Saari ki Saari saturn group ke employees excited the aaj
Ranvijay a raha tha
Victor frame ka CEO jisne ek aise company ki neenv rakhi jisne bas kuch hi saalo me Baaki gaming studios ki neend gayab kar di
Meera khadi thi haathon me bouquet lekar
Zamana ho gaya ranvijay ko dekhe hue aamne saamne
Pehle thoda bohut interview aaya tha, abhi busy schedule ke chalte interview dena band kar diya usne
POOOOONNNNKKKK
gaadiyon ke kaafile ko dekhkar meera muskura uthi
Hotel ke Saamne ruki gaadiyon ka kaafila aur ranvijay beech wali Gaadi se utar kar bahar aaya
Ek jhalak me meera statue hi gayi
Kya handsome ho gaya hai ranvijay,school me bade baal the jise ab usne chote kar liye
Poora clean shave aur personality to bas....
"madam??" kumar ne meera ko dekha to usne halka sa ishara kiya
Aur meera apne khayalon se bahar a gayi
"ranvijay tum.."
"nice to meet you Ms meera" ek smile ke saath meera ke haath se usne bouquet liya aur de diya ashwin ko aur kumar ke saath aage badh gaya conference hall me
"itne dino baad acha laga dekhkar ranvijay" meera boli
"50 million ms meera" ranvijay bola
"kya??" meera ne poocha
"aap jo gaming studio bechna chahti hai uske badle me"ranvijay bola
"too less" kumar bola
"Mr kumar are you the decision maker of saturn??" ranvijay ne apne Saamne rakhe hue pen se khelte hue bola
Kumar ne meera ki aur d kha aur apna sar khula liya
"good, so it's final, 50 millions" ranvijay bola
Meera. Muskurai aur ranvijay ke saath haath milaya
Ek solid handshake kiya ranvijay ne
"let's have lunch" ranvijay bola aur poori team uthkar chali gayi
Meera ko yakeen nahi ho raha tha ranvijay ko dekhkar
Itna badlaav??? Ye ranvijay wo nahi hai jo meera ki choti choti khushiyon ke liye daudta rehta tha
"tum to kuch kha hi nahi rahe ho ranvijay??" meera ne ranvijay ke plate ko dekhkar bola
"it's fine meera" ranvijay bola
Ranvijay ke favourite dishes order kiya tha meera ne lekin ranvijay ne use chua tak nahi
"lunch was really good" ranvijay bola jisne sirf roti aur daal khayi thi
"so Ms meera it's was nice meeting with everyone, agar hum competetors bhi hai to kya hua?? Hum beech me aise meetings kar sakte hai" bol meera ko bye bol nikal gaya ranvijay apni team ke saath
"iski meethi baaton me mat aaiye madam, jitna bakwas usne kiya hai sab ke sab jhoot hai" kumar bola lekin meera ko hosh kahan tha
Wo to sirf ranvijay ko dekhe ja rahi thi
------------------------------------------------------------------
"arr ye aap kya kar rahe hai madam??" ashwin sar ke maare bol utha
"khana bana rahi hoon ashwin bhaiyya"payal haskar boli
" ghar me khana banane ke liye Chaar log hai madam fir bhi?? "ashwin bola
" apne ghar ka khana doosre kyun banaye?? "payal haskar boli
Mr vardhan peeche se dekh rahe the payal ko
Chulbuli si, bas kuch hi dino me is jagah ko ghar bana diya
Bas ranvijay ko sambhal le aur kya chahiye unhe
Har kisi ke saath pyaar se baat karti hai, ghar ke naukar se lekar office ke staff tak har koi payal se milakar muskurane lagta hai
Kya hai is ladki me? Ek mamooli ladki hi to hai, fir kyun ranvijay se zyada is ladki ke charche hote rehte hai ghar me???
"papa chaliye aaj se aap ki exercise shuru" payal boli
"koi zaroorat nahi" Mr vardhan bol uthe
"zaroorat hai, agar aapko gajar ka halwa khana hai to" payal bol uthi
Mr vardhan ka chehra ekdum khil utha lekin fir payal ko dekh kar serious ho gaye
"to thik hai aaj plan cancel banane ka" payal boli
"cancel kyun m mai taiyyar hoon exercise ke liye" Mr vardhan bole
"hmm jab mai job interview se wapas aaungi tak karenge exercise" payal boli
"job??" Mr vardhan ne poocha
"Haan papa aaj mera interview hai, aapka aashirwad chahiye" bol payal jhuk kar aashirwad lene ke liye pair chuye
"lekin job ki kya zaroorat hai beta??" Mr vardhan hairan the
"har insan ko apni zindagi me kuch na kuch karna padta hai papa, mai ek. Educated ladki hoon kuch banna chahti hoon, is naye safar ke liye ho sake to aashirwad dijiye" payal boli
Mr vardhan payal ko bas dekhte ja rahe the
