"vardhan group vs ashmita sood, case 29.sunvai ho"
"milord ye Saare saboot aur ye DNA test ke aadhar par ye saabit hota hai ki rishi sood ke biological father mere client Mr Vijay vardhan hai, Saath hi Saath Ms ashmita sood ke Sri ram microchip factory ke handover me delay karna aur mere client ko mentally harass karna. Ye sab yahi dikhata hai ki ms ashmita sood mere client se paise ke chakkar me itna gir gayi ki basic morality hi bhool gayi"lawyer bola
"defence lawyer ko kuch kehna hai??" judge ne poocha
Counter attack karne ka koi matlab nahi tha defence lawyer ke Paas
Ashmita toot kar rone lagi, kuch nahi kar sakti thi wo, vardhan group ke Saamne kya tik paati wo
"aapka kya Naam hai beta??" judge ne poocha
"rishi sood" rishi ne jawab diya apni maa ko dekhkar. Ek nazar vijay par bhi daali usne
"aapko pata hai na aap yahan kyun khade hai??" judge ne poocha
"ji" rishi bola.
"to fir aap bataiye aapko mummy aur papa me se kiske Saath rehna hai??" judge ne poocha
Vijay aur ashmita dono ka dil zor zor se dhadakne laga
Kuch din pehle kuch lawyer ne rishi ko video games, chocolates, cartoons ka lalach diya to fir do din pehle hi main lawyer ne Disneyland ka lalach diya, dekhte hai kaam karta hai ya nahi. Vijay ko yakeen tha ki wo case jeet jayega
"uncle" rishi ne dheere se bola
"bolo beta, daro mat. Kisi Se darne ki zaroorat nahi hai, aap batao aap kiske Saath rehna chahoge" judge bola
"kya mai, dono ke saath ek Saath nahi reh sakta??" rishi bola
"beta aapko dono me se ek chunna hai" judge bola
"lekin papa aur mummy to ek doosre se bohut pyaar karti hai, bas ek chota sa jhagda ho gaya aur fir..." rishi ne nazre jhuka li
"y ye sab kya hai rishi,kyun jhoot bol raha hai tu sabke Saamne" ashmita court me hi chilla uthi
Rishi ne nazren jhuka li
"order order" Judge bola
"madam ye court hai, please iski dignity ko maintain rakhiye warna aapko majbooran mujhe is court room se bahar nikalna padega" judge bol utha
"sorry sir" ashmita baith gayi chup hokar
Lekin ye kya Bakwaas kar raha tha rishi??
"beta are you sure tumhare mummy papa ke beech sab theek hai?" judge ne poocha
"sir sir Ladka jaanta hi nahi kuch, bachha hai isliye..." lawyer ne baat sambhalne ki koshish ki
"bachha hai isliye sachha hai Mr vaidhya. Please chup rahiye" judge bola to lawyer chup ho gaya
"beta aap mummy papa ke saath rehna chahte hai?" judge ne poocha
"ji uncle" rishi bola
"hmm" bol judge ne kuch likhna shuru kiya aur ashmita ke saath vijay bechain ho utha judgement sunne ke liye
"poore maamle ko dekhte hue adalat is natije par pohunchi hai ki rishi sood ki custody dono ko Saath leni hogi, ek saal ka Waqt dete hai. Dono pati patni ko Saath rehna hoga, ek saal baad fir dono case lad sakte hai agar ye workout nahi hua to. Usse pehle nahi"judhe bola
Kya?? Ek Saath is Insaan ke saath??
Nahi nahi ashmita ko chakkar aane laga. Rishi dekh raha tha ashmita ko. Use wo khona nahi chahta tha, payal aunty ne jo kaha wahi kiya usne
He bhagwan sab thik kar dena
"sorry sir, mai kuch kar na saka" lawyer bola vijay se
"nahi yaar, you did your best. Last moment me rishi palat gaya" vijay bola
"ab aapko ms ashmita ke saath rehna hoga sir" lawyer bola
vijay ne ek gehri saans li aur apne hotel me pohuncha
Bags pack ho chuke the aur asmita nikalne wali thi rishi ke saath
Mrs sarita majboor thi, kyunki unke beto ne unki suni kab hai
Na wo ashmita ki madadkar sakti thi aur na use koi advice de sakti thi
------------------------------------------------------------------
"aap mujhse kyun milna chahte the sir??" roma ne poocha
"jay ki zindagi se door chali jao roma, sabke liye acha hoga" ranvijay bola
"aap??" roma ne poocha
"ranvijay vardhan, Jay ka bhai" ranvijay bola
"mai jay se pyaar karti hoon sir" roma boli
"fir ye kya hai??" Paul ne apna mobile nikal kar dikhaya roma ko to uske hosh udd gaye
"agar jay se pyaar karti ho to ye sab??" ranvijay ne poocha
Roma khamosh rahi
"jay ke milne se pehle karti to thik tha, lekin uske Saath Rehne ke baad bhi ye sab chalta raha" ranvijay bola
Roma chup thi, kya kehti
Ranvijay ne apne pocket se cheque book nikala aur kuch likhkar sign kar diya
"ek crore. Tum aur tumhare pitaji baith kar khayenge tab bhi paisa kam nahi padega, aur agar pada to maang lena. Chalta hoon" ranvijay uth kar khada ho gaya aur darwaze se ek baar roma ki aur dekha
Rone ke alawa kuch nahi kar sakti thi wo
Aur ye sab ranvijay kaafi dekh chuka tha
Gaadi uska wait kar rahi thi aur wo usme baith kar chala gaya
