na rahe.. apne dum par apni mother ko bhi talash karen.. aur apne parivar ke katilon se gin gin kar badla len.. aapka dil jeetne ka bass yehi ek rasta meri samjh me aata hai...
komal rani ka dil dhadkane laga.. apni maa ke liye machalne laga. apne parivar ke katilon ke jalne laga. fi wo dukhi lahje me boli -- mai ek nazuk si ladki hon. kuch bhi to nahi kar sakti.....
surya -- agar mujhse vishwas kar saken.. to sab kuchh mujhpar chhod den.
surya ne apna hath badha dia..
komal surya ke hath ko dekhne lagi. jo halke se kanpne laga tha..
komal rani ko hairani hui.. itna strong hote hue bhi surya kanp raha tha.. itni badi force le kar aaya tha. itne shahana andaz me aaya tha. lekin uska hath thamte hue kanp raha tha..
komal rani itne barson me pahli bar dil se muskurai.. fir usne apna hath surya ke hath par rakh dia.. surya ko yakeen nahi aaya.. wo hath uske hath me hai.. jis ki chah barson se wo dil me paal raha tha.. surya ka dil bhi zor zor se dhadakne laga. uski ankhen nashe se band hone lagi. dunya ki sabse badhkar dil ko bhane wali ladki ka hath uske hath me tha..... usay khud par garv mahsus ho raha tha..
komal rani khansti hui boli -- sab dekh rahe han surya..
surya ne hadbada kar ankhen khol den. jhat se komal rani ke hath se apna hath alag karta hua apne hath ko dekhne laga. fir beakhriyar apne hath ko chum gaya..
komal rani ko aisa laga. jaise surya ne bhari mahfil me uske hath ko chum lia ho. pahli bar uske dil ki dhadkano me jaise koi naghma goonja..
surya --- to fir chalen mere sath.
komal rani ---- kahan.. mai jab se is kothi me aai hon. surakshit rahi hon. bahar jaungi to mere andekhe dushman mujhe jaan se mar denge.
surya muskuraya---- dunya me koi aisa nahi hai. jo badshah se takra sake.. mai surya hon aapke liye. sab ke liye.. lekin mai dushmano ke liye badshah hon. mujhse takrana to door ki baat mera saamne karne wale ki pant geeli ho jati ha..
itna bol surya komal rani se soory bolne laga.. sorry main shabdo ka galat istemal kar gaya..
komal rani surya ko hairani se dekhne lagi. sochne lagi. kitna samman de rha ha surya usay... usay dil ko khushgawar ahsas hua.. uske dil ne kaha. wo surya ka hath ankhen band karke thaam le.. uski har baat maan le.
komal rani --- kaha lejaoge mujhe
surya -- aisi jaga.. jahan koi aapka saya bhi na pa sake...
komal rani -- to fir mujhe le chalo.. zindagi agar tabdeeli chahti ha to main bhi khud ko badalne ka pura pura prayas karungi.. dekhungi. zindagi mujhse kaisi kaisi prikshaen aur leti hai.. pura parivar kho chuki hon mai. jitna nuksan uthana tha maine utha lia..
komal rani surya ke sang mandap se utarne lagi.. komal rani ke surya ke sath jane ki baat par hulchal mach uthi.. komal rani ek dulhan thi. kuch hi der me uski shadi vijay pratap singh ke sath hone wali thi.
lekin shadi khatai me pad gai thi... komal rani surya ka hath thame chalne lagi.. raj laxmi kaise sahn kar pati.. vijay pratap singh ya kisi ke liye bhi surya ki amad fir komal ka shadi na karte hue surya ke sath jana pasand nahi aya.
raj laxmi surya aur komal rani ke beech aa gai.. dono ko pahle to sakht nazron se dekhne lagi. fir narm padte hue boli ---- surya bete.. komal beti ko youn leja kar tum khandan ki izzat mitti me milane ja rahe ho. nahi.. mai aise tumhe komal rani ko lejane nahi de sakti...
Award + 5000 Likes + 30 days sticky Thread (Stories)
Award + 3500 Likes + 15 day Sticky thread (Stories)
Award + 1000 Likes